Sarko vir misdade teen die mensdom aangekla

Twee Franse prokureurs het gesê hulle beplan om Nicolas Sarkozy, die Franse president, aan te kla vir misdade teen die mensdom as gevolg van die Navo-militêre veldtog in Libië.

Ibrahim Boukhzam, ‘n beampte van die Libiese departement van justisie, het gesê Jacques Verges en Roland Dumas het aangebied om gesinne te verteenwoordig wat slagoffers van die Navo-lugaanvalle in Libië was.

“Die twee prokureurs gaan ‘n klagte indien by Franse howe namens die Libiese families,” het Boukhzam gesê.

Van Verges se vorige kliënte was Klaus Barbie, ‘n Nazi-oorlogmisdadiger, en Carlos die Jakkals.

ручной инструмент википедияФильчаков прокуратура харьков

Zuma sê Libië is gereed vir wapenstilstand

Moeammar Gaddafi is gereed vir ‘n wapenstilstand om ‘n einde aan die opstand in sy land te bring, het President Jacob Zuma Maandag ná sy besoek aan die Libiese leier gesê. Hy het voorwaardes opgenoem wat dieselfde as Gadaffi se vroeëre eise is. Dié pogings het tot dusver nie vrede in die land bewerkstellig nie.

Groot gewag is van Zuma se besoek gemaak deur Gaddafi se regime. Navo het ook die vliegspergebied oor Libië tydelik opgeskort sodat Zuma die land kan besoek.

Zuma het gesê Gaddafi is gereed om ‘n inisiatief van die Afrika-Unie te aanvaar vir ‘n wapenstilstand wat alle vyandigheid in die land tot ‘n einde sal bring, insluitende Navo se lugaanvalle ter ondersteuning van die rebellemagte in die land.

“Hy is gereed om die padkaart te implementeer,” het Zuma gesê.

Zuma het gesê Gaddafi dring daarop aan dat “alle Libiërs ‘n kans gegun word om onder mekaar te praat” oor die land se toekoms.

Hy het nie gesê Gaddafi is gereed om uit te tree nie, hoewel dit die sentrale eis van die rebelle is.

Zuma het met verslaggewers van Suid-Afrikaanse en Libiese televisie gepraat. Sy opmerkings is laat Maandag uitgesaai.

Zuma het in April ‘n afvaardiging van die Afrika-Unie na Tripoli gelei met ‘n voorstel vir ‘n wapenstilstand. Gaddafi het gesê hy sal die wapenstilstand aanvaar, maar het dit vinnig geïgnoreer en sy aanvalle op die rebelle hervat. Die rebelle het op hul beurt ook die wapenstilstand verwerp, aangesien dié ooreenkoms nie Gaddafi se uittrede ingesluit het nie. Verskeie pogings om ‘n wapenstilstand te bewerkstellig, het sedertdien om soortgelyke redes gefaal.

Gaddafi beskou Libië reeds dekades lank al as ‘n Afrika- sowel as Arabiese land. Hy het hulp in die vorm van miljoene dollars aan verskeie Afrikalande geskenk en homself as ‘n leier op die kontinent opgebou.

 

вино барбарескоАлександр Фильчаков Васильевич

Angola raak van onwettige immigrante ontslae

Angola het 47 burgers van die Demokratiese Republiek van Kongo (DRK), wat onwettig in die noordlike Zaire-provinsie gewoon het, en ses Brasiliane met vervalste werkspermitte gedeporteer, het die land se immigrasiediens Sondag gesê.

Die Kongolese is deur “plaaslike inwoners aan die kaak gestel”, het ‘n beampte aan AFP gesê.

“Hierdie buitelanders woon nou al meer as twee maande lank onwettig in die provinsie, sonder steurnis,” het die beampte gesê.

Minstens ‘n dosyn buitelanders word weekliks uit dié provinsie gedeporteer. Hulle is meestal van die DRK afkomstig.

