Dan Roodt, Author at praag.co.za

Afriforum bekommerd oor militêre opleiding vir ANC-Jeugliga

Die burgerregte-inisiatief AfriForum het die minister van Verdediging, me Lindiwe Sisulu tyd gegun tot 1 September 2010 om vrae te beantwoord oor militêre opleiding vir ANCYL- en YCL-lede wat klaarblyklik binnekort ŉ aanvang by die Vloot se opleidingsbasis in Saldanha in die Wes-Kaap gaan neem.

AfriForum is bekommerd dat die beoogde militêre opleiding vir “genomineerdes van politieke partye” in stryd is met die bepalings van Artikel 199(7)(b) van die Grondwet, wat bepaal dat die SA Nasionale Weermag en lede van die veiligheidsmagte nie die belange van enige politieke party mag bevorder nie.

Minister Sisulu en verteenwoordigers van die ANC Jeugliga en die Jong Kommuniste Liga het in Mei 2010 planne bekend gemaak om militêre opleidingskampe vir jeuglede aan te bied, kort na die omstrede besoek van Julius Malema aan Zimbabwe, Venezuela en Kuba, vroeër vanjaar.

“Na ŉ openbare uitbarsting het die minister ŉ verklaring uitgereik wat beweer dat die opleidingskampe oop is vir alle politieke partye, maar verteenwoordigers van die drie vernaamste opposisiepartye het reeds aan ons bevestig dat hulle geen formele uitnodiging tot dié effek van die minister ontvang het nie”, het Willie Spies, prokureur van AfriForum, in ‘n verklaring gesê.

“Dit is van wesentlike belang dat ons nie die foute van ons noordelike bure in Suid-Afrika herhaal nie. Die opstellers van die grondwet het ook verder goeie rede gehad om politieke partydigheid in die Weermag uitdruklik te verbied. In Zimbabwe is jeug-lede van Zanu-PF wat opleiding in militêre milisiekampe ondergaan het, berug en gevrees vir hulle aandeel in geweld en intimidasie tydens verkiesingstye. Ons moet ten alle koste ŉ soortgelyke situasie in Suid-Afrika verhoed”, het Spies gesê.

Indien geen antwoord van die minister se kantoor ontvang word nie, sal ŉ hersieningsaansoek more in die Noord-Gautengse-Hooggeregshof uitgereik word.

movie over 21

Rasgedrewe beleid bly by UK

Die visekanselier van die Universiteit van Kaapstad, Max Price, sê hulle sal nog drie jaar lank voortgaan met hul rasgedrewe toelatingsbeleid tot die mediese fakulteit.

Hy het op die kampus gepraat tydens ‘n debat oor die universiteitsbeleid.

In die stadium moet wit studente minstens 80% vir geletterdheid en wiskunde hê om toelating te kry, terwyl swart studente 50% moet hê.

Price sê indien daar maniere gevind kan word om voornemende studente te evalueer op grond van geleenthede wat hulle tydens hul skoolloopbaan gehad het, kan daar weggedoen word met ras as maatstaf.

магазин бра Данильченко Харьков

Plaasmoorde? Niks persoonliks nie.

Hendrik Verwoerd het die grootste opheffingsprojek van stapel gestuur wat Suid-Afrika nog ooit gesien het. –Jan Botha. Verwoerd is dead.

Nou die dag laai ek ‘n interessante artikel van die internet af. Dit is die vertroulike “Kissinger Report” uit 1975, wat eers in 1989 deur die Withuis vrygestel is. Die sentrale betoog in hierdie verslag is dat die wêreldbevolking te groot begin word en dat diverse maatreëls geneem moet word om te sorg dat die verskillende wêreldbevolkings hul geboortesyfers terug moet bring. Die druk wat as gevolg van hierdie massa mense op die ekosisteem geplaas word, word eweneens groter.

‘n Alomteenwoordige lewensbron soos drinkwater word steeds skaarser as gevolg hiervan. In ‘n land soos China byvoorbeeld, waar die lewensstandaard drasties begin verbeter, word verwoede pogings onderneem om riviere in te dam om mense makliker van skoon water te voorsien in hul eie huise. Die gevolg is dat die watertafels van die riviere begin daal wat weereens ‘n negatiewe uitwerking het op die gewone ekologie in daardie land. In die Amasonegebied gewaar ons ‘n soortgelyke tendens. Plaaslike landbouers is die vernaamste skuldiges om die oerwoud weg te kap om grond te skep waarop hulle kan boer, terwyl die Amasone twintig persent van die wêreld se suurstof verskaf. Met die huidige tendens in visvangs, sal daar oor 50 jaar geen vis in ‘n oseaan meer swem nie.

