Uraanontginning raak warm in Niger

Image

Uraanmyn, Niger

Niger het Woensdag besluit om die direkteur van die Franse groep Areva, die grootste privaatinstelling wat werk verskaf in die land, die deur te wys. Die direkteur, Dominique Pin, word daarvan beskuldig dat hy die Toeareg-rebellie in die noorde van Niger gefinansier het. Areva is die wêreld se grootste siviele kernkragonderneming. Pin het die bewering intussen ten skerkste ontken.

Die maatskappy het Donderdag onthuts gereageer op die uitsetting. Hulle meen dat daar absoluut geen regverdiging vir die staat se optrede kan wees nie. Die kwessie word gekenmerk deur ‘n "klimaat van wedersydse misverstande", volgens ‘n segspersoon van Areva. Hulle is al 40 jaar lank besig met die ontginning van uraan in Niger.

 
Hy het voorts gesê: "Die groep wil ‘n belangrike rol bly speel in die ekonomiese en maatskaplike ontwikkeling van die land. Daarom moet veiligheid en stabiliteit in Niger so gou moontlik heers."

Die minister van sekurtiteit, Albadé Abouba, het glo die uitsettingsbevel gegee, nadat daar bevind is dat Pin bande met Toeareg-rebelle se beweging, in Frans bekend as die MNJ, het. Daar is egter nog geen amptelike verklaring oor die aangeleentheid uitgereik nie.

Tans is daar Chinese en Kanadese maatskappye teenwoordig in dieselfde bedryf, alhoewel die Franse nog kort gelede as gunsteling aangedui is. Areva het ook onlangs bekend gemaak dat hulle ‘n miljard euro sal investeer in die Imouraren-myn. Desnieteenstaande lyk dit asof goeie verhoudinge nie meer as vanselfsprekend sal geld nie.

‘n Week gelede is ‘n "televisiedebat" uitgesaai waarin twee afgevaardigdes die lugtyd gebruik het om Areva, RFI en France24 aan te val. RFI (Radio France Internationale) se lugtyd op FM is ook afgesny. Libië, ‘n buurland, het daarna deurgeloop. Die uitsending het daartoe gelei dat duisende mense die volgende dag teen Areva en Libië gaan betoog het in Niamey.

Die rebelle het ondertussen Chinese maatskappye daarvan beskuldig dat hulle die weermag van Niger finansier en van toerusting voorsien. Hulle het selfs ‘n Chinese werknemer by een van die Chinese ondernemings ontvoer en ‘n week later weer vrygelaat, in protes daarteen.
 

компрессоры насосы беккер комплектующиеФильчаков прокурор харькова

Hongerstaking vir simpatie

Image

Pappa uitgesit… help!

Sowat 100 onwettige immigrante kampeer tans op die grasperk van die arbeidskantoor in Lille, in die noorde van Frankryk. Hulle is sedert 15 Junie besig met ’n hongerstaking om die aandag op hulle lot te vestig.

Abdulaï is 23 jaar oud en kom uit die Ivoorkus. Hy eet 20 suikerklontjies per dag, drink daagliks ’n  paar koppies tee asook drie liter water. ”As ek terugdink aan die Ivoorkus, kom daar probleme in my kop in,” vertel hy in gebroke Frans. Die immigrante het op 15 Junie op die hongerstaking besluit, téén die advies van die Komitee vir Onwettige Persone in Lille. Hulle hoop om sodoende simpatie te wek en om verblyfreg in Frankryk te bekom.

Volgens die prefek wat aan die hoof van die noordelike departement in Frankryk staan, Daniel Canépa, is daar maar tussen 5 en 10 stakers wat regtig honger ly. Hy het onderneem om hulle lêers ”dadelik te bestudeer.” Die plaaslike komitee wat immigrante bystaan, het vir hom ’n lys name gestuur van diegene wat hulle meen vinnig geïntegreer sal word en vir wie dit ”gevaarlik” sou wees om na hulle lande van oorsprong terug te keer. Mnr Canépa het onderneem om hulle volgende week persoonlik te woord te staan.

