Nuus Archives - Page 972 of 1583

Kader Asmal oorlede

Kader Asmal, die man wat onderwys in Suid-Afrika eiehandig gekelder het, is oorlede. Sy droewe nalatenskap is egter hier om te bly.

Asmal is Woensdag in die ouderdom van 76 in Kaapstad oorlede nadat hy vroeër die dag ‘n hartaanval gehad het.

Huldeblyke van politieke partye en openbare figure het gister ingestroom ná die nuus van Kader Asmal se afsterwe. Media24 het Asmal ‘n “bewese” en “morele” politikus beskryf.

FW de Klerk het Asmal geprys as ‘n “stigter van demokrasie” in die land en het met “groot spyt” op sy afsterwe gereageer.

“Ons is bedroef oor die heengaan van een van die ANC se voorste intellektuele reuse,” het die ANC in ‘n verklaring gesê.

Ronnie Kasrils, ‘n hegte vriend van Asmal en oudminister van intelligensie, het aan Volksblad gesê: “Ek is diep hartseer. Hy was ‘n buitengewone Suid-Afrikaner wat saam met my teen apartheid gestry het.”

Die Natalse Indiër Asmal, wat die Britse koloniale onderwysstelsel ingevoer het, het met Britse en Kanadese onderwysmetodes soos uitkoms-gebaseerde onderrig (UGO) toegesien dat slaagsyfers na benede tuimel.

Ten einde die katastrofale slaagpersentasie te red, het Asmal ook standaarde verlaag en is begin om punte agter die skerms te manipuleer.

Benewens die invoering van UGO, het Asmal ook gesorg dat Afrikaanse universiteite die spit afbyt deur samesmelting op Afrikaanse instellings af te dwing. Deur sy beleid is universiteite soos die voormalige RAU, wat met Afrikanerfondse opgerig is, heeltemal tot ‘n swart Engelse inrigting getransformeer.

Helen Zille, DA-leier, het gesê Asmal was veel meer as net ‘n politikus. “Hy het die beste van ‘n geslag struggle-helde verteenwoordig.”

Floyd Shivambu, woordvoerder van die ANC-jeugliga, het by navraag gesê die beweging het “waardering” gehad vir Asmal se kritiese menings en standpunte.

игры ла ла лупси прокурор Фильчаков

Verkragter word raadslid

‘n Veroordeelde verkragter is pas as ‘n stadsraadslid in Kopanong aangewys.

Die 33-jarige Phindile Decius Basholo is luidens amptelike dokumente en inligting van korrektiewe dienste op 25 November 1999 vir tien jaar tronk toe gestuur weens verkragting.

‘n Klag is by die Onafhanklike Verkiesingskommissie (OVK) ingedien oor sy aanstelling.

Lees verder.

розетка коляски

Regsproses wys al hoe meer krake

Moontlike regsremedies gaan ondersoek word om die gemeenskap in die breë, en slagoffers van misdaad in besonder, te beskerm teen die gevolge van swak polisie-ondersoeke en aanklaagwerk, sê Afriforum.

Dié burgerregtegroep is steeds optimisties dat regsremedies gevind kan word om die gebreke in die regstelsel aan te spreek ten spyte van oplaaiende getuienis tot die teendeel.

Dit volg nadat vyf rampokkers van Soshanguve buite Pretoria vroeër vandag vrygespreek is op die moord op Hein de Jager, ‘n jong getroude pa wat op 13 Maart 2011 koelbloedig in sy winkel in Akasia, Pretoria doodgeskiet is.

Die een beskuldigde is reeds vroeër vrygelaat nadat die staatsadvokaat geensins ‘n saak teen hom bewys het nie. Die oorblywende vier beskuldigdes is vandag deur regter Cynthia Pretorius vrygespreek.

Regter Pretorius het in haar uitspraak genoem dat, alhoewel die hof ‘n sterk agterdog aangaande die betrokkenheid van die beskuldigdes by die moord op Hein de Jager het, die staat nie bo redelike twyfel daarin geslaag het om hul skuld te bewys nie.

Die polisie het nagelaat om ‘n uitkenningsparade te reël en geeneen van die getuies was later in staat om die beskuldigdes positief te identifiseer nie.

Regter Pretorius het bevind dat ‘n uitwysing van gesteelde goedere, die ontsnappingsvoertuig en die moordwapen deur een van die getuies nie toelaatbare getuienis was nie, aangesien die betrokke beskuldigde nie ná sy inhegtenisname ingelig is omtrent sy “grondwetlike regte” nie.

