Nuus Archives - Page 729 of 1583

Duitsers stel laser bekend wat onbemande tuie kan afskiet

Die Duitse wapenvervaardiger Rheinmetall het ‘n lasertoestel vrygestel wat onbemande tuie kan afskiet.

‘n Laserstelsel wat twee tuie op ‘n afstand van meer as ‘n kilometer ver kan klits is deur Rheinmetall Verdediging ten toon gestel.

Die Duitse firma gebruik die hoë-energie-lasertoerusting om vinnig-bewegende tuie op ‘n afstand te skiet.

Die stelsel, wat gebruik maak van twee laserwapens, is ook gebruik om deur staal vakwerk ‘n kilometer weg te sny.

Die maatskappy beplan om die laserwapenstelsel mobiel te maak en om ‘n outomatiese 35mm kanon te integreer daarby.

Die 50kW-laserwapenstelsel gebruik radar en optiese stelsels om tuie op te spoor, het die maatskappy gesê. Die tuie wat teen 50 meter per sekonde beweeg het, is afgeskiet toe hulle deur ‘n geprogrammeerde vuursektor beweeg het.

Die wapenstelsel sluit op die onbemande tuig deur die gebruik van radar vir ‘n rowwe aanpassing van die teiken, wat verfyn word met behulp van ‘n optiese stelsel.

Die hoë-energie laserstelsel is ook gebruik om ‘n 15mm dik staalbalk middeldeur te sny, en kon ‘n gelanseerde staalbal wat ontwerp is om ‘n mortier na te boots, uit die lug skiet.

Die maatskappy het die laserstelsel getoets in ‘n verskeidenheid van weerstoestande, met inbegrip van sneeu, sonlig en reën.

‘n Aantal regerings en wapenvervaardigers is in die proses van ontwikkeling van wapens wat lasers gebruik of inkorporeer. Raytheon het ‘n 50kW anti-vliegtuig laser by die Farnborough Airshow in 2010 onthul, en in Junie 2012 het die Amerikaanse weermag besonderhede van ‘n wapen wat ‘n laser geleide weerligstraal brand, vrygestel.

Oranje bo!

Nuwe navorsing toon dat oranje-kleurige bekers ‘n warm sjokoladedrankie lekkerder laat smaak.

Navorsers van die Polytechnic Universiteit in Valensië in Spanje en die Oxford universiteit het dié proefneming gedoen.

Die 57 deelnemers moes hul mening gee oor sjokoladedrankies wat in verskillende kleure bekers bedien is.

Volgens die verslag het die drankie in die oranje- en roomkleurige bekers die beste gesmaak. Die navorsing ondersteun die persepsie dat smaak bepaal word deur faktore wat niks met die kos self te doen het nie.

Лобановский

Amerikaanse filmman sterf in SA

David R. Ellis (60), bekende Amerikaanse rolprent-regisseur, se lyk is in die SandtonSun-hotel gekry.

Ellis was die regisseur van rolprente soos Snakes On A Plane, The Final Destination en Shark Night 3D.

Hy was in Suid-Afrika om aan ‘n rolprent te werk.

Volgens die polisie is dit nog nie duidelik wat Ellis se dood veroorsaak het nie.

Hy is Saterdag laas lewend in ‘n restaurant deur ‘n vriend gesien.

Sy lyk is Maandagmiddag deur die hotelbestuurder ontdek.

“Daar word niks uit sy kamer vermis nie en gemene spel word nie tans vermoed nie,” het luit.kol Lungelo Dlamini gesê.

Die Amerikaanse ambassade is ingelig en hulle tref reëlings.

Фільчаков прокурор

SEB lei tot korrupsie, sê Cronin

Jeremy Cronin, adjunkhoofsekretaris van die SAKP, het gesê swart ekonomiese bemagtiging (SEB) lei tot korrupsie. Cronin het hom in Desember op die ANC-kongres nie vir die party se nasionale uitvoerende komitee verkiesbaar gestel nie.

Cronin het gesê daar was geen sprake van SEB voor 1994 nie. “Deel van die skuld vir korrupsie moet voor die deur van die ANC of minstens deels voor die deur van die ANC gelê word.”

Cronin, adjunkminister van openbare werke, het Sondag tydens die Joe Slovo-gedenklesing in Soweto gesê die beleidsbesluit is eers ná 1994 geneem om die invloed van die SAKP te troef en om sekere individue persoonlik te verryk.

