Kategorie: Nuus

Die Vryheidsfront Plus verwerp die voorstel deur die department van vervoer om voortaan AARTO-boetes ook per e-pos af te lewer soos blyk uit die Wysigingswet op die Administratiewe Beregtiging van Verkeersoortredings (AARTO).

Alhoewel daar hofuitsprake bestaan wat die aflewering per e-pos van regsdokumentasie sanksioneer, skree die legio van tegniese probleme om uitvoering aan AARTO te gee ten hemele teen die byvoeging van nog ‘n tegniese vereiste van aflewering.

Volgens adv. Anton Alberts, VF Plus-parlementêre woordvoerder oor vervoer, heg die verkeersowerhede geen waarde aan die uitvoering van die letter van die wet nie en skep daarmee soveel probleme vir die publiek, soos die onwettige afleweringsmetodes deur middel van gewone pos, die onwettige blokkasie van lisensies, die onwettige arrestasie of dreigement tot arrestasie by padblokkades en die afwesigheid van verkeershowe waarin AARTO-boetes besleg moet word om net ‘n paar te noem.

“Indien hierdie basiese aspekte van AARTO nie eens nagekom word nie, hoe op aarde gaan die owerhede elektroniese databasisse administreer en bestuur?” het Alberts gevra.

Verder is die VF Plus bekommerd oor die beplande wysiging soos dit tans daar uitsien aangesien dit die vereistes van persoonlike betekening of per geregistreerde pos geheel en al uithaal en vervang met ‘n vae vereiste “soos voorgeskryf”.

Alhoewel die verduideliking is dat die wysiging eintlik net elektroniese aflewering ook moontlik maak, is hierdie ‘n slim wyse om ongesiens die streng vereistes wat bestaan uit te haal en te vervang met ‘n vae reëling wat ook die aflewering per gewone pos kan insluit. Daarom sal die VF Plus hierdie wysigingswet in die parlement teenstaan.

Slegs vyf liggame naby die wrak van ‘n vliegtuig gekry is wat in ‘n woongebied in Goma in die ooste van die Demokratiese Republiek van die Kongo neergestort het.

Daar was nege mense aan boord en nie tussen 30 en 50 soos wat die owerhede vermoed het nie. Drie oorlewendes is uit die wrak gehaal voordat die polisie gisternag die soektog opgeskort het.

Die vliegtuig, ‘n Fokker 50, was van die myngebied Lodja af in die oostelike Kasai-provinsie op pad. Dit het in die middel van Goma neergestort, maar het niemand op die grond getref nie.

Vliegtuigongelukke kom algemeen in die DRK voor waar talle vliegtuie en lughawens nie moderne toerusting het nie en owerhede geen passasierslyste aanhou nie.

Die Suid-Afrikaanse Menseregtekommissie sê hy sal ondersoek instel na bewerings deur die gemeenskap van Kommagas in die Noord-Kaap wat betref die De Beersmyn se versuim om die gebied te rehabiliteer.

Dit het tydens openbare sittings aan die lig gekom waar besprekings gehou is oor onwettige mynbedrywighede wat tot die dood van 19 onwettige myners by die Bontekoemyn gelei het.

‘n Woordvoerder van die kommissie, Chantelle Williams, sê hulle sal die gemeenskap se kwellings ontleed om te sien wat gedoen moet word. De Beers het die gemeenskap se bewerings verwerp.

Die mynmaatskappy sê hy het ‘n dokument saamgestel oor al sy projekte wat daarop gemik is om die omgewing te ontwikkel.

‘n Woordvoerder sê die gemeenskap het reuse behoeftes en van die projekte is deel van De Beers se plaaslike ekonomiese ontwikkeling wat hulle onderneem bo en behalwe hulle maatskaplike en arbeidsverpligtinge.

Die president van die Pan-Afrika Jeugunie, Andile Lungisa, glo dat president Robert Mugabe se beleid oor grondhervorming in Zimbabwe moet dien as ‘n bloudruk vir Suid-Afrika.

Lungisa was onder diegene wat Mugabe se $600 000-verjaarsdagpartytjie in die klein myndorpie Bindura bygewoon het.

Lungisa was die voormalige adjunk-president van die ANC-jeugliga.

Lungisa het aan die skare van 50.000 gesê: “Ons sê in Suid-Afrika en die hele Afrika, ons moet Zimbabwe navolg.”

