Nuus Archives - Page 788 of 1583

Waar’s die derde man?

Die bestuurder van Kaizer Chiefs, Bobby Motaung en ‘n direkteur van Lefika Emerging Equity, Herbert Theledi, is in die hof in Nelspuit aangekla van vervalsing en bedrog met die bou van die Mbombela Wêreldbeker sokkerstadion.

Aanhangers van Kaizer Chiefs drom saam buite die hof om hulle steun aan Motaung te betoon.

‘n Derde beskuldigde, Chris Grib, wat die uitvoerende hoof is van Lefika, was nie in die hof teenwoordig nie. Hy het klaarblyklik reeds die land verlaat.

Lefika het na bewering bedrog gepleeg om die tender te bekom om die stadion van ‘n miljard rand te bou.

Donderdagoggend, buite die hof, is anti-Motaung slagspreuke vertoon.

‘n Groot foto van die Mbombela munisipaliteit se speaker, Jimmy Mohlala, is deur een van die betogers gedra.

“Wie het Jimmy vermoor?”

Mohlala is vermoor in Januarie 2009, nadat hy na bewering die fluitjie oor korrupsie wat verband hou met die Mbombela-stadion ooreenkoms geblaas het. Hy was besig om kriminele klagtes te lê toe hy vermoor is.

Mohlala se moordenaars is nog nie gevind nie nadat die aanklagte teen vyf beskuldigdes in die saak teruggetrek is in Januarie.

Oproer by Marquard

Die huis van ‘n raadslid en nog ‘n huis is tydens betogings in die Moemaneng-township naby Marquard in die Oos-Vrystaat afgebrand.

‘n Munisipale tenkwa is beskadig en ‘n voertuig wat meel vervoer het is gesteel.

Die polisie sê een persoon is in die hospitaal opgeneem, en ‘n verdagte is in hegtenis geneem.

Die betoging het uitgebreek ná die gemeenskap onder die indruk gekom het dat die LUR vir koöperatiewe regering, Olly Mlamleli hulle oor dienslewering-griewe sou toespreek, maar dit nie gebeur het nie.

‘n Polisiewoordvoerder, Phumelelo Dlamini sê die situasie is onder beheer.

топкарго развод

Tshwane-behuising ‘n skande

“Die toestand van Tshwane Metro behuising wat aan inwoners uitverhuur word, is skandalig”, sê Philip van Staden, VF Plus raadslid in die Tshwane metro.

Volgens Van Staden woon huurders in haglike omstandighede. ” Verskeie raadshuise, woonstelle en koshuise val letterlik uitmekaar. Die metro wend geen poging aan om enige herstel – of opknappingswerk te doen nie. Die huurders moet maar net eenvoudig met die haglike omstandigehede tevrede wees”.

Van Staden, wat op die metro se Behuisingskomitee dien, sê raadsbehuising in onder andere Booysens, Claremont, Cullinan en Bronkhorstspruit val uitmekaar en in baie gevalle is dit selfs gevaarlik vir inwoners.

“Dit is geen wonder dat meeste van dié huurders weier om huurgeld te betaal nie. Die raad kom nie sy deel van die dienskontrak na nie”, sê Van Staden.

Volgens Van Staden is daar diep krake in die mure en plafonne van geboue in Booysens en Claremont, terwyl behuising in Cullinan en Bronkhorstspruit erger as varkhokke lyk.

Vroeër die week, tydens ‘n Behuisingskomitee-inspeksie in Cullinan, het Van Staden heftig gereageer oor die raad se onvermoë om geboue in stand te hou. “Hoe moet die raad verwag huurders moet betaal as die raad nie ‘n vinger die afgelope paar jaar verroer het om geboue behoorlik in stand te hou nie.”

Die VF Plus is van mening dat die raad dringend tot aksie moet oorgaan om hierdie probleem op te los.

Vat TUT-studente vas!

Die VF Plus in Pretoria doen ‘n beroep op die bestuur van die Tshwane Universiteit van Tegnologie (TUT) en die SAPD om oproerige studente vas te vat by die akademiese instelling.

Dit volg nadat oproerige studente gister die ingang na die TUT Pretoria-wes kampus met brandende motorbande versper het omrede hulle ontevrede is oor ‘n tekort aan geldelike steun vanaf TUT.

Die leier van die VF Plus in Pretoria, Raadslid Philip Van Staden, het in reaksie op die gebeure gesê dat hierdie oproerigheid nie geduld mag word nie. “Terwyl dit noodsaaklik is dat studente finansiële ondersteuning ontvang, is dit verkeerd vir studente om geweld en misdaad te gebruik om TUT te dwing om gehoor te gee aan kwessies. Die afgelope 18 jaar het die regering ‘n voer-kultuur onder sy aanhangers geskep, terwyl die bemagtiging van hierdie mense, om selfstandig te wees, agterweë gebly het”, sê Van Staden.

