SA se werkers vernietig waarde

Suid-Afrika se arbeidsproduktiwiteit is “hopeloos”, met die prestasie van die land se openbare sektor veral pateties, sê Prophet Analytics se kwartaallikse Labour Market Navigator, wat Maandag vrygestel is.

Die navorsing het bevind dat privaatsektor arbeidsproduktiwiteit tot 450% hoër is as in die openbare sektor.

Die opname het ook bevind dat alhoewel privaatsektor arbeidsproduktiwiteit geweldig verskil, is die sektor nie sonder uitdagings nie.

Slegs 65 JSE-genoteerde maatskappye behaal arbeidsproduktiwiteit wat werknemerkoste oorskry.

Die vier bestes van die 65 – RMB Holdings, Vukile Property Fund, Investec Bank en Assore – genereer meer as R100, 000 van die jaarlikse bedryfskontantvloei per werker ná die bydrae van kapitaal in die produksieproses.

“Hierdie bevindings ondersteun ander data wat toon dat arbeidsproduktiwiteit vir die Suid-Afrikaanse ekonomie as ‘n geheel gedaal het na ‘n 40-jaar laagtepunt en kapitaal se aandeel van die nasionale inkomste het dienooreenkomstig gestyg van 39,9% tot 47,2%,” sê Peter Aling, die ontleder verantwoordelik vir die samestelling van die navorsing.

Aling sê produktiwiteit, waarna verwys word as die beste aanwending van beskikbare hulpbronne, as “‘n kardinale ekonomiese doel” beskou word.

Die ontleder het ‘n dwarsklap na die Suid-Afrikaanse Reserwebank se meting van arbeidsproduktiwiteit in terme van uitset per werker gegee.

Aling het gesê dus het “kapitaalproduktiwiteit”, volgens die Reserwebank, jaarliks met 1% gedaal. In inflasie-aangepaste terme, sou ‘n eenheid van kapitaal R7, 297 ter waarde van produksie in 1967 gelewer het en R4, 924 hierdie jaar.

“Hulle (syfers) verduidelik nie nie waarom maatskappye voortgaan om werkers in groot getalle af te dank nie (1,9 miljoen sedert die hoogtepunt in die laat 1980’s), en hulle verduidelik nie waarom arbeid se aandeel van die nasionale inkomste gedaal het van 60,1% in 1995 na 52,8 % in 2011 nie,” het hy gesê.

Die Suid-Afrikaanse ekonomie het meer en meer uitset met minder en minder werkers, het Aling aangevoer.

“Suid-Afrikaanse werkers, oor die algemeen, vernietig waarde, met die gevolg dat hulle geleidelik minder gemaak word,” het hy gesê.

Oor kapitalisme, het die ontleder gesê kapitalisme beteken gewoonlik om konsekwent te wees met ligte regulasies vir besigheid en ‘n lae totale belasting.

“In beide hierdie dimensies vaar Suid-Afrika baie swak: 144 uit 183 lande in terme van besigheidsregulasies, en 116 uit 178 lande in terme van belasting,” het hy gesê.

лобановский супермаркет класс

Londen sal baat by Griekse uittrede

Die Finse minister van buitelandse sake het onthul dat regerings in die Eurosone in die geheim gebeurlikheidsplanne maak vir Griekeland om die Eurosone te verlaat.

Die minister het dit in ‘n onderhoud met die BBC bekend gemaak. Die Griekse eerste minister sal sy land se besparingsmaatreëls vandeesweek met die leiers van Frankryk en Duitsland bespreek.

Duitsland het die naweek gesê daar is perke aan die hulp vir Griekeland en dat dié land nie nog ‘n reddingsboei moet verwag nie.

Griekeland het kontra-sikliese ekonomiese maatreëls ingestel op aanbeveling van Amerikaanse en Britse raadgewers wat die land in ‘n moeilike posisie teenoor die EU geplaas het.

Sommige ontleders meen dit was juis gedoen om die EU in die verleentheid te stel.

Arm lande in Afrika en Latyns-Amerika weet egter daar is lewe en ekonomiese herstel na ‘n soewereine skuldkrisis sê Ann Pettifor, direkteur van die New Economics Foundation.

Lande wat in die 1990’s in gebreke gebly het, se resessies was van korte duur. Argentinië het met 8% gegroei daarna, Rusland met meer as 7%, en Indonesië met 5% na hulle krisis.

