Nuus Archives - Page 808 of 1583

Zuma oningelig oor plaasmoorde

“President Zuma is duidelik oningelig oor plaasmoorde as hy sê ras speel geen rol in plaasmoorde nie. Navorsing het reeds in 2003 getoon dat ongeveer 2% van plaasmoorde rasgedrewe is. Daar kan egter nie met sekerheid gesê word wat die huidige presiese persentasie is van plaasmoorde wat rasgedrewe is nie, omdat misdadigers nie maklik erken dat dit rasgedrewe is nie. Gewoonlik word gesê dit is gewone kriminaliteit. Die werklikheid is dat die wreedheid waarmee plaasmoorde plaasvind, getuig dat dit nie net gewone kriminaliteit is nie,” sê mnr. Pieter Groenewald, die VF Plus se hoofwoordvoerder oor Polisie.

“Die president moet eerstens vir ons sê hoeveel plaasmoorde het sedert 2007 plaasgevind om sy stelling te kan bewys. As in ag geneem word dat die moordsyfer op boere ongeveer 313 per 100 000 van die bevolking is en die moordsyfer tans 32 per 100 000 vir die gewone bevolking is, is dit duidelik dat die boere ‘n spesifieke teiken is. Indien Zuma plaasmoorde wil oplos moet hy aan die versoek van die Vryheidsfront Plus, wat die party sedert 2007aan die regering rig, om misdaadstatistiek oor plaasmoorde beskikbaar te stel en plaasmoorde as ‘n prioriteitsmisdaad te verklaar, voldoen,” het Groenewald bygevoeg.

прокурор Фильчаков

Burgermeester het nie ‘n saak met dienslewering nie

Die Burgermeester van Madibeng, me Poppy Magongwa, het vanaf 25 April 2012 tot 17 Mei 2012 om die beurt drie duur motors gehuur. Sy het twee 3 liter Jaquar XF V6 Diesels en ‘n 3 liter Audi Q7 TDI Quatro teen n koste van R62 928-13 gehuur terwyl haar motor reg gemaak word nadat dit skade opgedoen het toe dit n slaggat getref het. Daar is ook (vandag) besluit om Madibeng onder administrasie te plaas.

“Dit is vrugtelose uitgawes wat sy moet terug betaal. Baie goedkoper motors is beskikbaar. Die geld sou ook beter aangewend kon gewees het as dit gebruik is om eerder die slaggate reg te maak. Haar motor is beskadig weens swak dienslewering, waarvoor sy self verantwoordelik is en daarom moet dit vir haar eie persoonlike rekening wees. Dat Madibeng weereens onder administrasie geplaas word is verdere bewys van swak bestuur aan die kant van die ANC,” sê me. Elsa Lourens, raadslid vir die Vryheidsfront Plus in Madibeng.

“Lethabile en Jerigo is sonder water en al die paaie in en om Brits is vol slaggate, verder is die Munisipaiteit tegnies bankrot, maar steeds word die Burgermeester se gerief en duur smaak bo dienslewering gestel,” het Lourens gesê.

Фильчаков

Vavi herhaal Zille se kommer oor onderwys

Onderwys en kennis vir arm swart kinders is van swak gehalte. Hulle is steeds vasgevang in ‘n minderwaardige onderwysstelsel met onvoldoende infrastruktuur, het Cosatu se sekretaris-generaal Zwelinzima Vavi gister gesê.

Hy het Helen Zille en die DA se bekommernisse oor die dalende gehalte van onderwys herhaal.

“Apartheid sal nooit ‘n einde bereik nie en ons mense sal nooit werklike vryheid ervaar nie.”

“Onder kapitalisme weerspieël onderwys die waardes en praktyke van kapitaal, wat gebaseer is op die stratifikasie en opbou van een klas ten koste van die res van die samelewing, en versterk deur herhaling,” het hy gesê by ‘n vaardighede-konferensie in Benoni.

