Dan Roodt, Author at praag.co.za

MTN, Iran deur Republikeine uitgebuit

Republikeine het verlede week die nuus dat David Plouffe, ‘n senior raadgewer in die Withuis, geld van MTN aanvaar het vir twee toesprake in 2010 in Nigerië, uitgebuit as sou dit ter ondersteuning van Iran wees.

Die Republikeine, by monde van hul woordvoerder Kirsten Kukowski, het glo “ernstige vrae” oor die aangeleentheid. MTN se mededinger Turkcell, het vroeër die maatskappy aangekla in ‘n federale hof in die VSA.

“David Plouffe kan moontlik die grootste leemte in die internasionale gemeenskap se sanksies teen Iran wees,” het sy gesê.

MTN word selfs beskuldig daarvan dat hulle Iran se militêre intelligensie-amptenare toegang tot intekenaars se besonderhede gegee het. Die maatskappy het die gerugte ontken.

Dit het intussen egter aan die lig gekom dat die Republikeinse presidensiële kandidaat Mitt Romney ‘n belegger in die Turkse mededinger Turkcell is. Die New York Times het daarop gewys dat Romney voordeel sal trek daaruit indien Turkcell sy saak wen.

Turkcell beskuldig MTN dat hulle die betwiste telekommunikasie-kontrak in Iran deur omkopery en beloftes van wapens, invloed en VN-stemme bekom het. Die Turke maatskappy dagvaar MTN vir $ 4,2 miljard.

Die Amerikaanse regering het agv strenger sanksies teen Iran in die afgelope maande, reeds die Suid-Afrikaanse regering gedwing om van Iran se olie-invoere af te skaal.

Plouffe was destyds ‘n gewone burger toe hy met ‘n MTN-filiaal die kontrak vir sy optredes aanvaar het, en daar was geen wetlike of etiese beperkings op sy optredes nie.

Фільчаков прокурор

Geweld by myn eis nog lewens

Twee polisiemanne wat gestuur is om ‘n gewelddadige protes te stabiliseer by Suid-Afrika se derde grootste platinummyn, is gister dood.

Dit bring die dodetal in die stryd tussen twee vakbonde by Lonmin se platinum-myn by Marikana in die Noordwes tot nege.

RSG berig vyf mynwerkers, twee polisielede en twee veiligheidswagte is reeds in die geweld dood. ‘n Polisielid wat met ‘n spies gesteek is, is in ‘n kritieke toestand in die hospitaal opgeneem.

Die wanorde het Vrydag begin toe vier mynwerkers tydens ‘n betoging oor salarisse doodgeskiet is.

Lede van die mynwerkersvakbond NUM en sy teenstande Amcu veg volgens berigte oor beheer op die myne in die gebied.

Daar was nog ‘n swaar polisieteenwoordigheid by al die myn se 12 skagte gister middag.

Sommige van die myn se werknemers dra koeëlvaste baadjies.

Noordwes se polisiekommissaris luitenant-generaal Zukiswa Mbombo het oor die myn in ‘n helikopter gevlieg om ‘n gevoel te kry van hoe gewelddadig die protes was.

Polisiewoordvoerder, brigadier Lindela Mashego het die dood van die twee polisiemanne bevestig.

“Nog ‘n beampte is ernstig beseer en is na die hospitaal geneem. Ons probeer steeds om die feite agter die moorde vas te stel,” het hy gesê.

Alhoewel Mashego nie kon sê hoe die polisiemanne dood is nie, het The Times berig dat hulle met pangas doodgekap is.

Gisteroggend is ‘n mynwerknemer dood aangetref in ‘n parkeerarea. Hy is met skerp voorwerpe gekap.

Later is nog ‘n werker dood gevind op die oostelike kant van die myn. Hy was geklee in ‘n paar rubberstewels en ‘n werkpak. Hy het vyf skietwonde gehad.

Sondag, het twee Lonmin veiligheidswagte na bewering doodgebrand in hul patrollievoertuig. Die aanval is geloods deur ‘n groep wat probeer het om Lonmin-fasiliteite aan te val.

Barnard Mokoena, Lonmin se uitvoerende vise-president vir menslike kapitaal en eksterne sake, het egter gesê die myn weet nie wat die geweld veroorsaak nie.

“Totdat ek ‘n grief [of] memorandum ontvang, wil ek nie spekuleer nie. My enigste kommentaar is op die oomblik dat hierdie suiwer kriminele is want ons het nog nooit op hierdie manier met die vakbonde gehandel nie, en as dit ‘n werk-kwessie is, sou ek verwag dat enige van hulle aan ons ‘n memorandum oorhandig,” het hy gesê.

Mokoena het gesê hy vermoed die geweld was deel van ‘n stryd tussen die twee unies.

