Nuus Archives - Page 815 of 1583

Eskom se pryse gaan verdubbel

Business Report berig dat Eskom-pryse gaan verdubbel. Dié tarief nuwe is byna twee keer soveel as die gemiddelde prys van 50,27 c per kilowatt-uur wat die kragvoorsiener op die oomblik vra.

Eskom wil oor vyf jaar ‘n tarief van 97,51 c per kilowatt-uur vra.

Volgens die berig gaan verbruikers swaar getref word. Kragverbruikers sal dan jaarliks ‘n gemiddeld van omtrent 15% meer oor die volgende vyf jaar moet opdok.

In 2008 was Eskom se tarief 19,40 c per kilowatt-uur.

Eskom moet nog tot 2028 elektrisiteit lewer aan die reuse- Hillside-aluminiumsmelter van BHP Billiton en tot 2026 aan Mozal, BHP Billiton se tweede smelter in Mosambiek, het Sake24 voorheen berig.

Dit blyk uit die beantwoordende verklarings wat Eskom en Billiton by die Suid-Gautengse hooggeregshof in Johannesburg ingedien het in reaksie op die hofaansoek van Sake24 dat die hof Eskom moet verplig om die prysformule bekend te maak waarteen Billiton elektrisiteit van Eskom koop vir die bedryf van die twee smelters.

Sake24 voer aan dat die smelters se elektrisiteit teen gesubsidieerde pryse gelewer word. Eskom sê in sy antwoord dat dit toekomstige beleggers sal afskrik as die pryse bekend gemaak word.

Hillside betaal 15c/kWh en Mozal 13c, terwyl Eskom se ander grootste kliënte tussen 22c en 29c betaal. Die aluminiumkontrakte is ook nie onderhewig aan tariefverhogings nie.

Die kontrakte duur tot 2028 en 2026. Dit beteken dat die kontrak vir Hillside, wat 1 100 MW verbruik, vir 32 jaar gesluit is. Mozal se kontrak, wat vir 845 MW is, is vir 25 jaar gesluit.

Die twee smelters gebruik gesamentlik 5,68% van Eskom se opwekkingsvermoë.

Die tariewe word bereken volgens verskeie buitefaktore, waaronder die prys van aluminium op die Londense metaalbeurs, maar dit het verlede jaar tot ‘n verlies van R9,5 miljard vir Eskom gelei.

Dr. Konrad von Szcxepanski, visepresident: strategie en bedryfsontwikkeling van Billiton se aluminiumafdeling, sê in ‘n verklaring die prys van alumina, die basiese grondstof waaruit aluminium gesmelt word, en die prys van elektrisiteit is die twee belangrikste koste-faktore in aluminiumproduksie. “Die twee items maak sowat 75% van die prys van aluminium uit,” sê hy.

Volgens hom is die prys waarteen alumina verkry word ‘n goedbewaarde geheim deur produsente van alumina asook aluminiumprodusente.

“Die prys wat produsente vir elektrisiteit betaal, word eweneens nie geopenbaar nie. Daardie kontrakte is op sigself hoogs ingewikkelde ooreenkomste,” sê hy.

As ‘n aluminiumprodusent se elektrisiteitskoste gepubliseer word, sal dit ander rolspelers in die bedryf in staat stel om in groot mate van akkuraatheid sy produksiekoste te bereken. Dit sal dit weer aan die ander rolspelers duidelik maak hoe hy gaan reageer op skommelinge in die pryse op die Londense metaalbeurs.

“Hulle sal byvoorbeeld akkuraat kan bereken teen watter prys dié produsent nie langer winsgewend sal wees nie en sy smelter sal moet afskakel,” sê Von Szcxepanski.

Ontleders meen BHP sal die saak kan vertraag vir die volle kontraktydperk.

Meneer Xolani Mkwanazi is voorsitter van BHP-Biliton Suid-Afrika, asook president van die Suid-Afrikaanse Kamer van Mynwese.

Xolani Mkhwanazi moes volgens wet die kragtariefkontrakte vir Mozal I, Hillside II en Mozal II onderteken het. Mkhwanazi was destyds met die ondertekening van daardie kontrakte die HUB van NERSA.

Ná daardie kontrakte het Mkwanazi as HUB van NERSA in 2004 bedank, en ‘n jaar later het dieselfde Mkwanazi HUB van BHP-Biliton Aluminium Suid-Afrika geword.

Die lys van kontrakondertekenaars behoort dus vir interessante leesstof te sorg.

topcargo

Viljoenskroon se Paki’s verjaag

Meer as 20 winkels wat besit word deur Pakistani’s is deur ontevrede swart inwoners in Viljoenskroon verwoes, het die Vrystaatse polisie Donderdag gesê.

