Prysskokke wag vir verbruiker

Die prys van petrol gaan na verwagting in September met sowat 60c per liter styg, het Ilke van Zyl, ‘n ekonoom van Absa Capital, aan OFM gesê.

Dit sal verdere prysskokke in die volgende paar maande tot gevolg hê.

Verhogings in kospryse van 15%, benewens nog die 10% wat reeds in Julie bygevoeg is, veral vir vleis, eiers en melk, kan oor so drie tot vyf maande verwag word, sê ekonome.

Dit sal die prys van 2liter melk na R20 opstoot. Dié verhogings kom nadat die mielieprys gestyg het weens die Amerikaanse droogte, die ergste sedert 1956.

Die beoogde samesmelting van ‘n Amerikaanse en Suid-Afrikaanse maatskappy wat in saadproduksie spesialiseer, gaan pryse verder opjaag.

Die Amerikaanse maatskappy Pioneer Hi-Bred beplan om soveel as 80% van die Suid-Afrikaanse onderneming Pannar Seed oor te koop. Albei maatskappye erken dat die samesmelting ‘n prysverhoging van 12% vir saad sal beteken.

Die Amerikaanse maatskappy se aansoek is deur die kommissie en die mededingingstribunaal afgekeur omdat daar slegs drie spelers in die Suid-Afrikaanse mark is, maar later deur die kommissie se appèlraad goedgekeur.

Dan is daar ook die verhoogde koste soos elektrisiteit wat benewens brandstof verder sal lei tot druk op die verbruiker.

‘n Liter petrol het verlede week met 22c gestyg. Boere en voedselhandelaars moet hul produkte vervoer en aangesien die spoorstelsel veel te wense oorlaat, gaan die verbruiker die koste moet dra.

Фильчаков Александр Васильевич

Gerda hou Charlize se Jackson omhoog…

Gerda Theron en JacksonCharlize Theron se verteenwoordiger het bevestig dat die rede vir haar transformasie met ‘n kaalgeskeerde kop haar rol as Furiosa in Mad Max: Fury Road, die vierde rolprent in die post-apokaliptiese reeks is.

‘n Ander groot verandering in die oud-Suid-Afrikaanse ster se lewe is natuurlik haar swart aangenome seuntjie, Jackson. Intussen het ma Gerda Jackson in Parys, Frankryk, in die geselskap van ‘n lyfwag besig gehou. Gerda het heel ongemaklik met die kind voorgekom en hom tydens ‘n fotosessie ver van haar af weggehou.

Charlize het tydens onderhoude oor haar nuwe rol in die rolprent kort-kort gekruide taal gebruik (soos dit ‘n meisie van Boksburg betaam?), benewens die talle Engelse taalfoute waarmee haar sinne deurspek was.

Die ster het oor Furiosa gesê: “George is werklik ‘n vroulike karakter waarvan ek nog nooit so iets gelees het nie. Ek bedoel, ek is bang [gekruide taal]!

“Ek is baie opgewonde daaroor, ek [gekruide taal] sterf! Dit was drie jaar, dit is tyd om ‘n nuwe manier aan te pak!”

Die kaalkopwaarheid is: Die nuwigheid van haar swart aangenome seun Jackson is waarskynlik ook besig om te taan, want sy verskyn al hoe minder met dié liberale modebykomstigheid op haar heup…

Die Hollywood-ster, wat net 15 was toe haar pa geskiet is, weier om in die openbaar oor die traumatiese gebeurtenis te praat, behalwe om te sê dat Gerda ‘n “slagoffer van huishoudelike geweld” was.

Haar pa Charles, het ma en dogter aan die polisie gesê, was glo gewelddadig en aggressief. Dit is ook bekend dat hy nie Gerda se ambisie vir hul dogter gedeel het nie.

In die boek deur die Suid-Afrikaanse misdaadskrywer Chris Karsten, sê Charlize se tante Elsa Malan egter dat haar broer nooit sy hand teen sy vrou of geliefde dogter sou lig nie.

Maar sy huiwer om te sê dat Charles vermoor is. Volgens Karsten het Charlize se polisieverklaring “vermis geraak nadat sy ‘n Beste-Aktrise-Oscar in 2004 vir haar rol in die rolprent Monster gewen het…”

Elsa sê dat Gerda hulle het met regstappe gedreig het as hulle sou uitpraat.