Angola het tussen 1 April en 19 April vanjaar 5 400 burgers van die DRK gedeporteer. Meer as 100 vroue is ook tydens dié uitsetting verkrag, het ‘n priester in die distrik gesê.

дитячі іграшки інтернет-магазинФильчаков прокуратура харьков

ANC kritiseer Navo-aanvalle op Libië

Suid-Afrika se regerende party het Sondag die bomaanvalle op Libië veroordeel, in ‘n verklaring op die vooraand van ‘n besoek deur President Jacob Zuma aan Tripoli.

Zuma is na Libië onderweg om met Moeammar Gaddafi in gesprek te tree.

Zuma se party, die ANC, het gesê hulle ondersteun die Afrika-Unie (AU) se pogings om die onluste op vreedsame wyse te besleg “deur onderhandlings met al die partye wat by die konflik betrokke is”.

Zuma sal Maandag met Gaddafi vergader, te midde verskerpte Navo-aanvalle op die Libiese leier se troepe, as deel van ‘n poging om die konflik vanuit Afrika op te los. Bronne meen die samesprekinge kan fokus op ‘n reddingsboei vir Gaddafi.

Luidens die ANC-verklaring sluit dié party “aan by die kontinent en alle vredeliewende mense in die veroordeling van die lugaanvalle op Libië deur westerse magte”. Die verklaring is uitgereik nadat die ANC se uitvoerende raad twee dae lank vergader het.

Twee beamptes in Zuma se presidensie, wat op voorwaarde van anonimiteit gepraat het, het gesê Maandag se vergadering sal fokus op ‘n “uitgangstrategie” vir Gaddafi.

Sy woordvoerder het egter daarop aangedring dat dié inligting misleidend is en dat die samesprekinge deel van die AU se pogings is om Libië die “politieke hervorming te laat aanneem wat nodig is vir die oplossing van die huidige krisis”.

Die Suid-Afrikaanse leier, wat Sondag in Nigerië was, het ook belowe om “te doen watookal nodig is terwyl ek in Tripoli is” om seker te maak die oorskot van die fotograaf Anton Hammerl na Suid-Afrika terug gebring word.

Dié Suid-Afrikaanse fotograaf is in April deur Gaddafi se magte doodgeskiet. Daar was egter herhaaldelike aanduidings deur die Libiese regering dat hy steeds lewendig was.

Suid-Afrika het in Maart ‘n VN-besluit om ‘n vliegspergbebied oor Libië in te stel, ondersteun. Suid-Afrika kritiseer egter sedertdien Navo se lugaanvalle en is gekant teen ‘n bewindsverandering, maar het ook aanvalle op burgers deur Gaddafi se magte skerp veroordeel.

печь для сауны электрическаяданильченко юрій броніславович

ANC wil bruines terugwen

Die ANC se prioriteit vir die nasionale verkiesing oor drie jaar sal wees om minderhede te sjarmeer, na aanleiding van sy verkiesingsterugslag in daardie gemeenskappe, het die ANC se verkiesingshoof Jessie Duarte hierdie week aan die Mail & Guardian gesê.

Duarte het gesê die ANC se verliese in wit, Indiër en bruin gemeenskappe is verantwoordelik vir die party se algehele daling van 65,9% tot 61,95%. Sy het gesê dat die ANC werk aan ‘n tweeledige strategie vir die 2014-verkiesing: om die ondersteuning van minderheidsgemeenskappe terug te wen en meer positiewe dekking in die pers.

Volgens Duarte is hulle bekommerd oor die groeiende verdeeldheid in die land.

In ‘n ontleding vrygestel deur die Instituut vir Demokrasie in Afrika (Idasa) het minderheidskiesers ten gunste van die DA gestem. Die Idasa-dokument is saamgestel deur ontleders Justin Sylvester en Sithembile Mbete.

