Oproepe om Ilanga te nasionaliseer

Eienaars van die Ilanga-koerant in KwaZulu-Natal het Woensdag stakende joernaliste van intimidasie beskuldig en dreigemente aan sy adverteerders.

“Stakende lede van die unie en ‘n amptenaar van die vakbond het xenofobiese beledigings rondgeslinger by die bestuur en adverteerders wat in die gebou inkom gedreig,” sê Arthur Konigkramer, besturende direkteur van Mandla-Matla, die maatskappy wat die eienaar van Ilanga is.

Die Media Workers’ Association of SA (Mwasa) betwis dié weergawe. Hulle beweer hy erken die unie, maar weier om in kollektiewe bedingingsproses te tree.

Mwasa se KwaZulu-Natalse organiseerder Meshack Zweni het gesê sowat 90 persent van Ilanga se werkers behoort aan die unie, wat deur die maatskappy in Augustus verlede jaar erken is. Hy het gesê die werkers staak sedert verlede Saterdag.

Mwasa eis ‘n 10 persent salarisverhoging vir die werkers, en ‘n minimumsalaris van R10 000 vir joernaliste, wat prestasiebonusse uitsluit.

“Daar is ‘n paar joernaliste wat oor die R5000 verdien en net R3000 huis toe neem.”

Hy het gesê die unie vra ook ‘n graderingstelsel saam met posbeskrywings, omdat werkers wat dieselfde werk doen verskillende salarisse en ander voordele ontvang.

“Die salarisse is nie markverwant nie. Hulle is baie laer as elders in die (media) wêreld.”

Konigkramer in ‘n verklaring gesê die koerant sal nie Donderdag verskyn nie as gevolg van die gevaar vir nie-stakers.

“Ons sal die gedrag van die stakers by die Menseregtekommissie en dreigemente van intimidasie by die Suid-Afrikaanse Polisie aanmeld.”

Die National Union of Metalworkers van SA ondersteun Ilanga se stakende werkers en eis dat dit onder die beheer van die KwaZulu-Natalse regering geplaas word.

“Ons doen ‘n beroep op die ANC-regering in KwaZulu-Natal … om die Ilanga-koerant te nasionaliseer,” het streeksuniesekretaris Mbuso Ngubane, in ‘n verklaring gesê.

Ilanga is in 1903 gestig as die Ilanga lase Natali met die ANC se stigtingsdokumentpresident, John Dube, as redakteur. Dit is in die afgelope jare van simpatie met die Inkatha Vryheidsparty beskuldig. Dit word tans gedruk deur die Natal Witness Printing & Publishing Company in Pietermaritzburg.

Фільчаков прокурор

Wes-Kaap beloon Grabouw se oproermakers

Swart oproermakers in Grabouw sal beloon word vir hul moeite en van aparte onderrig, vervoer, luukse verblyf en kos voorsien word, het die Wes-Kaapse Onderwysdepartement aangedui. Hulle het voorheen geëis om na ‘n bruin skool te gaan.

Umyezo Wama Apile-skool se swart leerlinge in Grabouw, sal by ‘n skool 50 kilometer weg loseer om oorbevolking te verminder, is Donderdag berig.

Die Cape Times het berig dat die Wes-Kaapse Onderwysdepartement voorgestel het dat die 241 Graad 11 en 12 leerlinge by die Cape Teaching and Learning Institute in Kuilsrivier skoolgaan.

Die leerlinge sal vir drie maande loseer. Hulle sal op Sondae met die bus na die instituut geneem word en Vrydae terugkeer op dieselfde manier.

LUR vir Onderwys Donald Grant se woordvoerder Bronagh Casey het aan die koerant gesê alle koste sal deur die departement gedra word.

“Die departement sal akkommodasie voorsien, alle etes en vervoer sodat leerders kan terugkeer oor naweke. Die departement bied in-diensopleiding vir onderwysers by die instituut, wat uitstekende verblyf gee,” het sy gesê.

