Nuus Archives - Page 1181 of 1583

Straatroof is 2010 se kopseer

Straatrowers in Suid-Afrika is die Wêreldbekersokkertoernooi in 2010 se grootste kopseer.

Die Instituut vir Sekerheidstudies (ISS) sê straatrooftogte is 66% van alle ernstige rooftogte. “Dit moet gesien word as potensieel die grootste misdaadbedreiging wat besoekers aan dié sokkertoernooi mag teëkom.”

Die ISS het Donderdag ’n ontleding van die polisie se jongste misdaadstatistieke, vir die tydperk van 1 April 2008 tot 31 Maart 2009, bekendgestel.

Volgens dié statistieke het 41% van al die straatrooftogte in swart woonbuurte plaasgevind, 31% in middestede, 20% in woonbuurte, 4% in landelike gebiede en 2% in tradisionele nedersettings.

Nkhosilo Seimela van die polisie se navorsing-en-statistiek-eenheid het gesê 57% van dié rooftogte is met ’n vuurwapen gepleeg, 38% met ’n mes en 5% met ’n stomp voorwerp.

Selfone word in 64% van alle straatrooftogte gesteel, geld in 50% en persoonlike items in 27% van die gevalle.

Die meeste straatrooftogte word in Gauteng aangemeld, gevolg deur KwaZulu-Natal, die Wes-Kaap en Noordwes.

Volgens die ISS se verslag was daar in die twee weke van die Konfederasiebeker-sokkertoernooi vanjaar ’n dramatiese afname in misdade soos moord, poging tot moord, huisroof, motorkaping en seksuele misdrywe in areas rondom die sokkerstadions omdat tussen 6 000 en 8 000 lede van die polisie, spesiale taakmag en weermag ontplooi is in dorpe waar die toernooie plaasgevind het.

игра для девочк лобановский депутат

Minister smeek boere om te bly

Tozi Gwanya, direkteur-generaal van landelike ontwikkeling en grondhervorming, het Donderdag op Agri SA se kongres in Mulderdrift aan die Wes-Rand gesê Afrikanerboere moenie die land verlaat nie.

Die inleiding van sy toespraak was in Afrikaans.

’n Groep Afrikanerboere is onlangs deur die Demokratiese Republiek van die Kongo, DRK, genooi om in die landboubedryf daar betrokke te raak, en die minister het ‘n versoek aan sulke boere gerig om te bly.

“Ons pleidooi aan Afrikanerboere is dat hulle hier moet bly. Ons kan baie by julle leer,” het Gwanya gesê.

“Julle hoort ook hier, want julle voorvaders is hier begrawe.”

Gugile Nkwinti, minister van landelike ontwikkeling en grondhervorming, wat ook die kongres sou bywoon, was nie teenwoordig nie.

Gwanya het gesê wat grondhervorming betref het al die belanghebbendes, soos grondeienaars, ‘n rol om te speel in die proses.

Hy het georganiseerde landbou gevra om met voorstelle te kom oor hoe om grondherverdeling te bestuur.

“Net soos ’n lekker sny varsgebakte brood botter nodig het, so het ons mekaar nodig om van landelike ontwikkeling en grondhervorming ’n sukses te maak,” het Gwanya in Afrikaans gesê.

Gwanya, het ook aan die nuusagentskap Reuters gesê die omstrede Onteieningswet gaan weer in die parlement ter tafel gelê word.

evolution

Vliegtuigwrakstuk soek

Ondersoekers is op soek na ‘n gedeelte van die enjin van die SA Airlink-vliegtuig wat verlede maand in Durban neergestort het.

Die Suid-Afrikaanse Burgerlugvaartowerheid, BLO, het Donderdag gesê hulle weet nie in watter stadium die enjindeel van die vliegtuig geskei is nie.

“Dit is moontlik dat iemand dit van die toneel verwyder het,” het die BLO in ‘n verklaring gesê.

“Om dié gedeelte op te spoor sal die ondersoekproses aanhelp.”

Dié gedeelte van die enjin is ‘n metaalskyf, die grootte van ‘n koeldrankblikkie met ‘n staaf wat aan die middel geheg is.

Die vliegtuig het Erfenisdag op ‘n skoolveld in die suide van Durban neergestort.

Kaptein Alistair Freeman en drie ander mense is ernstig beseer toe die vliegtuig kort ná dit opgestyg het, op ‘n skoolveld in Merebank neergestort het.

Freeman het Woensdag aan sy beserings beswyk.

set jewellery топкарго отзыв

462 polisiebeamptes aangekla

Altesaam 426 polisiebeamptes is tussen April 2008 en Augustus 2009 aangekla van moord, verkragting, korrupsie en gewapende roof.

