Kruitvat om name

Die uitspraak van die Hooggeregshof in Durban dat die ANC-beheerde raad wel regmatig opgetree het deur straat- en gebouname te verander, open die deur dat ander munisipaliteite ook onsensitief met die kwessie kan omgaan.

Dié kwessie het in die spervuur beland toe talle name uit veral die koloniale era en name wat met die IVP geassosieer is, na ‘n skynbaar gebrekkige konsultasieproses verander is.

Dit het tot optogte en ander protesaksies gelei, en die nuwe name word ongeveer voor die voet doodgeverf soos dit aangebring word.

Kortom, die proses is uit die handboek geneem van hoe om te polariseer.

Ongelukkig is dit ‘n proses wat hom al te veel in Suid-Afrika herhaal het, en nou dreig om onder andere in Limpopo, danksy die jeugdige provinsiale pleknamekomitee wat wyd as ‘n verlengstuk van die ANC-jeugliga beskou word, opnuut sterk polariserend in te werk.

Ook die Vrystaatse pleknamekomitee het onlangs met ‘n blykbaar erg onbekookte proses weggespring, maar van sy voorneme om binne drie maande die mat uit te ruk, het blykbaar dadels gekom. Dié komitee het ‘n lang geskiedenis van om in sy eie vermeende onbekwaamheid vasgesuig te word.

Tot dusver kon en is die pleknamekomitee se optredes dikwels in die howe getoets en ter syde gestel.

Volgens die Durbanse uitspraak wil dit voorkom asof die veranderings van straat- en gebouename min of meer ‘n gewone uitvoerende funksie van die raad, en dus die burgemeesterskomitee, is. ‘n Burgemeesterskomitee met ‘n gebrekkige insig oor die begrip dat demokrasie oor regeer in algemene belang handel, kan dus deur ‘n diktatuur van die meerderheid baie skade aanrig

Die DA, wat saam met die IVP die aansoek om tersydestelling gebring het, oorweeg appèl. Die laaste woord oor die prosedure is dus nie noodwendig gespreek nie.

Veel meer as net ‘n regstegniese uitleg is ter sprake. Sou die bevinding bly staan, is dit net nog ‘n ernstige klap in die gesig van diegene wat die grondwet as ‘n bykans volmaakte dokument beskou.

Versoening is ‘n veel komplekser saak as bloot die regulering daarvan deur wetgewing – grondwette ingesluit. Waarskynlik die raakste samevatting van hierdie waarheid is ‘n T-hemp-geskrif wat onlangs op TV verewig was: “Malema se mo*r, ek bly ‘n Boer.”

Net so sou wetgewing wat die Durbanse raad se dwaasheid sou kon voorkom, min gedoen het om die besluitnemers se gesindheid te verander.

Die bevolking kan hoogstens deur sulke wetgewing teen die neerslag van polariserendeoptredes beskerm word.

live cassinoФільчаков Олександр Васильович

Die slimste dier?

Elke wildboer sal seker sy eie mening hê oor watter dier op sy wildplaas die slimste is.

Nie skelmste nie, soos die slag wat daar in Donald Murraylaan in Bloemfontein jare gelede by ‘n huis begin hoenders wegraak het. Elke aand een.

Destyds was Donald Murraylaan wel nog half op Bloemfontein se rand, maar die jakkalsspore by die misdaadtoneel lyk darem ewe waarskynlik afkomstig van die nabygeleë dieretuin as uit die veld afkomstig te wees.

Maar by die dieretuin makeer g’n jakkals nie.

Maar toe kom die mense agter die kap van die byl. Ta lê bedags sy siel en uitslaap, en snags haak hy sy pootjies in die ogiesdraad en klim oor sy kampdraad.

By sy “restourant” doen hy dieselfde, en “bestel” sy wegneemete a la carte.

Nee, seg neef Ferdie, en sy vroulief en kleinman beaam… die slimste dierasie waarmee hulle nog te make gehad het, is seekoeie.