In die Kissinger-verslag word gepleit dat dit ‘n heel alomvattende ingryp sal verg om die wêreldbevolking in toom te hou. Dit is nie genoeg om slegs voorbehoedmiddels te versprei nie, maar ‘n hele ommeswaai in mentaliteit is nodig, en ‘n hele aantal organisasies sal moet saamwerk om ‘n gewenste resultaat te lewer. ‘n Belangrike manier om die geboortesyfer omlaag te bring is om die algemene welvaart van ‘n bepaalde gemeenskap te verbeter. Hierdie verskynsel is goed te sien in Europa. Slegs twee generasies gelede was groot gesinne aan die orde van die dag. My oupa aan vaderssyde was een van tien kinders. Slegs een generasie daarna staan die gemiddelde aantal kinders per kerngesin op of onder die vervangingsaantal van 2.3. In lande soos Duitsland en Italië is die aantal kinders per gesin tussen 1,6 en 1,8, ver benede die maat, en om die ekonomie op peil te hou, sal hulle buitelanders moet invoer om te werk.

Daar is egter ‘n probleem by ander etniese groepe, veral in Afrika. Die swartes het nie soos die Europeërs meegegaan in die stroom van welvaartverhoging nie. In Suid-Afrika, waar swartes aansienlik welvarend was vir ‘n Afrika-volk, het hulle nie dieselfde demografiese tendens getoon as die Europeërs nie, inteendeel. Die swart bevolking het enorm toegeneem. In die twintigste eeu het swart Suid-Afrika vertwintigvoudig en die blanke volksdeel deur hul aantal heeltemaal in die skadu gestel. Tot en met 1960 was die blankes ongeveer 20% van die Suid-Afrikaanse bevolking en nou staan daardie syfer op ongeveer 9%. Wyle Chris Louw het verlede jaar die aantal blanke Afrikaners geskat op 6%.

‘n Honderd jaar gelede, was daar anderhalf miljard mense op aarde. Toe die Kissinger-verslag verskyn het in ’75, het die wêreldbevolking op 4,2 miljard mense gestaan. Dit staan deesdae op 7 miljard, ‘n driekwart meer as 35 jaar gelede. Die aarde kan net die helfte soveel mense dra deur hierdie eeu, althans volgens die Optimum Population Trust. Dat hierdie styging ‘n politieke en ekologiese onstabiliteit kan beteken, is gewis.

Hierdie demografiese onheil is waarskynlik die belangrikste rede hoekom die wêreld so baie geraas gemaak het tydens apartheid en nou met Robert Mugabe, Mbeki en Zuma so stil is. Dit wil voorkom asof Kissinger se pogings in 1975 nie gewerk het nie, en nou moet oorgegaan word na “harder” maatreels. Die wêreld se invloedrykste politici, ekonome, bankiers en ondernemers het ongetwyfeld ‘n aandeel gehad om die westerse wêreld se bruikbare idiote op te hits teen Afrikaners, juis om hierdie tendens van swart oorbevolking te knak.

Die konsep van “nuttelose eters” kan hier verhaal word. Ons het hier te make met mense wat geen bydrae tot die natuur lewer nie, maar desondanks gevoed moet word. In Afrika styg die bevolking ook nog sterk, stamkonflikte en VIGS ten spyt, vanweë die voedselpakette van westerse lande wat hul oorskot voedsel gerieflikheidshalwe in Afrika stort. Hierdie voedselgeskenke gaan egter die komende tyd afneem, aangesien westerse lande hul voedsel self wil gebruik om biobrandstof tegnologie te ontwikkel. Dit kan aanleiding gee dat die voedselpryse in die Derde Wêreld vinniger gaan styg as in die ontwikkelde wêreld, waar ‘n groter surplus voedsel vir Westerlinge beskikbaar is. Tegelykertyd gaan Afrika oorspoel word met geneties gemanipuleerde voedsel, en soos ons weet, kan geneties gemanipuleerde voedsel geen sade produseer om self voort te plant nie. Die gevolg is dat daar altyd ‘n verband van afhanklikheid gaan wees tussen aanvraer en verskaffer. Arm lande sal moet betaal om voedsel te verkry van magtige firma’s in die ryker lande. Die geneties gemanipuleerde voedselfabriek kry dan beheer oor die wel en weë van al hierdie mense. Soos die eintste Kissinger gesê het: “As jy lande wil beheer, lê beslag op hul olie. As jy mense wil beheer, lê beslag op hul voedsel.”

