Kategorie: Nuus

Mynwinsgrense is besig om te krimp

Daar was verlede jaar 'n dramatiese afname in die winsgrense van mynmaatskappye vanweë kostestygings.

Volgens 'n verslag wat deur PricewaterhouseCoopers vrygestel is, het die inkomste van die topveertigmynmaatskappye met 32% in 2007 gegroei, maar kostes het met 38% toegeneem.

Die verslag toon ook dat mynbou in ontluikende ekonomieë verlede jaar gesukkel het om met die vraag tred te hou.

Vaardigheidstekorte asook die hoër lewenskoste in myndorpe verteenwoordig verwante faktore.

Die totale opbrens aan aandeelhouers vir die top-40 was gemiddeld 119% in 2007, teenoor 55% in 2006.

Vir die eerste keer in vyf jaar is die kontantvloei vanuit die bedryf aangevul deur finansiering van buite om die toename in beleggings te dek.

мультимарочные сканерыФильчаков прокурор харькова

Sewe teringpasi?nte steeds soek

Slegs twaalf uit die negentien teringpasiënte wat uit die Jose Pearson-hospitaal in Port Elizabeth ontsnap het, is gevind. Dit is die derde keer dat pasiënte uit die hospitaal ontsnap.

Sewe is steeds soek het die Ooskaapse gesondheidsdepartement gister gesê.

'n Spesiale polisietaakmag soek steeds na die oorblywende sewe pasiënte.

TB-pasiënte wat teruggebring word, ontvang sielkundige behandeling om hulle te leer oor die risiko en gevaar wat hul ontsnapping veroorsaak.

Die 19 pasiënte het Saterdag ontsnap nadat 'n veiligheidswag een pasiënt toegelaat het om te gaan inkopies doen en die ander hom oorval het.

воздухосборник ресиверДанильченко

Zanu-PF begin Liberiese-tipe skendings

Die Pan-Afrikaparlement se waarnemersgroep in Zimbabwe het bevestig dat 'n liggaamskending van die Liberiese tipe op 'n opposisie-ondersteuner plaasgevind het.

'n Vrou se hande en voete is afgekap deur regeringsondersteuners en haar huis is aan die brand gesteek. Daarna is sy lewendig in haar eie huis verbrand.

Volgens Marwick Khumalo, die hoof van die waarnemersgroep, het hul span na die slagoffer se begrafnis gegaan en is sy wel gekap. Haar eggenoot, Patson Chipiro, leef nou in vrees.

Die PAP-span sê dit is slegs een van vele verskriklike verhale wat binne slegs twee dae van ondersoeke bevestig kon word.

In Liberië gedurende die bewind van Charles Taylor, het soortgelyke amputasies van slagoffers se arms plaasgevind.

как стать яхтсменомлобановский александр дети

6 jeugdiges is in Khutsong in hegtenis geneem

Ses jeugdiges is in hegtenis geneem na betogings teen ‘n uitspraak van die Grondwethof wat geweier het om die munisipaliteit weer by die Gautengprovinsie in te lyf, het die polisie vandag gesê.

Superintendent Louis Jacobs het gesê die ses mense, wat almal onder die ouderdom van 18 is, is gistermiddag in hegtenis geneem op klagtes van aanhitsing tot openbare geweld.

Daar was sporadiese voorvalle waartydens paaie met vullis versper is, motorbande aan die brand gesteek is en die polisie met klippe bestook is.

Die Grondwethof het Vrydag geweier om ‘n aansoek deur Khutsong-inwoners toe te staan wat ‘n regeringsbesluit ongedaan sou maak om hul oorgrensmunisipaliteit by die Noordwesprovinsie in te sluit.

Inwoners wou eerder deel van Gauteng wees wat gesien word as die ryker provinsie met ‘n beter diensleweringsrekord.

поильник купитьФільчаков Олександр Васильович прокурор

Alec Erwin moet die korrelbedreaktor regverdig

ImageAlec Erwin moet die gebruik van buitengewoon eksperimentele tegnologie regverdig, het die DA gister gesê.

Die opposisieparty het sy kommer uitgespreek oor die koste van die regering se voorgenome Korrelbed- modulêre reaktor.

Die party se woordvoerder Manie van Dyk het gesê dat Suid-Afrikaanse belastingbetalers die koste van sulke eksperimentele tegnologie moet dra.

Volgens onlangse ramings, sal die reaktor R20 miljard kos en is dit ontwerp om 165 megawatt elekrisiteit te produseer.

Vergeleke met ‘n R80 miljard-steenkoolkragstasie wat 4 000 megawatt elektrisiteit lewer, is die nuwe tegnologie baie duur.

