Dan Roodt, Author at praag.co.za

Erasmus wil graag vir Bokke speel

Jaco Erasmus sal in die Italiaanse kleure aangetrek wees as 'n lossvoorspeler in die enkeltoets te Nuweland Saterdag teen die Springbokke.

Erasmus is 28 jaar gelede te Empangeni gebore. Hy sê egter dat hy enige tyd na Suid-Afrika sou terugkeer indien hy vir die Springbokke sou kon speel.

Hy het aan verslaggewers gesê dat die toetswedstryd 'n groot geleentheid gaan wees en dat hy werklik daarna uitsien.

Hy is nie spyt dat hy sewe jaar gelede die geleentheid aangeneem het om Italië toe te gaan nie, maar glo dis elke skoolseun se droom om vir die Springbokke te speel.

Italië se afrigter Nick Mallett het gister gesê dat Erasmus baie talent het, 'n baie intelligente speler is, maar waarskynlik moet werk aan sy lynstaantegniek.

Erasmus is nie familie van Rassie Erasmus nie.

99spravok Лобановский Харьков

Amerikaanse huisprysdaling is skerpste in 25 jaar

Amerikaanse huispryse het landwyd met 7,7 persent gedaal in die eerste kwartaal vanjaar weens die toenemende ekonomiese krisis in dié land. In sommige gebiede is die dalings egter veel erger en bereik tot dertig persent.

In die deelstaat Kalifornië, waar pryse oor die algemeen hoog is, het huispryse in Sacramento met 29,2% gedaal en in Riverside met 27,7%. In Las Vegas het huispryse met 20,2% afgeneem en in Phoenix met 15,4%.

Volgens ontleders is dit nog nie die einde van die dalings nie. Van nou af tot Februarie 2009 word verwag dat huispryse met nog 20% kan daal.

образец мед справки

Polisieman in ‘n hinderlaag gelei in Pretoria

Die 37-jarige inspekteur Jaco Botha is gister by 'n OTM in Pretoria in 'n hinderlaag gelei en doodgeskiet deur 'n bende wat met AK47-aanvalsgewere gewapen was.

Botha sou vandag met vakansie vertrek het saam met sy vrou Lunet en seun Ulrich.

Die bende het Botha en sy kollega, inspekteur Pieter Otto, na die OTM op die hoek van CR Swart en Lynettestrate in Kilnerpark gelok deur dit op te blaas.

Volgens polisiewoordvoerder Klaas van der Kooi is hulle daarna geblokkeer, in 'n hoek gedruk, vasgekeer en op geskiet.

Nog 'n polisiebeampte het die toneel as 'n oorlogsone beskryf en dat die aanval met militêre presisie uitgevoer is. Twee blanke mans was in bevel van die bende van tien lede wat origens uit swartes bestaan het.

VN-sekretaris-generaal bekommerd oor Zimbabwe

Die hoof van die VN Ban Ki-moen het gister sy uiterste kommer uitgespreek oor die situasie in Zimbabwe op die vooraand van die komende presidensiële uitklopverkiesing, het sy woordvoerder gesê.

Volgens Michele Montas het Ban gesê dat die huidige geweld, intimidasie en arrestasie van opposisieleiers nie versoenbaar met geloofwaardige verkiesings is nie.

Ban het bygevoeg dat indien herdie toestand sou aanhou, die legitimiteit van die verkiesing in die gedrang sou wees.

Die Verenigde State het ook vir verdere druk op Zimbabwe gevra om vrye en regverdige verkiesings te hou. Die minister van buitelandse sake Condoleezza Rice het die VN en Afrikaleiers gemaan om sodanige druk op Zimbabwe toe te pas.

SA rassewaansin peil nuwe dieptes

In 'n verregaande beslissing wat aan die tragi-komiese grens, het die Grondwethof vandag beslis dat Sjinese "swart" is, en derhalwe mag voordeel trek uit die gewettigde plundery van ander se bates bekend as swart ekonomiese bemagtiging (SEB).

Laat ek hierdie belaglike beslissing in perspektief stel: mense wat dikwels nie gebore Suid-Afrikaners is nie, mense van gans en al 'n ander kontinent, mense wat dikwels nie enige inheemse taal nie, maar slegs Kantonees of Mandaryns magtig is, gaan benewens gebore Suid-Afrikaanse Sjinese in die toekoms bo blankes bevoordeel word, want hulle is glo "swart".

Gaan die Sjinese voor in die ry staan vir bemagtiging wanneer konsessies vir perlemoenontginning uitgedeel word?

Blankes wie se families dikwels reeds vir geslagte op die kontinent woon, se status as tweedeklasburgers is opnuut bevestig deur hierdie verregaande hofbeslissing. Blankes wat nog nooit enige swarte benadeel het nie, moet ook die onderspit delf ten gunste van die nuwe geelswartes. Blanke kinders wat sedert 1994 gebore is, wat nooit in hulle lewe voordeel getrek het uit enige rassewetgewing nie, ook die armblankes wat krepeer in die blanke plakkerskamp langs die Krugersdorpdam, boorlinge van Afrika, sal moet terugstaan vir moedertaalsprekers van Kantonees.

Kan ons verwag dat daar nuwe soorte rassekwalifikasies ingestel gaan word om ook die gebore Taiwanees as swart te beskryf? Gaan die ANC-bewind een of ander toets, naas die potloodtoets, bedink om te bepaal wie se oë Oosters genoeg trek om te kwalifiseer vir "swart" ekonomiese bemagtiging?