Daarbenewens kan die newe-effekte van geneties gemanipuleerde voedsel grondig ontleed word, wat weereens van Afrika die Weste se laboratorium maak. Afhangende van die newe-effekte, kan die gemanipuleerde voedsel anders vervaardig word om later aan die res van die wêreld te versprei, en sodoende word ‘n sisteem van ultrakapitalisme bewerkstellig waar miljarde mense slegs kan eet op die genade van die super-rykes.

Die verband mag dalk nou duidelik word hoekom die plaasmoorde so stilgehou word, en hoekom die weste so nonchalant reageer op Mugabe se tirades om miljoene van sy mense te verhonger. Dit is niks persoonliks nie, maar die wêreldbevolking is net te gevaarlik groot en alle maatreëls is geoorloof.

Die vraag waarmee ons sit, is hoe kan ons selfredsaamheid en selfbeskikking vir ons mense bewerkstellig met die wêreld se magtigste moonthede teen ons?

‘n Moontlike begin is om ‘n manier te bedink om ons eie mense van voedsel te voorsien. Afrikaners hou geen demografiese gevaar vir die wêreld in nie. Dit gebeur slegs as ons ander van kos voorsien. As ons onder die radar ons eie mense voorsien van kos, veral die sowat 650 000 Afrikaners wat onder die broodlyn leef, kan ons hopelik orent bly terwyl Afrika in ellende en korrupsie wegsink.

Niks persoonliks nie.

Probleme soos sprinkaanplae

Soos opeenvolgende sprinkaanplae wat die land verteer.

Die profeet Joël het so na die lot van sy land verwys nadat ‘n korrupte samelewing aan die orde van die dag geword het. Vier sprinkaanswerms het op die land toegesak en alles verteer.

Die leier van die Christen-Demokratiese Party het ook dié vergelyking gebruik toe hy die situasie in Suid-Afrika beskryf het. Onder die probleme wat hy uitgewys het is die twee jaar agterstand met bloedtoetse vir dronkbestuur in die polisie se forensiese laboratorium.

Teen vanoggend sou nog ‘n paar jakkalsies bygevoeg kom word wat die wingerd verniel. Nog ‘n reisskandaal het die parlement geruk – as dié instelling nog oor so iets geruk kan word – en die onttrekking van polisielede aan die Lesothogrens om elders te gaan instaan vir stakers, dra by tot verskerpte misdaad oor die Lesothogrens.

Die grensbeveiligingskwessie is onlangs buite die hof geskik na Vrystaat Landbou die regering hof toe gesleep het oor sy versuim om sy burgers te beskerm. Nou beskuldig grensboere die polisie daarvan dat hulle nie hou by die gees van die ooreenkoms nie, en trek hulle nou weer die kortste lootjies – en dié keer is die lootjies éérs kort.

Op 8 en 9 September hou die landbou-unie, TLU-SA, sy jaarkongres. Die besprekingspunte, wat die landbou raak, kan ook as vier sprinkaanplae opgesom word: die veiligheidsituasie, grondhervorming, die vervallende infrastruktuur en klimaatsverandering.

Volgende jaar het die kiesers die geleentheid om in die nasionale landswye munisipale verkiesings die regering te straf omdat toegelaat is dat korrupsie in dié nepokratiese staat tot die vlakke kon ontwikkel dat dit self die eienskappe van Joël se sprinkaanswerms aanneem. (In die Engelse Bybel word vier verskillende soorte sprinkane vir die vier vlae beskryf).

Suid-Afrika is egter nie enige ander demokratiese land nie.

arabian nights game Фильчаков

Suid-Afrikaners gestrand in Mosambiek ná voedselonluste

Honderde Suid-Afrikaners is vasgevang in onluste wat Mosambiek tans teister en hulle is gedwing om hul verblyf in die land te verleng. ‘n Hele aantal hotelle in Maputo sukkel om diegene wat gestrand is te akkommodeer.

