Nuus Archives - Page 1539 of 1583

Zimbabwe claimt grondstoffen van mijnen

De Zimbabwaanse regering heeft maandag een wetsontwerp gelanceerd dat mijnen onder buitenlandse controle verplicht om een kwart van de productie te verkopen aan de staat of aan lokale investeerders. Het wetsontwerp is een nieuwe stap in de toenemende nationalisering onder de omstreden president Roger Mugabe.

Een voorgaand gelijkaardig initiatief is gestrand. Nu is een wet in voege die mijnbouwbedrijven verplicht een kwart van het kapitaal aan Zimbabwaanse staatsburgers te verkopen. Maar lokale investeerders zijn niet bij machte om de vereiste fondsen bijeen te brengen.

Zo proberen gegadigden al drie jaar 31 miljoen dollar (25,2 miljoen euro) te verzamelen voor de aankoop van een deel van Zimplats, een mijnbouwbedrijf gespecialiseerd in platina.

In september keurde het Zimbabwaanse parlement een wet goed die de "nationalisering" beoogt van de helft van de bedrijven in Zimbabwe. Eenenvijftig procent van de bedrijven in het land van Mugabe moet volgens de wet in Zimbabwaans bezit zijn.

De mijnbouw in Zimbabwe is volgens de centrale bank goed voor 42 procent van alle contante inkomsten. De bank voorziet voor 2007 voor de sector een opbrengst van 707 miljoen dollar. Zimbabwe is rijk aan natuurlijke grondstoffen, onder meer goud, palladium, chroom en diamanten.

Afgelopen week raakte bekend dat de inflatie in het land in oktober is opgelopen tot 14.840 procent.

Zimbabwe reg vir oorlog

Reg vir aksie

Zimbabwe se troepe is ten volle paraat en reg om ’n moontlike Britse inval af te weer nadat ’n voormalige hoof van die Britse gewapende magte, Lord Charles Guthrie, onthul het dat Brittanje op ’n stadium so ’n stap oorweeg het. “Ons is bewus van planne deur Brittanje om ons land in te val en ons leiers te vermoor. Ons gaan nie net lê nie en beskou dit as besliste bedreigings,” het Bright Matonga, adjunk-minister van inligting, gister aan die pers gesê. “Ons het volle vertroue in ons vermoëns en ons sal onmiddellik en doeltreffend teenoor hulle optree as hulle dit sou waag om ons gebied binne te val.”

Guthrie het in ’n onlangse onderhoud met die Independent on Sunday erken dat die moontlikheid van ’n Britse inval in Zimbabwe tydens Tony Blair se premierskap oorweeg is. Sy advies aan Blair was egter soos volg: “Wag eers, julle gaan dit net erger maak. Julle sal nie op die steun van ’n enkele Afrika-land kan reken nie.”

Volgens Matonga is Mugabe al geruime tyd in die Britte se visier. “Hulle het nog altyd Afrika-leiers geteiken wat teen hulle imperialistiese beleid gekant is … maar ons het ’n baie sterk weermag wat gereed is om die land en sy leiers te verdedig.”

Mugabe was een van Tony Blair se grootste kritici toe hy nog eerste minister van Brittanje was. Hy het Blair gedurig beskuldig van inmenging in Zimbabwiese beleid en hom aangesê om “sy pienk neus” uit die land se sake te hou.

Intussen het Zimbabwe Maandag die vrystelling van inflasiesyfers uitgestel en gesê dit gaan “vir ’n rukkie” nie beskikbaar wees nie. Ten spyte van die regering se pogings om prysbeheer uit te oefen, het die pryse van items soos brood en melk steeds bly styg. Ekonomiese kenners het verwag dat die Oktober-inflasiekoers op sowat 15 000% te staan sou kom.

silver wedding jewelry

Nuwe huiseienaars verkies kaias

Die kaia is hier om te bly

Die Ierse miljardêr Niall Mellon was onlangs in die nuus toe hy en ŉ aantal vrywilligers met groot fanfare huise in swart en bruin woonbuurte in Suid-Afrika kom bou het. Ongelukkig vir Mellon verkies die nuwe huiseienaars blykbaar om in sinkkaias te woon, want dié is naas die huise herbou en die huise word aan derde partye uitverhuur teen bedrae van tot R2000 per maand.

