Dan Roodt, Author at praag.co.za

VSA tree in tussen Japan en China om temperatuur op te jaag

‘n Territoriale dispuut tussen China en Japan kan ‘n vonk wees wat sal lei na “gewelddadige konflik,” het die Amerikaanse Sekretaris van Verdediging, Leon Panetta gesê. Die VSA het ook ‘n missielafweerverdrag met Tokio onderteken tot die ergernis van Beijing.

“Ek is bekommerd dat wanneer hierdie lande betrokke raak in ‘n woordestryd van een of ander aard oor hierdie verskillende eilande, dat dit die moontlikheid inhou van ‘n verkeerde oordeel aan die een kant of die ander en dit sal na geweld lei, wat kan lei tot konflik,” het Panetta gesê.

Die VSA se toetrede het egter tot die oplaaiende spanning bygedra.

Panetta het ook gewaarsku dat Beijing en Tokio ‘n einde moet maak aan die stryd of die risiko van ‘n konflik kan loop wat die gevaar inhou “om uit te brei”.

Na aanleiding van die diplomatieke vergadering met Panetta, het die Japannese minister van buitelandse sake Koichiro Gemba gesê dat Washington bevestig het dat die Senkaku-eilande, wat deur beide Japan en China opgeëis word, deur ‘n veiligheidsverdrag tussen die VSA en Japan beskerm word.

In die 1960-verdrag, het die VSA hulself verbind om die Japannese in die geval van ‘n aanval op die land se grondgebied te help.

Die VSA het ook ‘n ooreenkoms onderteken met Japan Maandag vir ‘n tweede missielafweerstelsel wat daarop gemik is om Noord-Korea in toom te hou. China kan die stap sien as verdere uitlokking.

Die Japannese ambassadeur in China is skielik in ‘n Tokio-hospitaal dood nadat hy drie dae vroeër opgeneem is. Sy dood val saam met ‘n toename in anti-Japanse betogings in China oor die territoriale dispuut.

Die oorsaak van ambassadeur Shinichi Nishimiya se dood word tans ondersoek, het Japan se Ministerie van Binnelandse Sake gesê. Drie dae gelede, is Nishimiya bewusteloos naby sy Tokyo-huis gevind net nadat hy vir werk vertrek het.

‘n Tweede dag van betogings het plaasgevind in China teen Japan se territoriale aanspraak op die groep betwiste eilande in die Oos-Sjinese See. China erken nie Japan se aanspraak op die eilande nie, wat bekend is aan die Japannese as Senkaku en as Diaoyu deur die Chinese.

Japannese fabrieke en winkels is afgebrand en beskadig in betogings wat in die ooste van China voorgekom het.

Spanning tussen die twee lande het Vrydag tot oproer gelei toe ses Chinese skepe Japannese waters naby die betwiste eilande binnegevaar het en die Japannese kuswag se oproepe om die waters te verlaat, geïgnoreer het.

Is die skietslagoffer André Jordaan net gelos om dood te gaan by Baragwanath-hospitaal?

Die blanke Afrikanerslagoffer van die jongste skietery in Muldersdrift, André Jordaan (50), is na Baragwanath-hospitaal vervoer, maar daar is nie op hom geopereer nie, in weerwil van die sewe koeëls in sy liggaam. Nadat hy Donderdagaand deur ‘n swerwende bende swart rowers geskiet is, het die hospitaal in Soweto belowe om teen Vrydagoggend ‘n noodoperasie uit te voer.

Die operasie is egter nie gedoen nie en Jordaan het Saterdagaan om 22.05 gesterf. Sy gesin, wat Jordaan “soos ‘n held” beskerm het deur letterlik sy ligaam as skild teen ‘n deur te gebruik, wonder nou intens wat verkeerd geloop het. Sy seun Shaun het aan Beeld gesê: “Ons wil net weet wat fout gegaan het en is desperaat om antwoorde by die hospitaal te kry. My pa was Donderdag ná die skietery tot eergistermiddag nog baie sterk.”

Blykbaar het die hoof van Baragwanath belowe om die gesin oor die saak te kontak.

