Nuus Archives - Page 924 of 1583

Moslemekstremiste gaan verkiesing in Tunisië wen

Hulle staan geduldig en stil in toue vir ure en wag om te stem. “Ons ly in die warm son,” sê een kieser, “Maar dit is ‘n pragtige soort lyding”. Op die vraag van die BBC-korrespondent Allan Little oor wie gaan wen, sê ‘n ander: “Ons gaan almal wen. Dit is ‘n vrye verkiesing. Dit beteken dat ons reeds gewen het”.

Vir die meeste is dit die eerste keer in hul lewens dat hulle gestem het in ‘n vrye verkiesing. Tunisiërs weet dat die wêreld se oë op hulle gerig is. Die Weste wil graag sien dat ‘n nuwe ontluikende demokrasie tot stand kom.

Sukses in Tunisië sal resoneer oor die Arabiese wêreld heen. Die vrolike optimisme is oral tasbaar.

Die konserwatiewe moslemgroep, die Ennahda party sal na verwagting die grootste enkele groep in die Grondwetlike Vergadering wees en as wenners uit die stryd tree.

Teenstanders het probeer om dié party as moslemekstremiste te brandmerk, maar die veldtog het skynbaar nie gewerk het nie. In die armer, meer godsdienstige konserwatiewe gebiede, het mans en vroue aparte toue gevorm om te stem.

In hierdie wyke, sal die godsdienstige party na verwagting baie goed vaar.

топкарго

Libië se NOR omarm Sjaria-wette

Moestafa Abdoel-Jalil, die voorsitter van die Nasionale Oorgangsraad en aangewese president, het reeds verklaar dat Libiese wette in die toekoms die Islamitiese kode, oftewel Sjaria, sal navolg.

Mnr Abdoel-Jalil het spesifiek die onmiddellike opheffing van ‘n verbod op poligamie wat kol. Gaddafi ingestel het, aangekondig.

Dit is ‘n slag vir diegene wat gehoop het om te sien dat Libië se ekonomie verder integreer in die Westerse wêreld en die land se nuwe “vryheid” aangekondig het.

Hy het ook aangekondig dat daar in die toekoms bankregulasies oor die heffing van rente sal kom, in lyn met Sjaria. “Rente skep siekte en haat tussen mense,” het hy gesê.

Lande soos die Verenigde Arabiese Emirate, en ander Moslemlande, is die pioniers in die ontwikkeling van die Sjaria-bankwette wat nie rente vra nie, maar fooie hef.

In die eerste plek sal rente op lae-waarde lenings heeltemal opgehef word, het Abdoel-Jalil gesê.

Libië behou steeds die verbod op die verkoop van alkohol. Mnr Abdoel-Jalil se besluite is geneem sonder dat enige demokratiese proses dit voorafgegaan het.

Konserwatiewe Moslems het ‘n sterk rol in opposisie teenoor Gaddafi se heerskappy gespeel en tydens die opstand.

Dodelike aardbewing ruk Turkye

Staathoofde het hul meegevoel uitgespreek met Turkye ná ‘n verwoestende aardbewing die ooste van die land dié naweek getref het.

Volgens die Franse nuusagentskap, AFP is die amptelike dodetal reeds minstens 217, met honderde wat beseer is. Reddingspanne het deur die nag gewerk om oorlewendes te red wat onder die puin vasgekeer was.

Vroeg Maandagoggend het die Turkse minister van binnelandse sake, Idris Naim Sahin gesê die aardbewing van sewe-komma-twee op die Richterskaal het minstens 100 lewens in die stad, Van geëis en minstens 117 in die dorp, Ercis, ‘n honderd kilometer verder noord.

Cosatu prys DA oor tolbesluit

Die sekretaris-generaal van Cosatu, Zwelinzima Vavi, het vir Helen Zille geprys vir die DA se houding teenoor hoë tariewe.

Die ministerie van vervoer sê die optrede is daarop gemik om meer ruimte te skep vir oorlegpleging met gemeenskappe wat deur die konstruksie van tolpaaie geraak sal word.

Die konstruksie van tolpaaie op die N-een in Gauteng het grootskaalse ongelukkigheid tot gevolg gehad en teenstaanders daarvan het gedreig met stakings.

Vavi sê die organisasie het regstappe oorweeg teen die tolstelsel in Gauteng. Hy sê verder dit is bemoedigend om te sien dat die burgemeester van Kaapstad haar voet neersit oor die kostes.

Die Suid-Afrikaanse Nasionale Taxiraad stel vandag die eerste opleidingsakademie vir die taxi-bedryf op Welkom bekend.

