Nuus Archives - Page 1446 of 1583

Tanzani?rs teiken albino’s

Vyf-en-twintig mense met albinisme is sedert Maartmaand in Tanzanië vermoor, volgens 'n BBC-ondersoek.

Die jongste slagoffer was 'n sewemaande-oue baba. Albino's is teikens omdat hul liggaamsdele in toordery gebruik word.

Grafte van vermoorde albino's moet met sement verseël word om diewe te ontmoedig wat die oorblywende liggaamsdele steel en aan toordokters verkoop.

Tanzaniërs glo dat towerdrankies wat van 'n albino se bene, hare, hande en bloed gemaak word, 'n persoon ryk kan maak.

Die Tanzaniese polisie in Dar es Salaam sê dat dit die werk van georganiseerde bendes is.

Albinisme raak een in 20 000 mense wêreldwyd, maar in Tanzanië is die voorkoms veel hoër.

inexpensive wedding hair

Bush teken doodsvonnis

President George W. Bush het sy toestemming verleen om 'n soldaat tereg te stel wat in die dodesel vir moord en verkragting verkeer.

Dis die eerste soortgelyke stap deur 'n VS-president in meer as 50 jaar.

Soldaat Ronald A. Gray is in 1988 deur 'n militêre hof skuldig bevind en ter dood veroordeel.

Maar die hof vereis die president se handtekening om voort te gaan.

Bush het gister die weermag se formele versoek toegestaan.

Die slagoffers het 'n burgelike en twee lede van die weermag ingesluit.slot free

OTM-bomme hou aan

Vyf-en-veertig outomatiese tellermasjiene is net vandeesmaand oor die hele land opgeblaas.

Sedert die begin van die jaar is 325 OTMs reeds gebom.

Dis slegte nuus vir bankkliënte want bankkostes verhoog blykbaar elke keer as 'n OTM opgeblaas word.

Die polisie is tot dusver nie in staat om aanvalle te keer nie hoewel enkele inhegtenisnames van verdagtes uitgevoer is.

Intussen duur die ontploffings onverpoos voort.

Die springstof wat gebruik word, is van die tipe wat in die mynbedryf algemeen is, sê die polisie.

Spanje wil buitelanders betaal om te gaan

Die Spaanse regering beplan om werklose immigrante 'n voorskotbetaling aan te bied indien hulle na hul lande van oorsprong terugkeer en onderneem om vir ten minste drie jaar daar te bly.

Spanje sê dat 100 000 immigrante vanuit 19 lande vir die uitkering behoort te kwalifiseer.

Met die oplewing in Spanje se boubedryf wat ten einde loop, verkeer immigrante onder dié wat die meeste ly.

Vele immigrante van Suid-Amerika dink die transaksie is onbillik en sou verkies om te bly en Spaanse werkloosheidsvoordele te ontvang.

Nie alle buitelanders sou vir die maatreël kwalifiseer nie aangesien hul tuislande nie wedersydse ooreenkomste met Spanje het nie.

Ekurhuleni-burgemeester sal oor McBride besluit

Die toekoms van die metropolisiebaas Robert McBride sal deur die nuwe burgemeester van die Ekurhuleni-metro aan die Oosrand, Lentheng Mekgwe, beslis word.

Mekgwe het gister met die media gepraat.

Sy het gesê dat daar arbeidswette bestaan wat in die geval van McBride nagekom moet word.

McBride staan tans tereg op aanklagte van dronbestuur, bedrog en regsverydeling.

Mekgwe het gesê dat sy 'n verklaring oor McBride sal uitreik sodra sy die verslag gelees het.

Sy sal met die kollektiewe leierskap beraadslaag oor wat sy 'n sleutelkwessie noem.

China op die voorpunt van beleggings in hulpbronryke lande

China is besig om finansiering vir krag- en vervoerinfrastruktuurprojekte in Afrika te verhoog, sê die Wêreldbank.

China se befondsing staan tans op $7 miljard vir 2006 vanaf net $1 miljard tussen 2001 en 2003.

Die meeste van dié beleggings was in Nigerië, Angola, Soedan en Ethiopië.

Hoewel China by verre die grootste is, is die land nie die engste ontluikende ekonomiese moondheid wat infrastruktuurprojekte in Afrika befonds nie.