Hy het gesê die myn het die geweld met albei vakbonde bespreek, maar beide het verantwoordelikheid ontken. Jeff Mphahlele, algemene sekretaris van Amcu het geweier om kommentaar te lewer.

Nasionale Unie van Mynwerkers se woordvoerder Lesiba Seshoka blameer die geweld op ‘n mededinger-unie en het ‘n beroep op die weermag gedoen om in te gryp.

Boer wat verkeersbeamptes slaan, vas

‘n Boer is in hegtenis geneem nadat hy glo drie verkeersbeamptes in Ventersdorp geslaan het, het die departement van openbare veiligheid in die Noordwes gesê.

‘n Woordvoerder, Lesolang Simon Mmope, het in ‘n verklaring gesê ‘n 52-jarige man het glo drie vroulike beamptes by ‘n padversperring op die R30 tussen Ventersdorp en Derby aangerand.

Die beamptes het gesien die boer se lisensie het in 2007 verval en hom gevra om uit sy motor te klim sodat hulle hom kon beboet.

Die boer het glo die beamptes geslaan en weggery. Hy is sowat ‘n kilometer verder vasgetrek nadat die beamptes hul kollegas ontbied het.

Die man is in hegtenis geneem en onder meer op aanklag van aanranding aangekla.

Luidens die verklaring is die drie verkeersbeamptes by ‘n hospitaal op Ventersdorp opgeneem.

Die boer sal Dinsdag na verwagting in die dorp se landdroshof verskyn.

Plaasaaval eis boer, vrou kritiek

‘n Bejaarde boer, Owen Charles, is vermoor en sy vrou in ‘n kritieke toestand ná ‘n plaasaanval, het Algoa FM Maandag berig.

Ao. Pierre Harmse sê die 70-jarige Charles van Jansenville is op die toneel dood en sy ernstig beseerde vrou is na ‘n hospitaal in Port Elizabeth geneem.

Die aanval het Sondagaand tussen 19:00 en 22:00 op die plaas Armadale plaasgevind.

Vyf mans het die egpaar oorval, Charles met messe doodgesteek en sy vrou ernstig beseer voordat met hulle vuurwapens en die boer se bakkie gevlug het.

Veldbrande in Vrystaat

Die geweldige omvang van die veldbrande in die Vrystaat die afgelope naweek kan as niks anders as ‘n ramp beskryf word nie het Abrie Oosthuizen, LPW en Vrystaatse Leier van die Vryheidsfront Plus vandag gesê.

Na raming is ongeveer 200 000 ha weiveld in veldbrande in die Vrystaat verwoes. Honderde stuks vee, duisende hoenders en groot hoeveelhede wild is as gevolg van die veldbrande dood. Die skade wat die betrokke boere gely het as gevolg van die veldbrande is astronomies en ‘n groot slag vir landbou in die Vrystaat. Geen boer kan skade van hierdie aard finansieel oorleef nie.

In die lig daarvan het Oosthuizen namens die VF Plus ‘n beroep op die Vrystaatse Departement van Landbou gedoen om onmiddellik die omvang van die skade te bepaal en die betrokke gebiede as rampgebiede te verklaar sodat finansiële ondersteuning daar verleen kan word.

Oosthuizen het gesê daar word op provinsiale en nasionale vlak in die begrotings voorsiening gemaak vir onvoorsiene rampe soos hierdie en daarom is dit nodig dat die Vrystaatse Departement van Landbou prioriteit aan hierdie verdienstelike saak sal verleen.

Burgeroorlog in die VSA 2016?

‘n Hoofberig in die Washington Times verlede week het bespiegel oor die heersende gesprek in professionele militêre kringe in die VSA en ‘n liberale nagmerrie: Rebellie. Onder die opskrif The Civil War of 2016, lui die scenario, sal Tea Party-ekstremiste beheer van ‘n dorp in Suid-Carolina oorneem en die leër sal uiteindelik gestuur word om die rebellie te onderdruk.

Hooggeleerdes by die weermag se Universiteit van Buitelandse Militêre en Kulturele Studies voorsien “volle spektrum bedrywighede in die tuisland as ‘n visie vir die toekoms.” Burgeroorlogkenners beaam dit. Dié beplanning het opgeval, nadat ‘n wit skieter onlangs ‘n aantal nie-blankes by ‘n Sikh-tempel afgemaai het.

Die visie postuleer ‘n “ekstremistiese milisie gemotiveer deur die doelwitte van die Tea Party” wat die beheer van Darlington, SC, in 2016 oorneem, beset en die burgemeester onder huisarres plaas. Die rebelle beheer ook kontrolepunte op die Interstate 95 en Interstate 20 op soek na “onwettige immigrante”. Dit is ‘n strokiesverhaalagtige en onnodig uitdagende scenario, meen die koerant.

