Nuus Archives - Page 1012 of 1583

93% wil God in leuse behou

AfriForum Jeug het gister ‘n meningspeiling in die vorm van ‘n blitsreferendum by die Universiteit van die Vrystaat (UV) geloods om studente se insae oor die besluit van die UV-bestuur om God se naam uit hul leuse te verwyder, in te samel. Altesaam 93,2% van die respondente het aangedui dat hulle nie met hierdie besluit saamstem nie.

Die opname is geloods in die lig van die feit dat die UV-bestuur hierdie besluit geneem het nadat hulle die Verteenwoordigende Studenteraad (VSR) by dié instelling verlede jaar ontbind het en studente wat nie deur die studentegemeenskap verkies is nie in die plek van die VSR aangestel het. Dit het tot gevolg gehad dat die besluit gedurende die vakansie deurgevoer is sonder enige konsultasie met studenteverteenwoordigers. Hierdie opname is tot op hede die enigste poging om studente se mening hieroor in te win.

Die vraag wat aan studente gestel is, was:

“Moet God se naam uit Kovsies se leuse weggelaat word?”

AfriForum Jeug het beplan om ‘n omvattende referendum by dié kampus te loods, maar nadat hulle deur die UV-bestuur verbied is om dit te doen, is besluit om dit in die vorm van ‘n wetenskaplike meningspeiling te doen. Dit is gedoen deur studente op ‘n ewekansige grondslag te nader en hul meningte vra. Die respondente is breedweg verteenwoordigend van die UV se demografie wat ras, geslag, fakulteite, koshuise en dagstudente betref. Altesaam 44% van die respondente is swart, en 56% is wit. Uit die respondente is 47% dames en 53% is mans.

Spesiale maatreëls is getref om die geloofwaardigheid van die referendum te beskerm. Dit sluit in dat stembusse deurgaans geseël was om te verhoed dat daarmee gepeuter word en dat studente vir die referendum moes registreer om so te verseker dat slegs UV-studente daaraan deelneem en om te verhoed dat studente meer as een keer stem. Verder is geen bemarking teen of ten gunste van die onderwerp tydens die referendum toegelaat nie.

AfriForum Jeug se woordvoerder, Nikke Strydom, het gesê dat hierdie referendum uiters belangrik is omdat enige besluite wat die wese van ‘n universiteit raak, nie sonder studente se insette geneem kan word nie. “Studente is die hartklop van ‘n universiteit. Hierdie uitslag is ‘n klap in die gesig van die studente van UV en dit laat ernstige vrae ontstaan oor die agting wat die UV-bestuur vir sy studente het. Ons eis dat die UV-bestuur hierdie besluit hersien. Indien die UV die geloofwaardigheid van ons opname bevraagteken, versoek ons dat ‘n amptelike referendum deur die UV-bestuur aangekondig word. ‘n Weiering om hieraan gehoor te gee, sal vir ons neerkom op ‘n bevestiging dat die UV-bestuur geen voornemens het om sy eie studente ernstig op te neem nie.”

построить баню Фильчаков

ANC verloor byna 40 wyke

Die ANC het die afgelope vier jaar 38 munisipale wyke verloor, en die DA het 24 wyke bygekry. Die inligting is vervat in die Suid-Afrikaanse Instituut vir Rasseverhoudings se jaarliks opname.

Tussen die vorige plaaslike regeringsverkiesings in 2006 en die einde van Augustus verlede jaar het die ANC 306 wyke behou, 17 bygekry en 55 verloor, wat ‘n totale verlies van 38 setels beteken.

In teenstelling hiermee het die DA 61 setels behou, 29 bygekry en slegs vyf verloor, wat ‘n toename van 24 setels beteken.

Die instituut het data van tussenverkiesings deur die Onafhanklike Verkiesingskommissie ontleed.

‘n Navorser van die Instituut, Marius Roodt, meen dat die ANC in die komende plaaslike verkiesing nog steun kan verloor.

Roodt sê die DA sal waarskynlik beheer oor Kaapstad behou en die ANC is kwesbaar in Nelson Mandela-baai, wat Port Elizabeth insluit.

Onafhanklike kandidate het gedurende dieselfde tydperk 15 wyke bygekry.

slot games

Tronknaamsveranderings ‘sielkundig’

Die departement van korrektiewe dienste het Maandag te kenne gegee dat die herbenaming van tronke nie ‘n mors van geld is nie.

Elf tronke sal van naam verander, het minister van korrektiewe dienste, Nosiviwe Mapisa-Nqakula, Sondag mbv koerantadvertensies aangekondig.

Die tronke is Pollsmoor, Goodwood, Barberton, Modimolle, Johannesburg, Pretoria-Sentraal, Leeuwkop, Modderbee, St. Albans, Kroonstad en die nuwe Kimberley-tronk.

