Nege Suid-Afrikaanse burgers is tydelik aangehou in Ghana vanweë ongerymdhede met hulle reisdokumente, het die departement van buitelandse sake Dinsdag gesê.
Die nege is Vrydag aangehou in Akkra, Ghana, maar is deur die owerhede op dieselfde dag vrygelaat nadat die Suid-Afrikaanse hoëkommissaris, Zodwa Lallie, tussenbeide getree het, het woordvoerder Nomfanelo Kota gesê.
Die groep Suid-Afrikaners was gesubkontrakteer aan Vodafone en is nou weer terug by hulle werksplekke in Akkra.
Stappers sal nie meer toegelaat word om kaal te kan wandel in die idilliese Alpynse landskap van Appelzell Innerrhoden nie, na die konserwatiewe Switserse kanton kaalstappery daar verbied het.
Appenzell Innerrhoden het baie gewild geword vir kaal stappers vanweë die rustige prentjie, perfekte lande en valleie. Maar die hordes het Appenzellers omgekrap en hulle het Sondag gestem om hulle te kan opdrag gee om alles te bedek.
“Dit is belaglik dat Appenzell ‘n internasionale reputasie kry vir so afstootlike gewoonte,” het Peter Schmidt gesê wat opgedaag het met die kanton se tradisionele langswaard om te stem teen kaal stappery in die jaarlikse opelug Landsgemeide.
Die Landsgemeide is ‘n gewilde samekoms wat plaasvind in Appenzell-dorp op die laaste Sondag in April. Deelnemers stem deur middel van die opsteek van hande, ‘n voorreg wat net vir mans beskore was tot 1990, toe vroue ook toegelaat is om te stem.
Tussen 3000 en 4000 kiesers, baie met hulle tradisionele drag het opgedaag by die jaar se Landsgemeide.
Die kanton van Appenzell Innerrhoden het die jaar begin om stappe te neem om ‘n einde te bring aan wat die plaaslike regs- en polisiedepartement “immorele gewoontes” noem.
In Februarie het die kantonraad begin om kaalstappers te beboet met op die plek boetes, maar dit het klaarblyklik nie geslaag nie, en Appenzell se internasionale profiel as veilige hawe vir kaalstappers verhoog.
Kaalstap het gewild geraak in lande soos Frankryk en Duitsland.
“Daar is kaalstappers in Frankryk en Duitsland ook, het Edith Zweifel van die Switserse toerismeraad aan Reuters gesê. “Maar Switserland is baie meer konserwatief en baie tradisioneel.”
Die Switserse stapklere en toerustingvervaardiger, Mammut voel die praktyk is onveilig en onverantwoordelik.
Mammut woordvoerder Katharina Haberman het gesê om sekere delikate dele van die liggaam bloot te stel aan die son se UV-strale was gevaarlik.
Ondersteuners van kaalstap voel egter dat die beloning vir die wat dit waag om alles te toon die moeite werd was.
“Die wat al ervaar het hoe dit voel om kaal deur die mis te loop, in die son te lê, te swem en die wind te voel, weet hoe bevrydend dit is om sonder klere aan rond te beweeg,” het Alice Haller, president van die Switserse naturaliste organisasie in ‘n openbare brief geskryf.
In die lig van die uitbraak van varkgriep in Mexiko en Amerika, word alle inkomende besoekers by Singapoer se Changilughawe geskandeer vir griepsimptome.
Temperatuurskandeerders by die aankomssale meet die temperatuur van passasiers net voor hulle immigrasieondersoeke ondergaan, het die ministerie van gesondheid en die burgerlugvaartowerhede in ‘n gesamentlike verklaring gesê.
Passasiers met ‘n hoër as normaal temperatuur sal dan ‘n meer volledige mediese ondersoek ondergaan.
Woensdag sal liggaamstemperatuurskandeerders ook ontplooi word by ander terminale en Singapoer se Seletarlughawe.
Die voorsorgmaatreëls is nie intrusief nie en sal waarskynlik nie enige vertragings veroorsaak nie.
Alhoewel Singapoer sover geen insidente van die virus aangemeld het nie, het minister van gesondheid Khaw Boon Wan gesê dat dit beter is om voorsorg te tref. Berigte dat die virus na ander dele van Amerika versprei het is rede vir kommer.
“Dit beteken nie dat dit definitief ‘n pandemie sal word nie. Maar dit is beter om veilig te wees en die ergste te verwag, as om te hoop dat niks sal gebeur nie en wanneer dit wel doen is dit te laat om te reageer,” het die Straits Times koerant die minister aangehaal.
Singapoer het geleer uit die Sarsuitbraak in 2003, dat dit “beter is om pro-aktief te wees as om agter die kurwe te wees.”
Die landbou-voedsel en veeartseny-owerhede van Singapoer het gesê selfs al is daar geen gevaar om varkgriep te kry van varkvleis nie, sal varkinvoere van Amerika en ander bronne eers getoets word vir die griepvirus as voorsorgmaatreël.