Die opleidingsakademie is deel van SANTACO se poging om die taxi-bedryf te hervorm. SANTACO sê hy is daartoe verbind om die aantal ongelukke waarby taxi’s betrokke is te verminder, deur veiligheidsprogramme te implementeer.

Die organisasie wil ook kliëntediens verbeter en meer vroue as taxi-bestuurders oplei. Die minister van vervoer, S’bu Ndebele sal die bekendstelling bywoon.

Gaddafi se dood bedenklik

Daar bestaan ‘n hele aantal onbeantwoorde vrae rondom Navo se optrede tydens die aanval op Moeammar Gaddafi se konvooi, het die Russiese minister van buitelandse sake, Sergei Lavrov, gesê.

“Die manier waarop Gaddafi dood is laat ‘n klomp vrae onstaan,” het Lavrov gesê.

“Daar moet na Navo se aksies gekyk word in die lig van internasionale wetgewing.”

Volgens die minister het die konvooi waarin Gaddafi was geen bedreiging vir enige burgerlikes ingehou toe hulle deur Navo-stralers aangeval is nie.

“Daar was geen skakel tussen ‘n vliegspersone en teikens op die grond nie, insluitend hierdie konvooi,” het Lavrov gesê.

“Die spesifieke konvooi was nie besig om enigiemand aan te val nie en het dus geen bedreiging ingehou nie.”

Jeugliga kap myne

Die Suid-Afrikaanse Youth Council, die Jong Kommunistiese Liga, Sasco en Azapo het hulle stemme gevoeg by die van die minister van polisie, Nathi Mthethwa, en minister van hoër onderwys, Blade Nzimande, om die beplande optog van die ANC-Jeugliga te veroordeel.

Die Jong Kommunistiese Liga se nasionale sekretaris, Buti Manamela, het gesê sy organisasie sal “nie belangstel in georkestreerde bewegings om sekere politieke stellings te maak nie”, en Azapo het ‘n beroep op die swart jeug gedoen om weg te bly van die optog Donderdag en Vrydag en hul energie in hul matriekeksamen, wat vandag begin, te stort.

Insp. Edna Mamonyane, metropolisiewoordvoerder van Johannesburg, het gesê toestemming vir die jeugliga se optog is die naweek toegestaan, maar die optoggangers is toegang tot die snelweë verbied.

‘n Groot polisieteenwoordigheid word verwag by die optog om die skare onder bedwang te hou.

Malema het Sondagmiddag in die Bantu Bonke-township in die Vaaldriehoek gepraat.

Hy het dié naweek verskeie plekke in Gauteng besoek om steun te werf vir die jeugliga se optog wat in Johannesburg begin en by die Uniegebou in Pretoria eindig.

Vroeër het hy ‘n diens by die Ratanda Metodiste Kerk in Heidelberg bygewoon. Kerkleiers het hom gevra om nie die platform wat hulle vir hom gegee het vir sy politieke agenda te gebruik nie, omdat hulle “polities neutraal” wil bly.

Hy is egter deur die kerkleiers die hande opgelê tydens die diens.

‘n Klein opkoms in Meyerton en Sebokeng het Malema genoop om dié twee afsprake op sy toer af te stel het ‘n amptenaar gesê.

ANC-jeugliga woordvoerder Floyd Shivambu het nie reageer op versoeke vir kommentaar nie.

Malema se binnekring het gesê die jeugleier het vergaderings in Sebokeng asook Meyerton, ‘n vesting van die DA, afgestel.

Die Vryheidsfront het Saterdag ‘n groot reorgansasievergadering in Meyerton gehou te midde van gerugte dat die DA onder druk verkeer vanweë hulle besluit om ‘n swart parlementêre leier aan te wys in die persoon van Lindiwe Mazibuko.

By Bantoe-Bonke, het ‘n uitdagende Malema gesê die sowat 500 inwoners moet nie toelaat dat ‘n mynmaatskappy wat onlangs minerale in die omgewing ontdek het, hulle dwing om te verskuif nie.

“Ons het gehoor dat hulle wil hê dat julle van hier af gedwonge verskuif moet word, dat Anglo hierdie plek besit en dat daar ‘n alternatiewe plan moet wees, want daar is sekere minerale hier ontdek.

“Die minerale wat hulle ontdek het, moet ook julle minerale wees, en as daar mynbou hier gaan wees, moet die grond van jou gekoop word, moet jy nie verwyder word nie, want dit is jou grond.

“Jy sit op die rykdom, en daardie rykdom moet tot jou voordeel wees. So hierdie ding dat elke keer as hulle ‘n minerale hulpbron ontdek, dan skuif hulle mense, dit moet tot ‘n einde kom.