Vroeër hierdie jaar egter het kiesers in Arizona die nuus gehaal nadat hulle opgeruk het teen onwettige immigrasie wat hulle meen deur die Obama-administrasie aangemoedig word. Dit was nog nie rebellie nie, maar uitdagend genoeg om beplanners blykbaar tot kommer te stem.

Die skrywers maak ‘n saak uit wettige vir militêre aksie teen Amerikaanse burgers deur die weermag se operasionele konsep vir 2016-2028 op die situasie toe te pas. “Amerikaners sal verwag van die weermag om so professioneel as wat hulle in die buiteland optree,” binnelands in te gryp. Die weermag, sê die outeurs, “kan nie die Amerikaanse nasie teleurstel nie, veral nie in so ‘n oomblik nie”.

Blykbaar het niemand nog oorweeg dat die gebruik van so ‘n doeltreffende masjien se dodelike geweld teen hul eie mense, ‘n monumentale politieke teenreaksie sal skep en die regering se legitimiteit erg sal verweer nie. Die geweld sal waarskynlik teen wittes ingespan word, deur linksgesinde medeburgers.

‘n Professor by die weermag se Staff College is onthef van sy pligte in Junie omdat hy “die dwaalleer dat die Verenigde State van Amerika by ‘n oorlog teen Islam betrokke is,” versprei het.

Die Obama-administrasie het aangevoer dat die professor afgedank moes word, omdat hy was besig was om iets te doseer wat nie amptelike beleid is nie.

Dit is dus billik om te vra of die weermag in hul scenariobeplanning amptelike beleid ten opsigte van die gebruik van die Amerikaanse militêre mag teen Amerikaanse burgers goedpraat?

Derde SA-duikboot in ongeluk

Suid-Afrika se vloot se aanvalsduikbote, wat ‘n geraamde R8 miljard in die berugte wapentransaksie gekos het, is almal in die droogdok na die enigste operasionele vaartuig in die seebodem vasgevaar het.

Die SAS Queen Modjadji, vernoem na Suid-Afrika se reënkoningin in Limpopo, het die oseaanbodem getref gedurende opleidingsoefeninge verlede week tussen Port Elizabeth en Durban.

Die ongeluk kom drie maande na die Koningin Modjadji ‘n nuwe bevelvoerder, Kommandeur Handsome Thamsanqa Matsane, verwelkom het.

Die Sunday Times het foto’s van die Duitse duikboot wat herstelwerk in Simonstad ondergaan.

Gister het die SA Vloot erken die vaartuig is beskadig tydens ‘n “opleidingsoefening”.

Dit beteken dat al drie duikbote wat bedoel is om die oseane om die kus te polisieer, tans herstelwerk en onderhoud ondergaan.

Die SAS Manthatisi, die eerste van die land se duikbote in die multimiljard-wapentransaksie, lê sedert 2007 in die droogdok na ‘n reeks ongelukke, insluitende die kraak van ‘n kaai en die skade aan die stuurmeganisme.

‘n Kragkabel wat verkeerd ingeprop is in die kragtoevoerstelsel, het die skade veroorsaak. Die vaartuig se propulsiebatterye, wat R35 miljoen gekos het, moes vervang word.

Die SAS Charlotte Maxeke is ook besig met ‘n “roetine-instandhouding”, volgens die direkteur van maritieme strategie Admiraal Bernard Teuteberg.

‘n Span is intussen aangestel om ondersoek in te stel na wat gebeur het met die Koningin Modjadji.

Die duikboot was die enigste een van die land se drie duikbote op see wat nog kon funksioneer.

Teuteberg het gesê: “Ons moet ‘n raad van ondersoek instel om te kyk na al die prosedures om te sien of daar iets is wat ons hieruit kan leer.

“So gou as wat dit voltooi is, sal ons ons prosedures vir die uitvoering van hierdie spesifieke stel veiligheidsoefeninge aanpas.”

Die voormalige ANC-LP en skrywer Andrew Feinstein, wat breedvoerig geskryf het oor die internasionale wapenhandel, het gesê die jongste duikbootvoorval laat vrae oor die logika agter Suid-Afrika se wapentransaksie.

“Dit is nog ‘n voorbeeld van wat al die tyd gebeur in wapentransaksies, maar dit gebeur snaaks genoeg nóg meer in ons handel. Ons het toerusting van, wat blyk te wees, twyfelagtige gehalte gekoop, en ons het dit teen hoë pryse bekom as gevolg van die omkoopgeld wat betaal is, en die prestasie van hierdie toerusting oor die algemeen is, om dit vriendelik te stel, baie swak,” sê Feinstein.