Hy het egter ontken dat die immigrante bang is dat hulle teruggestuur gaan word na Afrika, aangesien hulle braaf genoeg is om langs die vensters van sy kantoor te betoog. ”Net omdat sekere mense ons probeer afpers, beteken nie dat ons die wette van die republiek gaan verander nie,” het hy gesê.

Die immigrante weet egter dat vorige soortgelyke pogings die plaaslike bestuur in ’n staat van paniek gedompel het en daartoe gelei het dat alle betrokke immigrante terstond verblyfreg gekry het. Hulle hoop dus dat dit hierdie slag weer gaan werk.

гипсовые фигуры на стенуФильчаков прокурор харькова

Skelm staatsamptenare moet geld teruggee

Image

Zola Skweyiya

Nagenoeg 6 000 staatsamptenare het reeds skulderkennnings geteken ten einde die R21 miljoen terug te betaal wat hulle die regering skuld. Hierdie geld is deur die amptenare gesteel in die vorm van welsynstoelaes wat hulle nie toekom nie.

Zola Skweyiya, minister van sosiale ontwikkeling, het gister in die parlement gesê hierdie geld sal oor ’n periode van vyf jaar terugbetaal moet word, teen 5,5% rente. 2 058 Staatsamptenare is reeds deur die hof skuldig bevind daaraan dat hulle toelaes geëis het waarop hulle nie geregtig was nie. Diegene wat verkies het om die geld aan die staat terug te gee, het ooreenkomste aangegaan en skulderkennnings geteken.

Die Demokratiese Alliansie het vroeër beswaar aangeteken toe dit bekend geword het dat die staat amptenare tot 30 jaar wou gee om die geld terug te betaal. Die reëling is toe deur die departement verander. Die grootste enkelbedrag wat tot dusver geskuld word, is R48 000 wat oor ’n periode van 59 maande deur ’n beampte in Kwazulu-Natal terugbetaal moet word. ’n Ander amptenaar in die Limpopo-provinsie het verkies om haar skuld in ’n lompsom van R25 000 terug te betaal. Dis nie bekend of sy dit al gedoen het nie.

Volgens Skweyiya is die Spesiale Ondersoekeenheid (ook bekend as die Kobras) tans besig met ’n ondersoek om vas te stel watter amptenare tot dusver by gebreke gebly het om hulle skuld te begin terug te betaal. Regstappe sal dan teen die betrokke individue gedoen word. Willie Hofmeyr, wat aan die hoof van die eenheid staan, meen dat die ondersoek uitgebrei moet word na mense wat nie noodwendig vir die staat werk nie. Tot 400 000 individue sal ondervra moet word. Die departement moes vanjaar ’n ekstra bedrag van 60 miljoen rand vir hierdie ondersoek opsy sit.

игрушки украинаДанильченко Юрий отзывы

Teken ons petisie teen die gebruik van ‘Tshwane’ ipv Pretoria

Teken ons petisie teen die gebruik van die naam Tshwane ipv Pretoria!

Sien ook die verwante Items:

‘Tshwane’: genoeg is genoeg!

ANC en sy SAUK wil Afrikaners uittart met ‘Tshwane’

Ope brief aan Mbeki oor ‘Tshwane’ 

печи для бани челябинсклобановский александр игоревич харьков

Polisie teiken boere pleks van misdadigers

Die Suid-Afrikaanse Polisie is besig om op te tree teen vrywillige plaaswagpatrollies in die Noord-Transvaal, waarskynlik omdat hulle onlangs die polisie se onvermoë of onwilligheid om enigiets aan die toestroming van onwettige Zimbabwiërs te doen, ontbloot het.

Eergister is ’n bakkie van die plaaswag wat by ’n plaashek geparkeer was, deur die polisie beboet nadat daar aanvanklike gedreig is om die insittendes te arresteer.
 
Image

Polisie skryf boete uit

 

Volgens mnr Gideon Meiring van TLU-veiligheid in die Soutpansbergomgewing, is  daar op 24 Julie ’n hoësigbaarheidsoefening van plaaswagte gehou as gevolg van die grenskrisis wat tans heers en waartydens duisende Zimbabwiërs daagliks die gebied binnekom. Tydens sulke oefeninge word Zimbawiërs gearresteer en aan die SAPD oorhandig.

