Nuus Archives - Page 836 of 1583

Vier in Duitsland gevang wat terreur beplan het

Vier mans, almal lede van ‘n terreur-organisasie is Donderdag aangekla nadat hulle glo beplan het om ‘n Al-Kaïda-soort aanval in Duitsland te loods.

Die groep se leier – die 30-jarige Marokkaanse burger Abdeladim El-Kebir – word ook daarvan aangekla dat hy opleiding ontvang het by ‘n terreurkamp in die wettelose Afganistan-Pakistan grensgebied, het aanklaers gesê.

El-Kebir het glo die groep se ander lede – wie se vanne nie aangedui word nie omdat Duitse wetgewing oor privaatheid dit verbied – gewerf en geïndoktrineer.

‘n Twee-en-dertigjarige Duitse Marokkaan, Jamil S., word daarvan aangekla dat hy gehelp het om plofstof te maak, terwyl ‘n 20-jarige Duitse-Irannese burger, Amid C. en ‘n 27-jarige Duitser, Halil S., glo betrokke was met logistiek.

Halil S. word ook daarvan aangekla dat hy probeer het om die komplot ten uitvoere te bring nadat die ander drie mans op 29 April 2011 in die westelike Duitse stede van Dusseldorf en Bochum in hegtenis geneem is.

Nadat hy amptenare vir verskeie maande gefnuik het, is hy op 8 Desember 2011 ook in Bochum in hegtenis geneem.

Aanklaers sê die “Dusseldorfsel” was deel van ‘n plan deur Al-Kaïda-leiers om Jihadiste te werf en op te lei om terreuraanvalle in Duitsland en ander dele van Europa uit te voer.

“Volgens die uitslae van die ondersoek het die beskuldigdes beplan om ‘n groot terreur-aanval in Duitsland uit te voer,” het aanklaers in ‘n verklaring gesê.

“Nietemin het hulle nog nie ‘n spesifieke teiken gekies vir die aanval nie.”

Vyf oproermakers by Vredefort vas

Vyf mense het in die Vredefort-landdroshof verskyn op aanklagte van openbare geweld ná oproer in dié dorp, het die polisie in die Vrystaat Donderdag gesê.

Volgens kol. Thandi Mbambo word die vyf ook aangekla van die besit van beweerde gesteelde goedere.

‘n Groep van 2 000 inwoners het Dinsdag begin oproerig raak en paaie in die Mokwallo-township met brandende bande en klippe afgesper.

Drie winkels wat deur buitelanders besit word, is deur brande beskadig. Die oproer het begin ná probleme met elektrisiteitsvoorsiening in die lokasie. Mbambo het gesê die situasie is kalmer sedert kragtoevoer Donderdag gedeeltelik herstel is.

Pogings om ‘n munisipale gebou in Mokwallo vroeër vandeesweek aan die brand te steek het misluk, maar die oproermakers het die meeste van die vensters gebreek.

Die polisie patrolleer steeds die gebied in Mokwallo.

прокурор Фильчаков

Landbou-uitvoere na ooste neem dramaties toe

Tydens die Landboubegrotingsdebat in die Parlement het dr. Pieter Mulder, adjunkminister van Landbou, Bosbou en Visserye, aangekondig dat die waarde van Suid-Afrikaanse landbou-uitvoere na Singapoer met 78% toegeneem het in vergelyking met dieselfde tydperk verlede jaar. Dit sluit produkte soos druiwe, appels, pere en avokado’s in. Die soortgelyke uitvoer van landbouprodukte na Maleisië het met 20% vermeerder en na Hongkong met meer as 5%.

In die lig van die ekonomiese probleme in Europa en die probleme wat Suid-Afrikaanse produsente ondervind om groter toegang tot landboumarkte in Europa te kry, moet nuwe markgeleenthede na byvoorbeeld die Ooste gevind word. Dit moet gedoen word sonder om die huidige Europese markte te verloor, volgens Mulder. Hy het teen hierdie agtergrond die groter markverspreiding verwelkom as ‘n gesonde bemarkingstrategie met die oog op die toekoms.

Hy het ook daarop gewys dat Suid-Afrika nie kan bekostig om enige landboukundigheid te verloor nie. In hierdie verband het hy verwys na Suid-Afrikaanse landbouers wat na ander lande vertrek.

“Dit is belangrik dat die Suid-Afrikaanse bevolking die waarde van ons eie kommersiële boere moet begin besef. Eers dan sal almal saamwerk om die verlies aan sulke landboukundigheid na ander lande te stop,” het dr. Mulder gesê.

