Nuus Archives - Page 1019 of 1583

Zim-ekonomie loop klopdisselboom

Zimbabwe se ekonomie sal vir die tweede agtereenvolgende jaar in 2010 groei as gevolg van positiewe beleid en sterk kommoditeitspryse, het die Internasionale Monetêre Fonds (IMF) gister gesê, terwyl die organisasie ‘n beroep doen vir meer hervormings om die herstel te onderhou.

Die land se ekonomie, wat deur hiperinflasie van 500-miljard persent in 2008 geteister is, het 5,7% in 2009 gegroei – die eerste keer in ‘n dekade – onder ‘n magsdelingsregering deur die bittere vyande president Robert Mugabe en eerste minister Morgan Tsvangirai.

‘n IMF-span wat die land tussen Oktober 25 en November 3 vir roetinegesprekke met die regering en die private sektor besoek het, het gesê Zimbabwe sal vanjaar ‘n begrotingsoorskot aanteken, onder andere tekens van beter ekonomiese toestande.

“Ondersteun deur hernieude pogings om beleid te versterk, asook gunstige skokke, het die Zimbabwiese ekonomie sy tweede jaar van lewendige ekonomiese groei voltooi ná ‘n dekade van ekonomiese agteruitgang,” het die IMF gesê.

“Die begroting is geprojekteer om ‘n kontantsurplus in 2010 te genereer, beheer by die Reserwebank van Zimbabwe is besig om te verbeter en die regering werk aan die bevordering van die ekonomiese klimaat.”

Die IMF verwag dat die ekonomie met 2,2% in 2010 sal groei, terwyl die minister van finansies Tendai Biti sê dit is op koers vir 8,1% groei hierdie jaar en 10% in 2011.

Die IMF het gesê daar moet meer geld vir infrastruktuur en maatskaplike behoeftes in die 2011-begroting wees en het aanbeveel dat die regering kontantbegrotingsuitgawes tot $2,5-miljard beperk.

Hoër goud- en platinumpryse het uitvoere en regeringsinkomste in 2010 opgestoot, terwyl gunstige weerstoestande tot ‘n hoër opbrengs van landbouprodukte bygedra het.

Ontleders het gesê Zimbabwe se wankelrige koalisieregering, wat oor sleutelregeringaanstellings en die tempo van die hervormings gekibbel het, was besig om die hersteltempo te vertraag.

“Politieke stabiliteit is ook die sleutel tot die konsolidering van winste in makro-ekonomiese prestasie,” het die IMF gesê en bygevoeg dat meer hervormings nodig is om die potensiaal te verwesenlik.

“Prioriteitsgebiede sluit in die vermindering van arbeidsmarkregulasies, om sekerheid betreffende grondbesit te vestig, om eienaarskapsvereistes onder die verinheemsingswetgewing op te helder, en om kommer oor bestuur in die diamantsektor aan te spreek.”

Die IMF het ook gesê streng regulering het risiko’s in die bankstelsel sedert die begin van 2010 laat afneem. Dit het bygevoeg dat hulp aan Zimbabwe, wat multilaterale finansiële instellings byna $7-miljard skuld, tans beperk tot tegniese bystand sou bly.

Данильченео

Private veiligheidsmaatskappye bedreig staatsveiligheid

Die Volksblad berig dat die private veiligheidsbedryf glo “‘n bedreiging vir staatsveiligheid inhou” vanweë ‘n gebrek aan regulering. Die parlementêre portefeuljekomitee oor polisie het dié uitspraak gemaak.

Die Beheerliggaam vir Sekuriteitsmaatskappye (Psira) se topbestuur het Dinsdag ‘n donker prentjie geskilder van volgehoue wanbestuur, finansiële verliese, personeeltekorte, ‘n gebrek aan vaardighede en ‘n lae moreel.

Daarbenewens is Seth Mogapi, uitvoerende hoof, in Julie 2009 weens onder meer wangedrag en swak bestuur afgedank.

“Dit is geen verrassing ‘n mens lees daagliks van sekuriteitswagte wat by misdaad betrokke is nie. Dit is duidelik dat die sekuriteitsbedryf glad nie gereguleer word nie,” het Pieter Groenewald, LP van die VF+, gesê.

Ook Mluleki George (Cope) het beweer staatsveiligheid word bedreig deur onwettige maatskappye met buitelanders en misdadigers in hul diens.

Vrese is geopper oor die feit dat veiligheidsmaatskappye se wapens verdwyn sodra Psira die maatskappy se registrasie opgeskort het nie. Die polisie word daarvan in kennis gestel, maar wat daarna met die wapens gebeur, is die veiligheidsmaatskappye se verantwoordelikheid.

