Nuus Archives - Page 1171 of 1583

Wapeneienaars moet lisensies by hul dra

Wapeneienaars wat hul wapens in die openbaar dra, moet ook die betrokke wapenlisensie en hul identiteitsdokument by hulle hê, het die Gautengse polisie Dinsdag gewaarsku.

“Hierdie dokumente is baie belangrik aangesien hulle te eniger tyd deur wetstoepassers gedurende polisiewerksaamhede gekonfronteer mag word,” het superintendent Eugene Opperman gesê.

“… in daardie geval moet hulle dit dan toon. Die lisensie wat hulle dra moet met die spesifieke vuurwapen in hul besit ooreenstem. Die identiteitsdokument is nodig om ‘n persoon se identiteit te bewys aangesien slegs die lisensie nie daardie funksie kan verrig nie.”

Tydens roetine deursoekingsveldtogte wat oor die afgelope 24 uur in die provinsie uitgevoer is, is 13 mense in hegtenis geneem en daar is op agt vuurwapens beslag gelê.

“Een so ‘n voorval Maandag het die inhegtenisname van vier verdagtes behels nadat inligting ontvang is dat die mans ‘n gewapende huisroof in Alberton beplan,” het Opperman gesê.

“Die voertuig wat deur die verdagtes gebruik is, is op die ou Vereenigingpad in Alrode-suid voorgekeer. Toe die voertuig deur die polisie deursoek is, is ‘n gesteelde rewolwer gevind. Al vier mans is in hegtenis geneem.”

In ‘n onverwante voorval, het die Springs-polisie ‘n beweerde ontvoeringsaak ondersoek en na ‘n adres in Derdestraat gegaan. Toe die perseel deursoek is, is ‘n onwettige vuurwapen gevind wat tussen die matras en die basis van die bed weggesteek is.

Een persoon is in hegtenis geneem, het Opperman gesê.

no deposit win топкарго кидалы

Obama kry meer houe in as Bush

President Barack Obama is net meer as nege maande in sy amp, maar hy het reeds meer houe ingekry as George W. Bush. Dit is nou gholfhoue. Want na nege maande het Obama Bush se besoeke aan ‘n gholfbaan byna oortref. Bush het in twee jaar nie soveel soos die eerste swart president gespeel nie.

Mark Knoller, van CBS, is ‘n nie-amptelike dokumenteerder en statistikus van alles wat met die Withuis te make het. Hy het Maandag op Twitter laat weet dat die nuwe president reeds soveel gespeel het as wat sy voorganger in twee jaar kon inpas.

“Vandag – Obama loop gelyk met Bush vir die aantal rondtes gholf wat in die amp gespeel is: 24.”

Die Twitterboodskap lui verder: “Dit het Bush 2 jaar en 10 maande geneem.”

Dié nuus kom kort nadat dit bekend geraak het dat Obama met ‘n vrou gholf gespeel het.

Melody Barnes, sy eerste vroulike gholfmaat, is die hoofbeleidsadviseur oor tuisaangeleenthede in die Withuis.

play live casino online topcargo

Israel gebruik glo Palestyne se water

Amnestie Internasionaal (AI) het teen Israel uitgevaar nadat hulle glo ‘n groot hoeveelheid drinkwater van die waterbron in die Wesoewer uitgepomp het en só besig is om die inwoners van Palestina te beroof van hul regmatige porsie.

‘n Menseregte-groep in Londen het luidens ‘n verslag wat Dinsdag uitgereik sal word gesê Israel het alle projekte wat die watertoevoer na Palestina sal verbeter gestaak.

“Die watertekort beïnvloed elkeen wat lewe in Palestina,” het Donatella Rovera, ‘n navorser van AI aan AP gesê. “’n Groot hoeveelheid water moet aan die inwoners van Palestina gegee word.”

Israelse amptenare het egter dié aantygings teen hulle ontken.