“In die kapitalistiese samelewing, dien onderwys as ‘n instrument om werkers op te lei vir die kapitalistiese klas.”

Hy het gesê die dominante idees in die samelewing is nie neutraal nie.

“Hulle is hoofsaaklik die menings van klasse … Hulle is nie van plan om die gemeenskap te dien nie, maar is bedoel om algemeen aanvaar te word, asof hulle vir die gemeenskap is.”

Hy het gesê die ware oorsprong van hierdie idees verander volgens die belange van die dominante klas in die samelewing.

Hy het gesê die relevansie van ‘n onderwys word dikwels gemeet met betrekking tot ‘n mens se produktiewe kapasiteit “as lede van ‘n leër van werkers in die diens van die kapitalistiese klas”.

Vavi het gesê deure het oopgemaak vir die werkersklas in Suid-Afrika, maar mense is nie in staat om deur te loop nie.

“Die onderwys en opleiding is een van daardie kritiese oop deure.

“Cosatu het baie hard gestamp teen die deure, die deure het oopgegaan en ons het toegelaat dat die buit ingepalm word deur kapitaal en as gevolg daarvan is ons onderwys-stelsel in ‘n krisis.”

Hy het gesê dat die inkomste ongelykheid nog “rassig” is en het verdiep binne rassegroepe.

“Die produksiemiddele bly in die wit kapitalistiese hande gekonsentreer Die krisis in onderwys sal voortduur en die gehalte van onderwys is besig om te daal.”

Александр Фильчаков

‘Plaasaanvalle nie rasgemotiveerd nie’

Plaasaanvalle moet gesien word binne die konteks van die land se hoë misdaadsyfers, en nie as ras-gemotiveerd nie, het President Jacob Zuma aan Beeld gesê.

Baie aanvalle het op die plase van blanke kommersiële boere plaasgevind, en wil voorkom asof dit ras-gemotiveerd is, maar dit is nie die geval nie, het Zuma aan die koerant in ‘n onderhoud Dinsdag gesê.

Hy het gesê dat baie moorde plaasvind in Suid-Afrika se swart woongebiede, en dit word nie altyd in die media gerapporteer nie.

Die regering verwerp plaasaanvalle en sal aandag gee aan die boere se kommer dat die omvattende landelike veiligheid nie van die grond af kom nie.

Gevra hoekom plaasmoorde nie as ‘n prioriteitsmisdaad beskou word nie, het Zuma gesê Nathi Mthethwa, minister van polisie, het in die Parlement gesê dat plaasaanvalle net so veel van ‘n prioriteit as enige ander misdaad is.

Die onlangse hofsaak teen die moordenaars van die AWB- leier Eugene Terreblanche het weer getoon dat misdaad, eerder as politiek, die beweegrede agter die aanvalle is, het hy gesê.

Zuma het die land se kommersiële boere geprys en gesê: “Waar ek gaan, het gevestigde boere my vertel dat hulle bereid is om op te tree as mentors vir opkomende boere.”

Pelgrimsrus gaan transformeer

Sewentien ondernemings in Pelgrimsrus, Mpumalanga is beveel om hul deure teen die einde van die maand te sluit, het ‘n berig Donderdag gelui.

The Times het berig dat die provinsiale departement van openbare werke, paaie en vervoer Vrydag uitsettingsbevele aan die ondernemings uitgereik het en hulle 31 dae gegee het om te sluit.

Die historiese goudmyndorp se argitektuur is sedert die 1800’s onveranderd gelaat en dit is in 1986 tot ‘n nasionale monument verklaar.

Dit is deur die departement van openbare werke bedryf en die ondernemings se wit eienaars het die eiendomme gehuur, het die koerant berig.

Die dorp se ekonomie is afhanklik van toerisme en het werk verskaf aan swart inwoners van die dorp Schoonplaas.

