Nuus Archives - Page 963 of 1583

Shell sê skaliegas is SA se enigste energie-antwoord

Volgens Jan-Willem Eggink, hoofbestuurder van Shell in Afrika, is die ontginning van skaliegas deur hidroliese breking die enigste oplossing om Suid-Afrika se koolstofspoor aansienlik te verbeter. Dit kan ook ‘n antwoord bied op die land se stygende energie-aanvraag.

Suid-Afrika se verbintenis tot die beperking van kweekhuisgasse is reeds deur pres. Jacob Zuma tydens die beraad oor klimaatsverandering in Denemarke bevestig, het Eggink gesê.

Eggink was ‘n spreker by die Afrika-gaskonferensie in Johannesburg.

Shell beplan om dié projek as een van die mees ekologiesvriendelike gasontginningsprojekte ter wêreld te bestuur. Eggink sê Shell sal nie die Karoo se waterbronne aantas nie en bestudeer reeds ander maniere om water in te bring.

Jonathan Deal, voorsitter van die Treasure Karoo Action Group (TKAG), het Shell en ander oliemaatskappye gedurende sy aanbieding by die konferensie nogtans versoek om nie voort te gaan met dié ontginning nie.

Volgens Deal bestaan daar steeds nie genoeg bewyse dat die potensiële voordele die risiko’s van “fracking” of hidrouliese breking oorskadu nie. Suid-Afrika behoort eerder ondersoek in te stel na hernubare energie vanweë klimaatsverandering en ‘n dreigende waternood.

Deal het die minister van energie, Susan Shabangu, gevra om die taakspan wat sy aangewys het om hidrouliese breking te ondersoek, te ontbind. Hy sê daar heers onduidelikheid oor die taakspan se doelwitte.

Die Karoo sal geweldige skade ly indien lisensies vir gasprospektering en gasproduksie toegestaan word omdat die voor- en nadele van die hidroliese breking steeds nie behoorlik opgeweeg is nie, sê hy.

Abel Malan op borg vrygelaat

Kaapstad – ‘n Boer wat van aanranding beskuldig word op prof Anton van Niekerk van die Universiteit van Stellenbosch, is Woensdag deur die plaaslike landdroshof op R5 000 borgtog vrygelaat.

Abel Albertus Malan, 47, is die kleinseun van Danie Malan, ‘n prominente sakeman wat betrokke is by die versekeraar Sanlam.

Malan, van die Nelspruitomgewing, het na bewering die professor in sy kantoor gekonfronteer op 14 Julie oor ‘n artikel wat op 5 Julie in Die Burger verskyn het.

In die artikel, wat Malan aanstootlik gevind het, het die professor geskryf dat die gevolge van apartheid nooit sal eindig nie en daarom beskik alle blankes oor ‘n swaar skuldlas. In die hitte van die konfrontasie, het Malan na bewering die professor se lessenaar omgegooi.

Malan staar twee aanklagte in die gesig – intimidasie omdat hy na bewering gedreig het om die professor aan te rand, asook aanranding met die opset om ernstig te beseer.

Malan het vlugtig voor landdros Anita Potgieter verskyn, wat as die borgtogvoorwaardes beveel het dat hy sy paspoort by die polisie inhandig en teen 20:00 op Woensdag uit Stellenbosch padgee.

Ander voorwaardes is dat hy weer in die hof op 25 Augustus moet verskyn, wanneer die saak oorgedra sal word na die Stellenbosch-streekhof.

Malan is gewaarsku om nie enige kontak, direk of indirek, met Van Niekerk te hê nie.

Hy moet die ondersoekbeampte in kennis te stel van enige verandering van adres, en mag nie in die Stellenbosch-landdrosdistrik sonder toestemming wees nie, behalwe om die hofverrigtinge by te woon.

‘n Laaste voorwaarde was dat hy elke Vrydag tussen 6:00 en 20:00 by die Nelspruitpolisiestasie moet aanmeld.

Malan is gewaarsku dat hy weer in hegtenis geneem sou word, en sy borgtog teruggetrek sou word indien hy enige van sy borgvoorwaardes oortree.