Volgens Van Staden is die gebeure by TUT ‘n bewys dat die voer-kultuur van die regering besig is om sy tol te eis. “Die persepsie dat geweld die Staat kan forseer om geldelike steun te bied, wys daarop dat hierdie mense nie sonder hulp van die Staat kan klaarkom nie en gewoond is daaraan dat die Staat sal help”.

Van Staden het dit ook beklemtoon dat behoorlike wet en orde weer toegepas moet word en dat die land reeds in ‘n revolusionêre staat verval het.

“Suid-Afrika brand en dit gebeur as wet en orde nie behoorlik toegepas word nie. Oproeriges moet behoorlik vasgevat word en daar moet opgehou word om hulle hul sin elke keer te gee.”

Temperatuur styg by Lonmin

Ses mense is in hegtenis geneem ná gewelddadige betogings by Lonmin se Marikana-platinummyn, het die polisie in Rustenburg Donderdag gesê.

“Hulle is vir verskeie voorvalle van intimidasie in hegtenis geneem,” het lt.genl. Zukiswa Mbombo gesê.

Die polisie het die mense is tussen Maandag- en Woensdagaand in hegtenis geneem. Die verdagtes sal Donderdag in die hof verskyn.

Mbombo het Donderdag gesê die polisie wil ‘n einde bring aan die geweld in die gebied.

“Ons gaan vandag [Donderdag] hierdie mense uiteenjaag.”

Sy sê hulle beplan om hulle vreedsaam te laat verdaag, maar het nie gesê wat die polisie beplan indien die groep hulle teen die polisie se optrede verset nie.

‘n Groep mans wat met knuppels, ysterpale en knopkieries gewapen was, het Donderdag bo op ‘n heuwel in Wonderkop naby die myn bymekaar gekom.

Hulle weier om te beweeg voor hul salarisse na R12 500 ‘n maand verhoog word.

Boerebegrafplaas waar Osama bin Laden gesneuwel het

‘n Krygsgevangenebegraafplaas in die buiteland, waarvoor die Erfenisstigting sedert verlede jaar verantwoordelik geword het (minstens in beginsel, omdat die kapasiteit en middele daarvoor nie bestaan nie en staatsbefondsing uitstaande bly), is in Pakistan naby die plek waar Osama bin Ladin gedood is.

Tydens die Anglo-Boereoorlog (1899-1902) is meer as 31,000 Boere krygsgevange geneem. Hulle is na plekke soos Ceylon, Bermuda, St. Helena, Indië en Portugal geneem, omdat die kanse op ontsnapping uiters skraal was. Die kampe in Suid-Afrika, nl. Groenpunt, Ladysmith, Umbilo en Simonstad is dus hoofsaaklik as deurgangskampe gebruik. Teen die einde van 1900 was die kampe in St. Helena en Ceylon vol en op 2 April 1901 het die eerste groep van 512 krygsgevangenes na Ahmednagar vertrek, ‘n Britse kantonment in Indië. Daar was uiteindelik 13 kampe in Indië en party het onder meer as een naam bekendgestaan. So het Abbottabad ook bekendgestaan as Kakool/Kakul en Rawalpindi.

Abbottabad was in die North-West Frontier-provinsie geleë en is nou deel van noordelike Pakistan. Abbottabad is in 1853 gestig as die hoofstad van die Hazara Distrik. Die stad is na majoor James Abbott vernoem, die eerste Onderkommissaris (1847-1853). Die stad is naby die Himalajas geleë en is 1,256 m bo seespieël met koel somers en baie koue winters. In die begraafplaas is ongeveer 150 tot 200 grafte. Die oudste grafte in Abbottabad dateer uit 1853 en die meeste grafte is die van Britse offisiere, soldate en hulle families.

Hier by Abbottabad was een van die grootste krygsgevangenekampe in die land en het 1,500 krygsgevangenes gehuisves. Die kamp was ongeveer 6,4 km van die dorp self geleë. Aanvanklik moes die gevangenes in agt rye tente woon totdat die groot hutte vir hulle gebou is, wat hulle op 29 Mei 1901 betrek het. Die kamp het ‘n hoë doringdraadheining gehad met wagposte. Abbottabadkamp is finaal op 4 Desember 1902 gesluit.

Van die 9,551 krygsgevangenes wat in Indië aangehou is, het 139 gesterf – die meeste van hulle aan siektes soos buiktifus, hitte-uitputting en longontsteking. In die kamp by Abbottabad het 12 mense gesterf weens buiktifus wat tussen Mei en September 1902 epidemiese afmetings aangeneem het. Drie manne is doodgeskiet terwyl hulle probeer ontsnap het en een is in ‘n ongeluk oorlede.