In dié geval het die polisie egter twee en ’n halfuur geneem om onwettige Zimbabwiërs wat in hegtenis geneem is, noord van die Soutpansberg te kom afhaal. Terseldertyd het die SAPD egter suid van die berg ’n klopjag op plaaswagte uitgevoer, tot die ontsteltenis van een boer, mnr. Doors le Roux.

“Ek ervaar dit as kwaadwillig. Mnr. Mbeki het immers self onlangs gevra, ‘wat doen jý om misdaad te voorkom?’ Ons doen vrywillig patrollies omdat die staat nie sy grondwetlike plig om ons te beskerm, kan nakom nie. Nou word ons geteiken.”

Le Roux wou ook weet “van wanneer af die polisie verkeersboetes uitskryf. Boonop het ons voertuig nie eens gery nie. Hy was langs die hek geparkeer. Die polisie het ook aan die verkeerde kant van die pad geparkeer, met hul ligte in die rigting van die aankomende verkeer, iets wat self ’n verkeersoortreding verteenwoordig.”

Op die kaartjie van R300 wat hy ontvang het, word geen spesifieke oortreding aangedui nie. Daar is ’n bestaande ooreenkoms met die polisie dat plaaswagpatrollies van groen ligte gebruik mag maak, om juis verwarring met die polisie se blou ligte te voorkom.

Image

Nuwe oortreding: ‘n groen lig.

 

Volgens TLU-veiligheid “is daar al menigte gesprekke op hoëvlak gevoer tussen die regering en TLU-SA se nasionale voorsitter veiligheid, Gideon Meiring, met betrekking tot die gebruik van die groen ligte. Die boeregemeenskap voel en staan vas by die feit dat terwyl die regering onbevoeg bly om misdaad te bekamp en die golf van onwettige immigrante te stuit, is dit ons plig om in eie geledere ons gebiede te domineer en ons mense en eiendomme te beveilig en beskerm.”

In ’n verklaring het Meiring voorts gesê: “Tog wil dit voorkom asof daar ’n paar individue in die SAPD is, wat om persoonlike redes, die poging wil ondermyn. Dit wil voorkom asof sekere polisiemanne, wat betrokke was by misdadige aktiwiteite, deur die ‘groen polisie’ (soos die boere onder die bevolking bekend staan) gestuit is. Rondom misdaad word hul bewegingsvryheid en hul aktiwiteite ingeperk (ons begin domineer).

Tweedens, die onwettige immigrante is vir die polisie ’n bron van inkomste hetsy in voertuie, hetsy as voetgangers.”

In die hele Noord-Transvaalse gemeenskap heers daar tans groot ontsteltenis oor die polisie wat eerder wetsgehoorsame burgers teiken as misdadigers of indringers vanuit Zimbabwe. Sommige lede van die gemeenskap vergelyk selfs sulke optrede met dié van die Gestapo in Nazi-Duitsland of die optrede van die Zimbabwiese polisiediens tydens die plaasbesettings in daardie land.

справка отданильченко юрий брониславович прокурор

Sarkozy se besoek aan Tripoli

Image

Die borsspeld praat

Die Franse president, Nicolas Sarkozy, is Woensdag gul ontvang deur Libië se kleurryke leier, Ghadaffi. Dié besoek is moontlik gemaak nadat Libië belowe het om Bulgaarse verpleegsters wat alreeds agt jaar in aanhouding verkeer, vry te laat. Die kwessie van die verpleegsters wat betrokke sou wees by die besmetting van 426 kinders met die MIV-virus, was ‘n geskilpunt tussen Tripoli en die EU en is nou opgelos.

 
Die president het sy vrou Cécilia Sarkozy bedank vir haar moeite om die verpleegsters na Bulgarye te vergesel. Die EU-president, José Manuel Barroso, het selfs haar taak as "essensieel" beskryf in die vrylating. Maar die Franse koerante, Brussel en Berlyn was dit eens dat sy geen werklike rol gespeel het nie en die Straatsburgse koerant Dernières Nouvelles d’Alsace, het dit duidelik gestel dat Cécilia absoluut geen legitimiteit het nie en bloot vir publisiteit aangewend is.
 