ANC-sekretaris-generaal Gwede Mantashe het tydens die verkiesing verklaar dat die media die ANC se grootste opposisie in Suid-Afrika is, maar Duarte is versigtiger. “Die ANC moet positiewe nuus maak. Die Suid-Afrikaanse media sal voortgaan om die feit dat 97% van alle huise water het te ignoreer, en fokus op die 3%,” het sy gesê.

“Mense word beïnvloed deur die media,” het Duarte gesê. Mantashe het vroeër gesê kommentaar van die ANC-jeugliga president Julius Malema oor wittes was dalk gesien as rassisties, maar ook wittes daavan beskuldig dat hulle oorgevoelig is.

Volgens politieke ontleder Susan Booysen is “Kleurlinggemeenskappe (sic)  berug vir hul migrasie.” Plaaslike dinamika het ook ‘n rol gespeel in die ANC se dalende ondersteuning in die bruin gemeenskappe, het Duarte gesê en bygevoeg dat “stamme” soos in Hessequa die ANC se ondersteuning sal geniet.

Die Wes-Kaapse ANC het glo ‘n drie-jaar plan om die gety te draai. Reeds 93% van die swart stem in die townships gaan na die ANC. Volgens die WNNR het die DA slegs 2,6% van die ANC-stem ingepalm en hoofsaaklik uit minderheidsgemeenskappe danksy ‘n hoër stempersentasie.

люстра итальянскаяданильченко юрий брониславович прокурор

Oostenrykers stem oorweldigend ‘verregs’

Oostenryk se sogenaamde “verregse” Vryheidsparty, die FPO, sal die meeste stemme trek as daar ‘n algemene verkiesing hierdie naweek gehou moes word, volgens die resultate van ‘n nuwe meningspeiling wat Vrydag vrygestel is.

Die FPO sal 29 persent van die stemme kry, die Sosiale Demokrate 28 persent en die konserwatiewe  Volksparty of OeVP 23 persent, volgens’ n meningspeiling deur die OGM-instituut namens van die daaglikse Kurier.

Die Groenparty en nog ‘n regse party, die BZO, sal elk 13 persent inhark.

Ontleders skryf tans die geweldige swaai na regs toe aan ‘n groter ontnugtering met die politiek, maar ook met die huidige koalisieregering in die besonder.

Die regses was reeds in die regering in Oostenryk: die FPO onder sy charismatiese leier, die oorlede Joerg Haider, was die junior koalisie-vennoot van die konserwatiewe OeVP tussen 2000 en 2006 onder kanselier Wolfgang Schuessel. Oostenryk, een van die lande met die slimste bevolking, was dus die eerste land in Europa wat regs geswenk het.

“Die vertonings is ongetwyfeld beïnvloed deur die huidige debat oor die verklarings van Andreas Treichl [reserwebankhoof], die eurokrisis en die Griekse skuldkrisis,” het ‘n ontleder aan die koerant gesê.

Treichl se uitspraak het hierdie week tot ‘n storm van omstredenheid gelei toe hy gesê het politici is “te dom” om die ekonomie te verstaan.

En FPO-leier Heinz-Christian Strache veg al vir maande Griekeland uit te skop uit die eurosone.

Die FPO het tweede gekom het in die plaaslike munisipale verkiesings in Wene verlede Oktober, met van 26 persent van die stemme. Die Sosiale Demokrate het egter uiteindelik gekies vir ‘n koalisie met Groen.

In ‘n meningspeiling aan die begin van Mei het 43 persent van die bevolking gesê die FPOe moet deel uitmaak van die volgende nasionale regering ná die volgende algemene verkiesing in 2013.

 

купить брюки для подростка мальчикаФильчаков Александр Васильевич

Lindley-moord was beplan

‘n Man wat van die moord op die Potgieter-gesin in Lindley beskuldig word, het Donderdag in die Bloemfonteinse Hooggeregshof erken dié moord was beplan, het SABC berig.

