Nuus Archives - Page 1383 of 1583

Obama reg vir groot oorwinning

Barack Obama blyk om op pad te wees na ‘n groot oorwinning oor John McCain. Daar is toenemende konsensus onder Demokratiese en Republikeinse voorspellers oor die saak.

Tot op hede het geen kandidaat met so groot voorsprong so laat in die verkiesingstryd ‘n presidensiële verkiesing verloor nie.

Selfs Republikeinse analiste was Woensdag pessimisties oor McCain se kanse om die stryd te kan omkeer.

Analiste het Woensdag voorspel dat Barack Obama meer as 350 stemme kan kry, heelwat meer as die 270 wat nodig is om in die Withuis te kan land. Die syfer is omtrent gelyk aan wat Bill Clinton is 1992 en 1996 behaal het.

Daarmee saam is daar ook ‘n duidelike verhoging in vroeë stemme in deelstate soos Florida en Ohio, wat kan help om Obama te insuleer teen ‘n vernouing in die getalle in die laaste paar dae.

Dinge lyk selfs nog slegter vir McCain in die groot arena, met Obama wa duidelik voorloop in Pennsilvanië, New Hampshire, Colorado, Virginië, Minnesota en Wisconsin.

In Florida, Noord Carolina en Nevada is daar met die vroeë stemme tot dusver twee demokratiese ondersteuners geregistreer vir elke een Republikeinse ondersteuner.

free slot play online депутат лобановский

Ysland voel nou ekonomiese krisis

Ysland se ekonomiese krisis dreig nou om heelwat immigrante-arbeiders, meeste van hulle van Pole af, terug te laat gaan na hul tuistes. ‘n Aksie wat die eiland se ekonomie verder kan skade doen, het Ray Furlong van die BBC gesê.

Flateyri is net ‘n handjie vol huise en pakhuise wat naby ‘n fjord geplaas is. Op ‘n mooiweersdag skitter die son op die water en is sneeu sigbaar op die berge om die plekkie.

Dit is ver verwyderd van die finansiële krisis in die hoofstad, Reykjavik, maar die storm kan binnekort ook oorspoel na die klein plekkies toe.

Die enigste aktiwiteit in Flateyri, buiten die klein kroeg is die visverwerkingsaanlegte, waar werkers van Pole, Filippyne en Thailand vis verpak, reg om gevries te word.

Dieselfde storie het hom al in hoeveel klein, afgesonderde vissersdorpies afgespeel.

Die jongmense het die plekkies verlaat vir opleiding en werk in Reykjavik, wat die bevolking laat afneem het, tot die neiging die laaste par jaar geswaai het met die invloei van immigrantewerkers, meestal van Pole af. Die probleem is dat die ekonomiese krisis die werkers weer kan laat terugkeer na hul tuislande.

Inflasie was op 14% voor die finansiële krisis, maar die ontstuimige markte het die land se geldeenheid, die Yslandse Kroon op een dag tot 30% van sy waarde laat verloor.

Yslanders het gemengde gevoelens oor die immigrantewerkers, aangesien die land nie veel immigrante gekry het nie.

In verlede jaar se verkiesing het ‘n klein opposisie party, die Liberale, plekke in die parlement gekry deur steun toe te sê aan die vermindering van immigrante.

Magnus Thor Hafsteinsson, een van die LP’s van die party sien die huidige krisis as ‘n bedekte seëning.

Hy het gesê dat die saak van integrasie belangrik is vir die Yslanders, aangesien hulle ‘n klein volkie is.

“Ons is net 300 000 mense wat die taal praat, wat nêrens anders gepraat word nie. Dit is baie belangrik dat ons ons geskiedenis bewaar, ons agtergrond, en ons taal. Dit is dinge wat van ons ‘n volk maak” het hy verder gesê.

In reaksie op die krisis het Ysland ‘n perk geplaas op die hoeveelheid geld wat uit die land geneem kan word. Poolse werkers, was nie in staat was om geld huis toe te stuur nie, wat die hoofsaaklike rede is dat hulle daar is. Die feit dat geld nie meer uit die land gestuur kan word nie, kan die doodsklokke inlui vir besigheidsmense en die klein gemeenskappe wat hulle ondersteun.

светильники Фильчаков

Straatnaamkwessie ‘n krisis, s? VF Plus

“Die ANC se roekelose hantering van die straatnaamkwessie in Pretoria het nou krisisafmetings aangeneem en verg nou dringend ingryping.”