Данильченко Харьков

Obama lieg oor wit vriendin

Een van die meer geheimsinnige karakters van President Obama se 1995-outobiografie Dreams From My Father is die sogenaamde “New York vriendin”. Obama verwys nooit na haar by name nie, maar hy beskryf haar voorkoms, haar stem en haar maniertjies in groot besonderhede.

Maar Obama het nou gesê die “New York vriendin” is eintlik ‘n saamgestelde karakter uit verskeie vriendinne wat hy in New York en Chicago gehad het.

“Tydens ‘n onderhoud het Obama erken dat, terwyl Genevieve sy ‘New York-vriendin’ was, die beskrywing in sy memoir ‘n verskeidenheid vriendinne, ingesluit het, ook Genevieve [Cook] toe hy in Chicago gewoon het,” skryf David Maraniss in sy nuwe biografie. ‘n Uittreksel is aanlyn gepubliseer deur Vanity Fair.

“In die boek het Obama verkies om ‘n rassekloof wat hom onvermydelik geskei het van die vrou wat hy beskryf as sy New York vriendin, te beklemtoon,” sê Maraniss. In ‘n gedeelte van die boek gaan Obama en sy vriendin ‘n toneelstuk sien deur ‘n swart dramaturg:

One night I took her to see a new play by a black playwright. It was a very angry play, but very funny. Typical black American humor. The audience was mostly black, and everybody was laughing and clapping and hollering like they were in church. After the play was over, my friend started talking about why black people were so angry all the time. I said it was a matter of remembering—nobody asks why Jews remember the Holocaust, I think I said—and she said that’s different, and I said it wasn’t, and she said that anger was just a dead end. We had a big fight, right in front of the theater. When we got back to the car she started crying. She couldn’t be black, she said. She would if she could, but she couldn’t. She could only be herself, and wasn’t that enough.

“Dit het nie met Genevieve gebeur nie,” skryf Maraniss. Dit is ‘n voorval wat gebeur het, maar later, toe Obama in Chicago gewoon het.

Obama het intussen erken dit was ‘n voorbeeld van ‘n samestelling van persoonlikhede. Cook was waarskynlik nie Joods nie.

“Ek was baie sensitief in my boek om nie te skryf oor my vriendinne nie, deels uit respek vir hulle. So dit was ‘n oorweging. Ek het gedink dat die staaltjie van die reaksie van ‘n wit meisie oor die woedende swart toneelstuk ‘n nuttige tema was oor die soort van interaksies wat ek in die verhoudings met wit vriendinne gehad het. En so, wat is twee paragrawe in ‘n boek? My houding was dit sou oneerlik wees vir my om nie te raak aan alle kwessies nie… “

Broadway Books, ‘n afdeling van Random House se Crown Publishing Group, het nie dadelik reageer op ‘n versoek vir kommentaar nie.

Israel roep ses bataljonne vir diens

Die Israeli-weermag (IDF) het ‘n noodoproep vir 6 reserwebataljonne uitgereik in die lig van nuwe gevare op die Egiptiese en Siriese grense. Die Knesset het aan die IDF toestemming om ‘n verdere 16 reserwebataljonne op te roep indien nodig verleen, het die Israeliese media Woensdag berig.

‘n IDF-woordvoerder het gesê intelligensieverslae het die ontplooiing van meer soldate genoodsaak.

Stygende spanning tussen Israel en Egipte en die deurlopende onrus in Sirië het veroorsaak dat die weermag die Knesset vir spesiale toestemming om meer soldate op te roep, gevra het.

Die versoek is onlangs goedgekeur, sodat die IDF tot 22 bataljonne vir aktiewe diens kan oproep vir die tweede keer in drie jaar.

“Dit beteken dat die IDF met betrekking tot die Egiptiese en Siriese grense ‘n potensiële bron van ‘n groter bedreiging as in die verlede sien,” het die voormalige adjunk-stafhoof, Dan Harel, Woensdagaand gesê.

Egipte se verslegtende beheer oor die Sinai word gekenmerk deur ‘n oplewing in die smokkel van wapens en ander goedere wat ‘n bedreiging van terrorisme in die Sinai inhou.

Die Siriese situasie is ook hoogs vlambaar, het Harel gesê, “en dit kan enige oomblik ontplof … en hou ‘n direkte uitdaging vir ons in.”