Volgens Mahlabela Chauke, Psira se nuwe hoof wat in September aangestel is, is die inligting op hul databasis “onbetroubaar”.

Voorts het Psira se inspekteurs in die 2009-’10-boekjaar nagelaat om inspeksies by bykans 500 maatskappye te doen om te verseker dat hulle wel aan wetlike vereistes voldoen.

Meer as 1miljoen van die 1,5 miljoen sekuriteitswagte wat by Psira geregistreer is, is glo “onaktief”.

Barbaarse verkragting veroordeel

Die Vryheidsfront Plus veroordeel die wreedaardige en barbaarse verkragting op ‘n 35-jarige vroulike dokter van Bloemfontein. Die feit dat dit in die dokter se werkplek, in Pelonomi-hospitaal gebeur het, getuig weereens van die swak toestand waarin die gesondheidsdienste in die Vrystaat verkeer.

Jan van Niekerk, lid van die Vrystaatse Wetgewer vir die VF Plus, sê dit is presies die rede waarom die VF Plus die doodstraf vir moordenaars en verkragters eis. Misdadigers skrik nie meer vir die strawwe wat hulle opgelê word nie, daarom pleeg hulle sulke onmenslike dade soos hierdie.

Die VF Plus wil hiermee sy innige simpatie met die dokter en haar familie betuig en sal, alhoewel dit nie die onmenslike gebeurtenis ongedaan sal maak nie, haar aanraai om die hospitaal verantwoordelik te hou vir die feit dat sy nie veilig in haar werkplek was nie. Dit is ‘n regering se primêre plig om aan sy burgers ‘n veilige werk- en leefruimte te verseker. Hierdie barbaarse gebeure getuig daarvan dat die regering nie daarin slaag nie.

Die VF Plus verstaan ten volle die dokters by Pelonomi se houding dat hulle nie voort sal gaan om nagskofte te werk nie, aangesien daar van geen mens onder sulke omstandighede verwag kan word om sy eie lewe in gevaar te stel nie. Die feit dat selfs die veiligheidswagte vir hul lewe vrees in die donker gange is ‘n sprekende bewys van hoe onveilig dit veral vir vroulike dokters moet wees om in Pelonomi-hospitaal te werk.

Die regering moet besef dat baie mense se lewens op die spel is as dokters weier om snags by die Pelenomi-hospitaal te werk. Dit is die department se verantwoordelikheid om toe te sien dat dokters in ‘n veilige omgewing mense se lewens kan verbeter en selfs red.

Arcelor Mittal van rassisme beskuldig

Mnr. Jaco Mulder, VF Plus-LPW en provinsiale leier vir Gauteng, het Arcelor Mittal daarvan beskuldig dat hy gemeenskappe verdeel oor die gevolge van ‘n swart ekonomiese bemagtigingstransaksie in die Vaaldriehoek.

Dit volg na ‘n aankondiging in die Emfuleni-raad dat Arcelor Mittal in terme van ‘n swart ekonomiese bemagtigingstransaksie ‘n gemeenskapstrust wil oprig in die Vaaldriehoek waarin die gemeenskap bevoordeel moet word.

Mittal vereis dat ‘n raadslid uit die Emfuleni-stadsraad genomineer word om as lid op die trust te dien. As vereiste word dit uitdruklik gestel dat die raadslid onder andere swart moet wees. Die uitgebreide definisie van swart (African, Indian, Chinese or Colored) word gebruik.

Die oprigting van ‘n gemeenskapstrust op die wyse sluit dus wittes uitdruklik uit en bevoordeel slegs ‘n gedeelte van die reeds verarmde gemeenskap.

Mnr. Nic Janse van Rensburg, VF Plus-raadslid vir Emfuleni, het dit beaam deur te sê dat die transaksie, die oprigting en bestuur van die trust sal lei tot verdere polarisasie in dié gebied en ook in die Emfuleni-stadsraad.

“Indien die oprigting van die trust op hierdie wyse voortgaan, behoort die benaming van die trust beskryf te word as ‘n eksklusiewe swart gemeenskapstrust,” het Mulder gesê.

Die wyse waarop swart ekonomiese bemagtiging sedert sy ontstaan in Suid-Afrika toegepas word, kom neer op industriële sabotasie en die skep van nuwe onregte wat in die toekoms as menseregteskending onthou sal word.

Die volgehoue weerhouding van geleenthede van ‘n spesifieke rassegroep, lei tot die verdere uitvloei van kundigheid uit Suid-Afrika en dui op ‘n staat wat reeds gefaal het.

