Nuus Archives - Page 980 of 1583

Soedannese skikking na die maan?

Groot kommer heers oor die toekoms van die Soedannese skikking nadat militêre magte uit die Arabiese noorde Sondag die stad Abyei en omstreke ingeneem het. Tot 20 000 mense het volgens die VN dieper in die suidelike deel ingevlug, wat bestem is om in Julie onafhanklik te word.

Die onafhanklikheid van die Christen-suide van die Moslem-noorde is bestem om burgeroorloë wat oor dekades duur, ten einde te bring, en volg op ‘n skikking en referendum.

Beide partye maak egter op Abyei aanspraak, en die feit dat dit ‘n olieryke gebied is, het stellig heelwat hiermee te make. Die meeste oliebronne is bestem om na die afskeiding in die suidelike gebied te val. Abyei geniet sedert die 2004-skikking spesiale status, maar is histories ook spesiaal hanteer om botsende aansprake tussen ‘n rits aanspraakmakers te hanteer.

Die algemene verwagting is dat die inwoners van Abyei ten gunste van insluiting by die suide sou stem in ‘n referendum waar reeds moes plaasvind.

Die regering in die suide het die oorname as ‘n daar van oorlogsverklaring beskryf, en die VN het inderhaas ‘n bemiddelaar na Khartoem gestuur.

липецк воротки,топкарго отзывы

Wit Amerikaners ervaar rassisme, sê studie

Beide wit Amerikaners en swart Amerikaners sien beduidende vordering in die stryd teen anti-swart vooroordeel, maar wit Amerikaners glo die vordering het gekom ten koste van wittes, het ‘n nuwe opname bevind.

Die navorsers het in ‘n ewekansige steekproef 209 blankes en 208 swartes gevra hoeveel diskriminasie elke groep in die gesig staar, op ‘n skaal van een tot tien, vir elke dekade sedert die 1950’s.

Swart Amerikaners het anti-swart vooroordeel as dalende tendens gesien, van 9,7 in die jare 50 tot 6,1 in die ’00s. Oor dieselfde tydperk, het hulle ‘n klein toename in anti-wit vooroordeel opgemerk, van 1,4 tot 1,8.

Wit Amerikaners het ‘n selfs skerper afname in anti-swart vooroordeel gesien: van 9,1, in die ’50s, tot 3,6, in die ’00s. Maarv wat veral opval, volgens die navorsers, is die skerp toename in waargenome anti-wit vooroordeel: Onder blankes, het dit opgeskiet van 1,8 na 4,7.

Wit Amerikaners, in kort, meen dat anti-wit vooroordeel ‘n groter maatskaplike probleem is in die nuwe eeu, as anti-swart vooroordeel.

Die navorsers beskryf die patroon, wat nie merkbaar verskil ten opsigte van ouderdom of onderwysvlakke nie, as bewys dat wit Amerikaners rasseverhoudinge as verlore stryd ervaar, waar een groep se winste deur ‘n ander se verlies geneutraliseer word.

Bron: “Whites See Racism as a Zero-Sum Game That They Are Now Losing,” Michael I. Norton and Samuel R. Sommers, Perspectives on Psychological Science (Mei)

Britte ontvang folteraar met ope arms

Phillip Machemedze, 46, het reeds uitgewyk na die Verenigde Koninkryk in 2000 saam met sy vrou, want hy het “genoeg van die marteling” gehad, maar het nietemin agt jaar gewag om aansoek te doen vir verblyfreg.

Op 4 Mei is hy verblyfreg in Brittanje gegun ten spyte van die misdade teen die mensdom wat hy gepleeg het, nadat ‘n tribunaal beslis het hy sal vermoor word deur sy voormalige Central Intelligence Organisation-kollegas indien hy terugkeer na Zimbabwe.

Volgens bronne leef hy en sy vrou op die Britse regering se uitkeervoordele in Newport, Suid-Wallis.

‘n Beraamde 800 mense is ontvoer of het verdwyn, 80 gedood en meer as 90 gemartel in die aanloop tot die 2000-verkiesings in Zimbabwe. Mnr Machemedze het aktief hieraan deelgeneem.

Die CIO, saam met die polisie en gewapende magte, is wyd veroordeel vir die ergste geweld.

