Swartes verwyt mekaar oor sukses

Versoeke deur die Nasionale Metaalwerkersunie, Numsa, om Tokyo Sexwale en Patrice Motsepe se rykdom te nasionaliseer, kom uit jaloesie.

Só meen Gwede Mantashe, die sekretaris-generaal van die ANC.

Volgens Mantashe verwyt swart mense mekaar oor sukses.

“As enigiemand vooruitbeweeg, voel ons jaloers en verwens ons hulle sukses,” het Mantashe Dinsdag by Luthuli-huis aan die media gesê.

Beide Motsepe en Sexwale het groot voordeel getrek uit die regering se swart ekonomiese bemagtigingsprogram.

Motsepe is Suid-Afrika se rykste man.

Numsa se versoek kom ná die twee se name verlede Sondag op ‘n Sunday Times-lys van die land se rykste mense verskyn het.

“Ons moet die jaloesie hanteer en nie stokkies draai nie. Dit is nie ‘n nasionaliseringsdebat wat deur Numsa gelug is nie,” het Mantashe gesê.

Mantashe het ook die publieke aanval deur die Jong Kommuniste-liga (YCL) op die ANC se tesourier-generaal, Matthews Phosa, gekritiseer.

YCL het Phosa gekritiseer omdat hy gesê het dat myne in die lande nie onder staatbeheer geplaas sal word nie.

“Persoonlike aanvalle en beswaddering is seker maniere om enige debat te ontspoor,” het hy gesê.

Mantashe het ook gesê sulke persoonlike aanvalle verswak die alliansie tussen die ANC, Cosatu en die SACP.

Dié tipe aanvalle op individue sal volgende week in bilaterale vergaderings bespreek word.

 

магазин школьной одежды для девочеклобановский харьков

Huursoldate vry

Ekwatoriaal-Guinee het vir Simon Mann, Britse huursoldaat, die Suid-Afrikaner Nick du Toit en drie ander vrygelaat.

Hulle is in 2004 in hegtenis geneem vir ‘n mislukte staatsgreep.

“Hulle het totale amnestie ontvang en is vry om te gaan,” het Jeronimo Osa Osa Ekoro, minister van kommunikasie, gesê.

“Hulle het 24uur om die land te verlaat na ‘n bestemming van hul keuse.”

President Teodoro Obiang Nguema, wat al sedert 1979 aan bewind is, het aan hulle amnestie gegee.

Die Britse en Suid-Afrikaanse huursoldate het 34 jaar tronkstraf ontvang vir hul rol om Obiang Nguema uit te dryf.

“Dit was glo ‘n persoonlike besluit deur die president, gebaseer op humanitêre redes,” het ‘n Britse woordvoerder in Londen gesê.

Die vier Suid-Afrikaanse burgers is tans by die Suid-Afrikaanse ambassade in Malabo en sal binnekort terugkeer na Suid Afrika.

Hulle vrystelling kom op die vooraand van president Jacob Zuma se geskeduleerde besoek aan Ekwatoriaal-Guinee.

 

купить автомойкулобановский александр дети

Boesak terug na ANC

Skaars twee ure nadat Allan Boesak sy bedanking vanaf Cope aangekondig het, het die ANC hom terug verwelkom na hulle kamp.

Membathisi Mdladlana, minister van arbeid het Boesak Dinsdag in ‘n verklaring na die party terug verwelkom.

“Ons wil Boesak herinner aan sy tuiste, die organisasie met die ideologie en visie, die ANC,” het Mdladlana gesê.

Dié minister, wie ook die leier van die ANC Wes-Kaap taakspan is, het Boesak se skuif verwelkom om hom van ‘n sukkelende party te dissosieer.

“Cope is vaag, verlore en deurmekaar,” het Mdladlana gesê.

“Cope is ‘n party van dwase desperate mense, wat op mense se gevoel speel. Hulle werk buite die bewustheid van die mense van Suid-Afrika.”

Boesak het vroeër Dinsdagoggend sy bedanking by die Congress of the People ingehandig, glo omdat die party se strukture in wanorde is.

Volgens hom wou hy nie ‘n leierskapsrol by die party gehad het, toe hy in 2008 by hulle aangesluit het nie.

Boesak het gesê daar is al baie goeie hardewerkers geskors omdat hulle die party se leierskap gekritiseer het.