Sonwabo Mbananga, woordvoerder, sê die departement is verbind tot transformasie op ‘n “sielkundige vlak”.

Apartheidstryders se name sal op die tronke pryk. “Van die tronke sal genoem word na helde en heldinne van die apartheidstryd. Ons wil wegbeweeg van die simboliek wat aan sommige van die tronke kleef.”

“Die koste van die projek is nog nie bekend nie, ons sal nog die uitgawes aan belastingbetalers verklaar.”

Voorstelle kan voor of op 4 Februarie aan Zach Modise by CDC Corrections, Privaatsak X136, Pretoria 0001 gerig word, of stuur e-pos na submit@dcs.gov.za.

линейный светильник лобановский политик

Maas ontken dat daar volksmoord plaasvind

Deon Maas het ‘n bedekte aanval teen Afrikaners wat wil optree teen die voortslepende volksmoord geloods tydens ‘n onderhoud met die Daily Maverick.

Hy het die dagblad Beeld daarvan beskuldig dat hulle polarisasie aanwakker deur die lot van slegs wit slagoffers te belig. Hy het gesê die dood van swartes traak die koerant nie.

“Om die voorblad van Beeld te haal, moet jy dood en wit wees,” het hy gesê en bygevoeg “As jy dood en swart is, sal jy dit nie maak nie.”

Maas sê hy glo dat hierdie verskynsel te wyte is aan apartheid-denke en dat die media polarisasie wil skep.

Dit veroorsaak dat Beeld-lesers glo daar is ‘n volksmoord op witmense aan die gang, het hy gesê.

Maas het in die onderhoud met Maverick gesê by die swart radiostasie MetroFM is daar weer geen poging om wit luisteraars te lok nie.

школа яхтинга топкарго кидалы

Vasberandenheid sal terreur stuit

President Nicolas Sarkozy het Maandag verklaar dat die Franse gyselaars wat deur Al-Kaïda vermoor is, sy land se vasberadenheid om terrorisme te bestry, versterk het.

Sarkozy het ‘n gefaalde reddingspoging vir die twee gyselaars verdedig.

“Frankryk se standpunt is dat, wanneer ons deur terreur in die gesig gestaar word, daar net magsvertoon kan wees, anders is dit ons almal se veiligheid wat in gevaar is,” het Sarkozy aan verslaggewers in Parys gesê.

“As ons swak gaan wees, sal ons nooit swak genoeg vir hulle wees nie. As ons begin toegee, sal ons nooit genoeg kan toegee nie. As ons om verskoning begin vra, sal geen vernedering genoeg wees nie.

“Elke keer as demokrasieë geaarsel het, het hulle ‘n duur prys betaal,” het hy gesê nadat hy gevra is of hy berou het oor sy bevel om die twee jong Fransmanne, wat in Niger ontvoer is, te probeer red.

“Elke keer as ‘n Franse burger deur terroriste vermoor word, versterk dit Frankryk se vasberadenheid om terrorisme te bestry,” het hy gesê drie dae nadat die leier van Al-Kaïda, Osama bin Laden, geëis het dat Frankryk uit Afganistan onttrek.

Twee 25-jarige Fransmanne is vroeër vandeesmaand uit ‘n restaurant in Niger ontvoer. Hulle is in Mali dood gevind nadat Franse magte hulle uit ‘n konvooi van Al-Kaïda probeer red het.

By die eerste mediakonferensie sedert hul dood het Sarkozy gesê dit was een van die mees emosioneel moeilike tydperke in sy termyn as president. Hy het egter volgehou dat hy geen ander keuse gehad het as om die reddingspoging van stapel te stuur nie, aangesien die bende nie wou onderhandel nie.

Russe was glo gewaarsku

Russiese veiligheidsdienste het glo waarskuwings ontvang oor ‘n aanval wat op ‘n Moskouse lughawe beplan word. Berigte oor ‘n ontploffing by die Domodedovo-lughawe, waarin minstens 35 mense gedood is, lui dat die veiligheidsdienste ingelig was omtrent die bedreiging.

Die ontploffing van Maandagmiddag word as ‘n selfmoordbomaanval beskou.

“Die geheime diens het inligting ontvang dat ‘n daad van terreur by een van die lughawens in Moskou uitgevoer gaan word,” het ‘n anonieme bron aan die RIA Novosti-nuusagentskap gesê.

“Agente was reeds op soek na drie verdagtes. Toe die verdagtes egter die lughawe binnekom en die ontploffing wat hul makker veroorsaak het sien, het hulle die lughawe verlaat,” het die bron gesê.