Verskeie mense is dood toe die polisie op onlusmakers losgebrand het wat betoog oor stygende voedsel-, water- en elektrisiteitspryse in Maputo en nabygeleë Matola. Die onlusmakers het ‘n groot deel van die hoofstad tot stilstand gebring.

Die meeste mense kon nie by die werk kom nie en passasiers in Johannesburg en elders was gestrand by die lughawe omdat Maputo s’n gesluit was.

DIe plaaslike TV-stasie Soico Televisão het die dodetal op 10 of meer geskat, met ten minste 11 beserings, terwyl die staatsnuusagentskap AIM die dodetal op “ten minste drie” beraam het.

Euginia dos Santos, van die Hotel Cardoso, het gisteraand gesê: “Daar is geen manier waarop mense by die lughawe kan kom nie omdat die paaie geblokkeer is. Dit is beslis te riskant om vandag (Woensdag) lughawe toe te gaan.”

As gaste ‘n vol bespreekte hotel teëkom, sê Dos Santos sommige, wat nie hulle weg na die lughawe as gevolg van die onrus kon vind nie, het ingestem om na dubbelkamers te verskuif, om plek te maak vir ander gaste wat reeds kamers bespreek het wat hulle teen giseroggend moes ontruim het.

Dos Santos sê sommige kamers het leeg gebly aangesien meer gaste by die lughawe vasgekeer was met geen manier om by die hotel te kom nie.

‘n Suid-Afrikaanse sakeman is deur polisiebeamptes weggekeer toe hy gister probeer het om sy weg na Maputo se lughawe te vind en is gedwing om “‘n belangrike konferensie in Johannesburg mis te loop”.

“Polisiebeamptes het ons aangesê om terug te draai omdat swartes verbygaande motors met klippe gegooi het en buitebande verbrand het. Ek dink elke sakeman is verontrief,” het Julio Dias van Roodepoort gesê.

Hy het gesê hy kon die woede agter die griewe verstaan aangesien “daar geen vakbonde in Mosambiek is nie en geen formele manier vir werknemers om met die regering te skakel nie.”

Suid-Afrika se hoë kommissariaat (ambassade) is gesluit ná die voorvalle van geweld. Die Suid-Afrikaanse hoëkommissaris na Mosambiek Dikgang Moopeloa het gesê Suid-Afrikaners wat Mosambiek besoek, moet die N4 tussen Maputo en Matola vermy.

Vlugte na Maputo deur sowel die SAL as die plaaslike redery LAN is gister gekanselleer.

Die oproer skyn verooraarsaak te gewees het deur ‘n 13,4 persent toename in elektrisiteitstariewe en ‘n 11,7 persent toename in die waterpryse, plus ‘n regeringsaankondiging dat die broodprys op 6 September met 25 persent sou styg.

Die ergste van die geweld was in die omgewing van Benfica, aan die buitewyke van Maputo, waar onlusmakers die Sasseka-voedselverspreidingsdepot aangeval en beskadig het, asook ‘n kantoor van die elektrisiteitsmaatskappy Electricidade de Mozambique, het AIM gesê.

Die staatsbeheerde Telivisao de Mozambique het beelde van ‘n brandende vulstasie vertoon en berig ander stasies en winkels is ook beskadig.

AIM het gesê dat die polisie by die Benfica en Prasa dos Combatentes-lughaweterminale traangas afgevuur het om betogers te verjaag wat bande brand om die verkeer te versper. Die betogers het klippe na verbygaande voertuie gegooi.

Bolle rook het die hele gebied bedek.

Die oproer het vervoer ontwrig, insluitende die minibusse waarop die meeste pendelaars staatmaak. Skares voetgangers wat werk toe loop, het die strate verstop.

‘n SAL-woordvoerder Fani Zulu het gesê al vier vlugte tussen Johannesburg en Mosambiek is as gevolg van die onrus gekanselleer. “Ons kyk na ongeveer 400 passasiers wat as gevolg hiervan nie kon vlieg nie,” het hy gesê.

Die Mosambiekse joernalis Paul Fauvet het gesê die SAL het passasiers aangesê om baie vroeg vandag na die lughawe te kom om te probeer om die volgende vlug na Maputo te haal.

Die organiseerders van die onluste is te blameer vir die sterftes, het die minister van binnelandse sake José Pacheco gesê.

