Nuus Archives - Page 1387 of 1583

Meer moet gedoen word oor MIV/Vigs, s? Hogan

Barbara Hogan

Meer klem moet gelê word op die stryd teen MIV/Vigs, het Barbara Hogan, die minister van gesondheid, Maandag gesê. Volgens statistieke van die Wêreldgesondheidsorganisasie, (WGO) is 22,5 miljoen van die mense wat met die MI-virus besmet is in Afrika suid van die Sahara.

Klem moet gelê word op die investering van meer pogings om die saak aan te spreek, het sy op ‘n Pan-Afrikakongres gesê wat by die Sandtonse Konferensiesentrum gehou is. Sy het ook gepraat oor kinderswangerskappe as een van die probleme wat Afrika mee sukkel, omdat kinders nie opvoeding en onderwys kry nie, en blootgestel word aan siektes wat die land se ekonomie benadeel.

“Ons het planne nodig oor hoe om die saak aan te spreek,” het sy gesê. Sy sê Afrika moet ook beplan oor hoe om siektes soos kanker en malaria aan te spreek. 80% van kankerpasiënte is vanuit Afrika, en ons moet goed beplan oor hoe die saak benader sal moet word.

play pool online free no download Лобановский Харьков

ANC kan heelwat LP’s verloor

Terror Lekota

12:14:39 Die ANC kan soveel as 50 LP’s verloor met die splinterparty wat deur Lekota en Shilowa gelei word. Dié stukkie nuus is ook bevestig deur ten minste drie senior ANC-LP’s wat bewus is van die beoogde uittog.

Vrese binne die ANC loop ook hoog dat ontevrede LP’s dié week die party kan teëgaan deur te stem teen wetgewing vir die sluiting van die Skerpioene. Die sluiting van die Skerpioene is hoog op die prioriteitslys van Jacob Zuma en sy alliansievennote, die SAKP en Cosatu, ten spyte van groot teenstand van die publiek en ander partye.

Die gemeenskaplike portefeuljekomitee vir Justisie en Sekuriteit gaan na verwagting die beoogde wetgewing Maandag aanvaar, voordat dit Dinsdag in die nasionale vergadering ter tafel gelê word. Die nuwe wet sal die doeltreffende teenmisdaadeenheid ontbind en ‘n nuwe eenheid onder die polisie se vleuels daarstel. Die ANC benodig net ‘n meerderheid om die wetgewing deur te kry, maar dit het in ‘n nagmerrie verander, omdat die regerende party nie die ontevrede elemente in hul eie binnekring kan identifiseer nie.

Volgens ‘n ANC-LP, sal dit goed wees as hulle (die ongelukkige elemente) nou wil gaan, maar as hulle eers teen die wetgewing stem kan dit die ANC duur te staan kom. Sommige LP’s kan ook natuurlik wegbly met die stemmery, soos wat hulle gedoen het toe Kgalema Mothlante as waarnemende president ingestem is.

Senior ANC-LP’s in die Zuma-kamp sê hulle is reg om die openinge wat kan ontstaan as die mense wegbreek te vul, sodat hulle die tweederdemeerderheid kan behou. Hulle soek nou onder groepe wat voorheen nie tradisioneel ANC -ede was nie na ondersteuning.

Die party gaan ook na bewering lede dwing om lojaliteit te sweer aan die party op streeksrade wat vandeesweek oor die hele land gehou gaan word. Daar word nog bedankings uit die party verwag, met Gwede Mantashe, die ANC-nasionalesekretaris wat toegee dat sommige lede die party kan verlaat.

Die ANC se hele leierskap is tans op ‘n landswye toer om onrus in die party te probeer besweer, en om mense te probeer oortuig om nie by Lekota en Shilowa se sake betrokke te raak nie.

Shilowa het in ‘n onderhoud by sy tuisdorp in Polokwane gesê dat indien ‘n nuwe party oor twee weke by die konvensie gestig kan word, dit die ANC stywe teenstand by die stembus aanstaande jaar kan bied.

