President Robert Mugabe gaan die parlement amptelik open ondanks waarskuwings dat dit onderhandelings oor magsdeling in gevaar mag stel.
Verslaggewers is gister vertel dat die nuwe parlement Maandag byeen gaan kom.
NAVO het Rusland gewaarsku dat dié land nie 'n nuwe grens in Europa kan trek om Georgië en ander lande te verhoed om by NAVO aan te sluit nie.
NAVO-lede het saamgestem om 'n permanente kommissie met Georgië op te rig, 'n land wat desperaat is om by die alliansie aan te sluit.
NAVO gaan ook 15 burgerlike nooddeskundiges na Georgië stuur om toestande vir 'n beraamde 150 000 vlugtelinge te verlig.
Rusland het begin om militêre eenhede Dinsdag te onttrek in navolging van 'n sespuntvredesooreenkoms wat deur die EU bemiddel is.
Taliban-insurgente het hul mees dodelike reeks aanvalle in ses jaar van gevegte in Afghanistan geloods.
Die aanval op die Franse was die enkele mees dodelike verlies vir buitelandse troep in 'n grondgeveg sedert die Amerikaans geleide inval in 2001.
Die offensief deur insurgente het 'n stygende tol geëis.
Nicolas Sarkozy, die Franse president wat tans in Afghanistan verkeer, het dit duidelik gemaak dat Frankryk onwrikbaar is.
Daar is 3 000 Franse troepe wat in 'n NAVO-mag van meer as 40 000 soldate vanuit meer as 40 volke dien.
'n Vreemde dreigement is aan die stad Durban gerig nadat vandale 'n mini-substasie vernietig het.
Dit het veroorsaak dat 'n groot deel van Sea Cowl Lake 'n paar dae sonder krag was.
'n Nota wat op die toneel agtergelaat is, dreig dat nog kragstasies beskadig sal word as die stad onwettige kabelkoppelings verwyder en jag maak op kabeldiewe.
{mosbanner:id=7,9,10,13,24,35,38,53}
Die kragtoevoer is gister herstel nadat dit reeds sedert Vrydag af was.
'n Narkotiese hond het op 'n tas in die bus gereageer en die polisie het 'n plastieksak vol tik ontdek. Die man is in hegtenis geneem.
Polisie het 'n wit Mercedes-Benz voorgekeer en deursoek wat na Kaapstad van Johannesburg af op pad was. 'n Narkotiese hond het 'n plastieksak met 9000 mandrax-tablette uitgesnuffel.
'n Ondersoek na die oorsprong van die dwelms gaan voort, het 'n polisiewoordvoerder gesê.
Wetgewing om die praktyk van oorlopery af te skaf, is gister in die nasionale vergadering aanvaar.
Sedert oorlopery in 2002 ingestel is, het 1 417 politici na ander partye oorgeloop.
Hy het oorlopery as 'n bespotting van demokrasie beskryf.
Die wetsontwerp gaan na die nasionale raad van provinsies verwys word vir goedkeuring, en dan na die president vir sy ondertekening.
'n Spaanse noodlenigingsbeampte sê dat slegs 13 mense die neerstorting van 'n Spaanse passasiersvliegtuig oorleef het.
Die amptenaar van die SAMUR-munisipale nooddiens het gepraat op voorwaarde dat hy anoniem mag bly ná 'n ondersoek van gister se ongeluk.
Die amptenaar het gesê dat die res van die mense in die vliegtuig as dood veronderstel word.
Die Spanair-straler was onderweg na die Kanarie-eilande.
Meer as 200 000 kinders het in die skooljaar van 2006 tot 2007 in die VSA 'n pak slae by die skool gekry.
In 21 deelstate word lyfstraf op skole toegelaat. Dit vertaal in die meeste gevalle in 'n lang lat op 'n kind se agterwêreld.
Swart kinders word skynbaar meer gereeld as blankes geslaan.
Volgens die opstellers van die verslag bevorder lyfstraf geweld en help dit nie teen slegte gedrag nie.
Hulle sal help met die munisipale ouditseisoen en om leerling-ouditeurs op te lei.
Daar word gehoop dat hierdie maatreël met verloop van tyd die tekort aan eie ouditeurs sal aanvul.
Die Mtatha Medium Gevangenis in Transkei gaan binnekort waarskynlik honderde gevangenes vrylaat om die oorbevolkte toestande daar te verlig.
Die gevangenis is een van die mees oorbevolkte tronke in die land.
{mosbanner:id=7,9,10,13,24,35,38,53}
Volgens 'n woordvoerder het hulle ná samesprekinge met die Nasionale Vervolgingsgesag besluit om gevangenes vry te laat wat vir kleiner oortredings toegesluit is.
Volgens berigte kan tot 500 gevangenes vrygelaat word.
