Nuus Archives - Page 1002 of 1583

Veiligheidsmagte gryp in om Zuma te beskerm

President Jacob Zuma is Dinsdag in die Ivoorkus deur ontstoke jeugdiges, ondersteuners van presidentskandidaat Alassane Ouattara, oorval.

Meer as twee dosyn pro-Ouattara jeugdiges het op Jacob Zuma se motor toegesak en Suid-Afrikaanse veiligheidsmagte moes ingryp om die president te beskerm. “Zuma, Zuma, vertel die waarheid,” het die jeugdiges geskree.

Zuma word gesien as ‘n ondersteuner van die ongewilde president Laurent Gbagbo wat die verkiesing teen Ouattara verloor het en nogtans weier om uit te tree as leier van dié Wes-Afrika-land.

Zuma is deel van ‘n raadgewende paneel wat lande soos Tsjad, Mauritanië en Tanzanië insluit. Ouattara word in dieselfde hotel waar die paneel vergader, deur Verenigde Nasies-troepe opgepas ‘n dag ná die vergadering met sy teenstander Gbagbo.

Gbagbo weier om af te stap ten spyte van VN-gesertifiseerde uitslae wat toon dat hy op 28 November die verkiesing prysgegee het. Intussen steur Gbagbo homself nie aan Westerse sanksies en internasionale isolasie wat die ekonomie vernietig nie. Hy het reeds die weermag aangewend om opstande te onderdruk.

Die Afrika-Unie erken amptelik Ouattara se oorwinning, maar is verdeel tussen die lande teen Gbagbo, veral in Wes-Afrika, en lande soos Suid-Afrika, wat Gbagbo ondersteun.

Sowat 300 mense is dood sedert die verkiesing en die onrus het kakaopryse tot die hoogste vlak in meer as drie dekades gedryf. Die Ivoorkus is die wêreld se grootste kakaoprodusent.

Burkina Faso se president Blaise Compaore, wat ook op die paneel dien saam met Zuma, het weggebly as gevolg van dreigemente teen hom.

Die kommersiële hoofstad Abidjan was meestal kalm Dinsdag, nadat inwoners groot ontploffings oornag gerapporteer het.

Geweervuur is later in die pro-Ouattara-voorstad van Abobo gehoor. Minstens ses mense wat probeer het om te protesteer teen Gbagbo is Maandag vermoor deur die veiligheidsmagte, het getuies gesê.

скульптуры Александр Фильчаков

Oorwinning vir die padgebruiker

“Die Vryheidsfront Plus is tevrede met die aankondiging dat die tolhekstelsel tydelik opgeskort is totdat die tariewe-kwessie opgelos is. Hierdie stap is ‘n reuse oorwinning vir die padverbruiker asook vir die alreeds oorbelaste belastingbetaler,” het adv. Anton Alberts-parlementêre woordvoerder oor Vervoer vir die Vryheidsfront Plus gesê.

Dit blyk dat die besluit geneem is na ‘n ontmoeting tussen die Gautengse premier, Nomvula Mokonyane en die minister van vervoer, Sbu Ndebele.

“Die ANC is oneerlik en handhaaf dubbele standaarde. Die ANC-in-regering het presies geweet van die beplande tolheksisteem en kan nie nou kla dat die tariewe te hoog is nie. Die ANC se teenkanting teen die toltariewe het slegs gekom na hewige publieke protes teen die tariewe, daarom is die weerstand wat die premier van Gauteng, Nomvula Mokonyane, teen die tariewe bied bloot ‘n reaksie na aanleiding van die geweldige druk wat op haar regering toegepas word. Die druk moet nou verhoog word ten einde te sorg dat die uiteindelike tariewe by die VF Plus se voorgestelde 5c per kilometer uitkom,” het hy bygevoeg.

“Die VF Plus se aanlynpetisie teen die tolhektariewe het reeds 110 000 handtekeninge. Net twee weke gelede was die petisie op 50 000. Die tempo waarteen die petisie groei, is ”n aanduiding van die publiek se sterk teenkanting teen die regering se eensydige optrede met die tolhekstelsel,” is die mening van adv. Alberts.

Die VF Plus moedig steeds mense aan om die petisie te teken, want hoe meer steun ons kry hoe meer druk kan ons op die regering plaas ten einde te sorg dat die uiteindelike tarief billik is. Die VF Plus ondersoek tans ook moontlike regsaksie teen die regering om die hele tolhekstelsel onwettig te verklaar.

