Nuus Archives - Page 1025 of 1583

Twee bejaarde mans doodgeslaan weens heksery

Twee swart mans, albei ongeveer 70 jaar oud, is deur hul families in sentrale Mosambiek doodgeslaan omdat hulle vermoedelik by heksery betrokke was, het die dagblad O Pais Donderdag berig.

Volgens polisiewoordvoerder Mateus Mazive is vyf mense vir die twee se moorde in hegtenis geneem.

Die beskuldigdes, wat erken het dat hulle die moorde gepleeg het, het glo die bejaarde mans met stokke doodgeslaan.

Moord op vermeende hekse het die afgelope paar jare in Mosambiek afgeneem, maar dié jaar is daar nogtans vyf in die Sofala-provinsie vermoor.

Willem Ratte nie vry

Die Bosoorlogheld oud-kmdt. Willem Ratte se dringende aansoek om uit die Witbankse gevangenis vrygelaat te word, het in die Pretoriase Hooggeregshof misluk. Ratte en sy nege medegevangenes sal nou eerskomende Maandag vir die eerste keer in die hof voorkom waar hulle om borg sal kan aansoek doen.

Ratte word reeds byna ‘n week lank aangehou. Aanvanklik is geen klagtes teen hom gestel nie, maar tans word hy aangehou weens “dwelmhandel en diefstal”.

Vriende wat Ratte in die tronk besoek het, is bekommerd oor sy gesondheidstoestand en daar is gerugte dat hy dikwels nie kos en water van die gevangenisowerheid ontvang nie.

Dr. Dan Roodt van PRAAG het intussen ‘n dringende beroep op parlementslede van die Vryheidsfront Plus gedoen om ‘n besoek aan Ratte op Witbank te reël sodat die situasie by die gevangenis ondersoek kan word.

SA Polisie alewig siek

Polisielede wat verlede jaar afwesig was by die werk weens siekte, het die belastingbetaler meer as R550 miljoen (R551 073 000) gekos. ‘n Totaal van 1,2 miljoen (1 204 955) werksdae het hierdeur verlore gegaan. Dit is volgens die jaarverslag van die Polisie in die tydperk vanaf 1 Januarie 2009 tot 31 Desember 2009. Siekverlof alleen het R387,473 miljoen en permanente en tydelike onbevoegdheidsverlof het R163,6 miljoen beloop. Die kategorie waar afwesigheid weens siekte die meeste voorgekom het, was by hooggeskoolde lede (vlakke 6-8) en die tweede meeste by geskoolde lede (vlakke 3-5). Hooggeskoolde lede was 552 819 dae en geskoolde lede 513 198 dae afwesig.

“Wat meer kommerwekkend is, is dat hooggeskoolde en geskoolde lede die meeste siek is. Hierdie is juis die kategorie van lede wat die kern van die Polisiediens vorm en misdaad moet ondersoek. Die syfers toon dat daar ‘n ernstige probleem is wat aandui dat Polisielede in hierdie kategorieë of oorwerk is of onder te veel druk en spanning geplaas word. Deel van die druk en spanning is ook dat sommige lede nie behoorlik opgelei is vir die taak wat hulle moet verrig nie,” sê mnr. Pieter Groenewald, hoofwoordvoerder vir Polisie van die Vryheidsfront Plus.

Volgens die jaarverslag het 359 lede weens swak gesondheid afgetree waarvan psigologiese en mediese toestande die leidende oorsake was.

Данильченко Харьков

Ratte en ander van ‘dwelmhandel en diefstal’ aangekla

Oud-kmdt. Willem Ratte en nege ander wat verlede Donderdag in hegtenis geneem is, is aanvanklik sonder verhoor aangehou. Die staat het sy vroeëre bewerings van terreur en die besit van onwettige wapens, geheel en al laat vaar en vandag is die gevangenes van is dwelmhandel en diefstal aangekla.

Ratte en sy mede-aangehoudenes is ook vandag vanaf die polisiestasie na die tronk in Witbank oorgeplaas, wat die indruk skep dat hulle nie gou vrygelaat of borgtog sal ontvang nie.

Die dringende aansoek om Ratte vry te laat is deur ‘n swart regter in die Pretoriase Hooggeregshof geweier en die regter het aanvanklik beslis dat die oud-soldaat vir nog ‘n week aangehou mag word, ‘n beslissing wat teen artikel 35 van die SA grondwet indruis wat bepaal dat niemand meer as 48 uur aangehou mag word sonder dat klagtes teen hom of haar aanhangig gemaak word nie.