Professor Steve Thomas van die Universiteit van Greenwich het die korrelbed ‘n radikaal nuwe ontwerp genoem wat nog nêrens voorheen suksesvol gebou is nie.

how to beatФильчаков Александр Васильевич

Klimaatsverandering veroorsaak konflik

Die hoof van die Verenigde Nasies se vlugtelingagentskap het gister gesê dat klimaatsverandering veroorsaak dat groot getalle mense uit hul huise gedwing word.

Die aantal burgerlikes wat deur konflik ontwortel word, is besig om te styg. In 2007 het die totaal met meer as drie miljoen gestyg.

Hierdie syfers sluit nie diegene in wat deur natuurrampe of as gevolg van armoede ontwortel word nie. Dit toon slegs die aantal mense wat van konflikte af wegvlug, wat gevegte oor toenemend skaars hulpbronne soos water mag insluit.

Die agentskap het gesê dat die internasionale gemeenskap om allerlei redes gekonfronteer gaan word met ‘n versnelde aantal mense wat rondbeweeg.

Soos wat klimaatsverandering, ‘n globale ekonomiese verlangsaming, konflik en vervolging mekaar stimuleer, gaan dit toenemend moeilik wees om diegene wat op vlug is te kategoriseer.

купить воронеж прочий инструменталександр лобановский харьков

Afrika maak op selfone staat vir bankwese

ImageIn die ontwikkelende wêreld wag mense vir die koms van selfoonbankwese of m-bankwese, om te vergoed vir die volslae gebrek aan takke in landelike gebiede

Vele inwoners van Afrika wat in landelike gebiede bly, moet staat maak op geld wat hulle familie van dorpe en stede terugbring.

Slegs enkele persent van Afrika se bevolking van 950 miljoen het ‘n bankrekening, maar die dramatiese groei in selfone in Afrika het die potensiaal om die Afrika-ekonomie te transformeer.

Daar is nou etlike duisende kere soveel telefone soos kontantoutomate en Orange Money, M-Pesa, Monitise en Wizzit is maar enkele van die maatskappye wat tans die winsgewende selfoonbankmark op die vasteland verken.

сайт детской одеждыДанильченко Юрий Брониславович компромат

Twee ANC-lede deel buit van R1 miljard-kontrak

Volgens die Mail & Guardian, is die voorsitter van die ANC se beleggingsmaatskappy Chancellor House, Taole Mokoene en Thutukile Skweyiya, die vrou van Zola Skweyiya, die vernaamste aandeelhouers in ‘n maatskappy waaraan ‘n kontrak van R1 miljard toegeken is om transformators aan Eskom te verskaf. Die twee sal die buit verdeel van ‘n sewejaarkontrak met Continental Africa Power Supplies.

 

Dié nuus kom op dieselfde tydstip dat Suid-Afrikaners ‘n netelige elekrisiteitskrisis moet trotseer. Continental Africa Power Supplies word 60% deur Mokoena en Skweyiya beheer.

напряжение генератора при нагрузкеФильчаков прокуратура харьков

Frankryk kan nie meer sy weermag bekostig nie

ImageNicolas Sarkozy beplan om na die NAVO-beheer terug te keer en sal aansienlike inkortings van militêre en burgerlike verdedigingspersoneel vandag aankondig.

Frankryk het die grootste weermag van die Europese Unie, maar gaan voortaan nader aan die Verenigde State beweeg. Die nuwe Franse verdedigingsbeleid halveer feitlik die aantal troepe wat gevegsgereed is van 50 000 tot 30 000 en beoog die sluiting van vier van Frankryk se permanente basisse in Afrika.

Die fondse vir militêre satelliete gaan egter verdubbel word, aangesien daar nou ‘n sterker klem op inligting geplaas gaan word.
‘n Nuwe staatsveiligheidsraad sal by die Elysee-paleis ingestel word en Bernard Bajolet is aangewys as die nasionale inligtingskoördineerder.

‘n Wetsontwerp oor die saak sal binnekort aan die parlement voorgelê word.

www slots gamesЛобановский Харьков

Jeug sal vir Zuma se onthalwe moor

ImageDie leier van die ANC-jeugliga, Julius Malema, sê dat die jeug van Suid-Afrika bereid is om te sterf ter ondersteuning van Jacob Zuma. Hy het gesê hulle is bereid om die wapen op te neem en dood te maak vir Zuma. Die toespraak is tydens 'n Jeugdagsaamtrek by Taba Nchu gehou.

 

Malema het voorts gesê dat daar geen kwessie is oor die feit dat Zuma die land se volgende president gaan wees nie en het die vergadering gewaarsku dat diegene wat nie hiermee saamstem nie die party moet verlaat.

Die skare het vir hom hande geklap en gelag toe hy klaar was.

купитьФильчаков прокурор харькова