Mellon besit ŉ woonstel in die middestad van Kaapstad. As besoekende Europeër het hy Rudyard Kipling se “blanke las”-beginsel ernstig opgeneem en dus gereël dat ŉ groepe Ierse vrywilligers na Houtbaai kom om tydens ŉ week van intense bouery huise vir plakkers te bou.

Oor die volgende twee jaar het dieselfde groep Iere tydens verskeie besoeke ŉ totaal van 448 baksteenhuise vir die kaiabewoners gebou.

Die nuut geboude huis van Thuletu Jwara, ŉ inwoner van Imizamo Yethu, is nou ŉ klerewinkel wat deur Sjinese gehuur word terwyl sy self in ŉ kaia agter die huis woon.

Jwara het haar soos volg uitgespreek: “Ek verkies om my huis uit te verhuur want ek is werkloos en het die geld nodig om die verband af te betaal en om my familie te help. Die verband is R300 per maand en my huurders betaal my R1 500 per maand. As ek klaar die verband afbetaal het, sal ek graag terug in die huis wil trek maar dit sal afhang of ek in staat is om my familie kos te gee.”

ŉ Ander huis in dieselfde buurt, met ŉ sitkamer, drie badkamers, ŉ kombuis en badkamer, is intussen in ses slaapkamers verdeel wat elkeen ŉ betalende huurder huisves. Dit is nou moeilik om in die huis rond te beweeg vanweë die vele verdelings en daar is nêrens om toestelle soos die yskas te sit nie.

Een van die huurders van dié huis, Lisa Makoma van Malawi, sê die vertrekke is baie klein en die huur is hoog – sy betaal R1 200 per maand vir een van die groter kamers. “Die eienaars is nou geskei en woon apart dus kom hulle elkeen aan die einde van die maand hul huurgeld in. Dus betaal ons twee keer – ek betaal die man R600 en die vrou R600.”

Die arme Iere is natuurlik ietwat uit die veld geslaan deur dié kulturele uitdagings. Volgens Deirdre Grant, ŉ skakelbeampte van die Niall Melon-lokasietrust: “… verbied wetgewing oor behuising die eienaars om die huis binne die eerste vyf jaar te verkoop maar dit verhoed hulle nie om dit uit te verhuur nie, of om ŉ vertrek en die agterplaas uit te verhuur nie.”

Sy sê dat die trust teleurgesteld is dat die begunstigdes hul huise nou uitverhuur en terug in die kaias getrek het. “Maar ons begryp dat dit ŉ oorlewingsmeganisme is.”

Die trust het tot dusver ŉ totaal van 5 000 baksteenhuise tussen Johannesburg en Kaapstad gebou, waarvan die mees onlangses 200 huise in Freedom Park in Mitchellsplein vroeër vandeesmaand is.

справка формы топкарго кидалы

Spanning binne SWAPO

Minsame Nujoma

Namibië se regerende SWAPO-party beplan om aan die einde van hierdie maand tydens ’n partykongres die pos van eerste minister in die land af te skaf en te vervang met dié van adjunk-president. Sodoende sal verseker word dat SWAPO sy houvas behou oor die regering, wat bekendstaan vir sy onbekwaamheid en korrupsie. Dit wil voorkom of hierdie besluit geneem is na aanleiding van die onlangse bedanking van die SWAPO-veteraan Hidipo Hamutenya. Hy het verlede week uit die parlement en uit die SWAPO-party bedank en verklaar dat hy nie langer deel kan wees van ’n party wat sy visie en rigting verloor het nie.

In ’n onlangse onderhoud het Hamutenya die komende SWAPO-kongres as “’n klug” bestempel. Volgens hom het Sam Nujoma, wat steeds president van die party is, alles georkestreer om te verseker dat net “lojale” lede die kongres bywoon. Diegene wat teen Nujoma se outokratiese optrede gekant is, is uit die weg geskuif sodat Nujoma die kongres volgens sy wense kan laat verloop, beweer Hamutenya.

