Daar is lewe anderkant Eskom

Op 18 Junie vanjaar skryf ek ondermeer dat die potensiaal wat in ‘n digitale ekonomie opgesluit lê tans rondom ons ontvou. Verouderde infrastrukture word reeds as ‘digitale hindernise’ beskou.

Wêreldwyd word hierdie hindernisse deur politieke – en tegnologiese druk bevraagteken. Die Dept van Mineraal en Energiesake se nuwe beleidsraamwerk, van wat vandeesweek afgekondig is, bevestig dat Suid-Afrika uiteindelik in pas begin kom met ander lande vir sover dit kragopwekking aanbetref.

Die opheffing van Eskom se monopolie onthef hom van die verpligting om man alleen die verantwoordelikheid te dra vir die land se kragsekuriteit of inderdaad om die miljarde rande te voorsien om daardie verpligting na te kom.

Nuwe verskaffers mag nou tot die mark toetree om krag aan die nasionale kragnetwerk te lewer en die staat mag selfs aan Eskom ‘beveel’ om bepaalde kragstasies te bou sou die behoefte daarvoor ontstaan. Waar die geld vandaan sal kom sal nie Eskom se probleem wees nie.

Die fyner besonderhede moet nog uitgestippel word, maar dit is reeds duidelik dat ‘n nuwe en opwindende mark vir gedesentraliseerde stelsels ontstaan het. In die nabye toekoms kan ‘n sakekompleks, winkelsentrum, hospitaal, universiteit, aftreeoord of fabriek sy krag self opwek met moderne tegnologie. Vandag is klein gasturbines beskikbaar wat meer betroubare en goedkoper krag as die munisipale netwerke, gerugsteun deur Eskom, kan lewer.

Hoëspoed gasturbines wat wrywingloos op lug – en magneetlaers loop het ‘n ontwerpleeftyd van tien jaar en langer. Hoe betroubaar is jou yskas? Myne loop reeds vir langer as 25 jaar sonder enige diens aan die bewegende dele. Die konsep van hierdie klein turbines met slegs een roterende onderdeel, is om presies dieselfde graad van betroubaarheid te handhaaf.

Hopelik sal dit eersdaags moontlik wees om jouself as diensverskaffer te laat registreer. Deur ‘n finansieringspakket van R200 miljoen met ‘n finansiële instelling te beding vir die aankoop van 500 stelle met ‘n gesamentlike vermoë van 50 Megawatt kan mens dan vinnig ‘n speler in die mark wees. Dan huur mens die toestelle by die instelling, presies soos die sogenaamde bruikhuurooreenkomste met motors. Waar Sasolgas beskikbaar is, bestaan geen brandstofprobleme nie. Anders word ‘n ondergrondse tenk geïnstalleer en periodiek soos by vulstasies gevul.

Wêreldwyd word daar reeds na ‘n elektrisiteitsrevolusie verwys. As gevolg van verwaarlosing van die ekostelsel gaan die wêreld se kragopwekkingsnywerheid tans deur die geboortepyne van ‘n diepgaande revolusie en die vraag onstaan of die huidige energiebeplanners en leiers daarvoor opgewasse gaan wees. Vandeesweek het Suid-Afrika die eerste tree op daardie pad gegee.

Vroeër was die elektrisiteitsektor (in Thomas Edison se woorde) “…’n natuurlike monopolie.” Algaande het dit ‘n politieke speelveld geword. Vandag het dit nie meer ‘n bestaansreg nie, want die stelsels is afgeleef, is onbetroubaar en het onbetaalbaar duur geword.

Tradisioneel was dit gereken dat ‘n land se energiesekerheid verband hou met sy vermoë om genoegsame reserwekapasiteit gereed te hê sodat sy ekonomiese groei nooit belemmer sal word nie. Met moderne tegnologie kan addisionele kapasiteit binne weke na spesifieke groeipunte geneem word in klein inkrementele stappies, liewer as die reusagtige koolstofspuwende monsters wat die moderne verwysingsraam geword het.

Hoewel nie in kousale verband nie, bestaan daar ‘n korrelasie tussen elektrisiteitsverbruik en ekonomiese groei. Teen ‘n beplande ekonomiese groeikoers van 4% per jaar verdubbel die BBP oor sewentien jaar. Verdere korrelasies bestaan tussen tussen bevolkingsaanwas, verstedeliking, verhoging in lewenstandaard en kragverbruik. Tensy die land se opwekkingsvermoë dus in verhouding uitgebrei word, skei die grafieklyne in al vier gevalle.

