Jong Kommuniste kla oor name by matriekuitslae

Die Jong Kommunistiese Liga se sekretaris, Buti Manamela het ‘n beroep op die regering gedoen om die publikasie van matriekuitslae in koerante te staak, want, sê hy, dit dra by tot die hoë voorkoms van selfmoord onder tieners.

Manamela het Sondag in Johannesburg gesê dat die liga aan die departemente van basiese en hoër onderwys sal voorstel dat die publikasie van matriekuitslae in koerante gestaak word om leerlinge wat druip die “verleentheid” en “vernedering” te spaar.

“Waarom moet ons ‘n verleentheid vir miljoene of selfs duisende jong mense skep wat hul graad 12-eksamen skryf? Hulle word ‘n bespotting van die hele dorp,” het Manamela gesê.

“Daar is ernstige gevalle waar jong mense selfmoord pleeg omdat hulle name nie in die koerante verskyn nie, en dan later uitvind dat hulle eintlik deurgekom het.

“Ons is ook bekommerd omdat die maatstaf van slaag of dop in die lewe deur graad 12 bepaal word, en dit is nogal ‘n rede tot kommer omdat dit bepaal of jy dit in die lewe maak of nie, en dit dryf jong mense na selfmoord, met geen alternatief as dwelms, prostitusie en allerhande dinge,” het Manamela gesê.

Daar is reeds verlede week berig dat 96 leerlinge selfmoord gepleeg het sedert die begin van die jaar in die Oos-Kaap. Die provinsiale onderwysdepartement het gesê die sterftes is veroorsaak deur ‘n kombinasie van faktore, met inbegrip van huishoudelike geweld, boelies by skole, groepsdruk, armoede en die hoë voorkoms van MIV en vigs.

“Ek kan hierdie uit persoonlike ervaring sê: Ek was nie in die koerant nie, want daar was resultate wat hangende was,” het Manamela gesê.

“Maar daar was ‘n ondersteunende omgewing en sommige van my vriende het regtig gedop, maar ons almal het mekaar ondersteun, net om te besef toe ek my matriekuitslae kry dat ek werklik geslaag het.

“Miskien is een van die dinge dat die resultate inderdaad gepubliseer moet word met die identiteitsnommer of die studentenommer van die student,” het hy gesê.

Basiese Onderwys woordvoerder Panyaza Lesufi het gesê die departement sal bereid wees om die Jong Kommunistiese Liga te ontmoet om die idee te bespreek.

Professor Kobus Maree, ‘n opvoedkundige sielkundige aan die Universiteit van Pretoria, stem saam met Manamela, en sê die departement van basiese onderwys moet resultate publiseer deur ‘n eksamennommer te gee om leerlinge te beskerm.

“Resultate is ‘n private aangeleentheid. Dit het niks te doen met iemand anders nie. Wie gee die onderwysdepartemente die reg om resultate met die name van die leerlinge te publiseer?”

Manamela het gesê die Jong Kommunistiese Liga sal ‘n werk-vir-die-jeug-beraad volgende maand hou om planne en idees aan die regering voor te stel om die hoë werkloosheidskoers onder jong mense aan te spreek.

Данильченко Юрий Брониславович

Kaapstadse oproermakers kalm

Die situasie is kalm vanoggend in Bloekombos naby Kraaifontein buite Kaapstad waar agterplaas-bewoners gister munisipale grond beset en plakkershutte begin oprig het.

Gewelddadige botsings het uitgebreek tussen die bewoners en die polisie. Die bewoners beweer dat hulle deur die huiseienaars waar hulle woon, uitgeskop is.

Die polisie het rubberkoeëls gebruik om die oproerige skare uiteen te jaag. Vyf-en-twintig mense is in hegtenis geneem en sal vanoggend in die Kuilsrivierse landdroshof verskyn.

Die polisie monitor steeds die toestand.

