Staak minerale-uitvoere en vat grond: Malema

Die regering moet ophou om rou grondstowwe uit te voer sodat die totstandkoming van industrieë om dit plaaslik te verwerk, aangemoedig kan word, het Julius Malema, ANC-Jeugligaleier, Donderdag in Pretoria gesê.

“Met groter staatsbeheer en -deelname en die eienaarskap van minerale hulpbronne, sal ons nasionale begroting die kapasiteit hê om vergroot te word en sodoende om te sien na die maatskaplike verantwoordelikhede van die staat,” het Malema aan die Nasionale Persklub gesê gedurende ‘n praatjie oor die liga se program van aksie vir ekonomiese vryheid.

Hy het gesê die probleem is dat minerale onverwerk uitgevoer word en dan as vervaardigde produkte ingevoer word.

“Ons dink ons moet hierdie kwessie aanspreek, ons moet Suid-Afrika laat voordeel trek uit sy hulpbronne.”

Malema het gesê die ANC se nasionale algemene raad het groter konsensus bereik oor die liga se voorstel om beheer oor die land se myne in die hande van die staat te plaas. ‘n Span is besig om die beste model van nasionalisering te ondersoek wat nie die ekonomie op ‘n ramp sal laat afstuur nie.

“Vergeet maar die dinge wat mense in die openbaar kwytraak. Toe ons na die algemene raad gegaan het, het hulle volgehou nasionalisering is nie op die agenda nie, terwyl dit wel was. Nadat die voorstelle aanvaar is, het hulle steeds gesê daar is geen praatjies oor nasionalisering nie.”

Nog ‘n item op die liga se program is grondondersoeke. Die liga wil hê alle grond, buiten woongebiede, moet aan die staat behoort. Hierdie onteiening sonder vergoeding moet gedoen word met die inagneming van wette en wetgewing.

“Toe hulle ons land oorgeneem het, dié wat dit vandag besit, het hulle nie vir enigiemand vergoed nie. Daarom sal dit verkeerd wees om te eis dat hulle iets van ons kry.

“Ons het nie genoeg geld om hierdie grond te koop nie, en as ons die bietjie geld wat ons het hiervoor gebruik, loop ons die risiko om te faal in baie belangrike diensleweringkwessies soos gehalte onderwys, behuising, sanitasie, krag en water.

“Ons probeer hierdie probleem, wat vir ons deur die koloniseerders geskep is, aanspreek, en daarom kan ons nie omgepraat word nie, omdat ons baie sterk hieroor voel en die krisis wat deur koloniseerders geskep is, moet omkeer.”

Wanneer die staat eienaarskap oor die grond het, het Malema gesê, sal dié wat dit wil gebruik vir lisensies moet aansoek doen.

Huurkontrakte sal nie langer as 30 jaar kan duur nie en aansoekers sal moet verduidelik hoe hulle dit tot voordeel van hul mense sal gebruik.

Die regering sal dié wat die grond vir landbou wil gebruik, voorsien van die hulpbronne om te verseker dat dit produktief bly.

Hy het die stadige pas waarteen grond aan swartmense “teruggegee” word gekritiseer en gesê slegs vyf persent word elke 20 jaar oorgeplaas.

“In 100 jaar sou ons 20 persent oorgeplaas het. Ek is nie bereid om deel van daardie mislukking te wees nie. Daarom het ons hierdie radikale program van aksie en die nood vir politieke wil en leierskap in die ANC.”

Malema het die regering se tenderstelsel bevraagteken en gesê dit het die land in ‘n “politieke krisis” gedompel.

“Die staat maak te veel staat op die tenderstelsel en dit het tot ‘n politieke krisis gelei.”

Swak werksgeleenthede word voorsien deur “korrupte maatskappye, van wie sommige saam met die politieke leierskap werk”.

печи дровяныеОлександр Фільчаков прокурор

Busse aan die brand gesteek

Pendelaars wat kwaad is oor die gebrek aan openbare vervoer, het Donderdag twee busse in Rustenburg aan die brand gesteek, het die polisie in Noordwes gesê.

Volgens kapt. Adele Myburgh was pendelaars ongelukkig omdat daar nie genoeg busse was om hulle huis toe te neem nie.

