'n Topamptenaar van die departement van landbou is in die Transvaalse Hooggeregshof in Pretoria aan moord skuldig bevind. David Linley Sonkosi het sy vrou Pumla Mkatali doodgeslaan ná 'n beweerde verhouding met 'n ander man deur haar kop en lyf herhaaldelik teen die vloer te stamp en deur haar met 'n leergordel te slaan.Sonkosi is 'n direkteur in die Landboudepartement. Nada thy sy vrou doodgemaak het, het hy op die telefoon gespog dat Pumla nie meer met ons is nie en daaroor gelag.
Waarnemende regter Tholi Vilakazi het Sonkosi skuldig bevind en nie sy bewerings aanvaar dat hy sy vrou net een keer gestoot het sodat sy haar kop teen die muur gestamp het nie.
'n Patoloog het getuig dat haar beserings nie per ongeluk deur 'n enkele stamp teen die kop veroorsaak kon gewees het nie maar die gevolg was van aanhoudende aanranding met herhaalde slae teen die kop en lyf.
Vyf mense is deur veiligheidsmagte gedood in die hoofstad van Somalië, Mogadisjoe, tydens 'n hongeropstand. Die opstand het uitgebreek as gevolg van stygende voedselpryse en rekordinflasie.
Die hoof van die internetmaatskappy Yahoo!, Jerry Yang, het nou 'n toeskietliker houding jeens Microsoft ingeneem, nadat die programmatuurreus oor die naweek sy aanbod vir Yahoo! teruggetrek het.
Volgens die Vrystaatse polisie het drie gewapende mans gister 'n bank in Winburg van 'n onbekende hoeveelheid geld beroof.