детский велосипед

Wys Bheki en Gwen die deur

“Die Polisie kommissaris, genl. Bheki Cele en die minister van Openbare Werke, me. Gwen Mahlangu-Nkabinde, moet dadelik afgedank word. Dit is duidelik uit die verslag van die Openbare Beskermer dat die tenderprosedures nie korrek gevolg is nie, dat verskeie wetgewing oortree is en dat daar nie ‘n noodsaaklikheid bestaan vir die huur van die Sanlam Middestad-gebou vir R500 miljoen oor tien jaar nie.

Dit wil voorkom asof Cele in die voetspore van sy voorganger, Jackie Selebi, wil volg,” sê mnr. Pieter Groenewald wat die klag by die Openbare Beskermer ingedien het en hoofwoordvoerder van Polisie vir die Vryheidsfront Plus.

“As pres. Zuma ernstig is oor sy uitlatings dat korrupsie uitgeroei sal word, moet hy beide die kommissaris en minister afdank, want hy stel beide aan. Indien hy dit nie doen nie maak hy ‘n klug van skoon administrasie en bevorder korrupsie.

Veral die optrede van die minister van Openbare Werke om voort te gaan met die sluit van die huurkontrak, ten spyte van ‘n interne komitee en senior advokaat se advies om nie voort te gaan nie, skep die indruk van korrupsie.

Meer vrae ontstaan nou oor die afdanking van die vorige minister, Geoff Doidge, wat die proses gestop het in afwagting van die verslag van die Openbare Beskermer.

Die Vryheidsfront Plus sal na behoorlike bestudering van die verslag besluit of strafregtelike klagtes ingedien sal word,” sê Groenewald.

africa Лобановский Харьков

Aardbewing skud NZ

Talle sterftes word in Nieu-Seeland gevrees nadat ‘n aardbewing wat 6.3 op die Richterskaal geregistreer het, Christchurch getref het.

Geboue het ineengestort en voertuie is onder puin begrawe nadat die aardbewing Dinsdag die stad geskud het.

Berigte oor slagoffers en skade is nog skraps. Volgens die polisie is daar verskeie ongevalle. Premier John Key sê detail oor die sterftes kan nog nie bevestig word nie.

Verskeie geboue is erg beskadig en talle mense is vasgekeer.

Ooggetuies sê die aardbewing het Christchurch se ikoniese katedraal verwoes.

Данильченко Харьков

ANC wil ‘Skiet-die-boer’ behoue sien

Die ANC sal aansoek om verlof doen sodat die party kan toetree tot die haatspraaksaak teen die president van die ANC-Jeugliga, Julius Malema.

Gwede Mantashe, sekretaris-generaal van die ANC, het Maandag gesê dié aansoek sal Dinsdag in die Hooggeregshof in Johannesburg aangehoor word.

“Ja, ons tree tussenbeide, omdat liedere van bevryding nie ‘n Malema-kwessie is nie,” het Mantashe gesê.

“Die liedere is die hart van waarvoor ons [die ANC]gestaan het en waarvoor ons baklei het. Dit sal wees om ons erfenis te onteer. Ons kan nie maak of dit ‘n Malema-kwessie is nie – die liedere is ouer as hy.”

Afriforum het Maandag gesê hulle is verras deur die ANC se besluit om aansoek te doen om verlof om tussenbeide te tree.

“Dit is skokkend dat die ANC dieselfde week waarin hoëprofiel-plaasmoorde wyd woede ontlok het, kies om hul stukke ter ondersteuning van dié haat-liedjie in te dien,” het die organisasie se prokureur, Willie Spies, in ‘n verklaring gesê.

Volgens Spies het Mantashe in sy beëdigde verklaring aangevoer die omstrede liedjie “Dubula iBhunu” (Skiet die boer) is ‘n “ANC-lied” wat deel uitmaak van die “geskiedenis van die bevryding van Suid-Afrika van Apartheid”.

Mense is gefrustreerd met die ANC-regering se onvermoë om gewelddadige misdaad, en veral plaasmoorde, aan te spreek, het Spies gesê.

Die ANC het hierop geantwoord met ‘n pleit om “haat-liedjies” uit die struggle-era as deel van hul erfenis en eiendom te beskerm.

“Met haat-liedjies as ‘erfenis’ is dit geen verrassing dat die ANC se enigste nalatenskap anargie, wanadministrasie, korrupsie en geweld is nie,” het Spies gesê.

Die saak hou verband met Malema se herhaaldelike gebruik van die term “Skiet die boer”.

ANC teen tolhekke in Gauteng

Die ANC in Gauteng wil die kontroversiële tolhekstelsel wat vir dié provinsie beoog word, met partyleiers op nasionale vlak bespreek.