Hiervolgens moet Suid-Afrika se huidige vermoë teen 2026 met minstens 50% gegroei het om tred te hou met die demografiese en ekonomiese werklikhede sodat ‘n ekonomies/politieke spanningsituasie voorkom word. Die huidige vermoë van ongeveer 40 Gigawatt moet dus in stappe van I Gigawatt per jaar tot 60 Gigawatt oor twintig jaar uitgebrei word.

 

As gevolg van die verlies aan tyd oor die afgelope vyftien jaar is Eskom ooglopend nie daarvoor voorbereid nie. Die tyd het dus nou finaal aangebreek om Eskom se monopolie te beëindig en die gapings in die grafieke te vul. Die volgende wenke sal verder meehelp om die aankomende krisis die hoof te bied:

 

· Eerstens en seker die vernaamste is om die beleid van swart ekonomiese bemagtiging en transformasie ondergeskik te stel aan ‘n beleid van energiesekerheid. Ek is bewus van kontrakteurs en konsultante wat beweer dat meer tyd aan die aard en struktuur van swart bemagtigingsvennootskappe bestee word as aan die tegniese of finansiële aspekte van hul tenders en is hulle derhalwe onwillig om hul dienste aan Eskom beskikbaar te stel. Die belange van swart instansies wat deur kontrakte bevoordeel gaan word kry dus meer aandag as die meriete van tenderaars se aanbiedings. Hierdie aspek is ‘n ontsettende mors van tyd en geld wat die fokus vervaag en besluitneming vertraag. ‘n Balans moet gevind word tussen die bereiking van energieteikens en transformasieteikens, met die oorwig swaar op eersgenoemde. So nie, gaan dit die land baie duur te staan kom. Soos verteenwoordiging en transformasie grondwetlik nie vir die land se inligtingsdienste geld nie, behoort dit ook nie vir die energiesektor te geld nie. Energiesekerheid is gans te ingewikkeld, veral mbt die loopbaansekerheid en stabiliteit van tegniese vaklui wat aan tien jaar of langer projekte werk en waar ervaring en kundigheid deurslaggewend is. Vir die energiesektor, en dus vir die land as geheel, is politieke inmenging op ‘n spesialisgebied fataal, aangesien die ekonomiese en politieke stabiliteit van die land, deur onervare energiebeamptes se gebrek aan insig, ervaring of optrede in gevaar gestel kan word.

 

· Soos die geval was met die telekommunikasiebedryf, kan alternatiewe diensverskaffers op die been gebring word om krag aan munisipaliteite en/of nywerhede en sakeondernemings te verskaf. Eskom moet voortaan verplig word om sekere van sy substasies te verkoop of te verhuur sodat nuwe diensverskaffers op gedesentraliseerde basis kragopwekking stelsels daarop kan oprig en Eskom van die verpligting onthef om krag aan die gebied wat deur daardie substasies bedien was, te voorsien.

 

· Nog ‘n nasionale energieprojek is ‘n aardgas kragstasie wat aan die Kaapse weskus opgerig kan word om aardgas vanuit die Koedoeveld in die Atlantiese Oseaan te gebruik. Oorweging kan geskenk word om die gas langs die weskus na Kaapstad per pypleiding te neem om die energie-arm Weskaap daarmee te bedien en vandaar na Mosselbaai om Mossgas se kwynende gasreserwes aan te vul. Gas in die Kaap sal die behoefte aan elektriese krag vir verhitting wesenlik verminder en duisende nuwe werksgeleenthede skep.

 

· Instandhouding van bestaande kragstasies kan aan klein spesialismaatskappye wat nie aan SEB-maatreëls onderworpe is nie en wat die nodige kennis en ervaring besit, geprivatiseer word.

 

· ‘n Spesiale aansporingsmaatreël kan aangekondig word wat nywerhede, supermarkte, sakegeboue, tegnoparke en veiligheidsoorde in staat sal stel om hul eie opwekkingskapasiteit aan te koop en te bedryf. Assuransiemaatskappye kan ook verlagings in premies vir verlies van bederfbare produkte aan sulke maatskappye oorweeg.