Mnr Machemedze het vier jaar in die CIO gedien. Hy het ook bely dat hy ‘n wit boer dmv elektriese skokke gefolter het, en daarna bewusteloos geslaan het.

Maar hy beweer dat hy probeer het om die CIO te verlaat.

Immigrasieowerhede in Newport het gesê daar bestaan geen twyfel nie dat Machemedze “diep betrokke in wrede dade van uiterste geweld” was.

“Sommige is stadig dood en hulle liggame begrawe in ongemerkte grafte. Hy het mense met hul ledemate afgesny gesien. Ander voorvalle van marteling is te grusaam om te vertel,” het ‘n amptenaar belas met sy aansoek, gesê.

Hy het bygevoeg dat Machemedze nie kan terugkeer na Zimbabwe nie aangesien hy waarskynlik self gefolter sal word deur Mugabe se geheime polisie, en hy daarom beskerming moet geniet.

drive multiplier mayhem

Aantygings van rassisme teen DA in Tshwane

Ernstige aantygings van rassisme teen die DA in Tshwane het aan die lig gekom. Swart lede beweer hulle word deur wit partyleiers gemarginaliseer.

Partylede het ook beweer dat die leierskap bestaan uit “rassiste wat graag die behoud van die status quo” wil sien deur swart DA-lede uit sleutel posisies te hou.

Die party se wit hoofsweep, Derek Flemming, is na bewering betrokke is by die opstel van ‘n petisie teen die party se plaaslike leier, Brandon Topham, ook wit, wat as die DA se burgemeesterskandidaat vir Tshwane aangewys is.

Topham se vermoë om die party te lei word in die petisie bevraagteken. Dit is onder swart DA-raadslede versprei wat glo Topham is nie geskik om hulle te lei nie en dat hy simpatiek staan teenoor “wit rassiste” in die party.

Enkele weke vóór die verkiesing het Helen Zille glo opgevlieg Pretoria toe om aan Topham te sê hy moet die leierskap aan ‘n swart kandidaat oorhandig. Dit is nie bekend of Zille mede-verantwoordelik was vir die opstel van die petisie wat Flemming gesirkuleer het nie.

Topham het glo daarna gedreig dat hy ‘n hofgeding teen die party sal begin indien hy nie aanbly as leier van die streek nie.

Sommige partyleiers het glo na bewering probeer om die “Broederbond agenda” binne die party te bevorder, volgens Engelse lede wat die petisie onderteken het en graag naamloos wil bly.

“Dit het gebeur tydens ‘n kiesafdelingvergadering in die raad toe ons dokumente in Afrikaans moes lees en ons beswaar gemaak teen hierdie soort van ding. Dit is die rassisme wat ons moet verduur in die DA.”

Topham meen egter dit behels ‘n wit persoon teen ‘n ander blanke, dus het dit het niks met rassisme te make nie.

‘Weste wil Libië se olie vat’

Die waarskynlike nuwe leier van Al-Kaida sê NAVO se operasies in Libië is bedoel om Moeammar Gaddafi se regering omver te werp sodat die Weste ‘n “marionet-regering” kan instel om beheer oor Libië se olie te verkry.

In ‘n 49-minuut lange klankopname het Ayman al-Zawahri, die nommer twee van Al-Kaida, Libiërs aangemoedig om wapens op te gaar vir ‘n guerrilla-oorlog teen die westerse koalisie.

Die klankopname is glo oor die naweek op militêre internet-forums gepubliseer. Volgens die webwerwe is die opname gemaak voor die Amerikaanse weermag Osama bin Laden op 2 Mei doodgeskiet het.

Na bewering is Al-Zawahri die waarskynlike kandidaat om Bin Laden as leier van Al-Kaida op te volg. Hy werk glo naby die grens tussen Pakistan en Afghanistan.

las vegas gaming commission

China beplan vlootbasis in Pakistan

Pakistan se versoek dat China ‘n vlootbasis by die suid-westelike hawe van Gwadar bou sodat die Chinese vloot ‘n gereelde teenwoordigheid daar handhaaf, gaan waarskynlik sowel Indië as die VSA se afkeur gaande maak.