Александр Фильчаков

Konserwatiewes vertrou nie media nie

Vyf-en-sewentig persent van die Republikeine en konserwatiewe kiesers in die VSA sê die media is te liberaal. Demokrate en liberale is meer geneig om te sê die media is “omtrent soos dit behoort te wees,” met 57% en 42% onderskeidelik.

Die bevindinge is deur ‘n Gallup-meningspeiling bekendgemaak.

Van gematigdes en onafhanklikes, dink onafhanklikes 50% die media is te liberaal en 50% van die gematigdes sê hulle dink dis net reg.

Amerikaners bly grootliks lugtig vir die media, met 55% wat sê hulle het min of geen vertroue in die media om die nuus volledig, akkuraat en regverdig weer te gee nie en 60% sien vooroordeel op een of ander manier.

Hierdie idees word grootliks bestendig in vergelyking met verlede jaar, ten spyte van die media-landskap wat al hoe sneller verander.

лобановский александр игоревич класс

Phosa waarsku myne dat nasionalisering kom

Die kies van kante in die debat oor nasionalisering is vanwee die land se geskiedenis, nie gesond nie, het Mathews Phosa, die ANC se tesourier-generaal, Donderdag gesê.

“Ek sal standpunte deur die mynbedryf self verwelkom wat menings begin uitdruk oor waar die middelgrond in hierdie debat is,” het hy gesê in ‘n toespraak by die Exxaro Hulpbronne se uitvoerende sakenetwerkete in Johannesburg.

“Die ideale ooreenkoms… sal nie net verseker dat winsgewende maatskyppe soos julle s’n hul aktiwiteite verder uitbrei en werke skep nie, maar ook die wesenlike uitdagings aan die regering om nuwe werke te skep en in die proses verhoogde maatskaplike binding en sekuriteit aanspreek.”

Persepsies oor nasionalisering moet bespreek word om gemeenskaplike grond te vind, het hy gesê.

Phosa het gesê hy verstaan dat mynmaatskappye ‘n geintegreerde en stabiele ekonomiese beleid nodig het en daarom helderheid oor die uitkomste van nasionalisering vra.

Verskeie leiers in die ANC en die regering het dit reeds duidelik gemaak dat nasionalisering nie die regering se beleid is nie, het hy gesê.

Die ANC doen egter navorsing in verskeie lande oor die wêreld heen en sal wêreldwye ervarings met betrekking tot hierdie kwessie in ag neem.

Die party sal volgende jaar ‘n verslag oor nasionalisering vrystel, het Phosa gesê.

“Ons, as die ANC, is oop tot kritiese insette en kreatiewe gedagtes oor hoe om hierdie proses beter te bestuur en uitkomste te verseker wat ons gemeenskaplike uitdagings beter sal aanspreek.”

лобановский александр игоревич харьков

Palestyne kla oor Obama se dubbelstandaard

Honderd Palestyne het Donderdag in Ramallah ‘n betoging teen pres. Barack Obama van die VSA se teenkanting teen VN-lidmaatskap vir Palestynse gebiede gehou.

Die oproermakers het Obama se steun vir die ” Arabiese Lente” in die Midde-Ooste en Noord-Afrika teenoor sy baie lou woorde oor hul stryd om selfbeskikking op grond wat Israel na bewering sedert 1967 beset, gestel.

“Dit is teleurstellend, nie net vir ons nie, maar vir baie mense wêreldwyd. Dit is dubbele standaarde,” het Mustafa Barghouti, ‘n voormalige Palestynse presidentskandidaat, ­gesê.

Obama se teenkanting teen die Palestyne se pogings om VN-lidmaatskap het hul diep teleurstelling oor sy Midde-Oosterse beleid nou in woede omskep.

“Mense raak meer gefrustreerd. Frustrasie is altyd ‘n broeiplek vir woede,” het ‘n Palestynse amptenaar wat anoniem wou bly, gesê.