Hy het gesê dat die feit dat die party mense uitstuur om mense te kalmeer, daarop dui dat hulle bietjie benoud begin raak, selfs al sou hulle dit nie hardop sê nie. Hy is van mening dat hulle heeltemal goed sal doen in volgende jaar se verkiesing. In die Weskaap se Dullah Omar-streek is daar 85 takke, waarvan 65 die wegbreekaksie ondersteun.

Shilowa sê in die Ooskaap is daar 20 takke, waarvan 18 vir hom en Lekota ondersteun. In die Amatole-distrik het hulle nou meer ondersteuning as die ANC, het hy bygevoeg.

Shilowa verwag dat hulle binnekort ‘n bankrekening sal oopmaak en dat kantore en telefoonlyne, asook ‘n webwerf binnekort in plek sal wees. Volgens Shilowa sal hulle teen die einde van die week in staat wees om vir kantore in elke provinsie te kan betaal.

Hy sê dat mense wat tans in die provinsiale en nasionale kabinette dien, bang is om ondersteuning toe te sê, aangesien hulle gedreig sal word met skorsing uit die party.

Mluleki George, voormalige adjunkminister van verdediging, sê die organiseerders sal môre ontmoet om besluite te neem oor hoe om die ANC se oorheersing teen te werk. Volgens George gaan dit baie werk wees, aangesien hulle nou ook groepe wat voorheen nie tradisionele ANC-ondersteuners was nie wil nader roep.

George het Saterdag tradisionele leiers in Transkei ontmoet, terwyl Lekota Sondag ‘n saamtrek in Bloemfontein toegespreek het. Lekota sal na verwagting Woensdag ‘n saamtrek in Mthatha toespreek. Die datum vir die stigting van die nuwe party sal blykbaar ‘n dag ná die nasionale konvensie plaasvind.

casino online free bonus no deposit Лобановский

Colin Powell dink Obama is ‘n ‘transformasiefiguur’

Senator Barack Obama het Sondag 'n verdere hupstoot gekry met die aankondiging van Colin Powell dat hy die eerste swart presidentskandidaat gaan steun. Obama se veldtogfinansies vir September toon intussen boonop 'n reusevoorsprong bo dié van Senator McCain. Obama het reeds meer as $600 miljoen ingesamel, 'n nuwe kerf vir die VSA se presidentskandidate.

Obama het met $150 miljoen dollar in fondsinsameling vir verlede maand byna twee keer soveel bymekaargemaak as in Augustus. Hy gaan met dié geld glo die Republikeine in state soos Wes-Virginië aanvat, waar konserwatiewe waardes tradisioneel koning kraai. Vir die volgende twee weke gaan hy ook Colorado, Florida, Iowa, Nevada, New Mexico en Ohio aanpak, almal deelstate waar Bush steun geniet.

Colin Powell, 'n Republikein wat die eerste Golfoorlog in Irak gelei het, het met sy aankondiging vir Obama as 'n "transformasiefiguur" beskryf. Die eertydse generaal Powell het met dié belangrike stap bedenkinge oor die bekwaamheid van Obama geneutraliseer.

Die Londense Financial Times het 'n meningsartikel geplaas waarin 'n Obamapresidentskap beskryf word as 'n manier om Amerikaanse sogenaamde "soft power" in die wêreld te herstel.

Powell se aankondiging wat hy op NBC gemaak het, het McCain se veldtog groot skade berokken. Een van die punte van kritiek teen Obama uit die Republikeinse kamp was sy "sosialistiese" neigings, maar die swart senator het Sondag daarop geantwoord en gesê met Warren Buffet en Colin Powell as ondersteuners, kan daar nie sprake wees van sosialisme nie.

домики для детей

Vonnisoplegging van Jeppestown beskuldigdes begin vandag

Swaar gewapende polisie het hofsaal D4 gefynkam voor die vonnisoplegging van beskuldigdes in die Jeppestownslagting. Regter Ratha Mokgoatlheng sal na verwagting begin met vonnisoplegging nadat die hofsaal behoorlik deursoek is.

