Kategorie: Nuus

Malema-bondgenote kry die wind van voor

Bondgenote van die geskorste ANC-jeugligaleier Julius Malema kan moontlik uit die Nasionale Jeugontwikkelingsagentskap (Nyda) se bestuur geskop word, het die Sunday Times berig.

Die raad se ampstermyn verstryk aan die einde van Mei. Benoemings vir raadslede moes teen die einde van Maart afgehandel word.

Andile Lungisa, voorsitter van Nyda, Steven Ngubeni, die uitvoerende hoof en Magdalene Moonsamy, die hoofbestuursbeampte, almal Malema-ondersteuners, sal na verwagting uit die raad geskop word, het die koerant berig.

Altesaam 23 kandidate het die kortlys vir die raad gehaal.

Name van Zuma-ondersteuners kan dalk wel op die lys verskyn, het dié weekblad berig. Daar is sewe posisies op die raad beskikbaar.

Magdalene Moonsamy, woordvoerder vir die ANC-jeugliga, het navrae na Nyda verwys. Moonsamy het die navrae na Lungisa verwys, wat nie beskikbaar was vir kommentaar nie.

topcargo отзыв

Obama wend homself tot toilethumor

Dit is nie dikwels dat die magtigste man in die wêreld homself wend tot toilethumor nie en daarna grappies vertel oor die eet van honde, rooksug, ‘n dronk minister van buitelandse sake en die instelling van ‘n “radikale sosialistiese agenda”.

Gisteraand in Washington, DC, is Amerikaanse mediaswaargewigte getrakteer op toiletspoel deur president Obama. Oorblufte verslaggewers het na hul kos gestaar en gewonder of dit regtig nodig was vir die president om te vertel hoe hy “op die toilet sit, sekondes voordat [hy] die Withuis-perskorps toespreek”?

Hy het ook gespot oor sy sosialistiese agenda en dat sy teenstander. Mitt Romney, net nie so byderwets soos hy is nie.

Saterdagaand se Withuis-korrespondentedinee is goed bygewoon. Die meeste van die bekende gesigte wat die daaglikse perssessies verduur en die president regoor die land volg, was byeen in ‘n volgepakte Hiltonbalsaal. Daar was ook ‘n gesonde aantal van die bekende gesigte wat daagliks koerantopskrifte haal.

Al gewonder hoekom Kim Kardashian en Lindsay Lohan, twee talentlose aandagsoekers so dikwels in die nuus moet wees? Hulle is, tesame met George Clooney en Steven Spielberg Obama se baie groot geldskenkers en natuurlik weerligafleiers.

Reken maar op Lohan om vir die soveelste maal gevang te word onder die invloed van een of ander verbode middel, of Kardashian se huweliksprobleme of die gebrek daaraan om “nuus” te genereer wat Amerikaners se aandag aflei van belangrike politieke kwessies.

Die president verlustig homself nie net in toilethumor nie. Onderwerpe soos waar hy gebore is, kom ook aan bod. Hy knipoog vir sy gehoor met die woorde, “En ek, natuurlik, is in Hawaii gebore.” Daar is ‘n groeiende groep mense wat glo Obama is nie in die VSA gebore nie.

Daarna ‘n paar grappies oor die eet van honde, die grootste flop van die aand met ongemaklike reaksies uit die gehoor.

Hillary Clinton, die Amerikaanse minister van buitelandse sake, se bierdrinkery in Colombia kom dan aan die beurt. “Sy wou nie ophou om my dronk te SMS van Cartagena nie,” vertel Obama ewe vrolik aan die gehoor.

Данильченко Харьков

Twee fluitjieblasers stel lastereis teen Zille in

Die twee fluitjieblasers wat wanbestuur en moontlike korrupsie in die Midvaal Plaaslike Regering oopgevlek het en wat in reaksie daarop valslik deur die DA en hulle leier, Helen Zille, self van korrupsie beskuldig is, het vandag om 09:25 ‘n lastereis teen die DA en Zille van een miljoen rand laat beteken.

Mnr Corrie Pypers, voormalige Transvaalse rugbykaptein en tans Vryheidsfront Plus raadslid in Midvaal, en mnr Cobus Hoffman, voorheen DA-raadslid en lid van die burgemeesterskomitee in Midvaal munisipaliteit, het albei wanbestuur en moontlike korrupsie in Midvaal oopgevlek en die DA se plaaslike en nasionale leierskap, insluitende Zille, daarvan verwittig.