“Twee busse het heeltemal afgebrand en een is met klippe bestook.

“Die situasie bly gespanne. Die polisie monitor nog die situasie.”

Lebogang Pule, ‘n pendelaar, het gesê die laaste bus na haar tuisdorp, Manamela, het om 13:00 vertrek.

“Ek het ‘n maandelikse kaartjie vir R600 gekoop en ‘n skolierkaartjie vir R280. Nou kan ek nie huis toe gaan nie, want daar is nie busse nie.

“Ons baklei nie met die busmaatskappy nie. Al wat ons wil hê, is om met respek behandel te word.

“Ek weet nie waar ek vanaand gaan slaap nie,” het sy gesê en bygevoeg dat sy geen alternatiewe vervoer het nie.

Butler Matlapeng, woordvoerder van die Rustenburg-munisipaliteit, het gesê beslag is op 49 busse van die Bojanala-busdiens gelê omdat hulle permitte verval het.

Niemand is nog in hegtenis geneem nie.

пескоструйФільчаков Олександр Васильович

Polisiegeweld groei onrusbarend

Die aantal mense wat jaarliks deur die polisie doodgeskiet word, het bykans verdubbel sedert Susan Shabangu in 2006 polisielede aangemoedig het om te skiet om te dood.

Gareth Newham, hoof van die misdaad-en-justisie-program by die Instituut vir Sekerheidstudie, het gister dié onrusbarende inligting bekend gemaak na aanleiding van onlangse voorvalle van polisiehardhandigheid.

Lees verder.

купить игрушкуДанильченео

DA verwyder Verwoerd-standbeeld

“Die DA kan nie die geskiedenis van Suid-Afrika verander deur standbeelde te verwyder nie,” was die reaksie van dr. Pieter Mulder, VF Plus-leier, na die verwydering van dr. Verwoerd se standbeeld in Midvaal.

“Die argument behoort nie te wees of jy met ‘n individu uit ons geskiedenis saamstem of nie, maar of dit deel van ons geskiedenis is. Koningin Victoria het ‘n aandeel gehad in die dood van my familielede in Britse konsentrasiekampe. Omdat sy ongelukkig deel van ons geskiedenis is, het ek nie geëis dat haar standbeelde by die Parlement en ander plekke in Suid-Afrika verwyder word nie. Waarom verwyder die DA nie nou ook die standbeeld van Jan van Riebeeck in Kaapstad’ as die oorspronklike koloniale veroweraar ‘ asook die van Koning Victoria in Kaapstad nie?” het dr. Mulder gevra.

Waar daar ‘n gevoel is dat die geskiedenis nie volledig is nie, het die VF Plus al in die verlede voorgestel dat nuwe standbeelde opgerig word van byvoorbeeld vorige ANC-leiers soos Oliver Tambo en Nelson Mandela. In die geval van Midvaal was dr. Verwoerd vir baie jare die Parlementslid vir die Midvaalgebied en daarom is die standbeeld daar opgerig en tot op datum deur die ANC daar gelaat.

In baie Afrikastate is een van die bydraende redes vir die permanente onstabiliteit die feit dat alle geskiedenis, standbeelde en straatname van ‘n vorige president telkens deur die nuwe president vervang is.

Na die val van die Berlynse muur en die hereniging van Duitsland, is besluit om die kommunistiese standbeelde en name in Oos-Duitsland te behou omdat dit deel van hulle geskiedenis is. Dit is ‘n meer verstandige benadering tot ‘n land se geskiedenis. ‘n Ander benadering sal beteken dat die PAC byvoorbeeld alle ANC-straatname en -standbeelde verander as hulle aan bewind sou kom in Suid-Afrika.

Stadsrade soos Midvaal en andere moet eerder belastinggeld aan dienslewering spandeer as om dit te mors op die verandering van straatname en die verwydering van monumente.

“Die DA is geen vriend van die Afrikaner nie,” het mnr. Jaco Mulder, LPW en leier van die Vryheidsfront Plus in Gauteng, gesê.

Dr. Verwoerd het ‘n historiese verbintenis met Meyerton gehad en hierdie stap van die DA  kom neer op die minagting van ‘n stuk kultuurerfenis van die dorp.