Dumisa Malamule, die departement se woordvoerder, het aan The Times gesê 17 ondernemings het uitsettingsbevele ontvang.

Hy sê die departement het in ‘n advertensie in Oktober verlede jaar die tender vir die huur van die geboue geadverteer, en die sluitingsdatum was in November.

“Die tenderproses is in Junie 2012 gefinaliseer,” het hy gesê.

Die departement het egter die aankondiging oor die toekenning van die tenders vir die huur van die geboue, aanhou uitstel.

Die huurkontrakte van al die ondernemings wat uitsettingsbevele ontvang het, het verval, en dis nie duidelik aan wie die tenders vir die geboue toegeken is nie.

Sherry Goodwin, ‘n beampte vir die Pelgrimsrus-toerismeraad, het gesê sy glo die motivering vir die uitsettingsbevele is om die ekonomie van die dorpie te transformeer, en om die “voorheen benadeelde” gemeenskap meer eienaarskap te gee.

Die Vryheidsfront Plus gaan die Openbare Beskermer versoek om vas te stel of die statutêre vereistes nagekom is in die toeken van tenders aan nuwe winkelhuurders van staatseiendomme in Pelgrimsrus. Volgens mediaberigte is bestaande winkelhuurders deur die departement van openbare werke 30 dae geleentheid gegee om die winkels te ontruim en om plek te maak vir die nuwe tenderwenners.

“Daar is egter klagtes dat die bestaande winkelhuurders geen terugvoering oor hulle eie tenderaansoeke sedert November 2011 gekry het nie. Dit blyk ook dat sommige van die huurders gedreig was deur regeringsamptenare dat hulle van die persele verwyder sal word indien die huurders nie die persele teen die einde van hierdie maand ontruim het nie. Volgens berigte word die winkelhuurders geteiken omdat hulle wit is,” het adv. Anton Alberts, VF Plus-parlementêre woordvoerder oor ekonomiese sake, gesê.

“Die VF Plus neem sterk standpunt in teen intimidasie van minderhede en sal sorg dat die departement van openbare werke verantwoording doen vir hulle optrede. Indien ons eie ondersoek bevind dat die departement rassisties opgetree het, sal ‘n saak ook by die Menseregtekommissie gemaak word,” het Alberts bygevoeg.

Die VF Plus vind hierdie optrede bisar teen die agtergrond van die ANC se poging om sosiale kohesie te bou deur die beraad wat tans in Soweto gehou word. Dit blyk net lippediens te wees en daarom sal die VF Plus ferm optree om minderhede te beskerm.

Александр Фильчаков

VF+-toespraak by Kohesieberaad

Die Kommissie vir die Bevordering en Beskerming van die Regte van Kultuur-, Godsdiens- en Taalgemeenskappe het misluk. Vanaf die Kommissie se aanvang het dit niks gedoen om die regte van minderhede en gemeenskappe te bevorder en te beskerm nie. Indien ons ernstig is oor sosiale kohesie en nasiebou, het die tyd geword om ‘n nuwe departement vir minderheidsaangeleenthede te skep. ‘n Toegewyde departement wat ‘n sin van behoort sal vestig en wat daarin sal slaag om die groeiende gevoel van vervreemding, wat tans ervaar word deur minderhede en gemeenskappe, uit te roei.

Die aanhef van ons grondwet sê duidelik: “Ons, die mense van Suid-Afrika, glo dat Suid-Afrika behoort aan almal wat daarin woon, verenig in ons verskeidenheid.” Dit is ‘n baie sterk stelling. Indien hierdie stelling ernstig opgeneem is, sou ons reeds sosiale kohesie gehad het en sou ons, tot ‘n groot mate, ook geslaag het met nasiebou in Suid-Afrika. Maar, dit is duidelik nie die geval nie. Die blote feit dat ons nodig het om hierdie nasionale beraad oor sosiale kohesie en nasiebou te hê 18 jaar na 1994, is ‘n duidelike aanduiding dat ons gefaal het.

