Dan Roodt, Author at praag.co.za

Oud-rugbykaptein sê jammer oor rassistiese kommentaar

Die voormalige Springbok-kaptein, Bob Skinstad, het om verskoning gevra vir die gebruik van ‘n rassistiese term tydens sy kommentaar op ‘n Super Rugby-wedstryd, volgens ‘n berig.

The Star het Maandag berig dat hy die woord “coconut” gebruik het tydens ‘n wedstryd tussen die Sharks en die Chiefs van Nieu-Seeland Saterdag.

Die woord is gebruik om na die Chiefs-vleuel Lelia Masaga te verwys wat koppe gestamp het met die Sharks se Lwazi Mvovo, terwyl hulle probeer het om te gaan vir ‘n hoë bal.

Albei spelers is beseer en moes die veld verlaat.

“Lelia Masaga het kop omhoog in ‘n absolute “coconut-tackle” reguit vir Lwazi Mvovo gegaan en probeer om sy kop af te stamp,” het hy gesê.

Later het Skinstad gesê dat hy die betekenis verkeerd verstaan het.

Chiefs se losvoorspeler Scott Waldrom het getwiet: “Weet die SA-kommentator dat die term ‘coconut tackle’ eintlik ‘n neerhalende term is? “

Skinstad het geantwoord: “het die woord gehoor en gedink dit beteken mik na die kop – geen kwaad bedoel jammer.”

Twittergebruiker @ Broncos_NRL het getwiet “coconut is ‘n rassistiese term om ‘n Suidsee-eilander te beskryf, dit is soos die N-woord vir ‘n swart man”.

Лобановский

Pro- of anti-Amerikaanse Frankryk?

Die oorlog in Afghanistan, die globale ekonomie, die verloop van Europese integrasie of disintegrasie, asook die Chinese en Amerikaanse invloed in Afrika gaan binnekort gekleur word deur die uitslag van die Franse verkiesing.

Een van die twee vernaamste aanspraakmakers – Nicolas Sarkozy van die sentrum-regse Unie vir ‘n Populêre Beweging en Francois Hollande van die sentrum-linkse Sosialistiese Party – sal op 6 Mei as wenner uitstap.

Meningsopnames gee Hollande die voorsprong. Vroeër vanjaar het die Amerikaanse graderingsagentskap Standard & Poor Frankryk van ‘n AAA-kredietgradering gestroop, ‘n teken dat Europese state nie genoeg doen om sistemiese probleme in die eurosone aan te spreek nie. Dié stap was nie gewild onder Franse nie.

In Frankryk, soos in baie ander lidlande van die Europese Unie, is daar gewoonlik min ideologiese afstand tussen die hoofstroom van die sentrum-regse en sentrum-linkse partye. Gedeeltelik as ‘n gevolg daarvan vaar kleiner, meer ekstremistiese partye goed, soos Jean-Luc Mélenchon, die ekstreemlinkse kandidaat gewys het. Ook Marine Le Pen van die regse Front National het uitstekend gevaar deur 20% van die stemme op haarself te verenig.

Tussen Le Pen en Sarkozy is daar egter tans insgelyks baie min verskille in standpunte en die president verwens Le Pen seker dat sy die belangrikste kwessie, naamlik ‘n anti-Moslemsentiment, gemonopoliseer het. Daaragter skuil op die koop toe ‘n nasionalisme wat niks goeds vir die VSA inhou nie.

Ten spyte van die ideologiese samevloeiing van die belangrikste partye, sal die uitslag van die verkiesing waarskynlik ‘n beduidende uitwerking op sowel buitelandse as binnelandse beleid hê. Hollande het belowe om die Franse troepe uit Afghanistan te onttrek aan die einde van 2012. Frankryk het tans ongeveer 3600 troepe in Afghanistan.

Sy veldtog het ook laat deurskemer dat hy dalk Sarkozy se 2007-besluit om deel te wees van NAVO se geïntegreerde bevelstruktuur, ‘n stap waarteen die Sosialiste gekant is, sal heroorweeg. Nie alleen die gemiddelde kieser nie, maar baie Moslems, is uiters kriewelrig oor Franse deelname daar. En Frankryk het Noord-Afrikabande om in ag te neem.

Hoewel Sarkozy waarskynlik Frankryk se mees pro-Amerikaanse leier sedert die Tweede Wêreldoorlog is, wil hy ook die onttrekking uit Afghanistan bespoedig, en Franse troepe teen die einde van 2013 uit hê.