“Ons werk aan die identifisering van mense wat die staking georganiseer het en pak die skuld vir die dood en beserings, sowel as ‘n verwoesting van eiendom, op hulle,” het hy gesê.

Anonieme mense het teksboodskappe per selfoon gestuur het om Mosambiekers aan te hits om teen die prysstygings te betoog, het Arnaldo Chefo, ‘n polisiewoordvoerder, gesê.

Nog ‘n woordvoerder van die polisie, Pedro Cossa, het gesê die polisie hanteer die betogings “as ‘n bedreiging vir die openbare rus en orde”.

светильники

Die omskop van ‘n holgevrete Afrikaans

Afrikaans se grootste bedreiging kom van binne, meen prof. Hans du Plessis, direkteur van die ATKV se skryfskool in Potchefstroom.

Du Plessis ontken nie die bedreiging vanuit die geledere van die regering en ANC nie, maar meen dit is veel makliker om ‘n boomstomp om te skop wat van binne holgevreet is.

Hy gebruik die voorbeeld om in die ooste van Pretoria ‘n kleuterskool vir jou Afrikaanse kind te vind. Oral word verduidelik dit is veeltalig of dubbeltalig Engels, want oor ‘n paar jaar sal die kind nie meer in Afrikaans kan skoolgaan of werk nie.

Terwyl Afrikaanse musiek en literatuur blom – al laat die taalgebruik taalpuriste se bloed yskoud word, word die Indrafkafee op die platteland die Fast Food Cafe en die Altefraai-salon die Angie’s Beauty Parlour .

Du Plessis wys op die voorliefde wat Afrikaners so met elke eeuwending vir Engels ontwikkel, en meen dit geld nou weer.

Die spook, as’t ware, van Langenhoven se Wênderbaails loop weer.

Die internet word behoorlik oorstroom deur Afrikaans, maar daar skerm webmeesters wat omgee vir die vale: Gebruik tog ‘n goeie Afrikaanse speltoetser. Want dit wat opgedis word mag die mooiste klanke voortbring, maar die spelling doen die taal oneer aan. Kennis oor wat los, en wat vas geskryf moet word, het skynbaar heeltemal verdwyn.

Na maande se beplanning het ‘n Afrikaanse woongebied in Bloemfontein se inwoners hul GPF-borde gekry. Een van die ontvangers is ‘n dosent in Afrikaans, met die gevolg dat die borde eers teruggetrek moes word om die ergste spelfoute reg te maak. Die woorde wat vas moet wees, en wat los geskryf is, is egter net so gelaat omdat die herstelkoste te groot sal wees.

Dit mag wees dat ‘n gekibbel oor hoe die taal gebruik word terwyl die stryd om amptelike oorlewing en behoud as taal van hoër onderwys nog woed, die selfde soort luukse is as ‘n ter dood veroordeelde wat kibbel oor die kleur skoene wat hy met sy teregstelling gaan dra.

Ma’ check my mooi, my China, dis lekka groovy om dit in A-one Afrikaans te spin, ek sê.

Of moet miesies Wênderbail se vermaning aan die kinders wat in die agterplaas bietjie meer op die lot van Afrikaans toegepas word?: “ Children, come out of de after yard. You will tramp in de hounde strount!” Of in Afrikaans: Moenie met die skoonste taal op Avbob se stoep speel nie.

Motornywerheidstaking begin

Lede van die Nasionale Unie van Metaalwerkers van Suid-Afrika (Numsa), wat by vulstasies, werkswinkels en motorhandelaars werk, het vandag begin staak, het ‘n vakbondwoordvoerder gesê.

“Niks het verander nie. Die staking gaan voort,” het Numsa se woordvoerder Castro Ngobese aan die Suid-Afrikaanse Persassosiasie gesê.

Hy het verklaar dit is onmoontlik om te sê hoeveel lede betrokke is, maar het verduidelik die vakbond beskik oor 70 000 lede regoor die land. Hulle werk as pompjoggies, of in werkswinkels, handelaars en ingenieursondernemings, onder andere.

Gesprekke word voortgesit met die Motorkleinhandelaarsnywerheid en Brandstofkleinhandelaarsvereniging om die dooiepunt op te los.

“Gesprekke word vanaand [Woensdag] voortgesit,” het Ngobese gesê.

Numsa se eise sluit ‘n 20%-loonverhoging oor die hele spektrum in, asook ‘n 40-uurweek, met volledige betaling.