Die storie van die baba-seekoei wat by Malelaan so tuis geraak het dat sy die deure self leer oopmaak en die beddens in die huis in hul maaie in gaan lê het is dus nie vir hulle eintlik iets om oor huis toe te skryf nie.

“Nee, kyk,” vertel Ferdie, “presies hoe slim die dierasies is ontdek ek toe ek ‘n troppie moes vang en wegry.”

“Ek maak toe ‘n vangkamp ‘n entjie van die rivier af, en gaan gooi lekker lusern in die kamp. Maar watwou.

“Net een bul word afgevaardig om te gaan ondersoek instel, en met die terugkeer water toe dra hy vir die ander van die lusern saam.

“So gaan dit ‘n paar dae, en toe begin daar darem nog ‘n paar saamkom. En hulle dra vir die res die voer aan.

“Naderhand begin van die koeie saamkom, maar die kalfies bly agter in die water.

“En mens kan hulle nie pyl nie. Pyl hulle en hulle hardloop reguit water toe en gaan versuip. En haal hulle nie die water nie, vrek hulle sommer.”

“Dus is dit maar geduld.

“Na drie maande meen die spulletjie egter dis veilig en versit die hele spannetjie, kalfies inkluis, na die kamp om te gaan voer haal. Maar toe hulle binne is, word die hek toegemaak.

“En toe is daai seekoeie vir jou kwaad! Ek moet toe draf om hulle met ‘n kalmeerding te pyl, want hulle storm daai stawe waarmee die kamp opgerig is, en byt dat mens net sien en hoor tande breek.

“Verskriklik die m*&r in dat ‘n simpel mens hulle nou so kon uitvang!”

Volgende keer word ander plan gemaak.

Die lotjie was in ‘n dam, en kon maklik met die “prodder” bygekom word. Maar die dierasies is dikvellig, en draai net die agterkant weg. Versit versit hulle nie.

Neef Ferdie lei ‘n negatiewe draad die water in, en druk die positiewe draad naby die naaste seekoei in.

“Dis net ‘n blou vlam, maar dadelik is daar ‘n houdingsverandering by daai seekoeie. Dis so asof hulle laat weet: Jy wen, ons sal saamwerk.”

En sowaar, die eerste renoster draf na die sleepwaentjie, en klim in, en word weggery.

Na ‘n ruk kom die trok met die leë sleepwaentjie terug, en die tweede seekoei draf, en gaan klim in.

“En so gaan dit met die hele lot.”

Daai waentjie is ook nie sommer so ‘n waentjie nie. Dis ook die waentjie wat gebruik word om diep duttende renosters in hul nuwe tuistes te gaan aflaai.

“Kyk, as jy by die plek kom, vat jy jou trok eers ver weg. Dan maak jy daai waentjie oop, en sorg dat jy self maar skaars is in die onmiddellike omgewing. Want as daai neushoring waker word en van daai waentjie afklim is hy m*&rig. Hy soek ‘n sondebok, en al wat hy kan kry is daai waentjie. Daar is nie ‘n band of flikkerlig heel, of ‘n vierkante sentimeter nie geduik nie voor die renoster se bui gesak het.”

расширительный бачок на отоплениеФильчаков прокуратура харьков

Kerkhervorming met eeu uitgestel

Presies 600 jaar gelede, in 1410 vind iets plaas wat die opkoms van Protestantisme met ongeveer ‘n eeu vertraag. Dié jaar misluk die appèl van die Boheemse kerkleier, Johannes Hus, teen ‘n pouslike bul dat alle werke van die Engelsman, John Wycliff, verbied en verbrand moes word.

Hierdeur is kerklike hervorming binne die kerk in effek nek omgedraai.

Maar presies hoe dit gekom het dat Wycliff in Boheme (vandag se Tsjeggië) aanhang sou vind, is ‘n interessante staaltjie op sy eie.

In 1382 het Anne, die suster van die Boheemse koning, met Richard II van Engeland in die huwelik getree. Anne het gou onder die invloed van Wycliff gestaan, en so die weg gebaan dat dié idees in Boheme neerslag vind. Spoedig was twee van Wycliff se ondersteuners in Boheme, en het hulle aktief die hervormingsaak gedien.

