Te veel wapens, sê Zuma

Daar is baie wapens wat in Suid-Afrika rondlê, het president Jacob Zuma gesê.

“Baie mense word doodgemaak weens dié wapens,” het Zuma tydens die bekendstelling van die presidensiële blitslyn gesê.

Hy het gesê sodra misdadigers ‘n wapen uithaal sal hulle skiet om dood te skiet.

“’n Polisieman het drie keer na ‘n misdadiger geskiet om sy wapen neer te lê, maar hy is in elk geval doodgeskiet,” het hy gesê met verwysing na kapt. Carl Scheepers wat Saterdagaand in Brooklyn doodgeskiet is.

Zuma het gesê daar word in ander lande se huise ingebreek, gesteel en gevlug, maar in Suid-Afrika breek die misdadigers in en wag vir die eienaar om huistoe te kom.

Hulle eis daarna die kluis se sleutels en indien die eienaar weier, word hulle doodgemaak,” het Zuma gesê.

“Ons kan nie toelaat dat onskuldige mense doodgemaak word nie.”

Zuma het verlede maand met polisiekommissarisse van reg oor die land vergader en ‘n beroep op die polisie gedoen om dood te skiet.

“Ek dink die bedoeling is duidelik wanneer ‘n misdadiger sy wapen uithaal,” het Zuma tydens daardie vergadering gesê.

Dit is die polisie se verantwoordelikheid om die publiek te beskerm, het hy bygevoeg. Wanneer hulle lewens en die lewe van onskuldige mense egter bedreig word, moet ‘n ander alternatief oorweeg word.

 

game of life online free playФильчаков прокурор харьков

Minister blaas kwartmiljoen op luukse verblyf

Sewentien dae in die presidensiële suite, in een van Kaapstad se mees luukse hotelle, en die geselskap van vyf polisiemanne en twee amptenare, het belastingbetalers bykans ’n kwartmiljoen rand gekos sodat Nathi Mthethwa, minister van polisie, sogenaamd ‘n dak oor sy kop kon hê terwyl daar opknappingswerk aan sy ampswoning gedoen is.

Mthethwa het tussen Mei en Julie 17 aande in die luukse Table Bay-hotel in die V&A Waterfront oornag.

Die presidensiële suite kos R5000 per nag.

Bykomende uitgawes beloop bykans R8700, met etes wat amper R6000 gekos het en drank R630.

Mthethwa het R1000 geblaas om sy pakke te laat droogskoonmaak en byna R900 se oproepe van die telefoon in sy hotelkamer uitgebel. Die minister het ‘n amptelike selfoon.

Fikile Mbalula, die minister se adjunk, het een aand teen R3600 in ’n “superieure kamer” in dieselfde hotel oornag.

Die kamers vir die sewe beamptes het die belastingbetaler R132 200 uit die sak gejaag en hul etes R2600, drankies R673 en wasgoed R2180.

Die hele rekening vir Mthethwa en sy entourage was R234 902, 67.

Dianne Kohler Barnard van die DA het dit as ’n “selfkoesterende daad” beskryf omdat die meerderheid Suid-Afrikaners in ellende leef.

“Hy kon in Akasiapark (die parlementêre dorp in Goodwood buite Kaapstad) gebly het nes die res van ons. Ek weet daar is huise wat oop staan. Of is hy te goed? Is hy beter as ons?” het Kohler Barnard gevra.

Mthethwa kon Woensdagaand nie vir kommentaar bereik word nie.

Besonderhede oor die minister se uitspattige ampsmotors het ook aan die lig gekom.

Hy het ‘n BMW740i en ‘n Mercedes Benz ML500 teen ‘n bedrag van R1,6 miljoen aangeskaf met bykomende luukshede soos ’n sondak, sportvering en elektroniese sitplekverstelling, waarmee hy in Kaapstad en Pretoria rondry.

 

розвиваючі ігри для дітей 2-3 рокилобановский александр фото

Adv. Barbie skuldig bevind

Die voormalige advokaat, Cézanne Visser, is in die Pretoriase hooggeregshof skuldig bevind op 11 van die 14 aanklagte teen haar.