Singapoer voer net varke in van ‘n plaas wat geleë is op Pulau Bulan, in Indonesië, het die owerhede gesê. Dit sal ook monitering opskerp van varke wat van daar af inkom.
Sjina het invoere van varkprodukte uit Mexiko en dele van Amerika verbied met onmiddellike ingang, is bekend gemaak in ‘n verklaring wat Maandag geplaas is op regeringswebwerwe.
Die verbod is daarop gemik om die uitbraak van varkgriep te verhoed om te versprei na Sjina, het die ministerie van landbou en die algemene administrasie van kwaliteitstoesighouding, inspeksie en kwarantyn in ‘n gesamentlike verklaring gesê.
Invoere vanaf die State van Texas, Kansas en Kalifornië word geraak deur die skuif, volgens die verklaring.
Die VSA het die naweek minstens 12,5 miljoen dosisse van die land se 50 miljoen opgegaarde Tamiflu-dosisse beskikbaar gestel en die Amerikaanse departement van verdediging het 7 miljoen dosisse gereed vir militêre personeel, berig ABC News.
Dis 'n ngewone virus volgens Britse en Anerikaanse mediese kenners.
# Gewone griepvirusse bestaan uit agt stukkies ribonukleïensuur (RNS) wat meng en hersaamstel indien twee virusse een sel in die mens se liggaam besmet.
# In die nuwe varkvirus is dié samestelling baie kompleks met genetiese segmente van minstens vier verskillende virusbronne.
# Dit sluit in genetiese segmente van Amerikaanse varkgriep, Noord-Amerikaanse voëlgriep, menslike griepvirusse en varkgriepvirusse van Europa en Asië.
# Dié kombinasie is nog nooit tevore gesien nie.
# Die virus het die vermoë om tussen mense aan te steek en daar word vermoed die oordrag tussen varke en mense het ’n geruime tyd gelede gebeur.
veertien verhoorafwagtende gevangenes het Sondagoggend uit die Siyabuswa polisiestasie in Mpumalanga se aanhoudingselle ontsnap.
Hulle het ystersae gebruik om deur ‘n deur te saag, waarna hulle vensters gebreek het en teen 3:30 die oggend ontsnap het, het inspekteur Mpedi Aphane gesê.
“Ons het drie ystersaaglemme in die aanhoudingselle gevind.”
Dit is waarskynlik ingesmokkel deur ‘n man wat terug gekom het van die Mdutjana landdroshof verlede week Donderdag.
“Dit wil voorkom asof die man nie behoorlik deursoek is toe hy teruggekom het in die selle nie. En ons vermoed hy het die gereedskap gekry toe hy kans gehad het om te gesels met sy besoekers na die hofverrigtinge.”
Een van die ontsnaptes, Thabang Ramasela is weer gearresteer by ‘n plaaslike inkopiesentrum teen 8 uur die oggend na ‘n wenk van plaaslike inwoners.
Met ouderdomme wat wissel tussen 18 en 45, was die klomp verhoorafwagtend vir misdade wat insluit moord, poging tot moord, huisbraak en verkragting.
Aphane het gesê dis die 4de ontsnapping by die polisie stasie sedert Januarie.
Hy het ‘n beroep gedoen op die publiek om nie die verdagtes te konfronteer nie, aangesien hulle as gevaarlik beskou word.
Die 46664 en die Nelson Mandela-stigting het Maandag ‘n beroep gedoen op mense ter ondersteuning van ‘n dag waarop voormalige president Nelson Mandela regoor die wêreld geëer word.
Die organisasies het gesê Mandela se verjaarsdag op die 18 Julie is die datum wat sover uitgesit is vir die dag.
“Ons sal geëer wees as so dag kan dien om mense regoor die wêrelde saam te snoer om armoede te beveg en vrede en rekonsiliasie te kan bring,” het ‘n verklaring gelui wat uitgereik is namens Mandela.
Op Mandela dag sal mense regoor die wêreld gevra word om 67 minute van hulle tyd te spandeer om iets te doen wat ‘n verskil maak aan die wêreld om hulle.
Internasionale direkteur van 46664, Tim Massey het gesê: “Mandeladag is oor die daarstelling van ‘n positiewe beweging en die daarstelling van een dag om te reflekteer oor die waardes wat Nelson Mandela lei en dit te vier.”
Hy het gesê dat ‘n wêreldwye reeks aktiwiteite gehou sal word om die man te eer.
As voorbeeld, sal verskeie geleenthede vanjaar plaasvind in New York, wat mense insluit in die musiek-, vermaak- en filmindustrieë.
‘n Groep middel- en hoërskoolstudente van die stad sal ook na Suid-Afrika toe kom in Junie om Mandela se kantore en die werk van sy stigting te sien.