Kolonel Maselela Langa het gesê inwoners het die 24 winkels Woensdagaand geplunder, onder klippe gesteek, en afgebrand.

Geen beserings is aangemeld nie en geen arrestasies is gemaak nie.

Langa het gesê inwoners was kwaad omdat hulle nog nie hul HOP-huise ontvang het nie.

Hy het gesê die winkels was nie uit HOP-huise bedryf nie en geeneen van die slagoffers besit eens HOP-huise nie.

Die situasie was kalm Donderdagmiddag, maar die polisie monitor glo die situasie.

“Ons monitor die situasie want ons vermoed dat hulle [die inwoners] net weer in die nag sal begin,” het hy gesê.

MPLA-veterane maak amok

Die polisie het meer as 100 betogende Angolese oorlogsveterane wat daarop aanspraak maak dat hulle nie beloofde betalings ontvang het nie, uitmekaar gejaag.

Polisietraangas en skote is gehoor gedurende die skermutselings in die sentrum van Luanda Woensdag wat meer as ‘n uur geduur het. Dit is onduidelik of lewendige ammunisie of rubberkoeëls gebruik is.

Laat Woensdag, het Luanda se provinsiale regering ‘n verklaring op die staatstelevisie voorgelees dat ‘n aantal betogers in hegtenis geneem is. Die regering wou nie sê of iemand beseer is nie.

Volgens onbevestigde berigte is daar met lewendige ammunisie op die veterane geskiet.

Dit was die tweede veteranebetoging hierdie maand. Baie veterane wat in die oorlog teen Suid-Afrikaans- en VSA-gesteunde rebelle geveg het, sê hulle het nooit hul beloofde pensioen of gestremdheidsubsidies ontvang nie. Die staat se nuusagentskap, Angop, is aangehaal in ‘n verklaring Woensdag wat gesê het betalings sal hervat op 15 Junie.

‘Geen ander keuse as oorlog’

“Dit wil voorkom asof boere geen ander keuse het nie as om hulleself te moet voorberei vir oorlog.”

So sê TLU SA se Adjunk-President en Voorsitter van die Veiligheidskomitee, mnr. Henry Geldenhuys. Mnr. Geldenhuys het gereageer op die moord op die 77-jarige mnr. Johan van Rensburg van die Baltimore-omgewing. “Hierdie moord kom skaars ‘n dag nadat die ANC Jeugliga se adjunk-president, Ronald Lamola, in Durban gesê het dat Suid-Afrikaners in ‘n illusie leef dat hulle hul grond vreedsaam sal terugkry. ‘Ons het ‘n gebeure so kragdadig as ‘n oorlog nodig om die land weer in besit van Afrikane te kry’, het Lamola volgens berigte gesê.”

Mnr. Geldenhuys het die moord op mnr. Van Rensburg in verband gebring met Lamola se uitsprake, nadat dit blyk dat hoofsaaklik wapens vermis is. “Waarvoor word wapens gesteel anders as om daarmee nog meer moorde te pleeg? Lamola skep die ideale atmosfeer vir radikale en roekelose jeugdiges om sy uitlatings letterlik op te neem. Boere kan hierdie uitsprake nie langer ignoreer nie en sal ter wille van oorlewing en behoud van hulle grond, insgelyks moet voorberei en organiseer vir die ergste moontlike scenario,” sê mnr. Geldenhuys.

Wyle mnr. Van Rensburg was lid van TLU SA en jare lank by die organisasie betrokke. Sy vrou, Gloudina, is drie keer in die bors raakgeskiet en sy is tans in ‘n stabiele toestand in ‘n hospitaal in Pietersburg. Hulle is vanoggend omstreeks 04:00 in hulle huis oorval. Dit is nie seker hoeveel terroriste betrokke is nie maar vier spore word tans opgevolg deur lede van die gemeenskap en die polisie, terwyl ‘n polisie helikopter asook ‘n private helikopter ingespan word om moontlike verdagtes aan te keer.

Mnr. Geldenhuys het namens TLU SA sy meegevoel met mnr. Van Rensburg se familie uitgespreek en mev. Van Rensburg spoedige herstel toegewens. Hy het ook sy waardering uitgespreek teenoor die gemeenskap en die polisie wat flink op die spoor van die moordenaars is. “Indien hulle gevang word moet daar geen genade met hulle betoon word nie, met inagneming van die wetlike voorskrifte,” sê mnr. Geldenhuys.