“Wanneer hulle minerale ontdek, moet hulle vra hoe hulle hier gaan myn tot julle voordeel en nie net sê jy gaan na ander huise geskuif word en selfs die huise wat hulle vir julle gee is nie behoorlike huise nie,” het hy gesê.

Malema het gesê die inwoners moet die optog gebruik om beter behuising, toegang tot basiese dienste, gratis onderwys en werk te eis.

Saterdag in Diepsloot het Malema Mthethwa en Nzimande, sonder om hulle by die naam te noem, uitgesonder vir kritiek. Hy het gesê die ministers gaan na hulle gemaklike huise terug as hulle klaar hulle voorbereide toesprake afgelees het en vergeet daarna wat hulle gesê het.

Craig Joubert is ‘n “dief”

Daardie Hugenote-van van die skeidsregter in die Wêreldbeker-rugbytoernooi-eindstryd, het hom nou probleme op die hals gehaal.

Franse voel oor Craig Joubert soos Bokondersteuners oor Bryce Lawrence se skokkende partydigheid in die halfeindstryd tussen die Springbokke en die Wallabies voel.

Die Franse het Joubert se Wikipedia-profiel ‘n bietjie aangepas nadat die Hane die eindstryd teen die All Blacks met ‘n skamele puntjie verloor het, 7 – 8.

Ontstoke Franse het op sy Wikiprofiel geskryf dat sy beslissings ‘n “verneukery” teen die Franse was.

“Hy het nie foute [deur die All Blacks] raakgesien nie. Hy was ongetwyfeld bevooroordeeld.”

Onderaan is ‘n afskeidsgroet bygevoeg wat lui: “VOLEUUUUUUUUUUUUUUUUUR” oftewel “dief”.

Die “verraaier” Joubert het Richie McCaw, die All Blacks se kaptein, doodgewoon met moord laat wegkom.

McCaw het daarbenewens, soos ‘n ware ploert, nie eens na sy moedige teenstanders in sy toespraak ná afloop van die wedstryd verwys nie.

Die Franse het uitstekend gespeel. Ná drie Wêreldbekertoernooie as die gunstelinge sonder sukses, was dit egter seker tyd dat die swart tuisspan beloon word.

Die Franse moes ag geslaan het op die skeidsregter se naam, en nie sy Franse van nie.

VF Jeug poets Kruger-beeld

Op 21 Oktober 2011 het die VF Jeug Pretoria en VF Tuks die beeld van die oud ZAR President Paul Kruger skoongemaak.

Dié is een van baie aksies waar die VF Jeug, beelde van oud-Boere-Afrikanerleiers gaan skoonmaak. Die projek het juis ook gekom na Paul Krugerdag op 10 Oktober.

Deur dié optrede wil die jeug die oud-President vereer vir sy onbaatsugtige werk. Volgens Francois Cloete, VF Tuks leier , wil die jeug die behoud van die Afrikaner se erfenis beklemtoon en deur hierdie aksies kan die Afrikaner-jeug weer trots raak op sy geskiedenis. Francois het ook verder bygevoeg dat hulle as Afrikaner-jeug die toekoms is en dat die jeug die geskiedenis verder moet laat herleef vir ons kinders en kleinkinders.

Daar word ook beoog om die Andries Pretorius- en Sarel Cilliers-beelde by die Pretoria Stadsaal en ook die Genl. Louis Botha-beeld voor die Uniegebou te gaan skoonmaak. Die VF+ Jeug gaan die Paul Kruger-Standbeeld-skoonmaak ‘n jaarlikse instelling maak in Oktobermaand, ter herdenking aan die nagedagtes van die ontslape President.

Daar is tans ‘n oplewing onder die Afrikaner-jeug en ons kan groot dinge te wagte wees.

topcargo отзыв

Tyd vir plaasinvalle is verby, sê Zim-goewerneur

Die goewerneur van die Midlandsprovinsie in Zimbabwe, Jason Machaya, het gewaarsku dat indringers op die plaas van Derek Shaw, een van Zimbabwe se min oorblywende wit melkboere, moet ligloop.

Die goewerneur het ook die nuutste vlaag van plaasbesettings veroordeel en gesê: “Die tyd vir plaasinvalle is verby”.

Die afgelope week het meer as 200 onwettige plakkers en hul gesinne op Shaw se plaas, Wildebeest, sy laaste 200 hektaar grond beset. Die ander deel van sy plaas is tussen 2002 en 2004 aan grondbesetters oorhandig.

Machaya se waarskuwing kom terwyl Zimbabwe sukkel om hul melkproduksie te verbeter. Kundiges in die bedryf blameer die lae vlak van melkproduksie op die chaotiese grondhervormingsprogram asook die regering se weiering om eiendomsreg te eerbiedig.