Natuurlik Griekeland sal aanvanklik aan erge skok en ekonomiese inkrimping ly. Sy elites sal hul rykdom uitvoer, na byvoorbeeld, die Stad van Londen waar die inspuiting meer as welkom sal wees.

Griekeland sal ‘n alternatiewe, parallelle geldeenheid uitreik – teen ‘n groot afslag mbt die euro – om binnelandse ekonomiese aktiwiteit te finansier.

Griekse uitvoerders glo hulle sal voordeel trek uit ‘n mega-devaluasie van die nuwe geldeenheid, en verhoogde mededingendheid teenoor Europese vennote, veral Duitsland.

Александр Фильчаков

Waar was Zuma?

Pres. Jacob Zuma moes self met die stakende werkers by Lonmin gepraat het toe hy die myn verlede week besoek het, het die IVP Maandag gesê. 

“Mense het hul lewens hier verloor. Die president moes ten minste met hierdie werkers gepraat het en sy medelye persoonlik oorgedra het,” het Nhlanhla Msimango, woordvoerder van die Inkatha-Vryheidsparty, gesê.

Zuma het Vrydag die Marikana-myn in die Noordwes besoek.

“Ons weet hy het dié in die hospitaal gaan besoek, maar ons dink dit sou baie meer waardeer geword het in die omgewing as hy met die werkers gaan praat het,” het Msimango gesê.

Die polisie het Donderdag 34 mense doodgeskiet en 78 ander beseer terwyl hulle probeer het om ‘n groep betogers op te breek wat op Wonderkop-heuwel saamgekom het.

Inwoners van Marikana sal moordklagtes teen die polisiebeamptes wat die Lonmin-mynwerkers doodgeskiet het, bring, het Floyd Shivambu, voormalige woordvoerder van die ANC-jeugliga, Maandag gesê.

Hy sê die organisasie Vriende van die Jeugliga sal betaal vir die regsverteenwoordiging van die 260 mynwerkers wat van openbare geweld aangekla is.

“Die gemeenskap het vir ons ‘n duidelike mandaat gegee dat hierdie mense wat in hegtenis geneem is swak regsverteenwoordiging het,” het Shivambu gesê.

“Die gemeenskap is ontstoke. Hulle is baie kwaad. Die mense is verskrik deur wat gebeur het.”

Die organisasie, inwoners en oorlewendes van Donderdag se gewelddadige betoging sal die saak by die Marikana-polisiestasie gaan oopmaak.

“Die mense verstaan nie hoe die regering polisie ingestuur het om hulle te gaan doodmaak nie. Jy kan nie iemand doodmaak en dan nie aanspreeklik gehou word daarvoor nie.

“Die mense wat hierdie werkers doodgeskiet het, moet in hegtenis geneem word. Hulle moet in die hof bewys dat die moorde uit selfverdediging was. Dit moenie aanvaar word nie,” het Shivambu gesê.

Sy kommentaar volg nadat die 260 mynwerkers Maandag in groepe van 40 in die Ga-Rankuwa-landdroshof verskyn het.

прокурор Фильчаков

Het polisie by Marikana gemoor om Ramaphosa finansieel te help?

PRAAG het nuwe inligting oor die Marikana-massamoord bekom wat dit laat voorkom asof die mynwerkers van die Association of Mineworkers and Construction Union (AMCU) met opset deur die polisie vermoor is as deel van ‘n veldtog om van die lastige unie ontslae te raak.

Amcu was besig om die NUM as meerderheidsvakbond by die myn te vervang. Voordat die skietery losgebars het, het die polisie die media aangesê om die gebied te verlaat.

Lauren Clifford-Holmes, die multimediaredaktrise van die Mail & Guardian, is Donderdagnag verhoed om met beseerdes te praat. Sy het egter twee werkers van Lonmin teëgekom wat bevestig het dat die struweling tussen die twee vakbonde vir die probleme verantwoordelik is, aangesien die NUM-verteenwoordigers nie herkies is nie.

Die sakeman en hooggeplaaste ANC-politikus, Cyril Ramaphosa, beskik blykbaar via sy maatskappy Shanduka oor ‘n kontrak om alle arbeid aan die Lonmin-myn op Marikana te verskaf. “Ramaphosa en die NUM bedryf ‘n vorm van slawe-arbeid by die myn,” het ‘n bron op Marikana gesê. “Hy verskaf die arbeid teen ongeveer R12 000 per werker, betaal elke werker R4000 per maand en steek die res in sy sak. As voormalige hoof van NUM, kan hy die vakbondleiers beheer en sorg hy dat die groteske uitbuiting waarmee hy besig is, in stand gehou word.”

