Nuus Archives - Page 1425 of 1583

Dataskandaal skud Duitsland

'n Datakommissaris van die mees noordelike Duitse deelstaat sê dat bankrekeningbesonderhede van tot 20 miljoen Duitsers onwettig gekoop en verkoop word.

Sy kommentaar het 'n skandaal, wat reeds besig is om vinnig te versprei, verder laat uitkring.

'n Kompaksyf met data het by die staat se verbruikersbeskermingsagentskap aangekom met adresse en bankbesonderhede van 17 000 individue.

'n Verklikker beweer hy het slegs drie weke by 'n oproepsentrum bestee om die data van anderhalfmiljoen kliënte te bekom.

Duitse aanklaers ondersoek nou die saak.

Hoe die staat burgers se privaatheid hanteer is steeds 'n netelige kwessie in Duitsland vanweë die Jode se ervaring gedurende die Tweede Wêreldoorlog.

Rice doen ‘n ernstige beroep op Israel

Condoleezza Rice het 'n beroep op Israel gedoen om nie vredesonderhandelinge met die Palestyne te ondermyn nie.

Israel het die aantal Joodse nedersettings wat aangebou word, verdubbel en sodoende bygedra tot skeptisisme oor die kanse dat die sesdekadelange konflik beëindig kan word.

Rice het gesê dat die voortgaande bouwerk aan nedersettings, of enigiets wat die vertroue tussen die partye kan ondermyn, vermy behoort te word.

Die Palestyne sê die vestiging van nuwe setlaars neem grond van hul toekomstige staat weg.

'n Amerikaans geondersteunde vredesplan behels dat Israel alle nuwe nedersettings op die Wesoewer staak.

Min ontleders glo egter dat Rice vir 'n deurbraak kan sorg.

tennis first

Duisende Indiese boere pleeg selfmoord

Duisende boere in Indië het oor die afgelope dekade selfmoord gepleeg.

Die ekonomiese penarie van die Indiese boer spruit uit die feit dat 15 akker grond as enorme rykdom beskou word.

Ondanks pogings van die regering om meer geld beskikbaar te stel, neem die selfmoordepidemie onder boere eenvoudig nie af nie.

Van die probleme is duur krediet, dalende pryse vir landbouprodukte, asook die stygende koste van boerdery en 'n onstellende skuldlas wat in 2008 gaan verdubbel.

Die noodlenigingspakkette van die Indiese regering is ook nie behoorlik deurdink nie.

Hulle stort geld in skemas waar bestaande maatreëls reeds ooglopend misluk het.

Die basis vir die keuring van begunstigdes onder die hulpskema is ook nie goed gedefinieer nie.

лобановский обыск

Ghana se seevlakke styg

Aan die suidelike kus van Ghana is die Atlantiese Oseaan besig om te styg.

Elke paar jaar moet inwoners hul huise verlaat en nuwes verder terug bou.

Ou mans van 'n suidelike dorpie sê elke jaar kom die kus 'n paar meter nader.

Niemand weet waaorm die see so geleidelik oor dekades heen gestyg het nie, en geen wetenskaplikes het nog datat kom insamel nie.

Die hele nedersetting van Totope lê reeds diep onder die water waar dit heeltemal ondergedompel is.

Kapenaar val homself dood op Mont Blanc in Switserland

Die spits van Mont Blanc

'n Suid-Afrikaner, die 36-jarige Hannes Esterhuyse, het hom doodgeval op Mont Blanc in Switserland.

Hy is dood terwyl hy saam met 'n vryskutjoernalis, Mark Jonston, geklim het.

Esterhuyse was voor toe 'n groot rotsblok in sy hande losgekom het.

Hy het omtrent 15 meter ver geval, volgens Johnston.

'n Helikopter het die toneel binnekort agterna bereik en 'n hoogs tegnies reddingspoging het gevolg, maar Esterhuyse was reeds dood.

Esterhuyse was 'n IT-spesialis van Kaapstad.

Saccawu gaan teen Woolworths in Durban betoog

Saccawu gaan Vrydag in Durban teen die anti-vakbondhouding van Woolworths betoog.