Op dieselfde dag dat Hamutenya sy bedanking aangekondig het, het SWAPO ’n verklaring uitgereik om die pers in te lig dat die voormalige eerste minister Hage Geingob tydens die kongres van 27-30 November as vise-president genomineer sal word. Die huidige president van die land, Hifikepunye Pohamba, is as voorsitter van die party voorgestel. Daar word verwag dat Pendukeni Ithana-Iivula, minister van justisie, die party se volgende sekretaris-generaal gaan word.

Hamutenya se bedanking en die aankondiging van die stigting van ’n nuwe politieke party, genaamd die Beweging vir Demokrasie en Vrede, het meegebring dat SWAPO nou eis dat sy lede almal ondernemings moet teken dat hulle getrou sal bly aan die party. Alhoewel Nujoma aangekondig het dat hy nie weer as president van SWAPO beskikbaar sal wees nie, word verwag dat hy tydens volgende week se kongres as voorsitter van die party verkies sal word, wat hom in staat sal stel om steeds deur middel van die party se politburo die beleid van SWAPO te bepaal. Die politburo se 20 lede tree as ’n soort magtige kabinet op, wat die uitvoerende besluite van Pohamba se regering goedkeur.

Pohamba, wat gesondheidsprobleme ondervind, is nie van plan om in 2009 weer as president te staan nie. Dit sal die weg baan vir Geingob om oor te neem as president. Alhoewel Geingob in 2002 as eerste minister afgedank is, was hy daarvoor verantwoordelik om Nujoma se derde termyn in 1999 deur die parlement goedgekeur te kry. Dit het as ’n verrassing vir politieke kenners gekom dat hy nou skielik weer goedkeuring in Nujoma se oë gevind het. Geingob het verder noue bande met Brett Kebble en ander kontroversiële sakelui gehad.

Tydens die SWAPO-kongres van 2004 het Nujoma homself met lyfwagte omring en met geweld gedreig indien die meer gematigde Hamutenya as sy opvolger aangewys sou word. Hamutenya en sy ondersteuners is steeds oortuig daarvan dat hy destyds oor genoeg stemme beskik het om Nujoma op te volg, maar dat diegene wat die stemme getel het, onder druk was om Pohamba te laat wen.

Dit wil dus voorkom of Sam Nujoma self vir die skeuring in sy party verantwoordelik is.

сухие смеси

Die begin van ?n nuwe tradisie

Duisende Afrikaners op Kerkplein

Dit is warm op Kerkplein. Die kwik trek iewers in die dertigs. Daar is duisende mense, met koelhouers, opvoustoele en uitbundige blondekop kinders. ’n Basaaratmosfeer heers. Weet hierdie mense met hul rooigebrande velle dat hulle vandag eintlik weer ’n vergete tradisie begin? Hulle voorsate het immers in die negentiende eeu van ver gekom om op Kerkplein te kom kampeer en saam te kuier. Maar vandag word daar nie Nagmaal gehou nie; daar word feesgevier met musiek, spookasem en boerewors. Pretoria is 152 jaar oud.

Dit was op 16 November 1855 dat die Volksraad van die Zuid-Afrikaansche Republiek (ZAR) besluit het om ’n dorp te stig, en dat die nedersetting Pretoria sou heet. Lamé Ebersöhn, eienaar van Café Riche, historiese kuierplek op Kerkplein, wou vanjaar behoorlik makietie hou om die geskiedkundige datum te vier. Sy het met Kallie Kriel van AfriForum gaan praat en die idee van ’n Afrikaanse musiekfees het gestalte gekry.

Van vroegoggend Saterdag het opgewonde mense al kom nesskop op die grasperk rondom Paul Kruger se standbeeld. AfriForum se verhoog is skuins voor die manjifieke Paleis van Justisie opgerig. ’n Hele rits sangers vermaak die skare – sommige meer bekend as ander. Almal tree gratis op. Elkeen het ’n boodskap vir die verjaarsdagstad, selfs ’n liedjie wat spesiaal vir die okkasie geskryf is, of ’n boodskap teen die naamsverandering. Lianie May sing met oorgawe Sean Else en Johan Vorster se nuwe liedjie oor Pretoria. Die groep Hoofseun en die sangeres Jofranie kom ook aan die beurt met hulle liedjies oor die hoofstad.