NUM se mededinger, AMCU, vereis egter dat die R12 000 wat Shanduka as arbeidsmakelaar luidens die kontrak met die myn ontvang, direk aan die werkers uitbetaal word.  Veral die rotsboorders, wat baie moeilike en gevaarlike werk doen, het gevoel hulle is op hierdie loon geregtig, aangesien dit reeds die tarief is wat Cyril Ramaphosa se maatskappy vir werk by die myn ontvang.

‘n Oudpolisieman met wie PRAAG gesels het, maar wat nie sy naam genoem wil hê nie, sê dat te oordeel aan die foto’s wat hy gesien het, was die werkers nie besig om die polisie aan te val nie, maar was hulle besig om weg te vlug van ‘n gedeelte waar ‘n tweede polisie-kontingent hulle met traanrook bestook het. “‘n Mens kon sien party het probeer om hul oë en gesigte te bedek. Hulle het gedink hulle vlug na ‘n plek van veiligheid waar die swaar gewapende polisie hulle egter met outomatiese wapens afgemaai het,” meen die oudpolisieman.

Die motief vir die massamoord by Lonmin-myn op Marikana sou die beskerming van Shanduka se winsgewende dienskontrak vir die verskaffing van arbeid aan die myn wees. Shanduka het reeds bekendgemaak dat hy R2 miljoen vir die begrafnis van die 34 werkers skenk.

Die werkers is meesal afkomstig uit Lesotho en landelike gebiede in die Oos-Kaap en sou dus moeilik hul regte en hul lewens kon verdedig teen die ANC-beheerde staat wat nou saamwerk met ‘n Brits-beheerde mynmaatskappy. Tot dusver het die enigste vrae rondom die massamoord van swart politici en aktiviste buite die ANC-dampkring gekom.

‘n Groep bekend as die September National Imbizo het ter plaatse ondersoek gaan instel en met ‘n ooggetuie gesels wat beweer dat die mynwerkers “in ‘n hinderlaag gelok is” deur hulle eers van bo uit helikopters met ‘n “blou middel” te bestook, waarna hulle in die verwarring doodgeskiet is. Vele is tereggestel terwyl hulle tussen rotse en in die bosse probeer wegkruip het. Op die webwerf van September National Imbizo word die ooggetuie as “ons vriend” beskryf:

“…ons vriend toon aan ons hoe verskeie mense geskiet is terwyl hulle tussen die rotse en onder bosse weggekruip het. Ons kon self sien waar die bloedkolle was wat ‘n aanduiding was van die vasberadenheid waarmee werkers uit hul wegkruipplekke uitgehaal en doodgeskiet is. Allerlei soorte kledingstukke en skoene met bloed lê oral op die toneel rond.”

Die webwerf beweer verder:

“Wat duidelik is uit wat daar aan ons gesê is, is dat dit ‘n hinderlaag was. Die videomateriaal in die hoofstroommedia met werkers wat op die polisie afstorm was eerder werkers wat besig was om van koeëls agter hulle weg te hardloop. Waarom sou werkers, wat met knopkieries bewapen was, die gewapende polisie bestorm? Die werkers was heeltemal omsingel en wat ons in die media gesien het, is net die helfte van die verhaal. Daar was duidelik ‘n bedoeling om dood te skiet, vandaar die ontplooiing van die weermag.”

Ander vreemde dinge het gebeur.

Die media is ure lank ná die skietery van die toneel weggehou sodat dit moeilik sou wees om die presiese gebeure te herkonstrueer. ‘n Kontak van The Star is tydens die massamoord doodgeskiet. Ook het die polisie ‘n fotograaf van die Mail & Guardian gedwing om sy foto’s uit te vee. Waarom was die polisie so bang dat bepaalde getuienis oor die gebeure sou uitlek?

‘n Video wat in Nederland verskyn het, toon ‘n Vodafone-ambulans op die toneel. Dieselfde video is later op News24.com vertoon, maar sonder die ambulans, wat toon dat die video geredigeer moes gewees het.