Die vakbond wil ‘n eenjaarooreenkoms in plek gestel hê wat op 1 September 2010begin, en eindig op 30 Junie 2011.

“Ons eise aan die RMI, en FRA is in ooreenstemming met die African National Congress se verkiesingsverpligtinge rondom die skep van ordentlike werk en ‘n volhoubare lewensbestaan vir die werkers en die armes,” het die vakbond in ‘n verklaring Dinsdag gesê.

‘n Optog sou plaasvind in Bellville in die Wes-Kaap waar ‘n memorandum van eise aan die RMI oorhandig sal word.

Die brandstofkleinhandelaars (FRA) se uitvoerende hoof Reggie Sibiya het gister gesê die gaping tussen wat dit kan aanbied en Numsa se eise was “te groot”.

Hy het gesê dat hulle ‘n “reuseloonaanpassing” van 68% in 2007 ingevoer het om die bedryf in ooreenstemming met minimumloonverwagtinge te bring.

Dit is gevolg deur bo-inflasiestygings in 2008 en 2009. Terwyl die staking volgens berigte diens by petrolstasies sou beïnvloed, het Sibiya gesê geen vulstasies sal gesluit word nie.

“Nie almal is deel van die vakbond nie, dus sal garages nie toemaak nie.”
Hy het gesê die FRA het ‘n ooreenkoms met die vakbond onderteken om intimidasie en viktimisering te voorkom.человек пауке Александр Фильчаков

Stakers se boodskap aan die ANC-elite

Die huidige stakinglus van die NSA se werkerskorps is besig om ‘n crescendo te bereik, en reeds is daar vele teorieë oor die oorsprong en werklike rede vir die staking. Hierdie staking dreig om ‘n ander kleur en karakter te hê, as vorige jare s’n.

Augustus en September is tradisioneel stakingstyd, en dus verwag mens dit hierdie tyd van die jaar, maar die intensiteit is besig om ooglopend toe te neem, en dit lyk nie of die vakbonde enigsins hierdie keer ‘n toegeeflike houding teenoor die regering wil of gaan inneem nie.

Dit is baie duidelik dat die Cosatu / Kommuinistiese Party-alliansie vir die ANC duidelik wil wys dat dit nou tyd is om beloftes na te kom in ruil vir hulle ondersteuning aan Zuma met sy staatsgreep. Elke ding het sy prys, en dit is nou betaaltyd. Maar daar is ‘n groter motivering van die werkers se kant af, en dit is ‘n boodskap wat onderliggend al dringender deur die oerwoudtromme uitgedra word.

Op hierdie stadium het die werkers agtergekom dat, in terme van die Orwelliaanse staat wat die ANC geskep het – “some animals are more equal than others”. En hulle wil dit nie meer aanvaar nie. Daardie siek gees van materieëe aanmatiging waarmee die ANC-elite net ryker en vetter word, het ‘n breuk in die fyn balans geword. Veral in die staatdiens, dra baie werkers kennis, en is bewus van die vergrype en korrupsie van die ANC-politici en senior bestuurders en dit blyk dat hulle nou besluit het genoeg is genoeg. Die situasie in die staatdiens het nou onhoudbaar geword, met baie werkers wat stilbly oor bedrog, net om nie afgedank te word nie, en sommiges wat openlik gedreig word.

Die werkers se boodskap in hierdie staking, is direk aan die ANC -fat cats” gerig. Betaal ons beter, want julle kan nie alleen uit hierdie magsvergryp voordeel trek nie.

Dit plaas natuurlik die ANC-elite in ‘n baie netelige posisie, want sou hulle nie uiteindelik toegee nie, kan daar nare stories van hulle vergrype op die lappe kom. ‘n Groot persentasie van die geld wat deur senior staatsamptenare en politici se bedrog gegenereer word, word natuurlik ook na die koffers van die ANC gekanaliseer, en dit sou hulle nie graag in die openbare oog wil hê nie.

En wat ons moet onthou, is die meer as 50% wat die Afrikaner tot die staatskas bydra. Ons finansier al daardie bedrog, en uiteindelik die ANC. Hoe langer ons onder mekaar stry, en die beweging na ‘n soewereine Vryheidstaat uitstel, hoe langer dra ons tot ons eie verdrukking en slawerny by.