Die blonde Elizma Theron van Lapaside-faam, wat onlangs deelgeneem het aan AfriForum se konserttoer teen plaasmoorde, sing spesiaal vir diegene wat al iemand aan die dood moes afstaan.

Sean Else, Casanova van die Afrikaanse musiekbedryf, is die dinamiese seremoniemeester van die dag. Hy vertel brokkies oor Pretoria se geskiedenis en gooi kort-kort met bultende arms Jou Taal-hempies in die rigting van die opgewonde skare. Jou Taal het dan ook met die beste publisiteitsfoefie van die dag gekom: langbeen meisies met eina-kortbroekies en hempies wat lui Afrikaans is nie so khaki en Ek luister nie na Britnie.

Volgens Kallie Kriel, uitvoerende hoof van AfriForum, wys die feit dat duisende mense op Kerkplein opgedaag het dat mense sterk oor die stad se naam voel en dat hulle nie gediend is met pogings om die hoofstad se naam te verander nie. “Die minister van kuns en kultuur, dr Pallo Jordan, en ander besluitnemers, moet kennis hiervan neem en toesien dat pogings om die stad se naam te verander, gestaak word,” voeg Kriel by. Volgende jaar hou ons weer partytjie, belowe hy die skare. Hierdie gaan ’n jaarlikse instelling word.

DJ Ossewa se manewales op die verhoog het die toeskouers in vervoering. Gee my ‘n stukkie van jou koeksister sing almal lustig saam. Hartbeeshuis is ook ’n duidelike gunsteling. Twintig jaar gelede sou hierdie soort liedjies met hulle nasionalistiese inslag weinig inslag gevind het. Maar vandag is dit in om na Afrikaans te luister, om gaande te raak oor sangers wat nostalgies is oor hulle wortels, geskiedenis en landelike verlede.

Staalsnaar se Taal van Staal het vandag ’n vinnige dansinslag met ’n doef-doefritme :

Ek weet jou wêreld is ‘n “merry-go-round”
Ek weet jou hart lê by die “lost-and-found”
Ek weet die spook van gister spook
By die drome wat jy oor môre droom

Ek weet nie hoe ons wêreld sonder jou sou wees nie
Ek vrees nie – Jy’s die taal van staal

Bok van Blerk laat die skare lyf rondskud met Die bok kan blêr en later stadig wieg terwyl hy die onvermydelike De la Rey sing.

Al meer uitgeputte, rooigebrande mense besoek Café Riche vir ’n koele lafenis. Swerms duiwe fladder in die blou lug rond. Oom Paul se standbeeld is volgepak met seuntjies wat ’n beter uitsig op die verhoog probeer kry. Afrika is nie vir sissies nie, skreeu Sean Else. Vandag is die werklikheid egter ver. Vandag vier die Boere fees.

Afrika se kinderslawerny gedy

Kinderslawe in Wes-Afrika bly steeds ‘n probleem waarvan die omvang moeilik is om te bepaal. Die onlangse arrestasie van ‘n Koranleraar wat 52 kinders van Guinee-Bissau in Senegal probeer insmokkel het, het weer lig op dié netelige kwessie wat net nie wil verdwyn nie, gewerp.

Selfs al het die voorkoms van kinderslawe elders ter wêreld afgeneem, bly dit ‘n probleem. Samerwerkingsverdrae wat tussen Mali, die Ivoorkus en Burkina Fasso gesluit is het daartoe gelei dat ‘n paar kinders wat aan sulke wreedheid uitgelewer word, teruggestuur is na hul lande van oorsprong.

‘n Dokter uit Mali wat gemoeid is met die NRO wat hulle oor sulke kinders ontferm, verduidelik dat Togo, Benin en Nigerië asook Senegal, Guinee-Bissau en Gambië nie die probleem aanspreek nie.

Unicef het in ‘n verslag wat in 2006 bekend gemaak is, beweer dat daar "uitgebreide en invloedryke netwerke bestaan wat enorme winste uit kinderslawe maak. Maklike kommunikasie, swak polisiëring en ouers en kinders wat maklike teikens is, veroorsaak dat kinderslawerny in Wes-Afrika aan die toeneem is."