Water is ‘n groot struikelblok wat tussen Israel en Palestina oorbrug moet word.

Die waterkwessie sal eers opgelos moet word voordat daar vrede tussen die twee lande bereik sal word.

Die Israeli’s gebruik vier keer die hoeveelheid water wat gemiddeld deur ‘n persoon gebruik word.

Die hoeveelheid water wat deur die Palestyne gebruik word is ver onder die aanbevole hoeveelheid water wat volgens die Wêreldgesondheidsorganisasie (WHO), per persoon gebruik behoort te word.

Die verslag wat deur WHO uitgereik is, beweer dat Israel 80% van die water gebruik wat uit die Wesoewer se waterbron gepomp word. Die Joodse staat het toegang tot ander waterbronne terwyl dié waterbron die Wesoewer se enigste is.

Die verslag dui daarop dat sowat 450 000 Israeli’s wat in die Wesoewer en in die ooste van Jerusalem bly, meer water as sowat 2.3 miljoen Palestyne gebruik.

Mark Regev, die regeringswoordvoerder het dié bewerings wat deur die AI gemaak is, as “absurd” beskryf en hy het gesê Israel het sedert die ontdekking van die waterbron volle reg oor die beheer daarvan.

Hy het die Palestyne daarvan beskuldig dat hulle geen voorsiening getref het vir die ontwikkeling van die Wes-Bank nie.

topcargo кидалы

Kenia laat vigilante vry

Die mans wat in April twee lede van die Mungiki onthoof het, is onlangs weer vrygelaat.

Die Mungiki is self bekend daarvoor dat hulle hul slagoffers onthoof.

Die twee jong mans se vingers is eers afgekap voor hulle onthoof is tydens ‘n voorval in die stad van Karatina in April.

In dié skermutseling tussen lede van die Mungiki en ‘n plaaslike vigilante-groep, het 29 mense hul lewens verloor.

“Die twee beweerde Mungiki lede is deur ‘n gepeupel wat klaarblyklik deur ‘n vigilante-groep ondersteun is, doodgemaak,” het die polisie aan die media gesê.

Die 21 mans wat in hegtenis geneem is vir die April geweld, is Vrydag vrygelaat.

Maina Njenga, voormalige Mungiki leier, is ook vrygelaat.

топкарго

Blanke oudstryders deur SANW afgejak

Oud-lede van ‘n peloton wat met onderskeiding aan die Grensoorlog deelgeneem het, is toestemming geweier om hulde aan gevalle makkers in Bloemfontein te bring. 1 Suid-Afrikaanse Infanteriebattaljon in Tempe, Bloemfontein, het aanvanklik onderneem om ‘n dinee vir die peloton tydens hulle 25-jarige reünie aan te bied. Hierdie reëling is onverwags eensydig deur die SANW gekanselleer. Die peloton het wel Vrydagmiddag ‘n welwillendheidsbesoek aan die eenheid gebring, maar is van die gronde verdryf toe hulle toestemming gevra het om na die Muur van Herinnering te gaan om veral die herinnering van hulle toenmalige pelotonsersant, Pierre Digue, te eer.

Volgens majoor John Meyer van 1 SAI, is die peloton se versoek om hulle dinee in die eenheid se klub te hou, deur generaalmajoor TM Nkabinde, van die Infanterieformasie in Pretoria gekanselleer. Hy sê die peloton het ‘n uiters eerbiedige brief aan die eenheid gerig waarin hulle vra om die dinee daar te hou en selfs so ver gegaan het om hulle krygsdeskundigheid tot die eenheid se beskikking te stel. Generaalmajoor Nkabinde het gesê dat die peloton nie die regte kanale gevolg het nie.

“Natuurlik het ons die regte kanale gevolg,” het ‘n ontstoke meneer Paul Stone, hoofaankoper van ‘n nasionale sporttoerustingmaatskappy, gesê. “Ons het op die regte plek begin. Ons het die eenheid gekontak en twee van ons lede het selfs ‘n afspraak gemaak en daarheen gery vir ‘n vergadering. Waar wil die generaal hê moet ons begin?”