 

настенно потолочные светильникиФильчаков прокуратура харьков

Elkeen se Boetman-ervarings

‘n Ruk gelede was daar ‘n artikel oor navorsing oor die spesiale soort trauma waaraan baie Suid-Afrikaners ly – viktomonologie – post-traumatiese woede wat nie weggaan nie. Ek het self by hieroor geskryf.

By my het hierdie verklaring op vrugbare grond geval. Ek en ‘n destydse kollega het in ‘n stadium gevoel dis nie reg dat ons kontemporêre digters dit wat die Afrikaners / Afrikaanses se wese so ingrypend tref soos plaasaanvalle en plaasmoorde, ignoreer tot die mate dat dit nie deel van die Suid-Afrikaanse poësie uitmaak nie. Vorige ingrepe soos die Groot Trek, Bloukansmoorde en die Anglo-Boere-oorlog is immers poëties verewig.

Maar ons kon geen erkende digter kry om iets daaroor te skryf nie, en probeer toe maar op ons lomp manier self die wiele aan die rol sit. Dié projek het die Kerkblad gehaal, en toe ‘n dubbelblad in die Farmers Weekly (ja, in Engels).’n Paar van die “gedigte” is ook gepubliseer.

Maar toe, na die farmers Weekly-artikel, begin die mense bel. Familie van die slagoffers. Ontstellende verhale, skokkend ontstellend, en ek word bewus van en ontleed die saak – hier is met ‘n eiesoortige soort trauma te make. Die oorlewende slagoffers gaan na sielkundiges en psigiaters wat ewe-eens bel en sê: “Hier is iets diepers, iets anders …daar moet gespesialiseerde mense wees om hierdie aspek aan te spreek.”

Ons elkeen het sy eie Boetman-verhaal. Myne miskien dat ek reeds vroeg die slagoffer was toe ek moes plek maak vir ‘n Afrikaanse, wit manlike klerk op adjunk-direkteursvlak wat nou ‘n bekende en luidrugtige ANC-politkus is, terwyl my saak na omtrent 14 jaar “onafgehandel” by die Openbare Beskermer is. Na ‘n positiewe tussentydse verslag nou ook al ‘n hele klompie jare gelede is die “Openbare” Beskermer ‘n “Toe Beskermer” soos ‘n toegeklapte skulp, en kan skynbaar niks die verslag “loskry” nie. Nie eens Zuma se trieng-trieng nie, en die VN se Mensregteraad hanteer dit ook op ‘n wyse dat ‘n mens dit nie kan agterkom nie.

Intussen het die saak in sy maai in verjaar, en gaan dit net om daai dingetjie, “closure,” kry.

Want ‘n handves van menseregte werk nie baie lekker vir ‘n gestremde kind as sy pa nie kan werk kry nie.

Maar dan is daar nog mense, soos Mirida Fitzpatrick, wat sê wit mense kla met die brood onder die arm.

Spiek fôr jôrself, niggie.

Viktomonologie word nie net materieel gemeet nie. Verliese word ook aan waardigheid, byvoorbeeld, gemeet. Ontneem ‘n man sy vermoë om vir sy gesin te sorg, en dra vir hom geld en kospakkies aan, en kyk wat bly van sy waardigheid oor. Of gee vir hom ‘n slaappilletjie as hy nie raad weet oor waar om die geldjie te kry vir sy gestremde kind se broodnodige terapie nie. Of studiegeld vir sy ongestremde kind se studies in ‘n rigting wat hom minder blootstel as sy pa.

Want sy pa het ook loop luister na grootbek-politici wat gesê het van sekere dinge wat “nooit” gaan gebeur nie. Gaan studeer Politieke Wetenskap en sulke rigtings, want ons het mense soos julle so bitter nodig.

Wat my persoonlik verskriklik die bliksem in maak is dat die Kemptonparkers, met stywe pensioene, steeds kan ontken dat hulle ore aangesit is, dat hulle bitter baie mense uitverkoop het, en dat Roelf en Pik boonop nog openlik sê hulle stem vir die ANC.

Ja, mense, ek het buitemuurs in 1994 – dus in die nuwe grondwetlike bedeling, Staatsreg ook gaan swot, en moenie vir my kom wolhaarstories aandra dat ons nou die “beste grondwet in die wêreld het” nie en dat die kollektief van individuele regte “modern” is en die beste minderheidswaarborge bied.

En moenie vir my kom vertel ons grondwet is op die Indiese geskoei sonder om by te voeg dat dit wat die Indiese grondwet ingebou het om minderheidsregte te beskerm, in die Suid-Afrikaanse weggelaat is nie. In kort, moenie brouwerk met *&^stories probeer regverdig nie.