Jordaan is ten minste sewe keer deur ‘n toe deur geskiet terwyl hy gepoog het om sy gesin teen ‘n tipe militêre aanval deur ten minste vier swart rowers te beskerm. Muldersdrift is al ‘n ruk lank die toneel van ‘n oorlog teen huishoudings deur misdadigers en ANC-opgeleide krygers wat as die “Task Desk” bekendstaan. Vele van die aanvallers kom ook uit Zimbabwe en het moontlik opleiding in Mugabe se weermag ondergaan.

Die hele gesin van ses het in die kamer agter die deur weggekruip terwyl die aanvallers probeer het om dit af te breek. Afgesien van mnr. Jordaan, was daar sy seun Shaun (26), sy vrou Isabel (48), nog ‘n seun Kevin (23), tesame met dié se swanger vriendin Mariska (24) en Shaun se vrou Jeanine (23).

André Jordaan is verskeie kere geskiet, maar het steeds regop bly staan om met sy lyf teen die deur te leun. Hy is drie keer in die maag, twee keer in die bors, asook in die linkerarm en regterskouer raakgeskiet.

Soos vroeër berig is, is drie van die aanvallers Vrydag in hegtenis geneem en sal vandag in die Krugersdorpse landdroshof verskyn. Die moordenaars is vermoedelik dieselfde as dié wat vir die moord op Alyssa Botha (13), ‘n leerling van Hoërskool Monument, verantwoordelik was toe haar gesin net ‘n paar huis van die Jordaans ‘n week vantevore aangeval is.

Daar heers meningsverskil oor die identiteit van die bende, aangesien sekere bronne beweer dat hulle reeds verlede week in hegtenis geneem is maar weer deur die polisie vrygelaat is.

Die kern van die kernkwessie

Dat die spanning opbou in die Midde-Ooste is nie te betwyfel nie. Beide die VSA, Brittanje en Frankryk, asook Saoedi-Arabië beman die oorlogsteater van Iran vir die jongste opvoering van oefeninge wat daarop gemik is om die Straat van Hormoez te beskerm.

As dié seestraat gesluit moet word, is dit nag vir die wêreldekonomie, aangesien ‘n groot gedeelte van die wêreld se ru-olie daardeur vervoer word.

Die Pentagon het in die verlede ‘n verslag vrygestel waarin die 563 kernfoute, wanfunksies, en vals alarms oor die jare gelys word. ‘n Riller van ‘n verslag, want dit bring die leser onder die indruk van hoe naby die wêreld al talle kere op die rand van ‘n baie lelike konflik beweeg het met vals alarms.

Dan is daar die ongelukke, te veel om te noem. Kernduikbote van die soort wat nou in die Persiese Golf rondvaar en bots met ander skepe, is nie raar nie. Ten minste agt kernduikbote (een Frans, twee Amerikaans en vyf Russies) lê en vrot op die bodem van die see, waar hulle uraan en plutonium lek. In 2003 het die U.S.S. Hartford, ‘n kernaangedrewe duikboot, ‘n rots getref by ‘n klein eiland noord van Sardinië. Die gebied is nou hoogs radioaktief. En dit was nie eens vir ‘n oorlog nie.

In 1961 het ‘n Amerikaanse B-52 met twee atoombomme aan boord oor Faro, Noord-Carolina verongeluk. Een van die bomme, met ‘n valskerm om dit te vertraag, is gevind. Vyf van die ses sekerings wat ontwerp is om volle kernontploffing te voorkom, het misluk. Die ander atoombom is 6 meter diep in die grond begrawe.

Die militêre owerhede het besluit dis te moeilik om uit te grawe en dit daar gelaat. En daar sit dit tot vandag toe nog. Hierdie klein “ongelukkie” behels bomme wat elk 250 keer die krag van die Hirosjimabom dra. Die bevelvoerder het heel ernstig verklaar dat die bom ‘n hawe in NC sou skep en dat dit amper-amper was.