Dit was die reaksie van die VF Plus se LP en voorsitter in die Groter-Pretoria streek, Willie Spies, op die geweld wat gisteraand in die Pretoria-Noord stadsaal uitgebreek het tussen strydende faksies oor die naamkwessie.

Die geweld het uitgebreek toe 'n swart inwoner 'n wit inwoner, volgens berigte van agter met 'n stoel geslaan het. Tydens die daaropvolgende hewige argumente is 'n wit inwoner gearresteer, terwyl die persoon wat die aanval met die stoel geloods het nie eens aangespreek is nie – hy is trouens later weer deur die organiseerders van die vergadering na die verrigtinge teruggenooi.

Spies het gesê die saak moet nou uit die hande van die plaaslike ANC geneem word omdat die ernstige spanning wat deur hulle aksies geskep word, 'n landswye impak kan hê. Die party het gesê dat hy sy voorbereiding van regsaksie teen die stadsraad gaan versnel om die proses so gou moontlik onwettig te laat verklaar deur die howe.

аксессуары для бани Фильчаков

Verkiesingsveldtog in Nieu-Seeland ‘rassisties’

Lede van ‘n minderheidsgroep van die Nieu-Seelandse regering het ‘n senior regeringsamptenaar van rassisme beskuldig nadat hy neerhalende opmerkings oor Asiese en Stille-Oseaan migrantewerkers gemaak het gedurende ‘n verkiesingsveldtog.

Die National Party se Lockwood Smith, wat wwarskynlik die minister van Immigrasie sal word as sy party die verkiesing op 8 November sou wen, het gesê dat werkers van Stille-Oseaan eilande leiding nodig het om toilette, storte en wasmasjiene te gebruik, en dat die kleiner hande van die Asiërs hulle nuttig gemaak het om druiwe te snoei.

Die Marlborough Express het Woensdag berig dat Smith die opmerkings gemaak het terwyl hy in die wynproduserende Marlborough gebied gepraat het, waar baie seisoenswerkers van Asië en die Stille-Oseaan teenwoordig is.

Smith is soos volg aangehaal, “Asiërs is beter om die wingerder te snoei, aangesien hulle kleiner hande het, en sommige werkgewers van die Stille-Oseaan eilandbewoners moet aan die werkers leiding verskaf om ‘n toilet, stort en wasmasjien te gebruik”

Tarania Turia, ‘n leier van die minderheids-Maori party wat Nieu-Seeland se inheemse minderheid verteenwoordig, het die opmerkings as rassisties en beledigend beskryf. Maori’s is van Polinesiese afkoms en voel ‘n sterk samehorigheid met die suid-Stille-Oseaan eilandbewoners.

Turia het gesê dit is skandelik dat ‘n senior persoon in die National Party sulke sieninge handhaaf.

Winston Peters, die leier van Nieu-Seeland se First Party, het ook gesê dat die nasionaliste se rasseondertoon duidelik is wanneer immigrasie ter sprake is.

Smith het gesê dat hy eenvoudig die wynprodusente se mening oorgedra het en het sy spyt uitgespreek dat die kommentaar so uit verband uit geruk is.

“Ek kan sien dat die kommentaar wat ek gelewer het dalk mense kwaad gemaak het. Ek is werklik jammer daaroor, aangesien dit nie my bedoeling was nie,” het hy in ‘n kort verklaring gesê.

Die woordewisseling is ‘n onwelkome saak vir die nasionaliste, wat probeer het om stemme te wen onder die Asiese- en Stille-Oseaan eilandbewoners in die laaste paar maande, in ‘n poging om die regerende Arbeiders party te stuit.

John Key, leier van die National Party, het gesê dat die opmerkings as aanstootlik beskou kan word, maar dat Smith se verklaring waarin hy spyt daaroor uitgespreek het daarna, heeltemal toepaslik en billik was.

Eerste minister, Helen Clark het gesê dat Smith “verskriklike en ontoepaslike” dinge gesê het.

Winston Peters se geloofwaardigheid oor die onderwerp is deur sy eie woorde verlede week, ondermyn toe hy gesê het dat Sjinese werkers die poste van Nieu-Seelanders bedreig, en dat immigrante na werk getrek word soos motte na ‘n neonlig.

wedding jewellery

Boer gesodomiseer in tronksel

’n Wildboer van Vryheid is in ’n tronksel gesodomiseer terwyl sy medegevangenes gesing het, moes die Pietermaritzburgse hooggeregshof gister hoor. Hulle het vermoedelik gesing om die slagoffer se gille uit te doof, het regter Nic van der Reyden gesê.