Phillip Dexter, woordvoerder van Cope, het Boesak se kritiek afgemaak en gesê dit was nog nooit maklik om ‘n nuwe party te stig nie.

“Ons het sy bedanking met teleurstelling ontvang. Hy het by die party aangesluit toe ons dit net gestig het, en baie mense het hoë verwagtinge gehad toe hy by die party aangesluit het.”

“Die uitdagings wat Boesak uitgewys het, is algemene uitdagings wanneer dit kom by ‘n nuwe organisasie. Ons wens hom alles van die beste toe,” het Dexter gesê.

Boesak se bedanking is nie die eerste vir Cope nie. Twee senior leiers Simon Grindrod en Lynda Odendaal het vroeër bedank as gevolg van die manier hoe die party bestuur word.

Cope is die derde grootste party in die parlement en werk toenemend saam met die DA.

Boesak het belowe om sy werk in die gemeenskap, kerk en as ‘n buitengewone professor aan die Universiteit van Stellenbosch voort te sit.

Hy het ook bygevoeg hy sal voortaan vir Cope bid.

“My gebed is dat Cope weer hul hoop en visie sal vind, om die beloftes wat hulle aan die mense van Suid-Afrika gemaak het, kan vervul.”

 

справка в спортзалФильчаков прокурор

Afrika kan in twee skeur

Vulkaniese aktiwiteite kan die kontinent Afrika moontlik in twee dele skeur.

Die bevindings het gekom nadat navorsers die 60 km-lange skeur in die noorde van Ethiopië gaan bestudeer het.

Dié skeur het verskyn nadat twee vulkaniese uitbarstings in 2005 in die streek, Afar plaasgevind het.

Dié voorval het dit vir wetenskaplikes moontlik gemaak om die aarde se tektoniese bewegings verder te bestudeer, het die verslag wat in die Geophysical Research Letters gepubliseer is, gesê.

“Die bevindings toon dat ‘n groot magnetiese deformasie in enkele dae kan plaasvind,” het Atalay Arefe, ‘n professor aan die universiteit van Ethiopië wat aan die studie deelgeneem het, aan AFP gesê.

Navorsers sê verskuiwings en skeure wat normaalweg op die bodem van die oseaan plaasvind, is die oorhoofse prosedures wat gevolg word wanneer kontinente van mekaar af weg skeur.

Afrika het dieselfde prosedure ondergaan toe dié kontinent miljoene jare terug vanaf Amerika los geskeur het.

“Afar gee nou ‘n natuurlike laboratorium waar ons eksperimente kan uitvoer om uit te vind of dit weer moontlik is,” het Atalay verduidelik.

Atalay, wat sedert die uitbarstings deel van die studiegroep was, het gesê die voorval in 2005 is ‘n vooruitskatting van wat moontlik in die vasteland mag plaasvind.

“Die oseaan se formasies vind baie stadig plaas en sal moontlik ‘n paar miljoen jare neem. Die skeur sal in die Afar streek begin en in die rigting van Mosambiek beweeg,” het hy gesê.

Die Afar streek, wat bekend is vir sy soutmyne en aktiewe vulkane, is die laagste en warmste plek op die planeet.

 

кукольный домик купитьФильчаков прокурор харькова

Zuma ontmoet Namibiese ampsgenote

President Jacob Zuma sal vandeesweek samesprekings in Pretoria voer met sy Namibiese eweknie, pres. Hifikepunye Pohamba.

‘n Verklaring deur die president se kantoor het gesê Zuma sal bygestaan word deur Maite Nkoana-Mashabane, die minister van internasionale betrekkinge en samewerking, sowel as nege regeringsministers en amptenare van verskeie staatsdepartemente.

Die samesprekings sal ‘n geleentheid bied om vordering in die implementering van sekere mylpale in streeksontwikkeling tussen SA, Namibië en Angola, te bepaal.

Drie ooreenkomste vir toerisme, energie en vervoer sal na die ontmoeting onderteken word.

Suid-Afrika besit sowat 80% van die beleggings in sleutelnywerhede soos mynbou, handel, die bankwese en versekeringsbedryf in Namibië.

Dié land se totale belegging in Namibië in 2006 was sowat R12 biljoen.