Фильчаков прокурор

Ondersoek teen Comrades-wenner is rassisme

Die Comrades-wenner Ludwick Mamabolo wat word ondersoek vir moontlike verbode middels, is ‘n slagoffer van rassisme, sê sy familie.

“Hy het tweede gekom in sy eerste wedren in 2010 en niks is ondersoek nie. Dat hy sy werk opgeoffer het en afgerig is om die wedloop te wen, nou is daar skielik probleme. Is dit oor die feit dat hy swart is?” vra Mamabolo se pa soos aangehaal deur die Sowetan.

Mamabolo het die 89km ultra-marathon tussen Pietermaritzburg en Durban op 3 Junie, gewen maar het sedertdien positief getoets vir metielheksaneamien.

Hy sal na verwagting versoek dat sy B-monster getoets word.

Jeremia Mamabolo het gesê sy seun is vir baie jare al aan die gang en as hy opkikkers gebruik, sou dit reeds ontdek gewees het.

“Ludwick werk baie hard om die Comrades te wen,” het hy gesê.

Hy het bygevoeg dat sy seun ‘n toegewyde lid van die Zion Christian Church is. Die atleet het na bewering ook ontken dat hy enige stimulante gebruik.

Gas aan Afrika se ooskus verdwerg Saoedi-Arabië s’n

“Die gasontdekkings in Mosambiek en in Tanzanië is aansienlik en van wêreldgehalte, met die potensiaal vir bykomende ontdekkings, want daar is ook vooruitsigte vir olie,” het Duncan Clarke, die uitvoerende hoof van die olie-konsultasiemaatskappy, Global Pacific, gesê.

Grootskaalse ontdekkings van gas in Oos-Afrika is besig om die streek in ‘n reuse-rolspeler in die wêreldwye energiemark te verander, met beleggings van miljarde wat ekonomieë kan beïnvloed.

Beplande beleggings van miljarde rande kan die BBP (bruto binnelandse produk) van sommige lande, wat strek van Kenia tot Mosambiek, oorskry.

Oos-Afrika se kusstreek, wat tot by die Seychelles strek, beskik oor 12,5 biljoen kubieke meter natuurlike gas, het die Amerikaanse Geologiese Opname getoon.

Dit is sowat 50% meer as in Saoedi-Arabië.

Данильченко Харьков

Midvaal-beampte in die moeilikheid oor ‘kaffer’

‘n Senior beampte van die Midvaal-munisipaliteit gaan dissiplinêr verhoor word nadat hy na bewering na betogers as “kaffers” verwys het, het die munisipaliteit Woensdag gesê.

Volgens die munisipaliteit het dit verlede jaar tydens ‘n staking gebeur.

‘n Klag is teen Hendrik Brits aanhangig gemaak en hy is ook onmiddellik geskors, hangende ‘n dissiplinêre verhoor, het die munisipale bestuurder van Midvaal, Albert de Klerk, gesê

Die dissiplinêre verhoor sal Donderdag voortgaan.

De Klerk het gesê enige munisipale beampte van Midvaal wat skuldig bevind word aan rassisme, sal onmiddellik afgedank word.

Die SA Munisipale Werkersunie in Midvaal het gesê sy lede sal betoog buite die munisipale kantoor ter ondersteuning van die lede wat sal getuig.

Die unie het in Augustus verlede jaar die klag aanhangig gemaak, toe Brits na bewering die woord gebruik het.

Plaasmoorde bedreig voedselsekerheid

Die Vryheidsfront Plus is saam met die gemeenskap in die noorde van ons land, geskok met die onlangse vlaag plaasaanvalle wat hier voorkom. Gister se aanval op die Badenhorsts, noord van Pretoria, was die voorloper op die moord van Johan van Rensburg van Baltimore, wie se eggenote kritiek in die hospitaal is. Die Vryheidsfront Plus is van mening dat die owerheid faal in hul plig om wet en orde doeltreffend toe te pas. Wat ook verontrustend is, is dat voedselsekerheid deur plaasaanvalle benadeel word.

Plaasaanvalle behoort as ‘n saak van dringendheid tot prioriteitsmisdaad verklaar te word. Dit sal die polisie in ‘n posisie plaas om doeltreffend op te tree en ook landswyd voorkomende optredes in te stel. Indien die SA Polisiediens nie in staat is om aanvalle op plase stop te sit nie, moet die regering dringend ‘n kommando-stelsel in werking stel, om die aanvalle die hoof te bied.