Mnr. Ettienne van Wyk eis R1,2 miljoen van die minister van Veiligheid en Sekuriteit nadat hy en sy bestuurder, mnr. Zacharia Duvenhage, in die Hlobane-polisieselle aangehou is. Die minister staan die eis teen.

Hulle is gearresteer omdat hulle glo Van Wyk se diere sonder ’n lisensie vervoer het. Duvenhage is nie gesodomiseer nie, maar blybaar wel aangerand, en hy eis R350 000. Adv. Gerrie Roberts SC, namens die applikante, het gesê die stasiebevelvoerder het geslaap tydens die voorval en het nie van Van Wyk se gille gehoor nie.

Die twee mans is aanvanklik in ’n aparte sel aangehou, maar is geskuif na ’n ander sel met 14 verdagtes toe drie vroue na hul sel geskuif is.

Hulle voer aan dat hulle na ’n ander sel, soos die landdroshofselle of ’n ander polisiestasie, geskuif kon word om die voorval te verhinder.

Die 14 ander mans was almal verdagtes in ernstige misdade soos moord, verkragting en brandstigting. Dr. Senta Klingenberg, distriksgeneesheer van Vryheid, het getuig Van Wyk is verskeie kere gepenetreer. Sy het ook gesê Duvenhage het twee kneusplekke op sy kop en rug gehad. Roberts het getuig Van Wyk is omstreeks 03:00 deur een of meer mans gesodomiseer.

Van Wyk kon later sy vrou bel om die ondersoekbeampte in die saak te kontak. Die ondersoekbeampte het na die polisiestasie gery, maar die hek was gesluit en hy het oor die hek geklim om by die aanklagkantoor te kom waar hy die bevelvoerder, ene insp. Mtshali, aan die slaap gekry het. Die voormalige kommissaris van die polisiestasie, supt. Isobel Weiss, het getuig aanrandings is algemeen in dié selle.

Sy het gesê die polisiebeamptes moes geweet het om ondersoek in te stel, aangesien gevangenes wat begin sing daarop dui dat “iets aan die broei is”.

Weiss sou ook nie vir Van Wyk en Duvenhage in dieselfde sel as verdagtes in geweldsmisdade geplaas het nie, het sy getuig.

лестницы в

OPUL gaan produksie verlaag om pryse te stabiliseer

Iran se minister van oliesake het Donderdag gesê dat ‘n verlaging in aanvraag beteken dat OPUL sy olieproduksie met 2 miljoen vate per dag moet sny wanneer hulle Vrydag vergader.

Gholam Hossein Nozari het aan verslaggewers in die Oostenrykse hoofstad gesê dat ‘n verlaging van produksie weer die mark kan stabiliseer.

Dinsdag het hy gesê dat Iran ‘n verlaging in produksie van tussen 2 en 2,5 miljoen vate per dag sal aanvra.

OPUL se lidlande wil die produksie van olie inkort om die pryse van olie wat onlangs gedaal het te probeer ondersteun.

Analiste verwag dat die kartel die produksie met ten minste 1 miljoen vate per dag sal sny op Vrydag se buitengewone vergadering. OPUL produseer 40% van die wêreld se olie en die amptelike syfer vir produksie staan tans op 28.8 miljoen vate per dag.

Iran is die tweedegrootste uitvoerder van olie in OPUL en sy ekonomie is baie afhanklik van die uitvoer van olie en gas.

Saudi Arabië is OPUL se grootste produsent van ru-olie.

Oliepryse het Woensdag na sy laagste vlak in 16 maande gedaal, na nuus dat Amerika, die grootste verbruiker van ru-olie in die wêreld, se aanvraag gedaal het.

Pryse het gedaal tot onder die 65 dollar per vat in Londen. Dit is sowat 56% minder as die rekordprys van 147.5 dollar vlak wat die pryse in Julie bereik het.

Die pryse het ietwat herstel op die Oosterse markte Donderdag, met Brent ru-olie wat effens gestyg het na 64.76 dollar per vat.

Metropolisie tree ‘soos Gestapo’ op in Pretoria

Swart polisieman gebruik geweld teen blanke Afrikaanse vrou, gisteraand in Pretoria

07:34:07 'n Vergadering oor straatnaamsveranderings in Pretoria gisteraand het handuit geruk, met swart metropolisielede wat geweld teen blanke Afrikaanse vroue gebruik het (sien foto hiernaas).

Die vergadering is deur verskeie Afrikanergroepe bygewoon, waaronder Afriforum en die Verkennersjeug. Die byeenkoms het sonder probleme begin maar toe Mnr. Jan Beyers van die Verkenners se punt van orde blatant van die tafel gevee is, het ontstoke lede van die vergadering hul stemme laat hoor.