Фильчаков прокурор

Hamilton wen in ‘n papnat België

Die Britse en voormalige wêreldkampioen Lewis Hamilton het ‘n papnat Spa ingepalm. Sy spanmaat en huidige kampioen Jensen Button het weens ‘n ongeluk met die Duitser Vetel sy kanse om die titel hierdie jaar weer te wen ‘n knou gegee.

Fernando Alonso, wat die afgelope paar wedrenne weer na die ou Alonso gelyk het, het seker die meeste verloor toe hy Sondag eers aan die begin van die wedren deur Barrichello en toe sommer aan die einde van die wedren self van die baan af is. Button is nou 35 punte agter Hamilton en dit sal bitter moeilik wees om weer in te haal.

Die Australiër Mark Webber, wat tot nou toe die voorloper in die kampioenskap was, het tweede geëindig vir Red Bull. Hy is nou slegs 3 punte agter Hamilton wat die nuwe voorloper op die leer is. Die volledige uitslae is soos volg:

Plek	Nr	Bestuurder	Span	Rondtes	Tyd/Uit	Wegspr	Punte
1	2	Lewis Hamilton	McLaren-Mercedes	44	1:29:04.268	2	25
2	6	Mark Webber	RBR-Renault	44	+1.5 sek	1	18
3	11	Robert Kubica	Renault	44	+3.4 sek	3	15
4	7	Felipe Massa	Ferrari	44	+8.2 sek	6	12
5	14	Adrian Sutil	Force India-Mercedes	44	+9.0 sek	8	10
6	4	Nico Rosberg	Mercedes GP	44	+12.3 sek	14	8
7	3	Michael Schumacher	Mercedes GP	44	+15.5 sek	21	6
8	23	Kamui Kobayashi	BMW Sauber-Ferrari	44	+16.6 sek	17	4
9	12	Vitaly Petrov	Renault	44	+23.8 sek	23	2
10	17	Jaime Alguersuari	STR-Ferrari	44	+29.4 sek	11	1
11	15	Vitantonio Liuzzi	Force India-Mercedes	44	+34.8 sek	12
12	22	Pedro de la Rosa	BMW Sauber-Ferrari	44	+36.0 sek	24
13	16	Sebastien Buemi	STR-Ferrari	44	+39.8 sek	16
14	10	Nico Hulkenberg	Williams-Cosworth	43	+1 Rondte	9
15	5	Sebastian Vettel	RBR-Renault	43	+1 Rondte	4
16	19	Heikki Kovalainen	Lotus-Cosworth	43	+1 Rondte	13
17	25	Lucas di Grassi	Virgin-Cosworth	43	+1 Rondte	22
18	24	Timo Glock	Virgin-Cosworth	43	+1 Rondte	20
19	18	Jarno Trulli	Lotus-Cosworth	43	+1 Rondte	15
20	20	Sakon Yamamoto	HRT-Cosworth	42	+2 Rondtes	19
Uit	8	Fernando Alonso	Ferrari	37	Ongeluk	10
Uit	1	Jenson Button	McLaren-Mercedes	15	Ongeluk	5
Uit	21	Bruno Senna	HRT-Cosworth	5	+39 Rondte	18
Uit	9	Rubens Barrichello	Williams-Cosworth	0	Ongeluk	7

Wat die kampioenskap leer vir die spanne aanbetref klou Red Bull aan die bokant vas met ‘n ekele punt voorsprong bo Mclaren. Die volledige punte leer vir die spanne lyk soos volg:

Plek	Span	Punte
1	RBR-Renault	330
2	McLaren-Mercedes	329
3	Ferrari	250
4	Mercedes GP	146
5	Renault	123
6	Force India-Mercedes	58
7	Williams-Cosworth	40
8	BMW Sauber-Ferrari	27
9	STR-Ferrari	10
10	Lotus-Cosworth	0
11	HRT-Cosworth	0
12	Virgin-Cosworth	0

Die bestuurderspunteleer lyk egter baie belowend vir die Britse jaer Lewis Hamilton.