Die wenslikheid van die herinstel van die doodstraf behoort ook dringend heroorweeg te word. VF Plus Limpopo is van mening dat diegene wat halsmisdade pleeg, hulself van hul grondwetlike regte, waaronder menseregte, ontneem en dus nie op daardie grondwetlike beskerming kan aandring nie.

Amerikaanse jagters kom op plaasaanval af

Amerikaanse toeriste wat gejag het, het Woensdag op ‘n egpaar in hul bed afgekom ná ‘n plaasaanval.

‘n Bekende boer van Limpopo is omstreeks 05:00 koelbloedig in sy bed doodgeskiet.

Johan Janse van Rensburg (77) is in sy slaapkamer op die Cosmopolite-plaas buite Baltimore doodgeskiet.

Sy vrou, Gloudine (65), is verskeie kere in haar bors geskiet. Sy is tans in ‘n bedenklike toestand in die Mediclinic Limpopo in Pietersburg. Sy is per helikopter na die hospitaal gebring.

‘n Polisiehelikopter, boere en spoorsnyers is op soek na die vier moordenaars.

VN-rapporteur raps VSA oor onbemande tuie

‘n VN-ondersoeker het ‘n beroep op Washington gedoen om aanvalle deur onbemande tuie te regverdig.

Sulke aanvalle word toenemend wydverspreid gebruik om geteikende moorde uit te voer. Hy sê onbemande aanvalle, wat onskuldige burgerlike lewens neem, kan die internasionale reg skend.

Die Amerikaanse weermag en CIA gebruik onbemande aanvalle in Afghanistan, Pakistan, Irak, Jemen en Somalië. Washington moet die wetlike basis vir die beleid van die moord op vermeende terreurleiers en medewerkers verduidelik, sê Christof Heyns, Spesiale Rapporteur op buitegeregtelike arbitrêre teregstellings, in ‘n verslag. Die 28-bladsy-dokument is gerig aan die VN Menseregteraad voor die liggaam se debat oor die kwessie in Genève.

Die VSA sal moet verduidelik waarom sulke verdagtes nie gevang word nie, maar summier vermoor word.

Heyns is ‘n Suid-Afrikaner.

“Die regering moet verduidelik wat die prosedures in plek is om te verseker dat ‘n moord voldoen aan die internasionale humanitêre reg en menseregte en die maatreëls of strategieë wat aangewend word om slagoffers te voorkom, aandui, asook die maatreëls in plek om vinnige, deeglike, doeltreffende en onafhanklike openbare ondersoek van beweerde oortredings, te ondersoek,” het die verslag gesê.

“Hoewel die syfers wissel met betrekking tot onbemande aanvalle, is alle studies dit eens op ‘n belangrike punt: Daar is ‘n dramatiese toename in die gebruik daarvan oor die afgelope drie jaar,” het Heyns gesê.

Die VN-amptenaar haal syfers aan uit die Pakistanse Menseregtekommissie, wat toon dat die Amerikaanse aanvalle minstens 957 mense in Pakistan gedood het in 2010 alleen. Uit die duisende vermoor deur onbemande aanvalle sedert 2004 is ongeveer 20 persent burgerlikes.

“Openbaarmaking van hierdie moorde is van kritieke belang om aanspreeklikheid, geregtigheid en vergoeding vir die slagoffers of hul families te verseker,” sê die rapporteur.

Heyns het beklemtoon dat die internasionale humanitêre reg vereis dat alle pogings aangewend moet word om ‘n verdagte in hegtenis te neem en enige gebruik van geweld moet in ooreenstemming met die beginsels van noodsaaklikheid en proporsionaliteit geskied. Hy het bygevoeg dat Washington nie bevredigend gereageer het toe kommer uitgespreek is deur sy voorganger, Philip Alston, in ‘n 2009-verslag nie.

“Die Spesiale Rapporteur versoek weer eens die [Amerikaanse] Regering om die reëls vir geteikende moorde duidelik te uiteen te sit… (en) wys weer op sy voorganger se aanbeveling dat die basis vir die besluit om te dood eerder as om menslike teikens te vang, openbaar gemaak word, en of die betrokke Staat waarin die moord gepleeg word, toestemming verleen het,” het Heyns gesê.

Pakistanse ambassadeur Zamir Akram het vroeër Maandag gesê sy regering is van mening dat die gebruik van onbemande tuie onwettig is, kontraproduktief en ‘n oortreding van Pakistan se soewereiniteit.

“Duisende van onskuldige mense, insluitende vroue en kinders, is in hierdie onoordeelkundige aanvalle vermoor,” het hy gesê.

Данильченко