Hierdie twee lede is hoflik deur majoor Meyer en sammajoor van Helden ontvang en planne vir die dinee, waarvoor die peloton sou betaal, is gesmee.

Die gort was behoorlik gaar toe die peloton eers ingelig is dat ‘n staptoer deur die eenheid goedgekeur is en binne minute daarna meegedeel is dat die eenheidsbevelvoerder, luitenantkolonel Baker, hulle beveel het om die terrein te verlaat. Dit is veral toe hulle verbied is om die Muur van Herinnering met die naam van Sersant Digue daarop, te besoek.

“Al hulde wat ek aan hom kon bring, was om die plaatjie met sy naam daarop in die HK met my duim skoon te vryf,” het ‘n bewoë meneer Charles Dunstan van Pretoria gesê. “Twee van ons pelotonlede het gehelp om hom te begrawe, en nou word ons verbied om voor die Muur te vergader om sy herinnering te eer.”

Gustav Venter, Praag-rubriekskrywer en lid van die peloton, sê hy het geen twyfel oor wat die rede agter die weiering is nie: “Dis skreiende rassisme, niks anders nie. As dit ‘n swart peloton was wat daar wou vergader, sou die generaal inskiklik gewees het. Maar ons is wit en hulle is bang vir ons. Ons het die vyand in 1984 onder die blaker geskop en dit ontsenu hulle.”

Die peloton, bekend as die Hoof van die Leër se Peloton, het met welslae aan Operasie Askari in 1983 deelgeneem. Volgens die destydse Hoof van die Leër, generaal Jannie Geldenhuys, het die Suid-Afrikaanse Weermag tydens dié operasie verskeie lankgekoesterde gebooie van gemeganiseerde oorlogvoering herskryf, veral in die manier waarop die hoogs mobiele, maar relatief dun gepantserde Ratel-infanteriegevegsvoertuig, gebruik is om Russiese tenks te vernietig. “Voor dít gebeur het,” het generaal Geldenhuys gesê, “was dit ‘n onbetwyfelde gebod dat slegs ‘n tenk ‘n ander tenk kan vernietig.”

Die peloton het besluit om die terrein vreedsaam te verlaat. “Ek het respek vir majoor Meyer en die manier waarop hy ons ontvang het, “ het mnr. Venter gesê. “Dit is die enigste rede hoekom ek ingestem het om die eenheid vreedsaam te verlaat. Maar ek was gereed om die plek af te breek. En moenie fout maak nie, met hierdie peloton agter my, selfs na 25 jaar, kon ons dit gedoen het.

Nkabinde is net nog ‘n senior offisier wat sy rang aan vergeldingsaksie te danke het. Het hy ‘n dag se behoorlike basiese of ander opleiding ontvang? Ek glo nie. As hy het sou hy die basiese beginsels van militêre hoflikheid verstaan het. Dis as gevolg van sulke arrogansie en onbeholpenheid dat die nuwe weermag so ‘n patetiese grap is.”

Venter en mnr. Stone het wel instruksies verontagsaam en in ‘n paar oomblikke van stilte hulde aan hulle gevalle kameraad by die Muur van Herinnering gebring.

Jonges moet betrokke raak, sê VF+

Die onderskeie jeug takke van die Vryheidsfront Plus in Gauteng het die naweek reorganiseer en `n nuwe dagbestuur aangewys. Die dagbestuur is as volg:

Voorsitter: James Kemp

Onder-voorsitter: Hector Beyers

Sekretaris: Charl Oberholzer

Dagbestuurslid: Marcus Pawson

Dagbestuurslid: Werner Joubert

Volgens die provinsiale leier, mnr. Jaco Mulder speel die jeug `n baie belangrike rol in Gauteng. “Daar is verskeie kampusse waar ons gevestigde steun het, en dit is belangrik om aan te hou om daardie studente se belange te beskerm,” sê Mulder.