Mnr. Beyers se punt van orde het behels dat die vergadering moet verdaag aangesien dit 'n onwettige vergadering was. Terwyl daar aangedring is dat die punt van orde aanvaar moes word, het polisieverteenwoordiging skerp toegeneem. Gemoedere het begin oplaai tussen diegene wat gekant was teen die naamsveranderings en diegene wat daarvoor was.

Lede van die SAKP en ANC in T-hemde van hul partye het luidkeels hul steun vir die naamsveranderings te kenne gegee. Geweld het uitgebreek toe 'n lid van die SAKP/ANC 'n stoel na die Verkenners geslinger het. Die swart Metropolisielede het hul egter aan die kant van die SAKP/ANC geskaar en hardhandig teen Verkennerlede begin optree. Een lid van die Verkenners is in hegtenis geneem.

Mnr. Werner Smook, voorsitter van die Verkennersjeug, het gesê: "Die arrestasie is onregmatig en die behandeling van die polisie was hardhandig en uiters eensydig. Verskeie lede van die Verkenners oorweeg regstappe in verband hiermee."

Ná die arrestasie is die ligte van die saal afgeskakel en die polisie het die aanwesiges met traangas bestook. Die meeste mense wat teen die naamsverandering gekant was, het op dié stadium die saal verlaat.

Hierna is die vergadering egter hervat met die doel om "steun" vir die naamsveranderings te betoon. Volgens mnr. Werner Smook "is verskeie van ons lede met arrestasie gedreig indien hulle weer die saal sou betree. Gevolglik is die vergadering verder bykans net bygewoon deur lede van die SAKP/ANC. Dit is uiters ondemokraties en op grond daarvan alleen is die vergadering 'n klug en verwerp ons die uitkoms daarvan."

Mnr Kallie Kriel van Afriforum het 'n poging aangewend om die polisie te oortuig om die SAKP/ANC-lid wat die Verkenners met die stoel geslaan het, te arresteer. Hy het die persoon aan die polisie uitgewys, maar is toe self hardhandig uit die saal verwyder. Blykbaar is mnr Kriel ook deur 'n senior lid van die Metropolisie aangerand.

Agterna is vorms uitgedeel waarop voorstelle vir nuwe straatname gemaak kon word. Volgens die Verkenners se woordvoerder "bevestig dit weereens dat die metroraad die besluit alreeds geneem het om die name te verander. Geen kans word dus gegun om teen die veranderings te protesteer nie. Die Verkenners is 'n vreedsame kultuurorganisasie en betreur die gewelddadige optrede van die ANC/SAKP en die polisie wat van Gestapo-tipe optrede gebruik gemaak het."

slots game лобановский депутат

Vier gevonnis n? toelaebedrog

17:53:17 Vier mense is in Germiston se Hooggeregshof aan bedrog en korrupsie skuldig bevind en gevonnis. Die SA welsynsagentskap se woordvoerder Paseka Letsatsi sê Rose Kunene, Michael Mokoena, beide van die agentskap se kantoor in Kemptonpark, is op 4 Oktober skuldig bevind en gevonnis.

Die ander twee mense, Thembi Mokoena en Mary Ramaese, is op dieselfde dag vir dieselfde oortredings skuldig bevind en gevonnis. Letsatsi sê die twee beamptes was kop in een mus met die ander twee en het die maatskapliketoelaestelsel met R2,5 miljoen ingeloop.

Die geld wat bedoel was om armoede uit te wis, is in Thembi en Ramaese se bankrekenings inbetaal. Hulle het hulleself as ontvangers van maatskaplike toelaes voorgedoen.

Die Skerpioene en die departement het die saak ondersoek nadat 'n informant die aap uit die mou gelaat het. Kunene is 15 jaar tronkstraf opgelê en Michael Mokoena tot 15 en 16 jaar, wat gelyktydig uitgedien sal word.

Themi Mokoena is tot 5 jaar tronkstraf gevonnis, wat vir 5 jaar opgeskort is. Ramaese is 10 jaar tronkstraf opgelê.

Letsatsi sê die Batebeslagleggingseenheid het opdragte van die hof verkry om die besittings van die bedrieërs te konfiskeer.

вагонка для бани

Suid-Afrikaners kan nie meer hul polisse bekostig

17:27:58 Die tempo waarteen Suid-Afrikaners op hulle lewensversekeringspolisse wanbetaal, het gedurende die laaste ses maande met 260% toegeneem.

