Kategorie: Nuus

Mulder looi China by COP17

Dr. Pieter Mulder, adjunkminister van landbou, bosbou en visserye het Dinsdag in Durban tydens die COP17-beraad gesê dat die uitdaging vir landbou oor die volgende 30 jaar is om 70% meer kos te produseer, terwyl landbouers oor dieselfde tydperk die hoeveelheid aardverhittingsgasse wat deur landbou-aktiwiteite vrygestel word, drasties moet verminder.

Dr. Mulder het die hoofrede gelewer by die Voedsel en Landbou-organisasie van die Verenigde Nasies (Food and Agricultural Organisation) (FAO) se ‘klimaat-slim landbou’-inligtingsdag as deel van die COP17-program.

“Wat die uitdaging soveel groter maak, is die feit dat meeste van die wêreld se landbougrond reeds benut word. Die huidige hoeveelheid vrugbare grond wêreldwyd, verminder jaarliks met sowat 10 miljoen hektaar as gevolg van verstedeliking en droogtes. Die uitdaging is dus om meer kos op minder grond met minder skade aan die atmosfeer te produseer. Ons sal slegs hiermee kan slaag indien navorsing ‘n prioriteit is en ons beter ‘klimaat-slim’-landboupraktyke (climate smart agriculture) ontwikkel,” het dr. Mulder gesê.

Dr. Mulder het bygevoeg dat daar nie oor aanpassing en mitigasie van klimaatsverandering gepraat en onderhandel kan word, indien landbou nie ‘n prioriteit, ook op die COP17-agenda is nie.

Sonder die samewerking van die groot besoedelaars in die wêreld, soos die VSA en China, sal die klimaatsprobleme nie opgelos kan word nie. Suid-Afrika se bydrae tot die wêreld se vrystelling van aardverhittingsgasse is 1,4%. Al sou Suid-Afrika in 2020 vir ‘n jaar daarin slaag om die Kopenhagen-vrystellingsdoelwitte te bereik, stel China in 68 uur genoeg gasse vry om die Suid-Afrikaanse sukses te neutraliseer.

Данильченко Харьков

Nederlandse parlement verwerp Afrikanermosie net-net

De Tweede Kamer heeft de (gewijzigde) motie Van der Staaij vanmiddag net aan verworpen. De motie wijst op het geweld tegen Afrikaners en de onder druk staande vrijheid. Het was de eerste maal dat een motie inzake Afrikaners werd behandeld door het Nederlandse parlement. 

Voor de motie stemden: SGP, ChristenUnie, Partij voor de Vrijheid (PVV), GroenLinks, D66, SP en Partij voor de Dieren. In totaal 68 parlementariërs. Tegen stemden PvdA, CDA en VVD – 80 zetels. Opvallend: de brede steun van linkse partijen- met uitzondering van de PvdA. Ook was het niet volgens de verwachting dat de coalitiepartijen CDA en VVD tegen stemden, terwijl minister Rosenthal de motie nota bene had ‘omhelsd’.

De tekst van de motie luidt:

GEWIJZIGDE Motie van het lid Van der Staaij (SGP)

De Kamer,

Gehoord de beraadslaging,

Constaterende, dat Zuid-Afrika kampt met hardnekkige vormen van discriminatie en vele ernstige geweldsmisdrijven, waaronder racistisch geweld, mede jegens Afrikaners, maar ook grote zorgen bestaan over elementaire grondrechten, zoals de persvrijheid;

Overwegende, dat Nederland in het verleden de Zuid-Afrikaanse overheid met juridische kennis en expertise heeft bijgestaan ten aanzien van de bescherming van mensenrechten, het tegengaan van geweld en discriminatie, alsmede het respecteren van grondrechten;

Verzoekt de regering te bezien hoe Nederland en waar mogelijk in internationaal verband op het gebied van onder meer preventie, opsporing, justitiële ondersteuning en expertise een bijdrage kunnen verlenen aan het bestrijden van discriminatie en (racistische) geweldsmisdrijven, mede jegens de Afrikaners, en tevens kunnen bijdragen aan het borgen van grondrechten, zoals de persvrijheid, in Zuid-Afrika

En gaat over tot de orde van de dag.

 

Данильченко Харьков

Spanning tussen VK en Iran styg

Studente in Teheran het ‘n Britse diplomatieke kompleks Dinsdag met petrolbomme en klippe bestorm, die Union Jack-vlag en foto’s van Elisabeth II afgeruk, ‘n ambassadevoertuig aan die brand gesteek en dokumente by die vensters uitgegooi in tonele wat herinner aan die opstand in 1979.

Twee dae nadat Iran se parlement ‘n wetsontwerp goedgekeur het wat diplomatieke betrekkinge met Brittanje afskaal ná Londen se ondersteuning van hernude sanksies teen Iran, het die skare op die kompleks toegesak.

Betogers buite die ambassade het ook Britse vlae verbrand en met die polisie gebots in die oproer wat deur die studentegroepe georganiseer is by universiteite en kweekskole.