Die DA se nasionale leierskap het egter die openbaarmaking geignoreer en die plaaslike DA-leierskap het aktief begin om die twee fluitjieblasers, in weerwil van die fluitjieblaser wetgewing, op verskeie wyses te intimideer. Op 11 November 2011 het Zille in haar weeklikse nuusbrief, SA Today, en op die DA se amptelike webblad enige wanbestuur en korrupsie in Midvaal probeer rasionaliseer deur die twee fluitjieblasers self te beskuldig as synde besmet met korrupsie.

Hierdie bewerings is egter onwaar en het geen gronde nie en daarom het Pypers en Hoffman besluit, ter wille van hulle eie integriteit, om die DA en Zille vir laster te dagvaar.

Die Openbare Beskermer het na ‘n deeglike ondersoek in Oktober 2011 juis bevind dat ernstige wanbestuur in Midvaal plaasvind en die Spesiale Ondersoek Eenheid (SOE) is steeds besig met ‘n ondersoek na korruptiewe aktiwiteite in die plaaslike regering met aanduidings dat ernstige gevalle al geidentifiseer is.

“Zille maak groot gewag van haar party se ongeduld met wanbestuur en korrupsie en het selfs al pryse aan fluitjieblasers uitgedeel. Wanneer haar eie party in regering egter uitgevang word probeer sy eerder die skuldiges beskerm en loods aanvalle op weerlose fluitjieblasers” het Pypers in reaksie op die gebeure verduidelik.

“Ek is sedertdien gedurigdeur in my besigheid deur elemente in die Midvaal munisipaliteit ondermyn en Cobus Hoffman is in ruil vir sy eerlikheid uit die DA geskors.

Die aanval op ons deur die leier van die DA was vir ons die laaste strooi en het ons genoop om ernstig te reageer om ons integriteit en goeie naam te beskerm deur ‘n lastereis teen die DA en Zille in te stel.

Dit is natuurlik ook van die grootste belang dat enige regering, ongeag of die ANC of DA regeer, verantwoordelik en aanspreeklik gehou moet word vir die aanwending van belastingbetalers se geld.

Enige party-in-regering wat hierdie beginsel ondersteun behoort fluitjieblasers te beskerm en nie op te tree soos die DA gedoen het nie” het Pypers verder gesê.

Dié opspraakwekkende nuus word heeltemal deur Media24 geïgnoreer en dien nie die belange van die breë publiek daarbuite nie wat in die duister gehou word oor die DA se voortgesette intimidasieveldtog.

Лобановский Харьков

Afriforum se e-tolaansoek van die hand gewys

AfriForum se aansoek om toegelaat te word as ‘n vriend van die hof in ‘n aksie teen die e-tol stelsel is deur die Hooggeregshof in Pretoria Woensdag van die hand gewys.

Regter Bill Prinsloo het gesê dit is onvanpas vir ‘n vriend van die hof om nuwe kwessies gebaseer op vars getuienis voor te stel.

‘n Tariefpublikasie van 13 April, wat AfriForum betwis, het hy gesê dien nie voor hom nie.

Dit was deel van die aanvullende beëdigde verklaring met die wysiging van tarief-vrystellings, deur Outa, wat hy Dinsdag van die hofrol laat skrap het.

Die aansoek wat op ‘n baie laat stadium van stapel gestuur is, word deur die SA Nasionale Padagentskap Beperk (Sanral) en Tesourie teengestaan.

Vroeër, het Sanral se prokureur, Bruce Leech, gesê hy het ‘n probleem met die feit dat AfriForum saam met Outa teen die tol probeer staan.

Hy het gesê ‘n vriend van die hof moet die hof help, en nie kant kies nie.

AfriForum se prokureur Greta Engelbrecht het gesê die groep moet die kans gegee word om voorleggings te maak.

AfriForum het die hof gevra om te oorweeg of die publikasie van die e-toltariewe op 13 April aan Artikel 27 van die Suid-Afrikaanse Nasionale Padagentskapwet voldoen.

Hulle wou die hof vra om te kyk of die klassifikasie van voertuie geregverdig is. Leech het gesê AfriForum se argument was irrelevant vir die saak.

Engelbrecht het gesê AfriForum het was van die begin af bekommerd oor die e-tol. “AfriForum het 36 000 lede, waarvan 45% in Gauteng woon en die paaie gebruik,” het sy gesê.