Voorsitter van die ANC in Gauteng, David Makhura, sê die party is teen die “onredelike hoë kostes” van die voorgestelde fooie gekant.

Die tolhekstelsel, wat Sanral in Junie wil loods, sal 42 elektroniese tolhekke op die N1, N3, N12, N17, R21, en R24 hê.

Makhura meen talle mense sal nie meer Gauteng besoek nie omdat daar alreeds nie ‘n bekostigbare vervoerstelsel is nie en die tolhekke dit nog duurder gaan maak.

Hy sê alhoewel die provinsiale regering ingelig is oor die besluit om die tender aan ‘n Oostenrykse maatskappy toe te staan, is nie die provinsie, die ANC of die provinsiale wetgewer geraadpleeg nie.

Hy sê die 66c/km wat die Suid-Afrikaanse Nasionale Padagentskap beoog om te vra is “onredelik hoog”.

интерьер

Internasionale moedertaaldag

Die VF Plus-jeug het vandag op Internasionale Moedertaaldag die feit dat die regering moedertale en moedertaalonderwys afskeep, veroordeel.

“Die VF Plus dring daarop aan dat die regering uitvoering aan die Grondwet moet gee met praktiese en daadwerklike maatreëls om die status van alle amptelike tale te verhoog. Engels word deur slegs 8% van die Suid-Afrikaanse bevolking as hul moedertaal gepraat, maar tog domineer hierdie taal as die medium vir onderwys, regering, besigheid, finansies, wetenskap, uitsaaiwese, gedrukte media, reklame en straat- en ander naamborde,” het Wouter Wessels, VF Plus-jeugwoordvoerder gesê.

Die Verenigde Nasies se Onderwys, Wetenskap en Kultuur Organisasie (UNESCO) het in 1999 die 21ste Februarie as Internasionale Moedertaaldag verklaar. Dit is ter nagedagtenis aan die dag in 1952 waarop studente wat betoog het vir die erkenning van hul taal, Bangla, as een van die twee nasionale tale van die destydse Oos-Pakistan (nou Bangladesh), deur die polisie doodgeskiet is. Die doel van hierdie dag is die bevordering van taal- en kulturele diversiteit.

“Vaardigheid in Engels is van kardinale belang en moet nie afgeskeep word nie. Navorsing bewys egter dat taalvaardigheid in jou eie taal die vaardigheid in ‘n tweede taal vergemaklik en dat skoliere beter presteer wanneer hulle in hul moedertaal onderrig kry. Dit is onnodig en nadelig om Engels as eerstetaal op Suid-Afrikaners met ander moedertale af te dwing,” het Wessels gesê.

Die VF Plus-jeug doen ‘n beroep op die departement van basiese onderwys om meer amptelike tale te help ontwikkel tot onderrigtale in skole en toe te sien dat artikel 29(2) van die Grondwet wat bepaal dat elkeen die reg het om in openbare onderwysinstellings onderwys te ontvang in die
amptelike taal of tale van eie keuse, in die praktyk uitgevoer word.

free bet casino Данильченко Харьков

Inligtingswet kan in Grondwethof draai

“Die omstrede Wetsontwerp op die Beskerming van Inligting sal heel waarskynlik nie net in die Grondwethof betwis word nie, maar sal op ‘n tegniese punt na die Parlement terug verwys word,” sê dr. Corné Mulder, VF Plus-hoofsweep.

“Die spesiale ad hoc komitee wat tans met die wetgewing in die Parlement werk en dit volgens die reëls van die Parlement voorberei om aan die Parlement voor te lê, is tans functus officio en bestaan dus nie meer nie. Die mandaat van die ad hoc-komitee wat die wet oorweeg, het op 28 Januarie verval en die adjunk-Speaker se verlenging daarvan was buite die reëls van die Parlement. Dit beteken dat ‘n komitee wat nie meer bestaan nie – voortgaan met werksaamhede. Dit sal verder beteken dat die ad hoc komitee gewysigde wetgewing aan die Parlement gaan voorlê wat ultra vires is,” het dr. Mulder bygevoeg.

Sonder dat daar eers op die meriete van die omstrede wet ingegaan hoef te word, sal die Grondwethof heel waarskynlik vanweë hierdie basiese tegniese oorsig deur die ANC-regering die wetgewing onkonstitusioneel verklaar. Die ironie is, dat die ANC se senior leierskap in die Parlement verlede Woensdag hieroor gewaarsku is, maar hulle nie daaraan gesteur het nie.