Waarnemende regter Chris Eksteen het bevind dat Visser ‘n gewillige maat was in die seksuele mishandeling van drie jong meisies van ‘n kinderhuis en drie ander jong vroue.

Visser het skuld ontken op 14 klagtes van bedrog, onsedelike voorstelle aan minderjariges om onsedelike dade te pleeg, onsedelike aanranding, verkragting, besit en vervaardiging van kinderpornografie en die besit van dagga.

Sy is daaraan skuldig bevind dat sy die kinderhuis bedrieg het om voor te gee sy en haar voormalige minnaar, Dirk Prinsloo, getroud is om sodoende die kinders die naweek by hulle te laat deurbring.

Sy is verder skuldig bevind op 3 klagtes dat sy ‘n 15-jarige meisie gevra het om onsedelike dade te pleeg en die onsedelike aanranding van ‘n 11- en 14-jarige meisie en twee ander vroue.

Visser is ook skuldig bevind op aanklag van besit en vervaardiging van kinderpornografie.

Die regter het bevind dat Visser ‘n aktiewe deelname gehad het in seksuele aktiwiteite by Prinsloo se huis.

“Die hof het bevind dat die beskuldigde nou vir gerieflikheidshalwe agter die aksies van Dirk Prinsloo wil skuil om haar eie optredes en dade te regverdig,” het Eksteen, in sy uitspraak gesê.

Hy het gevind dat dit onwaarskynlik is dat sy nie haarself versoen het met haar voormalige minnaar se modus operandi om slagoffers te bedwelm en hulle dan seksueel te misbruik nie.

Dit was ook onwaarskynlik dat sy drie jong meisies by ‘n kinderhuis gaan haal het en nié geweet het dat Prinsloo hulle seksueel wil misbruik nie.

Sy beweer dat Prinsloo, wat tans in ‘n Russiese tronk is, haar soos ‘n pop gemanipuleer het en dat sy slegs sy bevele uitgevoer het.

Eksteen het gesê dat as sy nie ‘n wil van haar eie gehad het nie, sou sy nie ernstig met Prinsloo baklei het, om verskoning aan een van die jong meisie gevra het, alle aanbiedinge van hulp om van hom af weg te kom verwerp het en vals verklarings onder eed gemaak het om hom te beskerm nie.

Die verhoor is tot 8 Desember uitgestel sodat die staat en die verdediging verdere verslae kan kry.

 

Visser se borgtog van R5000 is verleng.

 

игри для дэвочэкданильченко юрій броніславович

Zuma-hulplyn bly beset

Sommige mense sukkel om na die presidensiële blitslyn deur te kom weens hoë volume oproepe, het president Jacob Zuma gesê.

“Ons is besig om aan die probleem te werk sodat alle oproepe die aandag kry wat dit verdien,” het Zuma tydens die bekendstelling van die presidensiële blitslyn, 17737 in Pretoria gesê.

Hy het gesê die feit dat sommige nie kon deurkom nie, nie in ‘n negatiewe lig gesien moet word nie, maar eerder as ‘n sukses beskou moet word.

Die hoë volume oproepe bewys dat talle mense wat hul bekommernisse met die regering wil deel.

“Ons sal voortgaan om die diens elke dag te verbeter totdat elke Suid-Afrikaner kwaliteitdiens met gerief kan ontvang.”

‘n Opname wat in September gedoen is, het bevind dat die vrae en probleme baie ooreenstem en meestal te doen het met behuising, water en elektrisiteit.

Die kwessies rondom behuising het gewoonlik onvoltooide bouwerk en ontwikkelingsprogramme ingesluit, asook die vertraagde behuisingstelsel en korrupsie in die department.

Daar was ook baie vrae oor die department van arbeid wat verwys het na beweerde korrupsie, onregverdige afdanking en algemene probleme rondom werkloosheid.

Die blitslyn is daarop gemik om die regering meer toeganklik vir die publiek te maak.

 

best bridal jewelrytopcargo отзывы сотрудников

Airlink-loods sterf

Die SA Airlink-vlieënier wat op Erfenisdag in ‘n vliegongeluk in Durban betrokke was, het aan sy beserings in die hospitaal beswyk, berig Eyewitness News.