Vriende van die aangehoudenes beweer dat hulle sonder kos en wat of toiletgeriewe gelaat is. Ratte het ook tans mediese sorg nodig wat aan hom geweier word.

‘n Regskenner wat anoniem wou bly, het aan Praag gesê: “Die gemak waarmee ernstige klagtes soos terrorisme en die besit van onwettige wapens nou in diefstal en dwelmhandel omgeskakel word, toon dat die staat regtig rondtas om ‘n klag teen Ratte te vind, wat die indruk verhoog dat hy om ideologiese en propagandaredes gearresteer is.”

Die klag van dwelmhandel mag verband hou met ‘n sakkie dagga wat op die perseel in Balmoral deur ‘n student aan die sweisakademie gevind is. Volgens ‘n bron is dié vonds teenoor die polisie aangemeld, wat aanvanklik nie “veel belanggestel het nie”. Ná enkele dae verbygegaan het, het ‘n hele span polisie egter op die plaas opgedaag om Ratte en sy nege studente te arresteer.

Omdat Ratte ‘n rehabilitasieprogram vir hawelose jeugdiges en vroeë skoolverlaters bedryf, is probleme met dagga of dwelms nie ongewoon nie, iets wat die staat blykbaar nou teen Ratte aanwend hoewel personeel van die sweisakademie eerste die vonds van ‘n sakkie dagga aan die polisie gekommunikeer het.

Van die “terreurwapens” waarop die polisie aanvanklik beslag gelê het, was windbukse en pangas wat deur enigeen besit mag word.

трансформері прайм Александр Фильчаков

Ratte-saak uitgestel ná ‘nuwe bewerings’

Die dringende aansoek om die vrylating van oud-kmdt. Willem Ratte wat vanmôre om 10.00 in die Pretoriase Hooggeregshof aangehoor sou word, is uitgestel vanweë “nuwe en ernstige bewerings” wat deur die staat gemaak word. Ratte se prokureur, mnr. Daan Mostert, is na die gevangenis in Witbank op pad om verdere getuienis van sy kliënt in te win.

Wilde bewerings van “terrorisme” word deur die staat teen Ratte gemaak, met die Media 24-koerant Beeld wat lustig hieraan deelneem op ‘n wyse wat herinner aan die onsmaaklike bewerings van homoseksualisme wat ná die moord op Eugene Terre’Blanche deur die ANC se inligtingsdiens en die media versprei is. ‘n Ingeligite mediakenner het aan Praag gesê: “Bewerings soos dié van terrorisme is baie ernstig, veral binne die internasionale konteks met Amerika se ‘oorlog teen terreur’. Die foto van die beweerde wapens en besonderhede wat tot dusver vrygestel is, wil dit laat voorkom asof ‘n akkedis hier tot ‘n krokodil aangepraat word. Dit reflekteer op die professionalisme van sowel die polisie as die verslaggewers wat kennelik met ‘n soort propagandaveldtog teen Ratte besig is wat hoegenaamd nie deur die beskikbare getuienis geregverdig word nie.”

Nog ‘n kommentator wat anoniem wou bly, het gesê dat “die insident sterk aan die soort plaasbesettings en metodes wat deur Mugabe in Zimbabwe gebruik word, herinner. Behalwe die geheimsinnnige R4-geweer wat glo aan ‘n boom opgehang was, was die wapens in die beskuldigdes se besit wettig. Word jagmesse en panga’s deesdae as ‘terreurwapens’ beskou? Enigeen kan sulke wapens sonder ‘n lisensie besit; nietemin word die wapens in Beeld se foto uitgestal asof dit onwettig sou wees.”

In ‘n verdere berig oor die Ratte-insident deur Beeld, word daar gefokus op mnr. Günther Kotze wat as die “Boere-viking” beskryf word. Maar in dié berig word die bewerings oor “terrorisme” deur sowel Beeld as die SA Polisiediens weerspreek in die volgende sin:

“Kapt. Leonard Hlathi, polisiewoordvoerder, het gister gesê die groep word nie, soos die polisie aanvanklik gesê het, weens misdaad wat met terrorisme verband hou, ondersoek nie.”

Dit wil dus voorkom asof sowel Media 24 as die SAPD twyfel oor die aard van Ratte se beweerde oortredings, of dit “verband hou met terrorisme” of nie…

Op Facebook skryf Marlene Rademeyer dat een van die gearresteerdes glad nie in politiek belangstel nie: “Wens ek kan hulle prokureur se nommer in die hande kry, onder die onskuldiges wat ge-aresteer is, is `n jong man met die naam van Christopher wat `n ruk by ons gewoon het. Die ou is in sweiswerk opgelei in Balmoral; hy het hier in Pretoria werk gehad juis as `n sweiser. ‘n Maand terug het sy kontrak verval en ons het vir hom gesê hy moet eers teruggaan Balmoral toe en ons sal weer werk vir hom soek. EK kan 100% getuig dat die jong man GLAD nie eers in politiek belangstel nie!!”