Hulle is mettertyd die swye opgelê, maar het subtiel voortgegaan. ‘n Uitbeelding van Jesus op ‘n donkie, teenoor die pous is swier, het veral hard gespreek oor hoe die kerk ontaard het.

Pous Johannes XXIII het ‘n “kruistog” teen die koning van Napels uitgevaardig, en aflaatbriewe verkoop om die veldtog te finansier. Dit, en opvattings soos dat Jesus en nie die pous nie, aan die hoof van die kerk staan, het Wycliff en Hus, wat intussen Wycliff se werke in Tsjeggies vertaal het, teen die bors gestuit.

Pous Johannes, op sy beurt, was ‘n omstrede en gure karakter, en baie glo dat hy voorheen ‘n seerower was.

Hierdie beroeringe het gevolg op ‘n eeu van ‘n deurmekaarspul in die Roomse kerk. Met Johannes se ampsaanvaarding as pous, was hy byvoorbeeld een van drie pouse wat niks met mekaar te make wou hê nie.

Hierdie verwarring het gevolg na die Duitse keiser finaal sy mag verloor het, en die Franse koning die sterkste Europese leier geword het. In 1302 het Filips IV (die skone) pous Bonifacius VIII gevange laat neem. Fransgesinde pouse het gevolg en hul setel van Rome na Avignon in Frankryk verskuif. In 1377 het pous Gregorius XI na Rome teruggekeer. ‘n Jaar later sterf hy, en die Franse kardinale weier om sy opvolger, Urbanus VI te erken. Die kardinale wys toe hul eie pous, Clemens VII aan en hy neem weer sy intrek in Avignon. Hierna sou twee pouse die septer swaai, elk met ‘n aantal lande wat hulle volg.

In 1409 word ‘n konsilie te Pisa gehou om die toedrag van sake op te ruim, maar beide dienende pouse weier om die konsilie te erken, en word afgedank. Hulle wys toe ‘n nuwe pous aan, die eerbiedwaardige Alexander V. Omdat die afgedankte pouse weier om van hul ampte af te sien, neem Alexander sy intrek in Bologna.

Drie pouse is toe in die stoel.

Alexander sterf egter gou, en word deur die woeste Johannes opgevolg.

In 1414 word ‘n nuwe konsilie by Konstanz byeengeroep. Johannes was egter die enigste van die drie pouse wat die uitnodiging aanvaar het om die konsilie by te woon.

Hus, wat deur die pous onder die banvloek geplaas is, het ‘n uitnodiging gekry om by dié konsilie appèl aan te teken, en is selfs vrygeleide uit Boheme, waar hy weens sy gewildheid buite die bereik van sy vyande was, gekry.

By Konstanz is hy egter nie die geleentheid vir sy appèl gebied nie, en as ketter verhoor. Hy is ‘n maand lank wreed gefolter, maar toe hy steeds wier om van sy standpunte af te sien, sterf hy op die brandstapel. Die as van sy liggaam asook die grond waarop dit geval het, is in die Rhyn gegooi.

Wycliff self, wat die hervormingspoging gelei het, het aan natuurlike oorsake gesterf. Hy het aanvanklik selfs die steun van die Engelse regering gehad toe Urbanus skatpligtigheid van die Engelse koning geëis het, en Urbanus moes die aftog teen dié rugstyfmakery dra.

Pous Johannes XXIII, die gewese vermeende seerower, was egter hardvogtiger.

Tydens die konsiliasie Konstanz was Wycliff, wat in 1384 gesterf het, drie dekades lank reeds begrawe. Nogtans is die banvloek oor hom uitgespreek en gelas dat sy lyk opgegrawe en verbrand moes word. Dit is in 1428 gedoen, en sy as is in die Swiftrivier gegooi.