Die Tesourie se advokaat Jeremy Gauntlett het saamgestem dat AfriForum se aansoek irrelevant is en regter Bill Prinsloo het saamgestem.

Фільчаков Олександр Васильович прокурор

Solidariteit loods veldtog oor plaasaanvalle

‘n Veldtog is van stapel gestuur om plaasaanvalle in die kollig te plaas om dit as ‘n prioriteitsmisdaad te laat klassifiseer.

Die inisiatief deur die vakbond Solidariteit, Afriforum en die Kraal-Uitgewers sal tot aan die einde van die jaar geloods word, het die organiseerders Woensdag in Pretoria gesê.

“Dit is onmoontlik om misdaad uit te wis, maar ons moet minstens kyk na kreatiewe wyses waarop plaasaanvalle getakel kan word,” het Dirk Hermann, adjunk-sekretaris-generaal van Solidariteit, gesê.

“Ons eise is eenvoudig en kan ‘n definitiewe en direkte impak hê op die manier waarop daar omgegaan word met die probleem van plaasaanvalle in Suid-Afrika,” het hy gesê.

Die veldtog het ten doel om die regering te dwing om plaasaanvalle tot ‘n prioriteitsmisdaad te verklaar.

“Intussen is daar 2 617 plaasaanvalle waarin 1 445 mense vermoor is op die rekord en dit wil voorkom of die regering steeds nie die erns van die situasie begryp nie,” het Hermann gesê.

Dit het ook ten doel om gespesialiseerde beamptes van die SAPD te hê wat veiligheidsmaatreëls in landelike gebiede sal implementeer.

“Tot op datum het daar nog niks gekom van die polisie se nuwe beloftes vroeër vanjaar oor die komende vrystelling van ‘n hersiende landelike veiligheidsplan nie,” het hy gesê.

Die veldtog het afgeskop met ‘n projek wat stories sal insamel van families wat slagoffers van plaasaanvalle was.

Die “Vertel Jou Storie”-projek sal individue toelaat om te vertel van hul ervarings tydens plaasaanvalle. Dié stories sal later vanjaar in ‘n boek gepubliseer word.

Deel van die tien-punt-plan is om plaaslike en internasionale bewustheid oor plaasaanvalle te kweek.

Daardeur sal daar ook gefokus word op gebiede wat erg geraak is deur geweld op plase en sal mense aangemoedig word om waaksaam te wees.

Solidariteit sal dit ook oorweeg om hof toe te gaan om plaasaanvalle in die kollig te plaas. Die vakbond sal ook die moontlikheid oorweeg om ‘n beoogde landelike beskermingswet saam te stel.

топкарго кидалы

‘Zille raak onstabiel’

Die Wes-Kaapse premier, Helen Zille, se onlangse opmerkings teen Cosatu is ‘n “teken van haar groeiende onstabiliteit”, het die provinsiale tak van die vakbond Woensdag gesê.

“Cosatu is nie verras deur Zille se opmerkings by die Universiteit van Stellenbosch nie. Sy maak nou al ‘n ruk lank die vreemdste en mees verbasende stellings. Vir sommige daarvan moes sy reeds om verskoning vra,” het Tony Ehrenreich, Wes-Kaapse sekretaris van Cosatu, gesê.

“Ons raak toenemend bekommerd oor die onstabiliteit en roekeloosheid van die premier en leier van die DA.”

Hy het in ‘n verklaring gesê haar opmerkings oor Cosatu was “onakkuraat en misleidend”.

“Pleks daarvan om hier in detail te antwoord… sal ek graag ‘n openbare debat met die premier wou voer oor die kwessies wat sy opgehaal het,” het Ehrenreich gesê.

“Ons het al hierdie uitdaging voor die Stellenbosch-gebeurtenis aan die DA gerig, maar die DA wou dit nie aanvaar nie. Ek skat dit is makliker om wilde bewerings te maak as jy nie hoef te antwoord op die feite nie.”

Zille het Dinsdag aan studente by die universiteit gesê Cosatu probeer “konkel” omdat hulle ambisieus is.

Sy het gesê Suid-Afrikaners het nodig om deur Cosatu te kan sien, aangesien dit “werklose mense weg van werke en ekonomiese geleenthede wil hou, om sy magsbasis te beskerm”.