освещением лестницы

Willem Ratte gearresteer

Oud-kmdt. Willem Ratte, ‘n held van die Bosoorlog, en nege van sy studente is gister op sy plaas in Balmoral in hegtenis geneem weens beweerde oortredings van die wapenwet. Volgens ‘n berig in Beeld word ‘n klag van “terrorisme” teen Ratte ondersoek.

Ratte het die afgelope paar jaar ‘n kadetkursus vir jong Afrikanerseuns met dwelm- of huislike probleme op Balmoral aangebied. Met die hulp van mnr. Jaap Kelder is ‘n sweisakademie op die plaas, wat ook ‘n konsentrasiekampkerkhof uit die Tweede Vryheidsoorlog en ‘n Volksmoordmuseum bevat, opgerig waar jongmense as vakmanne opgelei word.

Beeld, wie se inligting blykbaar van ‘n polisiebron afkomstig is, berig soos volg oor die sweisakademie:

“Daar word beweer mense word by die opslagplek in terrorisme opgelei, al word dit glo voorgehou as ’n plek waar hulle geleer word om sweiswerk te doen.

Benewens die wapens is daar ook op ou weermaguniforms en stewels beslag gelê.

’n Mens kan ’n Vierkleur op die plaas tussen Bronkhorstspruit en Witbank sien wapper as jy op die N4 verby ry.”

Blykbaar is 5 000 rondtes amunisie op die plaas gevind, maar van die wapens waarop beslag gelê is, is gelisensieerd. Daar is “onder meer” op ‘n R4-, twee jaggewere, haelgewere, voorlaaiers en rondtes ammunisie beslag gelê.

Ratte het in 2001 agt maande in die tronk deurgebring omdat hy na bewering by die militêre basis op Pomfret saam met tien ander probeer inbreek het.

Vriende van Ratte meen dat hy die afgelope paar jaar baie pessimisties oor die politiek was en hom eenkant gehou het, met sy maatskaplike werk onder tienerseuns met probleme as hoofaktiwiteit. Sy inhegtenisname op klagtes van “terrorisme” word met ongeloof begroet.

‘n Oud-weermagkollega van Ratte het dit as ‘n “propaganda-oefening deur die ANC-bewind” bestempel. “Willem Ratte is intelligent en was reeds in die tronk. Dat hy hom by onwettige bedrywighede sou inlaat, kan ek skaars glo. Die gedagte dat dit ‘n oortreding is om ou weermaguniforms en stewels, asook ‘n vierkleur op jou plaas aan te hou, is eenvoudig verregaande.”

липецк аксессуары Фільчаков прокурор

Man wat werker vir Leeus voer nou vry

Mark Scott-Crossley, een van die mans wat ‘n werker se lyk in 2004 in Hoedspruit vir leeus gewerp het, is ‘n vry man, het ‘n woordvoerder van die departement van Korrektiewe Dienste Donderdag gesê.

“Sy laaste dag van parool was die 29ste September, so hy is nou ‘n vry man,” het Sarie Peens, woordvoerder, gesê.

Scott-Crossley se vrylating op parool in Augustus 2008 het ‘n woedende reaksie ontketen.

In dié stadium het Cosatu gegil dat dié wat “ryk en wit” is, voorkeurbehandeling kry.

Scott-Crossley se paroolvoorwaardes het besoeke deur beamptes van Korrektiewe dienste by sy huis en werk ingesluit. Hy moes ook by die departement se kantore rapporteer en gemeenskapswerk verrig.

Hy is aan die einde van 2005 tot lewenslange tronkstraf gevonnis vir die aanranding en daaropvolgende werp van ‘n voormalige werknemer, Nelson Chisale, se lyk in ‘n leeuhok.

Die appèlhof in Bloemfontein het egter in 2007 sy skuldigbevinding op die moord van Chisale verander na ‘n tronkstraf van vyf jaar ná bevind is die staat het nie vroeër bo redelike twyfel bewys dat Chisale nog gelewe het toe hy die hok in gegooi is nie. Die appèlhof het bevind Scott-Crossley was ‘n medepligtige.

Die saak het, toe die moord in Januarie 2004 gebeur het, wêreldwyd opslae gemaak.