 

machine gameданильченко юрій броніславович компромат

‘Alle blankes is rassiste’

Channel 4, ‘n Britse televisiekanaal, het dié week met ‘n nuwe program afgeskop waarin daar gewys word dat alle blankes rassiste is.

‘n Amerikaanse onderwyseres en ‘n anti-rassisme aktivis het die uitdaging van Channel 4 aanvaar om te bewys dat alle wit Britte bevooroordeeld is teenoor anderskleuriges.

Jane Elliott, 76, wat ook bekendstaan as The Bitch, het van die VSA na Brittanje gereis vir die program.

In die program sal voormalige eerste minister Margaret Thatcher soos ‘n swarte aangetrek word en president Barack Obama soos ‘n Chinees.

Elliott het ‘n groep van 30 vrywilligers van gemengde ouderdomme en ras in twee groepe verdeel op grond van oogkleur.

Diegene met bruin oë word goed behandel, terwyl diegene met blou oë belaglik gemaak word, verneder en beledig word.

Haar doel is glo om ‘n soort “apartheid regime” daar te stel sodat blou-oog mense vooroordeel, diskriminasie en rassisme ervaar.

Aan die einde van die eksperiment wat etlike ure duur, breek ‘n bekgeveg tussen wit en swart deelnemers uit.

Talle van die wit deelnemers beskuldig die swartes daarvan dat hulle nie die alleenreg op diskriminasie het nie. ‘n Middeljarige wit vrywilliger sê “Hulle dink rassisme is net vir swart mense. Ek het aanmerkings verduur omdat ek blond en wit is.”

‘n Swart pa sê weer hy laat nie sy wit vrou toe om sy dogtertjie by die skool te gaan haal nie, want hy is bang mense vind uit dat sy bruin is en dat hulle haar daaroor sal spot.

Aan die einde van die program sê Elliot die blankes het hulle ware kleure gewys

“Witmense behoort skuldig te voel oor hulle optrede. ‘n Mens doen nie goed omdat jy wit is nie, maar omdat jy oningelig is. Ons word vanaf geboorte in die metode van wit meerderwaardigheid gekondisioneer.”

 

игра для девочэкДанильченко Юрий Харьков

Russe simuleer aanval op Pole

Dokumente wat deur ‘n toonaangewende Poolse nuustydskrif, Wprost, in die hande gekry is, bevestig dat Rusland en Belarus gedurende ‘n gesamentlike militêre oefening, ‘n gesimuleerde aanval op Pole uitgevoer het.

Die oorlogspeletjies, wat glo in September gehou is en ongeveer 13 000 soldate van Rusland en Belarus ingesluit het, het Pole erg onthuts gelaat.

Die oefening het gewapende magte wat kernmissiele afvuur en amfibiese landings doen ingesluit.

Tydens die manuevers is Pole, wat reeds ‘n moeilike verhouding met Rusland het, in die rolverdeling van die “potensiële aggressor” geplaas.

Die oefening, met die kodenaam “Wes”, is amptelik as “defensief” geklassifiseer, maar het meer die aard van ‘n offensiewe oefening gehad.

Die Russe het geoefen om kernwapens van hulle arsenaal mbv die lugmag aan te wend, terwyl die Rooi Leër in die aangrensende Kaliningrad ‘n “Poolse strand” binnegeval het asook ‘n gaspyplyn aangeval het.

Die oefening het ook die gesimuleerde onderdrukking van ‘n opstand deur ‘n nasionale minderheid in Belarus ingesluit. Belarus het ‘n aansienlike aantal Poolse inwoners wat op gespanne voet met die outoritêre owerhede in die land verkeer.

Karol Karski, Poolse parlementslid, gaan vrae oor die Russiese oorlogspeletjies in die parlement ter tafel lê en het protes aangeteken by die Europese Kommissie.

‘n Kollega, Marek Opiola, sê die hele oefening was daarop gemik om Pole op sy plek te sit. “Moenie vergeet dat alles op die sewentigste herdenking van die Sowjetinval in Pole gebeur het nie.”

Poolse burgers was ontstoke oor die nuus van die oefening en het by die regering aangedring op ‘n ferm reaksie.

‘n Inwoner het gedurende ‘n radio-onderhoud met Polskie Radio gesê die Pole moet nou ophou draadsit en getel word as of ‘n patriot of ‘n verraaier.