Daar is tydens die vergadering ook besluit om meer jong werkendes by die strukture te betrek aangesien dit te dikwels gebeur dat hulle onbetrokke raak wanneer hulle eers in `n beroep staan.

“Jongmense wat die beroepswêreld betree het kan `n groot bydrae lewer tot hul gemeenskappe. Dit gebeur egter gereeld dat hulle vasgevang word in hul beroepe en dan slegs om die braaivleisvure oor die probleme in Suid-Afrika praat. Ons moet hulle ook mobiliseer om aktief betrokke te raak en `n verskil te maak,” het Mulder bygevoeg.

Laat Derby-Lewis vry!

Die Bevry Clive Derby-Lewis veldtog het `n skrywe aan die minister van korrektiewe dienste, Nosiviwe Mapisa-Nqakula gestuur waarin vra gestel word oor Derby-Lewis se paroolaansoek. `n Woordvoerder van die veldtog, James Kemp sê hulle sal graag duidelikheid wil hê oor hoekom Derby-Lewis steeds in die gevangenes is.

Die weduwee van wyle mnr. Chris Hani is meer as `n jaar gelede genader om insette te lewer, nadat die paroolraad Derby-Lewis vir parool aanbeveel het. Tot op datum het sy nog nie insette gelewer nie en speel dit `n groot rol in die vertraging van die proses.

“Ingevolge die wet op Korrektiewe Dienste kwalifiseer hy in meer as een opsig vir parool. Die minister moet verduidelik waarom hy vir parool geweier word terwyl Almond Nofemela, wat in die apartheidsjare deel was van `n moordbende wat ANC-lede geteiken het, wel vrygelaat is,” sê Kemp.

In die skrywe word daar ook gevra of die minister opdrag gegee het dat mnr. Derby-Lewis se aansoek onbepaal uitgestel moet word. Mnr. Derby-Lewis het gedurende Junie vanjaar weer voor die paroolraad verskyn. Daar is hy meegedeel dat die minister opdrag gegee het om sy aansoek onbepaald uit te stel.

“Die hoofdoel van die departement korrektiewe dienste is om gevangenes te rehabiliteer. Nie om hulle onbepaald en sonder rede in die gevangenes te hou vir langer as wat nodig is nie. Mnr. Derby-Lewis is in sy sewentigs, langer as vyftien jaar in die gevangenes en `n model gevangene. Ware geregtigheid sal wees om hom vry te laat,” het Kemp bygevoeg.

Reitz-vier vandag voor

Die saak teen die vier Reitz-studente sal Maandag begin in die Bloemfonteinse Streekshof open.

Lede van die ANC en Cosatu het aansoek gedoen vir toestemming om voor die hof te betoog, het die woordvoerder vir die Vrystaatse polisie, kaptein Rulene Kühn, gesê.

“Ons het operasionele planne in plek om enige voorvalle te hanteer. Die openbare orde polisie en misdaadvoorkomingseenheid sal die situasie monitor.”

Teen 8vm was alles stil, het sy gesê.

Die verskyning van RC Malherbe, Johnny Roberts, Schalk van der Merwe en Danie Grobler kan uitgestel word, het die Nasionale Vervolgingsgesag oor die naweek aangedui.

“Dit mag wees dat die Staat vir uitstel vra om die kwessie versigtig te oorweeg in die lig van voorstellings wat Woensdag deur die verdediging ingehandig is,” het Medupe Simasiku, woordvoerder van die NVG in in Bloemfontein gesê.

Die vier studente van die Reitzkoshuis word aangekla omdat hulle vyf swart personeellede glo verneder het in ‘n ontgroeningsritueel wat hulle verfilm het.

Die vier swart vroue en een swartman kan gesien word waar hulle op hulle knieë kos eet “waarin daar glo geurineer is”, het Sapa berig.