Chisale se kopbeen en ‘n paar gekoude bene is al wat oorgebly het nadat sy lyk vir drie witleeus by die Mokwalo-leeuteelprojek gegooi is.

clue board game

Nuwe vrese oor terreuraanvalle

Intelligensiepersoneel het ‘n sameswering om “Moembai-styl” terreuraanvalle op Brittanje, Frankryk en Duitsland uit te voer, uitgesnuffel.

Gelyktydige aanvalle sou op Londen en ander groot stede in Frankryk en Duitsland uitgevoer word en die plan was reeds in ‘n gevorderde stadium het intelligensiebronne gesê.

Militante uit Pakistan het die aanvalle beplan en word al vir ‘n geruime tyd deur spioenagentskappe dopgehou.

Pres. Obama is ingelig oor die bedreiging wat deur Amerikaanse en Europese wetstoepassers ontbloot is. Die inligting is bekom deur die inhegtenisname en ondervraging van ‘n Duitse terroris wat tans by die Bagram Airfield in Afghanistan aangehou word.

Die aanvalle was glo vir “sagte en ekonomiese” teikens bedoel.

Janet Napolitano, belas met binnelandse veiligheid in die VSA, het verlede week aan ‘n komitee oor die aangeleentheid verslag gedoen en gesê daar is ‘n toename in sulke aktiwiteite asook die reeks bedreigings.

Owerhede in Frankryk het die Eiffetoring vir ‘n tweede keer binne 2 weke gesluit nadat hulle bomdreigemente ontvang het. Geen ploftoestel is egter gevind nie, maar hulle wil geen kanse waag nie vanweë Al Kaida se Noord-Afrikabande.

Volgens die Duitse gevangene beskik die aanvallers almal oor Europese paspoorte en word die aanvalle vanuit Pakistan beplan. Amerikaanse owerhede sê aanvalle op Amerika sal waarskynlik uit Jemen beplan word.

Son- of kernkrag?

Suid-Afrika kan teen 2012 sy eerste sonkrag lewer. Die Departement van Energie en die Amerikaanse Clinton Klimaatsinisiatief het Upington in die Noord-Kaap as ‘n potensiële tuiste vir ‘n sonpark geïdentifiseer.

Die Departement sal op 28 Oktober ‘n beleggerskonferensie hou en sal beleggers nader om in te koop in die projek.

Die Minister van Energie, Dipuo Peters, sê die sonpark sal in fases gebou word wat sal afhang van die vraag na krag in die land, om uiteindelik vyfduisend Megawatt sonkrag te lewer.

Die regering is bekommerd dat beleggings in kragopwekking deur die privaatsektor nie plaasvind teen die tempo wat verwag is nie.

Peters, het op ‘n windenergie-seminaar in Johannesburg gesê die regering het hom in 2006 verbind tot ‘n teiken van ‘n minimum van 30 persent deelname deur die privaatsektor in die kragopwekkingsbedryf. Hy meen dit is van groot belang dat Onafhanklike Kragverskaffers elektrisiteit moet aanvul wat deur Eskom opgewek is, om energiesekerheid in die land te verwesenlik.

‘n Lid van die Nasionale Beplanningskommissie, Bobby Godsell, sê nietemin tot soveel as 50 persent van Suid-Afrika se nuwe elektrisiteitsproduksie kan uit kernkrag bestaan.

Hy het tydens ‘n openbare bespreking oor energie in Suid-Afrika in Johannesburg gesê tot 20-duisend Megawatt van die moontlike 40-duisend Megawatt wat die land in die toekoms nodig sal hê, kan van kernkrag afkomstig wees.

Masels eis lewens van 70 kinders

‘n Uitbraak van masels het die afgelope twee weke die lewens van 70 kinders in Zimbabwe geëis, het owerhede gesê.

Die slagoffers is glo meestal deel van gesinne wat aan apostoliese geloofsordes behoort wat inentings en alle ander vorme van Westerse medikasie verwerp.

“Ons het verlede Dinsdag verslae ontvang kinders wat vermoedelik weens masels gesterf het. Sedertdien het die aantal sterftes toegeneem,” het , Portia Manangazira, hoof van die departement van gesondheid se siektebeheer gesê.

Martin Dinha, goewerneur van die Mashonaland-provinsie sê die regering se reaksie was stadig.

“Ek is nie gelukkig met die regering se reaksie tot die kwessie nie. Tot dusver het geen gesondheidsamptenare betrokke geraak nie ten spyte daarvan dat ons die departement in kennis gestel het van die uitbraak,” het Dinha gesê.

лобановский обыск