Nuus Archives - Page 1479 of 1583

6 jeugdiges is in Khutsong in hegtenis geneem

Ses jeugdiges is in hegtenis geneem na betogings teen ‘n uitspraak van die Grondwethof wat geweier het om die munisipaliteit weer by die Gautengprovinsie in te lyf, het die polisie vandag gesê.

Superintendent Louis Jacobs het gesê die ses mense, wat almal onder die ouderdom van 18 is, is gistermiddag in hegtenis geneem op klagtes van aanhitsing tot openbare geweld.

Daar was sporadiese voorvalle waartydens paaie met vullis versper is, motorbande aan die brand gesteek is en die polisie met klippe bestook is.

Die Grondwethof het Vrydag geweier om ‘n aansoek deur Khutsong-inwoners toe te staan wat ‘n regeringsbesluit ongedaan sou maak om hul oorgrensmunisipaliteit by die Noordwesprovinsie in te sluit.

Inwoners wou eerder deel van Gauteng wees wat gesien word as die ryker provinsie met ‘n beter diensleweringsrekord.

поильник купить

Alec Erwin moet die korrelbedreaktor regverdig

Alec Erwin moet die gebruik van buitengewoon eksperimentele tegnologie regverdig, het die DA gister gesê.

Die opposisieparty het sy kommer uitgespreek oor die koste van die regering se voorgenome Korrelbed- modulêre reaktor.

Die party se woordvoerder Manie van Dyk het gesê dat Suid-Afrikaanse belastingbetalers die koste van sulke eksperimentele tegnologie moet dra.

Volgens onlangse ramings, sal die reaktor R20 miljard kos en is dit ontwerp om 165 megawatt elekrisiteit te produseer.

Vergeleke met ‘n R80 miljard-steenkoolkragstasie wat 4 000 megawatt elektrisiteit lewer, is die nuwe tegnologie baie duur.

Professor Steve Thomas van die Universiteit van Greenwich het die korrelbed ‘n radikaal nuwe ontwerp genoem wat nog nêrens voorheen suksesvol gebou is nie.

how to beat

Klimaatsverandering veroorsaak konflik

Die hoof van die Verenigde Nasies se vlugtelingagentskap het gister gesê dat klimaatsverandering veroorsaak dat groot getalle mense uit hul huise gedwing word.

Die aantal burgerlikes wat deur konflik ontwortel word, is besig om te styg. In 2007 het die totaal met meer as drie miljoen gestyg.

Hierdie syfers sluit nie diegene in wat deur natuurrampe of as gevolg van armoede ontwortel word nie. Dit toon slegs die aantal mense wat van konflikte af wegvlug, wat gevegte oor toenemend skaars hulpbronne soos water mag insluit.

Die agentskap het gesê dat die internasionale gemeenskap om allerlei redes gekonfronteer gaan word met ‘n versnelde aantal mense wat rondbeweeg.

Soos wat klimaatsverandering, ‘n globale ekonomiese verlangsaming, konflik en vervolging mekaar stimuleer, gaan dit toenemend moeilik wees om diegene wat op vlug is te kategoriseer.

Afrika maak op selfone staat vir bankwese

In die ontwikkelende wêreld wag mense vir die koms van selfoonbankwese of m-bankwese, om te vergoed vir die volslae gebrek aan takke in landelike gebiede

Vele inwoners van Afrika wat in landelike gebiede bly, moet staat maak op geld wat hulle familie van dorpe en stede terugbring.

Slegs enkele persent van Afrika se bevolking van 950 miljoen het ‘n bankrekening, maar die dramatiese groei in selfone in Afrika het die potensiaal om die Afrika-ekonomie te transformeer.

Daar is nou etlike duisende kere soveel telefone soos kontantoutomate en Orange Money, M-Pesa, Monitise en Wizzit is maar enkele van die maatskappye wat tans die winsgewende selfoonbankmark op die vasteland verken.

сайт детской одежды

Twee ANC-lede deel buit van R1 miljard-kontrak

Volgens die Mail & Guardian, is die voorsitter van die ANC se beleggingsmaatskappy Chancellor House, Taole Mokoene en Thutukile Skweyiya, die vrou van Zola Skweyiya, die vernaamste aandeelhouers in ‘n maatskappy waaraan ‘n kontrak van R1 miljard toegeken is om transformators aan Eskom te verskaf. Die twee sal die buit verdeel van ‘n sewejaarkontrak met Continental Africa Power Supplies.

Dié nuus kom op dieselfde tydstip dat Suid-Afrikaners ‘n netelige elekrisiteitskrisis moet trotseer. Continental Africa Power Supplies word 60% deur Mokoena en Skweyiya beheer.