Die studente het ook hulle teenkanting teen die universiteit se integrasiebeleid in die video geopper.

Jonathan Jansen het verlede week vir opslae gesorg toe hy die vier studente “vergewe” het en hulle genooi het om weer hulle studies aan die universiteit te hervat indien hulle sou wou.

Twee van die studente het reeds hulle studies voltooi, maar die ander twee beplan om terug te keer na die kampus.

Die stap het skerp kritiek ontlok van anti-Afrikaanse organisasies en die nuwe rektor genoop om sonder verwyl Sondag te swig voor die druk en “alle betrokkenes buite en binne die UV… te nooi om die universiteit se bestuur te ontmoet oor die wyse waarop konsensus bereik kan word oor die pad vorentoe”.

сделать мед справку

Beboet omdat hulle nie Engels praat nie

Dallas, in die Amerikaanse deelstaat Texas, se polisie het oor die afgelope drie jaar 39 bestuurders beboet omdat hulle nie Engels gepraat het nie, het polisiehoof David Kunkle Vrydag aangekondig.

Die polsielede wat hulleself daaraan skuldig gemaak het, gaan aangekla word vir ampsoortredings.

Die sake wat nog nie aangehoor is nie, gaan laat vaar word, en diegene wat ‘n $204 boete moes betaal, gaan vergoed word, het hy gesê.

“Ek was verbaas en geskok dat dit kon gebeur, veral in ‘n stad soos Dallas,” het Kunkle gesê. “In my wêreld, sê ‘n mens nooit aan iemand om nie Spaans te praat nie.”

Die boetes is deur ses verskillende wetstoepassers van verskillende afdelings uitgedeel. Een polisiebeampte het vyf van die boetes uitgeskryf.

Die boete aan Ernestina Mondragon op 2 Oktober omdat sy ‘n “nie -Engelssprekende bestuurder” is, het gelei tot die ontdekking van die ander boetes vir die “taaloortreding”.

Die polisiebeampte het glo deurmekaar geraak met ‘n federale wet wat vereis dat kommersiële bestuurders Engels moet magtig wees. Kunkle sê sy departement pas in elk geval nie dié betrokke wet toe nie.

Mondragon se moedertaal is Spaans en sy praat skaars Engels. Die klag teen haar is intussen laat vaar

Die Dallas-polisie reik ongeveer 400 000 boetes per jaar uit en alhoewel die persentasie “taaloortredings” gering is, is dit volgens George A. Martinez, ‘n professor by die Southern Methodist Universiteit se Dedman School of Law, ernstig genoeg om diskriminasie teen Latyns-Amerikaners op grond van hulle taalgebrek te bewys.

Twee Britte in Kenia vermoor

Twee bejaarde Britte is op vakansie in Kenia vermoor.

Die Britse departement van buitelandse sake het Sondag bevestig Norman Joel, 70, en sy vrou, Rita, 67, is verskeie kere gesteek tydens ’n vermeende rooftog in Mombasa, het The Mail on Sunday berig.

Die moorde is op 15 Oktober by die Britse ambassade aangemeld.

“Die polisie ondersoek die saak. Ons is in verbinding met die familie en sal hulle op hoogte hou van die inligting wat ons van die Keniaanse owerhede kry,” het ’n woordvoerder van die Britse departement van buitelandse sake gesê.

Jack Joel, Joel se broer, het gesê: “Al wat hulle wou doen, is om die sonskyn te geniet, op die strand te lê en die plaaslike kultuur in te neem. Ons is geskok en absoluut platgeslaan,” het hy volgens die koerant gesê.

Die departement van buitelandse sake waarsku Britte wat na Kenia reis: “Rooftogte deur bendes kan enige tyd gebeur, veral in Nairobi en Mombasa. Vermy dit om ná donker rond te loop, aangesien aanvalle enige plek kan gebeur, maar veral in afgeleë gebiede soos strande.”

автомойка купить Фільчаков прокурор