‘n Verdere bekentenis voor ‘n landdros deur een van die beskuldigdes is eweneens as ontoelaatbare getuienis geklassifiseer omdat die staat nie bo redelike twyfel kon bewys dat die bekentenis uit vrye wil en sonder onbehoorlike beïnvloeding gegee is nie.

Die grootste teleurstelling van die verhoor was die feit dat die staatsaanklaer self ‘n alibi vir die hoofverdagte bewys het deur die feit dat hy die hoofverdagte se vriendin as getuie geroep het om oor die eienaarskap van die ontsnappingsvoertuig te getuig.

AfriForum se regsverteenwoordiger, Willie Spies, wat die uitspraak saam met die gesin van die slagoffer bygewoon het, het in sy reaksie gesê die staatsaanklaer het geskiedenis gemaak deur self ‘n alibi vir die hoofverdagte te bewys. Selfs nadat die betrokke getuie onder eed ‘n alibi aan die hoofverdagte gegee het, het die staatsaanklaer geen poging aangewend om die getuienis te weerlê of ten minste die getuie tot ‘n vyandige getuie te laat verklaar nie.

“Dit is tragies dat die vyf beskuldigdes, op staatskoste, elk ‘n eie advokaat gehad het, terwyl die slagoffers van misdaad en hul naasbestaandes uitgelewer is aan die halfgebakte ondersoekwerk van die polisie en swak voorbereide litigasie van die vervolgingsgesag se enkele junior advokaat. Die strafprosesreg laat geen ruimte vir die toetrede van vriende van die hof of derde partye nie. Slagoffers moet hulle dus berus by die feit dat hul belange deur onbekwame staatamptenare verteenwoordig word,” het Spies gesê.

лобановский депутат

Obama ignoreer sy generaals

Barack Obama gaan die raad van die Pentagon se generaals verwerp deur die aankondiging van die onttrekking van tot 30 000 troepe uit Afghanistan teen November volgende jaar, net betyds vir die Amerikaanse presidensiële verkiesing. Dié aankondiging gaan na verwagting Woensdag gemaak word.

Die stap kom ten spyte van waarskuwings van sy militêre bevelvoerders dat hulle onlangse militêre oorwinnings broos is. Hulle het aangedring daarop om troepgetalle hoog te hou tot 2013.

Die versnelde onttrekking het ontsteltenis by Amerikaanse en Britse bevelvoerders in Kaboel veroorsaak, wat bekommerd is dat die Withuis is nou gedryf word deur politieke eerder as militêre oorwegings.

Obama se nasionale televisie-optrede Woensdag, die sesde sedert hy president geword het, is bedoel om die begin van die einde van die Amerikaanse militêre ontplooiing in Afganistan uit te spel aan sy landgenote.

Die Withuis het vroeër bevestig dat die onttrekking “beduidend” sal wees.

Obama se besluit is daarop gemik om ‘n Amerikaanse publiek wat oorlogsmoeg is, te paai. Die 10-jarige oorlog het reeds 1 522 Amerikaanse lewens gekos. Die dood van Osama bin Laden sal na verwagting stukrag aan dié besluit verleen.

NAVO-bevelvoerders gelei deur generaal David Petraeus het gewaarsku dat daar in werklikheid geen merkbare dividend uit die dood van die al Kaida-leier is nie. Die Taliban se rug is nog lank nie gebreek nie, sê hulle.

Die onttrekking het ‘n diep kloof in Washington laat ontstaan. Die sekretaris van verdediging, Robert Gates, wil ‘n beskeie vermindering sien, terwyl senior Withuispersoneel, pynlik bewus daarvan dat die president ‘n verkiesing op hande het, sê ‘n vermindering ipv ‘n onttrekking sal ‘n sein stuur na die Amerikaanse publiek dat ‘n einde aan die oorlog nie in sig is nie.

Obama se selfvertroue as president is blykbaar genoeg om Gates se goeie raad te weer eens te ignoreer. Hy het hom nie gesteur aan waarskuwings om militêre betrokkenheid in Libië te vermy nie, en het nou weer alle militêre oorwegings oor Afghanistan afgewys.

палатка цены

Duitsers gaan reëls vir buitelanders verslap

Duitsland sal hulle streng maatreëls verslap om buitelandse dokters en ingenieurs toe te laat om ‘n groot aanvraag in die land se arbeidsmark te vul.