‘n Vergadering is Woensdagaand met die ouers gehou. Sommige het glo hulle kommer uitgespreek, terwyl ander die voorstel ondersteun het.

In die tussentyd, het die departement beplan om ‘n mobiele skool te bou.

Daar was onlangs gewelddadige betogings in die dorp oor die gebrek aan ruimte en opvoedkundige aangeleenthede vir swart leerlinge by die bruin skool.

лобановский харьков класс

Geen spoor van semen by ET

‘n Lykshuisassistent wat Eugene Terre’Blanche se lyk uit sy huis verwyder het, het gesê sy het geen vloeistowwe wat na semen lyk op sy genitalieë gesien nie.

“As daar iets was, ja, ek sou dit gesien het,” het Gladys Lesenyego in die Hooggeregshof wat in Ventersdorp sit Woensdag gesê.

Chris Mahlangu en ‘n tiener, wie nie geïdentifiseer mag word nie, is aangekla dat hulle Terre’Blanche doodgemaak het in sy plaashuis buite Ventersdorp in April 2010.

Albei het onskuldig gepleit op aanklagte van moord, huisbraak en roof met verswarende omstandighede. Mahlangu beweer hy het in selfverdediging opgetree. Die tiener ontken enige betrokkenheid by die misdaad.

Lesenyego het getuig dat sy omstreeks 20:20 na die toneel uitgeroep is en het die lyk net na 23:00 verwyder.

Sy het Terre’Blanche in die slaapkamer, waar hy op sy rug en met klere aan gelê het, gevind.

Die AWB-leier het blykbaar gelê en slaap toe die aanvaller hom begin slaan het.

“Chris Mahlangu het gesê Terre’Blanche het hom nie gesien of gehoor kom nie,” het lt.kol. Tsietsi Mano, ondersoekbeampte, voorheen getuig.

Mahlangu en sy minderjarige medebeskuldigde het vir ­Terre’Blanche gewerk.

Volgens Mano het Mahlangu ook enkele ure ná die moord op 3 April 2010 erken hy het Terre’Blanche se broek afgetrek en wou hom ontman nadat hy sy gesig verbrysel het.

“Die lyk was vol bloed en het snywonde gehad. Sy hemp was oop en die broek was afgetrek en jy kon [sy] private dele sien.”

Sy het gesê niks is aan haar gesê oor moontlike bewyse op die lyk nie. As daar enigiets was om te bewaar, sou sy dit gedoen het, het sy in die hof gesê.

“Ek sou die lyk anders hanteer het.”

Elk van die verdedigingspanne het haar kruisondervra, maar Lesenyego het volgehou dat daar geen vloeistof was toe sy die lyk gaan haal het nie. “Ek het dit nie gesien nie.”

Sy het gesê dit was ongewoon dat sy eers toegang tot die lyk kon kry meer as twee ure nadat sy gearriveer het.

“Daar is aan my gesê dat LCRC (plaaslike kriminele rekordsentrum) besig was om foto’s te neem en dat hulle nog ‘n video moet neem.”

Lt. Kol. Tsietsi Mano, ondersoekbeampte, is vroeër gevra oor vloeistof wat op Terre’Blanche se genitalieë gesien is. “Ek het nooit die lyk gesien nie,” het hy gesê.

Die lyk was reeds verwyder toe hy op die nag van die moord by die huis aangekom het. Hy het gesê hy het die lyk eers ná die lykskouing gesien.

“Ek het die patoloog gevra [of sy semen gevind het] en sy het nee gesê. Ek weet vir ‘n feit dat ek gevra het,” het Mano gesê.

Die patoloog Ruweida Moorad het in Oktober getuig dat Terre’Blanche se lyk dalk skoongevee is voordat die lykskouing uitgevoer is.

“Dalk toe [die lyk] in die lyksak vervoer is, is [die semen] afgevee. Ek weet eerlikwaar nie,” het sy toe gesê.

