Nuus Archives - Page 1202 of 1583

Grondhervorming ‘n mislukking s? regering

Die Suid-Afrikaanse regering het duisende plase bekom sodat meer swartes kan plase hê, maar meer as die helfte van die plase het reeds misluk of is besig om te misluk volgens Minister Gugile Nkwinti in die parlement op 1 September.

Die regering wou 30 persent van landbou grond (24,6 miljoen hektaar) aan swart Suid-Afrikaners gee teen 2014, maar teen Junie 2009 was slegs sowat 6,7 persent (5,5 miljoen hektaar) uitgedeel en die meeste ontvangers van die grond sukkel om te oorleef.

Sowat 2 864 plase is reeds bekom. 29 persent van die projekte het misluk, en nog 22 persent gaan agteruit. 362 plase is totaal onproduktief, en nog 275 is ook byna onproduktief. Die grondhervormingsprogram het die belastingbetalers van Suid-Afrika sowat us$800 miljoen gekos.

Volgens Karen Kleinbooi by die Universiteit van die Weskaap, is die grootste probleem met die grondhervorming, dat daar geen visie vanaf die regering is oor wat hulle met die grondhervorming wil bereik nie.

воронеж аксессуары

Angola verwelkom SA se energiebetrokkenheid

Angola sal Suid-Afrika se privaatsektor se betrokkenheid in sy wankelende elektrisiteitsvoorsieningsnetwerk verwelkom, het die Angolese minister van energie Vieira Lopes Donderdag gesê.

Sy het in Kaapstad gepraat nadat sy haar Suid-Afrikaanse eweknie Dipuo Peters ontmoet het om 'n energie-ooreenkoms tussen die twee lande te finaliseer.

Lopes het gesê Angola, wat nie lank gelede nie nog in 'n burgeroorlog gewikkel was, moet van lande leer wat verder gevorder het op die pad van ontwikkeling.

Ander kwessies wat aandag moet geniet is die ontwikkeling van hernubare energie en 'n manier om die verspilde hitte van raffineringsvlamme aan te wend.

Angola het noemenswaardige potensiaal danksy sy hidroelektrise kapasiteit wat Suid-Afrika kan gebruik.

"In ruil kan Angola ondervinding sowel as hulp van Suid-Afrika ontvang waarby albei lande kan baat," het sy gesê.

'n Ooreenkoms om Angolese in Suid-Afrika op te lei is ook beklink.

Sy het Suid-Afrikaanse beleggers uitgenooi om veral in die energiesektor in Angola te belê.

Peters het op haar beurt gesê sy verwelkom die uitnodiging.

Suid-Afrika sal "breedweg" moet let op die veiligheid van kragvoorsiening vir die streek asook die kontinent.

Volgens die ooreenkoms sal 'n werkswinkel in Suid-Afrika gehou word wat deur die lande se energiedepartemente gereël sal word asook hulle kragvoorsieners. Hulle sal kyk na opwekking, transmissie en verspreiding.

Dit volg nadat 'n raamwerkooreenkoms deur die twee lande se presidente drie weke gelede onderteken is.

Peters het gesê dit is die begin om seker te maak dat die ooreenkoms in werking gestel word.

Kanada gaan asielbesluit teenstaan

Kanada se federale regering het Donderdag aangedui dat hulle die uitspraak van die Kanadese Immigrasieraad gaan betwis wat asiel aan 'n wit Suid-Afrikaner toegestaan het op grond van rassevervolging deur swartes.

Danielle Norris, woordvoerder vir die departement van burgerskap en immigrasie, sê regskenners is besig om die uitspraak te bestudeer en sal die uitspraak teenstaan in die Federale Hof.

Suid-Afrika het die Kanadese regering gevra om appèl aan te teken teen die besluit om Brandon Huntley as 'n vlugteling te aanvaar.

Huntley het aangevoer dat wittes deur swart kriminele geteiken word in Suid-Afrika uit weerwraak en dat die Suid-Afrikaanse regering niks doen om wit burgers te beskerm nie. Hy is self glo sewe keer aangeval.

Voorsitter van die Immigrasieraad William Davis, het gesê Huntley sal soos 'n "seer duim" uitstaan weens sy velkleur en bevind dat sy vrese vir vervolging geregverdig was op grond van die getuienis wat hy gvoorgelê het.

Die Immigrasie- en vlugtelingraad weier om kommentaar te lewer oor die uitspraak. Stephane Malepart, woordvoerder vir die raad, sê hy word verhoed om 'n mening te gee deur privaatheidsklousules.