Want dit is onwaar. Indië se interne staatsgrense is aangepas – soos die Nigeriese, om met geografiese modelle beter beskerming aan groepe te gee. En ‘n paar setels op nasionale vlak is vir die pre-Indiese inboorlingbevolking gereserveer.

En gaan lees maar oor die regte – ook soos in kontemporêre regspraak neerslag vind, hoe die Amerikaners regte aan hul Indiaanse bevolking verskans. En ag ja, as julle moeite het om iets te vind, veral in Afrikaans, soek maar net op die uwe se blog.

Sê dit nie iets as die naïewer of gelaaide “regverdigings” vir die behandeling wat die Boetmans te beurt val van vroue kom nie – Ilse Bigalge, Zelda Jongbloed en nou Marida Fitzpatric.

Ja, ‘n jaar gelede het die uwe ‘n arbeidsregkursus met onderskeiding voltooi, en wat vreeslik vassteek en moeilik met die Staatsreg wat vroeër verwerf is afgaan, is dat almal vir regstellende aksie kwalifiseer, maar dat ongestremde, wit mans met wetgewing spesifiek uitgesluit word.

Wat beteken dit? Dat vroue wat dit wil regverdig nie kwalifiseer om menings te lug nie, want hulle is nie aan die ontvangkant daarvan nie.

Solank die Roelfs en die Pikke onboetvaardig is, so lank gaan Tim du Plessis preek dat dit nie help om die “blaming game” met daardie “onderhandelaars” te speel nie. Tim is reg dat dit nie help nie, en Tim is reg dat mens moet kyk hoe om dit ten beste aan te spreek. Dit neem egter nie die trauma van verlies weg nie, veral as ‘n mens weer en weer bloedneus kry nie.

En intussen moet jy ‘n fort in stand hou, en ‘n gewapende reaksiemag betaal om jou gesin te beveilig. ‘n Gesin wat jy geskep het toe sekere dinge “nooit” sou gebeur nie.

En om dan nog op ‘n mens se gevoel te speel oor “kyk net na die plakkerkampe” (weet Marida en kie hoeveel wit mense woon al daar?) laat my dink aan die laaste diens wat ek by ‘n vorige predikant bygewoon het.

Dié dag preek hy oor “stres” wat so verkeerd is want ‘n mens moet al jou vertroue in die Here stel. Maar iewers raak hy deurmekaar en al die “stres-simptome” wat hy noem is eintlik suiwer depressie. En gaan vertel nou vir iemand met depressie hy is eintlik besig om te sondig deur depressie te hê…

Dan gaan nog mense soos Boetman dit nie maak nie.

 

оборудование для обслуживанияДанильченко

Die Bul en die BMW

“Dit moet seer sekerlik moeilik wees om te leef met jou een voet in die moderne wereld en jou ander in die Middeleeue.”

Dink vir een oomblik watter sielewroeging jy moet deurgaan, Gucci pak aan die lyf, nuutste selfoon in die hand, BMW sleutels wat bult in jou sak, wanneer jy die oproep tot aksie kry: ‘n Bul moet sterf. Jy moet hom kom help doodmaak met jou kaalhande. As jy dit nie doen nie, gaan die voorvaders die oes verwoes.

Dink net – jy stap deur Sandton se winkels met jou duur Europese voorkoms, werk in elke winkel met elke assistent hard aan jou regte Engelse aksent. En jy kry die oproep om Afrikaan te kom wees by die huis die naweek, doer in die voetheuwels van Tjaka se ryk. Kom verspil bloed met jou kaal hande, of die oes misluk.

Jy wil-wil vir jouself begin vra: “Watter oes? Wat wie geplant het?” Jy dink-dink aan jou kollegas by ‘n groot batebestuurder, en wonder wat hulle sal sê as hulle jou moet sien in jou stertvelletjies, al dansende tussen die vet hoofmanne en kaal maagde.

Jou gemoed stoei met jou wanneer jy jou swart Nazisedan se neus by die winkelsentrum se uitgang uitstuur. Links of Regs? Links is huis – oftewel jou meenthuis in ‘n sekuriteitskompleks. Regs is ook huis – die voetheuwels van Kwa – Zulu.