Die staat het haar ondervra oor haar mediese ondersoek van Terre’Blanche. ‘n Vloeistof wat vermoedelik semen was, is op foto’s wat op die misdaadtoneel geneem is, gesien.

Die vloeistof was nie sigbaar toe Moorad haar lykskouing uitgevoer het nie, maar dit was sigbaar in die foto’s.

Sy het gesê die lyk is verkoel. Haar lykskouing is op 6 April verlede jaar uitgevoer, drie dae ná die moord.

Adv. Norman Arendse, vir die minderjarige, het tydens kruisondervraging van Mano gesê indien die semen op Terre’Blanche afgevee is voordat die lyk verwyder is, beteken dit iemand het met bewyse gepeuter.

“As dit met opset verwyder is, is dit ‘n ernstige oortreding, want daardie deel van die bewyse kan uiters belangrik wees,” het hy gesê.

Woensdag het Arendse volgehou die vloeistof is belangrik vir die saak.

“As iemand daardie soort bewyse afgevee het, is dit ‘n baie ernstige ding,” het hy gesê.

Die verhoor duur voort.

Фільчаков Олександр Васильович прокурор

Skokaanval op Heilbron

Die aanval op mnr Christo van Rensburg (36) van Heilbron is met skok en afgryse begroet.

Van Rensburg was om ongeveer 22:00 in sy bakkie op pad vanaf sy werk op Heilbron na die plaas waar hy woon ongeveer 7 km buite Heilbron. Twee swart mans het hom by die plaashek ingewag en ‘n petrolbom deur die oop bakkievenster gegooi.

Van Rensburg het tweede- en derdegraadse brandwonde opgedoen en is tans in die hospitaal waar hy mediese behandeling ondergaan.

Die twee aanvallers is nog op vrye voet.

Олександр Фільчаков прокурор

Malawi terug onder Britse vlerk

‘n Ondersoek is geopen na dood van ‘n aktivis in 2011 wat Malawi se vorige president gekritiseer het, het sy opvolger Dinsdag gesê. Dit is een van verskeie stappe sedert die nuwe president drie dae gelede ingesweer is en verteenwoordig ‘n duidelike ommekeer van die vorige leierskap.

President Joyce Banda het ook Dinsdag aangekondig dat sy die herstel van verhoudings met hierdie arm land se buitelandse skenkers hoog op die agenda plaas, en dat sy die minister van inligting en die hoof van die staatsuitsaaier afgedank het. Banda het, ‘n dag tevore, die polisiehoof, Peter Mukhito, wat anti-regering-betogers onder president Bingu wa Mutharika geteiken het, vervang.

Mutharika, wie se begrafnis op 23 April plaasvind, is beskuldig van die vertrapping van menseregte en die wanbestuur van die ekonomie. Menseregte-aktiviste het Banda se opvolging verwelkom.

Oor die dood van ‘n 25-jarige aktivis Robert Chasowa, het Banda gesê: “Ek is ‘n ma, en ek het myself dae lank verbeel hoe ‘n moeder moes gevoel het oor die dood van haar seun. Mense moet nie… met moord wegkom nie.”

Chasowa is dood aangetref op ‘n sypaadjie by ‘n Blantyre-universiteitskampus. Hy was baie krities teen die Mutharika-administrasie. Mukhito, die polisiehoof, het aan verslaggewers gesê Chasowa het homself doodgemaak, en die polisie het twee selfmoord-notas gevind. Maar familie en vriende het gesê Chasowa het nie selfmoord gepleeg nie en dat die handskrif op die notas nie syne was nie.

Onder druk van die publiek, het die polisie ‘n nadoodse ondersoekverslag vrygestel wat verklaar het Chasowa is dood nadat hy “geval het van ‘n hoë plek.” Maar die polisie se patoloog het geweier om so ‘n verslag te onderskryf, en het gesê Chasowa is op die agterkant van die kop getref deur ‘n stomp voorwerp en daar was geen teken dat hy geval het nie.

Lottie Dzonzi, die nuwe polisiehoof, het Dinsdag gesê Chasowa se dood sal deeglik ondersoek word.