Killer Women: Fatal South African Females, deur Chris Karsten, Human & Rousseau.

Лобановский

Wisconsin-skieter was dalk ‘gedraaide’ agent

Byna onmiddellik ná die skietery by die Sikh-tempel in Wisconsin, het die geestelike leiers van die Westboro Baptist Church ‘n twiet op Twitter uitgestuur, en die skietery ‘n “pragtige straf van ‘n woedende God” genoem.

Westboro se kerkleier Margie Phelps het ‘n twiet uitgestuur wat lees: “God het nog ‘n skieter gestuur?”

Die skietery het glo die lewens van sewe slagoffers geëis, en talle beseer. Die vermeende aanvaller Wade Michael Page is dood op die toneel gevind en die FBI ondersoek ‘n geval van binnelandse terrorisme.

Fred Phelps, die leier van Westboro het op Twitter geskryf dat die skietery ‘n pragtige werk van ‘n woedende God was wat vir Wisconsin gesê het om hulle vuil hande af te hou van sy mense, “(WBC!) # godsenttheshooter”.

‘n Nie-winsgewende groep wat “wit suprematiste” monitor, het die verdagte glo opgemerk nadat hy probeer het om goedere te koop van neo-Nazi’s in 2000. Die groep het dadelik na die skietery ‘n onderhoud met die verdagte gepubliseer.

Die Southern Poverty Law Center het die skieter as ‘n “gefrustreerde neo-Nazi wat die leier van ‘n rassistiese witmag band is,” beskryf. In 2010, het Page in ‘n onderhoud met die witmagwebwerf Label 56 oor sy orkes End Apathy gesels.

Page was ‘n deel van die witmagmusiektoneel sedert 2000 en het ook in haat-rockbands gespeel.

Die vermeende skieter het gesê sy groep was ‘n “concept based on trying to figure out what it would take to actually accomplish positive results in society and what is holding us back. A lot of what I realized at the time was that if we could figure out how to end people’s apathetic ways, it would be the start towards moving forward.“

Page het gesê hy is geïnspireer om die band te begin uit frustrasie dat mense nie gebruik maak van hul potensiaal nie. In 2000 het die boorling van Colorado, sy tuiste vaarwel geroep om die VSA te deurkruis op ‘n motorfiets met ‘n rugsak. Kort daarna, het hy na Kalifornië verhuis en sy orkes begin.

“Die onderwerpe wissel van sosiologiese kwessies, godsdiens, en hoe die waarde van die menslike lewe afgebreek word deur onderdanigheid aan tirannie en die skynheiligheid waaraan ons onderwerp word,” sê Page in die onderhoud.

Terwyl hy op sy reis was, het hy witmagkonserte in Colorado, Georgia, Noord-Carolina en Wes-Virginia bygewoon.

Die vermoede bestaan, sê kenners, dat  die skieter self ‘n geheime agent was, wat die regse witmaggroepe in die VSA ondersoek het, en wat deur die owerhede “gedraai” is om wit belange te ondergrawe.

Die skietery val saam met Hillary Clinton se besoek aan Suid-Afrika waar sy saam met Nelson Mandela afgeneem is tydens haar besoek aan Qunu om die VSA se verbintenis aan die swart bewussynsbeweging te herbevestig. Haar besoek val ook saam met die Boeremagsaak waarin al die beskuldigdes sover skuldig bevind is aan hoogverraad teen ‘n swart regering.

Intussen het president Obama se beweerde klasmaat by Columbia Universiteit, Klas van ’83, gesê daar was nie so ‘n student soos Obama wat hy kan onthou nie. Dié nuus mag die VSA se eerste swart president se herverkiesing in die wiele ry.

Wayne Allyn Root het ook Regte en Politieke Wetenskap as hoofvakke gehad. Hy het Obama (of soos hy bekend was, Barry Soetoro) nooit teëgekom nie. Hy het hom nooit ontmoet nie. Nooit gesien nie. Nooit eers van hom gehoor nie. En geeneen van die klasmaats aan Columbia het hom ooit ontmoet nie, hom gesien of van hom gehoor nie.

Die Wall Street Journal berig in 2008 dat Fox News lukraak 400 van die Columbia-klasmaats opgebel het en nie een kon opspoor wat al ooit van Obama gehoor het of hom teëgekom het nie.