Vooraf het Sapa soos volg oor die leier van die AMCU berig: “Ons is nie veilig nie. Ons telefone word afgeluister, het die AMCU-president Joseph Mathenjwa aan ‘n skare in die Wonderkop-plakkerskamp gesê.

“Ons is demokraties gekoloniseer – werkers werk onder vreeslik haglike omstandighede.”

Ná die massamoord het Mathenjwa ‘n werklik onafhanklike ondersoek geëis, maar die ANC het bloot een van sy eie ministers, Collins Chabane, aangestel om die kommissie van ondersoek te lei. Onder die vorige, sogenaamde “apartheidsregering” is daar altyd regters aangestel.

Waarna Mathenjwa waarskynlik verwys as hy van “demokratiese kolonisering” praat, is dat werkers teen R4000 per maand moet werk terwyl Cyril Ramaphosa drie keer soveel per werker ontvang.

‘n Johannesburgse sakeman met wie PRAAG gesels het en wat ook in die dienstebedryf werksaam is, beaam dat die ANC se kaders feitlik ‘n stelsel van “slawe-arbeid” in die land ingestel het.  Die eertydse offisiere van Umkhonto we Sizwe verskaf tans arbeid aan die myne deur hoofsaaklik buitelanders te werf. Min of geen van die myne neem meer werkers regstreeks in diens nie.

“Alles wat die ANC sê apartheid was, met die stelsel van trekarbeid, geld nou, behalwe dat dit veel erger is,” meen die sakeman. “Die ANC se kaders beheer alles. Hulle het hulle in alle sektore van die ekonomie ingegrawe. Hulle regeer nie, hulle is ‘in besigheid’. Die staat is vir hulle bloot nog ‘n besigheid, met hulpbronne wat hulle kan gebruik om hulself te verryk.”

Of om ‘n mededingende vakbond soos die AMCU te straf en ‘n “voorbeeld van te maak”? In die aanloop tot die verkiesings van 1994 het die ANC halssnoermoorde op sogenaamde “sell-outs” gepleeg. Waar tienmiljoene rand per maand ter sprake is by die verskaffing van werkers aan ‘n myn, kan ‘n mens dus verwag dat ‘n organisasie wat so gewetenloos soos die ANC kan optree, alle middele sal gebruik om mededingers te elimineer.

Tydens die skietery het ‘n joernalis van The Star, Poloko Tau, vanaf die toneel getwiet: “Auto guns creacking [sic] and cocked like 100 at a time, scary … warzone down here, 1st shot fired … journalist running, diving and hiding amid shots, water canon spewing water at the strikers … my contact has just been shot dead …”

Ná die Marikana-massamoord het sommige mense eenvoudig net “verdwyn”. Sapa het soos volg berig:

“Omtrent 100 vroue het by die Ga-Rankuwa-landdroshof buite Pretoria opgedaag waar meer as 250 betogers na verwagting op klagtes van openbare geweld sou verskyn.

‘n Vrou, Nombulelo Jali, 37, het histeries gehuil. Sy sê die polisie weet nie wat van haar man Themba Khalo Jali, 40, geword het nie. Volgens haar is hy Donderdag in hegtenis geneem.

‘Ek het al die pad van Harding in Kwazulu-Natal gekom maar ons kan hom nie kry nie. Ons het in aller yl oral gesoek en ons kan hom nie vind nie. Die polisie het hom weggevat, ‘ sê Jali.”

Julius Malema beweer dat vele van die stakende werkers tans “onwettig in ‘n privaatgevangenis” aangehou word. Sy vriend Floyd Shivambu sê insgelyks dat vele van die werkers in die rug geskiet is, wat sou aandui dat hulle weg van die polisie af gehardloop het toe hulle geskiet is.

Dit kon nog nie vasgestel word nie, aangesien ‘n veiligheidskordon oor die gebied getrek is en joernaliste nie by die hospitaal toegelaat word nie.

Die noue verbintenis tussen die Brits-beheerde mynhuise en die ANC kan etlike dekades heen teruggevoer word. Die eerste kontak tussen die destydse Afrikaner-establishment en die ANC is deur die Britse mynmaatskappy Consolidated Goldfields in Engeland tydens die tagtigerjare gereël. By daardie geleentheid het Thabo Mbeki en Willie Esterhuyse mekaar ontmoet.

Die mynhuise het destyds ‘n vername rol gespeel om die ANC as nuwe regering vir Suid-Afrika voor te stel en het waarskynlik private ooreenkomste met die sogenaamde “bevrydingsbeweging” gesluit.