Lungisa is deur Zanu-PF se jeugvleuel genooi saam met ander jeugleiers van plaaslike swart Vryheidsbewegings.

Onder Mugabe se grondhervormingsbeleid, is sowat 4000 blanke boere se grond gekonfiskeer sonder vergoeding. Op die oomblik is daar minder as 300 wit kommersiële boere oor wat nog steeds in boer, maar hulle grond bly geteiken.

Boere wat uitsetting teenstaan staar ten minste twee jaar gevangenisstraf in die gesig.

Daar word wyd geglo dat Mugabe se grondhervormingsbeleid tot sy land se ekonomiese ondergang gelei het, en ernstige gebrek aan voedselsekuriteit. “Ons sê in Suid-Afrika en die hele Afrika, ons moet Zimbabwe navolg,” het Lungisa verklaar.

Pedzisai Ruhanya, die voormalige nuusredakteur van die verbode Zimbabwiese onafhanklike koerant Daily News, het gesê Lungisa se ​​kommentaar was blote politiekery in ‘n poging om Mugabe te beïndruk.

“Die ANC bestaan ​​in ‘n baie aktiewe gemeenskap wat nie so passief as Zimbabwe is nie. So om dieselfde standpunt in te neem as Zanu-PF is onmoontlik in Suid-Afrika.”

‘n Paar dae voor die verjaarsdagpartytjie, is die 12-jarige seun van ‘n ​​lid van een van die twee MDC-faksies vermoor in ‘n brandstigtingsaanval.

Sommige beweer een van Mugabe se intieme vriende en bondgenote was verantwoordelik vir die aanval.

“Selfs wanneer [iemand] deur ‘n koei gedood word, blameer hulle dit op Zanu-PF,” het Mugabe gesê.

Anglo American Platinum (Amplats) het ‘n erkenningsooreenkoms met die Association of Mineworkers and Construction Union (Amcu) onderteken, het City Press Sondag berig.

“Ons het volle organiseringsregte en sal nou in staat wees om formele strukture te implementeer en om verteenwoordigers by Amplats aan te stel,” het Joseph Mathunjwa, president van Amcu, aan die koerant gesê.

Mpumi Sithole, ‘n woordvoerder vir Amplats, het gesê Amcu verteenwoordig nou 40% van sy werknemers, wat net onder 60 000 staan.

Lesiba Seshoka, woordvoerder van die National Union of Mineworkers (NUM), het intussen gesê hy glo werkers sal wel later na sy vakbond terugkeer, wat eens die meerderheid van die myn se werkers verteenwoordig het.

Hy het gesê maatskappye kies Amcu “om die ANC terug te kry”.

“Daardie werkgewers moet net bid dat ons nie die meerderheid-vakbond word nie, want ons sal die lewe baie moeilik maak vir hulle.”

Die platinumvervaardiger Lonmin het verlede maand ontken dat hy verifiëringsprosesse aangepas het om Amcu te bevoordeel.

“Lonmin glo in vryheid van verteenwoordiging. Daar is geen intimidasie nie. Ons kan nie besluit wie sluit aan by watter vakbond nie,” het Sue Vey, ‘n woordvoerder, gesê.

Haar kommentaar volg nadat Zwelinzima Vavi, Cosatu se hoofsekretaris, die bestuur van Impala Platinum (Implats), Amplats en Lonmin gekritiseer het omdat hulle na bewering voorkeurbehandeling aan Amcu gegee het.

Arbeidsonrus heers sedert Augustus by platinummyne in en om Rustenburg.

Die familie van die Mosambiekse taxibestuurder, Mido Macia, het President Jacob Zuma gevra om in te gryp in die ondersoek na sy dood in polisie-aanhouding in Daveyton aan die Oosrand.

Macia is verlede week in aahouding in die polisieselle dood nadat hy na bewering vroeër agter ‘n polisievangwa vasgemaak en gesleep is. Agt polisiebeamptes wat by sy dood betrek word, is in hegtenis geneem. Hulle sal vandag in die plaaslike landdroshof verskyn.

Die DA het gevra vir ‘n kommissie van ondersoek na polisiewreedheid na die voorval. ‘n Familielid van Macia, Hilton Sithole, sê President Zuma moet ingryp en aan die polisiebeamptes sê dat Macia nie ‘n hond was nie. Sy sê Zuma moet seker maak dat geregtigheid geskied.