Suid-Afrika is een van die mees diverse gemeenskappe in die wêreld. Ons is ‘n land met baie rasse, kulture, gelowe en tale. Met ‘n verdelende verlede en met verskillende perspektiewe op die geskiedenis. Dit is ook waar dat oor baie eeue ons ekonomies deurvleg geraak het en afhanklik van mekaar. Ons deel almal dieselfde geografiese area in die Suidelike deel van Afrika – naamlik Suid-Afrika. Hierdie is ons gemeenskaplike huis en land. Die mense wat ek verteenwoordig, het geen ander nie. Hulle glo ook in eenheid in diversiteit. Maar dan moet ons diversiteit respekteer en akkommodeer en ophou om net oppervlakkige lippetaal te gebruik. Hierdie land is groot genoeg, met genoegsame potensiaal en geleenthede om vir almal ruimte te laat onder die pragtige Afrika-son. Dit is moontlik, maar dan benodig ons die beste resep vir ware sosiale kohesie en nasiebou. Ons glo dat die huidige resep gefaal het en dit sal aanhou faal want dit beklemtoon net een deel van die waarheid van hierdie land en sy mense.

Ware nasiebou en sosiale kohesie sal nie slaag indien ons bloot voortgaan om van een sporthoogtepunt tot die volgende een te struikel sonder om suksesvol ‘n ware sin van behoort onder al ons mense te skep nie. Dit het begin met die Rugbywêreld-beker in Suid-Afrika in 1995. Daarna was dit die Krieketwêreld-beker in 2003. Kaapstad se onsuksesvolle Olimpiese bod het in 2004 gevolg. Daarna was dit die Fifa Sokkerwêreldbeker in 2010. Elke keer het ons ‘n oplewing van nasionale trots beleef, net om knap daarna weg te kwyn en in die sand te verdwyn. Hierdie kunsmatige proses van nasiebou sal nooit daarin slaag om ‘n langdurige gevoel van behoort en ware nasiebou onder die mense en gemeenskappe binne Suid-Afrika teweeg te bring nie. Daarom was dit so maklik vir Julius Malema om ons gemeenskap totaal te polariseer met sy opruiende stellings. Dit is die rede hoekom ons gesien het wat met ons gemeenskap gebeur het toe die sogenaamde “Spies”-skildery sy verskyning gemaak het. Ons kan soveel sportgebeurtenisse hê as wat ons begeer, maar dit sal nooit ‘n langdurige en volhoubare gevoel van behoort skep en ‘n ware plek vir almal in die son nie.

Suksesvolle sosiale kohesie en nasiebou sal net slaag indien ons regte eenheid in diversiteit het. Dit sal slegs slaag indien dit gevestig word op ‘n “beter lewe vir almal” in die ware sin van die woord. Wanneer “almal” ook minderhede insluit. Wanneer gelyke geleenthede gelyke geleenthede vir almal beteken. Wanneer julle kinders, maar ook myne, weet dat daar nie teen hulle gediskrimineer sal word oor hierdie of daardie rede nie.

Ons almal weet daar is ‘n politieke meerderheid in Suid-Afrika, maar dit is ook waar dat ons oor verskeie minderhede beskik, insluitend politieke minderhede. Mag ek ons almal aan die volgende bepaling in die Vryheidsmanifes herinner:

All National Groups Shall have Equal Rights!

There shall be equal status in the bodies of state, in the courts and in the schools for all national groups and races;

All people shall have equal right to use their own languages, and to develop their own folk culture and customs;

All national groups shall be protected by law against insults to their race and national pride; (Changing names of towns and streets named after my heroes, is an insult to my national pride.)

Suid-Afrika behoort aan almal wat daarin bly, swart en wit. Wat beteken hierdie “behoort”? Daardie sake wat minderhede affekteer, het ons enige sê daaroor? Op die oomblik is die antwoord nee. Slegs paaibeleid. Ons betaal belastings, maar ons het geen sê oor hoe ons geld aangewend word nie. Ons het geen sê oor naamsveranderinge en oor hoe ons helde beledig word nie.