Die volgende Franse president sal egter met sy NAVO-bondgenote moet reken en bly by ‘n onttrekkingsrooster waarop ooreengekom is vir die komende NAVO-beraad in Chicago. En hoewel Hollande laat deurskemer het dat hy Frankryk gaan distansieer van NAVO, sal hy die verhouding as gevolg daarvan moeilik ongedaan kan maak, hoop die VSA.

Frankryk se pogings om Europa se reaksie op die Arabiese lente en NAVO se optrede in Libië te lei, het dalk gehelp om Frankryk se aansien in Amerika te verbeter, maar nie tuis nie.

In Wes-Afrika sal Frankryk steeds meeding met die VSA en indien Hollande wen, gaan dié mededinging beslis verdiep. Amerika het in Suid-Afrika ‘n bondgenoot gevind teen China in die Franssprekende lande daar, maar die Franse het ‘n stewige voorsprong in hulle agterplaas vanweë taal, administrasie en die CFA-geldeenheid, en speel die twee groot moondhede teen mekaar af.

Wanneer dit kom by die Europese Unie en sy voortgesette finansiële krisis, is beide kandidate bewus van groeiende anti-EU-sentiment onder die publiek. Sarkozy het die vooruitsig van grensbeheer en die herwaardering van bestaande reëlings vir die vrye vloei van mense onder die lidstate gestel.

Intussen het Hollande aangedui dat hy van voornemens is om die EU se nuwe fiskale verdrag te onderhandel, en aangedring dat die transaksie meer bepalings wat groei sal stimuleer insluit. Hy praat ook van tariewe op invoere vanuit lande wat nie aan EU-standaarde voldoen nie.

Alhoewel beide Sarkozy en Hollande soms die anti-EU-kaart speel om die verregse en verlinkse publiek tevrede te hou, omdat beide vyandig teenoor globalisering en Europese integrasie staan, sal nie een van die twee die Europese projek verraai nie.

Die volgende Franse president sal eerder ‘n leidende rol speel om nuwe lewe in die EU te blaas, wat beteken dat hy voorsiening sal moet maak vir openbare skeptisisme oor Europese integrasie.

Die verkiesing beloof om ‘n impak te hê, hoewel ‘n beskeie een, op Duits-Franse verhoudinge, wat nog steeds die belangrikste skakel in die EU bly. Samewerking tussen Berlyn en Parys sal die EU se anker bly, wat enige Franse president min ruimte laat en ‘n frustrasie vir die Amerikaners bly.

Die ekonomiese planne wat aangebied word deur beide kandidate is daarop gemik om kiesers die hof te maak met meer as realistiese oplossings vir Frankryk se ekonomiese uitdagings. Frankryk se openbare besteding is die hoogste in die eurosone.

In die lig van Frankryk se geskiedenis van sosiale onrus en ontwrigtende stakings, bly politici van regoor die politieke spektrum lugtig vir drastiese stappe om die land se ekonomiese beleidsrigtings te verander.

Staat moet konstruksie, sement, staal vestig

Cosatu het die regering versoek om ‘n staatskonstruksie- en sementmaatskappy asook ‘n staalmaatskappy te vestig om bekostigbare insette te verseker in sy ambisieuse infrastruktuur-program.

Cosatu se sekretaris-generaal, Zwelinzima Vavi, het gesê die program in sy huidige vorm sal waarskynlik misluk agv die tenderproses.

“Geen van die vinnig groeiende ekonomieë ontwikkel hul infrastruktuur deur middel van tenders nie,” sê Vavi.

Hy het by die Ekonomiese Ontwikkeling Infrastruktuur-konferensie in Boksburg aan die Oos-Rand Vrydag kritiek gelewer op die nasionale infrastruktuur-program. “Die staat is hoofsaaklik beperk tot besteding aan infrastruktuur, nie konstruksie nie. Dit het gelei tot ‘n vermorsing van hulpbronne deur, byvoorbeeld, die koste van tenders.”

President Jacob Zuma het vroeër vanjaar aangekondig dat ‘n groot infrastruktuurontwikkelingsplan van stapel gestuur sal word.

Die plan bevat ‘n lys van 17 projekte in verskeie sektore, insluitende spoor-, pad-, skool-en hospitaalkonstruksie, in al nege provinsies.

Vavi het gesê die staat het nie beheer oor die waardeketting van insette om infrastruktuur te bou nie.