Die DA het ook ‘n beroep gedoen vir ‘n regterlike kommissie van ondersoek na polisiewreedheid. ‘n Aantal DA leiers het Daveyton aan die Oosrand gister besoek na Macia se gewelddadige dood.

Die DA LP, Dianne Kohler-Barnard, sê polisiewreedheid moet gestaak word. Sy het ‘n brief aan die President gestuur om te vra vir ‘n kommissie van ondersoek om die oorsake van polisiewreedheid te ondersoek. Sy sê Suid-Afrika het ‘n professionele polisiediens nodig wat misdadigers vang, en nie onskuldige mense doodmaak nie.

Intussen is sowat 1500 bevorderings in die Suid-Afrikaanse polisiediens teruggehou na ‘n hofbeslissing teen regstellende aksie. Die Arbeidhof in Gauteng het beslis dat geen bevorderings in werking kan tree voordat alle regsgedinge teen die polisie se regstellende aksie plan in die hof aangehoor is nie.

Die vakbond Solidariteit het ‘n versoekskrif ingedien wat die hof vra om die plan ongeldig te verklaar. Die adjunk-uitvoerende hoof van Solidariteit, Dirk Hermann, sê baie wit mense wat voldoen aan die vereistes vir bevordering, word nie bevorder nie.

Slegs nege persent van beskikbare poste vir luitenante en majoors is aan wit mense toegeken.

Cyril Ramaphosa, adjunk-president van die ANC, het ‘n beroep op Christene gedoen om Suid-Afrika se morele kompas te wees teen oortedings soos verkragting, het City Press Sondag berig.

“Daar is geen beter agente as Christene en die kerk om die morele waardes en morele gewete van ons land op te bou nie,” het Ramaphosa Saterdag volgens die koerant by die Pentecostal Holiness Church gesê.

“[Die verantwoordelikheid] rus op ons as Christene. Ons moet sê hierdie is ‘n sonde. Hierdie is ‘n oorteding. Verkragting is ‘n sonde en dis ‘n oorteding.

“Ons as Christene is die mense wat moet opstaan en sê: ‘Korrupsie, ons sal dit nooit aanvaar nie, want dis ‘n sonde. Dis ‘n oorteding’.”

Die koerant het berig dat Ramaphosa gesê het Christene moet op die voorpunt wees in die stryd teen die mishandeling van vroue.

“Ons moet ook die morele kompas van ons land wees wanneer dit kom by respek vir vroue en aksie teen verkragters,” het hy gesê.

Suid-Afrika oorweeg die wettiging van handel in renosterhoring en het Vietnam as ‘n moontlike handelsvennoot geïdentifiseer. Vietnam is een van die lande wat diep betrokke is in die handel.

Die regering se plan sal by die komende konferensie oor die Konvensie in Internasionale Handel in Bedreigde Spesies, of CITES, bespreek word,  het die minister van Omgewingsake, Edna Molewa gesê. Haar departement sal volgende maand se konferensie by COP16 in Bangkok bywoon.

Handel in renosterhoring is tans beperk onder die CITES-verdrag en renosterhoring kan slegs uitgevoer word as ‘n trofee.

“Ons wil graag [by die ondertekenaar-lande] hoor of hulle gereed sou wees om te stem vir handel.”

Die wettiging van handel is nie op die agenda vir volgende maand se vergadering nie en indien Suid-Afrika besluit om te druk vir die wettiging van handel in renosterhoring, sal dit eers by die COP17-vergadering oor drie jaar tyd besluit word.

Steven Broad, uitvoerende direkteur van Traffic International, het verlede week in ‘n telekonferensie gesê: “Die mark in Vietnam is baie volatiel. Dit word gedryf deur aggressiewe bemarking. Wettiging maak net nie sin nie.”

Herman Els, van die SA Jagters-en Wildbewaringsvereniging, het gesê die opheffing van die handelsverbod sal die swartmarkpryse van renosterhoring onder druk plaas.

“Ons het R3.5 miljard se renosterhoring in voorraad en elke jaar is daar tussen 200 en 300 renosters wat aan natuurlike oorsake sterf,” het hy gesê.

Deur die verkoop van die horing van die renoster op ‘n veiling twee of drie keer ‘n jaar fondse kan gegenereer word vir bewaring.

Die Departement van Omgewingsake het onlangs ‘n studie onderneem, die Rhino Issue Management verslag, wat aan die kabinet voorgelê is Woensdag.