“‘n Wenk met ‘n waarskuwing dat iets voorberei word, was reeds ‘n week voor die ontploffing bekend,” het ‘n bron van die lughawe se veiligeheidsiens aan die Lifenews.ru-webwerf gesê.

Die ontploffing het die Internasionale Aankomste-saal geskud.

для сауны

Swart Christene stel nie in wittes belang nie

Die leier van die Christen-Demokartiese Party (CDP), ds. Theunis Botha, het sy teleurstelling uitgespreek met die ACDP se reaksie op die eenheidsgesprek tussen hulle.

“Die CDP het die inisiatief geneem en as gasheer vir samesprekings met die ACDP opgetree wat op 20 Maart 2010 in Pretoria plaasgevind het. Die ACDP is deur ‘n hoë profiel-afvaardiging verteenwoordig wat die destydse adjunk-leier, nasionale LP’s, lede van provinsiale wetgewers en nasionale uitvoerende komiteelede ingesluit het.

“Dit wil voorkom asof die ACDP partyleier, eerw. Kenneth Meshoe, nie die samesprekings as belangrik genoeg geag het om teenwoordig te wees nie. Die CDP is deur ‘n ewe hoë profielafvaardiging, onder andere die partyleier, verteenwoordig.

“Die samesprekings het in ‘n goeie gesindheid plaasgevind, en daar is tot die slotsom gekom dat die partye baie in gemeen het en dat dit belangrik was om maniere te vind om te verenig.

“Die ACDP-afgevaardigdes sou aan hul leier terugrapporteer, en het ‘n opvolgvergadering voorgestel wat die ACDP sou aanbied. Ongelukkig, so lyk dit, het die ACDP-leier sake gedwarsboom en die opvolgvergadering is nooit gereël nie.

“Na maande se korrespondensie het die ACDP uiteindelik enige vooruitsig op ‘n alliansie verwerp.

“Dit is ‘n treurige afloop dat twee Christen-partye mekaar nie kan vind nie,” aldus ds. Botha, “en nie die weg oopsien om saam te span in hul stryd om sekulêre humanisme wat die Suid-Afrikaanse politieke toneel oorheers, die stryd aan te sê nie.

“Ons glo steeds dat ‘n alliansie van alle Christelike partye die oplossing vir die land bied.”

стоит построить

Moet ‘God’ weggelaat word?

AfriForum Jeug hou more ŉ referendum by die Universiteit van die Vrystaat (UV) oor die weglating van God se naam uit die universiteit se leuse. Die UV-bestuur het besluit om die woord “God” in sy leuse deur die woord “waarheid” te vervang ná die ontbinding van die verteenwoordigende studenteraad (VSR) by dié instelling verlede jaar. Gevolglik is studenteverteenwoordigers nie oor die kwessie geraadpleeg nie.

Aangesien hierdie besluit sonder ŉ deeglike konsultasieproses met studenteverteenwoordigers geneem is, word die referendum gehou om te bepaal of studente by dié instelling met die besluit saamstem of nie. Volgens Nikke Strydom, AfriForum Jeug-woordvoerder, is studente die hartklop van ŉ tersiêre instelling en besluite van so ŉ omvang kan nie geneem word sonder behoorlike raadpleging met studente nie.

Die referendum sal van 08:00 tot 13:00 plaasvind. Daar sal stempunte by die hoofingang, die mediese ingang en die Roosmaryn-ingang van die kampus wees. Maatreëls word getref om die geloofwaardigheid van die referendum te beskerm en om te verhoed dat buitepersone aan die referendum deelneem of dat enige student meer as een keer stem.

Die uitslag van die referendum sal op 26 Januarie bekendgemaak word.

Doen iets omtrent die water!

Die VF Plus het vandag in ‘n sterk bewoorde verklaring geëis dat die regering sy grondwetlike plig nakom en op ‘n drastiese wyse moet ingryp in die omvattende waterkrisis in Suid-Afrika.

Die Vryheidsfront Plus se hoofwoordvoerder oor Water- en Omgewingsake, mnr. Jaco Mulder, het gesê dat die onlangse hoë reënvalsyfer bewys dat die regering se oorkoepelende water-beheerstelsels totaal ontoereikend is.

Terwyl die departement van Waterwese se hantering van die heersende vloede onder verdenking is vanweë swak monitering en bestuur van watervloei uit damme, is die suur mynwaterkrisis in Gauteng vererger deur die hoë reënval van die afgelope tyd. Die VF Plus waarsku vir ‘n geruime tyd reeds daarteen.

Berigte oor stygende watervlakke in Gauteng by veral die Grootvleimyn aan die Oos-Rand en onlangse visvrektes in die Wieg van die Mensdom dui daarop dat ‘n noodsituasie reeds bestaan.