Фильчаков прокурор

80% van hoërskoolkinders drink gereeld

Bykans 80 persent van ‘n groep hoërskoolleerlinge in Gauteng wat aan ‘n meningspeiling deelgeneem het, sê hulle gebruik gereeld alkohol.

Volgens die Buro vir Marknavorsing het meer as 66 persent van die sowat vierduisend-300 leerlinge in Grade 8 tot 12 wat deelgeneem het, gesê hulle was al dronk gewees, 44 persent het ook al fuifpartye gehou en 79 persent het gereeld gedrink.

Meer as ‘n kwart van die leerlinge wat aan die peiling deelgeneem het, sê hulle gebruik onwettige dwelms, waarvan dagga die gewildste is.

Sigarette en sogenaamde hubbly bubblies is veral gewild onder meisies. Die leerlinge sê hulle gebruik die middels vir stresverligting en ontspanning.

Marine Le Pen vaar uitstekend in derde plek

Nicolas Sarkozy, Franse president, is volgens die jongste peilings in die eerste ronde geklop deur sy Sosialistiese teenstander, Francois Hollande.

Marine Le Pen sal in Sondag se eerste ronde van Frankryk se presidensiële verkiesing waarskynlik derde eindig met ‘n baie sterk vertoning.

Hollande het 28,4 persent van die stemme, met Sarkozy, in die tweede plek met 25,5 persent, volgens meningspeilings. Marine Le Pen, die leier van die Front National-party, is in die derde plek met 19,9% van die stemme.

Ver-linkse kandidaat Jean-Luc Melenchon het 11,7%, en gematigde François Bayrou 8.8%, het die Ipsos-agentskap gesê. Terwyl die tellings van die twee voorste kandidate meningsopnames wat voor Sondag gepubliseer is weerspieël, is Le Pen se vertoning ver bo enige van daardie voorspellings.

Marine Le Pen het haar pa se verrassende vertoning van die tweede plek met 16,86% in die 2002-presidensiële wedloop ver oortref. Selfs al was dit nie genoeg om haar in die tweede ronde te kry nie, het die buitengewone telling haar teenwoordigheid bevestig as die anti-immigrasie kandidaat, en in Frankryk se politieke landskap vir ‘n opskudding gesorg.

Dit beteken dat een uit elke vyf Franse vir Le Pen gestem het.

Hollande, wat voordeel trek uit ‘n golf van vyandigheid teenoor Sarkozy en Frankryk se ekonomiese probleme, het verbasend veerkragtig gelyk. Die Sosialis was lank agter Sarkozy, maar in die laaste twee weke van die wedloop het hy weer veld gewen.

Swart vroue verkrag gestremde seun in Soweto

‘n Meisie en ‘n vrou is Saterdag in Soweto in hegtenis geneem vir die beweerde verkragting van ‘n 17-jarige gestremde seun, het die polisie in Gauteng gesê.

Dit kom nadat sewe verdagtes vroeër die week vasgetrek is vir die verkragting van ‘n minderjarige gestremde meisie in Dobsonville, Soweto.

Die gestremde seun se vermeende verkragters is sedert Sondag deur die polisie gesoek, het polisiewoordvoerder Kay Makhubela gesê.

Een van die oortreders, ‘n 17-jarige meisie, is na ‘n plek van veiligheid geneem.

Makhubela het gesê die polisie vermoed dat die seun bedwelm is.

“Die seun het sy ouma van die verkragting vertel en sy het dadelik die polisie gekontak,” het hy gesê.

Makhubela het gesê die voorval is soortgelyk aan drie ander onopgeloste sake waar mans deur vroue bedwelm en verkrag is.

Фільчаков прокурор

Malema daag ANC uit, wéér

Julius Malema, geskorste president van die ANC-jeugliga, het Saterdag by sy huis in Seshego ‘n uitdaging gestel aan diegene in die regerende party wat teen hom gekant is, het die SABC berig.

“Ons weet ondemokratiese prosesse is dié wat nie ander sienswyses kan verdra nie, dié wat die mag van die staat gebruik om diegene wat nie saamstem nie, te beheer,” het Malema gesê.

Hy het gesê staatsinstellings word teen hom gemobiliseer omdat sy teenstanders enigiets sal doen om hom stil te maak.

“As hulle my in hegtenis wil neem, ek het ‘n adres, hulle is welkom om my in hegtenis te kom neem,” het hy gesê.

Malema het vroeër gesê hy oortree nie die reëls van sy skorsing deur jeugligalede by sy huis toe te spreek nie. Honderde jeugligalede wat dié organisasie se konferensie in Polokwane bygewoon het, het Saterdag laatmiddag op Malema se huis toegesak.