Die Internasionale Arbeidsburo by monde van Giselle Mitton meen dat dit "moeilik is om te bepaal hoeveel gevalle daar in werklikheid is." Net as ‘n smokkelaar gevang word, kom die kwessie op die lappe. "Maar die meeste van die tyd bly hulle verskuil omdat die kinders as huisbediendes aangehou word," verduidelik sy.

Van die kinders wat met hul "onderwyser" by die grens voorgekeer is, was 42 net vyf jaar oud. Die smokkelaar was waarskynlik van plan om hulle as bedelaars en onbetaalde werkers in te span. Volgens amptelike syfers beskikbaar van 2000 is daar 100 000 "Koranleerlinge en bedelaars" in Senegal, maar dit word allerweë aanvaar dat dié aantal net die ore van seekoei verteenwoordig.

Mitton sê meer as die helfte van die sogenaamde Talibés of Koranleerlinge in Senegal kom van elders. Verskeie nie-regeringsorganisasie is dit eens dat die aantal vandag veel hoër is. Dit is nie net in die informele sektor waar daar van kinderslawearbeid gebruik gemaak word nie, maar ook in landbou en mynwese. Voorts is daar ook geen erns van die kant van owerhede om sulke praktyke op te skort en kinders terug te stuur nie, ten spyte van allerlei mooi verklarings.

Eskom-tariefverhogings gekritiseer

Jacob Maroga

Eskom se plan om volgende jaar ’n tariefverhoging van 18% in te voer, gevolg deur ’n verhoging van 17% in 2009, is deur die sakegemeenskap en ander organisasies veroordeel. Die vakbond Cosatu, die Jong Kommuniste-liga en Verenigde Besigheid in Suid-Afrika het gister almal Eskom se plan veroordeel. Jacob Maroga, Eskom se uitvoerende hoof, het egter vroeër vandeesmaand aangekondig dat hy verwag dat Suid-Afrika se Nasionale Energiereguleerder die beplande verhoging sal goedkeur.

Maroga het gesê die verhoging is noodsaaklik om “nuwe kapasiteit” te skep. Volgens Simi Siwisa, ekonoom verbonde aan Verenigde Besigheid in Suid-Afrika, verstaan hulle dat Eskom moet groei, maar is die verhoging oordrewe.

Dit is veral kommerwekkend omdat daar na verwagting in die komende jaar ’n afplatting in groei gaan wees in die plaaslike en globale ekonomie. Siwisa het verder daarop gewys dat so ’n verhoging sal meebring dat die regering se beoogde 6% groeikoers en die halvering van werkloosheid en armoede teen 2014 nie bereik gaan word nie.

Cosatu het ook die Eskom-besluit veroordeel. “Die impak van so ’n verhoging sal rampspoedig wees vir verbruikers, werkers en die hele land,” lui die vakbond se verklaring. Nie net sal die verhoging armoede vererger nie, maar dit sal ook werkskepping vertraag en ’n invloed op ander pryse hê.

Die Jong Kommuniste-liga het verder gegaan en meen dat elektrisiteit teen “bekostigbare tariewe of gratis” aan alle Suid-Afrikaners verskaf behoort te word.

Tito Mboweni, goewerneur van die Reserwebank, het op sy beurt gewaarsku dat Eskom se beplande verhoging inflasie sal vererger.

Die Nasionale Energiereguleerder sal aanstaande maand ’n finale besluit oor die voorgestelde verhogings neem. Die publiek is intussen uitgenooi om voorleggings in hierdie verband by die liggaam se hoofkantoor in Pretoria in te dien.

Onverskillige moordenaars

Twee mans het onverskillig geluister toe ’n regter in die Pietermaritzburgse hoër hof hulle tot lewenslange gevangenisstraf gevonnis het vir die moorde op Elaine Anderson en Patricia Kippen. Sibusiso Duma, ’n 24-jarige huurmotoreienaar, en Simphiwe Khesi, sy 33-jarige bestuurder, het gesê dat hulle die moorde op 14 Oktober in Woodlands uitgevoer het as gevolg van die feit dat hulle ’n motor gesoek het om mee huis toe te gaan.