Die IDF-woordvoerder, het gesê al die oproepdokumente wat reserviste ontvang het, is deur die komitee van buitelandse sake en verdediging goedgekeur.

Franse debat: Temperatuur styg

Selfs die stand van die temperatuur van die ateljee moes dopgehou word in die enigste debat tot dusver tussen die twee Franse presidensiële kandidate. Die spanning loop hoog in aanloop tot die finale ronde Sondag.

In teenstelling Hollande se verklarings was die voorbereiding vir Woensdag se debat soortgelyk aan die dramatiese opbou wat gewoonlik gereserveer word vir ‘n swaargewig-bokskampioenskap.

Nicolas Sarkozy het aan die groot debat Woensdagaand tussen hom en Francois Hollande as die buiteperd vir die presidentskap deelgeneem, met die doel om die sewe-punt voorsprong wat Hollande hou in meningspeilings weg te kalwe.

Die Franse president het ‘n aggressiewe poging aangewend om sy Sosialistiese teenstander wat die eerste ronde van 22 April met 28,6% van die stemme teenoor 27,8% gewen het, in te haal. Maar meningsopnames gee Hollande konsekwent ‘n gerieflike voorsprong in die tweede ronde van 6 Mei.

Die formaat van die debat is na uitgebreide onderhandelings met die media-adviseurs vir beide kandidate vasgelê.

In die TV-gallery was 20 kameras opgestel, met elke kandidaat wat sy eie regisseur gehad het om billike dekking te verseker. Die reëls vir die aand het ingesluit geen foto’s van die kandidate en geen reaksieskote van een kandidaat terwyl die ander praat nie.

Die kamertemperatuur is tussen 19 tot 20C konstant gehou met elke kamp wat toegang gehad het om die temperatuur in die ateljee na wense te beheer.

Die kandidate het egter minder beheer oor die temperatuur van die gesprek gehad wat op ‘n stadium minder na ‘n debat as ‘n tweegeveg tot die dood toe gelyk het. Die aanvalle van albei was bitter en skerp.

R52 miljoen vir tuisbly

Die staat betaal R52 miljoen vir 1 559 amptenare wat by die huis sit omdat departemente meer as die voorgeskrewe 60 dae neem om dissiplinêre verhore te voltooi.

Skokkende syfers wat vrygestel is in die parlement deur die Staatsdienskommissie het getoon dat in die 2010-2011 finansiële jaar – die tydperk onder oorsig – die polisie voor in die koor was met 869 van hul amptenare by die huis.

Korrektiewe Dienste het 471 werknemers geskors. Die departement van justisie en verdediging het ‘n gekombineerde 107 werknemers op voorkomende skorsing.

Volgens die kommissie, het departemente tussen R100 000 en R1-miljoen spandeer aan die salarisse van werknemers wat tydelik geskors is. Korrektiewe Dienste betaal egter R14-miljoen aan werknemers by die huis, gevolg deur die departement van justisie, met 69 werknemerswat R11 miljoen in salarisse kos. Die polisie se 869 amptenare het R8-miljoen gedurende die tydperk wat hulle by die huis was, gekos.

Die Staatsdienskommissie se direkteur-generaal Richard Levin, het gesê die teenstrydighede in die bedrae wat deur departemente betaal word aan geskorste amptenare, is as die gevolg van die verskillende vlakke van senioriteit van die betrokke amptenare.

Hy het gesê die redes om regeringswerknemers te skors het gewissel van finansiële wangedrag, diefstal, bedrog en die misbruik van staatseiendom tot seksuele teistering en seksuele aanranding, growwe nalatigheid wat gelei het tot die verlies van die staat se geld en die skending van tenderprosesse.

Taylor-verhoor is ‘Westerse slagyster vir swart leiers’

Die voormalige Liberiese president Charles Taylor se veroordeling is ‘n slagyster vir Afrikaleiers, het ‘n woordvoerder vir die Taylor-gesin Dinsdag gesê.

Die 64-jarige Taylor is op 26 April skuldig bevind nadat hy rebelle van Sierra Leone bewapen het in ruil vir “bloeddiamante”. ‘n Vonnis word op 30 Mei verwag.

Hy het tereggestaan op 11 aanklagte van moord, verkragting, die werwing van kindersoldate en seksuele slawerny gedurende oorloë wat in Liberië en Sierra Leone gewoed het, en wat uiteindelik die lewens van 50 000 mense geëis het.