Hy het gesê duikbootvervaardiger Ferrostaal word ondersoek vir korrupte transaksies met Griekeland en Portugal, wie se eie wapenhandel bygedra het tot die huidige Europese fiskale krisis: “Suid-Afrika se duikbootaankope is ‘n déjà-vu situasie soos in Portugal en Griekeland.

Фільчаков прокурор

Twee vas wat Moslem doodslaan

Albei die verdagtes wat ‘n Moslem in Magaliesburg by ‘n kitskoswinkel doodgeslaan het, is deur die polisie in hegtenis geneem.

Een van die mans is Saterdagaand in Hartbeespoort in die Noordwes in hegtenis geneem, het brig. Neville Malila, woordvoerder vir die polisie gesê. Die 27-jarige het glo ná die voorval gevlug.

Die tweede man, 33, het hom Sondagoggend aan die Magaliesburg-polisie oorgegee. Sy prokureur was saam met hom het Thandi Modise, premier van Noordwes, in ‘n verklaring gesê.

“Ons dank aan ons polisie vir die spoedige inhegtenisname en ons rig onsself op die howe waar die reg sy gang kan gaan,” het Modise gesê.

Moehammad Fayaaz Kazi, 27, van Ventersdorp, en sy pa se vriend, Anser Magmoed, is Maandag by ‘n Chicken Licken-winkel in Magaliesburg aangeval.

Twee Afrikaanse mans het volgens Magmoed met Kazi se baard gespot en hom beledig.

Kazi, wat Afrikaans verstaan, het die twee gekonfronteer en ‘n bakleiery het begin. Beide Kazi en sy vriend is aangeval en die twee ander mans het van die toneel gevlug. Kazi het later in die Potchefstroom-hospitaal aan sy beserings beswyk.

Фильчаков Харьков

Arbeidsonrus by myn eis nog 2

Twee sekuriteitswagte is dood nadat hul motor Sondag in Nkaneng naby Marikana buite Rustenburg aan die brand gesteek is, het die Noordwes-polisie gesê.

Dié sterftes word verbind met die voortgesette konflik tussen twee mynwerkersvakbonde in die omgewing, het brig. Thulani Ngubane, ‘n polisiewoordvoerder, gesê.

“‘n Ondersoek oor hoe die wagte dood sal volg en verdere inligting sal bekendgemaak word.”

Vier mynwerkers is Vrydag en Saterdag tydens ‘n skietery gewond.

Ngubane het gesê twee ondersteuners van die nasionale mynwerkersvakbond (NUM) is na bewering Vrydag deur ondersteuners van ‘n ander unie, die Association of Mineworkers and Construction Union (Amcu), geskiet.

Amcu-lede het glo vroeër Vrydag aan ‘n optog by die Karee-myn deelgeneem, en ‘n salarisverhoging van 12% geëis.

“NUM-werknemers is later die aand verhoed om te gaan werk. ‘n Skietery het plaasgevind en twee mense is gewond.”

Die Amcu-groep het volgens Ngubane weer by die Karee-hostel byeengekom en na Nkaneng beweeg, waar twee ander NUM-lede gewond is.

Sake van poging tot moord is geopen.

Amcu en die NUM veg vir beheer oor myne in Rustenburg.

топкарго развод

Mandela-telg betaal nie duur motorpaaiemente nie

Zondwa Mandela, die kleinseun van Nelson Mandela, weier om sy uitstaande skuld vir ‘n Mercedes-Benz aan Investec te betaal, het die Sunday Independent berig.

Hy weier glo ook om die voertuig aan die bank terug te gee.

Howard Tradonsky, woordvoerder vir Investec, het gesê die bank het in Oktober reeds die nodige dokumente gehad om die 2008 Mercedes Benz S320 CDI ter waarde van R669 000 terug te neem.

“Hy het dalk aan die begin ‘n paar paaiemente betaal,” het hy aan die koerant gesê.

“Ons hanteer mnr. Mandela nie anders as enige ander skuldenaars wat nie kan of wil betaal nie.”

Howard Blumenfeld, ‘n speurder in diens van Investec, het geen adres gehad om die dagvaarding af te lewer nie want niemand weet waar Zondwa hom bevind nie.

‘n Balju het die wonings van oudpres. Nelson Mandela en Winnie Madikizela-Mandela besoek in ‘n poging om hom te vind, maar kon hom nie opspoor nie.

Hy het egter telefonies met Zondwa kontak gemaak.

“Ek praat daagliks met hom [Zondwa]. Ek het vanoggend vir hom ‘n SMS gestuur,” het Blumenfeld gesê.

“Hy bly belowe geld gaan inkom en hy sal die bank terugbetaal. Maar dit gebeur nooit nie.”

Die Sunday Independent het ook gepoog om met Zondwa te skakel, sonder sukses.