In 1956, en 1958, het twee vliegongelukke kernwapens ter plaatse gelaat en op 17 Januarie 1966, het ‘n Amerikaanse B-52 twee van vier waterstofbomme radioaktiewe deeltjies oor Palomares, Spanje in ‘n ontploffing gestrooi. Die Verenigde State het 1400 ton van radioaktiewe Spaanse grond opgegrawe en na Aiken, Suid-Carolina gestuur, waar die Savannah River Site die vervaardiging van kernwapens met die afval onderneem het.

Dit was net na die U.S.S. Ticonderoga uit Vietnam weggevaar het na Japan met ‘n kernbewapende vliegtuig aan boord en per ongeluk die vliegtuig in die see laat val het, kompleet met ‘n atoombom en vlieënier, tot op die bodem van die see, waar hulle tot vandag toe bly.

In 1968, het ‘n ander Amerikaanse B-52 met vier atoombomme neergestort in Groenland. Drie van die bomme het ontplof, terwyl die vierde nog soek is. Dit is onder die 11 kernbomme wat die Verenigde State erken dat hy oor die jare verloor het.

Dit is nog benewens die gebruik van wapens wat met arm uraan toegerus is, wat waarskynlik bygedra het tot duisende sterftes en geboorte-defekte. Behalwe die VSA, het 29 ander lande ook sulke wapens aangekoop.

Die kernramp in Japan het honderde duisende mense verplaas. Voor hierdie ramp, het die reguleerders in Japan gesê hulle het alle moontlike veiligheidsmaatreëls in plek. In die VSA staan 104 verouderde kernkragaanlegte, waarvan 23 volgens die dieselfde gebrekkige ontwerp as in Fukushima opgerig is.

Kernaangeleenthede van watter aard ook al, moet met die grootste versigtigheid hanteer word. Ongelukke maak dit al moeilik, maar ‘n dreigende oorlog maak dit dringend.

Geen DNS-skakel na Assange in kondoom nie

‘n Kondoom wat aan die Sweedse polisie gegee deur een van Julian Assange se beskuldigers bevat nie die WikiLeaks-stigter se DNS nie, het forensiese wetenskaplikes bevind.

Assange se prokureurs het aan die lig gebring dat die geskeurde kondoom, wat ondersoek is deur die personeel by twee forensiese laboratoriums, nie afdoende bewys bevat dat Assange dit ooit gebruik het nie, het die Daily Mail berig.

Assange se prokureurs het gesê dat die gebrek van DNS-bewyse, wat na bewering gebruik was tydens ‘n vermeende seksuele aanranding in Augustus 2010, dui daarop dat ‘n valse bewysstuk ingehandig kon gewees het.

Die vrou van 33, is na bewering gemolesteer deur Assange by haar woonstel in Stockholm. Sy sê dat hy op ‘n punt doelbewus ‘n kondoom gebreek het om onbeskermde seks met haar te hê.

Assange beweer dat hy konsensuele seks gehad het met ‘n vrou, maar ontken dat hy doelbewus die kondoom geskeur het. Hy het voorheen aan die polisie gesê dat hy by haar oornag het vir die week ná die beweerde voorval, en sy het nooit enige melding gemaak van die geskeurde kondoom nie.

Maar DNS is na bewering gevind – wat Assange se teenwoordigheid bevestig – op ‘n kondoom wat deur ‘n tweede vrou ingehandig is. Sy beskuldig hom ook van verkragting. Die Sweedse owerhede het dus hul uitleweringsbevel aan die Verenigde Koninkryk op grond daarvan gerig.

Die tweede aanklaagster, nou 29, wat beweer dat hy haar verkrag het in haar slaap, het glo aan die polisie gesê sy was nie gekant teen onbeskermde seks met hom nie, ten spyte van vorige verklarings tot die teendeel, het die koerant berig.

Assange ontken die bewering van verkragting, en sê dat hy konsensuele seks gehad het met die tweede vrou ook. Die Sweedse aanklaer se kantoor het geweier om kommentaar te lewer op die verslag en gesê dat die ondersoek aan die gang is.