Die raad is 'n onafhanklike tribunaal wat steeds binne bereik van die Kanadese regering opereer.

Norris sê 'n geregtelike oorsig deur die Federale Hof sal nie bykomende getuienis oor die feite van die saak wat handel oor die toestande in Suid-Afrika, aanhoor nie

Anesh Maistry, hoof van die politieke afdeling van die Suid-Afrikaanse hoëkommissaris in Kanada, sê die raad se besluit is verkeerd en weerspieël nie die werklikheid in Suid-Afrika nie. Die hoëkommissaris is 'n ambassade in Britse Gemenebeslande.

Maistry sê die raad het nooit Suid-Afrika se siening oor Huntley se beweringe gevra nie en het nie moeite gedoen om sy getuienis van herhaaldelike aanvalle te verifieer nie.

"Die besluit is verkeerd, dit is nie feitelik nie, dit verteenwoordig nie feite op die grond nie. Dit stel Suid-Afrika in 'n negatiewe lig en gee 'n wanvoorstelling van die werk wat die laaste 15 jaar gedoen is om 'n nie-rassige samelewing in die land te bou," het Maistry gesê.

Abraham Nkomo, Suid-Afrika se hoëkommissaris in Kanada, sê die vlugtelingraad is om die bos gelei in die saak en het bygevoeg dat dit 'n misdaadkwessie is en nie 'n rasaangeleentheid nie.

"Daar is nie vervolging teen die wit geeenskap in Suid-Afrika nie," het Nkomo aan die Kanadese uitsaaier CBC gesê. Hy het gesê misdaadteikens word gekies omdat hulle gerieflik is.

Nkomo het Kanadese amptenare ontmoet en sy verbasing oor Huntley se vlugtelingstatus teenoor hulle uitgespreek.

Deepak Obrai, Kanada se parlementêre sekretaris vir die minister van buitelandse sake en 'n konserwatiewe LUR in eerste minister Stephen Harper se regering, het sy ontsteltenis oor die raad se besluit in 'n verklaring te kenne gegee en gesê dit wys 'n ernstige gebrek aan oordeel.

"Om in Afrika groot te word en die vernietigende gevolge van apartheid te sien, in hierdie geval teen swartes en Indiërs, gaan dit my vertsand te bowe hoe 'n Kanadese instelling 'n besluit op grond van ras kan neem." Obrai is in Tanzanië gebore.

topcargo развод

BP ontdek ‘reuse’ olieveld

BP het Woensdag bekend gemaak dat hulle 'n "reuse" olieveld in die Golf van Meksiko ontdek het, maar het nog nie die grootte en kommersiële potensiaal daarvan gepeil nie.

Die olieput in die Keathley Canyon-blok sowat 400 km suidoos van Houston, is in 1 259 meter water, sê die Britse maatskappy.

Die Tiberput is 10 685 meter diep wat dit die diepste put maak wat ooit in die gas- en oliebedryf geboor is, sê BP.

BP het 'n 62 persent aandeel in Tiber, Petrobras 20% en ConocoPhillips het 18%.

BP-aandele het met 1,.9 persent op die Londense Aandelebeurs gestyg.

free online slot

Nou val Jonathan Jansen die Christene aan

Jansen… skriflesing en gebed gee aanstoot

Nadat die nuwe kleurlingrektor van die Vrystaatse Universiteit, Jonathan Jansen, in die openbaar verklaar het dat hy "kak oor kultuurverskille" wil hoor nie en ook nie meer enkelmedium-Afrikaanse klasse gaan duld nie, het tans hy skriflesing en gebed in sy visier.

Jansen wil 'n multigeloofkultuur op die kampus invoer. In 'n omsendbrief wat vandeesweek onder personeel versprei is en op die universiteit se intranet besigtig kan word, sê Jansen: "Ons is nie 'n privaat godsdienstige universiteit nie en kan gevolglik nie 'n plek wees wat Christengebruike by vergaderings van 'n openbare universiteit handhaaf nie. Verder, in die dae en jare vorentoe, gaan al hoe meer personeel en studente van 'n wye omvang van geloofstelsels kom, en 'n openbare universiteit behoort nie slegs een sodanige uitdrukking van geloof te onderskryf nie."