Saccawu het gesê die Kwazulu-Natalse optrede sal deur soortgelyke betogings in Kaapstad gevolg word, wat vir aanstaande week beplan word.

Woolworths-werkers eis die begin van onderhandelings oor 'n erkenningsooreenkoms, debietorderfasiliteite en toegang tot die maatskappyperseel om wettige vakbondbesigheid te bedryf.

Hulle het gesê die maatskappy hou aan met sy taktiek om Saccawu-lede te intimideer.

'n Opmars deur die strate van Johannesburg is verlede week gehou.

Woolworths sê Saccawu het minder as 15% verteenwoordiging en hulle glo nie dit is genoeg nie.

сканер

Platinum is ‘n metaal wat min begrip kry

Die platinumgroepmetale wek min begrip maar daarsonder kan die wêreld nie funksioneer nie, sê platinummynbaas Brian Gilbertson.

Gilbertson het by die notering van sy nuwe Pallinghurst Resources-maatskappy op die hooflys van die Johannesburgse Aandelebeurs gepraat.

Gilbertson het gesê dat alhoewel dit goed bekend is dat platinum in motorkatalisators en juweliersware gebruik word, is die ander aanwendings minder bekend.

Hy het gesê daar sou geen veselglas, olieraffinering en stikstofryke kunsmis gewees het daarsonder nie en ongeveer 20% van alle verbruikersprodukte sou verdwyn het.

Hy het gesê dit is 'n element van kritieke belang en 80% van die wêreld se reserwes is in Suider-Afrika.

Gilbertson het die platinumgroepmetale 'n groep metale genoem met 'n wonderlike toekoms.лобановский обыск

Stootskraper maak amok

'n Werknemer van die 44-jarige Neels Loubser, 'n uitvoerende direkteur van die Letaba-landgoed buite Tzaneen, het oor die naweek berserk geraak agter die stuur van 'n stootskraper.

Ná 'n besoek aan die sjebien en moontlik onder die invloed van dagga het hy chaos veroorsaak.

Hy het deur 'n elektriese heining en 'n motorhuis gery. Toe het hy sy werkgewer se vrou se motor met die stootskraper opgelig terwyl sy en haar twee dogters nog binne was.

Sy het uitgeval en moes 'n operasie aan haar linkerbeen ondergaan aangesien sy ernstig in die aanval beseer is.

Dogters het veilig weggekom.

Die man staan nou tereg op 'n klag van poging tot moord.

справку о Фільчаков прокурор

Metropolisieman deur kamera uitgevang

'n Johannesburgse metropolisieman is in die moeilikheid nadat hy op kamera uitgevang is dat hy omkoopgeld ontvang het.

Die Nuwe Killarney-Riviera-vereniging, asook Veiligheidsraadgewers en Gevorderde Implementerings verskaf 24-uur-kameramonitering in Killarney.

Een van die kameras het die polisiebeampte afgeneem waar hy omkoopgeld van 'n taxibestuurder ontvang.

Raadslede is verbaas deur hoe openlik die transaksie uitgevoer is.

Die metropolisie sê 'n ondersoek sal onderneem word.

Indien dit bewys word dat hy wel die geld aanvaar het, sal stappe geneem word.golden wedding accessories Фільчаков прокурор

Switserland vernietig onwettige bomplanne

Die Switserse regering het dosyne rekenaarlêers en ander materiaal vernietig wat die sakebedrywighede van Switserse ingenieurs beskryf wat daarvan verdink word dat hulle gehelp het om kerntegnologie na Libië en Iran te smokkel.

Die lêers was van besondere belang vir die internasionale atoomkraginspekteurs wat gewerk het om die aktiwiteite van Abdul Qadeer Khan, die Pakistanse bomwetenskaplike, te ontrafel.

Die ingenieurs, Friedrick Tinner en sy twee seuns, word daarvan beskuldig dat hulle as tussengangers tussen anti-Westerse nasies opgetree het.

Die Switsers sê dat die lêers vernietig is sodat hulle nooit weer in terroristehande kan val nie.

Die Verenigde State het blykbaar daarop aangedring dat die lêers vernietig word.

харьков купить