As gekyk word na die standpunte van Wycliff (wat ook terloops aan die spits gestaan het om die Bybel in Engels te vertaal, die sg Wycliff-Bybel), en Hus soos opgesom deur Deon Snyman, kan die spore van Luther se latere standpunte duidelik gesien word.

v Die kerk bestaan uit die gemeenskap van alle gelowiges (en nie net die pous en die biskoppe nie).

v Christus (en nie die pous nie) is die hoof van die kerk.

v Die skrif is gesaghebbend vir die kerk en die preek vorm die belangrikste element van die erediens.

v Gehoorsaamheid aan Christus (en nie die pous nie) lei tot redding.

v Slegs God kan sondes vergewe (nie geld of aflaatbriewe kan vergiffenis bewerkstellig nie).

v Geen pous of biskop het die reg om in die naam van die kerk die swaard op te neem nie (die Bybel leer dat Christene vir hulle vyande moet bid en dat hulle hul vyande moet seën).

v Christene moet hulle daarvan weerhou om beelde te aanbid, in vals wonderwerke te glo of om bygelowige pelgrimstogte te onderneem.

v Die kerk moet beide tekens van die sakrament van die nagmaal aan gelowiges bedien (nie net die brood nie).

v Kerklui beskik slegs oor geestelike gesag.

v Alle mense moet toegelaat word om die Bybel in hulle eie moedertaal te lees.

светильник купитьОлександр Фільчаков прокурор

Orige sokkerballe

Die oorsese spanne wat aan die Fifa-toernooi kom deelneem kla steen en been oor die Jabulani, die bal wat amptelik tydens die toernooi gebruik gaan word. Word al die klagtes bymekaar geklits lui dit min of meer die bal is onvoorspelbaar, verander in die lug van rigting en reageer verskillend op verskillende hoogtes bo seespieël.

Klink amper of die toordokters wat Soccer City met allerlei rituele gaan reinig het, ook iets met die bal aangevang het. Dit is dus heel waarskynlik die tokkelossie wat maak dat daai bal nou so ‘n wil van sy eie het.

So benoud is die spanne hieroor, ‘n hele paar het nou al aansoek gedoen dat die toernooi liefs met ‘n rugbybal gespeel word. Hulle meen die rugbybal se manewales is minder onvoorspelbaar. By voorbaat het Brasilië en Spanje al op Mornë Steyn begin bie.

Mornë is immers beskikbaar, aangesien hy nie soos sy naamgenoot. Frans Steyn, ‘n “uitnodiging” gekry het om vir die Bokke se B-span teen Wallis te speel nie.

Ag ja, en kyk ‘n mens selfs na die Bokke se B-span, dan bloei ‘n mens se hart so oor die spelers wat die Vrystaat vir ander bonde grootmaak. Ruaan op losskakel, Meyer Bosman op die bank…Die dag wat die rugbybase darem ‘n kwotastelsel op rugby van toepassing maak – dat die helfte van die spelers die een of ander band (behalwe ‘n tjekboek) met die bond moet hê, speel die Sharks sowaar saam met die B-bonde.

Van die sokker gepraat. Anders as wat baie mense vrees sal mense nie na die toernooi oor dienslewering kan kla nie. Volgens Zuma se persoonlike dolosgooier is dit omdat daar dan nie meer dienste sal wees om oor te kla nie.

Soos ‘n moedelose boer uit die Molopo aan kongresgangers gevra het: “Wat het Suid-Afrika voor grondpaaie gehad?” Sy antwoord? Teerpaaie.

Hoekom Lekota, self ‘n bedrewe hand met die gaan vang van voorvadergeeste in buurlande om na Vryheidspark te neem, ‘n hofinterdik teen Shilowa gaan kry het, is nie duidelik nie. Sou dit nie doeltreffender gewees het om bloot die tokkelossie op Shilowa los te laat nie? Van ‘n appèl teen ‘n molesmakende tokkielossie het ek nog nooit gehoor nie.

Volgens eerw. Meshoe van die ACDP hang sake natuurlik af van of dit nou “verantwoordelike” voorvaders is of nie. Die verantwoordelike soort, so beduie die eerwaarde, sal nie mense wat weens swak dienslewering uit die ANC dros, soek en siek maak nie.

