Nuus Archives - Page 1432 of 1583

Belastingbetalers wil dalk Oosrand-munisipaliteit boikot

Die Onhafhanklike Belastingbetalersvereniging, OBV, wil dalk die Ekurhuleni-munisipaliteit aan die Oosrand begin boikot sover dit die betaling van erfbelasting betref.

Hulle is ongelukkig oor die aanhoudende befondsing van Robert McBride se hofstryde. McBride is geskors ná bewerings van intimidasie.

Ekurhuleni het reeds R1,4 miljoen bestee om 'n tydelike beskermingsbevel teen McBride te beveg wat aan sy voormalige kollegas toegestaan is.

Die voorsittter van die OBV, Izak Berg, het Eurhuleni se konstante finansiële ondersteuning om sake te beveg waarin die metro self absoluut geen belang het nie as kommerwekkend beskryf.

Nege sake waarby die polisiehoof betrokke is, het die metro tot dusver ongeveer R6,9 miljoen gekos.

Die nege sake verteenwoordig iets van 'n geheim, aangesien die stadbestuurder Patrick Flusk weier om enige besonderhede te verskaf.

San Franciso se skooluitslae beklemtoon rasverskille

San Francisco se skole doen skitterend, veral in Wiskunde en Engels, en hierdie jaar is geen uitsondering nie. Maar ongelukkig is daar ook probleme.

Afro-Amerikaanse leerders se uitslae is besig om stadig maar seker verder agter te raak. In byna elke kategorie van die Kaliforniese deelstaatstad se leerders, arm en ryk, het swart studente beroerd gedoen.

Kalifornië se standaardtoetsuitslae is Donderdag bekend gemaak wat die prestasiegaping weer beklemtoon het.

Die aantal wit studente wat beter gedoen het in Wiskunde en Engels is amper 50 persentasiepunte hoër as die stad se swart leerders.

Die stad het 41 000 skoliere getoets, waarvan 4 800 swart was, van Graad twee tot elf.

Wat tweede taal Engels betref was net 23% swartes op standaard terwyl 74% wit leerders op standaard geag is.

Stadsraadlede sê die probleem word deur swart armoede, misdaad en gebroke gesinne veroorsaak, maar selfs arm wit kinders het beter as swartes gedoen.

лобановский харьков

Beijing-besoedeling onder beheer

Hoewel besoedelingsvlakke hoog was net enkele dae voor die opening van die Olimpiese Spele, het die vlakke gedaal.

Die gehalte van die lug het heelwat verbeter, met helder sonskyn en sporadiese reënbuie in Beijing.

Vrydag en Saterdag was twee van die helderste somerdae in onlangse tye.

Maar vir die inwoners van Beijing is skoon lug net 'n tydelike verskynsel.

Die verkeers- en nywerheidsbeperkings gaan teen die einde van September ná die voltooiing van die Paralimpiese Spele opgehef word. Dan gaan die Chinese hoofstad weer sy besoedelde self wees.

play free slots

Geen etniese faktor betrokke by brand in Noordwes

Volgens die polisie kan die afbrand van twee kajas oor die naweek by 'n plakkerskamp in die Noordwesprovinsie wat aan Zimbabwiërs behoort nie aan etniese faktore toegekryf word nie.

Die situasie is opgehelder ná 'n gemeenskapsvergadering in Bokfontein, naby Brits, het 'n woordvoerder van die Noordwespolisie, kaptein Adele Myburgh, gesê.

Sy het egter erken dat die polisie aanvanklik 'n heroplewing van aanvalle op buitelanders gevrees het.

'n Rusie het in 'n sjebien in die Caradale-plakkerskamp tussen 'n Lesotho-burger en 'n man van Zimbabwe uitgebreek.

Die Zimbabwiër is na bewering met 'n skroewedraaier gesteek.

'n Redekaweling tussen omtrent 50 mense het gevolg en twee kajas is aan die brand gesteek, het kaptein Myburgh gesê.

800 mense dakloos na brand

Brandende kaja Foto: Uvuka

08:39:56 Driehonderd kajas is deur 'n brand in 'n plakkerskamp naby die Denver-hostel, suid van Johannesburg, laat Saterdagaand vernietig.

Johannesburgse nooddienste het gesê dat 800 mense dakloos gelaat is en een persoon gesterf het.

Die brand in die slum het net ná 10 namiddag begin.

Turffontein, Rosebank, Fairview en Kiblerpark se brandweerstasies het die brand tot ná middernag bestry.

Die oorsaak van die brand is nog nie vasgestel nie.

'n Woordvoerder vir die nooddienste sê daar is heelwat sosiale faktore wat tot brande in plakkerskampe bydra. Hoog op die lys daarvan is drankmisbruik.