Die 13 mans is deel van die groep van 18 wat gearresteer is nadat ‘n dodelike skietgeveg in Junie 2006 plaasgevind het by ‘n huis in Jeppestown. Gedurende die geveg is 4 polisiemanne dood en 8 beweerde rowers is ook doodgeskiet.

Die geveg het plaasgevind na ‘n rooftog by ‘n Pick n Pay winkel in Honeydew, en ‘n jaagtog wat die polisie na dui huis in Jeppestown gelei het.Die mans is gedurende April 2006 gearresteer en het in die Roodepoort streekshof verskyn op aanklagte van moord.

Die polisie het op Maandagoggend lede van die aangeklaagdes se familie en ook die publiek toegang na die hof geweier.

play casino topcargo отзыв

Polisieman doodgeskiet in Umlazi, Durban

‘n Polisieman wat aan diens was is op Sondag in Durban se Umlazi-omgewing doodgeskiet, het die polisie Maandag berig. Superintendent Daniela Veldhuizen het gesê die 52-jarige speurder, inspekteur Simpiwe Manyoni, was besig om ‘n klaer te help.

‘n Onbekende verdagte het hom in die kop geskiet en hy is op die toneel oorlede.

Geen arrestasies is sover gemaak nie en die saak word verder ondersoek.

‘n Vroulike klaer het ‘n saak aanhangig gemaak nadat ‘n vuurwapen op haar gerig is, waarna ‘n man in hegtenis geneem is kort na die voorval.

play free poker machines

Lekota se Bloemfonteinvergadering gestop

Voormalige ANC-voorsitter, Terror Lekota, het Sondag gesê dat die toets vir ondersteuning vir ‘n wegbreekparty van die ANC op 2 November gehou gaan word in Bloemfontein tydens 'n nasionale konvensie.

Lekota was vol vertroue dat die konvensie daar gehou gaan word, ten spyte van probleme met die plekke vir twee provinsiale konvensies wat in die laaste week voorgekom het. “Ek kan julle verseker dat die konvensie gehou sal word” het Lekota Sondag aan verslaggewers gesê, met die aanduiding dat ‘n nuwe party op 16 Desember aangekondig sal word.

Die voormalige minister van Verdediging het sowat 2000 mense toegespreek by die Vista-universiteitsgronde nadat ‘n beplande vergadering by die Sentrale Universiteit van Tegnologie op Saterdag gekanselleer is.

Volgens Lekota is dit ‘n vrye en demokratiese land, en niemand kan dit onmoontlik maak vir hulle om die konvensie in die Vrystaat of enige ander provinsie te kan hou nie. Lekota, wat ‘n kanselier is van die SUT, sê daar is metodes om te volg as mense wil vergader. “Indien daar mense is wat ons wil intimideer, moet die polisie hulle werk doen” het hy gesê. Vryheid beteken dat enige iemand ‘n vergadering moet kan hou.

Lekota sê dat as daar pogings is om die nasionale konvensie te stop, dit net meer bewyse is van die korrektheid van wat hy sê.

Nog ‘n vergadering in die Vrystaat, in Warburg, is die week gekanselleer nadat die munisipaliteit klaarblyklik geweier het om die plek beskikbaar te stel nadat hulle reeds die betaling vir die gebruik daarvan ontvang het.

Lekota het aangedui dat die vise-kanselier van die SUT, professor Thandwa Mthembu, op sy eie besluit het teen die vergadering nadat al die reëlings reeds getref was. Dit het ingesluit die gebruik van die Boet Troskie-saal wat betaal was. Volgens hom is dit ‘n ernstige oortreding. Die SUT het Sondag in ‘n verklaring sy spyt uitgespreek dat hy in die politieke arena ingetrek word, baie meer en dieper as wat goed is vir sy belange.