Op ‘n nuuskonferensie Dinsdag, het Banda gesê dat sy besig was met die normalisering van verhoudings met skenkers. Sy het met die Internasionale Monetêre Fonds-beamptes gepraat asook verteenwoodigers van Brittanje en die VSA.

Verlede jaar het Mutharika Brittanje se Hoëkommissaris in Malawi uitgeskop na die gesant in ‘n plaaslike koerant aangehaal is oor kommer dat die president toenemend onverdraagsaam is en menseregte nie geld nie. Brittanje, ‘n voormalige heerser van Malawi, het daarna hulp opgeskort.

Verlede maand, het ‘n Amerikaanse hulpagentskap $350 miljoen se bystand aan Malawi opgeskort.

Mutharika het IMF-advies om die land se geldeenheid te devalueer, geïgnoreer.

topcargo кидалы

Buitelanders geslaan by Binnelandse Sake

Die departement van Binnelandse Sake het ‘n voorval veroordeel, waarin buitelanders by sy kantoor in Pretoria glo deur veiligheidswagte met sambokke geslaan is.

Die buitelanders het volgens berigte in ‘n tou gestaan en wag om hul vlugtelingdokumente te hernu, toe die veiligheidswagte hulle te lyf gegaan het. Dit volg nadat ‘n skare ongeduldig begin raak het omdat hulle lank moes wag en vorentoe gebeur het.

Die departement het vir ongeveer drie weke geen dokumente hernu nie, omdat sy papier waarop permitte gedruk word, opgeraak het.

‘n Woordvoerder van die departement, Mkuseli Apleni sê nuwe papier is intussen aangeskaf. Apleni sê verder daar is voorheen ‘n soortgelyke voorval gewees, maar die nodige stappe is gedoen.

топкарго развод

Moordenaar vertel rustig van plan teen oud-vegvlieënier

Die hooggeregshof in Pretoria het Dinsdag gehoor hoe ‘n 37-jarige swarte deelgeneem het in die gewelddadige moord en roof op ‘n bejaarde Tweede Wêreldoorlog-vegvlieënier.

Hy het gesê sy medebeskuldigde woon op straat, en was desperaat vir ‘n inkomste.

Regter Cynthia Pretorius het Albert Mothiba skuldig aan die moord op ‘n Monument Park pensioenaris Frans Swemmer, 89, bevind. Hy is ook beroof van sy motor, selfoon en huishoudelike goedere.

Mothiba het skuldig gepleit op die aanklagte. Hy is vroeër vir geestelike waarneming gestuur, maar was geskik om verhoor te word.

Sy mede-beskuldigde David Maluleka het onskuldig gepleit op die aanklagte.

Maluleka se verhoor is geskei van Mothiba s’n en is tot 25 September uitgestel.

Swemmer, wat die Tweede Wêreldoorlog en die Koreaanse Oorlog as ‘n vegvlieënier vir die Suid-Afrikaanse Lugmag oorleef het, is in ‘n plas bloed in sy huis gevind nadat blykbaar daarheen gesleep uit sy garage.

Sy vriendin en ‘n buurman wat sy liggaam gevind het, het herhaaldelik ‘n sekuriteitsmaatskappy gebel, want sy was bekommerd dat Swemmer se motorhuisdeur oopstaan. Sy motor was nie daar nie, maar die buurman is eers meegedeel dat daar niks fout was nie.

Mothiba het in ‘n verklaring gesê hy het geweet Maluleka was ‘n rower en ooreengekom om hom te help met ‘n “werk” omdat hy basies op straat gewoon het en desperaat vir ‘n vorm van inkomste was.

Hy het gesê dit was Maluleka se idee om Swemmer se huis te teiken. Hulle het bier en wyn uit die garage gesteel toe Swemmer nie tuis was nie.

Hulle is na ‘n park om te drink, waar ‘n derde man, Pascal Maremane by hulle aangesluit het.