In Berlyn is Cécilia se inmenging met frustrasie begroet. Bronne beweer dat sy ‘n delikate en komplekse ooreenkoms wat deur die Duitsers opgestel is byna laat sneuwel het. Die EU sou die kinderhospitaal opknap waar die verpleegsters gewerk het ten bedrae van 9,5 miljoen euro. Mev. Sarkozy het egter aan ‘n ander hospitaal ook geld belowe wat Tripoli laat besluit het dat hulle nog meer kan inoes as hulle nie dadelik toegewings maak nie.
 
Sarkozy het ontken dat Frankryk se aanbod om ‘n kernreaktor te bestudeer om seewater te ontsout, gelei het tot die vrylating van die verpleegpersoneel. Die president het egter aan die pers gesê dat hy nie die Libiese leier sou ontmoet het indien die Bulgare, wat intussen die doodstraf opgelê is, nie vrygelaat is nie.
 
Sekretaris-generaal van die presidensie, Claude Guéant, het aan joernaliste gesê dat drinkwater skaars is in Libië en daarom is die oogmerk van die ooreenkoms wat die twee lande onderteken het om seewater te ontsout dmv kernenergie. Minister van buitelandse sake, Bernard Kouchner, was ook teenwoordig toe die verstandhouding oor die aanwending van die siviele gebruik van kernkrag onderteken is.

Guéant het bygevoeg dat daar baie werk nog is om te doen oor die aangeleentheid en dat dit Franse ingenieurs ten minste drie weke sal neem om die besonderhede en implikasies van die onderneming te bestudeer. Dit is nietemin ‘n "sterk politieke sein dat lande wat die internasionale reëls oor kernenergie nakom, soos Libië, die toerusting wat nodig is […] kan bekom", het Guént gesê.

Sarkozy is na sy aankoms direk na die paleis van Bab Azizia, ‘n uitgebreide kompleks waar Ghadaffi graag tent opslaan as hy in Tripoli is. Die Franse president moes daarna die Libiese leier vergesel na ‘n gebou wat deur die Amerikaners in 1986 in puin gelê is. Ghadaffi was in wit en swart uitgevat met ‘n reusagtige borsspeld van die kontinent op sy uitrusting vasgespeld vir die geleentheid.
 

play free online games without downloading nowФільчаков прокурор

IVP gaan skoonheidskompetisie re

Image

Skoonhede gesoek

Dit gaan maar broekskeur om die jeug in politiek te laat belangstel, maar die IVP het ‘n blink plan bedink. Die jeugliga van die Inkatha Vryheidsparty het vandag aangekondig dat ‘n skoonheidkompetisie gereël gaan word in dié verband.

Die kompetisie sal oop wees vir alle lede tussen 16 en 25 jaar en sal in September in KwaZoeloe Natal afskop. Dit sal daarna na die res van die land se provinsies uitgebrei word en die finaal sal in 2008 plaasvind. Die IVP is ‘n Zoeloe etniese party waarvan die steun in die landelike ooste van die land gesetel is.

Die idee het gekom "omdat dit nodig is om die jeug te mobiliseer en hul deelname aan die verkiesingsproses te verhoog gegewe die enorme gebrek aan belangstelling in die poltiek en apatie van kiesers," lui die persverklaring.
 
Belangeloosheid word deur die lae aantal jeuginskrywings op die kieserslyste aangedui. Dit is daarom, meen die opstellers, dat jeugdiges nie deelneem aan die politieke proses nie, want hulle is nie ingeskryf nie.

In die plaaslike verkiesings verlede jaar het die IVP 37% in KwaZoeloe Natal behaal. Nasionaal doen die party egter heelwat swakker; in 2004 het hulle maar 7% van die stemme getrek.

декоративная штукатурка стен на кухнеЛобановский Харьков

Landdros gooi liewer dolosse

‘n Landdros in die siviele hof wat drie maande gelede sonder taal of tyding spoorloos verdwyn het, en wat dosyne belangrike sake laat ophoop het sonder om hulle af te handel, is steeds soek. Volgens die Cape Times ontvang die landdros egter nog sy salaris ten spyte daarvan dat hy nie van hom laat hoor nie.