Nathi Mthethwa, minister van polisie, het dié onthulling gemaak in reaksie op ‘n geskrewe vraag van die DA.

Mthethwa het gesê 82 polisiemanne is in dieselfde tydperk ontslaan.

Regoor die land is 60 beamptes, waarvan 17 ontslaan is, vir moord aangekla en 39 beamptes, waarvan slegs sewe ontslaan is, aangekla van verkragting.

Driehonderd-en-ses beamptes, waarvan 51 ontslaan is, word aangekla van korrupsie en 21 beamptes, waarvan sewe ontslaan is, is afgedank.

Dianne Kohler-Barnard, DA-woordvoerder, het in ‘n verklaring gesê dít is ‘n groot openbaring van die regering se onvermoë om die polisiediens in so ‘n mate te bestuur dat die wetstoepassers die wet gehoorsaam.

“Dit is net eenvoudig onregverdig dat die mense wat verantwoordelik is om die onskuldiges te beskerm, self skuldig is aan verkragting en moord.”

Intussen is ‘n metro-polisiebeampte van Pretoria in hegtenis geneem nadat hy en twee verdagtes in ‘n huis in Wierdabrug naby Pretoria ingebreek het.

Console Tleane, die woordvoerder van Pretoria se munisipaliteit het gesê die SAPD en die mentropolisieeenheid het inligting ontvang wat beweer dat dié beampte in kriminele aktiwiteite betrokke is.

“Die munisipaliteit se departement van veiligheid is diep teleurgesteld in die polisieman se gedrag,” het Tleane gesê.

‘n Interne prosedure sal so vinnig moontlik aan die gang gesit word om die verdagte te skors.

топкарго кидалы

Franse minister se kop kan waai oor seks

Frankryk se minister van kultuur, Frédéric Mitterrand, se kop kan rol ná openbarings uit sy outobiografie dat hy “jong seuns” betaal het om met hulle seks te hê.

Die openbarings wat Mitterrand in sy boek, The bad life, gemaak het, het die week weer kop uitgesteek nadat die politikus teen die VSA uitgevaar het vir die vervolging van Roman Polanski.

Die VSA dring daarop aan Switserland die bekende regisseur aan Amerika uitlewer om tereg te staan op ‘n aanklag dat hy in 1977 met ‘n dertienjarige meisie seks gehad het.

Mitterrand is uit verskei oorde gekritiseer vir sy vurige aanval op die VSA oor die Polanski-saak.

‘n Verregse party in Frankryk het die vure vandeesweek gestook deur uittreksels uit Mitterrand se outobiografie bekend te maak.

“Ek het die gewoonte ontwikkel om te betaal vir seks met seuns,” het die Franse minister geskryf.

Mitterrand het aangehou met sy onwettige praktyke selfs nadat hy “die vieslike details van die handel” uitgevind het, het hy geskryf.

“Die rituele van die kindermark, die slawemark, die oorvloed van aantreklike en beskikbare jong seuns het my met wellus gevul,” skryf Mitterrand.

Lede van beide die verregse Front National en Frankryk se sosialistiese party het gevra dat die minister uit sy amp bedank.

Mitterrand het egter die aanval op hom afgewys.

Die minister het gesê hy beskou dit as ‘n eer indien ‘n verregse party sy naam deur die modder wil sleep.

Dwelmbaas huil oor hy teen Selebi getuig

Die veroordeelde dwelmhandelaar Glenn Agliotti het in trane uitgebars in die hof en sê hy wou nooit teen sy destydse vriend en die voormalige polisiehoof Jackie Selebi, getuig nie.

“Edelagbare, dit is nie maklik om hier te wees nie…”

“Ek wou nie hier wees om teen my destydse vriend en die beskuldigde getuig nie,” het Agliotti gesê toe hy sy getuienis in Selebi se korrupsieverhoor lewer.

Regter Meyer Joffe het hom toe gevra of hy ‘n oomblik nodig het om homself te kalmeer waarna die hof verdaag is.

Die staatsaanklaer, Gerrie Nel, het na Agliotti, wat sy bril afgehaal en die trane afgevee het, gestap.

Selebi het uit die hof gestap en gesê: “Hy het ‘n boks snesies nodig vir môre.”

Selebi staan tereg op twee aanklagte van korrupsie en dwarsboming van die gereg wat verband hou met betalings van sowat R1,2 miljoen wat hy van Agliotti, die ontslape mynmagnaat Brett Kebble en die voormalige Hyundai-baas en sakeman Billy Rautenbach, ontvang het.

Die verhoor duur voort.

top 10 free

Vegvliegtuig stort neer

Twee vlieëniers is dood en talle is beseer toe ‘n Russiese MiG-23 vegvliegtuig Woensdag op ‘n huis in die Libiese hoofstad Tripoli neergestort het, het ooggetuies aan AFP gesê.