Лобановский Харьков

Zuma moet parlement inlig oor Weermag en Polisie

“Pres Jacob Zuma is volgens die grondwet verplig om die parlement in te lig indien die Weermag in samewerking met die Polisie aangewend word. Die indruk is dat die Weermag die afgelope naweek in samewerking met die Polisie in die Rustenburg/Brits-gebied aangewend is. In so geval bepaal artikel 201 (3) van die grondwet duidelik dat die president die parlement onverwyld moet inlig oor die redes, die plek waar, die getal mense betrokke en die tydperk waarvoor die Weermag na verwagting aangewend sal word. Die Vryheidsfront Plus ondersteun die samewerking van die Weermag met die Polisie indien die omstandighede dit vereis, maar dan moet die parlement, en daardeur die publiek, ingelig word soos vereis word deur die grondwet,” sê mnr. Pieter Groenewald, hoofwoordvoerder vir Verdediging en Militêre Veterane van die Vryheidsfront Plus.

“Die parlement is tans in sitting en pres. Zuma kan nie net die portefeuljekomitee of die Gesamentlike Staande Komitee van Verdediging en Militêre Veterane inlig volgens artikel 201(4) van die grondwet nie. Dit moet ook die president wees wat die parlement inlig en nie die minister van Verdediging en Militêre Veterane nie,” het Groenewald gesê.

Romney droom van kernwapens

Washington gaan honderde miljarde dollar oor die volgende dekade spandeer om sy verouderende kernarsenaal op te knap. Die uitdaging kom terwyl die Amerikaanse regering $1,2 triljoen in die federale begroting moet terugsny oor die dieselfde tydperk.

Die Washington Post berig dat planne vir ‘n volskaalse hervorming van die land se arsenaal aan die gang is. Die modernisering van die Amerikaanse kernwapenkompleks, is blykbaar uiters noodsaaklik, maar gaan vir geweldige kritiek sorg aangesien die VSA kernproliferasie tot dusver teengestaan het.

In ‘n tydvak van asimmetriese oorlogvoering, waar die Pentagon enorme besnoeiings aan sy konvensionele magte oorweeg, gaan dié besluit des te moeiliker wees om aan die Amerikaanse publiek te verkoop. Die $1,2 triljoen se besnoeiings sal outomaties van die federale begroting oor die volgende tien jaar afgetrek word onder die hoogsomstrede 2011-Begrotingswet (BCA).

Washington sal dus noodgedwonge 11,1 miljard van hul Medicare moet terugsny omdat biljoene meer toegeken sal word aan die kernarsenaal se opknapping.

Ironies genoeg, het die Amerikaanse president Barack Obama verklaar, nadat hy die Nobel-vredesprys in 2009 ontvang het, dat “Amerika se verbintenis is om die vrede en veiligheid van ‘n wêreld sonder kernwapens na te streef,” aan ‘n jubelende skare in Praag in April van daardie jaar.

Obama se droom vir ‘n kernvrye wêreld is veel verder buite bereik as wat dit twee jaar gelede geblyk het, toe hy in 2010 die vermindering van kernkoppe na ‘n duisend of minder aangekondig het. Daar is tans meer as 5 000 sulke wapens op die inventaris.

Gen James E. Cartwright, ‘n voormalige bevelvoerder van die Verenigde State se kernarsenaal, het die vermindering geloof.

“Die wêreld het verander, maar die huidige arsenaal dra die bagasie van die Koue Oorlog,” het hy aan The New York Times gesê in ‘n onderhoud in Mei.

En terwyl die Obama-administrasie onwillig is – of dalk nie in staat is – om te bepaal net hoe groot ‘n kernarsenaal die VSA vir sy strategiese doelwitte behoort te hê nie, is die Republikeinse presidensiële kandidaat Mitt Romney heftig gekant teen die nuwe START-verdrag met Moskou, waardeur die VSA en Rusland strategiese kernwapens en afleweringstelsels verminder.

Фильчаков прокурор

Weermag, polisie ontplooi in SA se ergste krisis sedert ’94

Die weermag is Saterdag in Marikana in Noordwes ontplooi om te help om stakende myners te ontwapen. Dit is die ergste krisis in Suid-Afrika sedert die ANC-regering in 1994 aan bewind gekom het.