“Wanneer julle my hier besoek en julle wil hê ek moet met julle praat, doen ek dit sonder enige vrees of guns want hierdie is my huis,” het Malema gesê.

“Omdat hierdie my huis is, is daar niemand, dit maak nie saak hoe magtig jy is, [wat] vir my kan sê jy kan net met hierdie besoeker en nie met daardie besoeker praat nie.”

“Wanneer julle hier is, is julle nie afgevaardigdes nie… julle is my besoekers, julle is my vriende,” het hy aan hulle gesê.

Malema, wat ook ‘n lid van Limpopo se uitvoerende komitee is, is in November uit die ANC en sy posisie as jeugligaleier geskors omdat hy na bewering verdeeldheid in die party gesaai het en dit in oneer gebring het.

Hy is ook vroeër die maand uit die party geskors ná hy pres. Zuma ‘n diktator genoem het.

‘n Groep jeugligalede het ook ‘n konferensie in Seshego gereël wat op dieselfde tyd plaasgevind het as die een in Polokwane. Frans Moswane, die provinsiale voorsitter, het egter aan die SABC gesê slegs één amptelike konferensie vind in die provinsie plaas – die een in Polokwane.

лобановский харьков

Wanneer jy nie sterk is nie

… moet jy slim wees, lui die gesegde.

Die regering se dae is getel weens die gevolge van onverantwoordelikheid en wanbestuur. As gevolg van die volgehoue diskriminasie teen blankes deur die regering die afgelope 18 jaar, is die regering ook verantwoordelik vir die onoorbrugbare afgrond tussen wit en swart benewens ander vergrype van korrupsie en volksmoord, asook ongebreidelde misdaad op alle vlakke van die samelewing. Die regering se irrasionele en onverantwoordelike nepotisme het hulle verder verlam tot n groep onbekwames wat hoegenaamd nie in staat is om te regeer nie en die prys van algemene verval van Suid Afrika is waarneembaar vir almal om te sien.

Op hierdie stadium is ons Afrikaners net te min om deur die gewone kanale weer in beheer te kom, so moeilik as wat dit is vir ons is wat deur die verval van ons land Suid-Afrika gepynig word. Die Afrikaner is versprei met individuele bestaansbelange oor die lengte en breedte van Suid Afrika wat dit moeilik maak om te sentraliseer as ‘n gebiedsgebonde volksgroep. Dit beteken nie dat ons nie meer ‘n Afrikanervolk is nie; dit maak dit net moeilik om saam te funksioneer. Dit is die realiteit van ons Afrikanervolk wat dit vir ons bemoeilik om saam te staan as een groep en dit is waar die slimwees-planne moet inskop vir ‘n toekoms vir die Afrikanervolk met realisme in die situasie waarmee ons deur die verraad van FW de Klerk gekonfronteer is.

E-tol: gaan jy die vampierstaat voer?

Die deelstaat Kalifornië is in 1978 geskud deur ‘n belastingbetalerskawolt. As gevolg van hoë inflasie het eiendomswaardasies die hoogte in geskiet, met gevolglike buitensporige verhogings in eiendomsbelasting. Uiteindelik het dié hoë eiendomsbelasting veral bejaardes begin bedreig. Bejaardes kon nie meer hul eiendomsbelasting betaal nie. In 1978 is Voorstel 13 deur ‘n referendum aanvaar. Die nommer 13 was inderdaad ongelukkig vir die Kaliforniese monsterstaat wat verslaaf was aan belasting. Dit het die maksimumbelasting tot 1% van enige eiendom se waarde beperk, en ook die maksimum jaarlikse verhogings in eiendomswaardasies vasgestel. Sommige mense meen selfs dat belastingbetalerkawolte soos Voorstel 13 regstreeks tot Ronald Reagan se verkiesing bygedra het.

Suid-Afrika se ANC-vampierstaat word tans deur sy eie Voorstel 13 in die gesig gestaar: ‘n belastingbetalerkawolt in die Gautengprovinsie teen ons eie vampierstaat. Baie dink sekerlik dit gaan bloot oor tolgeld, maar dit is eintlik ‘n veel dieper kawolt, ‘n opstand teen die ANC-kaders se vergrype. Mense is keelvol daarvoor om te lees van uitspattige partytjies, verkwisting, korrupsie, plundery en onbekwaamheid. Ons voel eendragtig gewalg deur Malema se R250 000-Breitlinghorlosie, Zuma se soveelste vrou en die uitspattige vergrype van Khulubuse Zuma en ander parasietkaders.