Beide het heeltemal ongeïnteresseerd voorgekom tydens die hofverrigtinge en toe regter Vuka Tshabalala die vonnis gelewer het, het hulle begin lag. “Hulle is nou dood. Waaroor is die mense so bekommerd?” het die een man aan die ander een gevra.

Die slagoffers se gesinne het hierdie reaksie baie ontstellend gevind. Anderson se dogter, Anthea King, het gevra dat die doodstraf teruggebring word. In hulle verduidelikings het die moordenaars vertel dat hulle op die spesifieke dag by ’n kroeg was. Teen 19:00, toe hulle wou huis toe gaan, het hulle besef dat daar geen huurmotors meer was nie en het toe besluit om ’n motor te kaap. Hulle het Kippen se voertuig by ’n kruising in Woodlands opgemerk, waar sy by ’n stopstraat stilgestaan het. Duma het ’n enkele skoot gevuur. Die kar het begin versnel en in ’n pilaar vasgery. Mense het uitgekom om te kyk wat aangaan, wat beteken het dat die twee nie die motor kon steel en wegry nie. Hulle het wel Kippen se selfoon gesteel.

Hulle het toe op ’n ander motor afgekom, wat langs ’n kerk geparkeer was. Anderson, ’n afgetrede joernalis wat baie betrokke was by kerkaktiwiteite, het hulle gewaar, die noodligte aangeskakel en probeer wegry. Duma het haar egter twee keer geskiet, die motor het buite beheer geraak en ’n ongeluk het gevolg. Toe die twee misdadigers die voertuig probeer steel, was dit egter gesluit en ’n ander motor het op die toneel verskyn, waarop hulle gevlug het.

Khesi was uit op parool toe die moorde gepleeg is.

сауна кабина Фільчаков прокурор

14,6m in Gauteng teen 2014

Gauteng: bevolkingsgroei

Die Gauteng-provinsie en veral Johannesburg kan verwag om ‘n bevolkingsgroei van 8% per jaar te handhaaf soos wat mense van oor die hele Afrika daarheen stroom. Teen 2014 gaan daar 14,6 miljoen mense in die provinsie wees. Hierdie syfer neem waarskynlik nie die beoogde afskaffing van visumvereistes vir Zimbabwiërs in ag nie.

Die bevolking van Gauteng bars uit sy nate, want in 2001 toe die laaste sensusopname plaasgevind het, was daar maar 8, 8 miljoen mense wat tot 9,6 miljoen tans toegeneem het. Die Johannesburgse munisipaliteit beplan om tussen 3 en 4 miljard rand per jaar aan ŉ nuwe vervoerstelsel vir die stad bestee in ŉ poging om die ongekende bevolkingsgroei te hanteer. Dit is benewens die R27 miljard van die Gautreinprojek.

Johannesburg beplan ŉ stad wat deur goed versorgde sypaadjies, hoë woonstelgeboue, kantore, winkels en vermaakplekke oorheers sal word. Breë hoofweë sal ŉ reeks sakesentra met mekaar verbind. Vir Sandton word geboue van 40 verdiepings en hoër in die vooruitsig gestel terwyl 20 vloere en hoër die norm in Rosebank en Randburg sal wees.

Ongeveer 330 km se snelbusroetes sal vanaf 2009 in die stad ontplooi word. Werk het reeds aan die eerste fase hiervan begin, ŉ roete wat van Soweto na Sandton via die middestad, Parktown en Rosebank sal loop. ŉ Groot deel van die aanvanklike belegging in snelbusroetes is veronderstel om besoekers aan die stad tydens die 2010-wêreldbeker te bedien.

Daar word beplan dat dié stelsel teen 2020 binne 500 m van die meeste mense se voordeure sal wees, terwyl die meeste wooneenhede uit gehuurde of deeltitelwoonstelle sal bestaan. Teen daardie tyd sal Johannesburg na raming net so dig bevolk wees soos Londen met ongeveer 4 500 mense per vierkante km.

Tans is Johannesburg se gemiddelde bevolkingsdigtheid slegs 2 500 inwoners per vierkante km. Die idee is om arm mense nader aan die werkplekke te bring en om motors met openbare vervoer te vervang. Die ANC wil ook ontwikkelaars dwing om wit en swart deurmekaar te laat woon deur ŉ vereiste te stel dat bekostigbare behuising in elke nuwe ontwikkelingsprojek ingesluit word.