Jansen meen ook dat die Christelik geloof "grootmoedig in die aanvaarding van ander gelowe behoort te wees, en dat die gebruik van 'n universiteitsverhoog om 'n mens se geloof uit te druk en te bevorder die Christelike geloof 'n onguns bewys".

Die nuwe rektor se volgehoue veldtog om die Universiteit van die Vrystaat van sy voorheen Afrikaanse en Christelike karakter te ontneem, sluit ook die verandering van koshuis- en ander tradisies in, wat in 'n vorige omsendbrief aan personeel ter sprake gekom het.

Hier volg albei omsendbriewe:

Maandag Bulletin, 31 Augustus 2009

Een van die mees sensitiewe vraagstukke wat 'n openbare universiteit in Suid-Afrika in die gesig staar, is of ons amptelike universiteitsvergaderings met Christelike skriflesing en gebed behoort te open. Aangesien baie persone op ons kampus Christengelowiges is, is dit natuurlik moeilik om sonder heelwat emosie en kommer onder personeel en studente so 'n gesprek aan die gang te sit.

Party sal redeneer dat 'n universiteit 'n plek is wat los van 'n spesifieke geloof of geloofstelsel staan, aangesien die universiteit presies dit is – 'n universiteit, wat gevolglik nie slegs die reg en vryheid van alle gelowe onderskryf nie, maar ook aanvaar – Christen, Moslem, Hindoe, Joods – om op die kampus geakkommodeer te word, insluitend almal wat die keuse uitoefen om nie te glo nie.

Met hierdie in gedagte, moet ons die volgende onthou: ons is nie 'n privaat godsdienstige universiteit nie en kan gevolglik nie 'n plek wees wat Christengebruike by vergaderings van 'n openbare universiteit handhaaf nie. Verder, in die dae en jare vorentoe, gaan al hoe meer personeel en studente van 'n wye omvang van geloofstelsels kom, en 'n openbare universiteit behoort nie slegs een sodanige uitdrukking van geloof te onderskryf nie.

Daar bestaan ook die standpunt dat die Christengeloof (en enige ander geloof) grootmoedig in die aanvaarding van ander gelowe behoort te wees, en dat die gebruik van 'n universiteitsverhoog om 'n mens se geloof uit te druk en te bevorder die Christelike geloof 'n onguns bewys.

So hier is my vraag: Wat dink jy behoort ons te doen?

Maandag Bulletin, 24 Augustus 2009

Een van die algemeenste bekommernisse wat tydens baie van my vergaderings in die koshuise sowel as die inloop-vergaderings elke oggend in my kantoor deur studente gelug word, is die vraag oor tradisies. Studente is bekommerd dat dekade-oue tradisies mag verdwyn as gevolg van die veranderinge wat ons vir ons kampus en die koshuise beplan. Waar staan die Rektor in terme van tradisies, word ek dikwels gevra?

Ek hou van tradisies. Tradisies bind ons saam as 'n universiteitsgemeenskap en laat positiewe gedagtes en goeie herinneringe in ons geheue oor ons tyd by die universiteit. Tradisies onderskei ons van ander instellings en gee blywende betekenis aan kampuslewe.

Maar nie al ons tradisies is opbouend en eerbiedig teenoor ander studente en personeel nie. Tradisies wat ander verneder, of aandring op verskillende reëls vir een groep mense bo 'n ander is nie van pas in 'n menseregtekultuur nie. Ons eerstejaarstudente moet met respek en opbouend as mense en as nuwelinge by ons universiteit behandel word. Ons gedrag moet verder erken dat tradisies wat vir een groep studente betekenis het, of 20 jaar van pas was, nie vandag dieselfde betekenis vir ons baie diverse groep studente mag hê nie.

Ons moet ons beste tradisies behou, ons slegte tradisies verwerp en nuwe tradisies bou.

So, hier is my vraag: watter tradisies moet behou word, watter tradisies moet afgeskaf word, en watter nuwe tradisies moet oorweeg word?

Praat met my.

99spravok.ru

Djehad is ‘n onskadelike naam, s? Duitse hof

'n Hof in Berlyn, Duitsland, het 'n aansoek van ouers wat hulle seun Djehad wil noem, 'n variasie van die Arabiese woord "jihad" wat "heilige oorlog" beteken, aanvaar en in hulle guns beslis.

Die hoërhof het twee laerhofuitsprake wat die naam aanvaar as 'n algemene naam vir seuns in Arabiese lande, ondersteun.