“Die SEB-besluit het vir sommiges in die ANC en die regering twee voordele gehad: Dit het tot persoonlike verryking gelei en dit het as ‘n teenmiddel teen die SAKP- en Cosatu-alliansievennote binne die beweging gedien.”

Cronin het al voorheen omstrede uitsprake oor SEB gemaak. Volgens Cronin is die nasionalisering van myne bloot ‘n manier om SEB-maatskappye uit hul skuldprobleme te red.

In 2010 het hy gesê die teikens vir swart eienaarskap in die mynbedryf belemmer ekonomiese groei en dit moet laat vaar word. Ware bemagtiging behels belegging in nuwe ontwikkelings en SEB-transaksies skep nie werk of infrastruktuur nie, volgens Cronin.

“Ons moet ons ekonomie op ‘n ander, meer gelyke ontwikkelingsweg plaas, een wat die kritiese en deeglike hersiening van SEB-beleid insluit.”

Om korrupsie in Suid-Afrika hok te slaan, is ‘n hersiening van SEB nodig, het hy gesê. “Dit sluit in dat openbare amptenare verbied moet word om by die private sektor betrokke te wees.

“Hulle moenie sakebelange hê nie. Die staat se verkrygingsprosedures moet ook opgeskerp word.

“Die verklarings van belange deur werknemers van die staat en senior openbare amptenare moet opgeskerp en verbeter word.”

Vier wou KKK nader vir befondsing

Een van die vier aangeklaagdes wat die ANC-konferensie op die Bloemfonteinse kampus van die Universiteit van Vrystaat (UV) in Desember met mortiere wou opblaas, het na bewering die Ku Klux Klan in Amerika vir geld genader.

Die vier het verskyn op aanklagte van hoogverraad en sameswering om terreurverwante dade te pleeg. Hulle borgaansoek word vandag in die Bloemfonteinse landdroshof voortgesit.

Hein Bonzaaier (50) van Centurion, Mark Trollip (49) van Douglas, John Martin Keevy (47) van Port Elizabeth en Prinsloo van Naboomspruit het gister in die Bloemfonteinse landdroshof om borg aansoek gedoen.

Volgens die staatsaanklaer, adv. Shaun Abrahams, is Boonzaaier deur Johan Prinsloo (49) na Amerika gestuur om onder meer die Ku Klux Klan vir befondsing te nader.

Die staat het aangevoer dat die vier RPG-7-vuurpyllanseerders, AK 47’s, R1- en R4-aanvalsgewere, mortiere en twee bataljonne aanvalsmagte sou gebruik om pres. Jacob Zuma, ministers en ander ANC-hoës te vermoor. Hulle kon glo egter nie betyds die wapens bymekaarmaak nie.

Die vier het hulself na bewering vir “oorlog” voorberei.

Bonzaaier en die ander ontken dat hulle by “die Slag van Manguang” betrokke was.

ANC-leierskap skop toer af in KZN

Die ANC se nuutverkose topleierskap begin vandag met ‘n toer deur Kwa Zulu-Natal, voor die president van die party, Jacob Zuma, Saterdag die party se 8 Januarie verklaringstoespraak sal lewer.

Dit sal die eerste keer wees dat die ANC se adjunk-president, Cyril Ramaphosa en die party se nuwe tesourier-generaal, Zweli Mkhize in hul nuwe hoedanigheid deel van ‘n ANC byeenkoms is.

Die sekretaris-generaal van die ANC, Gwede Mantashe het vroeër bevestig dat die toekoms van die ANC Jeugliga die week op ‘n hoëvlak bespreek sal word. Die party se hoogste besluitnemingsliggaam, die nasionale uitvoerende komitee, vergader Vrydag.

Saterdag word ‘n massasaamtrek gehou om die 101ste bestaansjaar van die ANC te herdenk.

Britte raak etnies oor hul vlag

Polisie in Noord-Ierland moes waterkanonne gebruik om betogers af te weer wat bakstene gooi in Belfast Saterdag tydens gewelddadige betogings oor die verwydering van die Britse vlag. Dit is reeds die derde dag van geweld teen die Katolieke.

Die Polisiediens van Noord-Ierland het gesê hulle ondersoek berigte dat ‘n aantal skote op die polisie afgevuur is. ‘n Man van 38 is in hegtenis geneem vir vermoedelike poging tot moord, het die polisie gesê.

Meer as 1000 betogers het opgeruk na Belfast se stadsaal vroeër Saterdagmiddag te midde van ‘n swaar polisieteenwoordigheid.