“Soos die interne stryd in die ANC warm word, en Cosatu konkel vir meer mag, het hy homself op ‘n slim wyse probeer kleur as die ‘interne opposisie’ binne die drieparty-alliansie,” het Zille gesê.

“Dit is duidelik dat Zwelinzima Vavi [sekretaris-generaal van Cosatu] betrokke is by ‘n veldtog om vir homself ‘n magsbasis te skep, van waar hy sal probeer om die alliansie te wen by die ANC se 2017-konferensie.”

Sy het gesê as Vavi die land wil bestuur, moet hy “sy naam op die stembrief sit en staan vir verkiesing”.

Cosatu het vroeër gesê hy sal nie deelneem aan die Wes-Kaap se Ekonomiese Ontwikkelingsvennootskap (EOV) nie.

“Cosatu is, vreemd genoeg, die enigste organisasie in die hele provinsie wat weier om by die proses betrokke te raak, sedert dit in Maart 2011 begin het,” het sy luidens berigte gesê.

Patrick Craven, nasionale woordvoerder van Cosatu, het Zille se opmerkings later as “verspot en lasterlik” beskryf.

Hy het gesê haar “uitbarsting” is gemotiveer deur jaloesie op Cosatu se vermoë om miljoene Suid-Afrikaners van alle rasse in sy veldtogte te mobiliseer.
Ehrenreich het gesê Zille was “oneerlik” oor die EOV.

“Die EOV is gestruktureer op ‘n manier wat die premier se grootste swakheid beskerm: om nie op ‘n konstruktiewe wyse te kan omgaan met persone en organisasies wat nie haar standpunte deel nie,” het hy gesê.

“Die R2 miljoen wat tot dusver op die EOV-proses spandeer is, is ‘n buitengewone koste wat weereens werke vir DA-vriende geskep het.”

Данильченко Юрий Брониславович

Petrol nóg duurder

Die departement van energie sê die hoër internasionale oliepryse beïnvloed die plaaslike brandstofprys negatief.

Die prys van brandstof sal volgende week ‘n nuwe rekordvlak bereik wanneer dit met 28c per liter styg. Die styging sal Woensdag in werking tree.

Diesel sal ‘n ekstra 9,4c per liter kos en paraffien sal 12c meer kos, het Fin24 berig.

Petrol sal nou R12,22 per liter in Gauteng wees en R11,87 per liter vir 95-oktaanpetrol kos.

Diesel sal nou R10,98 per liter in Gauteng kos en R10,73 per liter langs die kus.

 

topcargo отзывы сотрудников

E-tol deurbraak!

Regter Bill Prinsloo het Woensdag in die Noord-Gautengse hooggeregshof beslis dat die Opposition to Urban Tolling Alliance, Outa, se saak dringend genoeg is om aangehoor te word, het Alex Eliseev van EWN uit die hof getwiet.

Outa het ‘n aansoek voor die hof gebring vir ‘n dringende interdik om die e-tolstelsel in Gauteng te staak. Die hof het die interdik toegestaan.

Dit beteken nie die e-tolstelsel kan nie voortgaan nie. Dit beteken slegs dat ‘n volledige verhoor oor die stelsel gehou sal moet word.

Outa, die vakbond Cosatu en die Demokratiese Alliansie het vandeesweek alles probeer om die implementering van die stelsel te staak.

Cosatu beplan volgende Maandag ‘n optog teen die e-tolstelsel.

Vincent Maleka, regsverteenwoordiger van die minister van vervoer en die Gautengse LUR vir vervoer, het Dinsdag aan die hof gesê Outa is nie geregtig op nóg ‘n uitstel van die e-tolstelsel nie.

Dié stelsel is sedert April 2011 vier keer uitgestel.

Outa het Dinsdag aangevoer die Suid-Afrikaanse Nasionale Padagentskap (Sanral) is nie gereed om voort te gaan met die e-tolstelsel op Gauteng se paaie nie, omdat geen voorsiening gemaak is om die openbarevervoer-sektor by die tariefstruktuur uit te sluit nie.

Sanral en die tesourie het gesê die hofsaak is vier jaar te laat en het Outa daarvan beskuldig dat hy tot die laaste nippertjie gewag het om hulle tot die hof te wend.

прокурор Фильчаков

Polisie doof toe witte in sel deur swartes vermoor word

‘n Blanke man, Eben Meyer (47) van Kaapstad, is volgens wat Die Burger berig, in aanhouding doodgemaak deur swartes sonder dat die polisielede aan diens ‘n vinger gelig het om hom te help.