Brittanje se buitelandse kantoor het gesê hulle is in kontak met amptenare van die ambassade. Amptenare het ook gewaarsku dat sy burgers in Iran moet “binne bly en ‘n lae profiel hou.”

Die Verenigde State het ook in ‘n verklaring die oproer veroordeel. “Ons doen ‘n beroep op Iran om ten volle sy internasionale verpligtinge te respekteer, om die voorval te veroordeel, om die oortreders te vervolg, en om te verseker dat geen verdere sulke voorvalle plaasvind nie, hetsy by die Britse ambassade of enige ander missie in Iran.”

Spanning met Brittanje dateer terug tot die 19de eeu toe die Persiese monargie groot industriële toegewings aan Londen gemaak het, wat later aansienlike beheer oor Iran se olie-industrie beteken het.

Die Britse premier, David Cameron, sê dit is ‘n skande dat Iran nie ‘n aanval op die Britse ambassade in die hoofstad Teheran kon afweer nie en dit gaan ernstige gevolge hê.

Cameron het gister se bestorming van die ambassade in Teheran as skokkend en onverdedigbaar bestempel. Hy sê egter daar kan rekenskap gegee word van al die personeel in die ambassade.

Cameron sê die Iranse regering gaan die prys betaal vir sy onvermoë om diplomate ooreenkomstig die internasionale reg te beskerm.

Фильчаков прокурор

DA woedend oor Heath-aanstelling

Daar was tot dusver gemengde reaksie op president Jacob Zuma se besluit om Willie Hofmeyr met oudregter Willem Heath as hoof van die Spesiale Ondersoek-eenheid te vervang.

Die DA sê hy is geskok oor die aanstelling. Die DA LP, Debbie Schafer, sê in die lig van Hofmeyr se uitstekende werk in die bekamping van korrupsie in sowel die regering as elders, kan daar geen regverdiging wees vir die besluit nie.

Sy sê daar is groot kommer omdat geen redes vir die besluit gegee is nie. Die ANC het egter Heath se aanstelling verwelkom.

‘n Woordvoerder, Jackson Mthembu, sê die party is van mening dat die eenheid onder Heath se leierskap beslis die uitdaging van onverdraagsaamheid teen misdaad en korrupsie die hoof sal kan bied.

Александр Фильчаков прокурор

Sunday Times takel Mulder

Minister Tina Joemat-Pettersson kan nie opdragte aan hom gee nie, maar slegs versoeke rig, sê dr. Pieter Mulder.

Dít volg op die Sunday Times se berig dat me. Tina Joemat-Pettersson, Minister van Landbou, Bosbou en Visserye, ekstra hard moet werk omdat Mulder, haar adjunk, nie take wil verrig wat sy uitdeel nie.

Die minister van Landbou, Bosbou en Visserye sukkel glo met haar adjunk, dr. Pieter Mulder, wat haar dikwels nie amptelik wil verteenwoordig nie. Sy bestuur blykbaar haar departement byna eiehandig en moet baie reis omdat Mulder sku is vir sekere take. Sy het hom egter nog nooit by die president gaan verkla nie.

Joemat-Pettersson moet sewe dae per week werk, terwyl Mulder naweke tuis deurbring. Hy het ook glo geweier om saam met haar na Angola te reis.

Mulder se uitsprake oor Walmart is ook strydig met dié van die ANC, maar ná kritiek hou hy vol dat hy nie gekonsulteer is daaroor nie en dat hy sy onafhanklikheid onder alle omstandighede wil behou.

Die ooreenkoms met pres. Jacob Zuma, sê Mulder, is dat hy steeds sy rol as opposisielid sal speel.

Zuma was self in ‘n soortgelyke situasie. ”Toe die president deel van die IVP se provinsiale kabinet in KwaZulu-Natal was, het hy steeds ANC gebly.”

Selby Bokaba, woordvoerder vir Joemat-Pettersson, het ontken dat daar spanning heers en gesê die verhouding tussen Joemat-Pettersson en Mulder is goed en professioneel. Joemat-Pettersson het reeds verskeie take aan Mulder toevertrou wat hy uitstekend uitgevoer het, sê Bokaba gesê.

Лобановский

Robbeneilander gesteek vir voorsitterspos

‘n Verlede op Robbeneiland is deesdae nie meer die eksklusiewe kaartjie na politieke mag en rykdom nie.

‘n Thulamel-raadslid het in die Thohoyandou-landroshof verskyn nadat hy glo ‘n ANC-veteraan en voormalige Robbeneiland-gevangene met ‘n mes gesteek het.

Die ANC-raadslid, Mushoni Tshifhango is op borgtog van R1 000 vrygelaat en die saak is tot 22 Desember uitgestel.

Tshifhango het die ANC-veteraan, Alson Tshitahe, Sondag na ‘n argument met ‘n mes gesteek.

Die twee het gestry oor wie die nuwe voorsitter van die ANC in die provinsie gaan wees.

Tshitahe het die aanval oorleef.