Swaar gewapende polisielede het vroegoggend op die mynhostel toegeslaan om pangas, messe, knopkieries en stokke te gekonfiskeer. Oproeriges is met traangas en rubberkoeëls verjaag.

Die polisie het die Nkaneng-lokasie met Njalas binnegevaar en ‘n weermaghelikopter het bo die gebied gesirkel waaroor traanrook gehang het. Twaalf mense is in hegtenis geneem vir ‘n “onwettige byeenkoms” en talle is beseer.

Brittanje en Malema se populisme is verantwoordelik vir die gewelddadige mynstakings by Marikana, volgens die ANC. Die party se nasionale werkkomitee (NWK) het ‘n verslag oor die onrus Saterdag in Pretoria aan die leiers voorgelê.

Die NWK het Lonmin, die eienaar van die Marikana-myn, en die Britse media verantwoordelik gehou, en Ramaphosa se uitbuitende rol as arbeidsmakelaar verontskuldig.

“Die klem op Lonmin, wat ‘n Britse mynmaatskappy is, spruit uit die Britse media se aanslag op die Suid-Afrikaanse regering sonder om na die rol van die werkgewer te verwys.

“Dié eng benadering laat ruimte vir die wrewel teenoor swart Suid-Afrikaners – onder wie minderheidsaandeelhouers [waaronder die NUK-lid Cyril Ramaphosa] wat toevallig ook swart is – wat die skuld kry dat hulle alleen verantwoordelikheid dra in die maatskappy.”

Hulle het ook uitgevaar teen Amcu wat teen die ANC se belange optree.

Pravin Gordhan, minister van finansies, het Vrydag tydens ‘n mediakonferensie by die Uniegebou in Pretoria gesê die opstande hou ‘n bedreiging vir die ekonomie in.

Die land se begrotingstekort kan styg en mense kan hul werk verloor. Beleggersvertroue word ook daardeur ondermyn. Die regering het by dieselfde geleentheid die noodmaatreëls aangekondig om die onrus in bedwang te bring.

Dawie Roodt, hoofekonoom van Efficient Group, sê swakker platinum-uitvoer gaan lei tot ‘n swakker rand. “Wat beteken ons gaan meer betaal vir olie – dan gaan die petrolprys op, inflasie styg, ons sal sit met hoër rentekoerse en groter werkloosheid.”

Rapport berig dat die Duitse nuusblad, die Frankfurter Rundschau, die onlangse gebeure in Suid-Afrika as ‘n “politieke en ekonomiese ramp” ná 18 jaar van ANC-bewind besryf het. “Die ANC het nóg ‘n visie nóg ‘n idee van hoe hy die skerper wordende kloof kan oorbrug,” sê die blad.

Dit is nog nie duidelik wie die ontplooiing van die weermag gemagtig het nie.

Ingevolge die Grondwet mag die president die weermag net ontplooi nadat hy die parlement geraadpleeg het. Die parlement hoef egter nie toestemming te verleen vir die president se uiteindelike besluit nie.

Mac Maharaj, pres. Jacob Zuma se woordvoerder, het Saterdag gesê die besluit om soldate te ontplooi was “operasioneel” en deur Jeff Radebe, minister van justisie, geneem. Die justisiewoordvoerder, het dit egter ontken, berig Rapport.

Cronjé herhaal PRAAG se waarskuwing oor DA

Die DA se ondersteuners moet hulle staal, sê Frans Cronjé van SAIRA. Hy het ‘n standpunt herhaal wat Praag al lank reeds huldig en lesers hier oor waarsku: Wit Afrikaanse kiesers gaan verraai word deur Helen Zille.

Soos Cronjé dit stel: Die DA is “ten opsigte van sy partybeleid op koers is om dieselfde rassistiese en sinlose swart ekonomiese bemagtigingsbeleid (SEB) te aanvaar wat die ANC die afgelope tien jaar inspan om teen wit mense te diskrimineer”.

Lees hier.

Данильченео

Vlaag anti-Japannese opstande ruk China

Woedende Chinese betogers teiken Japan, om China se soewereiniteit oor ‘n eilandketting in die waters tussen die twee lande te erken.