Die Vryheidsmanifes gaan voort deur te sê dat geen regering billik kan regeer sonder dat dit gebaseer is op die wil van al die mense nie. Nie die wil van die meerderheid nie, maar die wil van AL DIE MENSE… Het minderhede dan geen sê nie?

Ware sosiale kohesie en nasiebou sal slegs slaag indien ons die realiteite van Suid-Afrika aanvaar en daarop bou. Ons minderhede is deel van die realiteite. Die toets vir ‘n ware grondwetlike demokrasie is hoe jy die minderhede en gemeenskappe in die land akkommodeer. Suid-Afrika sal hierdie toets nie ontsnap nie.

Ons het ‘n droom. ‘n Droom om ‘n sterk nasie van gelukkige nasies in Suid-Afrika te bou. ‘n Suid-Afrika bestaande uit gelukkige, vooruitstrewende en vreedsame gemeenskappe, minderhede en mense. ‘n Suid-Afrika waar niemand vervreemd voel van sy/haar geboorteland nie. Waar daar ‘n plek onder hierdie pragtige Afrika-son is vir julle kinders, maar ook vir myne. Dit kan gedoen word.

Mulder uitgelag vir sy toespraak oor minderhede

President Jacob Zuma is gevra om ‘n kontinentale beraad oor sosiale kohesie na sy toespraak in Kliptown, Soweto, gister te belê.

Die beraad, by Walter Sisulu-plein, wat aangebied is deur die minister van Kuns en Kultuur Paul Mashatile, is bygewoon deur die VF+, DA-leier Helen Zille, Cosatu se sekretaris-generaal, Zwelinzima Vavi, godsdienstige organisasies en gemeenskapsorganisasies.

Helen Zille, DA-leier, die pres. Zuma het mekaar se geselskap tydens die beraad Woensdag terdeë geniet. Hulle het neffens mekaar gesit. Ernst Roets van Solidariteit/Afriforum is ook een van die genooides.

Roets het intussen getwiet dat hy Naledi Pandor ondersteun. “Naledi Pandor by die mikrofoon. Sê SAners moet meer in ekonomiese terme dink. Bravo!”

Alhoewel Zille die Basiese Onderwys Departement gekritiseer het vir die versuim om die “verleentheid” in Limpopo oor handboeke op te los, was die DA en ANC dit verder eens oor die mikpunte van die beraad.

Die VF+ het egter die agenda van die beraad as kommerwekkend beskryf in die sin dat dit eintlik maar ‘n geval van “Be reasonable, see it our way ” is.

Dr. Corné Mulder se toespraak het ‘n gesis en ‘n spotlag in die gehoor veroorsaak. Mulder het gesê minderhede word uitgegeskuif.

Solank sommige dink hulle is meerderwaardig op grond van ras, sal daar nié nasionale eenheid en samehorigheid in Suid-Afrika wees nie, het Nkosazana Dlamini-Zuma, minister van binnelandse sake, in antwoord op Mulder gesê.

“Deur die manier waarop ons praat en optree, is dit duidelik die meeste van die mense wat moet aanvaar hulle is Afrikane … dink nog hulle is meerderwaardig omdat hulle van ‘n sekere ras is.”

Sy het gesê minderhede moet by die meerderheid aansluit en ophou dink hulle verdien “aparte en spesiale” behandeling.

Suid-Soedan se Minister van Jeug, Kultuur en Sport, dr. Cirino Hiteng Ofuho, wat die Soweto-byeenkoms bygewoon het, het gesê Zuma moet so ‘n beraad op die vasteland organiseer.

Hy het gesê Suid-Afrika is nie alleen in die hantering van sake van kohesie nie en dat so ‘n beraad sal tot voordeel van die vasteland.