Dit is asof blankes in 'n Kafka-stuk vasgekeer is, waarin die bewind se waansinnige rassisme hom noop om enige iemand as swart te kategoriseer, net solank hy nie 'n gebore blanke Suid-Afrikaanse burger en veral nie 'n Afrikaner is nie. Ek sou nie verbaas wees as blonde Swede met ligte gelaatstrekke tot ere-swartes verklaar sou word uit hoofde van die Skandinawiese lande se ruimskootse befondsing van die huidige bewind se terreurdade in die verlede nie.

Die vraag is hoe lank blankes hierdie onhoudbare situasie gaan verdra. Daar moet sekerlik 'n punt kom wanneer ons gaan opstaan en weier om verder as tweedeklasburgers vertrap te word. Gaan die rassewaansin van die ANC-bewind die sade vir 'n opstand onder Afrikaners plant, een wat heeltemal vermybaar was?

Kwazulu-Natal nog steeds onder water

Kwazulu-Natal gaan nog steeds gebuk onder vloede en vier mense is tot dusver dood terwyl 500 mense dakloos gelaat is. Sommige inwoners moes van die dakke van huise met bote en waterponies gered word.

Die polisie se reddingspan moes ook onder die siedende vloedwaters induik om deure en diefwering oop te breek om diegene binnekant te kan red.

Op sommige plekke in die provinsie is tot 400 mm reën gemeet. Kommunikasiestelsels is ontwrig en modderstortings het op dele van die N2 plaasgevind.

Omtrent twintig bejaardes moes van die dakke van huise by die Club Marina-oord in Ifafa gered word toe 'n rivier sy walle oorstroom en die huise onder water gedompel het.

насос погружной для Лобановский Харьков

Obama stook rassegevoelens in Frankryk op

Volgens die Franse koerant Le Monde, begin 'n nuwe rassebewussyn voelbaar in Frankryk raak.

Dis nie net vanweë die snel veranderende demografiese werklikhede van die land nie, maar ook vanweë die waarskynlike Demokratiese kandidaat vir president van Amerika, Barack Obama.

Die artikel in Le Monde van 'n paar dae gelede beskryf hoe Obama die hoop onder swartes in Frankryk laat opvlam. Selfs om die woord noir in Frans, wat swart beteken, te sien was vir hulle verbasend aangesien rasse-identiteite nie in Frankryk ooit genoem word nie.

Die afgelope naweek is 60 motors verbrand en ongeveer 50 mense van kleur het met die polisie en brandweermanne baklei waarvan verskeie beseer is. Die onluste het in die arm swart buurt van Vitry-le-François in die Marne-streek in die noordooste van Frankryk plaasgevind.

instagram promotion sites

Iran verwerp kernkragvoorstel

'n Kernkragvoorstel deur die vyf permanente lede van die Verenigde Nasies-veiligheidsraad tesame met Duitsland het Sondag geen formele reaksie van Iran ontlok nie.

Die groot moondhede het aangebied om te help bou aan ligtewaterreaktors, om wetlik afdwingbare waarborge vir kernbrandstofvoorrade te verskaf en om saam te werk met gebruikte brandstof en radioaktiewe afval in ruil vir die opskorting van uraanverryking deur Iran.

Die Iranese president Magmoed Agmadinedjad, het die voorwaardes verwerp.

Iran sal 'n maand gegee word voordat nuwe EU-sanksies ingestel sal word, wat teen die land se grootste bank, Bank Melli, gerig is. Die VSA mag 'n vlootblokkade van Iranese skepe in die Persiese Golf oorweeg.

Rusland en Sjina staan strenger sanksies teen.

мультик куклы барби

Dooie voel springlewendig

Andries Pieterse van Pretoria is vroeër vanjaar meegedeel dat hy sedert Kersfees oorlede is en hy weet ook nie waaraan nie. Pieterse, 63, sê hy het skoon aardig gevoel toe hy vertel is. Hy woon in Uncle Ben's Den in Hermanstad, 'n tuiste vir bejaarders en mense wat spesiale versorging benodig.

Hy is sedertdien besig om die staat te probeer oortuig dat hy lewendig genoeg is om sy pensioen te kan ontvang. Pieterse kry ook die afgelope vyf jaar 'n ongeskiktheidstoelaag omdat hy met sy geheue sukkel.

'n Doodsertifikaat met Pieterse se ID-nommer op is in April uitgereik en wys dat hy op 24 Desember 2007 oorlede is.

Eerste wettige huwelik van dieselfde geslag in Kaliforni

Kalifornië het vandeesweek sy eerste wettige huwelik tussen mense van dieselde geslag gesluit.

Die burgemeester van San Francisco Gavin Newsom het gesê dat Kalifornië die toon aangee in 'n neiging wat uiteindelik die Amerikaanse nasie gaan oorrompel.

In die meeste state in die VSA is sulke huwelike egter onwettig. In die komende verkiesing in November sal Kaliforniërs egter geleentheid hê om huwelike tussen dieselfde geslag te beëindig.

Teenstanders wil die staat se grondwet verander na November indien hulle sou slaag, om 'n huwelik as dié tussen man en vrou te definieer.

Konserwatiewe Christene het belowe om die kiesers te oortuig om homoseksuele huwelike te beëindig.

topodin.com Данильченео