Die land se minister van onderwys en navorsing, Annette Schavan, het gesê die regering sal in die komende week ‘n nuwe wetsontwerp opstel om duisende oorsese beroepsmense na die grootste Europese ekonomie te lok.

“Ons stem saam dat die ingewikkelde reëls, wat aanstellings so ver moontlik aan Duitsers toeken, afgeskaal moet word,” het sy gesê.

‘n Plaaslike arbeidskantoor ondersoek tans werkgewers om te verseker dat Duitsers waar moontlik aangestel is.

“Ons sal dit ook makliker maak vir oorsese kwalifikasies om erken te word,” het sy bygevoeg.

Die regering, werkgewers en arbeidsunies sal Woensdag byeenkom om samesprekings oor die nuwe wetsontwerp te voer.

‘n Ekonomiese navorsingsinstituut het gesê ‘n tekort aan gekwalifiseerde werkers het die Duitse ekonomie R149 miljard in 2009 gekos.

Moetimoordopstande prut in Tlokweng

Altesaam 44 mense het in die Madikwe-landdroshof verskyn in verband met betogings in Tlokweng in Noordwes, het die polisie Dinsdag bekend gemaak.

Vyf-en-dertig volwassenes tussen die ouderdomme van 18 en 40 is op waarskuwing vrygelaat, het lt. kol. Lesego Metsi gesê.

Nege jeugdiges is gestuur vir assessering deur ‘n maatskaplike werker. Hulle sal in die toesig van hul ouers gelaat word.

Al 44 is aangekla van openbare geweld en opsetlike saakbeskadiging.

Gewelddadige betogings het aan die einde van Mei opgevlam ná die beweerde rituele moord op Thabiso Moloi. Inwoners het op 29 Mei verwoesting begin saai ná die begrafnis van Moloi, wie se ontbindende lyk in die bosse gevind is.

Inwoners vermoed hy is vir moeti doodgemaak.

Busse wat mense werk toe vervoer het, is voorgekeer en skoolkinders is nie toegelaat om skool toe te gaan nie. ‘n Motor en ‘n huis – wat aan die eienaar van die sjebien waar Moloi laas gesien is, behoort het – is aan die brand gesteek en die eienaar is met die dood gedreig.

Van die drie mense wat tydens die betoging geskiet is, het twee gesterf. Die polisie monitor steeds die situasie.

Al die beskuldigdes verskyn weer Vrydag in die hof.

гольфы

Man wat rower skiet, vas vir moord

‘n Vyf-en-dertigjarige huiseienaar is Dinsdag in Fordsburg, Johannesburg, vir poging tot moord in hegtenis geneem nadat hy ‘n inbreker wat hom met ‘n pyp aangeval het, geskiet het.

Volgens ao. Xoli Mbele is die man omstreeks 10:00 in hegtenis geneem nadat hy die 30-jarige man, wat hom in sy huis met ‘n staalpyp aangeval het, geskiet het.

Volgens Mbele het vier mans by die eienaar se eiendom ingebreek. Twee mans het die huis binnegegaan en twee het buite gebly.

Die eienaar het die man wat hom na bewering aangeval het, in die onderlyf geskiet, waarna die man se makkers weggehardloop het. Die polisie, wat in die omgewing was op patrollie, het hulle glo na die huis gehaas nadat hulle die geweerskoot gehoor het.

Die beseerde man is onder polisiebewaking in die hospitaal opgeneem. Hy is in hegtenis geneem vir huisbraak, diefstal en opsetlike saakbeskadiging.

“Die eienaar is vir poging tot moord in hegtenis geneem en beslag is op sy wapen gelê.”

Mbele het gesê die ondersoek duur voort en albei mans sal binnekort in die Johannesburgse landdroshof verskyn.

civilization 2

Cele waarsku teen valse bomdreigemente

Die nasionale polisiekommissaris, genl. Bheki Cele, het Dinsdag ‘n waarskuwing aan mense gerig wat die polisie kontak met valse bomdreigemente en wat onwettige plofstof gebruik.

“Enige individu wat opsetlik ‘n bomdreigement maak, sal vervolg word. Geen persoon is bo die wet verhewe nie, ook nie polisiebeamptes nie,” het Cele in dié verklaring gesê.

Kol. Tummi Shai het bygevoeg dat die bestuur in die polisie “ernstig bekommerd is oor die gebruik van plofstof in openbare plekke”.