Die VF Plus vind hierdie optrede van die ANC onaanvaarbaar en sal voortgaan om die aanvaarding van die wetsontwerp te beveg.

раскрутка сайта Фільчаков прокурор

Libië by breekpunt

Dit wil voorkom asof die onrus in Libië versprei van die ooste van die land na die hoofstad Tripoli. Volgens die eerste verslae, was swaar geweervuur gehoor in die sentrale deel van Tripoli asook ander distrikte.

Die Libiese lugmag het militêre installasies in Libië aangeval, volgens die BBC. Al Jazeera sê dat lugmagvegters op skares betogers gevuur het.

Volgens vroeëre berigte van Al Jazeera is 61 mense reeds dood. Ander onbevestigde verslae sê betogers het die hoofkwartier van die Al-Jamahiriya Twee televisie en Al-Shababia aangeval sowel as ander regeringsgeboue oornag in Tripoli.

British Petroleum het na bewering gesê hy gaan sy personeel uit Libië ontruim en skort sy aktiwiteite as gevolg van massiewe onrus op. Die Spaanse minister van buitelandse sake Trinidad Jimenez het gesê dat EU-lidlande die moontlike ontruiming van die Europese burgers uit Libië koördineer.

‘n Vliegtuig van Turkish Airlines was vir Turkse burgers gereël om hulle uit Benghazi te ontruim, maar is geweier deur Libiese owerhede en het teruggekeer na Turkye.

Besonderhede is skraps met betrekking tot die aantal betogers en die erns van die botsings in Tripoli. Botsings tussen die betogers en die veiligheidsmagte vind plaas in meestal die oostelike stede van die land en in Benghazi in die besonder, waar die opposisie van die Libiese leier Moammar Gadhafi gekonsentreer is.

Seif al-Islam, een van die leier se seuns, het in ‘n toespraak gesê dat hy die goedkeuring van sy vader en elemente binne die militêre opset het, en dat die weermag en nasionale wag sal optree teen “oproerig elemente” om die verspreiding van onrus te keer.

Tog werp onbevestigde berigte van soldate wat dros in Benghazi en Al Bayda in die ooste van Libië gister, en die onrus in Tripoli tans, ‘n beslissende mate van twyfel oor die regime se vermoë om te reken op die volle lojaliteit en die vermoë van die weermag om die situasie onder beheer te hou.

VF Plus soek ‘kleiner’ regering

Die Vryheidsfront Plus het gesê dat ’n “groot, sosialistiese regering” in Suid-Afrika te duur asook onvolhoubaar vir die land se krimpende belastingbasis word. Die VF Plus het ook gesê dat hoë belasting en oor-ambisieuse sosiale programme, probleme soos werkloosheid en korrupsie fasiliteer.

Die VF Plus het die verklaring gemaak in die lig van mnr. Pravin Gordhan, minister van Finansies, se begrotingstoespraak wat op Woensdag 23 Februarie gehou sal word.

Die party hoop om beduidende belastingverligting vir individue asook besighede te sien ten einde verbruikersbesteding en werkskepping te help stimuleer. Die huidige hoë belasting is besig om die tipe besigheidsinisiatief wat nodig is om permanente, volhoubare werk te skep, te vernietig. Hoë individuele belasting wat gebruik word om inkomstetoelaes aan miljoene werkloses te subsidieer dra ook by tot laer verbruikersbesteding en daarmee saam ‘n swakker ekonomie.

Volgens die VF Plus se woordvoerder oor Finansies, dr. Conrad Beyers, moet die spiraal van verhoogde en vrugtelose regeringsbesteding op onvolhoubare sosiale programme verbreek word.

“Inkomstetoelaes aan miljoene werkloses moedig werkloosheid aan en skep ‘n kultuur van afhanklikheid van die staat. Dit plaas ook ‘n enorme finansiële las op belastingbetalers en die ekonomie as ‘n geheel. Ons behoort eerder daarop te fokus om meer besteebare inkomste in verbruikers se sakke te plaas en om sodoende die ekonomie te help groei. Deur die ekonomie te herstel, sal volhoubare werk geskep word wat tot verdere groei kan lei,” het Beyers gesê.

Die VF Plus het gesê dat die regering se huidige benadering van duur, staatsgedrewe werkskeppingsinisiatiewe wat deur swart ekonomiese bemagtiging gedryf word, nóg effektief, nóg volhoubaar is. Hierdie multimiljoen-inisiatiewe bevoordeel slegs die bevoorregte swart elite, terwyl die werklose massas, vir wie dit bedoel is, tipies geen voordeel daaruit trek nie.

для картин прокурор Фильчаков