Meyer, wat vir dronkenskap opgesluit is, is in die Durbanville-polisieselle aangehou saam met agt ander mense. Hy het glo tevergeefs om hulp geroep en aan die tralies gepluk om die aandag te trek van die polisiebeamptes wat aan diens was.

Sy bebloede lyk, voos geskop en geslaan, is Saterdag kort ná 02:00 op ‘n bloedbevlekte matras aangetref in ‘n hoek van die sel. Twee swartes is intussen aangekla van moord en sal weer op 10 Mei in Belville se landdroshof veskyn.

Meyer het blykbaar by ‘n kroeg gekuier en te veel gedrink nadat hy in ‘n stryery met sy verloofde betrokke was.

‘n Getuie, wat gevra het om anoniem te bly, het gesê hy was ook Vrydagaand in die polisieselle opgesluit. Die vyf polisiebeamptes in die aanklagkantoor het gemaak asof hulle nie die hulpkrete, sowat 10m daarvandaan en reg by die aanklagkantoor, hoor nie.

Die SAPD kon nog nie vir kommentaar bereik word nie.

Фильчаков

Romney het nou Obama in sy visier

Oud-goewerneur Mitt Romney het die Republikeinse voorverkiesings wat gister (Dinsdag) in vyf Amerikaanse state gehou is, loshande gewen en onmiddellik sy visier stewig en doelgerig op Barack Hussein Obama gerig.

“Hou net nog ‘n rukkie uit tot 6 November. ‘n Beter Amerika begin eintlik vanaand,” het hy vroeg Woensdagoggend, SA tyd, gesê nadat hy as die oorwinnaar in al vyf state aangewys is.

Sy naaste teenstander, Newt Gingrich, het aangedui dat hy sy deelname aan die wedloop om die Republikeinse party se kandidaat teen Obama te wees, oor die volgende twee dae gaan heroorweeg. Die verwagting is dat hy sal aankondig dat hy uit die stryd gaan tree.

Met sy oorwinning in Connecticut, Delaware, New York, Pennsylvania en Rhode Island. het Romney nou 844 van die vereiste 1144 afgevaardigdes, met Gingrich op 137 en Ron Paul op 79. Dit is statisties onmoontlik vir Gingrich om die vereiste getal te haal al wen hy al die voorverkiesings vorentoe. Santorum hou nog 260 afgevaardigdes, maar hy het sy uittrede reeds aangekondig en nie aan Dinsdag se verkiesings deelgeneem nie.

Met dit nou ‘n uitgemaakte saak dat hy die Republikeine se kandidaat sal wees, het Romney die fokus van sy veldtog toenemend op die stryd teen Obama geplaas. Hy het die ekonomie reeds as sy hoof verkiesingskwessie uitgewys en minder regeringsinmenging in die daaglikse lewe van Amerikaners ook as ‘n doelwit gestel.

“Daar was ‘n tyd nie so lank gelede nie toe ons as Amerikaners fier en trots kon staan. Daardie tyd sal weer na 6 November terugkom,” het hy in ‘n toespraak gesê.

Die nuusfokus in die VSA het nou ook verskuif na wie Romney se spanmaat in die verkiesing gaan wees. Romney self het al 15 moontlike kandidate vir die vise-presidentskandidatuur genoem – onder wie vier vrouens.

Onder hulle is Condoleeza Rice, wat George Bush se minister van buitelandse sake was en ook Kelly Ayote, die 43-jarige Republikeinse senator vir New Hampshire wat uit die staanspoor ‘n Romney-ondersteuner was.

Ander sterk kandidate is Marco Rubio, senator vir Florida en ook Jeb Bush, George se broer wat goewerneur van Florida was. Daar is sprake dat Rick Santorum ook ‘n moontlike kandidaat is en daar is berigte dat hy en Romney vroeg in Mei sal ontmoet en indringende gesprekke voer.

Romney sit egter steeds met die probleem dat daar Republikeine is wat nie van sy Mormoonse godsdiens hou nie, maar hulle is so ver regs dat hulle beslis nie vir Obama sal stem nie. Onderskrywing van sy kandidatuur deur Santorum, Gingrich en Ron Paul kan egter die probleem grootliks uit die weg ruim.

лобановский депутат