Ondersoek na brande gevra

Die Vryheidsfront Plus het die Gauteng regering vandag versoek om ‘n dringende ondersoek te gelas na die ontstaan van talle brande die afgelope tyd in geboue in die provinsie.

Dit volg nadat ‘n brand vroeër die week die Pretoria Landdroshofgebou in puin gelaat het en ‘n brand vandag in die Hillbrow toring in Johannesburg ontstaan het.

Mnr Jaco Mulder, VF Plus LPW vir Gauteng het gesê dat die Department vir Infrastruktuur en Ontwikkeling, plaaslike owerhede en nooddienste in die provinsie ‘n gesamentlike ondersoek moet gelas na die standaarde van instandhouding, brandtoerusting en noodplanne.

Dit wil voorkom asof swak onderhoud, ongemagtigde toegang en gebrekkige noodplanne besig is om sy tol te eis, het Mulder gesê. Verskeie prominente geboue het gedurende 2010 alreeds in brande deurgeloop, onder andere die Pieter Wessels Tehuis vir Bejaardes in Nigel, die Waterford Sakepark in Johannesburg, twee geboue in Crown Mines, ‘n gebou in Marshalltown Johannesburg en die Krugerpark woonstelle in Pretoria.

Gedurende 2009 het die Johannesburg Poskantoor in Rissikstraat afgebrand en verskeie brande het by geboue in Randburg en selfs by die Pretoria Skou uitgebreek.

Dit het tyd geword dat die owerhede nou drasties optree om toe te sien dat verdere verlies aan infrastruktuur en geboue verhoed word.

Данильченео

Afriforum trek haatspraakklag teen ANC terug

AfriForum het gisteroggend ‘n klag van haatspraak wat hy teen mnr. Julius Malema en die ANC ingedien het, teen die ANC teruggetrek.

Malema se verhoor sal na verwagting einde April volgende jaar voor regter Colin Lomont in die hooggeregshof in Johannesburg begin.

Die klag van haatspraak kom nadat Malema die woorde Dubul’ ibhunu (“skiet die Boer”) in Polokwane in Maart by ‘n studentebyeenkoms gesing het.

AfriForum het op 4 April ‘n interdik in die hooggeregshof in Pretoria teen Malema verkry wat hom verbied om die liedjie met dié woorde in te sing.

Volgens mnr. Willie Spies, regsverteenwoordiger van AfriForum, is die saak teen die ANC teruggetrek omdat die party openlik kritiek teen Malema se liedjie uitgespreek het.

“Mnr. Malema was glad nie tegemoetkomend nie en het in geen stadium gesê hy het berou nie.” Volgens Spies het die ANC-jeugleier gesê hy gaan self ook in die saak getuig.

Volgens mnr. Siyabonga Mahlangu, wat die ANC verteenwoordig het, is dit “nie logies” om die saak teen die ANC, en nie teen Malema nie, terug te trek. “Malema was nog nie eens gebore nie toe daar al begin is om dié lied te sing.” Mahlangu is ook bekommerd oor die gevolge wat die verbod op ander liedere sal hê. “Elke tweede struggle-lied bevat elemente van dié lied.”

Volgens Spies is daar nie op die oomblik vaste wette oor haatspraak nie.

“Ons hoop om met dié verhoor die tafel te dek om op regsgronde te besluit wat is reg om te sê en wat nie.”

Daar sal ook na Malema se optrede die afgelope naweek, toe hy na me. Helen Zille, DA-leier, as ‘n “kokkerot” verwys het, in hul saak verwys word, het hy gesê.

Фильчаков прокурор

Willem Ratte uit op borg

Willem Ratte is uiteindelik op borgtog van R2000 vrygelaat. Hiermee loop sy eetstaking wat ‘n hele maand geduur het ook ten einde.

Oudkommandant Ratte moet egter sy paspoort inhandig en weekliks by die polisie aanmeld.

Verlede week het die landdros die staatsaanklaer gevra waarom Ratte nie ook vrygelaat mag word terwyl agt van sy makkers reeds op waarskuwing uit aanhouding bevry is.

‘Bom in hofsaal vir Ratte-saak gevind’

‘n Berig is vanaf Witbank ontvang dat ‘n bom in die hofsaal waar oudkmdt. Willem Ratte vanmore sou verskyn, gevind is.

Aangesien die hofsittings tot dusver hoofsaaklik deur Afrikaners wat Ratte goedgesind is, bygewoon is, sou dit onwaarskynlik wees dat die bom vanuit Afrikanergeledere afkomstig is.