“Ons glo die verhoor en daaropvolgende veroordeling van mnr. Taylor is ‘n slagyster wat Westerse leiers vir Afrikaleiers gestel het,” het Sando Johnson, ‘n Liberiese politikus, aan AFP gesê.

Johnson het gesê Afrikaleiers wat na Westerse magte wil uitreik, sal dit berou.

Hy het ook voorspel dat Taylor nie ‘n swaar vonnis opgelê sal word nie en het gesê Taylor se kamp is bereid om vergoeding aan te bied aan Sierra Leone se oorlogslagoffers.

“Mnr. Taylor gaan nie ‘n lewenslange vonnis of die doodstraf opgelê word nie, en wanneer hy gevonnis word, sal dit nie vir lank wees nie.

“Indien die mense van Sierra Leone besluit om vergoeding van Liberië te eis, sal ek een van die leiers wees wat sal opstaan en verseker dat Liberië die geld aan Sierra Leoners oorbetaal.”

Kan Afrikatale universiteitstale word?

Kan die Afrikatale wat in die Suid-Afrikaanse grondwet as amptelike tale erken word, ontwikkel tot volwaardige universiteitstale?

Dr. Pieter Mulder, VF Plus-leier het nalv die Hoëronderwysbegrotingsdebat in die Parlement op 24 April 2012 sy gedagtes oor die kwessie gestel:

Dit word nie betwis dat ons kinders vlot Engels moet kan praat nie aangesien dit ‘n internasionale taal is.

Maar ek stem saam met die agbare minister (Hoër Onderwys en opleiding) toe hy in ‘n toespraak (verlede jaar) sy teleurstelling uitgespreek het met die stadige vordering met die “ontwikkeling van Afrika-tale as tale van onderrig” by die land se universiteite.

In sy toespraak het hy voorstelle gemaak oor hoe om inheemse Afrika-tale in tale van onderrig in hoër onderwys te ontwikkel.

Die minister en ek het reeds baie gesprekke oor taal en onderwys gevoer. Hy weet hoe sterk ek persoonlik oor hierdie sake voel en dat die VF Plus hierdie uitsprake van hom ondersteun.

Prof Adama Samassekou van Mali, het as president van die Afrika Akademie van tale gesê: “…dit is onaanvaarbaar dat Afrika die enigste vasteland is waar kinders nie in hul moedertaal onderrig word nie.” Duitsers leer in Duits, Japanners leer in Japanees, Chinese in Chinees maar die mense van Afrika in ‘n vreemde taal.

Die vraag is: Kan die Afrikatale wat in die Suid-Afrikaanse grondwet as amptelike tale erken word, ontwikkel tot volwaardige universiteitstale?

Aan die begin van die vorige eeu is Afrikaans afgemaak as ‘n kombuistaal wat nooit tot ‘n volwaardige akademiese taal sal kan ontwikkel nie. Binne ‘n paar dekades is Afrikaans ontwikkel tot ‘n universiteitstaal. (Daar is meer as 450 vakwoordeboeke en terminologielyste asook ‘n gerekaniseerde taaldatabank en speltoetsers in Afrikaans ontwikkel.) As die wil daar is, kan enige taal tot op hierdie vlak ontwikkel word – ook isiZulu en Sesotho. Hebreeus was vir 2000 jaar ‘n dooie historiese taal. Omdat die wil daar was, is Hebreeus in die twintigste eeu tot ‘n moderne taal vernuwe waarin vandag rekenaars gebou en gevorderde navorsing gedoen word. Afrikaans is saam met Hindi, Maleis en Hebreeus die enigste tale wat hulle self in die 20 ste eeu van kombuis tot universiteit ontwikkel het. Ek glo as die wil daar is, kan van die Suid-Afrikaanse Afrikatale dieselfde doen in die 21ste eeu.

Baie goeie werk word tans by sommige Suid-Afrikaanse Universiteite in hierdie verband gedoen. Ek dink aan die goeie werk wat iemand soos Professor LZM (Zamokwakhe) Khumalo vir die ontwikkeling van isiZulu by die Universiteit van Zululand gedoen het. As ek reg is he was the first person to do his PhD in the medium of IsiZulu.

Ek is ook bewus van die goeie werk wat by die Noordwes Universiteit gedoen word waar reeds elektroniese speltoetsers vir onder andere isiZulu, Setswana en isiXhosa ontwikkel is.