люстры отечественного производстваДанильченко Харьков

Massabegrafnis vir Gasaslagoffers

‘n Massabegrafnis is Donderdag vir agt van die nege mense wat dood is tydens ‘n Israeli-operasie op noodlenigingskepe wat na Gasa onderweg was, gehou.

Honderde mense het in Istanboel se Fatih-moskee byeengekom vir die begrafnis.

Die slagoffers se kiste is met Turkse en Palestynse vlae bedek.

“Israel het ‘n reuse-fout begaan. Vandag staan die hele Turkye saam,” het Bulent Yildirim, hoof van die Turkse NRO IHH wat die hulpskepe geborg het, gesê.

Baie mense het hul woede met Israel uitgespreek deur “moor Israel” en “skop Israel uit die Midde-ooste” te skreeu.

форма 95 улобановский депутат

Duisende Moslems in SA betoog teen Israel

Duisende betogers het in Kaapstad voor die parlement betoog teen Israel se optrede sowat 65 km van die Gasa-kus om ‘n flottielje met hulpvrag voor te keer.

Oral ter wêreld in groot stede is soortgelyke optredes teen Israel gehou.

Minstens nege mense is dood tydens die operasie wat deur Israel so bondgenote as ‘n lokval beskryf word. Voorheen het nuusagentskappe, waaronder Sapa, berig dat 19 mense dood is.

Die Moslem Juridiese Raad (MJR), die Media Review Network, die United Ulema Council of South Africa, die Al-Quds Foundation SA, die Palestinian Solidarity Group, Cosatu en die Muslim Youth Movement het die protes gereël om ‘n memorandum aan die regering te oorhandig.

Die organisasies maak almal ten sterkste beswaar teen Israel se optrede.

Die Moslem Juridiese Raad se sekretaris-generaal, Abdul Khaliq Allie eis dat Suid-Afrika bande met Israel moet verbreek. “Boikot Israel soos die apartheidsregering geboikot is. Suid-Afrika moenie stilbly nie,” het hy gesê.

водяного насосаФильчаков

Turkye se aanval op Israel

Die hele fiasko rondom die Israeli aanval op die sogenaamde “humanitêre hulpverleningsflottielje” van Turkye na Gaza verdien nadere ondersoek. Israel het etlike dae voordat hierdie insident plaasgevind het die Turkse owerhede gewaarsku om nie voort te gaan met hulle planne om direk na Gaza te vaar nie.

Dis egter duidelik dat die konvooi meer met Turkye te doen het as wat dit met hulpverlening aan die Palistyne te doen het. Israel was wel bereid om die voorraad deur hulle eie hawens te aanvaar, te ondersoek en dan deur hulle grense na Gaza te vervoer vir die Palistyne. Hiermee kan nie fout gevind word nie want die Moslemse Hamas terroristebeweging hou ‘n daadwerklike gevaar vir Israel en sy bevolking in. dit is bekend dat Hamas wapens van “onskuldige” kommoditeite soos seeppoeier gebruik om plofstof te gebruik. Die beleg waarteen die wêreld so ‘n ophef maak is reeds ingestel omdat die Moslems nie vertrou kan word nie.

Dit is vir Turkye baie belangrik om homself te vestig as ‘n mag in die Moslemwêreld aangesien hulle al ‘n geruime tyd beskuldig word dat hulle “sagkens” met Israel omgaan. Turkye is inderdaad een van die min Moslem lande waar Israelis welkom is om sake te doen en vakansie hou. Turkye wou dus vir die geharde Moslemlande wys dat hy deel van die “senior klub” is.

Hierdie ekspedisie is geborg en gereël deur Turkye met die uitsluitlike doel om Israel te tart en uit te lok om op te tree en dan sodoende te verseker dat Israel deur die hele wêreld te veroordeel kan word. Die organiseerders het vooraf geweet hoe Israel sou reageer en daarom is hierdie bose plan gesmee en uitgevoer. Hulle het duidelik daarop gewag en was ook daarop voorberei. Daarom was daar ook ‘n kameraspan en verslaggewers van Aljazeera op die grootste skip wat ook die konvooi gelei het om oor die gebeurliklikhede te berig. Aljazeera is ‘n Moslem Arabiese televisie kanaal wat geen ooghare vir Israel het nie.