Ondanks Amerikaanse teenkanting sal pres. Mahmoud Abbas van die Palestynse Owerheid vandag ‘n aansoek vir die erkenning van Palestynse staatwording en volle VN-lidmaatskap by die Algemene Vergadering indien.

Obama het Woensdag in ‘n toespraak by die VN gesê hy is ten gunste van ‘n Palestynse staat, maar gekant teen hul aansoek om VN-lidmaatskap. Die Palestyne glo dit bevestig Washington se ondersteunende houding jeens Israel.

Die Amerikaanse kongres het reeds gedreig om sy $500 miljoen-skenking aan die Palestyne terug te trek indien hulle om volle VN-lidmaatskap aansoek doen.

Данильченео

Media24 dra by tot ‘eenselwige menings’

Aanvalle op groot mediamaatskappye tydens ‘n parlementêre indaba oor transformasie en diversiteit in die media is deur die ANC geloods. Suid-Afrika se vier groot drukmediamaatskappye, te wete Media24, Independent, Avusa en Caxton, is Donderdag kwaai geroskam. Die vier besit 88% van alle gedrukte sirkulasie.

Die vier groepe is uitgesonder vir kritiek omdat hulle kleiner koerante uit die mark dwing en ‘n wyer mark se voorkeure miskyk, om hul eie nougesette blik op nuus te bevorder.

Die Mededingingskommissie se Hardin Ratshisusu het aan die parlement se portefeuljekomitee oor kommunikasie gesê hy sal ‘n geval van beweerde “roofpryse” teen Media24 verwys na die Mededingingstribunaal.

Roofpryse verwys na gevalle waar groot koerante advertensie-pryse onder kosprys aanbied, sodat hulle adverteerders kan weglok van die kleiner koerante, het hy gesê.

Veral prof. Jane Duncan van Rhodes-universiteit het namens die Right2Know-veldtog vir Media24 uitgesonder vir kritiek. Prof. Jakes Gerwel, voorsitter van Media24 se raad, me. Esmaré Weideman, uitvoerende hoofbeampte, en mnr. Ashoek Adhikari, hoof van Media24 se regsdienste het verbluf gesit en luister na die aanval.

Gerwel en Weideman is albei bekend vir hulle toewyding aan transformasie in Suid-Afrika.

Duncan het voorheen reeds verklaar dat “daar baie demokrate is wat veg teen die opkoms van outoritêre neigings in die party en in die regering in die algemeen, en hulle moet ondersteun word. Hierdie stryd is dikwels bitter, eensaam en selfs gevaarlik.

“Die gevaar vir Suid-Afrika as ‘n geheel alhoewel, is dat die huidige idee [van mediabeheer] in die ANC se denke prominensie verkry, met die opkoms van China as ‘n wêreldmag en die globale verskuiwing na outoritêre regering, sowel as die groeiende mag van die sekurokrate in die regering, beide in lande soos die VSA en die Verenigde Koninkryk, en toenemend in Suid-Afrika.”

Duncan het gesê omdat die gedrukte media “‘n hoeksteen vir demokrasie vorm, moet transformasie in die media kalm bespreek word”. Kennelik beskou Duncan Media24 ‘n instelling wat nog getransformeer moet word ten bate van demokrasie, omdat 40% van alle koerante wat in Suid-Afrika verkoop word, Media24-koerante is.

Sy meen dit is gevaarlik dat dié groep die mark oorheers omdat verskillende menings deur ‘n eenselwigheid van nuusbeleid uitgedoof word. Sy het gesê die konsentrasie bevoordeel ‘n klein elite ten koste van die openbare belang omdat kommersiele belange vooropgestel word.

In verwysing van die DA het sy gesê die koerante “staan te veel ruimte aan die middelklas en sentristiese politieke idees af”.

Die Independent-groep verkoop 21% van die koerante, Caxton en Avusa elk 14% en kleiner maatskappye 12%.