My vraag is, wat word gedoen om hierdie Universiteite aan te moedig om hiermee voort te gaan en so ander Suid-Afrikaanse tale, naas Engels, te bevorder. Verskeie Universiteite bied hulle klasse in meer as een taal aan of maak gebruik van gelyktydige vertaaldienste. As die minister ernstig is met sy droom om ander Suid-Afrikaanse tale tot op universiteitsvlakte ontwikkel, moet hy en sy departement maatreëls te tref om hierdie universiteite aan te moedig om hiermee voort te gaan. (Dit is al manier hoe die minister se droom van die ontwikkeling van ander Suid-Afrikaanse tale gaan realiseer.) Die beste manier sal wees om die finansieringsformule waarmee die staat universiteite finansier aan te pas ten einde hierdie universiteite ekstra te vergoed vir die ekstra uitgawes wat hulle aangaan om veeltaligheid te bevorder. Ek wil die minister en sy departement vra of hulle bereid is om so ‘n ondersoek te doen na die aanpassing van die finansieringsformule?

Transnetpensioene, infrastruktuur en e-tolopstand

Die regering se infrastruktuurplanne, spesifiek met verwysing na die opgradering van die spoorstelsel vir beide passasiers en vragvervoer kan ‘n verbetering wees as dit sonder enige korrupsie, diskriminasie en ander vermorsing van belastingbetalers se geld sal geskied. Daar is egter twee probleme wat die minister sal moet aanspreek:

Ten eerste: Die publiek en besighede vind spoorvervoer steeds te duur. Indien geen aansporingsmaatreëls geskep gaan word om vervoergewoontes te verander nie, gaan die uitgawes wat aangegaan word om die spoortstelsel op te gradeer en nuwe uitbreidings te bou, vrugtelose uitgawes wees. Hoe gaan die minister hierdie bekommernisse aanspreek?

Ten tweede: Hoewel ons toekomsgeoriënteerd moet wees in ons beleid en aksies, moet ons nooit die bydraes wat deur die vorige generasies gemaak is met die opbou van instellings soos Transnet, vergeet nie. Tog is dit presies wat die regering doen deur die nood van pensioenarisse van die twee Transnet Pensioenfondse, naamlik die Tweede Vaste Voordeel Fonds en die Transport Pensioenfonds, wat steeds slegs ‘n 2% verhoging per jaar ontvang, te ignoreer.

PRASA sal blykbaar enige suksesvolle vervaardiger wat ‘n spoorvervoer-tender ontvang, dwing om ‘n SEB-vennoot aan boord te bring. As dit die geval is, waarom kan Transnet en PRASA nie ook alle suksesvolle bieërs van alle tenders dwing om ‘n maatskaplike beleggingsbydrae tot die Transnet-pensioenfondse te maak nie sodat pensionarisse onmiddellik verhogings kan ontvang wat gelykstaande is aan die inflasiekoers? Dit sal nog ‘n duur hofgeding waarin die regering betrek word, voorkom.

Die Vryheidsfront Plus ondersteun só ‘n benadering tot die ekonomiese kwessies van Suid-Afrika, sê Anton Alberts. Dit beteken die regterhand moet weet wat die linkerhand doen. Dit blyk egter nie die geval te wees wanneer dit by die Gautengse tolhek-saga kom nie, sê hy.

Aan die een kant spandeer die regering geld aan openbare infrastruktuur-opgradering en -skepping ten einde die ekonomie te laat groei. Die minister van handel en nywerheid skep heelwat programme om industrialisering en werkskepping aan te moedig. Aan die ander kant besluit die regering om, teen alle goeie advies in, voort te gaan met die aanskakel van die e-tolstelsel in Gauteng.

Hierdie tolstelsel is volgens adv. Alberts in essensie niks meer as ‘n kanker wat deur die regering in die Suid-Afrikaanse ekonomie geïnduseer is nie. Elkeen in hierdie land, met die uitsondering van SANRAL en die regering, stem saam oor die negatiewe effekte van hierdie kanker wanneer dit geaktiveer sal word. Die ontplooiing van hierdie sage is soos om ‘n vreeslike ongeluk in ‘n vertraagde rolprent te aanskou.

Ons almal weet dat wanneer ‘n belasting eers ingestel is, skrap regerings dit nie. Hulle verhoog net die tariewe. Volgens Alberts is hierdie immorele belasting onder die dekmantel van ‘n tolfooi die saad van ontevredenheid wat gesaai is vir ‘n populistiese opstand in hierdie land, soos daar sedert 1994 nog nooit was nie.