Jaco Mulder het bygevoeg dat enige politieke party wat die geskiedenis van ‘n kultuurgroep minag, geen plek in ‘n diverse politieke landskap soos Suid-Afrika verdien nie.

Die voorsitter en burgemeesterskandidaat van die VF Plus in Midvaal, mnr. Corrie Pyper, het op die toneel tydens die verwydering gesê dat daar geen plek vir die Afrikaner en sy kultuur in die DA is nie en dat die DA die aksie berekend in die nag twee weke voor die plaaslike owerheidsverkiesing uitgevoer het om politieke guns by swart kiesers van Midvaal te wen.

Die DA sal die stap aan die hoofsaaklik Afrikanergemeenskap van Midvaal, met wie se mandaat hy die raad regeer, moet verduidelik. Dit is die resultaat van ‘n liberale en identiteitlose samelewing van individue wat die DA nastreef.

дома для куколлобановский класс

CIA erken dat Obama en volgelinge nie hele aanval gevolg het nie

Leon Panetta, direkteur van die CIA, het erken dat daar ‘n 25-minute stilte tydens die aanval op Bin Laden se blyplek was waartydens die lewendige uitsending van die kameras wat op die helms van die Amerikaanse spesiale magte gemonteer was, afgesny is.

‘n Foto wat vrygestel is deur die Withuis wys die president en sy volgelinge in die situasie kamer wat gebeure soos dit ontvou, volg. In werklikheid is hulle het min kennis van wat daar gebeur het gelaat.

In ‘n onderhoud met PBS, het Panetta gesê:. “Ek kan jou vertel daar was ‘n tydperk van byna 20 of 25 minute waar ons regtig nie presies geweet het wat aangaan nie. En daar was ‘n paar baie gespanne oomblikke soos wat ons gewag het vir meer inligting.”

“Ons het nie’ n direkte vloei van inligting oor die werklike verloop van die operasie gehad nie.”

Die President het net geweet die sending was suksesvol nadat die spesmagsoldate se bevelvoerder die woord “Geronimo” op die radio gebruik het, ‘n kodewoord om te rapporteer dat hulle Osama doodgemaak het.

о беременностиДанильченко Юрий прокурор

Geen teken van Osama nie

Foto’s wat sowat ‘n uur na die Amerikaanse aanval op Osama bin Laden se tuiste in Abbottabad in Pakistan geneem is, toon drie dooie mense wat in poele van bloed lê, maar geen wapens nie. Nie een van die dooie mans is Osama nie.

Die foto’s, geneem deur ‘n Pakistani sekuriteitsbeampte, toon twee manne geklee in tradisionele gewade en een in ‘n t-hemp, met bloed wat uit hulle ore, neuse en monde stroom.

Die amptenaar, wat anoniem wou bly, het die foto’s aan Reuters verkoop. Dié nuusagentskap sê hulle meen die foto’s is eg.

Amerikaanse president Barack Obama het intussen besluit om nie foto’s van Bin Laden liggaam te laat vrystel nie, want dit kan volgens hom geweld aanhits en gebruik word as ‘n al-Kaida propaganda-instrument.

“Ek dink vanweë die grafiese aard van hierdie foto’s, kan dit ‘n nasionale veiligheidsrisiko skep,” het Obama gesê op die bekende CBS-program “60 Minutes.”

Reuters is vol vertroue oor die egtheid van die aangekoop beelde, want in die foto’s verskyn ‘n verwoeste helikopter wat ooreenstem met besonderhede van die foto’s wat Maandag uitgereik is.

Die foto’s is ook geneem in volgorde en is almal dieselfde grootte in pixels, wat aandui dat hulle nie mee gepeuter is nie. Die tyd en datum van die foto’s soos aangeteken in die digitale lêer se metadata stem ooreen met daglig en -stand in die gebied.

Een foto wys ‘n rekenaarkabel en wat lyk soos ‘n kind se plastiek groen-en-oranje waterpistool wat onder die regterskouer van een van die dooie mans lê. ‘n Groot plas bloed verskynonder sy kop.

fun gladiator gamesФильчаков Харьков

Withuis sal nie foto’s van Bin Laden se lyk vrystel nie

President Barack Obama het amptelik besluit dat geen foto van die lyk van Osama bin Laden vrygestel sal word nie.