Streekshandelsone word geloods

07:19:41 'n Streekshandelsone sonder invoertariewe met 'n gemeenskaplike geldeenheid gaan teen 2018 vir alle SAOG-lede ingestel

SAOG-lande binnekort tariefvry

word.

Dit gaan beteken dat die rand deur 'n Suider-Afrikaanse geldeenheid vervang sal word. Elf van die 14 SAOG-lande, waaronder Zimbabwe, gaan aan die vryhandelsone deelneem.

Die drie oorblywende lande, Angola, die DRK en Malawi, sal later aansluit weens hul swak ekonomieë.

Die streek se handelsbalans verkeer tans in Suid-Afrika se guns, wat tydens die spitsberaad oor die naweek die voorsitterskap van SAOG oorgeneem het.

Met 85% van alle handel binne SAOG wat reeds aksynsvry is, bly daar 15% oor om teen 2012 vry te stel.

Kaapstad voor stygende seevlak

06:42:22

Kaapstad onder water?

Stygende seevlakke kan chaos vir Suid-Afrika se kusstede en -streke veroorsaak.

Volgens 'n studie wat deur die stad van Kaapstad onderneem is, is daar 'n een-in-vyf-kans dat dit binne die volgende 25 jaar kan gebeur.

Ander kusstede ondersoek ook tans die saak.

Laquar-konsultante sê dis byna seker dat globale klimaatsverandering storms sal veroorsaak soos dié wat die verlede jaar soveel skade in Ballito in Kwazulu-Natal aangerig het.

Gregg Oelofse, die hoof van Kaapstad se omgewingsbeleid en -strategie, sê die versekeringsbedryf neem ook hiervan kennis.

casino no deposit bonus no download

Zuma-ondersteuners neem beheer oor Cosatu-filiaal

06:38:41 Jacob Zuma se ondersteuners het beheer geneem van Cosatu se chemiese filiaal, Ceppwawu.

Hulle het die boonste ses poste by die unie se nasionale kongres in Kaapstad beset.

Ceppwawu is voorheen deur ondersteuners van president Thabo Mbeki oorheers.

Die feit dat Zuma-ondersteunders skoonskip gemaak het, word gesien as 'n belangrike mylpaal in hul veldtog om van onbetroubare element ontslae te raak in die aanloop tot aanstaande jaar se verkiesing.

Een van die uitdagings wat Ceppwawu se nuwe sekretaris-generaal in die gesig staar, is hoe om die vakbond se kwynende lidmaatskap om te keer.

Die ledetal het van 73 720 in 2000 gedaal tot 62 000 vanjaar.

In 'n toespraak aan afgevaardigdes by die Ceppwawu-kongres verlede week, het Vavi gewaarsku dat die vakbond konstant lede verloor en veral by Sasol deur ander vakunies bedreig word soos Solidariteit en die United People's Union of South Africa.

magic boxes

Steeds geen ooreenkoms in Zimbabwe

06:35:24 Daar lê steeds struikelblokke in die pad van 'n oplossing vir die Zimbabwiese dooiepunt.

'n Suid-Afrikaanse amptenaar na aan die onderhandelings het gesê twee van die hindernisse is of Mugabe die reg sal behou om ministers aan te stel en hoe lank 'n oorgangsregering aan bewind sal bly.

Tsvangirai het Sondag in 'n koerantonderhoud gesê dit was beter om teen ooreenkoms te hê nie as 'n slegte ooreenkoms.

Die SAOG-troika oor veiligheidsaangeleenthede, Angola, Tanzanië en Swaziland, sal voortgaan om met die leiers van Zimbabwe te beraadslaag om 'n spoedige oplossing te vind, het Mbeki gister gesê.

Le Pen se hoofkwartier aan die Chinese verkoop

Die Franse anti-immigranteparty, die Front National, is besig om sy historiese hoofkwartier, bekend as die Passasiersboot, aan 'n Chinese universiteit te verkoop.

Die veteraan-verregse partyleier, Jean-Marie Le Pen, het vandeesweek gesê dat hulle die geld dringend nodig het.

Van die Front National se bankrekeninge is bevries as gevolg van dispute met krediteure.

Le Pen het reeds sy koeëlvaste motor op 'n eBay-veiling verkoop om fondse in te samel voordat hy tot die verkoop van die hoofkwartier ingestem het.

Die party het die waarde van die gebou op die oewer van die Seinerivier op 20 miljoen euro oftewel R240 miljoen geskat.

Le Pen het nie gesê hoeveel die Chinese universiteit daarvoor gaan betaal nie.casino online