Die webwerf Thinkmoney se bestuurshoof, Mike Kann, sê die ontleding is gebaseer op mense wat lewensverskeringspolisse deur hulle verskeringsvennote uitgeneem het. Kann sê die normale neiging vir wanbetaling oor 'n periode van twee jaar, was tussen 15 en 20% maar dit het nou tot 40% toegeneem.

Dit is 'n verstommende vermeerdering van 260%. Kann sê teen die agtergrond van die huidige ekonomiese klimaat, is dit nie verbasend dat mense nie hulle paaiemente betaal nie. Hy stel egter voor dat mense na meer bekostigbare polisse kyk in stede daarvan om heeltemal daarmee uit te skei.

Данильченко Харьков

Spanje se plan met immigrantearbeid

Marokkaan in Spanje

17:31:17 Spanje se nuwe “Plan van vrywillige terugkeer”, wat Maandag in werking tree, maak dit nou moontlik vir wettige immigrante wat hul werk verloor het om hul werkloosheidsvoordele in ‘n enkelbedrag te kry, solank as wat hulle instem om die land te verlaat.

Deelnemers aan die program moet hulle werksvisums ingee, asook hulle werkspermitte, en dan mag hulle ook nie binne drie jaar na Spanje terugkeer nie.

In ruil daarvoor kry hulle 40 % van hulle werkloosheidsvoordele in een bedrag, voordat hulle vertrek en die uitstaande 60 % as hulle in hul tuislande aangekom het.

Dit is ‘n geskatte gemiddelde bedrag van net meer as 40 000 dollar in totaal.

Dié maatreël is een om te probeer om Spanje se werkloosheidsprobleem hok te slaan. Met die werkloosheidskoers wat op ‘n 15-jaarhoogtepunt staan van 11,3 %, voel die land se 4 miljoen immigrante die knyp aan die sak ernstig.

Werkloosheid onder die groep het gestyg met 67,1 % teenoor 2007. Tussen April en Augustus hierdie jaar het die hoeveelheid immigrante wat werkloosheidsvoordele ontvang, gestyg van 165 217 tot 280 298.

Die plan van vrywillige terugkeer verteenwoordig ook ‘n verandering in Spanje se voorheen sagte immigrasiebeleid. Drie jaar nadat werk en verblyfspermitte aan 750 000 mense uitgereik is, het eerste minister Jose Rodriguez Zapatero dit in die openbaar gestel dat hy die Europese unie se kontroversiële beleid van terugkeer ondersteun.

Die beleid laat toe dat onwettige immigrante vir tot 18 maande in aanhouding mag bly. Sy regering begin ook nou om meer hulpbronne daaraan toe te sê om bote vol onwettige immigrante te keer voordat hulle aan Spanje se kus kan land. Hulle kyk ook na strenger wetgewing om ouers en hul kinders onder die ouderdom van 18 weer saam te voeg. (Tans laat die wet toe dat grootouers en skoonouers ook by hulle families mag kom aansluit.)

Politici reageer op publieke stemme, het Federico Winer gesê. Winer is ‘n joernalis wat artikels oor immigrasie skryf vir ‘n aanlynkoerant wat gemik is op Spanje se Latyns-Amerikaanse gemeenskap. Volgens hom dui die mense al hoe meer aan dat die grense nou gesluit moet word.

“Tot onlangs, terwyl die ekonomie ‘n bloeitydperk beleef het, was immigrante die oplossing,” het Kamal Ramhouni, president van die vereniging van Marokkaanse Immigrantewerkers in Spanje gesê. Volgens hom is dit asof daar nou gesê word dat immigrante die probleem is. Die Plan vertel vir die samelewing dat immigrante die oorsaak is van die ekonomiese krisis.

Ecuadoriaanse burgers maak die tweedegrootste groep immigrante in Spanje uit, maar sover het slegs 186 mense van die groep gesê dat hulle sal teruggaan na hul tuisland. Marokkane, wat die grootste groep immigrante in Spanje uitmaak, is self nog maar versigtig. In ‘n opname wat gehou is, het slegs 8 % gesê dat hulle hul visums sal ingee en terugkeer na Marokko.

Daar is ‘n ander belangrike punt ter sprake, en dit is die rede hoekom die mense in die eerste plek na Spanje gekom het.

“Ek het gekom vir ‘n beter lewe, en ek het dit, voedsel, klere, ‘n woonstel, dit is alles beter hier as wat dit in Bolivia was,” het Cadena, ‘n immigrant, gesê. “Ek stel nie belang om terug te gaan nie,” het hy verder bygevoeg.

goldilocks and the wild bears Александр Фильчаков