“Ons het ons Chinese broers versoek om asseblief ‘n vlootbasis by Gwadar bou,” het Chaudhary Ahmed Mukhtar, Pakistan se minister van verdediging, aan die Financial Times bevestig. Die versoek is oorgedra aan China tydens ‘n besoek verlede week deur Yusuf Raza Gilani, Pakistan se eerste minister.

Tot nou toe het China weggeskram daarvan om die VSA en Beijing se bure, soos Indië, Maleisië en Indonesië te vervreem. “China se opkoms is ‘n voordelige mag vir vrede en ons het geen hegemoniese ambisies nie,” het ‘n Chinese amptenaar vertroud met Beijing se sekuriteitsbeleid verklaar.

Maar navorsers in Washington sê China se toegang tot basisse buite die land sal die uiteindelike aanduiding en waarskuwing wees dat hulle ‘n globale militêre mag raak. ‘n Pentagon-amptenaar het gesê: “Ons het vrae en bekommernisse oor hierdie ontwikkeling en [China se] bedoelings. Maar dit is die rede waarom ons glo dit is belangrik om ‘n gesonde, stabiele en deurlopende militêre-tot-militêre verhouding te hê. “

‘n Senior Pakistanse amptenaar vertroud met Sino-Pakistani verhoudinge oor marinesamewerking sê: “Die vlootbasis is iets wat ons hoop Chinese skepe sal gebruik om ons gereeld te besoek in [die] toekoms en ook die plek te gebruik vir die herstel en instandhouding van hul vloot in die [Indiese Oseaan]. “

‘n Deskundige by die Internasionale Instituut vir Strategiese Studies meen die konstruksie van ‘n vlootbasis in Gwadar sal China voorsien van sy eie skepe en duikbote met moontlik ‘permanente’ regte, saam met die moontlikheid van gereelde patrollies en oefeninge in die Arabiese See om die groeiende aantal Chinese tenkskepe te beskerm in die streek. Die groeiende aantal skepe is te wyte aan die land se energievereistes wat uit die Golfstreek gevoed word.

Die bestaande kommersiële hawe in Gwadar is gebou deur China, maar word beheer deur die Singapore Hawe-owerheid. Die nuwe verwikkeling kan Indië antagoniseer want dit kom te midde van ‘n versterking van China se militêre bande met Pakistan.

Tydens mnr Gilani se besoek verlede week, het Beijing ook ingestem om die lewering van 50 vegvliegtuie aan Pakistan te bespoedig.

римская баня

Afrikaanse film wen Queer Palm

Die bruin regisseur van die eerste Afrikaanse film wat by die gesogte Cannes Filmfees in Frankryk met ‘n Queer Palm vereer is, sê dié eer kom van “reuse van Europese rolprent kritici”.

Oliver Hermanus se rolprent Skoonheid het die toekenning vir die beste film wat handel oor gay kwessies Saterdag losgeslaan.

Die film handel oor Francois, ‘n familieman uit die Vrystaat, wat sukkel om sy latente seksuele begeertes te onderdruk.

In sy stryd, ontwikkel hy ‘n ongesonde en vernietigende obsessie met sy vriend se 22-jaar-oue seun.

Deon Lotz, die Suid-Afrikaanse akteur wat die rol van Francois vertolk, het gesê hy is “in ekstase” dat die film die toekenning gewen het.

“Dit gee wonderlike erkenning aan Suid-Afrika se groeiende filmbedryf,” het hy gesê.

Lotz, wat ook die rol van die FW de Klerk in die film Winnie speel, het gesê: “Ek sou nie sê Francois is ‘n gay-in-die-kas nie Hy het net nie geweet hoe om hierdie gevoelens wat hy onderdruk het, te hanteer nie as gevolg van Afrikanermans wat altyd op ‘n sekere manier optree”.

Elisabeth Quin, ‘n Franse kritikus en president van die jurie wat die Queer Palm toeken, het gesê: “Ons is getref deur hierdie film se uitbeelding van self-haat, homofobie en rassisme.

“Skoonheid is ‘n ontstellende, radikale film, ware teater.”

“Ek hoop Suid-Afrika is gereed vir Skoonheid wanneer ons terugkeer,” het Oliver gesê.