Verlede week het die Japannese regering gesê die Diaoyu, of Senkaku eilande is gekoop van ‘n private Japanese familie.

Die skuif het die Chinese regering briesend gelaat, wat nou nuwe kartering ingedien het om bewys van sy eienaarskap van die ketting aan die Verenigde Nasies te gee.

In Beijing, het ‘n kordon van paramilitêre anti-onluspolisie verhoed dat die skare die ambassade bereik, maar nie ingegryp toe die betogers slagspreuke geskree het en voorwerpe gegooi het nie.

“Gee terug ons eilande, Japanese duiwels!!” het sommige geskree. Een plakkaat het gelees: “Vir die respek van die moederland, moet ons ‘n oorlog teen Japan uitroep.”

‘n Nabygeleë straat, waar verskeie Japannese restaurant geleë is, is deur die polisie afgesper, terwyl sommige van die restaurante Chinese vlae buite gehang het om hulself te beskerm teen die nasionalistiese koors.

Soortgelyke betogings het plaasgevind in tientalle ander Chinese stede, waar skares opgeruk het in die strate, Japannese restaurante en winkels gevandaliseer het, en selfs ‘n Chinese polisievoertuig omgekeer het, want dit was ‘n Honda.

Twee polisiemotors is aan die brand gesteek in Xi’an want hulle was ook Japanse fabrikate. Veiligheid is verskerp om die stad se hoof toeristehotelle. In Changsha, het betogers by ‘n winkel ingebreek toe hulle ‘n geleentheid vir plundery gegun is in die chaos.

Verskeie Japannese burgers in China is aangerand, hoewel daar nie enige ernstige beserings aangemeld is nie. Volgens gerugte is hulle versigtig om by hospitale aan te meld uit vrees vir weerwraak.

Intussen het verskeie Chinese bekommerd begin raak dat hulle gebrandmerk sal word as “verraaiers” omdat hulle Japannese motors ry of Japannese produkte aankoop.

Die eienaar van ‘n Toyota het ‘n Chinese vlag oor die motor se wapen geplak, en plakkers op sy buffer aangebring wat lees: “Ek het die motor gekoop voordat Japan bitsig geraak het. Van nou af aan boikot ons Japanese goedere”. ‘n Foto van die motor het vinnig viraal oor die Chinese internet versprei.

topcargo

Vierde myn staak bedrywighede

Sewe mense is in hegtenis geneem deur die polisie buite die Aquarius Platinummyn in Rustenburg Vrydag. Dit is die vierde myn wat bedrywighede staak weens ‘n uitgerekte arbeidsdispuut.

Die arrestasies het binne ure van die minister van justisie, Jeff Radebe waarskuwing gelom dat die regering nie langer die geweld, dreigemente en intimidasie in die mynbousektor sal duld nie.

In ‘n aankondiging in Pretoria, na afloop van ‘n vergadering van veiligheid, ministers en ander Kabinetslede, het hy aangekondig dat maatreëls in plek gestel sal word om te verseker dat die situasie onder beheer gebring sal word.

Dit sluit in dat “onwettige byeenkomste, die dra van gevaarlike wapens, en uitlokking, sowel as dreigemente van geweld teen enigiemand in die geaffekteerde gebiede, dienooreenkomstig hanteer sal word.”

Radebe het gesê wetstoepassingsagentskappe “sal nie huiwer om diegene wat die wet oortree, in hegtenis te neem nie”.

Vroeër het ‘n groep betogers opgeruk van Anglo American Platinum (Amplats) se Blesbokmyn na Aquarius Platinum en daarop aangedring dat hulle saamstaak.

Mametlwe Sebei, leier van ‘n groep bekend as die Demokratiese Sosialistiese Beweging, het gesê die betogers moet alle myne in Rustenburg tot stilstand dwing volgende week.

Sebei het gesê Samancor, Xstrata, Murray & Roberts, Implats en Amandelbult moet staak.

Die polisie het die betogers uiteengejaag deur ‘n polisiehelikopter in te span.

лобановский политик