Gerugte wil dit hê dat Themba Mathyolo dalk besluit het om homself as toordokter te bekwaam en dat hy daarom nie meer by die werk opdaag nie. Landdroskommissiesekretaris Danie Schoeman het pas aanbeveel dat Mathyolo geskors word sonder vergoeding totdat die saak opgeklaar word. Sy afwesigheid het die belastingbetaler reeds R125 000 uit die sak gejaag.

 
In die gange van die hof by North End, Port Elisabeth, gons dit oor die landdros se besluit om ‘n sangoma te word, maar niemand wou die gerug aan die pers bevestig nie. Schoeman het maar so onlangs as in Junie eers van die landdros se verdwyning uitgevind nadat dit by sy kantoor aangemeld is. Die Kommissie het verneem dat die landdros reeds op 28 Februarie sonder verlof of geldige rede weggebly het van die werk.

Alle pogings om hom te kontak en op te spoor was tot dusver vrugteloos. By die hof heers daar groot frustrasie oor die man se verdwyning omdat die oorvol hofrolle nog verder oorlaai is en nuwe sake nou ophoop. Regslui kon nie datums vir verskynings vir hierdie jaar bekom nie en wag ongeduldig op uitsprake wat nie gelewer is nie.

медсправка для гаи купитьФильчаков прокуратура харьков

Suid-Afrikaanse regter beskuldig media oor Zimbabwe

‘n Suid-Afrikaanse regter het die media daarvan beskuldig dat hulle valshede oor Zimbabwe versprei. Dié nuus is onlangs deur die Herald-koerant in Harare bekend gemaak.

Die berig wat op 27 Junie verskyn het, haal die regter aan waarin hy kla oor Suid-Afrikaanse koerante asook  ander gedrukte media se verslaggewing.

Regter Moses Mavundla is verbonde aan die Transvaalse Hooggeregshof in Pretoria. Hy het aan die Herald gesê dat "Zimbabwe ‘n pragtige land is."

Hy het ook bygevoeg: "Ons is verbaas oor die stories in Suid-Afrikaanse en ander koerante wat slegte dinge oor hierdie land [Zimbabwe] sê."

дома и банилобановский александр интервью

Meer vlugtelinge, meer geld

Image

Somaliese vlugtelingvrou

Die Verenigde Nasies se vlugtelingekommissie het gister ’n beroep op die wêreld gedoen om 48 miljoen dollar te skenk om Somaliese vlugtelinge mee te help. Daar is nou sowat 500 000 vlugtelinge wat hulle wonings in Somalië verlaat het om aan die geweld daar te ontkom. Sedert Februarie vanjaar word geraam dat 1 000 mense in die konflik dood is.

Verlede week alleen het amper 10 000 Somaliërs uit Mogadisjoe gevlug. Die vlugtelinge steek die grens oor na Kenia, Djiboeti, Ethiopië en Jemen. Die VN verwag dat die getal vlugtelinge hierdie jaar nog meer gaan styg. Moslem-ekstremiste veg tans teen regeringstroepe, wat deur Ethiopië gesteun word. Geweld in die Somaliese hoofstad het ironies genoeg dramaties toegeneem ná die aanvang van die nasionale versoeningskonferensie op 19 Julie.

Sowat 1 000 verteenwoordigers van verskillende faksies in Somalië vergader tans in Mogadisjoe om vrede in die land te probeer bewerkstellig. Die Moslem-rebelle is veral gekant teen die rol wat Ethiopië speel om die Somaliese regering te steun en verwys in hierdie verband na Ethiopië as “die Israel in Afrika.“ Op dié wyse poog hulle om plaaslike steun asook ondersteuning in die Midde-Ooste te werf. Volgens die Moslem-rebelle se jeugbeweging, moet elkeen wat die huidige versoeningskonferensie bywoon, besef dat “hy tot die dood veroordeel word.“ Sowat twaalf mortierbomme is dan ook al sedert 19 Julie op die konferensielokaal afgevuur.

slots loginлобановский александр игоревич