Gister het die voorsitter van Lonmin, Roger Phillimore, “apartheid” die skuld gegee vir die haglike omstandighede waaronder mynwerkers op Marikana leef, wel wetende dat Shanduka en Lonmin ‘n groot deel van die myn se inkomste vir hulself toeëien.

Julius Malema het Jacob Zuma en Cyril Ramaphosa vir die massamoord verkwalik: “Hulle het toesig gehou oor die massamoord op ons mense… Nie eens die apartheidsregering het soveel mense gedood nie.”

Dit is onduidelik of die optrede van die polisie ooit intern ondersoek sal word, want die uitvoerende direkteur van die polisie se onafhanklike ondersoekdirektoraat, mnr. Francois Beukman, het so pas bedank “om ander loopbaanmoontlikhede te ondersoek”. Hy verlaat die diens aan die einde van vandeesmaand. Sy kontrak sou eers aan die einde van Augustus 2014 verstryk het.In elk geval dink die nuwe baas van die polisie, Riah Phiyega, die dood van 34 mense was nie ‘n slagting nie.

Александр Фильчаков прокурор

‘ET het my met MIV besmet’

Chris Mahlangu, die veroordeelde moordenaar van Eugene Terre-Blanche, sê die voormalige AWB-leier het hom MIV-positief gelaat, het Independent Online Maandag berig.

Hy sê die regse leier het hom glo verkrag voor die moord in April 2010.

Dié beskuldgings is Maandag tydens Mahlangu se vonnisoplegging in die hooggeregshof-sitting in Ventersdorp gehoor.

Die kliniese sielkundige, Hein Swanepoel, het aan die hof gesê: “Mahlangu sê hy is MIV-positief en vermoed dat die oorledene hom besmet het.

“Hy beweer hy is drie tot vier keer deur die oorledene besmet en hy het hom nie probeer weerstaan nie, aangesien die oorledene ‘n sterk man was.”

Regter John Horn het die aanklagte van verkragting verwerp toe dit tydens die verhoor genoem is.

Mahlangu het aan die hof gesê hy het op die dag van die moord na Terre’Blanche se huis gegaan nadat hy gesien het sy tas is vermis. Hy het beplan om huis toe te gaan vir die Paasnaweek.

Met sy aankoms by Terre’Blanche se huis het die regse leier hom na die kamer gelei en gesê hy het die tas geneem.

Mahlangu beweer hy is toe in die kamer verkrag. Hy het glo ná die tyd probeer om daar weg te gaan, maar Terre’Blanche het hom glo met ‘n panga gedreig.

Die sielkundige Hein Swanepoel het aan die hof gesê: “Hy het gesê hy (Mahlangu) het toe ‘n ysterpaal op die grond sien lê. Hy het dit gegryp en die oorledene geslaan. Hy het gesê die oorledene het hom voorheen met sy vuiste en met ‘n sambok aangerand.”

Toe Swanepoel vroeër met Mahlangu se vrou gepraat het, het sy gesê haar man is vier keer verkrag terwyl ‘n vuurwapen op hom gerig was.

Фильчаков прокуратура харьков

Britse en Duitse spioene help Siriese rebelle

Britse en Duitse spioene versamel intelligensie oor Siriese regeringstroepe en deel dit met rebelle wat aanvalle op pro-Assad magte loods, het Britse en Duitse koerante Sondag openbaar.

‘n Siriese opposisie-amptenaar het erken dat die Britse intelligensiediens geheime ondersteuning aan rebelle in Sirië verleen, volgens die Britse Sunday Times.

Britse owerhede “weet en keur dit 100% goed” dat intelligensie van hul militêre basisse in Ciprus deur Turkye aan die rebelle van die Vrye Siriese Leër (VSL) deurgegee word, het die amptenaar gesê.

Die Verenigde Koninkryk besit twee militêre basisse op die eiland Ciprus, een by Dhekelia en ‘n ander op Akrotiri. Die basisse monitor plaaslike luggolwe en doen verslag aan die “GCHQ” (Government Communications Headquarters), Brittanje se nasionale elektroniese veiligheidsentrum in Cheltenham.

“Britse intelligensie doen waarneming van Ciprus. Dit is baie nuttig, want hulle vind baie uit,” het die amptenaar gesê. “Die Britte gee die inligting aan die Turke en die Amerikaners en ons kry dit van die Turke.”