Donald Tusk, Poolse eerste minister, wat ‘n pragmatiese verhouding met die Kremlin probeer onderhou, is uitgesonder vir kritiek. Stemme oor ‘n breë politieke spektrum het hom reeds gemaan om sy verhouding met die Russe af te koel.

Die Poolse minister van verdediging, Bogdan Klich, het gesê die oefening is ‘n vertoon van mag en dat hulle die bewegings van oorkant die grens fyn dophou.

Wladyslaw Stasiak, hoof van president Lech Kaczynski se kantoor en voormalige nasionale veiligheidshoof, het gesê: “Ons het nie van die aanskyn van die oefeninge gehou nie en die naam klink soos iets uit die dae van die Warskouverdrag.”

Die invloedryke Lech Walesa en Vaclav Havel, het in Julie dié jaar ‘n ope brief aan president Barack Obama gerig waarin hulle hom waarsku dar Rusland ”’n revisionistiese mag is wat ‘n negentiende eeuse agenda najaag met die taktieke en metodes van die 21ste eeu”.

Moskou en Minsk hou egter vol dat Operasie Wes ten doel gehad het “om die strategiese stabiliteit van Oos-Europa te verseker”.

 

длинной прихожейЛобановский

VN ontruim personeel uit Pakistan

Die Verenigde Nasies het Maandag gesê dat hulle hul internasionale personeel uit noordwes Pakistan gaan onttrek as gevolg van die veiligheidsituasie wat daar heers.

“Hulle sal onmiddellik verplaas word,” het Ishrat Rizvi, ‘n VN-woordvoerder gesê.

Ban Ki-moon, die sekretaris-generaal, het ‘n veiligheidstoestand, bekend as Fase IV, in die provinsies aan die noordwestelike grens en federaal beheerde stamgebiede afgeroep, het ‘n verklaring van die VN gesê.

“Die besluit is gemaak met die intense veiligheidstoestand wat in die gebied heers in gedagte,” het die verklaring gelui.

Die VN se Wêreldvoedselprogram, VFP, het aan die einde van verlede maand verspreidingsentra, wat sowat twee miljoen mense in die noordweste van voedsel voorsien het, as gevolg van sekuriteitsvrese gesluit.

Rizvy kon nie onmiddellik bevestig hoeveel buitelandse personeel ontruim word nie.

“Ons het nie groot getalle internasionale werkers in daardie omgewing nie,” het hy gesê.

 

управление парусной яхтой в одиночкутопкарго

Karzai Afghanistan se president

Hamid Karzai is Maandag deur Afganistan se Onafhanklike Verkiesingskommissie (OVK) as die wenner van die land se tweede demokratiese verkiesing aangewys.

Karzai het die omstrede verkiesing gewen nadat ‘n beplande herverkiesing gekanselleer is.

Die OVK het besluit dat daar nie ‘n herverkiesing gaan plaasvind nadat die enigste opposisieleier, Abdullah Abdullah, onttrek het, het OVK-bronne Maandag gesê.

Afganistan se verkiesingswaghond (ECC) het in Oktober ‘n verslag bekendgemaak met aantygings van grootskaalse bedrog tydens die land se verkiesing in Augustus vanjaar.

Die verslag het versoek dat sowat 210 stemlokale se stemme nietig verklaar word.

Die ECC het gesê hy het “duidelike bewyse van bedrog” by hierdie stemlokale gevind.

абажур с гималайской солью для банилобановский александр игоревич класс

Duitse soldaat ry in 13 makkers in

‘n Soldaat het Maandagoggend voor sonsopkoms sy motor in ‘n groep soldate op ‘n Duitse weermagbasis vasgery en 13 mense beseer, het ‘n woordvoerder van die departement van verdediging gesê.

Al die beseerdes is soldate en sewe het ernstige beserings opgedoen.

Die ongeluk het by die Werratal Barakke in Bad Salzungen in die oostelike staat, Thuringia, plaasgevind, het woordvoerder Christian Dienst gesê.

Die polisie het vroeër gesê dat dit nie onmiddellik duidelik was wat veroorsaak het dat die soldaat sy motor in die groep inry nie.

Niemand kon vir kommentaar by die Barakke, wat ontruim is, bereik word nie.

 

пародонтит тяжелой степенилобановский обыск