Die vegvliegtuig was deel van ‘n vertoning in ’n Libiese lugskouvertoning, LAVEX 2009.

Daar is nog geen verdere besonderhede in verband met die oorsaak van die ongeluk bekendgemaak nie.

Drie gesinslede wat in die huis gewoon het, was onder die beseerdes, het ooggetuies gesê.

Die drie het die dood vrygespring omdat hulle toevallig in ’n vertrek was wat nie in die ongeluk verwoes is nie.

RIA Novosti, ‘n Russiese nuusagentskap, het berig dat ‘n MiG-23 sowat 2 km van die lugskou se hoofpawiljoen verongeluk het.

Die agentskap het egter geen sterftes genoem nie.

Die Russiese staatswapenhandelaar, Rosoboronexport, het Maandag luidens ‘n verklaring gesê hulle verwag ‘n “skerp styging” in Russiese wapenverkope aan Libië LAVEX 2009. Die lugskou loop Donderdag tot ‘n einde.

Kuberoorlog

“Die volgende wêreldoorlog gaan in die kuberruim plaasvind, en dit sal ‘n katastrofe wees. Die verlies van sy kubernetwerke sal enige nasie op sy knieë dwing. In ‘n kuberoorlog is daar geen supermoondhede nie en alle nasies is kwesbaar daarvoor…”

Aan die word is Hui Min Neo, telekomunikasiehoof van die VN. Hy het Dinsdag gepraat by die Internasionale Telekommunikasie Unie (ITU) se 2009 wêreldskou in Geneve.

Dit is egter nie slegs moondhede wat teen mekaar oorlog maak nie, maar ook etniese en godsdienstige groepe wat vir hul regte veg.

Terroriste en vryheidsvegters hoef hulle nie meer te wend na plofstof of vuurwapens nie – die wenners van ‘n kuberoorlog is nie meer die party met die grootste aantal divisies of eskaders vliegtuie nie, maar die party met die skerpste breinkrag. ‘n Klein aantal talentvolle kuberkrakers wat regoor die wêreld verspreid is kan ‘n land of regering teiken en op sy knieë dwing. Hulle kan selfs regerings tot ‘n val bring en ‘n regimeverandering bewerkstellig.

Vryheidsvegters hoef nie meer in ondergrondse tonnels weg te kruip en kraglyne in die nag opblaas nie. Vandag is dit moontlik om ‘n rekenaar viruskode van buite die land in ‘n land se kragnetwerk te plant wat maande of selfs jare later homself sal aktiveer en die hele kragnetwerk buite werking stel. Dit is vandag moontlik om van buite die land se grense ‘n aandelebeurs te sluit, om ‘n munisipaliteit se totale boekhoudingstelsel te vernietig, om lughawens te sluit en selfs om stadsverkeer tot stilstand te dwing.

Om hulle teen sulke aanvalle te beskerm het lande regoor die aardbol nou die International Multilateral Partnership against Cyber Threats (IMPACT), gestig om pro-aktief teen kuberaanslae en dreigemente op te tree. Tegnologie het die mensdom tot nou toe gedien, maar die era het aangebreek waar die mens die tegnologie sal moet dien.

Maar die problem lê by die programmatuur wat na twintig jaar of langer steeds kwesbaar en relatief maklik binnegedring kan word.

Microsoft het byvoorbeeld in Juliemaand vanjaar die vreemde stap gedoen om te waarsku dat sy Windows XP ernstige sekuriteitsgebreke het wat nog nie aangespreek is nie. Hierdie gebreke laat kuberkrakers toe om beheer te neem oor slagoffers se rekenaars. Slagoffers hoef slegs ‘n werf te besoek wat gekraak is om hul eie plaaslike netwerk te besmet en buite werking te stel.

Tot nou toe was dit die grootste en sterkste politieke magsgroep wat die septer in ‘n land geswaai het, maar in die toekoms mag dit die vindingrykste en talentvolste groep wees wat die grootste politieke invloed gaan hê. Die hele wese van die getalle demokrasie mag nou verander en verskuif van die groep met die grootste aantal stemme, na ‘n kuberdemokrasie, dws na die groep wat die sterkste potensiële IT-dreigement verteenwoordig.

Voorwaar ‘n geweldige paradigmaverskuiwing wat ernstige implikasies vir elke land inhou, ook vir Suid-Afrika met sy diverse volksgroepe wat tevrede gehou moet word.

Фільчаков прокурор

Franse eerste dame se werf veroorsaak ‘n ge-Twitter

Internasionale politiek het ‘n nuwe wending geneem met die skepping van die Franse president se vrou se nuwe webwerf.