Obama weier steeds om sy Columbia-rekords aan die media vry te stel.

Obama se punte was ook nie goed genoeg om aan Harvard Law School te studeer nie en hy was nie ryk genoeg om die klasgelde te kon beskostig nie, spekuleer Root.

Hy het waarskynlik toegang verkry as gevolg van buitelandse hulp en studiebeurse wat aan swak buitelandse studente soos Barry Soetoro van Indonesië beskikbaar gestel is.

 

Лобановский

Swart atlete en beleërde minister afwesig by Spele-onthaal

Die 800 m-atleet André Olivier is een van talle Suid-Afrikaners wat vandag in aksie is op die Olimpiese Spele.

Olivier het vir die halfeindrondte van die 800 meter gekwalifiseer toe hy gister derde in sy uitdun geëindig het.

Vanoggend neem Bridgitte Hartley deel aan die kano-snelroei-uitdunne terwyl Sunette Viljoen in die spiesgooi, Lehann Fourie in die 110 meter-hekkies en Anaso Jobodwana in die 200 meter in aksie sal wees.

Die manshokkiespan kom vanmiddag teen Argentinië te staan. Suid-Afrika se atlete het gisteraand ‘n skemerkelk-onthaal by Ekhaya – hul vergaderplek in Londen – bygewoon waarby die adjunk-minister van Sport, Gert Oosthuizen en die hoë kommissaris, Zola Skweyiya teenwoordig was.

Die besonderhede oor die koste van die reis van die minister van Sport en Ontspanning Fikile Mbalula aan die Olimpiese Spele in Londen word nog teruggehou. Mbalula sal nie die geleentheid bywoon nie.

Soos dit die norm geword het, het Mbalula se woordvoerder Paena Galane voortgegaan om vrae te ontduik oor die koste.

Mbalula se moeilikheid het verlede week begin toe aantygings na vore gekom het dat hy belastingbetalers se geld gebruik om die ANC-jeugliga se geskorste leier, Julius Malema, by die Corinthia Hotel in Londen te onthaal. Hy het sedertdien ontken hy het vir die gelag betaal.

Politieke ontleder prof Steven Friedman het gesê as Mbalula in Londen op die regering se rekening was, is dit onaanvaarbaar om Malema se verblyf ook te betaal.

 

Данильченко

Weermag moet ingryp in geweld in KZN sê LUR

Die LUR vir Gemeenskapsveiligheid in KwaZulu-Natal, Willis Chunu, sê hy sal nie huiwer om te vra dat die weermag ontplooi word indien die gevegte in die Ngudwini-gebied naby Eshowe in die noorde van die provinsie voortduur nie.

Mchunu vergesel van die provinsiale polisiekommissaris Mmamonye Ngobeni, en tradisionele leiers van die gebied het vergader om die spanning te probeer ontlont wat tot die moord op vyf mense die naweek gelei het.

Minstens nog 17 mense is in die hospitaal nadat hulle in gevegte tussen twee dorpies gewond is. Mchunu sê altwee partye het hulle tot vrede verbind.

Александр Фильчаков

Skoolboeke in riviere, stortingsterreine

Die presidensiële taakspan wat die handboeksage in Limpopo ondersoek, het na bewering aanbeveel dat die direkteur-generaal van basiese onderwys, Bobby Soobrayan, afgedank word.

Soobrayan se aanstaande is glo betrokke by die maatskappy wat die tender vir die skoolboeke ontvang het.

Hy is geïmpliseer in potensiële botsings van belange en bewerings van korrupsie vroeër vanjaar nadat Lebone Litho Drukkers ‘n tender ter waarde van R243 miljoen ontvang het om 19.000 openbare skole van boeke te voorsien. Die Mail & Guardian het aan die lig gebring dat DG Soobrayan se voormalige verloofde se ma, Salama Hendricks, mede-stigter van Lebone Group Holdings is.

Die span het sy bevindinge ‘n week gelede aan president Jacob Zuma voorgelê.

Dit volg nadat twee bakkievragte vol boeke Maandag by ‘n stortingsterrein buite Phalaborwa opgespoor is, berig News24

‘n Polisiewoordvoerder, Ronel Otto, het gesê die boeke wat in Phalaborwa gevind is, is dalk onlangs gestort aangesien dit glad nie beskadig is nie. Dit is na ‘n polisiestasie geneem vir veilige bewaring.