Francois Naudé, die SUT-segsman, het gesê dat ‘n openbare entiteit soos die universiteit sy eiendom op eie diskresie sal beskikbaar stel aan die publiek.

“Die universiteit se eksklusiewe diskresie oor wie die perseel mag gebruik, en onder watter omstandighede, is om te verseker dat die beoogde gebruik strook met, en in lyn is, met die universiteit se akademiese mandaat in ‘n demokratiese bestek.”

Naudé het gesê dat Mthembu die aansoek oorweeg het en dit afgekeur het.

Lekota het teruggekap deur te sê dat hulle niks onwettigs beplan het by die Boet Troskie-saal nie, en dat die saak na die SUT se raad geneem sal word.

Russiese weermag wil moderniseer

Die Russiese weermag beoog om oor die volgende aantal jare hulle mag te moderniseer en sommige veranderinge lyk baie na dié wat die Amerikaners die afgelope paar dekades onderneem het. Grondmagte gaan voortaan in kleiner brigadesterkste eenhede ontplooi word, eerder as die lomp divisies van voorheen.

Die regering beplan ook om beter salarisse en behuising aan administratiewe personeel, die rugsteun van enige mag, te gee om langtermyn stabiliteit te verseker. Alhoewel dit nie beteken dat die weermag op vrywillige diens sal staatmaak nie, gaan Rusland wegbeweeg van die eenjaardienspligstelsel. Hulle meen dat die verpligte jaar in uniform tans nie genoeg is om basiese vaardighede aan te leer nie.

Verlede week het Rusland aangekondig dat hulle hulle mag gaan verminder na 1 miljoen van 1.1 miljoen. Dit verteenwoordig 'n aansienlike inkrimping van die 4 miljoen soldate aan die einde van die Koue Oorlog.

Belangrik is egter die besluit van die owerhede om die aantal offisiere van 400 000 na 150 000 terug te sny. Na verwagting sal seniorvlakke daardeur geraak word en groot ontevredenheid in hoëroffisiersgeledere is nie uitgesluit nie.

Die Kremlin is bekommerd dat korrupsie in die weermag hoogty vier. Wladimir Poetin het in 2000 'n oudit aangevra en toe reeds is daar bevind dat tot soveel as 40% van die begroting gesteel of verkwis was.

Die aanstelling van die nuwe minister van Verdediging, Anatoly Serdjukof, het vir verbasing gesorg aangesien hy geen militêre agtergrond het nie, maar opgelei is in finansies en belastings. Kennelik is sy aanstelling 'n aanduiding daarvan dat die owerhede hulle huis graag in orde wil kry.

Die dalende prys van olie, 'n belangrike bron van Rusland se inkomste, mag egter beteken dat president Medwedef sekere ekonomiese beperkinge sal teëkom in die modernisering van Rusland se weermag.

Holomisa striem sportowerheid

United Democratic Movement leier Bantu Holomisa sê die Suid-Afrikaanse regering het jammerlik daarin gefaal om sportontwikkeling in townships en op die platteland te bevorder.

Holomisa sê sportkodes moet fokus op ontwikkeling en voeding van talent regoor die land – in stede daarvan is die huidige benadering lukraak en stuksgewys. Baie gemeenskappe het nie die fasiliteite nie terwyl die paar bestaande fasiliteite leegstaan en verniel word omdat daar nie werklike pogings vir ontwikkeling aangewend word om spelers wat dié fasiliteite kan gebruik, te voed nie.

Holomisa het die regering, en in die besonder die departement van sport, gekritiseer omdat hulle oor transformasie raas, maar versuim om hulle kant te bring of iets daaraan te doen. Hy sê die departement van sport moet in sy geheel opgeknap word.

Die owerhede het 'n slegte gewoonte om altyd na ras te verwys wanneer die vooruitgang van sport, en veral rugby, ter sprake kom. Holomisa sê wanneer vrae egter gevra word oor die strategieë en begrotings om sport te transformeer, krap hulle in hulle neuse sonder om 'n reguit antwoord te gee.