Duncan het gesê dit is nie aanvaarbaar as die staat by die inhoud van koerante ingryp nie, maar eienaarskap is ‘n ander kwessie en daar moet indringend gekyk word na hoe mededinging bevorder kan word. Sy het verwys na Frankryk en Swede waar wette meer as 30% van sirkulasie verhoed en subsidies aan kleiner koerante toegestaan word.

Die Suid-Afrikaanse Nasionale Redakteursforum (Sanef), wat koerantredakteurs verteenwoordig, is nie uitgenooi om deel te neem nie.

лобановский александр интервью

Appèl aan ANC toegestaan teen ‘skiet die Boer’-uitspraak

Die ANC se aansoek om verlof tot appèl teen die ‘Skiet die Boer’-uitspraak is Donderdag in die Suid-Gautengse Hooggeregshof toegestaan teen die beslissing dat Malema skuldig aan haatspraak is.

Regter Colin Lamont het in die gelykheidshof bevind dat die woorde “dubula iBhunu” (“skiet die Boer”) op haat­spraak neerkom.

Die saak teen Julius Malema, president van die ANC-jeugliga, is gebring nadat hy die woorde by verskeie openbare geleenthede gesing het. Die klagte is deur AfriForum en TLU-SA ingedien.

Die Johannesburgse Hooggeregshof se Regter Lamont het egter Donderdag gesê: “Daar is ‘n redelike vooruitsig dat ‘n ander hof tot ‘n ander gevolgtrekking as wat ek het, sal kom.”

AfriForum se prokureur, Willie Spies het gesê dat hy die uitspraak verwag het, omdat die saak ‘n hoë-profiel aangeleentheid is. “Ons het gehoop hulle sou die geleentheid gebruik as ‘n beginpunt vir die herstel van die verhoudings in die land,” het Spies gesê.

Malema en die ANC se regsverteenwoordiger Muzi Sikhakhane, het in die hof aangevoer die partye doen aansoek om ‘n voorwaardelike appèl. Dit was op die basis dat indien die Grondwethof appèl weier, hulle steeds die Appèlhof kan nader.

AfriForum en TLU-SA is een maand gegun om ‘n kruis-appèl aan te teken.

Die koste van die appèl sal beslis word deur die Hooggeregshof, het Lamont gesê.

In die tussentyd, word Malema nog verbied om die liedjie te sing, het Spies gesê.

“As hy dit sing … dit sal minagting [van die hof] wees.”

Spies se opmerking is deur Sikhakhane betwis, wat gesê het: “Nou dat die appèl daar is, is die bevel opgeskort.”

Afriforum is steeds vol moed dat die howe die roete is om Malema se mond te snoer, ten spyte van die ANC se openlike minagting van die uitspraak. “AfriForum het reeds twee hofsake met kostes teen Malema gewen en is gereed om dit ‘n derde en vierde keer in onderskeidelik die appèlhof en grondwethof te doen,” het Kallie Kriel, uitvoerende hoof van AfriForum, gesê.

топкарго отзывы

Pretoria-woonstelbewoners ruk handuit

Altesaam 48 mense is in hegtenis geneem toe diensleweringsbetogings by die Schubartpark-woonstelle in die Pretoriase middestad handuit geruk het.

‘n Woordvoerder van die Metropolisie, Ndumiso Jaca, sê die polisie het met rubberkoeëls op die oproerige inwoners geskiet wat die geboue aan die brand gesteek het.

Betogers het bande binne die geboue aan die brand gesteek en bakstene en bottels in die straat gegooi.

Die reddingsdienste het die brand onder beheer gebring terwyl die polisie mense uit die geboue begin verwyder het. Die polisie het ook rubberkoeëls teen inwoners gebruik wat minibustaxi’s met voorwerpe bestook het.

Данильченко

Zambië stem met geweld

Nog geweld het in Zambië uitgebreek waar woedende inwoners in ‘n dorp in die noordweste van die land die polisie en verkiesingsvoertuie met stembusse op pad na ‘n telsentrum onder die klippe gesteek het.