Sy het ook gesê dit gee aanleiding tot verskeie valse bomdreigemente, wat mense traumatiseer en lei tot ‘n vermorsing van tyd en hulpbronne deur die polisie.

Sy het egter die versekering gegee dat die polisie sal aanhou om op bomdreigemente te reageer om openbare veiligheid te verseker. Hulle sal ook valse waarskuwings ondersoek om seker te maak dat oortreders vasgevat word.

“Verskeie verslae het onlangs die gereeldheid van valse bomdreigemente benadruk, asook die gebruik van onwettige plofstof, wat die berugte OTM-bomaanvalle insluit. Hierdie onwettige dade plaas die lewens van wetsgehoorsame burgers in gevaar.”

Sy het gesê die polisie verkeer ook in gevaar wanneer hulle OTM-bomaanvalle ondersoek, aangesien die oortreders gewoonlik swaar gewapen is.

справка 86у купить

Ondersoek na wapenskandaal heropen

Die Valke wat in November verlede jaar sy ondersoek na die wapenskandaal sonder verduideliking laat vaar het, het onderneem om dit te heropen.

Nuwe inligting van ‘n Sweedse verdedigingsmaatskappy, SAAB, het die Valke genoop om opnuut die regering se omstrede multimiljardrand-wapentransaksie onder die loep te neem.

Dié inligting is ook aan die hoofaanklaer van die nasionale teenkorrupsie-eenheid in Swede oorhandig.

Lt.genl. Anwar Dramat, hoof van die Suid-Afrikaanse Valke se ondersoekeenheid, het Maandag ‘n onderneming gegee dat die saak heropen sal word.

Hakan Buskhe, uitvoerende hoof van SAAB, het verlede week erken miljoene rande is aan omkoopgeld betaal om die kontrak te beklink om Gripen-vegvliegtuie aan die Suid-Afrikaanse regering te verkoop.

Buskhe ontken egter SAAB aandadig was. Hy het sy eertydse Britse vennoot, BAE Systems, daarvan beskuldig dat hulle sonder SAAB se medewete omkoopgeld betaal het. Die geld is glo aan mnr. Fana Hlongwana, ‘n adviseur van die destydse minister van verdediging, Joe Modise, oorbetaal.

Buskhe het op 16 Junie in ‘n verklaring gesê R24 miljoen is tussen 2003 en 2005 deur BAE aan Sanip Edms. Bpk. betaal. Volgens Buskhe is die omkoopgeld aan ‘n “Suid-Afrikaanse konsultant” in die vorm van “bonusse en salarisse” betaal.

Konflik en natuurrampe ontwortel 44 miljoen wêreldwyd

Die aantal mense wat wêreldwyd weens konflik uit hul wonings gedwing word, het in 2010 tot 44 miljoen gestyg – die hoogste vlak in ‘n dekade, volgens ‘n verslag van die Noorse Vlugtelingraad. Dié verslag is Maandag op Internasionale Vlugtelingedag bekend gemaak.

Dié 43,7 miljoen mense sluit burgerlikes wat vóór 2010 gevlug het, en steeds ontheem is, in.

Sowat die helfte wat as binnelands ontwortel geklassifiseer is, is van vyf lande afkomstig – Colombia, Soedan, Irak, die Demokratiese Republiek van die Kongo en Somalië.

“Daar is geen rede vir optimisme nie,” het die organisasie se sekretaris-generaal, Elizabeth Rasmusson, gesê.

“Daar is geen aanduiding dat die getalle kan afneem nie,” het sy bygelas.

Natuurrampe het ook tot die ontworteling van die meer as 42 miljoen mense in 2010 gelei – twee en ‘n half keer meer as die vorige jaar, het ‘n ander verslag van die organisasie gelui.

Suid-Afrika het die grootste toevloei van asielaansoekers. Meer as 180 600 van die wêreld se 850 000 amptelike asielaansoekers is in Suid-Afrika, blyk uit ‘n verslag van die VN wat Maandag in Rome bekend gestel is.

Dit val saam met Wêreldvlugtelingedag en die 60ste herdenking van die Geneefse Konvensie wat vlugtelingstrome reguleer.

Amerika kry 54 300 asielaansoeke en Frankryk 48 100.

Meer as 150 000 asielsoekers is Zimbabwiërs en 6 000 Somaliërs. Nege uit elke tien Zimbabwiërs doen in Suid-Afrika aansoek om asiel, lui die verslag.

тамбов абразивный