Plek	Bestuurder	Land	Span	Punte
1	Lewis Hamilton	Britanje	McLaren-Mercedes	182
2	Mark Webber	Australië	RBR-Renault	179
3	Sebastian Vettel	Duitsland	RBR-Renault	151
4	Jenson Button	Britanje	McLaren-Mercedes	147
5	Fernando Alonso	Spanje	Ferrari	141
6	Felipe Massa	Brasilië	Ferrari	109
7	Robert Kubica	Pole	Renault	104
8	Nico Rosberg	Duitsland	Mercedes GP	102
9	Adrian Sutil	Duitsland	Force India-Mercedes	45
10	Michael Schumacher	Duitsland	Mercedes GP	44
11	Rubens Barrichello	Brasilië	Williams-Cosworth	30
12	Kamui Kobayashi	Japan	BMW Sauber-Ferrari	21
13	Vitaly Petrov	Rusland	Renault	19
14	Vitantonio Liuzzi	Italië	Force India-Mercedes	13
15	Nico Hulkenberg	Duitsland	Williams-Cosworth	10
16	Sebastien Buemi	Switserland	STR-Ferrari	7
17	Pedro de la Rosa	Spanje	BMW Sauber-Ferrari	6
18	Jaime Alguersuari	Spanje	STR-Ferrari	3
19	Heikki Kovalainen	Finland	Lotus-Cosworth	0
20	Karun Chandhok	Indië	HRT-Cosworth	0
21	Lucas di Grassi	Brasilië	Virgin-Cosworth	0
22	Jarno Trulli	Italië	Lotus-Cosworth	0
23	Bruno Senna	Brasilië	HRT-Cosworth	0
24	Timo Glock	Duitsland	Virgin-Cosworth	0
25	Sakon Yamamoto	Japan	HRT-Cosworth	0

Лобановский

Gekoring agter die stuurwiel

Die Wes-Kaapse departement van vervoer het pas die kwessie van dronkbestuur, en die probleme wat dit teweeg bring, onder die aandag gebring. Sover vanjaar is 2 000 mense in dié provinsie vir dronkbestuur gearresteer, waarvan 96 die afgelope naweek. Altesaam 296 mense het dié jaar reeds op die provinsie se paaie die lewe gelaat, terwyl dronkbestuur en snelheid die twee hoofoorsake hiervoor is. Baie van die sterftes is ook die gevolg van dronk voetgangers, wat nie sonder meer voor die motoriste se deur gelê kan word nie.

Die 2 000 arrestasies vanjaar is effens misleidend, aangesien daar die vorige jaar meer as 12 000 dronkebestuurgevalle in die Wes-Kaap was. Met 242 gevalle per 100 000 van die bevolking, is die Wes-Kaap die provinsie wat meeste wetstoepassing op dié terrein doen. Limpopo met 31 per 100 000 is die provinsie wat die minste doen, terwyl die land se gemiddeld op 115 per 100 000 staan.

Uit aanvullende syfers soos padongelukke en die moordsyfers – wat immers ook dikwels drankverwant is – is dit duidelik dat dronkbestuur nie so ‘n unieke Wes-Kaapse verskynsel is nie, maar wel die vlakke van wetstoepassing.

Die Wes-Kaap se 242 per 100 000 is byvoorbeeld dubbel die Gautengse syfer.

Volgens die nie-regeringsorganisasie, Suid-Afrikaners teen dronkbestuur, word juis so baie dronkbestuur omdat daar so maklik mee weggekom word. Die organisasie gaan egter voort en beskuldig die howe van ‘n te sagte benadering, en dat dronkbestuurders veel laer boetes opgelê word as wat die wet voor voorsiening maak.

Ander faktore dra by tot die padsterftesyfer, soos padtoestande en die padwaardigheid van voertuie. Hoe knapper die ekonomie raak, hoe ouer word die gemiddelde ouderdom van voertuie op die pad.

Verskeie internasionale studies toon hoe groter ‘n land se inkomstegaping groei, hoe meer maatskaplike probleemtoestande ontwikkel, en is ‘n newe-effek dat die tronke voller word. Ook hierin speel drankgebruik ‘n rol.

Van die syfers sluit ook bestuur onder die invloed van dwelmmiddels in. Wat die kategorie dwelmverwante misdrywe betref, staan die Wes-Kaap ook hier kop en skouers bo die res van die land uit, met meer as ‘n 1 000 gevalle per 100 000. Ook hier is die syfer vir Limpopo besonder laag, naamlik 63, maar Mpumalanga met 46 per 100 000 is nog laer. Dit klop nie met die aanwesigheid van grensposte en die algemene gebruik van dagga nie.

En ook dié probleem verwoes lewens.

Фильчаков