Die webwerf wat hierdie week die lig gesien het, bevat 22 sketse van beroemde politici en rocksterre. Wat die twee, politieke leiers en rockmusici, in gemeen het, is nie duidelik nie. Die sketse het alreeds ‘n gefladder in die Twitter-hok veroorsaak.

Sarah Brown, die eggenoot van die beleërde Gordon Brown, het, nadat sy haar skets gesien het, ‘n “tweet” uitgestuur wat seker as 2009 se grootse diplomatieke eufemisme sal deurgaan.

Die gehalte van die skets het blykbaar nie oortuig nie. Sarah Brown word uitgebeeld met ‘n verwronge oor, ‘n té breë glimlag en ‘n moeë haardos. Haar Twitter-kommentaar was dat sy “verbyster” is.

Haar aanhangers het dadelik met ‘n gekwetter op Twitter losgetrek ter ondersteuning van Brown en almal beaam dat die skets hoegenaamd nie soos die premier se vrou lyk nie.

Me Brown het Woensdagaand ‘n “tweet” uitgestuur waarin sy sê: “mal oor Carla Bruni Sarkozy se nuwe webwerf, alhoewel ‘n bietjie verbyster deur die illustrasie van my”.

Brown kan egter moed skep uit die feit dat nie een van die 22 uitbeeldings heeltemaal suksesvol was nie. Dit is nie heeltemal duidelik wat Bruni Sarkozy beoog met die gallery van bekendes nie.

Barack en Michelle Obama se bolippe is albei omgekrul in ‘n doodsgrinnik, terwyl prins Charles en Camilla hulleself beswaarlik sal herken.

Die sketse van Bob Geldof en Bob Dylan is heeltemal onherkenbaar en was dit nie vir die naam wat verskyn as die muis daaroor beweeg nie, sou niemand geweet het wie die twee is nie.

Nelson Mandela pryk ook tussen die 22, saam met Burmese opposisieleier Aung San Suu Kyi en die Tibetaanse despoot, die Dalai Lama.

Presdient Nicolas Sarkozy se voorkoms is aansienlik verbeter; sy neus is kleiner, sy kakebeen skerper en hy lyk soos ‘n filmster van ongeveer 20 jaar oud.

Bruni self se wangbene is hoër aangepas en haar lippe het ‘n superkollageeninspuiting gehad vir die skets.

Onder die kwetteraars is daar eenstemmigheid dat die sketse “bisar” is.

Brown het die negatiewe geluide daarna probeer temper met ‘n “tweet” waarin sy sê sy neem dit nie te ernstig op nie en bygevoeg dat dit “regtig koel” is.

Sarah Brown het byna 900 000 volgers op Twitter.

Die sketse op Bruni Sarkozy se webwerf is deur die Franse kunstenaar Alice Dechelette gedoen.

Die Franse eerste dame het Woensdag gesê sy is in ‘n ewige “skoonheidswedstryd” met die eerste dames van die wêreld gewikkel in ‘n poging om haar beeld as ‘n internasionale sekssimbool verder te bestendig.

In haar oordadige persoonlike profiel beskryf sy haarself as iemand met ‘n “romantiese koers” wat die “geskiedenis moet trotseer met ‘n koelkop en ‘n glimlag op haar lippe”.

Te veel wapens, sê Zuma

Daar is baie wapens wat in Suid-Afrika rondlê, het president Jacob Zuma gesê.

“Baie mense word doodgemaak weens dié wapens,” het Zuma tydens die bekendstelling van die presidensiële blitslyn gesê.

Hy het gesê sodra misdadigers ‘n wapen uithaal sal hulle skiet om dood te skiet.

“’n Polisieman het drie keer na ‘n misdadiger geskiet om sy wapen neer te lê, maar hy is in elk geval doodgeskiet,” het hy gesê met verwysing na kapt. Carl Scheepers wat Saterdagaand in Brooklyn doodgeskiet is.

Zuma het gesê daar word in ander lande se huise ingebreek, gesteel en gevlug, maar in Suid-Afrika breek die misdadigers in en wag vir die eienaar om huistoe te kom.

Hulle eis daarna die kluis se sleutels en indien die eienaar weier, word hulle doodgemaak,” het Zuma gesê.

“Ons kan nie toelaat dat onskuldige mense doodgemaak word nie.”

Zuma het verlede maand met polisiekommissarisse van reg oor die land vergader en ‘n beroep op die polisie gedoen om dood te skiet.

“Ek dink die bedoeling is duidelik wanneer ‘n misdadiger sy wapen uithaal,” het Zuma tydens daardie vergadering gesê.

Dit is die polisie se verantwoordelikheid om die publiek te beskerm, het hy bygevoeg. Wanneer hulle lewens en die lewe van onskuldige mense egter bedreig word, moet ‘n ander alternatief oorweeg word.

game of life online free play