Volgens die bron, was die mees waardevolle intelligensie oor die bewegings van troepe lojaal aan president Bashar al-Assad in die rigting van die stad van Aleppo, wat onlangs onder kwaai botsings tussen die regering en die rebelle deurgeloop het.

“Die Britte monitor kommunikasie oor die bewegings van die regeringsweermag en ons het inligting oor versterkings na Aleppo onderskep,” het die amptenaar aan die koerant gesê. “Ons het die regeringstroepe in Idlib en Saraqib [suidwes van Aleppo], met sukses aangeval.”

“Ons het troepe in ‘n lokval gelei en ‘n kolom van meer as 40 tenks in ‘n vallei naby Saraqib byna uitgewis,” het die amptenaar gesê. “Ons het baie van hulle vernietig met herhaalde met anti-tenk missielaanvalle.”

Die Duitse koerant Bild het ook Sondag aan die lig gebring dat Duitsland baie meer aktief in Sirië is as wat voorheen geglo is. Duitse spioene, gestasioneer op skepe langs die Siriese kus, help met die intelligensie-oordrag aan die rebelle in hul veldtog teen die regime van president Bashar al-Assad, het Bild berig.

Agente van Duitsland se Federale Intelligensie Diens (BND) is toegerus met hoë-tegnologie verkenningstegnologie, sodat hulle troepebewegings so ver binnelands as 600 kilometer (400 myl) kan waarneem. Die spioene gee hul bevindings aan die Amerikaanse en Britse offisiere deur, wat dan die intelligensie aan die rebelle deurgee, Bild gesê.

Die koerant beweer ook dat BND-agente tans werksaam is by ‘n NAVO-basis in Adana, Turkye, waar hulle oproepe en radioverkeer in Sirië afluister.

“Geen Westerse intelligensiediens het sulke goeie bronne binne Sirië soos Duitsland se BND nie”, het Bild ‘n naamlose Amerikaanse intelligensie-amptenaar aangehaal.

Данильченео

praag.co.za is grootste onafhanklike Afrikaanse nuusblad

Benewens webblaaie wat aan die groot Suid-Afrikaanse mediagroepe behoort en ‘n humoristiese webwerf, is praag.co.za die grootste onafhanklike Afrikaanse nuusblad.

Met sy lewendige nuus en kommentaar, het PRAAG sodoende stof in die oë geskop van veel groter organisasies en instellings wat ook gretig is om hul invloed op die internet uit te brei, soos die ATKV, Solidariteit, Afriforum, die FAK, Afrikanerbond, die Vryheidsfront Plus en vele ander.

PRAAG is ook groter as al die politieke partye se webwerwe, waaronder die ANC, DA en Vryheidsfront Plus (sien hier onder).

Volgens die gesaghebbende ranglys van Alexa.com wat die miljoene webwerwe oral ter wêreld volgens hul verkeer en “globale reikwydte” gradeer, sien die ranglys van onafhanklike Afrikaanse webwerwe só daar uit:

     Webwerf                Eienaar    Globale rangorde    .za-rangorde

  1. watkykjy.co.za    Watkykjy      126 798           852

  2. praag.co.za        PRAAG        204 039        2 463

  3. woes.co.za         Woes           283 354        5 537

  4. da.org.za            DA               318 044        2 843 (nie-Afrikaans, maar interessantheidshalwe)

  5. suidlanders.co.za Suidlanders 442 424         4 833 

  6. anc.org.za             ANC          517 644        19 108 (nie-Afrikaans, maar interessantheidshalwe)

  7. maroelamedia.co.za Solidariteit/Afriforum 624 417   5 774

  8. boerevryheid.co.za  Boerevryheid  664 912  onbeskikbaar

  9. atkv.org.za        ATKV            697 266        6 007

  10. dievoorblad.co.za  VF Plus     2 610 411     te klein om te meet

  11. fak.org.za        FAK               3 579 428        te klein om te meet

  12. solidariteittydskrif.co.za Solidariteit  8 316 183  te klein om te meet

Bogaande ranglys is gegrond op Alexa se gemiddeld vir drie maande. Die afgelope maand het praag.co.za egter heelwat boontoe geskuif en verkeer op ‘n maandgrondslag nou globaal in die 169 374ste posisie.

Ondersteun alternatiewe media in Afrikaans deur nóú by PRAAG aan te sluit!