Die Duitse owerhede wat name registreer het beswaar gemaak teen die naam, omdat dit volgens hulle skadelik vir die kind mag wees vanweë die assosiasie met Moslemterreur.

Maar die hof het Dinsdag beslis dat die naam verwys na die Moslemvereiste dat die geloof uitgebrei moet word, alhoewel dit sedert September 2001 met aanvalle deur radikale Moslems in verband gebring word.

Onder Duitse wetgewing mag ouers nie name aan hulle kinders gee wat as skadelik geïnterpreteer mag word nie.

zoom отбеливание зубов

Obama se Afghanistan-konsensus gaan vou

Net weke voor President Barack Obama se verwagte skuif om nog troepe na Afghanistan te stuur, is die konsensus in Washington besig om uitmekaar te spat en spoke van 'n nuwe Viëtnam op te jaag.

'n Groeiende aantal kenners twyfel of die oorlog gewen kan word, terwyl Obama wat alreeds 21 000 bykomende versterkings gestuur het, dit oorweeg om verdere troepe te stuur met sy strategiese oorsig.

Obama het die stryd in Afghanistan as die enigste sinvolle stryd teen terreur voorgestel tydens sy verkiesingsveldtog en as president het hy dit onlangs beskryf as "'n oorlog van noodsaak".

Sy administrasie het in Maart die doelwitte van die oorlog geherdefinieer, en besluit om op Al-Kaidavegters en ondersteuners te fokus asook om harder militêr teen insurgente op te tree.

Op die grond is die situasie egter besig om te versleg en Augustus was die dodelikste maand nog vir die VSA sedert die oorlog in Oktober 2001 begin het.

Stafadmiraal Michael Mullen het aan die NBC-televisiestasie in Augustus hierdie jaar laat blyk dat hulle 'n hele nuwe strategie bedink het en nou oorbegin. Mulle sê die "kultuur van armoede" moet beveg word omdat dit die Taliban bevoordeel..

Maar 'n konserwatiewe rubriekskrywer in die Washington Post, George Will, sê "dit het 'n paar dekades geneem om net 'n paar vierkante myl in die Suid-Bronx" se armoede te beveg. Hy het 'n beroep gedoen op die VSA om dadelik "uit te kom" uit Afghanistan.

Wesley Clark, die vorige bevelvoerder van NAVO en afgetrede generaal, is ook besonder ontstig oor die rigting waarin die konflik neig. "Die ooreenkomste met Viëtnam is uiters kommerwekkend," skryf hy in die New York Daily News.

Hy sê die insurgensie word van buite die land se grense gedryf net soos in Viëtnam en dat veilige hawens buite Afghanistan se grense die VSA se pogings gaan fnuik. "Breër politiek-strategiese kwessies weeg teen die militêre uitbreiding en voorspel verdere konflik oor die gebied."

Michael O'Hanlon, wat Obma se nuwe offensiewe strategie ondersteun, sê net 200 tot 300 Amerikaners sterf in Afghanistan per jaar, terwyl 5 000 per jaar in Viëtnam die lewe gelaat het.

Clark sê egter indien die sterftesyfer bly klim, gaan Amerikaners beslis teen die oorlog draai. Tans is reeds ses uit tien Amerikaners teen die oorlog gekant volgens 'n CNN/Opinion Research Corporation-opname.

Obama staar 'n opdraende stryd in die gesig want in die Kongres is selfs Demokrate besig om hulle bedenkingete lug.

Фільчаков прокурор

Mugabe laat 1 500 gevangenes vry, weens gebrek aan kos en water

Robert Mugabe, het nie meer kos en water vir sy gevangenes

President Robert Mugabe het 1 500 gevangenes kwytgeskeld, wat meer as 10 persent van die land se tronkbevolking verteenwoordig, aangesien Zimbabwe hulle nie langer van voedsel en water kan voorsien nie, het 'n beampte Woensdag gesê.

Mugabe het amnestie aan 1 544 gevangenes verleen, meesal vroue en jongmense, asook mense met terminale siektes, het die permanente sekretaris in die ministerie van justisie, David Mangota, gesê.

"Die Zimbabwe-gevangenisdiens staar uitdagings in die gesig… sover dit die voorsiening van gevangenes se rantsoene, klere en beddegoed betref, asook toiletware en vervoer, onder andere," het Mangota aan die amptelike New Ziana-nuusagentskap gesê.

Mense wat aan oortredings soos moord, verkragting en sameswering teen die regering skuldig bevind is, kwalifiseer nie vir die amnestie nie, het Mangota gesê.