Dit is so dat daar wel gematigdes van oral aan boord van die skepe met die Turkse vlae was. Maar, daar was ook geharde Islamitiese ekstremiste aan boord gewees. Dit is ‘n kenmerk van die Moslem “dapper vegters”. Hulle doen gereeld hulle aanvalle op Israel terwyl hulle omring word deur vroue en kinders en in sommige gevalle, ook moskees. Hierdie wat ook geen uitsondering nie.

‘n Paar interessante dinge het gebeur tydens die besetting van die skepe wat die feit bevestig dat hulle voorbereid was op die soldate van die Israelse weermag.

Lesers moet onthou dat soldate wat met toue vanuit helikopters op ‘n boot gelaat word baie kwesbaar is. Terwyl die Israelse soldate afsak na die skepe vanuit helikopters (“absailing”) hou hulle nie werklik ‘n bedreiging in nie. Hulle was in elk geval slegs met verfbal gewere en pistole gewapen. Hulle doel was slegs om beheer oor die skepe uitoefen en om te keer dat hulle na Gaza vaar.

Die sogenaamde “vredesaktiviste” was duidelik nie baie vreedsaam nie! Hulle het die soldate ingewag en aangeval voordat hulle op die skeepsdek geland het. Die Israeli’s is met ysterstawe, knuppels en kettings aangeval. Op ‘n CNN videogreep kan duidelik gesien word dat daar ook skokgranate na een van die aanvalsbote van die Israeli’s gevuur is. Die groep aan boord van die Turkse boot was daarop uit om hulle te verset. Van die Israel’s is ook met hulle eie wapens geskiet, maar gelukkig is nie een dood nie.

Indien dit die beplanners in Ankara se doelwit was om slegs humanitêre hulp aan die Palistyne te verleen, sou hierdie ongelukkige voorval nie gebeur het nie. Maar dit was ‘n goed beplande publisiteitsfoefie met die doel om Turkye se posisie te versterk in die Moslemwêreld en terselfdertyd om Israel te diskrediteer. Die hulpverlening aan die Palistyne was bloot toevallig. Die Moslems gee nie regtig om om menselewens te offer nie solank as wat hulle hul doel kan bereik. Dit is die uitwissing van die land Israel.

.

ремонт компрессоров воздушныхтопкарго отзыв

Die einde van wittes in SA

Die Times van Londen berig uit Vredefort onder die opskrif “We’re in the final days of white ­life in this country”, dat wit Afrikanerboere onder beleg verkeer.

Hy open sy berig met Manie Potgieter se aanvallers se woorde waar dié met ‘n pistool teen die nek gedreig word: “Luister, jou wit bliksem: Ek het vigs, ons gaan nou jou vrou verkrag en vir haar ook vigs gee. Dan gaan ons jou doodmaak.”

Na raming is 3 000 boere reeds vermoor, 800 000 wit mense het die land verlaat en nog 20% van die res wil emigreer, lui die berig.

Clayton gee stadige grondhervorming die skuld en suggereer dat vinniger oordrag van grond die probleem sal oplos.

Clayton sê 87% van alle landbougrond was in wit besit ná die einde van apartheid en teen 2014 moet 30% in swart hande wees, maar dat korrupsie en grypsug veroorsaak dat die mikpunte nooit bereik sal word nie.

chat gamesАлександр Фильчаков прокурор

Zuma in nog ‘n seksbyenes

Nompumelelo Ntuli Zuma, een van die president se vroue, is volgens City Press betrokke in ‘n seksskandaal. Dié koerant is in besit van ‘n ongetekende brief wat allerlei sulke beweringe maak.

Sy is tans in Indië saam met Jacob Zuma waar hy op besoek is.

Die Zoeloeweekblad Ilanga het Vrydagoggend berig oor Ntuli se beweerde ontrouheid, oneerlikheid, ‘n selfmoord en selfs vals kwalifikasies.