Meeste van die melk in Zimbabwe word uit Suid-Afrika ingevoer. Selfs Nestlé Zimbabwe, een van die grootste melkkopers, voer melk vanuit Suid-Afrika in, want plaaslike produsente versuim om aan sy behoeftes te voldoen.

Machaya het gesê Shaw is een van die “strategiese boere” wat ‘n ooreenkoms met die regering aangegaan het. Daar is besluit dat Shaw sy oorblywende grond moet hou.

“Mnr Shaw moet nie versteur word nie. Dit is die regering se standpunt. Blanke kommersiële boere soos hy is deel van land se pogings om melkboerdery te verbeter,” het hy gesê.

“Enigiemand wat grond in Zimbabwe beset, moet dit doen deur die wette van die land,” het hy gesê.

Die Midlandsprovinsie het ‘n aantal plaasbesettings in die afgelope dekade beleef, insluitende die plaas van Colin Cloete, ‘n voormalige president van die Commercial Farmers Union van Zimbabwe van Chegutu, wie se plaas vir tabak geoormerk is. Hy het dié jaar ‘n finale appèl verloor om sy enigste oorblywende eiendom te behou.

Een van die land se mees vereerde beestelers, Philip Hapelt, moes sy plaas aan Zanu-PF-politikus Jabulani Mangena oorhandig. Hapelt, sy familie en sy werknemers moes geweld trotseer voordat die howe hom ‘n persona non grata verklaar het.

Ben Freeth se plaas is deur Zanu-PF se staatmaker Nathan Shamuyarira gevat. Freeth se skoonpa, Mike Campbell, het die saak na die SAOG-tribunaal geneem en sy saak gewen. Maar, die regering het die uitspraak ongeldig verklaar, en gesê die Tribunaal het nie jurisdiksie in Zimbabwe nie.

Volgens WikiLeakskommunikasie van 2003 was sowat 300 kommersiële boere in regsgevegte met die regering betrokke om hul grond te hou, terwyl 4000 – 4500 blanke boere reeds uitgesit is.

Tot op datum het die regering ‘n beslissing deur die SAOG-tribunaal in 2008 geïgnoreer, nadat 77 kommersiële boere aangevoer het dat die grondhervormingsprogram op ‘n rassegrondslag gevoer word.

‘Dis nie asof hy gesê het koelies steel nie’

Twitter was Donderdag in rep en roer oor die “koelie”-woord. Pedi-sprekers het op die sosiale netwerk-webwerf toegesak om te verduidelik dat die woord in Pedi “Indiese” beteken en nie “koelie” nie.

Net so beteken amaNdiya in Nguni ook “Indiese”.

‘n Professor van Linguistiek by die Universiteit van die Wes-Kaap, Rajend Mesthrie, het gesê dit is verstaanbaar dat Indiërs dit aanstootlik vind, maar die woord moet gesien word in die konteks waarin dit gesê is.

“Die meeste van die tyd, gegewe die regte konteks, is dit nie neerhalend nie,” sê Mesthrie.

Malema het gesê: “Daar is geen persoon wat sonder elektrisiteit of water moet leef nie.. Daar moet geen kind wees wat nie kan skoolgaan omdat sy ouers nie kan bekostig om te betaal vir skoolgeld nie.

“Alle kinders moet skool toe gaan. Bana ba Lena BA tshwanetse BA dumelelwe Gore BA tsene sekolo le Bana ba makula Mona”. Vertaal, lui dit: “Jou kinders moet toegelaat word om skool toe te gaan met koeliekinders. “

Opposisiepartye glo die woord is rassisties en neerhalend.

DA-jeugleier Makashule Gana het die “diep rassistiese aanmerkings” deur Malema veroordeel.

Malema staar reeds dissiplinêre optrede in die gesig wat verband hou met sy omstrede openbare verklarings, insluitend om te sê blankes was “misdadigers”.

Mesthrie het gesê die inhoud van Malema se uitsprake “het my oortuig dat hy nie neerhalend was nie”.

“Hy het net gesê dat (kinders van Thembelihle) dieselfde geleenthede as die Indiese kinders moet kry.

“Dit is nie asof hy gesê het: ‘Jaag die “koelies” uit , want hulle steel ons werk nie’.”

Mesthrie het gesê dat die woord makoela is “beslis” afgelei is van die woord “coolie”, wat deur die Britte gebruik is ongeveer ‘n eeu gelede in verwysing na die Indiërs en Chinese.

“Koelie” is waarskynlik afgelei van die Hindi-woord “kali”. ‘n Voormalige Indiërminister, Jay Naidoo, is glo gereeld deur die ANC se swart lede verwelkom met “hy is ons koelie!”.