PRAAG skryf die volgehoue belangstelling in die webwerf toe aan daaglikse, vars inhoud met sowel Suid-Afrikaanse as internasionale nuus.

Tot dusver het ons organies gegroei en nie veel moeite gedoen met soekenjin-optimaliseringspeletjies nie. Ons is egter vasbeslote om na die top-100 000 webwerwe ter wêreld deur te breek en na die top-1 000 in Suid-Afrika. Daarvoor sal ons ‘n paar tegniese toertjies moet aanwend. Ons eerste teiken is om watkyk.co.za in te haal, wat ons binne die volgende paar maande behoort reg te kry. As ‘n mens daaraan dink dat ons die afgelope maand ongeveer so groot soos The Citizen se webwerf geraak het, is dit eenvoudig fenomenaal.

Alexa stel praag.co.za ook bokant die smerige tabletkoerant Sondag se webwerf sondag.co.za. Ons is op die za-lys nommer 2463 terwyl Sondag nommer 3109 is. Dis vir ons ‘n riem onder die hart dat Afrikaners op die internet ons intelligente, beskaafde leesstof in Standaardafrikaans bokant Sondag se Afrikanerhaat en dekadensie in Engfrikaans verkies.

Ook is daar meer mense wat Dan Roodt se rubriek op PRAAG in Afrikaans lees as wat “Helen’s weekly newsletter” op die DA se webwerf in Engels lees, want da.org.za is globaal meer as honderdduisend webwerwe agter praag.co.za.

Tans is praag.co.za en die radiostasie RSG eintlik die enigste twee media in Afrikaans wat aan ons mense ‘n begrip van die wêreldsituasie bied. Terwyl RSG se perspektief eintlik maar dieselfde as dié van die BBC en ander Britse media is, het ons by PRAAG ‘n unieke blik op die wêreld ontwikkel wat vir Afrikaners geld. Ook ons kommentaar en rubrieke is van hoogstaande gehalte en kan kers vashou by dié van Media24 wat deesdae sukkel om Afrikaanse rubriekskrywers te vind wie se menings nie verslete en voorspelbaar is nie.

Alexa meet nie die webwerwe in die Naspersgroep apart nie, dus word beeld.com en dieburger.com saam met news24.com beskou. Webwerwe (Afrikaans en Engels) wat met die groot mediagroepe of die SABC verbind is, sien so daar uit:

Webwerf                      Eienaar             Globale rangorde    za-rangorde

  1. news24.com         Naspers/Media24      1 342             10

  2. iol.co.za               Independent-groep    3 379             21

  3. timeslive.co.za      Avusa                       8 743             67

  4. businessday.co.za    Avusa                   24 099          257

  5. dailymaverick.co.za    Daily Maverick     51 535          370

  6. litnet.co.za        Litnet/Media24               69 709          362

  7. rsg.co.za        SABC                             98 573          534

  8. politicsweb.co.za    Moneyweb               105 215        1 021

  9. citizen.co.za        Caxton                       157 371        1 131

  10. sondag.co.za        Media24                   182,921        3 109

Ondersteun alternatiewe media in Afrikaans deur nóú by PRAAG aan te sluit!

депутат лобановский

‘Top Gun’ se regisseur spring

“Top Gun” se regisseur Tony Scott het na sy dood gespring van die Vincent Thomas-brug in San Pedro Kalifornië Sondagmiddag. Hy was 68 jaar oud.

Die fliek, met Tom Cruise in die hoofrol, is vrygestel in 1986 en was ‘n lokettreffer met $175 miljoen verkope.

Produsente Don Simpson en Jerry Bruckheimer het Scott as regisseur raakgesien nadat hy ‘n Saab-advertensie gemaak het waarin hy ‘n Sweedse vegvliegtuig ingespan het.

Sy liggaam is deur die Los Angeles Hawepolisie, wat eerste op die toneel was, uit die water getrek.

Verskeie getuies het aan die polisie gesê hulle het Scott uit sy swart Toyota Prius sien klim op die brug om 12:30. Daarna het hy oor ‘n 10-voet heining geklim en afgespring sonder enige huiwering.

‘n Selfmoordnota is later gevind in sy kantoor. Die inhoud daarvan is nie geopenbaar nie.