Zuma het gesê Suid-Afrika nodig het om te belê in skoolsport, opvoeding en moet beleid wat die gaping tussen arm en ryk oorbrug, implementeer.

Hy het gesê tydens die 2010 Wêreldbeker-sokkertoernooi, wat Suid-Afrika suksesvol aangebied het, is burgers van alle rasse en agtergronde verenig agter Bafana Bafana en ‘n verenigde front het die toernooi se sukses verseker.

Vavi het gesê ongelykheid was by verre die grootste struikelblok vir nasionale eenheid en maatskaplike samehorigheid.

“Geen hoeveelheid gepraat by berade soos dié sal ons nader aan mekaar bring nie, tensy ons die onderliggende strukturele probleme in ons ekonomie, wat die oorsaak is van ons werkloosheid, armoede, ongelykheid en sosiale verdeeldheid, oplos,” het hy gesê.

прокурор Фильчаков

Spiessaak vandag voor

Die saak van ‘n man wat probeer het om die woord “respect” op ‘n muur van die Goodman-galery in Johannesburg te spuit sal Donderdag in die Hillbrow-landdroshof hervat word.

George Moyo se verhoor is in Junie uitgestel.

Sy borgtog is verleng met sy laaste verskyning. Hy is op 23 Mei op borgtog van R1 000 vrygelaat.

Moyo staan tereg op ‘n aanklag van opsetlike saakbeskadiging.

Hy het die letters “res” op ‘n wit muur van die galery gespuit voor hy aangekeer is.

Moyo is die derde oortreder om in hegtenis geneem te word nadat twee ander mans, Barend la Grange en Louis Mabokela, ‘n dag voor Moyo se inhegtenisname Brett Murray se skildery The Spear met rooi en swart verf besmeer het.

Die omstrede kunswerk wys pres. Jacob Zuma met sy gulp oop en sy penis blootgestel. ‘n Duitse versamelaar het intussen die kunswerk vir R136 000 gekoop.

Air France-ramp menslike fout

Menslike en tegniese foute het veroorsaak dat die Air France vliegtuig, vlug-447 van Rio de Janairo na Parys, in 2009 neergestort het, het ‘n Franse berig gesê.

Altesaam 228 mense is in die ongeluk dood.

Die geregtelike verslag, wat aan die families van die slagoffers voorgelê sal word, het tot die slotsom gekom dat foute deur die vlieënier en spoedsensors verantwoordelik was vir die ongeluk, het ‘n bron naby aan die saak Woensdag gesê.

Die Nigeriese lugredery, Dana Air het intussen begin om vergoeding te betaal aan die families van die slagoffers van ‘n vliegramp ‘n maand gelede.

‘n Passasiersvliegtuig het op 3 Junie in Lagos in Nigerië neergestort en al 153 mense aan boord is dood.

‘n Onbekende aantal mense op die grond is ook in die ongeluk dood. ‘n Woordvoerder van die lugredery, Tony Usidamen sê nege families het reeds sowat 240-duisend rand ontvang en sal in totaal bykans 800-duisend rand kry.

Hy sê ‘n verdere 67 eise word verwerk. Dana Air is sedertdien verbied om te vlieg, en die oorsaak van die ongeluk is nog nie bekend nie.

Is Apple se patente sy eie?

Die tegnologiemaatskappy, HTC van Taiwan, het in ‘n Londense hof ‘n oorwinning oor Apple van Amerika behaal, in ‘n eis oor ‘n reeks patente-oortredings oor tegnologie wat in draagbare toestelle gebruik word.

Londen se Hooggeregshof het beslis dat HTC se toestelle nie inbreuk maak op vier van Apple se patente nie.

HTC het ook patente van Apple se iPhone bevraagteken. Apple is elders in nóg ‘n patente-geding met die Suid-Koreaanse vervaardiger, Samsung gewikkel.