Kaapstad – ‘n Boer wat van aanranding beskuldig word op prof Anton van Niekerk van die Universiteit van Stellenbosch, is Woensdag deur die plaaslike landdroshof op R5 000 borgtog vrygelaat. Abel Albertus Malan, 47, is die kleinseun van Danie Malan, ‘n prominente sakeman wat betrokke is by die versekeraar Sanlam.

Malan, van die Nelspruitomgewing, het na bewering die professor in sy kantoor gekonfronteer op 14 Julie oor ‘n artikel wat op 5 Julie in Die Burger verskyn het. In die artikel, wat Malan aanstootlik gevind het, het die professor geskryf dat die gevolge van apartheid nooit sal eindig nie en daarom beskik alle blankes oor ‘n swaar skuldlas. In die hitte van die konfrontasie, het Malan na bewering die professor se lessenaar omgegooi.

Malan staar twee aanklagte in die gesig – intimidasie omdat hy na bewering gedreig het om die professor aan te rand, asook aanranding met die opset om ernstig te beseer.

Malan het vlugtig voor landdros Anita Potgieter verskyn, wat as die borgtogvoorwaardes beveel het dat hy sy paspoort by die polisie inhandig en teen 20:00 op Woensdag uit Stellenbosch padgee. Ander voorwaardes is dat hy weer in die hof op 25 Augustus moet verskyn, wanneer die saak oorgedra sal word na die Stellenbosch-streekhof. Malan is gewaarsku om nie enige kontak, direk of indirek, met Van Niekerk te hê nie. Hy moet die ondersoekbeampte in kennis te stel van enige verandering van adres, en mag nie in die Stellenbosch-landdrosdistrik sonder toestemming wees nie, behalwe om die hofverrigtinge by te woon. ‘n Laaste voorwaarde was dat hy elke Vrydag tussen 6:00 en 20:00 by die Nelspruitpolisiestasie moet aanmeld.

Malan is gewaarsku dat hy weer in hegtenis geneem sou word, en sy borgtog teruggetrek sou word indien hy enige van sy borgvoorwaardes oortree.

Aanbring van plakkers gelyk aan ‘openbare geweldpleging en ernstige saakbeskadiging’

Die president van die Verkennersbeweging, mnr. Ben Geldenhuys, het gister tesame met vyf ander lede van die organisasie in die Pretoriase landdroshof verskyn, nadat hulle Sondagaand in hegtenis geneem is vanweë plakkers wat op naamborde in Nelson Mandelarylaan, Pretoria, geplak is.

Geldenhuys (38) en mnr. Jan Beyers (31), die tesourier, asook mnre. Ewald Graefe (30), Tommy Harmse (33), Rian Combrink (27) en Cobus Pretorius (25) het op aanklagte van openbare geweld, opsetlike saakbeskadiging en die oortreding van die padverkeerswet verskyn.

Die ses mans, wat sedert Sondagaand vir die aanbring van die plakkers aangehou is, is op R1 000 borgtog elk vrygelaat. Hul prokureur, mnr. Marius Coertze, het die aanklag van openbare geweld as “absurd” bestempel. ““Hulle het nie enige geweld gepleeg nie. Dit was ’n demonstrasie van vryheid van spraak.”

“Nelson Mandela Drive” soos dit nou bekendstaan, was voorheen as Voortrekkerstraat bekend. Deur plakkers op die naamborde aan te bring, wou die ses volgens die sekretaris van die Verkenners, mnr. Alwyn de Klerk, hul spraakvryheid aanwend om die vrylating van mnr. Clive Derby-Lewis in belang van “billikheid, geregtigheid en vryheid” te eis. Derby-Lewis dien tans lewenslange tronkstraf uit vir sy aandeel aan die sluipmoord op die SAKP-leier, Chris Hani. Derby-Lewis is op parool geregtig, maar tot dusver het die staat verseg om hom vry te laat aangesien Hani se familie en die SAKP daarteen gekant is.