“Globale stadstreke” het nasiestate verbygesteek as die belangrikste ekonomiese eenhede. Die grootste onder hulle is tans Boston-New York-Washington wat 55 miljoen mense huisves en gelykstaande is aan die vierde grootste ekonomie ter wêreld. ŉ Amerikaanse stadskenner, Richard Florida, het onlangs geskryf dat “Sjina as ŉ ekonomiese eenheid so te sê sinloos is. Wat saak maak, is sy megastede: Sjanghai tot Nanking, met 50m mense; Hong Kong tot Sjenzen, met 40m; asook groter Beijing met 36m.

Gauteng gaan die 12de grootste van die 20 globale stadstreke wees, met 14,6m mense. Of Johannesburg egter van gedaante in ŉ Lagos of ŉ New York gaan verwissel, is nog nie seker nie. Mnr. Herman Pienaar van Johannesburg se stadsbeplanningsdepartement wil toesien dat hoër estetiese standaarde by nuwe geboue gehandhaaf word. Prof. François Viruly van die Witwatersrandse Universiteit is bekommerd dat daar geen beplanning vir nie-handelsinstellings soos skole, parke, biblioteke en klinieke is nie. “As daar geen beplanning is om dienste in die vervoernodes te integreer nie, kan die gebiede in slums soos Hillbrow en Berea ontaard,” meen hy.

Wat Johannesburg se grootste probleem, misdaad, aanbetref, kyk die munisipaliteit na die voorbeelde van Colombia en Brasilië waar Bogota en Curitiba onderskeidelik veilig gestel is. “Ons behoort dieselfde reg te kry,” verseker Phil Harrison, ŉ voormalige Wits-professor en tans hoof van stadsbeplanning in Johannesburg.

Die premier van Gauteng, Sam Shilowa, is ook vol vertroue dat alle regeringsvlakke saamwerk om van Johannesburg ŉ sukses te maak. “ŉ Stadstreek wat doeltreffend in die globale ekonomie kan meeding verteenwoordig die sleutel tot Suid-Afrika se groei, asook ons vermoë om armoede, werkloosheid en onderontwikkeling die hoof te bied,” sê hy.

‘Regstellende aksie nie te blameer’

Mlambo-Ngcuka

Volgens adjunkpresident Phumzile Mlambo-Ngcuka is die huidige gebrek aan vaardighede in die land die gevolg van vinnige ekonomiese groei. Sy het geantwoord op ’n vraag wat Woensdag in die parlement deur die Demokratiese Alliansie (DA) aan haar gestel is. “Die persepsie dat regstellende aksie gelei het tot ’n groot verlies aan vaardighede vir die land word nie deur onlangse studies – wat deur gerespekteerde instellings uitgevoer is – ondersteun nie,” het sy gesê.

Alhoewel dit waar is dat maatskappye sukkel om plaaslik mense met die nodige vaardighede te werf, moet die onlangse vinnige groei van die ekonomie die skuld vir die situasie kry, meen sy. “Vaardighede is mobiel; ons kan dus verwag dat sommige mense sal vertrek en dat ander hierheen sal kom.” Sy het verwys na onlangse bevindings dat die implementering van regstellende aksie “baie stadig en pynlik verloop, en in sommige gevalle glad nie toegepas word nie. Moenie voëlverskrikkers oprig en die indruk skep dat regstellende aksie mense wegneem van hulle werk, of hulle benadeel nie,” het sy aan die DA gesê. Diegene wat wel benadeel word, is swartmense, aldus die adjunkpresident.

’n Verslag oor swart ekonomiese bemagtiging wat onlangs deur die Universiteit van Pretoria uitgevoer is, het getoon dat helfte van die maatskappye wat by die studie betrek is, nie gelyke indiensneming toegepas het nie. Sowat 82% het verder nie ag geslaan op vereistes ten opsigte van die ontwikkeling van werknemers se vaardighede nie. “Dus kon regstellende aksie nie so ’n groot impak op vaardighede gehad het nie, gegewe die traagheid van maatskappye om dit deur te voer,” het die adjunkpresident verder gesê.

games casino online free