In Junie het die regering die Internasionale federasie van die Rooikruis toegelaat om komberse, kos, medisyne en ander voorrade aan die tronke te lewer.

Amnestie Internasionaal sê dat bykans 1 000 van Zimbabwe se 12 900 gevangenes in die eerste ses maande van die jaar gesterf het in tronke wat oorvol en smerig is.

Die Khami-maksimumsekuriteitsgevangenis in Bulawayo se watertoevoer is verlede maand afgesny as gevolg van onbetaalde waterrekenings.

Haglike tronktoestande het die selle in 'n teelaarde vir cholera, diarree en tuberkulose omskep, wat die reeds hoë MIV-besmettingskoers in die land vererger. In Zimbabwe het 15,6 persent van volwassenes die virus wat Vigs onder lede.

для хамама Лобановский Харьков

Kriegler gaan Hlope nie los

Voormalige Grondwethofregter, Johann Kriegler, sal binnekort aankondig dat hy die besluit om klagtes van wangedrag teen die Kaapse regterpresident John Hlophe te laat vaar, gaan teenstaan.

Sy woordvoerder Niall Gahan het Woensdag gesê daar sal Donderdag tydens 'n mediainligtingsessie verdere besonderhede bekend gemaak word

Kriegler gaan dmv die nie-regeringsliggaam, Freedom Under Law (FUL), waarvan hy die voorsitter is, die saak aanhangig maak.

Die liggaam is in Januarie opgerig en in Suid-Afrika asook Switserland geregistreer. Hulle beywer hulle vir wettige demokrasie "en om begrip en respek vir 'n regstaat uit te bou en beginsel van wettigheid".

Die Geregtelike Dienstekommissie, GDK, het verlede week aangekondig dat hulle besluit het om nie die beweringe dat Hlope Grondwethofregters oor Jacob Zuma wou beïnvloed, verder gaan ondersoek nie.

Die depratement van justisie in die Kaap het Woensdag gesê Hlope sal Maandag na sy pos terugkeer nadat hy is Mei 2008 op spesiale verlof geplaas is.

Die GDK het Hlope gekritiseer omdat hy Zuma se korrupsiesaak met Grondwethofregters Bess Nkabinde en Chris Jafta bespreek het, maar kon geen getuienis vind dat hy hulle probeer beïnvloed het nie.

Opposisiepartye het die besluit verwerp.

Kriegler het Hlope tydens 'n openbare rede verlede maand beskryf as "die manifestasie van die probleem" en gewaarsku dat geregtelike onafhanklikheid nie geoffer moet word by die "altaar van transformasie" nie.

Ander lede van FUL sluit in Elize Angula, van LorentzAngula Incorporated, vorige dekaan van regte by die universiteit van Kaapstad, Professor Hugh Corder, Ezra Davids, 'n vennoot by Bowman Gilfillan en Jeremy Gauntlett , senoir advokaat en mede-voorsitter van IBA se Forum for Barristers and Advocates.

Die internasionale raadgewende liggaam sluit Sir Sydney Kentridge, lid Nelson Mandela se regspan in 1961, Cyril Ramaphosa, Dr Mamphela Ramphele, senior advokaat Soli Sorabjee en Desmond Tutu in.

прокурор Фильчаков

Nog ‘n wit boer se huis afgebrand

Mike Campbell, 76, boer van Mount Carmel, wes van Harare, se huis is gister deur plaasbesetters afgebrand. Sy skoonseun, Ben Freeth, se huis is Saterdag op dieselfde plaas afgebrand.

Campbell en Freeth het verlede jaar namens 77 wit Zimbabwiese boere ’n saak by die tribunaal van die Suider-Afrikaanse Ontwikkelingsgemeenskap, SAOG, in Windhoek aanhangig gemaak.

Die boere het die saak gewen en die tribunaal het gelas dat wit boere vergoed moet word vir hul grond asook dat boere wat nog nie hul plase verlaat het nie, toegelaat moet word om te boer sonder inmenging van die staat.

Die SAOG-tribunaal het sy beslissing weer in 2009 herbevestig, maar aan die uitspraak word nie deur die nuwe eenheidsregering gehoor gegee nie. Hulle bly afsydig en onwillig om op te tree teen die besetters.

Die soveelste wit boer se huis is in puin gelê op die dag dat die SAOG-ministersberaad in Kinshasa begin.

освещение лестницы в Данильченео