Volgens die staatsaanklaer, mnr. Sipho Letsoalo, het die groep beplan om al die naamborde in Nelson Mandelarylaan met plakkers te vervang waarop Clive Derby-Lewis se naam verskyn. “Hulle het die optrede beplan sodat dit saamval met die ikoon Nelson Mandela se verjaardag. Dit sou tot openbare geweld lei,” het Letsoalo in die hof beweer.

In repliek het Coertze gemeen daar was geen geweld nie, die aanwysingsborde is nie beskadig nie omdat die plakkers agterna afgetrek kon word en dat ’n aanwysingsbord nie onder die padverkeerswet se definisie van ’n padverkeersteken ingesluit is nie.

Buite die hof het mnr. Coertze namens die ses aangeklaagdes verklaar: “Die mans het die naam van húl volksheld bo dié van ander mense se volksheld gaan plak. Die doel van die plakkers was nie om te beskadig nie, maar om Boere te laat dink aan volkshelde soos Clive en genl. Koos de la Rey.”

Die saak is tot aanstaande maand vir bykomende ondersoek uitgestel.

‘n Ander lid van die Verkennersbeweging, mnr. Abel Malan, verkeer tans in die selle op Stellenbosch omdat hy na bewering prof. Anton van Niekerk in die gesig geslaan het tydens ‘n onderonsie oor laasgenoemde se artikel in Beeld en Die Burger waarin hy die blanke bevolking se morele skuldlas weens apartheid beskryf.

продвижение топкарго кидалы

Ses wat Mandela-naamborde toeplak, vas

Ses mans is in hegtenis geneem nadat hulle na bewering plakkers gebruik het om aanwysingsborde in Pretoria van Nelson Mandela Rylaan tot Clive Derby-Lewis Rylaan te verander, het die polisie Maandag gesê.

Volgens lt. kol. Tshisikhawe Ndou is die ses mans Sondagaand op kringtelevisie in Nelson Mandela Rylaan in Sunnyside betrap.

“Die polisie het hul na die toneel gehaas en die ses mans, wat verskeie ‘vervangings’-plakkers in hul besit gehad het, daar betrap. Hulle is in hegtenis geneem en na die Sunnyside-polisiekantoor geneem.”

Hulle het geweier om hul optrede aan die polisie te verduidelik.

Die mans, tussen die ouderdomme van 25 en 38, word aangekla van opsetlike saakbeskadiging en sal na verwagting Dinsdag in die Pretoria-landdroshof verskyn. Volgens Ndou word die mans nie met enige regse bewegings verbind nie.

Derby-Lewis, ‘n voormalige politikus van die Konserwatiewe Party, dien lewenslange tronkstraf uit vir sy rol in die sluipmoord op die sekretaris-generaal van die SAKP, Chris Hani, in 1993.

21 one and

Man wat Murdoch sink, dood aangetref

Sean Hoare, die verslaggewer wat bewerings oor die berugte News International-afluisterskandaal aan die kaak gestel het, is dood gevind.

Volgens die polisie is Hoare se dood by sy huis in Engeland nie verdag nie en word geen gemene spel vermoed nie, het Brittanje se Press Association-nuusagentskap berig.

Twee gesiene polisiehoofde moes reeds bedank weens die skandaal. Gerugte dat Hoare vermoor is omdat hy Murdoch se media-empaaier in ‘n slegte lig gestel het, doen ook glo die rondte.

Hoare het in ‘n berig aan die New York Times gesê die afluistering van stemboodskappe word wyd gebruik en word selfs deur die News of the World-koerant, onder leiding van die gewese redakteur, Andy Coulson, aangemoedig.

Coulson, wat tot onlangs die kommunikasiehoof van die Britse premier, David Cameron, was, is in hegtenis geneem as deel van die ondersoek na die afluistering van stemboodskappe en bewerings van korrupsie deur die polisie.

для сварки

ANC staan byna op 1 miljoen lede

Die ANC is binne trefafstand van sy teiken van een miljoen lede voordat dié party volgende jaar sy honderdste bestaansjaar vier, het President Jacob Zuma Maandag gesê.

Die party se ledetal staan op die oomblik op 914 852 – ‘n groei van 198 057 lede sedert September verlede jaar, toe die party ‘n amptelike ledetal van 749 112 gehad het, het Zuma gesê in ‘n verklaring wat by die Lilliesleaf-plaas in Rivonia, Johannesburg, vrygestel is.