Volgens JS van der Walt se boek het 23 krygsgevangenes by Abbottabad gesterf – ook volgens ‘n brief van die Sekretaris van die South African War Graves Board, gedateer 9 Julie 1979. Hulle is by Kakul begrawe. In 1983 het brigadier L.S. Kruger, Direkteur Militêre Museums, verslag gedoen oor krygsgevangenegrafte in Kakul en gemeld dat die CWGC die grafte in Indië versorg, “of waar hulle nie personeel het nie, reël hulle vir die nodige sorg deur hulle diplomatieke agentskappe.”

Die krygsgevangenes is in ‘n ommuurde begraafplaas begrawe, waar die Raad vir Nasionale Gedenkwaardighede in die 1950’s ‘n marmerpaneel laat aanbring het met die name van die oorledenes. Die muur bestaan bykans nie meer nie en die begraafplaas is in ‘n toestand van verwaarlosing.

Burgemeester reël strooptogte

‘n Spaanse burgemeester word as ‘n held beskou vir die organisering van rooftogte by supermarkte en om gesteelde kruideniersware aan die armes uit te deel.

Juan Manuel Sanchez Gordillo, streeks-LP en die burgemeester van Marinaleda – 2645 mense – in Andalusië, het gesê dat die voedsel wat in die aanvalle gesteel is verlede week gegee is aan gesinne wat die hardste getref word deur Spanje se skuldkrisis.

Sewe mense is in hegtenis geneem nadat vakbondlede gedurende twee strooptogte lekker kos in supermarktrollies gelaai het en uitgestap het sonder om te betaal, terwyl mnr. Sanchez Gordillo, 59, buite staan.

Hy geniet ‘n immuniteit teen vervolging as ‘n verkose lid van die suidelike provinsie se parlement, maar het gesê hy sal gelukkig wees en arrestasie verwelkom.

“Daar is mense wat nie genoeg het om te eet nie. In die 21ste eeu, dit is ‘n absolute skande,” het hy gesê hierdie week in ‘n onderhoud.

Mnr Sanchez Gordillo beweer dat hy wil aandag vestig op die menslike gesig van Spanje se resessievlakke van armoede wat meer as 15 persent gestyg het sedert 2007, ‘n kwart van die werkers is werkloos en tien duisende afgedank. Die regse regering het sy optrede veroordeel.

“Jy kan nie Robin Hood en die Sheriff wees nie,” sê Alfonso Alonso, vir die regerende party. “Hierdie man is net op soek na publisiteit op die koste van almal anders.”

Die mnr Sanchez Gordillo se provinsie is een van die dele van Spanje wat die ergste getref word deur die krisis: Daar is een volwassene in drie sonder werk.

Gordillo is ‘n kopseer vir premier Rajoy se regering wat probeer om beleggers te oortuig dat hy die gehawende ekonomie kan regmaak.

Mnr Sanchez Gordillo is al die burgemeester van Marinaleda vir die afgelope 30 jaar en is bekend vir sy kritiek teen hoofstroompolitiek.

“Hulle sê ek is gevaarlik. En die bankiers wat bedrog pleeg? Dit is nie gevaarlik nie? Die banke wat van die ESB (Europese Sentrale Bank) vir 1 persent leen daardie skuld dan verkoop aan Spanjaarde vir 6 persent – hulle is nie gevaarlik nie?” het hy verklaar.

Koerant vra verskoning oor Malema se geldsake-berig

The Times-koerant moes Donderdag ‘n verskoning aan Julius Malema, die voormalig leier van die ANC-jeugliga, op sy voorblad publiseer.

Dit volg ná ‘n beslissing deur die persombudsman teen ‘n berig wat in Oktober gepubliseer is.

Die berig, “Malema on the ropes”, het op 31 Oktober gelui dat ‘n polisieondersoek in Malema se finansies “so goed as afgehandel is”.

Die persombudsman het bevind dat die koerantberig artikel 1.1 van die perskode (regverdigheid en akkuraatheid) oortree het en artikel 1.4 (bevestiging) en artikel 1,5 (verkryging van kommentaar) twee keer oortree het.

“The Times wil hierdie foute graag regstel,” het die koerant gesê en het bygevoeg dat hy in daardie tyd probeer het om kommentaar van Malema en sy woordvoerder, Floyd Shivambu, te kry.

Die koerant sê die storie is geskryf “op grond van bronne wat voorheen baie betroubaar was”.

Die ombudsman sê die feit dat daar verskeie ondersoeke was in Malema se handelinge word nie betwis nie, maar die koerant het onakkuraat berig oor daardie ondersoeke deur te sê dit was “so goed as afgehandel”.

Malema het aan The Times gesê: “Ek is tevrede met die beslissing en dat The Times dit nagekom het.”