Kaptein Alistair Freeman en drie ander mense is ernstig beseer toe die vliegtuig kort ná dit opgestyg het, op ‘n skoolveld in Merebank, suid van Durban, neergestort het.

Chris Botha, ‘n woordvoerder van Netcare, het gesê Freeman het ernstige inwendige beserings opgedoen en het omstreeks 01:00 in die hospitaal gesterf.

Die ander beseerdes se toestand is stabiel.

Vroeër is berig dat die vliegtuig kort na sy vertrek al ‘n noodgeval aangemeld het.

Dié inligting is verskaf deur die lugredery Airlink, wie se vliegtuig in die ongeluk betrokke was.

“Die vliegtuig, ‘n Jetstream 41 (29 sitplekke), het vanaf Durban Internasionale Lughawe vertrek en net nadat dit opgestyg het, is daar vanuit die vliegtuig ‘n noodgeval verklaar. Lugbemanning het ‘n verlies van enjinkrag geraporteer, en rook het rook van agter die vliegtuig uitgestroom,” lui ‘n verklaring op die redery se webwerf.

Die tuig het in drie stukke gebreek.

Die vliegtuig was glo op pad na Pietermaritzburg toe die ongeluk om 08:00 plaasgevind het.

Daar was geen passasiers aan boord nie.

 

пескоструйка своими рукамиФільчаков Олександр Васильович

Swart golf kom

Pres. Jacob Zuma het die ANC se beleid van nie-rassigheid verdedig in ’n onderhoud met ’n Engelse dagblad. Hy het gesê ’n debat oor ras is onnodig. “Ons moet nie-rassigheid bevorder. As ons begin sê ‘kom ons praat oor ras’ dink ek ons is besig om agteruit te boer”.

Hy het egter vir Julius Malema, die ANC-jeugleier wat in sy uitsprake net op ras konsentreer, in die bres getree: “Hy is jonk en hy leer nog.”

Malema het onlangs Zuma se keuse van ministers van ekonomiese sake op grond van die feit dat hule nie swart is nie, gekritiseer.

Malema aan joernaliste gesê: “Ons [swartes] kan nie net tot die poste wat met veiligheid verband hou, beperk word nie terwyl die minderhede die belangrike kwessies van die ekonomie hanteer nie.” Hy het Gill Marcus as die nuwe president van die Reserwebank uitgesonder.

“Die ministers van polisie, intelligensie en justisie – hulle is almal Afrikane. Maar in die ekonomiese portefeuljes is hulle almal uit minderhede”.

Malema het na ministers Pravin Gordhan (finansies), Ebrahim Patel (ekonomiese ontwikkeling) en Rob Davies (handel en nywerheid) verwys .

Malema het gesê “Afrikane is ook bevoeg om strategiese poste in die ekonomiese portefeuljes te beklee”.

Die ANC se nasionale uitvoerende komitee het die rasaangeleentheid twee weke gelede bespreek en Malema het ondersteuning gekry van ministers Nathi Mthethwa (polisie) en Lindiwe Sisulu (verdediging), asook die voormalige ANC-hoofsweep Tony Yengeni.

 

игр детскиеФільчаков Олександр Васильович прокурор

SAPD ‘diskrimineer nie teen blankes’

Die Suid-Afrikaanse Polisiediens, SAPD, diskrimineer nie teen blankes nie.

Dit was Dinsdag die boodskap van Zweli Mnisi, polisiewoordvoerder.

Volgens Mnisi is meer blankes die afgelope drie jaar teruggeneem in diens van die SAPD as enige ander ras.

’n Totaal van 568 van die 987 aansoeke om herindiensneming deur die SAPD is gefinaliseer.

Nege en dertig persent hiervan was wit blanke mans en 33% was swart mans, het Mnisi gesê.

Wit vroue het 13% van die totaal uitgemaak, gevolg deur kleurling mans met 7%.

“In die lig van hierdie data is dit nie geregverdig om te sê die SAPD diskrimineer teen wittes nie,” het Mnisi gesê.

Die polisiewoordvoerder het ook gesê die departement bedank almal wat misdaad beveg, ongeag hul ras of geslag.

 

deposit freeлобановский александр дети

AA maan teen rooftogte in Zim

Die Outomobiel Assosiasie, die AA, het motoriste gewaarsku om nie laatnag in die buurland rond te ry nie.