Jy draai regs. Huis toe. Afrika toe. Soos wat die paar honderd kilometer onder jou wiele verbyrol voel jy al hoe meer bevry van jou eurosentriese gedagtes. Die gedagte aan die bul wat brul, die bloed wat spuit, die maagde wie se borste wip en wieg terwyl hulle jil van bloedlus laat ‘n warm gevoel in jou opstoot – ‘n primitiewe afwagting neem in jou oor en in jou lendene roer dit.

Jy arriveer by jou kraal, net so voor drie in die oggend. Jy weet jy is tuis, fisies en psigies.

Saterdag breek aan. Jy verlaat jou hut, trots geklee in jou diervel deurtrekkertjie, en blink van die Vaseline gesmeer. Die Gucci-klere is in ‘n tas in die BMW se kattebak, geparkeer tussen jou hut en die bokke se kraal.

Die seremonie begin drie ure laat, maar die wag was vir jou die moeite werd. Die hoofmanne praat vir ‘n uur of twee oor die politiek, die halfnaakte maagde dans ‘n vrugbaarheidsdans – en dan, skielik – gaan ‘n gejil op.

Die bul is hier. ‘n Horde oemfaans jaag hom in die kraal in. Die gejil word al skriller, en so ook jou manlikheid. Jy wil bars van opwinding en afwagting.

Dan begin dit. Die bloedlustigheid, die wreedheid, die gejil, alles, alles meng vir jou saam in ‘n opwinding wat jy nie later kan onthou nie. Die jong impi’s slag die iul. Hulle steek hom, terg hom, lag vir hom, dans om hom. Die wit glimlagte skitter soos hulle spring van opgewondenheid, en elkeen probeer meer pyn aanrig as die vorige. Toe die bul lê, spring hulle op sy testikels tot dit bars, en skaterlag vir die pynlke gebulk. Die maagde spring en bons en jil. Jou siel neem oor en jy spring vorentoe, jy dans in die bloed, jy skop en steek en lag en smeer jouself met die warm lewensbloed. Jy is tuis.

Jy kan nie veel onthou van Saterdagaand nie. Dis laat Sondagoggend en jy is oppad terug Gauteng toe. Jou kop is te seer om op iets anders as die pad te probeer konsentreer. Rondom sewe – uur die aand kom jy moeg aan by jou meenthuis, val in jou Europese bed, stel jou wekker en slaap.

Maandagoggend breek aan. Jy besef die naweek is verby toe jy jou duur Europese pak en skoene aantrek. Die gedagtes oor die 14-jarige meisie in jou hut vervaag terwyl jy die snelweg aanvat in jou swart Duitse voertuig. Jy groet ‘n uur later die wit ontvangsdame by die batebestuurder waar jy werk met ‘n perfekte glimlag in perfekte Engels.

‘n Halfuur later sit jy in die raadsaal, en luister verveeld na die wit uitvoerende hoof se relaas. Terwyl jou ooglede begin swaar word, dink jy terug aan die naweek in die voetheuwels van Kwa -Zulu en ‘n lui glimlag speel om jou mondhoeke.

Toe die uitvoerende hoof jou skielik vra vir jou weeklikse verslag – wat jy nie opgestel het nie – verskreef jou oë, jy kyk hom aan met haat, en hy verander in jou geestesoog in ‘n bul. ‘n Wit bul wat geslag moet word. Jy voel skielik baie tuis.

 

пескоструйный компрессорДанильченео

Die geval Malema – al weer

Die beste medisyne vir Malemasitus is om dit te ignoreer – ook deur die media.

Hierdie advies word kort-kort gegee, maar om verskeie redes werk dit nie alte lekker nie.

As dit kom by die steel van die kollig is Malema ‘n kleptomaan. Boonop word hy nie net vrye teuels gegee nie, maar die middele om sy omstredenheid die wêreld in te dra.

In ‘n onlangse artikel op ANC Today laat waai hy behoorlik. Hy maak ‘n paar geldige standpunte soos dat rassisme landswyd hoogty vier. Waar die gemiddelde mens van hom sou verskil, is sy skynbare aanname dat rassisme net deur wit mense gepleeg kan word – ‘n houding wat in sy wese juis die kroon op rassisme plaas.

“Blanke mans,” skryf hy, “is geteel en gekultureer onder institusionele rassisme en is nie in staat om te waardeer en te verstaan dat swart mense, Bantoes in besonder, ook menslike wesens is en dat hulle in staat is, of meer in staat is, as wit mense om die werk wat gedoen moet word, te verrig nie.”