Intussen het ‘n klerk in die provinsiale departement van onderwys, wat beskuldig word van die storting van honderde handboeke langs ‘n dam in Giyani, vlugtig in die Giyani-landdroshof Vrydag verskyn.

Tsakani Glen Kubayi (44), is nie gevra om te pleit op aanklagte van kwaadwillige beskadiging van eiendom in verband met ongeveer 700 handboeke nie. Dis gevind gestort langs ‘n dam in Giyani op 29 Junie en Julie 1. Die saak is uitgestel tot September 5 en sy borgtog van R2000 is verleng.

Александр Фильчаков

Bibberweer, sneeu tref SA

Inwoners van Vanderbijlpark is begroet met ‘n winter wonderland ná sneeu oor die gebied neergesif het.

Oor die algemeen sneeu dit in die gebied in die suide van Gauteng een keer in vyf of ses jaar. Dit lyk pragtig, soos Kersfees, sê inwoners.

Suid-Afrikaanse Weerdiens se weervoorspeller Jan Vermeulen het gesê daar is swaar wolke oor die Vereeniging Dinsdagoggend en ‘n kans op ligte sneeu oor die suide van Gauteng.

Daar was ook verslae van sneeu in Bethlehem en Clarens in die Vrystaat en ligte sneeu op Van Reenenspas.

‘n Kouefront wat oor die land beweeg het elders ook uiters koue weerstoestande oor groot dele tot gevolg.

Verskeie bergpasse en paaie in die Oos-Kaap is gisteraand ook weens swaar sneeu gesluit. Op die N9 is die Lootsberg-pas tussen Graaff Reinet en Middelburg gesluit asook die Wapadsbergpas tussen Cradock en Graaff Reinet en die Nico Malan-pas tussen Whittle Sea en Seymour.

Die R 61 tussen Cofimvaba en Queenstown is ook onbegaanbaar. Aan die Kwa Zulu-Natalse kusgebied het swaar reën gepaardgaande met hael voorgekom.

Binnelandse provinsies, insluitend Gauteng, gaan die volgende dag of twee baie koud kry.

Die kwik sal by sowat tien grade celcius sy maksimum bereik, terwyl minimum temperature oor groot dele van die land tot onder vriespunt gedaal het.

данильченко юрій броніславович компромат

Goue swemmer vier sy medalje

Die klub in Londen, Chinawhite, wat aan ‘n ryk Jordaniese sakeman Eyhab Jumean behoort, het Chad le Clos, die Suid-Afrikaanse swemmer wat ‘n goue medalje losgeswem het, getrakteer.

Die peperduur nagklub was ‘n paar jaar gelede finansieel in die knyp, omdat hulle bekendes graag onthaal wat nie daarvan hou om te betaal nie. Die Britse monarg se kleinseun, prins Harry, kuier graag by die klub. Dit is neffens Oxfordstraat, in die hartjie van Londen, geleë.

Le Clos is gesien in die geselskap van drie vroulike swemmers van die Australiese swemspan. Hy is deurgelaat deur die personeel by die deur sonder dat hy gewag het.

Die klub, met binneversiering op ‘n Chinese tema, is een van die duurstes in Londen, en lidmaatskap kos ongeveer R10 000 jaarliks. Die drankies is ook uitspattig duur.

Om mense te lok, laat die deurwagte gewoonlik ‘n lang tou mense buite wag, terwyl die klub binne leeg is, sodat dit moet lyk asof die plek bedrywig is. Swart besoekers kla gereeld dat hulle weggewys word. Dis net swart sokkerspelers of swart krieketsterre wat maklik toegang verkry, sê hulle.

Le Clos het Moët-sjampanje wat uit goue bottels bedien is, geniet.

Die Olimpiese legende Michael Phelps wat teen Le Clos verloor het, was nie deel van die geselligheid nie.

Phelps het dié week wenkbroue laat lig toe hy aan ‘n Amerikaanse sakekoerant vertel het swemmers sommer die swembad as ‘n toilet gebruik. “Ek dink almal piepie in die swembad,” het hy Maandag in ‘n video-onderhoud met die Wall Street Journal gesê.