Dít volg nadat ‘n hele rits rooftogte op die Harare-pad in Zimbabwe aangemeld is.

Gary Ronald van die AA het gesê rowers teiken mense in die noorde van die Beitbruggrenspos in Zimbabwe.

“Die voorvalle is by die kruising van die A4 en A6 net buite Beitbrug ná donker aangemeld.”

Die misdadigers teiken motors wat stadig deur die gebied beweeg deur hul motorbande af te blaas.

“As die bestuuder stop om die voertuig na te gaan, word die insittendes aangeval en beroof. Al die voorvalle is ná donker by die AA aangemeld,” het Ronald gesê.

Ronald het reisigers gemaan om formaliteite by die grenspos vroeg af te handel om sodoende hul bestemming voor donker te bereik.

 

для водоснабженияtopcargo отзывы сотрудников

Suid-Afrikaner sterf in Suidpool

Die 25-jarige weerkundige Johann Jamneck is dood in ‘n klimongeluk by die Suid-Afrikaanse Suidpoolstasie, het die departement van omgewingsake Dinsdag gesê.

“Spanlede het hul reddingstegnieke binne ‘n skeur geoefen toe die ongeluk (Sondag) plaasgevind het,” het die departement in ‘n verklaring gesê.

Die oefeninge het ingesluit dat hulle by toue op- en afklim en katrolstelsels opstel om mense mee op te trek.

Sy lyk sal in November met ‘n huurvlug teruggebring word na Suid-Afrika.

Dit is die vroegste geleentheid, aangesien Antarktika nie toeganklik is hierdie tyd van die jaar nie.

Jamneck het 2007 op Marioneiland deurgebring en dit so baie geniet dat hy aansoek gedoen het vir die pos as weerkundige op die Antarktika-ekspedisie.

Hy het Kaapstad op 23 Desember 2008 op die SA Agulhas verlaat as deel van die 48ste Suidpool-span wat deur die winter daar bly. Hy sou in Februarie 2010 terugkeer.

“Die direktoraat van Antarktika en eilande van die departement van omgewingsake wat verantwoordelik is vir die Suid-Afrikaanse Nasionale Antarktiese program, is baie jammer oor die ongeluk.”

“Buyelwa Sonjica, minister van water en omgewingsake, het haar medelye aan Jamneck se familie oorgedra.”

 

fun gladiator gamesлобановский александр интервью

80 ambulanse kry voete

Die bestuurder en hoof van administrasie van Limpopo se nooddienste word ondersoek vir finansiële wanbestuur, het die provinsie se departement van gesondheid en sosiale ontwikkeling Dinsdag gesê.

Volgens woordvoerder Selby Makgotho is Bim Kerupashad, die bestuurder, en Herbert Phaahla, administratiewe hoof, drie maande gelede geskors “op grond van aantygings van wanbestuur van finansies.”

“Die departement is besig om in verskeie aspekte in te kyk. Die hele saak word nog ondersoek. Ek kan nie meer inligting op hierdie stadium verskaf nie,” het hy gesê.

The Sowetan het Dinsdag berig dat 80 van die nooddienste se 100 ambulanse wat in 2007 deur die departement gekoop is, spoorloos verdwyn het.

Berigte dat Kerupashad en Phaahla die 80 voertuie, ter waarde van R48 miljoen, verkoop en die geld in hul eie sak gesteek het, gaan deel vorm van die ondersoek.

Die departement van gesondheid het versoek dat dié nooddienste ‘n dringende verslag oor die saak indien.

Makgotho wou nie bevestig dat die voertuie verdwyn het nie en het gesê dat dit deel uitmaak van die ondersoek en dus kan hy nie kommentaar lewer nie.

“Ons kan in die stadium niks hieroor sê nie, aangesien die ondersoek aan die gang is,” het hy gesê.

Die twee is geskors om te verseker dat die ondersoek kan plaasvind sonder inmenging.

Makgotho het gesê dat die ondersoek binne enkele maande voltooi sal wees.

‘n Waarnemende bestuurder en hoof van administrasie is aangestel om die twee se werk te doen, het Makgotho gesê.

 

строительство бани своимитопкарго кидалы