Фильчаков прокурор

Zille twiet vals

Helen Zille het die Sunday Times Sondag berispe in ‘n twiet op Twitter dat die koerant verkeerd is om te berig dat die DA 21,97% van die stemme gewen het en daarop gewys dat die koerant vroeër ‘n hoër syfer op sy voorblad gebruik het.

“Die korrekte resultaat is DA 23,9% (NIE 21,9%) en ANC 62% (NIE 63,65%), ” het sy geskryf.

Die telling wat Zille verkies sluit die verkiesing vir distriksrade uit – dus die derde stembrief wat aan kiesers gegee is wat nie in een van die agt metro’s woon nie. In dié rade het die DA aansienlik swakker gevaar met net 15% van die stemme.

Die DA het maw alleen 21,97% van alle stemme verower, en nie 23,9% soos die party beweer nie. Die ANC het 63,65% gewen.

Navorsers het dié syfer van die OVK se finale uitslae beaam en gesê dit dui die werklike stempersentasie aan.

ANC wil munisipaliteite regruk

In die komende weke, gaan die regerende party maatreëls tref wat burgemeesters, munisipale bestuurders en ander senior amptenare meer verantwoordbaar sal maak, soos lede van die parlement en provinsiale wetgewers reeds is, sê die ANC.

Die besluit kom in die nasleep van verlede week se plaaslike regeringsverkiesings waarin die ANC se ondersteuning gedaal het van ongeveer 66% in die 2006 , tot ongeveer 62%.

Sy mededinger, die DA, geniet ‘n toename in sy steun, van omtrent 16% in 2006 tot sowat 24% verlede week, danksy die amperse verdwyning van kleiner partye.

Die munisipale hervormings is deel van die regerende party se munisipale omkeer strategie. Partywoordvoerder Jackson Mthembu het gesê verbeteringe sal “so gou as moontlik” geïmplementeer word , in ‘n poging om dienste “vinniger en meer doeltreffend” te lewer.

Die skuif, sê Mthembu, sal die ANC help om die geleidelike erosie van sy ondersteuning deur opposisie partye te keer.

“Selfs voor die verkiesing, was ons bekommerd oor die prestasie van ‘n paar rade Ons begrawe nie ons koppe in die sand as ons mense nie tevrede is met die diens nie… Wanneer mense vir jou stem, is jy dit aan hulle verskuldig om vinniger en meer doeltreffende dienste te lewer.

“Ons wil uit te voer [die maatreëls] so gou as moontlik sodat mense sal besef dat hul stem is nie misplaas,” het Mthembu gesê.

Een van die meganismes wat oorweeg word sluit in dat die nasionale Tesourie onbestede munisipale begrotings toe kan wys.

Die ANC, het Mthembu gesê, kan nie geld aan die Tesourie teruggee, terwyl mense min dienste het nie.

“Burgemeesters het beide wetgewende en uitvoerende gesag – en dit moet geskei word.

“Sommige dele van ‘n raad moet kyk na die belangrikste werk van die burgemeester en die uitvoerende gesag. Die raad moet in staat wees om te sit op sy eie sonder die burgemeester en die uitvoerende gesag,” het Mthembu gesê.

Hy het gesê die ANC se nasionale uitvoerende komitee sal hierdie naweek die uitslag van die verkiesing bespreek, en die party se prestasie en die pad vorentoe evalueer.

ANC wil koerant se kantore afbrand

Die voorsitter van die ANC in Nelson Mandelabaai, Nceba Faku, het Donderdagaand meer as 100 partylede aangemoedig om die Herald-koerant se kantore af te brand terwyl hy sy party se verkiesingsoorwinning buite Port Elizabeth se stadsaal gevier het.

Volgens die Herald het ‘n seniorwoordvoerder van die party die ANC “byna onmiddellik” gedistansieer van die uitlating, en gevra vir politiese volwassenheid by partyleiers.

Faku, wat by die ingang van die stadsaal gestaan het met ‘n ANC-vlag op sy skouer, het gesê die party het ‘n “belangrike stryd tussen die ANC en die media” gewen.

“Die primêre stryd van die ANC is met die media, veral die Herald, in hierdie streek,” het Faku volgens die koerant gesê.

“Weg met wit politieke partye, weg. Weg met diegene wat vir wit politieke partye stem, weg.”

Die ANC het beheer oor die Nelson Mandelabaai-metropool behou met 51.9% van die stemme.