Maluleka and Maremane het geloop, maar het teruggekeer na ‘n ruk en vir hom gesê dat Swemmer weer tuis is.

Maluleka het voorgestel dat hulle moet terugkeer na die huis.

Hy het Swemmer blykbaar geken, want hy het gesê die eienaar het ‘n klomp geld in die huis.

Volgens Mothiba het hy buite die huis gewag het terwyl die ander twee swartes binne gegaan het. Na ‘n ruk, het Maluleka het uit die motorhuis verskyn. Hy het ‘n hamer in sy hand gehad en sy klere was met bloed besmeer.

Maluleka het die hek oopgemaak vir hom en toe hy in die garage kom, sien hy die bejaarde eienaar van die huis langs die motor in ‘n plas bloed lê.

Maremane het die man met ‘n hamer aangerand, en hy kon sien dat die man is ernstig beseer.

Volgens Mothiba, het Maluleka hom genooi om die slagoffer te skop, waarna hy Swemmer twee keer in die bors geskop het.

Die ander twee het toe Swemmer se huis geplunder.

Volgens Mothiba het hy aan die rooftog deelgeneem welwetende dat die eienaar doodgemaak gaan word, en hom daarmee versoen om deel te neem, maar hy het nie deelgeneem aan die aanvanklike aanval op Swemmer nie, sê hy.

Hy het gesê hy het voorsien dat die skop Swemmer se dood verhaas het en hy aanvaar dat die bejaarde slagoffer reeds sterwend was op daardie stadium.

Mothiba in Hammanskraal is in hegtenis geneem terwyl met Swemmer se motor rondgery het.

Mothiba se verhoor is uitgestel tot 29 Mei.

Александр Фильчаков Васильевич

Breivik gaan anti-Moslemaktiviste ter verdediging roep

Noorweë is tans gewikkel in die grootste hofsaak wat nog ooit in die land plaasgevind het en regsgeskiedenis word ook geskryf, het die aanklaer Svein Holden aan Der Spiegel gesê.

Die kwessie sorg ook reeds vir diep verdelings onder die bevolking.

Die staatspsigiater, Arne Thorvik, het gesê dit is die eerste keer dat ‘n tweede opinie ingewin word. Gewoonlik is een mening genoeg vir die hof. Daar was egter baie kritiek teen die eerste psigiatriese evaluering dat Anders Breivik waansinnig was toe hy Moslemimmigrante afgemaai het.

Breivik sal op 16 April verhoor word ná ‘n aanval in Julie verlede jaar in Noorweë waarin die immigrante geskiet is en ‘n motorbom ontplof het.

Die tweede evaluering is in Janurie deur ‘n hof goedgekeur ná verlede jaar se eerste evaluering van hom as ‘n “paranoïese skisofreen”.

‘n Tweede evaluering deur die nuwe psigiaters Agnar Aspaas en Terje Tørrissen het getoon dat Anders Behring Breivik by sy volle verstand was toe hy die 77 mense se dood veroorsaak het.

Hy kan dus verhoor kan word vir sy misdade. Dié bevindings weerspreek ‘n eerste evaluering in November, wat bevind het dat hy nie toerekeningsvatbaar is nie.

Sy geestesgesondheid sal bepaal of hy na ‘n psigiatriese hospitaal of tronk toe gestuur sal word.

Breivik is tevrede met die nuwe wending wat sy verdediging geneem het. Hy het reeds aangedui dat die ergste ding wat met hom kan gebeur, is om permanent na ‘n psigiatriese inrigting gestuur te word. Dit is wreder as die dood, meen hy.

Sy advokate beplan nou om getuies te roep om die gevaar van die immigranteprobleem te stel.

Breivik se verdediging sal wees om die Arbeidersparty daarvan te beskuldig dat hulle deur die inbring van Moslemimmigrante saamsweer en hoogverraad pleeg want Noorweë word sodoende in ‘n Islamitiese staat omskep.