Die belastingbetalers in Gauteng kan voorts eenvoudig nie die buitensporige tolgelde wat die ANC se vampierstaat deur middel van Scamral (Sanral) wil hef, bekostig nie. Vir baie huishoudings is dit ‘n keuse tussen kos in hul kinders se monde, of die voortgesette voerdery van die vampierkaders van die ANC. Is Khulubuse Zuma nie reeds vet genoeg nie?

Die saak staan nou só: Daar is geen manier dat Scamral sonder die publiek se samewerking ‘n sukses van sy rooftollery kan maak nie. Koop te min mense e-skyfies, stort die ganse gekkespul onmiddelik in duie, en ly die tenderpreneurs wat ongetwyfeld hul smerige vingers iewers in die spul het, enorme verliese. Weier ons om soos wafferse skape ter slagting e-skyfies te koop, moet Scamral ‘n omslagtige proses volg om ons te beroof.

Hulle moet jou motor eerstens vanaf ‘n foto identifiseer. Daar is weliswaar outomatiese maniere om so te maak, maar dit werk nie 100% van die tyd nie, en sowat 15% van alle nommerplate is vervals.

Tweedens moet hulle dan vir jou ‘n rekening stuur, wat ‘n enorme las op beide Scamral asook die SA Poskantoor gaan plaas. Die Poskantoor sukkel reeds om sy gewone werkslas uit te voer sonder dat sy werknemers die inhoud van posstukke bevry, laat staan nog miljoene ekstra posstukke aflewer en miljoene betalings terugdra na Scamral se bendehoofkwartier.

Derdens moet Scamral se RA-aanstellings by sy bendehoofkwartier dan miljoene betalings met die hand prosesseer (dis nou as genoeg van ons slim en moedswillig genoeg is om hulle per tjek te betaal, om hul las sodoende nog erger te maak.)

Bostaande is ‘n onbegonne taak en ‘n ondraagbare las op Scamral. Hy kan dit onmoontlik nie volhou nie.

Jy en ek staan hier voor ‘n unieke geleentheid. Ons kan nie ons ander belasting maklik van die ANC se vampierstaat weerhou nie, maar ons kan wel sorg dat die rooftollery in duie stort. Al wat nodig is, is om te weier om vrywillig deur die slagpale se drukgang te loop, indien ‘n mens vir deur vir Scamral se e-skyfiebedrog sou registreer.

Registreer jy nié, gaan jy weliswaar moontlik op die korttermyn meer moet betaal. Scamral besef baie goed dat hy nie sonder e-skyfies die mas kan opkom nie, en het straftariewe vir nie-geregistreerdes ingestel. Hierdie gaan egter ‘n korttermynsituasie wees. As genoeg Gautengse lammertjies weier om vrywillig by die slagpale aan te meld, gaan die tolrowery vroeër of later eenvoudig in duie stort.

Koop jy wel ‘n e-skyfie, sorg jy dat jy en jou medepadgebruiker ad infinitum die vampierstaat gaan voer, en jy kan doodseker wees dat jou korttermynbesparings in 2013, 2014 en verder die toekoms in vernietig sal word deur Eskom-agtige verhogings in tolgeld.

Wat gaan dit dus wees? Gaan jy jou gedweë, e-skyfie in die hand, by die slagpale aanmeld, of gaan jy die ANC se vampierkaders ‘n les leer wat hulle nooit sal vergeet nie, deur te weier om by Scamral te registreer?

E-tolregistrasie? Dink weer!

Tolgeld om die gebruik van die nuwe opgegradeerde Gautengse snelweë te finansier is, om die minste te sê, omstrede. Regsgeleerdes meen padgebruikers moet baie versigtig wees vir Sanral se registrasiefoefie.

Sanral moedig tans die motoris aan om eerder ‘n e-skyfie aan te koop, om te registreer as ‘n e-skyfiegebruiker, of dan as ‘n voertuiglisensienommerplaat- oftewel VLN-gebruiker.

In ruil daarvoor, sal slegs geregistreerde motoriste dan kan kwalifiseer en geregtig wees op ‘n korting, Indien nie, sal jy nie geregtig wees op enige afslag of laer tariewe nie.

Die normale en redelike, oningeligte motoris sal agv die kortings waarskynlik aanmeld vir registrasie.