Frankryk kan nie meer sy weermag bekostig nie

Nicolas Sarkozy beplan om na die NAVO-beheer terug te keer en sal aansienlike inkortings van militêre en burgerlike verdedigingspersoneel vandag aankondig.

Frankryk het die grootste weermag van die Europese Unie, maar gaan voortaan nader aan die Verenigde State beweeg. Die nuwe Franse verdedigingsbeleid halveer feitlik die aantal troepe wat gevegsgereed is van 50 000 tot 30 000 en beoog die sluiting van vier van Frankryk se permanente basisse in Afrika.

Die fondse vir militêre satelliete gaan egter verdubbel word, aangesien daar nou ‘n sterker klem op inligting geplaas gaan word.
‘n Nuwe staatsveiligheidsraad sal by die Elysee-paleis ingestel word en Bernard Bajolet is aangewys as die nasionale inligtingskoördineerder.

‘n Wetsontwerp oor die saak sal binnekort aan die parlement voorgelê word.

www slots games Лобановский Харьков

Jeug sal vir Zuma se onthalwe moor

Die leier van die ANC-jeugliga, Julius Malema, sê dat die jeug van Suid-Afrika bereid is om te sterf ter ondersteuning van Jacob Zuma. Hy het gesê hulle is bereid om die wapen op te neem en dood te maak vir Zuma. Die toespraak is tydens 'n Jeugdagsaamtrek by Taba Nchu gehou.

Malema het voorts gesê dat daar geen kwessie is oor die feit dat Zuma die land se volgende president gaan wees nie en het die vergadering gewaarsku dat diegene wat nie hiermee saamstem nie die party moet verlaat.

Die skare het vir hom hande geklap en gelag toe hy klaar was.

купить

Prys van ru-olie daal na nuwe rekord gister

Die prys van ru-olie het gister tot 'n historiese rekord van $140 per vat gestyg maar het vandag in die Verre Ooste gedaal te midde van onsekerheid oor 'n belofte van Saoedi-Arabië om produksie op te stoot, sê handelaars.

In oggendverhandeling gister in New York het die hooftermynkontrak, ligte soet ru-olie vir lewering in Julie, 14 sent gedaal tot 134,47 dollar per vat. Dit het voorheen 'n rekordvlak van $139,89 behaal.

Londen se Brent-Noordsee-ru-olie vir lewering in Augustus het 11 sent gedaal tot $134,60, nadat dit gister op $134,71 gesluit het. Die kontrak het vroeër 'n rekord van $139,32 behaal.

Spekulasie op die mark is geweldig net voor Saoedi-Arabië se buitengewone spitsberaad vir olieproduserende en –verbruikende lande wat Sondag in Jedda gehou sal word om die hoë oliepryse te bespreek.

печи

Skollie-rap beeld Brittanje se nasionale identiteit uit

'n Hip-hop-groep wat bekend staan as ZooNation sal Brittanje en Londen se nasionale identiteit uitbeeld tydens die sluitingseremonie van die Olimpiese spele in Beijing. Die volgende gasheerstad vir Spele kry gewoonlik agt minute om 'n konsert gedurende die sluitingseremonie aan te bied.

Brittanje se poging op die 24ste Augustus sal kunstenaars van ZooNation, 'n stedelike dansgroep, vertoon. Die groep het bekendheid verwerf vir 'n musiekblyspel in die Weseinde wat skollie-rap, asook 'n koppelaar vir prostitute wat deeltyds met dwelms smous, bevat.

Die keuse het sommige kommentators teleurgestel wat meen dat hip-hop onlosmaaklik met die VSA verbind word en nie die Verenigde Koninkryk verteenwoordig nie.

Ander soos Alistair Spalding van Sadler's Wells-dansteater, het gesê dat dit 'n positiewe keuse is en 'n aspek van Londen weerspieël waaraan die meeste mense nie dink nie – 'n multikulturele stad met 'n lewendige jeugkultuur.

free bet without

Ontvoer vir was en stryk

'n Italiaanse man is gearresteer op 'n klag dat hy sy vorige meisie vanuit 'n kroeg ontvoer het, haar huis toe geneem en gedwing het om sy klere te stryk en die skottelgoed te was, het die polisie gister gesê.

Die 43-jarige man het die vrou uit 'n kroeg in die hawestad Genoa gesleep, haar in 'n motor gedwing en haar na sy huis toe geneem waar hy haar laat stryk en skottelgoed was het terwyl sy gedreig is.

Die polisie het op die toneel opgedaag nadat die man deur 'n vriendin van die vrou aan die polisie verklap is. Sy het die toneel in die kroeg raakgesien.

Die man, wat woedend was omdat sy vorige meisie hom verlaat het, is op 'n klag van ontvoering in hegtenis geneem, het die polisie gesê.

Фільчаков прокурор