Veediewe steel na hartelus

G’n wiele teen veediewe nie, ondanks R80miljoen se begroting!. Veediewe kan in die Vrystaat steel en slag soos hulle wil want polisiebeamptes van die veediefstaleenhede sit, ondanks ‘n polisiebegroting van R80 miljoen, sonder voertuie agter hul lessenaars gestrand.

Só word in landbou- en polisiekringe gesê oor die voortslepende veediefstalprobleem in die provinsie. Die beswaardes sê die polisiebegroting word nie reg aangewend nie.

Weens die voertuigtekort meld talle boere nie eens meer veediefstalle by die 11 veediefstaleenhede aan nie.

Van die boere probeer nou maar alleen werk maak van die probleem. Onlangs is Johann Neethling (56), ‘n vooraanstaande veeboer en voorsitter van die Smithfield-boerevereniging, met messe toegetakel toe hy veediewe man-alleen wou keer om met ‘n klomp skape weg te ry.

топкарго

Brittanje dreig om ambassade waar Assange skuil te bestorm

Ecuador sal binnekort sy besluit oor die WikiLeaks-stigter, Julian Assange, se asielaansoek aankondig, het Ricardo Patino, minister van buitelandse sake, gesê.

Intussen het Patino aan die nuusagentskap AP gesê Brittanje het gedreig om Ecuador se ambassade in Londen te bestorm om Assange in hegtenis te neem. Hy het gesê hy sal die saak opneem met ander lande in Suid-Amerika, omdat die VK se dreigement nie strook met internasionale reg nie.

Hy het gesê ‘n dringende spitsberaad van die Raad van Buitelandse ministers van die Unie van Suid-Amerikaanse State (UNASUR) en die Organisasie van Amerikaanse State (OAS) sal belê word om die “bedreiging” teen ‘n soewereine land in die streek te bespreek.

Die geskrewe dreigement, aide memoire, van die Britse regering aan Ecuador lui as volg:

“You need to be aware that there is a legal base in the UK, the Diplomatic and Consular Premises Act 1987, that would allow us to take actions in order to arrest Mr Assange in the current premises of the Embassy. We sincerely hope that we do not reach that point, but if you are not capable of resolving this matter of Mr Assange’s presence in your premises, this is an open option for us.”

Om die perseel in Londen te bestorm, sê Patino, sal ‘n “flagrante skending” van artikel 22 van die Weense Konvensie op diplomatieke betrekkinge wees. Hy het gesê Ecuador is nie ‘n kolonie van Brittanje nie, en “die dae van kolonies is verby”.

Die 41-jarige Assange woon al sedert 19 Junie in Ecuador se ambassade in Londen om uitlewering aan Swede, waar hy deur die polisie ondervra gaan word oor beweerde seksuele misdrywe, te vermy.

Dié dreigement is des te meer vreemd aangesien Assange in Swede vir ‘n beweerde seksoortreding teen ‘n wit vrou “gesoek” word, terwyl die Britse polisie tuis nie veel ag slaan op sulke ootredings teen wit vroue wat deur buitelanders gepleeg word nie en jare sloer om sulke sake te ondersoek.

Patino het gesê die dreigement is by Ecuador se ministerie van buitelandse sake en die ambassadeur in Londen afgelewer.

Assange vrees ook deportasie na die Verenigde State, wat hom dalk kan aankla oor sy webwerf se vrystelling van geheime Amerikaanse dokumente en ter dood mag veroordeel.

“Die Verenigde Koninkryk het ‘n wetlike verpligting om mnr Assange aan Swede uit te lewer in persoon vir ondervraging oor bewerings van seksuele misdrywe, en ons bly vasbeslote om hierdie verpligting na te kom,” het ‘n Britse buitelandse woordvoerder egter gesê.

“Die besluit om die Ecuadoriaanse ambassade van sy diplomatieke beskerming te stroop, is nog nie deur Brittanje geneem nie. Ons is nie van plan om dit oornag te doen nie,” het die woordvoerder bygevoeg.

WikiLeaks se woordvoerder Kristinn Hrafnnsson het aan AFP gesê die dreigement om die Ecuadoriaanse ambassade te bestorm is “baie ernstig,” en het gesê volgens die groep se regspan is dit onwettig. Die Britse polisie is steeds saamgetrek buite die gebou, waarvan daar net een uitgang is.

Assange se ondersteuners het buite die ambassade byeengekom, en die organisasie van ‘n lewendige beeldmateriaal van die toneel op die internet geplaas. Volgens hulle is die toevoer deur DDoS-aanvalle ontwrig.

‘n Pizza-afleweringsman het na bewering by die ambassade aangekom en probeer om ‘n pizza af te lewer aan “Mark Anthony.” Hy het egter nie daarin kon slaag nie, en het homself vinnig uit die voete gemaak.