Na bestudering van Sanral se Terme & Voorwaardes is dit egter duidelik dat die voordele van registrasie as e-tolgebruiker baie beperk is, met verskeie beswarende en eensydig bepalings en verpligtinge in die guns van Sanral.

Trouens, baie klousules sal as onwettig of as ‘n oortreding van die Wet op Verbruikersbeskerming beskou word deur die meeste instellings.

Nadele vir motoriste wat verkies om te regsitreer as e-tol- of VLN-gebruiker:

1. Die afslag belowe, en kategorisering as ‘n geregistreerde e-tolgebruiker sal nie van toepassing op alle tolpaaie wees nie.

2. Die onus is op die geregistreerde gebruiker hul eie kategorisering en/of die tol wat van toepassing is op ‘n spesifieke e-tolpad, om vas te stel. Die motoris moet die inligting bekom by SANRAL-webwerf.

3. ‘n Motoris wat registreer en daarna versuim om aan enige van Sanral se voorgeskrewe terme en voorwaardes te voldoen sal as oortreder gelys word en hul rekening kan verwys word na ‘n invorderingsagentskap by name “Violations Processing Centre” wat deel van Sanral self is. (Sien paragraaf 2 van Sanral terme en voorwaardes).

4. Motoriste wat registreer onderneem om te alle tye te verseker dat daar voldoende fondse in die e-tolrekening is wat die staat onnodige toegang tot die gebruiker se privaat besonderhede gee, veral in die lig van die klimaat van korrupsie wat heers.

5. Motoriste sal enige state en kwitansies op eie koste moet bekom.

6. Indien die geregistreerde motoris versuim om betalings te maak wanneer dit nodig is om dit te doen, het Sanral die reg om sonder kennisgewing aan die motoris, die motoris se rekening op te skort, op die rooilys te plaas en die rekening te oorhandig vir invordering aan die VPC.

7. Die geregistreerde motoris stem verder in dat die versuim om betalings te maak in terme van die terme en voorwaardes tot strafregtelike stappe kan lei.

Voordele vir die motoris wat kies om nie te registreer nie en duurder toltariewe te betaal:

1. Motoriste sal betaal sonder om outomaties aanspreeklik te wees vir gelde in die geval van verkeerde lesings ontvang van Sanral, diefstal, die kloning van nommerplate, of die kloning van ‘n motoris persoonlike inligting ens.
2. Die onus is op Sanral om te bewys dat dit die motoris se voertuig was wat die opgetekende afstande gereis het.
3. Betalings sal gemaak word en in werking gestel word deur die motoris in ‘n Sanral-bankrekening.
4. Sanral se invorderingsafdeling (VPC) sal geen jurisdiksie oor die nie-geregistreerde motoriste hê nie.
5. Motoriste sal geregtig wees op maandelikse state sonder enige koste.
6. Motoriste sal geregtig wees om te bepaal hoe betalings toegeken word ten opsigte van tolpadgebruik.
7. Motoriste wat nie registreer nie, sal nie outomaties vir bykomende gelde of prokureurskoste aanspreeklik wees nie.
8. Die onus bly op Sanral om te bewys dat die fooie wat gehef word en waarmee die motoris gedebiteer word korrek is.
9. Tot tyd en wyl ‘n kennisgewing van vrywaring gepubliseer is, sal motoriste geregtig wees op ‘n kwitansie wanneer vir e-tol betaal word.
10. In die geval van ‘n geskil met Sanral ten opsigte van uitstaande gelde, sal Sanral nie die reg hê om te voorkom dat die nie-geregistreerde motoris voortgesette gebruik van die e-tolpad het nie.
11. Verliese gely deur nie-geregistreerde motoris kan verhaal word by wyse van siviele aksie.
12. SANRAL sal nie die reg op toegang tot enige private inligting van ‘n nie-geregistreerde motoris hê nie.
13. SANRAL sal nie die reg hê om enige terme en voorwaardes te verander sonder dat die motoris instem met sodanige wysigings nie.
14. In die geval van litigasie, sal Sanral ‘n siviele dagvaarding uitreik of voortgaan teen die motoris in terme van die Strafproseswet en sal gedwing word om te litigeer teen die motoris in ‘n landdroshof wat jurisdiksie oor daardie motoris het. (Dit is onwettig om in te stem tot die jurisdiksie van ‘n spesifieke Landdroshof).

Die bogenoemde kommentaar moet gelees word tesame met die verskillende afdelings van die Wet op Nasionale Krediet en die Wet op Verbruikersbeskerming.

Фильчаков прокурор