Daar is swak koördinering tussen die drie sfere van regering asook tussen verskillende departemente onderling. Die regering het tot dusver traag reageer op die waarskuwings en versoeke van die VF Plus en ander omgewingsdrukgroepe.

Die VF Plus eis nou dat die regering onmiddellik ‘n nasionale koördinerende liggaam in die lewe roep om die Suid-Afrikaanse watersituasie as ‘n nasionale prioriteit te hanteer.

Die regering sal moet verantwoording doen vir lewensverlies en skade aan die omgewing.

‘Ná teregstelling van KZN-boer is volksmoordsaak dringend’

“Die koelbloedige teregstelling van ‘n Afrikanerboer, mnr. Kobus de Vries, deur ‘n groot groep polisiemanne in Kwazulu-Natal toon in watter mate die invloed van Julius Malema se aanhitsing reeds die land op die glybaan van etniese konflik geplaas het,” het dr. Dan Roodt van PRAAG vandag gesê.

Hy sal vandag ‘n dringende skrywe aan die Nasionale Vervolgingsgesag oorhandig, tesame met ‘n afskrif van dr. Pieter Mulder se klag van haatspraak teen Julius Malema wat die adjunkminister van landbou verlede jaar teen die ANC-jeugleier aanhangig gemaak het.

Roodt het reeds verlede week in ‘n brief aan advokaat Menzi Simelane, die nasionale direkteur van vervolgings, gevra dat Malema in terme van die Suid-Afrikaanse wet 27 van 2002 en die internasionale Roomse Statuut van aanhitsing tot volksmoord aangekla word. Die vervolgingsgesag het aanvanklik ontken dat die brief ontvang is en daarna aan Sapa verklaar dat daar geen klag teen Malema bestaan nie.

Intussen het dr. Roodt egter ‘n afskrif van die klag bekom wat dr. Pieter Mulder en amptenare van die Vryheidsfront Plus op 10 Maart 2010 by die Brooklyn-polisiestasie gelê het toe saak nommer 403/3/2010 teen Malema geopen is.

“Hoewel die klag van dr. Mulder slegs op die minder ernstige oortreding van haatspraak betrekking het, is dit genoegsaam om hom insgelyks ook vir die internasionale menseregte-oortreding van aanhitsing tot volksmoord aan te kla,” het Roodt gesê. “Dit is nou wat ons van die owerheid vereis, dat Suid-Afrika sy verdragverpligtinge teenoor die internasionale gemeenskap nakom, asook sy plig om die Afrikaner as nasionale minderheid teen volksmoord en aanhitsing te beskerm.”

Roodt is “uiters bekommerd oor die voorval in Kwazulu-Natal” toe die Suid-Afrikaanse Polisiediens mnr. Kobus de Vries in die rug geskiet het terwyl hy besig was om homself oor te gee. “Volgens ons inligting is ‘n groot aantal voormalige lede en offisiere van die ANC-milisie, Umkhonto we Sizwe, in die SAPD opgeneem. Die SAPD is op rassegrondslag gesuiwer en daar is slegs 14 000 blanke polisiemanne in die diens oor. As blankes word bevordering van hulle weerhou en verkeer hulle op die laer range sonder besluitnemingsbevoegdheid. Die oënskynlike teregstelling van mnr. Kobus de Vries laat dit lyk asof die SAPD toenemend as ‘n ANC-milisie begin optree en dat ons op ‘n tipiese Afrika-scenario afstuur waar menseregteskendings deur verteenwoordigers van die staat in uniform gepleeg gaan word. Met die jongste uitsprake van die ANC en veral Malema oor grondbesit en die onteiening van plase, staar ons ‘n Zimbabwe in die gesig, behalwe dat ‘grondhervorming’ hier met volksmoord of elemente van volksmoord voltrek gaan word.”

Roodt het ‘n beroep op die Verenigde Nasies en die internasionale gemeenskap gedoen om kennis te neem van die rasse- en etniese polarisering van Suid-Afrika ná die aanhitsing van ANC-leiers teen Afrikaners en versoening wat deur weerwraak as die heersende filosofie vervang is. Hy was ook krities teenoor landbou-organisasies wat nie ‘n sterk genoeg standpunt oor geweld en volksmoord wil inneem nie, uit vrees dat hulle hul verhoudinge met die ANC-bewind mag skaad.

“Pragmatisme het egter perke,” het Roodt gemeen. “In krisistye moet die waarheid uit, selfs al maak dit ‘n mens nie gewild nie. Daar is baie op die spel: nie net tienduisende of honderdduisende lewens nie, maar ook voedselsekerheid en Afrikanervoortbestaan in Suid-Afrika.”