Indië se Ex-Im-bank en Arabiese ontwikkelingsfondse doen dieselfde.

Chinese projekte sal die totale hidrokragopwekkingsvermoë in Afrika suid van die Sahara met omtrent 30 persent verhoog, het die bank gesê.

jewellery for Фильчаков

Mededinging vir die volgende miljard internetgebruikers

Na verwagting gaan nog 'n miljard mense wêreldwyd binnekort aanlyn wees en Amerikaanse maatskappye is in 'n intense stryd gewikkel om die reklame-inkomste wat hulle waarskynlik gaan opwek.

Maatskappye poog om by plaaslike kulture aan te pas eerder as om bloot hul Amerikaanse webwerwe vir globale gebruikers te vertaal. AOL, byvoorbeeld, gebruik Bollywood-akteurs op sy tuisblad vir Indië. MySpace aanvaar selfoonintekenare in Japan.

Google het 'n stelsel ontwikkel om Arabiese gebruikers se soekterme in Engels te vertaal.

Soms gaan dit egter nie so maklik nie. Ebay het misluk om markaandeel in Japan te bekom omdat die maatskappy op kredietkaarte aangedring het. Japannese verkies kontant en het daarom hul rug op Ebay gedraai.

Polisieman weier behandeling deur blanke dokter

'n Polisie-inspekteur wat na bewering onder die invloed van alkohol met 'n halfkaal vrou in sy motor bestuur het, het behandeling deur 'n blanke dokter geweier toe hy 'n ongeluk maak.

Die ongeluk het omtrent 30 km buite Kimberley op die N12 gebeur. Volgens Dan Morena, die hoof van die Onafhanklikeklagtedirektoraat in die Noordkaap, is 'n klag van dronk, roekelose en nalatige bestuur teen die inspekteur gelê.

Die polisie-inspekteur is na 'n Medi-Clinic geneem waar hy op die personeel gevloek het, 'n bloedtoets geweier het en ook die hospitaalpersoneel daarvan beskuldig het dat hulle rassisties is. Hy het verseg om behandeling van die suster by die noodeenheid te ontvang en gesê hy wil nie deur 'n wit dokter behandel word nie.

Blykbaar het die inspekteur ook nie toestemming gehad om met die voertuig te ry waarin hy 'n eers 'n vrou sonder broek opgelaai en agterna 'n ongeluk mee gemaak het nie.

Suid-Afrika, Libi? beskerm volksmoordenaar

Suid-Afrika en Libië is aan die voorpunt van 'n veldtog om te verhoed dat die Soedanese leier aangekla word van volksmoord.

Die internasionale strafhof se hoofaanklaer, Luis Moreno-Ocampo, wil hê dat Omar Hassan al Bashir tereg sal staan op klagte wat spruit uit die moord op 35 000 mense in Darfoer.

Hy beskuldig Bashir ook daarvan dat hy 'n honderdduisend mense se hongerdood veroorsaak het en 2,5 miljoen mense uit hulle huise verdryf het.

Die hof sal sy besluit oor die vervolging van Bashir binne die volgende paar maande bekend maak.

Suid-Afrika en Libië is gekant teen die vervolging en sê dit sal die vredesproses in Soedan ontspoor.

Mbeki se voedselplan nie goed ontvang

Thabo Mbeki

President Thabo Mbeki se aankondiging van 'n nasionale voedselbeheeragentskap is nie goed ontvang deur landbou-organisasies nie.

Die Landbousakekamer sê indien die regering sou probeer om pryse te beheer, sal die markte verwring word. Dit sal voedselproduksie belemmer.

Die uitvoerende hoof van die organisasie, doktor John Purchase, sê die regering moet meer besonderhede oor die beoogde agentskap gee.

Daar is ook besorgdheid oor die departement van landbou se onvermoë om sy begroting te spandeer.

Die geld is geoormerk om produktiwiteit op plase te verhoog, ontluikende boere op te lei en om winste in die landbousektor in Suid-Afrika te verhoog.

Gedurende die laaste veertien jaar het amper helfte van die kommersiële boere in Suid-Afrika hulle bedrywighede gestaak.

шорты для девочки