Scott, van Britse afkoms en broer van die ewe bekende Ridley, was besig om aan ‘n film oor die dood van Lincoln te werk. Hy het in flieks oor Amerikaanse spioenasie-intriges gespesialiseer.

Die boek waarop hy die film wou baseer is Killing Lincoln: The Shocking Assassination That Changed America Forever, en is deur historici Bill O’Reilly en Martin Dugard geskryf. In die voorwoord word lesers gewaarsku The story you are about to read is true and truly shocking.

Фільчаков Олександр Васильович прокурор

PRAAG nader Menseregtekommissie oor anti-wit haatspraak op Facebook

PRAAG gaan vandag die SA Menseregtekommissie, asook die Statebond se menseregte-eenheid in Londen, van anti-Afrikaner-haatspraak op Facebook in kennis stel.

‘n Swartman van Zimbabwiese afkoms, Julius Magamas, het op sy Facebook-muur geskryf: “Ek gaan al jul wit mense vrek maak, en die wit gatkruipers wat so by gtkruip by die kaffer boer, as ek met my panga kom kak jul almal!!!”

Dr. Dan Roodt het in reaksie gesê: “Ons is ten gunste van spraakvryheid en normaalweg sou ‘n mens nie teen so ‘n stelling beswaar maak nie. Wat ons egter bekommer, is dat so ‘n uitlating ‘n simptoom van ‘n dieper Boerehaat in ons land verraai, wat ook deur die massamedia gerugsteun word. Dit is daarom ‘n manifestasie van ‘n massapsigose wat reeds werksaam is en wat blykbaar volksmoord ten doel het.”

Die Afrikaanse nie-regergingsorganisasie sal ook vir dr. Gregory Stanton van Genocide Watch in kennis stel. Genocide Watch handhaaf sy klassifikasie van Suid-Afrika as ‘n kategorie-5-volksmoordland waarin “polarisering” tans plaasvind. Tydens sy onlangse besoek aan Suid-Afrika, het Stanton egter te kenne gegee dat Suid-Afrika eintlik ‘n grensgeval tussen kategorie 5 (polarisering) en kategorie 6 (voorbereiding vir volksmoord) verteenwoordig.

PRAAG het ‘n beroep op die publiek gedoen wat verdere boodskappe van dié aard teëkom, om dit op rekord te plaas deur aan inlig@praag.org te skryf. “Enige gewelddadige aanval waartydens die slagoffer se ras of etnisiteit ter sprake kom, moet ook gerapporteer word sodat ons ‘n voller prentjie oor die omvang van haatmisdaad in Suid-Afrika kan bekom,” het dr. Roodt gesê. “Hierbenewens sal PRAAG voortaan ook sekere politieke groepe en mediagroepe monitor en waar nodig sulke entiteite as haatgroepe klassifiseer. Dit is ‘n procédé wat in oorsese lande met vrug deur minderheidsgroepe gebruik word.”

топкарго

Stakers vra Boeremag se hulp

Die voormalige president van die ANC-jeugliga, Julius Malema, het die polisie Saterdag gevra om hulself te distansieer van die skare by die Wonderkop-nedersetting naby Rustenburg.

Die onderhandelinge tussen Malema en die polisie volg ná klagtes deur Lonmin-mynwerkers dat hulle ongemaklik voel om met Malema te praat terwyl die polisie teenwoordig is.

Die polisie het gehoor gegee en hul voertuie sowat een kilometer verder weg geparkeer.

Malema is met blydskap deur die inwoners en mynwerkers verwelkom.

Vroue het geweeklaag terwyl die mans opgestaan en hul hande begin klap het.

Sommige van die vroue het plakkate gedra wat gelees het: “Julius Malema, Boeremag, staan asseblief op”.

Een vrou het ‘n plakkaat vasgehou met ‘n boodskap aan Malema dat die boere (wit mans) hul mans doodgemaak het.

Sy het gesê hulle wil hê dat Malema moet help.

Nog ‘n vrou het ‘n plakkaat gedra waarop geskryf is: “R500 beloning om die polisie dood te maak. Vanaf Musina na Kaapstad doen julle bes.”

Dit is die eerste keer sedert die begin van die geweldadige Lonmin-betogings, waar 34 mense reeds hul lewens verloor het, dat mans en vroue saamgesit het.

Die voormalige ANCYL-woordvoerder, Floyd Shivambu en sekretaris, Sindiso Magaga, het Malema na Wonderkop vergesel.

topcargo кидалы