Hy het ook die sportowerhede daarvoor gekritiseer dat hulle op sportkodes fokus in stede daarvan om talent uit grondvlak op te bou. Holomisa sê dit het die norm van die huidige regering geword om suksesvolle instellings te teiken deur hulle af te kraak in stede daarvan om op instellings wat gefaal het, te fokus – hulle teiken nou die Springbok terwyl mens sou verwag het dat hulle eerder daaraan aandag sou gee waarom Suid-Afrika onlangs in Beijing so gefaal het.

no deposit bets Данильченко Харьков

Bush verdedig inmenging in markte

George W. Bush

16:46:28 President George Bush het Vrydag die Amerikaanse regering se buitengewone reeks ingrypings in die finansiële krisis verdedig deur dit die "laaste uitweg" te noem wat uiteindelik ekonomiese stabiliteit teweeg sal bring.

Bush het net voor die opening van die aandelebeurs gesê hy sou onder gewone omstandighede sulke maatreëls teenstaan maar hierdie is nie gewone omstandighede nie. Hy het gewaarsku soos telkemale tevore, dat die regering se pogings daarop gemik is om te verhoed dat die probleme vererger en nie as 'n onmiddellike oplossing vir die gehawende ekonomie gesien moet word nie.

Bush sê dit het tyd geneem vir die markte om te vries en dit sal vir die kredietstelsel tyd neem om te ontdooi. In 'n poging om die wilde rondomtaliemarkte – en meestal afwaarts –te kalmeer, het Bush gesê die stappe is groot genoeg en moedig genoeg om te werk en Amerikaners daarvan verseker dat dit gaan werk.

Die stukrag van Bush se boodskap was egter gerig teen konserwatiewes en lede van die publiek wat versigtig is oor soveel regeringsinmenging in die private markte. Bush sê hy is 'n aanhanger van die vryemarkstelsel wat in die situasie ingetrek is, en wat hy verdedig het as beperk in grootte, omvang en tydsduur.

Hy sê dit is moontlik dat die belastingbetaler op die lange duur nog daarby baat gaan vind.

topcargo

Honderd betoog teen armoede by Uniegebou

15:35:37 Ongeveer 'n honderd mense het Vrydag by die Uniegebou in Pretoria byeengekom om teen armoede te protesteer. Die betogers het, onder meer, gevra dat armoede beeindig word en dat BTW op basiese voedselsoorte verminder word.

Die gesamentlike voorsitter van die globale oproep teen armoede (GCAP) , Kumi Naidoo, sê dit is tyd vir die regering om beslissend op te tree om armoede uit te wis. Hy sê in stede daarvan om miljoene rande aan grensbeheer te bestee, moet die regering dit eerder aan gesondheidsorg, water en sanitasie bestee.

Die GCAP is 'n burgerlike verenigings-alliansie wat uit nie-regeringsorganisasies en vakbonde bestaan. Naidoo sê aandag moet gegee word aan geslagsgelykheid en die regering moet nou gaan kolf. Die protesoptog was ter ondersteuning van die internasionale dag vir die uitwissing van armoede wat op 17 Oktober gevier word.

Cosatu se provinsiale sekretaris in Gauteng, Siphiwe Mgcina, sê werkskepping is belangrik vir die land en as daar nie vinnig vordering daarmee gemaak word nie, lê donker tye voor. Op 'n voorstel dat die apartheidsregering beter dienste verskaf het en beter daarin geslaag het om armoede uit te wis as die ná-1994 regering, het Mgcina gesê dit is 'n ongelukkige verwysing. Hy sê daar is nog 'n lang pad om te loop.

Biskop Paul Verryn van die Methodistekerk sê dit is tyd vir die rykes om met die armes te deel. Hy sê armoede is onmenslik en daar moet 'n radikale verandering tussen ryk en arm gemaak word. Die betogers het in 'n memorandum wat aan die Presidensie oorhandig is, ook gevra dat verbruikersfooie vir water afgeskaf word.