“Ons moet verseker dat ons groei in getalle nie die karakter van die ANC verander nie.

“Die werwingsprogram sal dus geanker wees in twee hoof-rigtings, naamlik ‘n massiewe werwingsveldtog wat nuwe potensiële lede nader aan die een kant en ‘n fokus op politieke opvoeding aan die ander kant,” het Zuma gesê.

“Die veldtog sal ons lede leer om getrou te bly aan die beginsels van eenheid, selflose diens, kollektiewe leierskap, demokratiese sentralisme, interne debatvoering, nederigheid, eerlikheid, harde werk, konstruktiewe kritiek en selfkritiek, dissipline en wedersydse respek. Hierdie maak alles deel uit van die beweging se tradisies.”

Die ANC sal “ure aaneen” werk om die doel van een miljoen lede teen vroeg volgende jaar te bereik, het Zuma gesê.

Hy het gesê die veldtog is Maandag geloods om oudpresident Nelson Mandela te vereer.

“Die ANC is ontsettend trots om Madiba as leier te hê. Ons is trots om vandag sy nalatenskap met al ons mense en met die wêreld te deel.”

slot on лобановский обыск

Genl Magnus Malan oorlede

Magnus Malan, voormalige hoof van die Suid-Afrikaanse weermag en oud-minister van verdediging, is tuis oorlede.

“Generaal Magnus Malan het vroeg vanoggend [Maandag] by sy huis gesterf. Hy word oorleef deur sy vrou, sowel as drie kinders en nege kleinkinders,” het sy familie in ‘n verklaring gesê.

Dit is nie bekend hoe hy gesterf het nie.

Malan was die hoof van die Suid-Afrikaanse weermag in 1976 en was vanaf 1980 tot 1991 die minister van verdediging.

Die Weste is ‘mees konsekwente en oudste vyand’

Tafataona Mahoso van Bulawayo24 skryf verlede week hoe die VSA deur beheer van die “burgerlike samelewing” regdeur Afrika, vyandelike aksies borg.

Hy beskryf die “groot demokrasieë” van die Weste as die mees konsekwente en oudste vyand van die Afrika. Tydens slawerny, met die stormloop vir Afrika na afloop van die Berlynse Konferensie, tydens kolonialisme, tydens apartheid, en nou gedurende die huidige poging om Afrika te herkoloniseer, was die Weste sonder uitsondering, die nommer-een-vyand van Afrika, skryf Mahoso.

Die onlangse gebeure in Libië en die Ivoorkus en die huidige “onwettige sanksies” teen Zimbabwe is vir Mahoso alles aanduidings van dié ongevraagde inmenging.

Hy sê swartes is geneig om op te sien na diegene wat hulle dink die wit kundiges is, en wat mbv Westerse hulpbronne en deur opleiding die botoon voer.

Veral joernaliste wat Afrika-leierskap “met ‘n paar verslete clichés afmaak”, het ‘n baie negatiewe invloed op die kontinent want in die proses word swart politiek, ekonomie en die swart gemeenskap se geskiedenis deur die Westerse poniepers “met kinderagtige taal” beledig.

Mahoso meen die sogenaamde “burgerlike samelewing” is geskep as die bobou vir militêre en intelligensie-samewerking met dié organisasies. Die VSA se Africom is veronderstel om sulke samewerking te konsolideer. Volgens hom sal die herkolonisering van die kontinent voltooi wees wanneer Africom dié konsolidasieproses voltrek het.

Lees hier.

топкарго отзывы

VSA ondersteun nie Tibetaanse onafhanklikheid nie

China het Amerika Sondag gekritiseer oor pres. Barack Obama se ontmoeting met die Dalai Lama en gesê dit kom neer op inmenging in China se binnelandse sake. Dit het glo die verhouding tussen China en Amerika belemmer.

Dié skerp bewoorde verklaring van China se minister van buitelandse sake is uitgereik slegs ure nadat die Tibettaanse geestelike leier en wenner van die Nobel-vredesprys – wat vir ‘n 11 dae lange Boeddhistiese ritueel in Washington was – Obama ontmoet het.