Hy sê miljoene plaasarbeiders en huishoudwerkers lewe met brutale rassisme op ‘n daaglikse basis, maar hul stemme word nie gehoor nie.

Malema beskuldig wit kinders voorts dat hulle swartes as sub-menslik sien. Dit, aldus ‘n Afrikaanse weergawe van die artikel soos op Praag se webwerf verskyn.

Mag stellings soos hierdie wat in die ANC se amptelike mondstuk verskyn en aanlyn wêreldwyd gelees kan word bloot geïgnoreer word?

Om bloot reg te help, help duidelik nie, want die regte feite is al tot vervelens toe opgediep, bloot om weer iewers, selfs van kabinetsvlak af, as feite opgedis te word.

Dit sal Bitterbang Bibberbeentjies Malema loon om in gedagte te hou dat sy uitsprake persepsies voed. ‘n Skootbrakkie kan immers nie mense aan die hakskene hap sonder om die reputasie van ‘n hakskeenhapper te kry nie. Mense wat Malema se uitsprake stilswyend kondoneer moet dan ook nie ander mense van rassisme beskuldig as hulle self die rassisme aangeblaas het nie.

In hierdie geval gaan dit egter verder as blote stilswyende kondonering. Dit was nie maar net ‘n losbek-uitspraak van ‘n verhoog nie, maar op ANC Today. Selfs al sou die ANC aandui dat hierdie uitsprake nie noodwendig die mening van die ANC verteenwoordig nie, maak die causale verband dit uiters moeilik om op enige ander wyse te vertolk. Afgesien van ANC Today se status, is Malema die ANC se Jeugliga-president, en het pres. Jacob Zuma hom onlangs as ‘n waardige, toekomstige president van die land gesalf.

Vandag is die oë van die wêreld op Suid-Afrika met die Fifa-trekking wat in Kaapstad plaasvind. Alles dui daarop dat sake in hierdie opposisievesting goed gaan verloop en dat die Moederstad Suid-Afrika se buitelandse beeld ‘n reuse hupstoot gaan gee.

En elders in die land? In die Wes-Vrystaat is oproer oor swak munisipale dienslewering, die Vrystaatse Hooggeregshof het verskeie tenders, onder meer vir die herstel van paaie, op die ys geplaas weens vermeende tendergeknoei, Eskom jaag die bloeddruk saam met die pryse op, die Tswane-metroraad verloor ‘n onwenbare saak in die Grondwethof, en dan is daar nog Malema ook.

Gaan Malema dit werklik duld dat Kaapstad, al is dit net vir ‘n dag, sy donderweer steel?

 

apk gratisДанильченко Юрий Брониславович Харьков

Waak vir Chris Louw môre by Markspark in Johannesburg

Chris LouwJoernaliste, skrywers, aktiviste vir Afrikaans en gewone Afrikaners gaan môre Saterdag 5 Desember vanaf 16.00 in die “Colonial Room” (ironiese benaming!) by Markspark in Johannesburg byeenkom om hulde aan die ontslape joernalis Chris Louw te bring. RSG, Beeld, praag.co.za en ander publikasies en media sal daar verteenwoordig wees.

Lede van die publiek en lesers van Chris Louw se rubrieke en artikels is insgelyks welkom om die geleentheid by te woon. Verversings sal bedien word en daar sal ‘n kontantkroeg beskikbaar wees.

Elkeen wat Louw geken het, sal die geleentheid hê om oor ‘n luidsprekerstelsel te praat en aan hom hulde te betoon of hul sê te sê. Louw se selfmoord te midde van die bestaanskrisis wat Afrikaners ervaar, het ‘n ongekende reaksie veroorsaak en ‘n behoefte onder Afrikaanse mediamense en skrywers ontketen om rondom Louw se dood met mekaar te assosieer en te besin.

Van die bekendes wat die geleentheid gaan bywoon, benewens dr. Dan Roodt van PRAAG, is Foeta Krige, uitvoerende regisseur van Monitor op RSG, Tim du Plessis, redakteur van Beeld, Andriette Stofberg, redaktrise van die nasionale bylaag “By” wat in Beeld, Burger en Volksblad versprei word. Dr. Frederik van Zyl Slabbert, voorsitter van die Caxton-groep en voormalige politikus, ry spesiaal van Swaziland af om die geleentheid by te woon.