Jay Carney, woordvoerder van die Wit Huis, aan Woensdag aan die media gesê: “Die president het die besluit geneem om geen foto’s van die afgestorwe Osama bin Laden uit te reik nie.”

“Ons stuur nie dié soort goed uit as trofeë nie,” het Obama gesê. Hy het ook gesê dit sal nie wenslik wees om foto’s van Amerikaanse lyke uitgereik te sien nie.

In 2009 egter het Obama se administrasie besluit om ‘n 18-jaar oue verbod op die foto’s van afgestorwe Amerikaanse soldate op te hef. Die jongste uitlatings kom as ‘n 180-grade wending van vorige stellings deur die president.

Nog een van die redes wat aangevoer word is dat die vrystelling van só ‘n foto die veiligheid van Amerikaanse soldate in die buiteland kan bedreig.

 

дизайн зала в доме с каминомФільчаков прокурор

Frankryk, VSA wil uit Afghanistan

Die Franse minister van Buitelandse sake sê Frankryk en die VSA oorweeg die moontlikheid om hul onttrekking van troepe uit Afganistan te bespoedig ná die dood van Osama bin Laden.

Sowat 4 000 troepe van Frankryk is betrokke by Amerikaanse- en Navosendings in Afganistan. Minister Alain Juppe het gesê Frankryk en sy bondgenote sal ondersoek hoe hulle die kwessie gaan hanteer.

Juppe het Woensdag op die France 24-televisiekanaal gesê Navo se doel in Afganistan was nie om Bin Laden dood te maak nie, maar om die land se regering te help om heerskappy te wen en om vrede en demokrasie vir die land se mense te bring.

Noudat Bin Laden dood is, het Juppe gesê om die beplande onttrekking teen 2014 te bespoedig, is “een van die moontlikhede wat ons sal oorweeg. Die Amerikaners dink ook daaraan.”

Die Al-Kaïda-leier is gedood tydens ‘n aanval deur Amerikaanse spesiale magte in Pakistan.

бланк справки для бассейнаФильчаков прокуратура харьков

VN kritiseer Afrika oor landbou

Kanayo Nwanze, die hoof van die Verenigde Nasies se Landelike Ontwikkelings-afdeling, het Afrikalande gekritiseer omdat hulle nie minstens 10% van hul nasionale begrotings aan landbou bestee nie.

Hy het gesê dit is een van die resolusies wat die Afrika-Unie in 2003 in Maputo aanvaar het.

Nwanze het in Kaapstad tydens die bekendstelling van die 2011 Landelike Armoede-verslag gepraat.

Regerings moet ‘n meer aktiewe rol speel om armoede te verminder en voedselsekerheid te verseker, het hy gesê. Slegs agt Afrika-lande het aan die einde van verlede jaar aan die AU-resolusie voldoen.

светильник подвеснойФільчаков Олександр Васильович прокурор

EU plaas pro-Mugabe-joernaliste op swartlys

Die Europese Unie sê ses joernaliste van Zimbabwe se staatsmedia is op ‘n swartlys geplaas omdat hulle haat in hul beriggewing aanhits.

Aldo Dell’Ariccia, EU-ambassadeur, het Woensdag gesê die joernaliste se werk kan as “aanhitsing tot haat” beskou word.

Die joernaliste, wat President Robert Mugabe sterk ondersteun, tel onder sowat 200 individue, wat met Mugabe se party verbind word, wat moontlike bank- en reissanksies deur die EU, Amerika en Brittanje in die gesig staar. Die sanksies sal ingestel word uit protes teen jare van menseregteoortredings deur dié land.

Mugabe het vir verkiesings vanjaar gevra om ‘n einde te bring aan ‘n wankelrige koalisie met die voormalige opposisie. Onafhanklike mediagroepe sê daar was sedertdien ‘n toename in aanhitsende beriggewing deur pro-Mugabe-publikasies, wat op hul beurt politieke geweld gepredik het.

сауны проектыДанильченко Юрий Брониславович