Die Withuis het gesê met Saterdag se ontmoeting het Obama benadruk hoe belangrik dit is om die menseregte van die Tibettane in China te beskerm. Hy het herhaal dat Amerika nie Tibettaanse onafhanklikheid voorstaan nie.

China het vooraf ‘n beroep op Amerika gedoen om nie met die ontmoeting eergister voort te gaan nie. Ná die ontmoeting van 45 minute in die Withuis het China gesê die ministerie van buitelandse sake en die Chinese ambassade het by Amerikaanse verteenwoordigers in Beijing en Washington beswaar aangeteken.

“Hierdie optrede is ernstige inmenging in China se binnelandse sake, maak die gevoelens van die Chinese volk seer en skaad Chinees-Amerikaanse betrekkinge,” het mnr. Ma Zhaoxu, woordvoerder van China se ministerie van buitelandse sake, in ‘n verklaring gesê. China beskou die Dalai Lama as ‘n separatis wat daarop uit is om dié land se heerskappy oor Tibet te beëindig. Die Nobelpryswenner sê hy soek slegs groter outonomie vir Tibet.

Die ontmoeting met Obama kom minder as tien dae voor ‘n besoek van die Amerikaanse minister van buitelandse sake, me. Hillary Rodham Clinton, aan die stad Shenzhen in die suide van China, waar sy raadslid Dai Bingguo, Beijing se top-amptenaar belas met buitelandse beleid, sal ontmoet.

“Dit is op die oomblik moeilik om te sê of dié vergadering hierdeur geraak gaan word,” het Jin Canrong, ‘n kundige op die gebied van internasionale sake by die Renmin-universiteit, gesê. “Maar dié ontmoeting is taamlik belangrik, en of dit plaasvind of gekanselleer word, sal ons ‘n aanduiding gee van wat die verdere impak sal wees.

“Adj.pres. Joseph Biden gaan China ook vanjaar besoek, gevolg deur ‘n besoek van sy Chinese eweknie, Xi Jinping, aan Washington.

Фильчаков

Solidariteit se toetrede kan tot chaos lei

Brandstoftekorte kan vererger met skole wat dié week heropen asook Solidariteit wat tot die staking toegetree het.

Die uitvoerende direkteur van die Suid-Afrikaanse petroleumbedryfsvereniging (Sapia), Avhapfani Tshifularo, het gesê Solidariteit se toetrede tot die staking kan ‘n impak op brandstofproduksie hê.

Hy het aan Media24 gesê: “Ek het gehoor daar is sprake dat hulle produksie gaan stop, maar dit is nog nie bevestig nie. ‘n Sekere aantal werkers moet weens veiligheidsredes by die produksieproses betrokke wees.”

Tshifularo het gesê hulle weet nie hoeveel van Solidariteit se lede hulle by die staking gaan aansluit nie, maar indien genoeg lede staak, sal die produksie van brandstof tot stilstand gedwing word.

Nooddienste se tekorte, soos ambulanse sonder brandstof, kan die situasie in die land kommerwekkend laat versleg en tot chaos lei.

Dr. Dirk Hermann, adjunkhoof van Solidariteit, het gesê die staking van Solidariteit-lede sal hoofsaaklik Sasol en PetroSA raak.

“Ons lede is betrokke by die vervaardiging van brandstof. Waar Suid-Afrikaners tot dusver slegs probleme ervaar het om brandstof by vulstasies te kry, sal ‘n mens nou vind dat daar nie langer brandstof vervaardig gaan word nie.”

Reggie Sibiya, uitvoerende hoof van die brandstofkleinhandelaarsvereniging (FRA), sê meer as 200 vulstasies in Gauteng en 50 vulstasies in KwaZulu-Natal het alreeds drooggeloop. Sommiges is nou vir die sesde dag sonder brandstof.

Motoriste in die binneland het die naweek bontgestaan om hul voertuie se brandstoftenks te vul, maar vulstasies in Johannesburg en Pretoria moes motoriste wegwys omdat daar geen brandstof beskikbaar is nie.