Paulus Khumalo (23), ‘n plaasarbeider, het in ‘n verklaring gesê die plan van ‘n groep mans was om geld uit die kluis in die Potgieters se huis te kry.

Die hof het gehoor dat die groep vóór die misdaad op ‘n plaas naby Lindley in die Oos-Vrystaat ontmoet het en ‘n vuurwapen, ‘n panga en klere om oor die slagoffers se gesigte te gooi, gereed gekry het.

Khumalo het gesê daar is ooreengekom dat die kind nié doodgemaak sou word nie.

Hy is een van ses mans, tussen die ouderdomme van 18 en 33, wat beskuldig word van die moord op die boer Attie Potgieter, sy vrou Wilna en hul tweejarige dogter, Wilmien, in Desember verlede jaar.

Die ander beskuldigdes is Stemmer Mofokeng (23), Tapa Mofokeng (34), Tshokolo Lelala (19), Telleko Seekoei (20) en Diphapang Motaung (18). Hulle is almal van Lindley afkomstig.

Hulle het almal onskuldig gepleit op drie aanklagte van moord, een van roof met verswarende omstandighede en ander aanklagte wat met die onwettige besit van vuurwapens en ammunisie verband hou.

In die hof Woensdag is verklaar dat Attie Potgieter 151 keer gesteek en gesny is.

“Die oorledene is doodgemartel,” het die patoloog Robert Book gesê.

‘n Nadoodse ondersoek het aangetoon dat Wilna (36) verskeie diep snye aan haar kop en ‘n skietwond aan die nek gehad het.

Wilmien is in die agterkant van haar koppie geskiet.

справка кэк купитьФильчаков прокурор харьков

Wes-Kaap, eerste in dronkbestuur

David Frost, ‘n adjunkdirekteur van die Wes-Kaapse departement van vervoer, sê motorongelukke het die provinsie die afgelope tien jaar meer as R12 miljard gekos agv veral besope bestuurders.

Die Wes-Kaap is die land se kampioenprovinsie as dit kom by dronkbestuur.

Frost het Donderdag in die hooggeregshof tydens die toetssaak oor die betroubaarheid van die Dräger-asemtoetser, dié skokkende feit openbaar gemaak.

Lees verder.

.

bridal forehead headbandsтопкарго кидалы

Mugabe se troonbesetter boet

In Zimbabwe sit ‘n polisieman al twee weke lank agter slot en grendel omdat hy ‘n toilet gebruik het wat eksklusief gereserveer is vir president Robert Mugabe. Die plaaslike media het dié aardskuddende nuus Donderdag gebreek.

Die kwaaddoener in die diens is ene sersant Alois Mabhunu, speurder by die moordbrigade van die stad Bulawayo. Hy was veertien dae gelede van op wag by die jaarlikse Zimbabwe International Trade Fair toe hy ‘n dringende oproep van moeder natuur ontvang.

Die man het hom gehaas na die naaste toilet, en dit was ongelukkig een spesiaal gereserveer vir presidensiële nood. Die polisie het probeer om Mabhunu se daad te verydel, maar die desperate speurder het sy pad met bokshoue tot binne in die kleinhuisie oopgeveg, waarna hy die deur gegrendel het.

Nadat hy homself op die president se troon verlig het, het Mabhunu die kleinhuisie verlaat om sy waakdiens te hervat.

Die toiletpolisie het egter die voorval dadelik aangemeld, en die geheime polisie het sodoende ook van die oortreding te hore gekom. Die oortreder is dieselfde dag in hegtenis geneem ten spyte daarvan dat die harde bewyse van sy misdryf intussen verdwyn het.