Die onmiddellike vinger wys na die staat self en moontlik die nasionale inligtingsdiens wat sou wou poog om Ratte se verskyning vandag te verongeluk. Die verwagting was dat Ratte vandag vrygelaat sou word, aangesien die staat nie nog geloofwaardige klagtes teen hom kon vind nie.

Die bominsident word gesien as ‘n poging om Ratte in die gevangenis te hou sodat hy van honger kan doodgaan. Ratte verkeer op ‘n hongerstaking en weier om enige raad van vriende en familie te aanvaar om weer te begin eet.

to build Фильчаков

Brasilië verkies eerste vrouepresident

‘n Voormalige Marxistiese guerrilla wat gemartel en opgesluit is tydens Brasilië se lang diktatorskap, is Sondag verkies tot president van Latyns-Amerika se grootste land,’ n land in die middel van ‘n ekonomiese en politieke opbloei.

Dilma Rousseff het die verkiesing gewen om Brasilië se eerste vroulike leier te wees.

Met 99 persent van die stemme wat getel is, het 55,6 persent vir Rousseff gestem, met 44,4 persent vir haar sentrum-mededinger, Jose Serra, die verkiesingshof gesê.

“Ek is baie bly en ek wil alle Brasiliane vir hierdie oomblik bedank en ek belowe om die vertroue wat hulle in my gewys het, nie teleur te stel nie,” Rousseff aan verslaggewers gesê met haar eerste openbare woorde as verkose president.

Rousseff, die gekose kandidaat van die baie gewilde President Luiz Inacio Lula da Silva, het gewen deur haar beeld na dié van Silva te smee, wie se beleid sy belowe het om mee voort te gaan.

Sy sal ‘n land wat die gasheer vir die 2014 Wêreldbeker-sokkertoernooi gaan wees en wat na verwagting die wêreld se vyfde grootste ekonomie sal wees teen die tyd dat dit as gasheer van die 2016 Somer Olimpiese Spele optree, lei. Die land het ook onlangs groot olie-reserwes op sy kus ontdek.

“More begin ons ‘n nuwe fase van demokrasie,” het Rousseff, 62, in die suidelike stad van Porto Alegre, reeds tydens die stemmery gesê.

Mediese student vir twee bompakkies vrygelaat

Jemenitiese ondersoekers het ‘n mediese student Saterdag in hegtenis geneem, maar sy is intussen weer vrygelaat. Sy is eers daarvan verdink dat sy bompakkies op twee vliegtuie onderweg na Amerika wou geplant het. Die een bom sou waarskynlik die vliegtuig oor Britse gebied laat ontplof het.

“Veiligheidsmagte het ‘n vrou wat van die stuur van die twee pakketbomme verdink word, in hegtenis geneem,” het Jemen se ministerie van verdediging vroeër aangekondig.

Die vrou is ‘n mediese student aan ‘n universiteit in Sanaa, het ‘n Jemenitiese veiligheidsbeampte aan AFP gesê.

Volgens pres. Ali Abdullah Saleh het inligtingsdienste “wenke ontvang dat ‘n vrou die pakkies na twee vragmaatskappye gestuur het.” Die twee Amerikaanse vragdienste UPS en FedEx, het die pakkies glo hanteer.

Sy is egter vrygelaat. Die hoofverdagte is tans die bommaker van die onderbroekbom wat ‘n jaar gelede onderskep is voordat dit ‘n vliegtuig oor Detroit sou laat ontplof het .

Amerikaanse owerhede sê die twee pakkies was vir sinagoges in Chicago bestem. Ses-en-twintig ander gekonfiskeerde pakkies word tans ook ontleed.

Pres. Barack Obama het gesê hy glo dit is die werk van Al-Kaïda wat in Jemen bedrywig is – en het onderneem om die organisasie te vernietig.

Amerikaanse intelligensiepersoneel het aan die Sunday Telegraph gesê hulle probeer Jemen oorreed om ‘n onbemande vliegtuigbasis van die CIA op te rig soortgelyk aan die een in Pakistan om terreur te bekamp.

Duitsland en Frankryk, het intussen aangedui dat hulle lugvrag uit Jemen sal wegwys en Australië het aangekondig dat alle lugvrag uit Doha en Doebai sorgvuldig deursoek sal word.

Een van die twee kragtige bomme het byna deurgeglip ten spyte van die inligting tot ondersoekers se beskikking. Britse owerhede het aanvanklik geen plofstof in hul soektog deur die lugvrag by die lughawe gevind nie, sê Amerikaanse ondersoekbamptes.

Nadat die owerhede in Doebai dáár ‘n bom ontdek het, het Britse ondersoekers die lughawe van voor af begin deursoek en die tweede bom betyds opgespoor.

прокурор Фильчаков