“Dit is soort van ‘n normale ding vir swemmers. Jy weet, wanneer ons in die water is vir twee ure klim ons nie regtig uit om te, jy weet, te gaan piepie nie. Die chloor maak alles dood, so dis nie sleg nie.”

Phelps is die mees suksesvolle Olimpiese atleet van alle tye met 22 medaljes, insluitend 18 goues.

Hy het sy uittrede by die London Spele op 26-jarige ouderdom aangekondig.

Олександр Васильович Фільчаков

Britse polisie bang om as rassiste gebrandmerk te word

Die Britse polisie is traag om misdade wat gepleeg word deur etniese minderhede te ondersoek, omdat hulle bang is hulle word as rassisties gebrandmerk.

‘n Verslag van die dinkskrum Civitas, sê druk van rasse-sensitiwiteit lê agter die aanvanklike versuim om behoorlik ondersoek in te stel na die bedrywighede van bendes in die noorde van Engeland.

Jon Gower Davies, ‘n voormalige akademikus, sê die versuim kom weens die feit dat die polisie al uitgekryt is as “institusioneel rassisties” deur onder meer die Macpherson-verslag.

Hierdie jaar is ‘n bende van Rochdale tronk toe gestuur omdat hulle tienermeisies met alkohol bedwelm het en hulle daarna verkrag het.

Almal behalwe een bendelid was uit ‘n Pakistani-agtergrond.

Die hof het gehoor dat tot 47 meisies deur die groep misbruik is en gedwing is om verskeie kere ‘n week seks te hê, maar twee jaar het verloop voor die polisie uiteindelik die bende gestop het. Hulle het aanvanklik niks gedoen toe ‘n 15-jarige meisie gesê het sy is verkrag nie, en eers 24 maande en nog ‘n reeks wit slagoffers later, het die polisie ingegryp.

‘n Voormalige Arbeiders-LP, Ann Cryer, het gesê die polisie se versuim om die saak behoorlik te ondersoek, was omdat hulle nie gebrandmerk wou word as rassiste nie.

‘n Voormalige Arbeidersraadslid, beskryf die gebrek aan ondersoek na seksuele misdade as ‘n geval van “omgekeerde” institusionele rassisme waarin die lot van die slagoffers, kwesbare wit meisies, nie ernstig opgeneem word nie.

Die verslag lui: “Toe die verhoor van ‘n aantal van die Pakistanse mans in Februarie 2012 uiteindelik voor die hof gekom het, het dit geblyk dat die bewerings van misbruik deur ‘n (wit) meisie net eenvoudig deur die polisie geïgnoreer is.”

In die voorwoord van die verslag, skryf dr. David Green, direkteur van Civitas, Macpherson se “giftige” nalatenskap het daartoe gelei dat misdade deur etniese minderhede, insluitende die sogenaamde “eermisdade”, nie na behore ondersoek word nie.

Фильчаков прокурор отзывы

Malema se vriend kry R12 miljoen

Die Limpopo-regering het ‘n R12 miljoen-kontrak toegeken aan ‘n kontrakteur wat in gebreke gebly het om twee sperdatums te haal, volgens ‘n berig Maandag.

Die begroting van R41m het gestyg tot R53m vir die Seshego residensiële projek, wat deur Steve Bosch se maatskappy Raesetja Property Developers opgerig word, en wat handel dryf as Sizani Build It, het The Star berig.

Bosch het reeds R43m van die waarde van sy kontrak ontvang.

Notule van ‘n vergadering wat gehou is in Mei tussen Sizani en die departement het ook aangedui dat die materiaal wat gebruik word vir die projek nie deur die SA Buro vir Standaarde goedgekeur is nie.

Independent Newspapers het voorheen berig dat Bosch die bou van ‘n aantal eenhede laat vaar het, terwyl sy maatskappy meer as R38m verdien het gedurende die 2010/2011 finansiële jaar.

Bosch en die departement het nie reageer versoeke vir kommentaar nie.

Bosch is na bewering ‘n weldoener van die geskorste ANC-Jeugligapresident, Julius Malema, en het glo bande met Limpopose premier Cassel Mathale.

Bosch het ook na bewering bande met Limpopo se LUR vir koöperatiewe regering Clifford Motsepe en Limpopo se ANC-sekretaris Sowjet Lekganyane.

Александр Фильчаков