Terwyl die optog grootliks sonder voorval geskied het, is die polisie nogtans deur ‘n skare van meer as 100 mense aangeval wat klippe gegooi het en vuurwerke teen hulle aangesteek het. Twee mans is in hegtenis geneem, het die polisie gesê.

Betogers dreig sedert ‘n besluit deur Belfast City Council op 3 Desember op geweld te pleeg. Die stadsraad het besluit om nie die Britse vlag vir die hele jaar lank voor die gebou te hys nie.

Protestantse lojaliste betogers het Saterdag 5 Jan, 2013 voor die stad se stadsaal byeengekom. Deurlopende protes en betogings oor die verwydering van die Unievlag word sedert Saterdag gehou.

Polisie het Saterdag gesê meer as 30 petrolbomme is gegooi na beamptes deur Britse simpatiseerders.

‘Slag van Mangaung’: Vier voor

Vier mans verskyn binnekort in Bloemfontein se landdroshof in die hof in verband met ‘n beweerde regse sameswering om pres. Jacob Zuma te vermoor.

Johan Prinsloo, Mark Trollip, Hein Boonzaaier en Martin Keevy is verlede maand in hegtenis geneem nadat hulle na bewering ‘n bomaanval by die ANC se nasionale verkiesingskonferensie beplan het.

Die staat beweer hulle was deel van ‘n groep wat die sogenaamde “Slag van Mangaung” beplan het om die land se leiers uit wis.

Verder word beweer dat hulle saam met ander probeer het om ‘n nuwe verregse party, die Boere Party, te stig en sabotasie te pleeg.

50 beseer in tronkoproer

Ongeveer 50 gevangenes by die Groenpunt-tronk in Deneysville in die Vrystaat het geringe beserings opgedoen in ‘n stormloop toe die polisie die perseel Dinsdagoggend moes binnedring, het owerhede gesê.

Gevangenes het Maandag omstreeks 16:00 oproerig geraak toe hulle geweier het om te eet en brande begin stig het.

Polisieversterkings van Vereeniging, Sasolburg en Welkom is ingeroep en skokgranate is gebruik om toegang tot die perseel te verkry.

Die SABC het berig dat die oproer in die maksimum-sekuriteit-vleuel begin het, toe 227 gevangenes hulle eenheid afgesper het en bewaarders verhoed het om dié deel van die tronk te betree.

Konst. Peter Kareli, ‘n polisiewoordvoerder, het aan die nuusagentskap Sapa gesê dat die situasie teen dagbreek weer rustig was.

“Ons gaan nou terug om die skade te bereken en om vas te stel wat tot die oproer gelei het,” het hy gesê.

Vyf personeellede by die tronk het ook geringe beserings opgedoen.

Regering maan stakers tot kalmte

Wes-Kaapse werkers moet vreedsaam byeenkom en kalm bly wanneer hulle hierdie week met hulle stakings voortgaan, het Phumla Williams, ‘n regeringswoordvoerder, Maandag gesê.

“Hoewel werknemers die reg het om met hulle werkgewers te onderhandel oor kwessies wat verband hou met lone en werksomstandighede, word hulle aangemoedig om hulle te weerhou van geweld en intimidasie van ander werkers en die algemene publiek,” het sy in ‘n verklaring gesê.

“Die regering sal nie gewelddadige arbeidsgeskille duld nie en doen ‘n beroep op alle partye om altyd daarna te streef om tot ‘n gelyk te kom.”

William het gesê die regering het “kennis geneem” van ‘n beplande onwettige protesaksie deur plaaswerkers, ná meer as 1 500 werkers Sondag by De Doorns vergader het.

“Die regering vra burgers om hulle reg om te betoog op ‘n vreedsame en wettige manier te beofen.”

Cosatu se provinsiale sekretaris Tony Ehrenreich het gesê plaaswerkers sal die strate hierdie week invaar nadat onderhandelings met Agri SA en die regering misluk het.

“Ons is by die punt waar die mandaat van die werkers is om die staking te hervat op 9 Januarie 2013,” sê Ehrenreich.

Hy het gesê Agri SA en individuele boere kon nie ‘n ooreenkoms bereik met hul arbeid nie, en werkers het nie ‘n keuse nie, as om hul staking voort te sit.

Die staking is verlede jaar as gevolg van ‘n onderneming dat die onderhandelinge tussen verteenwoordigers van die werknemers en individuele boere sal voortgaan, eers opskort.

Ten minste twee mense is gedood tydens betogings in die landbougebiede tussen 27 Augustus 4 Desember verlede jaar.