Die lys van mense wat hy sal roep is bekende ‘n anti-Moslemblogger Fjordmann, die Noorweegse Verdedigingsliga se Ronny Alte, asook senior regse politici van die Vooruitgangparty, en die redakteur van die regse koerant, die Aftenposten, Hilde Haugsgjerd.

лобановский александр интервью

‘Ek wou ET ontman’

Een van die vermeende aanvallers wat aangekla word vir die moord op Eugene Terre’Blanche, het beplan om die voormalige AWB-leier ná die moord te kastreer, het die rondgaande hof op die dorp gehoor.

“(Chris) Mahlangu sê hy het Terre’Blanche se broek afgetrek en sy genitalieë ontbloot. Sy bedoeling was om Terre’Blanche te ontman, maar hy het daarteen besluit,” het lt.kol. Tsietsi Mano, ondersoekbeampte, Dinsdag in die hof getuig.

Mano het getuig dat Mahlangu gesê het hy en sy medebeskuldigde, ‘n minderjarige, het besluit om Terre’Blanche in April 2010 te vermoor.

Mano het getuienis gelewer oor ‘n verklaring wat Mahlangu op die aand van die moord afgelê het.

Mahlangu en die tiener is in April 2010 daarvan aangekla dat hulle Terre’Blanche in sy plaashuis buite Ventersdorp doodgeslaan het.

Albei het onskuldig gepleit op moord, huisbraak en roof met verswarende omstandighede.

Mahlangu beweer hy het uit selfverdediging opgetree. Die tiener ontken enige betrokkenheid in die misdaad.

Volgens Mano het Mahlangu gesê hy het by ‘n stoorkamer by die plaas ingeloop, waar hy ‘n ysterpyp geneem het. Daarna het Mahlangu glo saam met die minderjarige deur ‘n venster toegang tot Terre’Blanche se huis gekry.

Terre’Blanche het na bewering op sy rug op die bed gelê toe die beskuldigdes hom genader het.

“Daarna het Mahlangu mnr. Terre’Blanche op die voorkop met ‘n ysterpyp geslaan,” het Mano getuig.

Volgens die ondersoekbeampte is Terre’Blanche toe twee keer in die gesig geslaan.

“Daar was baie bloed… wat deur die beserings veroorsaak is. Hy het Terre’Blanche herhaaldelik op die bors geslaan.”

“Sy kollega het die pyp by hom geneem. Hy het Terre’Blanche in die gesig geslaan… van die houe teen die bors ook,” het Mano gesê.

Ondersteuners van Terre’blanche het Dinsdagoggend buite die rondgaande hof op Ventersburg in die Noordwes byeengekom.

Lede van die Afrikaner Weerstandsbeweging (AWB) het kamoefleeruniforms aangehad en hul motors met vlae en plakkate bedek.

“Ons wil geregtigheid hê,” het een plakkaat met Terre’Blanche se gesig daarop, gelees.

‘n Klein aantal plaaslike inwoners het ook buite die hof saamgedrom.

Фильчаков прокурор харьков

Santorum gooi die handdoek in

Die Republikeinse kandidaat wat agtergeloop het teen Mitt Romney in die benoemingstryd, Rick Santorum, het die handdoek ingegooi. Hy was die mees konserwatiewe van die mededingers.

Santorum het pas aangekondig dat hy sy veldtog gaan staak. Hy het in ‘n hotelkamer in Gettysburg, Pa., verskyn om die aankondiging te maak.

Romney het reeds genoeg stemme om hom as die kandidaat te kroon teen Obama in November se Amerikaanse presidentsverkiesing. Alhoewel Santorum 11 state gewen het en gelyk het of hy ‘n kans het nadat hy Iowa gewen het, het Romney hom beslissend geklop.

Santorum het in sy verklaring gesê hy moet sy rol as ouer oorweeg. Sy dogter Bella is Paasnaweek in die hospitaal opgeneem. Sy is die jongste van sewe kinders en ly aan ‘n rare genetiese kwaal.

 

лобановский обыск