Ntuli het kaarblyklik ‘n buite-egtelike verhouding met haar lyfwag, Phinda Thomo van Dobsonville, Soweto, gehad. Sy het hom glo gereeld gesien in Johannesburg.

Die presidentsvrou mag dalk swanger wees met die lyfwag se kind. Thomo het glo selfmoord gepleeg toe die buite-egtelike verhouding bekendgeraak het.

Daar is glo ook toenemend sprake van ernstige huweliksprobleme tussen Zuma en sy tweede vrou, benewens die gereelde poligamiese onmin wat in die president se huishouding heers. Ntuli is in 2008 met die president getroud.

Ilanga het ook berig dat Ntuli as ‘n skoonmaker in ‘n hotel gewerk het, en glo oor geen verpleegsterskwalifikasie beskik soos sy beweer nie.

Die naamlose brief van twee bladsye lank is Maandag na Ilanga se kantoor gefaks.

такое справкалобановский александр интервью

Aristide ry lekker op SA soustrein

Aristide en Mbeki“Dit is totaal onaanvaarbaar dat die Suid-Afrikaanse belastingbetalers steeds jaarliks bykans R3 miljoen moet spandeer om mnr. Jean-Bertrand Aristide, voormalige president van Haiti, asook sy familie en gevolg in die land te onderhou,” sê Dr. Pieter Mulder, leier van die VF Plus. Mnr. Aristide woon sedert Februarie 2004 reeds langer as ses jaar in Suid-Afrika terwyl ’n nuwe president reeds in Mei 2006 in Haiti ingehuldig is.

Die Suid-Afrikaanse regering spandeer tans maandeliks dieselfde bedrag geld wat ’n Suid-Afrikaanse kabinetsminister kos op mnr. Aristide. Die koste sluit in behuising, vervoer, kantoorpersoneel en veiligheidspersoneel. Hierdie inligting blyk uit ’n antwoord van die Minister van Buitelandse Sake, me. Maite Nkoana-Mashabane, op ’n vraag wat dr. Mulder aan haar in die Parlement gestel het.

Die Minister weier egter, soos haar voorganger, me. Nkosazana Dlamini-Zuma, om openlik te verklaar wat die totale koste vir Aristide se verblyf in die land sedert sy aankoms in Februarie 2004 beloop. ‘n Los beraming van die bedrag kan moontlik soveel as R15 miljoen wees.

 

“Terwyl Suid-Afrikaanse burgers ‘n sukkel-bestaan voer leef Aristide en sy familie in luuksheid. Hy lewer geen bydra tot die ontwikkeling van die land nie, maar leef op die geld van belastingbetalers wat eerder vir ons eie burgers aangewend kon word,” meen dr. Mulder.

 

Aanvanklik is deur die Suid-Afrikaanse regering gesê dat mnr. Aristide net tydelik in Suid-Afrika geakkommodeer word tot na die verkiesing in Haiti . Haiti het op 7 Februarie 2006 ‘n verkiesing gehou waar mnr. Rene Preval as nuwe president verkies is. Mnr. Preval is in Mei 2006 ingehuldig as president van Haiti en het toe reeds in die openbaar gesê dat mnr. Aristide welkom is om na sy land terug te keer.

”Volgens die Minister sal Aristide en sy familie as gaste in Suid-Afrika bly totdat die Afrika Unie, CARICOM (Caribean Community and Common Market) en ongeïdentifiseerde sleutelrol spelers anders besluit het. Indien die rolspelers wil voorskryf dat mnr. Aristide in Suid-Afrika moet bly, moet hulle bereid wees om die koste te dra en dit nie van die Suid-Afrikaanse belastingbetalers verwag nie. Dit is weer eens ‘n nuwe houding jeens Aristide se tydperk van verblyf in die land. Soos die VF Plus aanvanklik gewaarsku het, is die Suid-Afrikaanse regering nou hier vasgevang in ’n situasie wat nog vir jare kan duur en die belastingbetaler nog meer miljoene kan kos sonder werklik enige voordeel vir Suid-Afrika,” het dr. Mulder gesê.

тамбов техноФильчаков прокурор