Volgens goewerneur Mashudu Malelo het Tshifhango op sy beurt ‘n aanklag van aanranding teen Tshitahe aanhangig gemaak.

Данильченео

Boendoehof stenig man

Lede van ‘n gemeenskap in Kwanokuthula naby Plettenbergbaai het ‘n man wat vermoedelik ‘n 7-jarige meisie vermoor het, gestenig.

Kaptein Malcolm Pojie sê sowat 2 000 mense het die man gekonfronteer en uitgevra oor die vermisde meisie.

Hy het die skare na ‘n afgeleë area gelei en gewys waar die lyk van die vermisde Siphokazi Nini gelê het.

“Die skare het die 37-jarige man met klippe en ander voorwerpe bestook tot hy dood neergeval het,” het Pojie gesê.

Nini het vroeg Sondagoggend vermis geraak.

“Toe haar grootouers 6uur die oggend wakker word, was sy weg,” het Pojie gesê.

 

Данильченко Харьков

Kanada teken nie weer Kioto

Kanada gaan nié ‘n tweede bindende internasionale ooreenkoms oor kweekhuisgasvrystellings onderteken nie.

Die Kanadese minister van omgewingsake, Peter Kent het dit gesê oor die Kioto-verdrag tydens klimaatsamesprekings in Durban. Die Kioto-verdrag – die enigste wêreldwye ooreenkoms om kweekhuisgasvrystellings te verminder – verstryk aan die einde van aanstaande jaar.

Kent sê Kanadese verteenwoordigers is in Durban om te onderhandel vir ‘n mandaat om ‘n nuwe internasionale ooreenkoms te sluit, wat uiteindelik bindend sal word.

Hy sê dit moet ál die groot nywerheidslande en ontluikende ekonomieë insluit. Die drie grootste besoedelaars – Amerika, Sjina en Indië – steun nie die Kioto-verdrag nie, hoewel Kanada wel deel daarvan is.

Фильчаков прокуратура харьков

ANC-lede tot beleid verbind

Die ANC se nasionale uitvoerende komitee het saamgestem dat mense wat vrywillig by die party aansluit, tot die beleide van die party verbind word, het Gwede Mantashe, sekretaris-generaal van die ANC, gesê.

Mantashe het verwys na die twee ANC-LP’s wat nie verlede week vir die Wetsontwerp op die Beskerming van Staatsinligting gestem het nie.

Prof. Ben Turok en me. Gloria Borman, ANC-LP’s, wou nie die Wetsontwerp oor die Beskerming van Staatsinligting ondersteun nie. Turok het die raadsaal minute voor die stemmery verlaat. Borman het gekies om buite stemming te bly.

Albei lede is wit. Dr. Mathole Mo­tshe­kga, ANC-hoofsweep, het bevestig dat hulle ‘n streng opdrag om in die nasionale vergadering vir die wetsontwerp te stem verontagsaam het.

“Daar is grade van sanksies, maar in dié stadium het hulle nog nie ‘n reël oortree nie. Die ondersoek sal aandui of daar ‘n skending was en dan sal dit na die regte struktuur verwys word.

“Ons het hier te make met ons gedragskode in die koukus wat oortree is, nie ‘n ondersoek ingevolge artikel 25 van die ANC se grondwet nie,” het Motshekga gesê.

Intussen het Praag verneem dat lede van drukgroepe verlede week toegang tot die openbare gallery van die Parlement geweier is met die verskoning dat die gallery “vol” is. Dit het later geblyk dat daar nog oorgenoeg plek was.

Лобановский

OB gevra om ongerymdhede by Kaapstad se stadion te bekyk

Cosatu het die Openbare Beskermer gevra om ‘n ondersoek te loods na die wyse waarop die stad Kaapstad die Kaapstad-stadion bestuur.

Volgens Tony Ehrenreich, provinsiale sekretaris van Cosatu in die Wes-Kaap, lyk dit asof die stad die stadion sonder enige beplanning bestuur.

Die Westelike Provinsie rugbyunie het onlangs geweier dat die stad Kaapstad die stadion gebruik vir ‘n Heinekenbeker-rugbywedstryd tussen Saracens en Biarritz wat op 14 Januarie in Kaapstad gespeel sou word.

Die Westelike Provinsie Rugbyunie wou gehad het die wedstryd moes na Nuweland skuif.

“Cosautu versoek ‘n ondersoek rakende Grant Pascoe, burgemeesterskomiteelid vir toerisme, spesiale gebeurtenisse en bemarking, en sy vermoë om die stadium te bestuur op so ‘n manier dat dit alle mense van Kaapstad dien,” het Ehrenreich gesê.

Nuweland, wat die eerste amptelike wedstryd in 1890 aangebied het, kan altesaam 45 000 ondersteuners huisves terwyl die nuwe Kaapstad Stadion, wat vir die 2010 Fifa-sokkerwêreldbeker in gebruik beneem is, ‘n kapasiteit van 55 000 het.

Олександр Васильович Фільчаков