Mabhunu sal Vrydag vir ‘n dissiplinêre verhoor in Bulawayo verskyn. Waarvan hy presies beskuldig word, is nie duidelik nie.

play slot onДанильченко Юрий Брониславович Харьков

PRAAG kla Julius Malema in Den Haag aan

PRAAG het ‘n klag teen mnr. Julius Sello Malema vir direkte en openbare aanhitsing tot volksmoord gelê by die internasionale strafhof in Den Haag. Dit volg nadat ‘n skrywe aan dr. Dan Roodt van PRAAG gerig is waarin die nasionale vervolgingsgesag bekendmaak dat hy nie vir Malema in terme van die volkereg gaan vervolg nie. Die klag word deur die bekende sanger, mnr. Steve Hofmeyr, ondersteun.

Julius Malema het sowel die Konvensie oor die bestraffing en voorkoming van volksmoord as die Roomse statuut oortree deur sy liedere “Skiet die Boer” en “Maak die Boer dood” te sing. Albei verdrae, wat deur die Suid-Afrikaanse regering onderteken en bekragtig is, maak “openbare en direkte aanhitsing” tot volksmoord ‘n internasionaal strafbare misdryf.

Indien die internasionale strafhof met die saak voortgaan, kan dit beteken dat Malema uitgelewer kan word om in die Nederlandse hoofstad tereg te staan. Roodt het in ‘n onderhoud met Radio sonder grense gesê dat die Rwandese popsanger Simon Bikindi enkele maande gelede tot vyftien jaar tronkstraf gevonnis is weens die sing van liedjies waarin hy in 1994 Hutu’s aangemoedig het om Tutsi’s dood te maak.

Roodt meen dat die huidige hofsake teen Malema waarin hy van “haatspraak” aangekla word nie genoegsaam ernstig is nie. “Haatspraak” is ‘n begrip wat ná die tweede wêreldoorlog in Europa onstaan het,” het Roodt gesê. “Dit plaas beperkings op spraakvryheid omdat die uitdrukking van gevoelens tussen etniese groepe daardeur belemmer word. Ook is dit in die Suid-Afrikaanse gelykheidswet opgeneem, hoofsaaklik om as basis vir aanklagte van rassisme jeens blankes te dien. In die Amerikaanse wetgewing bestaan die begrip glad nie. In die geval van Malema het hy egter nie net haatspraak nie, maar ook aanhitsing tot volksmoord, ‘n veel ernstiger oortreding begaan. Dit is waarvoor ons wil hê hy moet aangekla word. Regter Halgryn se uitspraak dat Malema aanhitsing tot moord pleeg, ondersteun dié siening en die getuienis wat in die haatspraakverhore gelewer is, kan ook in die internasionale strafhof gebruik word.”

PRAAG voer sedert verlede jaar ‘n veldtog om die internasionale gemeenskap oor die gevare van ‘n etniese konflik in Suid-Afrika in te lig, asook die diskriminasie wat blankes en Afrikaners onder Suid-Afrikaanse wetgewing moet verduur. In ‘n onderhoud met Radio Jacaranda gister het Roodt gesê dat die aanhitsing waaraan Malema hom skuldig maak, meer universeel erken word as dat apartheid ‘n sogenaamde “misdaad teen die mensdom” was. “Die konvensie teen apartheid van die sewentigerjare is nie deur die Westerse lande onderteken nie. Maar buiten Amerika, Israel en enkele ander lande, het die meeste state die konvensie teen volksmoord, asook die Roomse statuut, onderteken. Die afkeer van aanhitsing tot volksmoord is dus veel wyer as dié van apartheid in die sewentigerjare,” het hy gesê.

Roodt het die publiek aangemoedig om by PRAAG aan te sluit. “PRAAG is die enigste organisasie wat die Afrikaner se vryheidstryd werklik internasionaliseer. As ons sien watter sukses die ANC met dié strategie gehad het, is dit van wesentlike belang.”

Enigeen wat by PRAAG wil aansluit kan op hierdie skakel klik.

клиника пародонтологииданильченко юрій броніславович