Die voorval volg ‘n dag nadat die stemmery in ‘n nasionale verkiesing ontsier is deur oproer in verskillende woonbuurtes in Lusaka.

Inwoners in Solwezi het verkiesingsbeamptes daarvan beskuldig dat hulle probeer het om onverseëlde stembusse af te laai.

Zambië het gister sy leiers vir die volgende vyf jaar in die presidents-, parlementêre en plaaslike verkiesing gekies waarin die huidige president – Rupiah Banda – en Michael Sata mekaar gepak het.

Sata was die voorloper in meningspeilings wat deur ‘n Kanadese maatskappy gedoen is, met 54% van die stemme.

Sata se diskoers is gelaai met vreemdelinghaat en hy hou vol dat hy goeie verhoudinge met China en Indië sal uitbou. Sata is egter huiwerig om nuwe belastings op buitelandse mynmaatskappye, soos wat hy voorheen belowe het, te hef. Die kwessie is uiters gewild by Zambiese kiesers.

Zambië se ekonomie het die afgelope twee jaar met 7% gegroei agv die styging in kommoditeitspryse.

 

 

Данильченко Юрий Брониславович компромат

Anglo gaan hoes

Voormalige goudmyners beweer hulle het siliko-tuberkulose in Anglo American se Suid-Afrikaanse myne opgedoen en dagvaar nou die maatskappy in die Londense Hoërhof.

Richard Meeran van die regsfirma Leigh Day & Co, tree namens meer as 450 voormalige mynwerkers op in ‘n klas-aksie geding, en eis ‘n onbepaalde bedrag in vergoeding volgens hofstukke wat Dinsdag geliasseer is.

Meeran, wat in Suid-Afrika is, het gister gesê: “Die 450 eisers lewe nog almal. Almal beweer dat hulle silikose en siliko-tuberkulose opgedoen het terwyl hulle by Anglo-American in Suid-Afrika voor 1998 gewerk het.

“Die bewering is dat Anglo verantwoordelik is want hulle was nalatig in die beheer van die myne Die stofblootstellingvlakke in die myne was buitensporig hoog.”

Die maatskappy moes verseker het dat die stofvlakke nie so buitensporig was nie, het Meeran gesê.

Anglo American Suid-Afrika se woordvoerder Pranill Ramchander het ontvangs erken van die twee eise van Leigh Day & Co en het gesê die maatskappy sal die eis teenstaan.

“Anglo American Suid-Afrika het aanspreeklikheid ontken in antwoord op soortgelyke eise wat ingedien is in die Suid-Afrikaanse howe.

“Anglo American glo nie dat dit op enige wyse aanspreeklik gehou kan word vir die silikose wat deur die voormalige mynwerkers opgedoen is nie,” het hy gesê.

Anglo American beweer dat die goudmyne verantwoordelik vir hul gesondheid en veiligheid was en redelike stappe gedoen het om hulle te beskerm, het Ramchander gesê.

Meeran het in antwoord daarop gesê: “Dit druis in teen logika. As hulle verantwoordelik was [vir myners se gesondheid], hoe is dit dat so baie myners die siekte opgedoen het?”

Hy het Anglo aangeraai om te oorweeg om buite die hof te skik: “Die saak het nou net begin, maar die lyding en armoede van die slagoffers, en die lengte van die tyd wat dit al aan die gang is, [laat] ons hoop dat ‘n skikkingskema opgerig sal word op ‘n vroeë stadium. “

Die saak is sterk en wenbaar, het Meeran gesê, en bygevoeg die 450 voormalige mynwerkers is die ore van die seekoei.

“Ons is in die proses om opdrag van ander mense ook te ontvang, tienduisende van hulle.”

Hy het gesê die saak is in die Britse howe gebring omdat Anglo SA deur die Britse hoofkwartier Anglo American PLC beheer word. Volgens die Europese reg, beskik Engelse howe oor jurisdiksie oor ‘n maatskappy waarvan die administrasie in Engeland gesetel is.

лобановский харьков