‘n Studentehandves sal ontwikkel word sodat studente hulle dag-tot-dag handelinge asook dié van gemeenskappe sal kan rig volgens die waardes wat Mandela voorstaan.
Voormalige president Bill Clinton het gesê: “Meer as enige ander mens, was Madiba die groot inspirasie vir die lewe wat ek lei en die werk wat ek doen, veral op die gebied van MIV/Vigs.”
“Die mag van openbare goedheid het nie ‘n openbare kantoor nodig nie, net ‘n gewillige hart en gedetermineerde wilskrag.”
Clinton het gesê in ruil vir alles wat Mandela die wêreld geleer het, skuld mense hom hulle toewyding om sy werk en nalatenskap te ondersteun.
‘n 23-Jarige man is dood aan veelvoudige steekwonde in Pietermaritzburg, het polisie Maandag gesê.
Senior superintendent Henry Budhram het gesê Sibongile Nene was Sondag saam met drie vriende by ‘n taverne in Ravenstraat toe hy hulle ingelig het dat hy gesteek is.
“Sy vriende het met hom hospitaal toe gejaag in ‘n metertaxi, waar hy met aankoms dood gesertifiseer is.”
Budhram het gesê hy het veelvuldige steekwonde aan sy bolyf gehad.
Geen arrestasies is sover gemaak nie.
‘n 10-Jarige meisie is deur haar oupa onthoof in Indië se oostelike Orissa provinsie. Die oupa het geglo dat deur haar bloed te meng met die saad wat gesaai is sal ‘n groot oes oplewer, het ‘n nuusberig Maandag gesê.
Die insident, wat aangespoor is deur eeue oue bygeloof, het Sondag plaasgevind in die streek Salbampur, 450 kilometer wes van die streekshoofstad Bhubaneshwar, het die IANS nuusagentskap berig.
Die barbaarse misdaad is agtergekom na die dorpie se mense die man gevang en aan die polisie oorhandig het.
Hembran, wat drie akkers grond besit, het vooruit beplan om die saad wat gemeng is met die bloed van sy kleindogter te saai op Akshaya Tritya te saai op Maandag, ‘n dag wat beskou word as goeie geluk deur Hindoes, het die polisie gesê.
“Hy het sy kleindogter Bernaka Kandulana se kop met ‘n byl afgekap in ‘n kamer toe niemand anders by die huis was nie en die bloed opgevang in ‘n pot,” het PC Nayak, ‘n plaaslike polisie inspekteur aan IANS gesê.
“Ons het van die saad wat met bloed gemeng is in ‘n staal pot gekry,” het hy gesê. Polisie het gesê die man is gearresteer en hy het sy misdaad erken.
Indië het ‘n eeue oue tradisie van menslike offerandes om die gode te kalmeer, bose geeste af te weer en welvaart te bekom. Soms word daar steeds gevalle in die land aangemeld.
In onlangse jare, het ouers in Orissa hulle twee seuns geoffer oop die advies van ‘n okkultiese praktisyn, na daar gesê is dit sal aan hulle welvaart bring en die gode gelukkig maak.
Gevalle van sulke offerandes is ook aangemeld uit ander state soos Uttar Pradesh, Jammu en Kasjmir.
Daar was Maandag nog geen verslae van varkgriep in SA nie terwyl lande regdeur die wêreld na bewering in paniek status is oor die epidemie, het die Sa nasionale instituut vir oordraagbare siektes gesê.
“Nee, ons het nog geen verslae ontvang van varkgriep nie, maar ons moet wakker wees,” het dr. Lucille Blumberg gesê.
Die nasionale departement van gesondheid se woordvoerder was nie beskikbaar vir kommentaar nie.
Die varkgriep uitbraak het volgens berigte Saterdag in Mexiko begin.
Sterftes as gevolg van die epidemie in Mexiko het na bewering Maandag op 103 gestaan en Amerika het ‘n nasionale openbare gesondheidnoodtoestand afgekondig.
Die meeste lande het na bewering die grense dopgehou en toets inkomende vliegtuie vir die griep.
’n Tweejarige dogtertjie van Ivory Park uitbr. 2, Johannesburg, is gister dood nadat rotte amper haar hele gesig afgebyt het.
Haar stiefpa het gisteroggend wakker geword en na sy werk vertrek sonder dat hy haar verminkte gesig gesien het, het mnr. Percy Morokane, woordvoerder van die Johannesburgse nooddienste, gesê.
“Die baba het in dieselfde bed as haar ouers geslaap. Toe die ma wakker word, het die baba in die ander rigting gelê asof dood. Toe sy die baba omdraai, was 95% van haar gesig reeds afgebyt,” het hy gesê
Die baba se oë, neus en lippe was weg.
Bloedspatsels is op die toneel gekry.
Die ma het aan nooddienste gesê sy dink rotte is verantwoordelik vir die meisietjie se dood.
Sy ontvang traumaberading.