‘n Groep Afrikaanse skrywers onder die afgetrede akademikus, dr. Charles Malan, gaan insgeslyks by Markspark te siene wees.

Die verwagting is dat die gesprek, besinning en kuier tot middernag sal duur en diegene wat eers later as 16.00 wil of kan opdaag, sal steeds welkom wees.

Uitgewery Praag gaan honderd-en-twintig eksemplare van die volledige “Ope brief aan Willem de Klerk”, die sogenaamde “Boetmanbrief” by die byeenkoms uitdeel. ‘n Kameraspan van www.praag.co.za sal ook die gebeure op video vaslê vir latere verspreiding op die internet.

Markspark is die sportsgronde tussen Emmarentiadam en Melvillekoppies in Johannesburg. Dit kan vanaf die ou DF Malanrylaan (tans Beyers Naudé Drive) bereik word. Indien enigiemand navraag wil doen of aanwysings wil hê, stuur ‘n e-pos aan inlig@praag.org.

 

free online casino playФільчаков прокурор

Baanbrekende sonkragvliegtuig maak kort vlug

Die prototipe van Solar Impulse, ‘n baanbrekende Switserse poging om om die wêreld op sonkrag te vlieg, het gister kortliks vir die eerste keer onder batterykrag opgestyg, sê die organiseerders.

Die hoë-tegnologie enkelsitplektuig met die vlerkspan van ‘n Airbus A340 passasierstraler, 63,4 meter, het ‘n beheerde 400-meter vlug omtrent ‘n meter bo die aanloopbaan by Duebendorf lugmagbasis naby die Switserse stad Zürich gemaak, sê medestigters Bertrand Piccard en André Borschberg.

“Nog nooit het ‘n vliegtuig soos dié een gevlieg nie, en dis uitsonderlik, want dit is ‘n gebied van vlug wat tot dusver nie ondersoek is nie,” het Borschberg, die uitvoerende hoof van Solar Impulse gesê.

“Dit was baie belangrik om te sien of dit sou opstyg en op watter manier ons dit stabiel kan hou,” het hy bygevoeg.

Ten spyte van sy vlerkspan weg die vliegtuig net 1,600 kilogram, omtrent soveel soos ‘n middelslag motor.

Hoewel die prototipe uitgerus is vir sonkragvlug, is die vier elektriese motore vir die geleentheid deur batterye aangedryf.

‘n Eerste ononderbroke 36-uur vlug in die donker in Switserland word vir die lente van 2010 beplan, met die vooruitsig van ‘n vyffasevlug rondom die wêreld in 2012.

 

системы освещенияЛобановский Харьков

22 dood na selfmoordbomaanval in Somalië

‘n Manlike selfmoordbomdraer wat soos ‘n vrou aangetrek is, het gister in ‘n klein deeltjie van die hoofstad wat nog onder regeringsbeheer is, ‘n gradeplegtigheid aangeval en 22 mense gedood, insluitende drie kabinetsministers, dokters en mediese studente.

Die aanval is ‘n ernstige terugslag vir ‘n land wat geteister word deur oorlog, en het die regering se slap greep op selfs dié klein area van Mogadisjoe onderstreep. Vredestroepe van die Afrika Unie wat die regering beskerm, is elke dag in gevegte met Islamitiese militantes wat groot dele van sentraal en suidelike Somalië onder beheer het, en wat so astrant in die hoofstad optree dat hulle openbare teregstellings uitvoer.

“Wat vandag gebeur het, is ‘n nasionale ramp,” het Somalië se minister van inligting, Dahir Mohamud Gelle, gesê. Hy het bevestig dat die minister van onderwys, hoër onderwys en gesondheid in die ontploffing gesterf het. Die ministers van sport en toerisme is in die aanval in die Shamo Hotel gewond, het hy gesê.

Die aanvallers het een van Somalië se belangrikste pogings om hulleself uit die anargie en geweld te sleep, getref, en dit verduidelik die teenwoordigheid van soveel hooggeplaaste regeringsamptenare. Die voormalige mediese studente was onder die gegradueerdes wat uit maar net die tweede klas wat diplomas van die mediese skool ontvang het.

Die eerste klas het ‘n jaar gelede gegradueer. Voor dit was dit amper twee dekades sedert enige iemand deurgekom en ‘n mediese graad in Somalië ontvang het.

 

ручной пневмоинструментФильчаков прокуратура харьков

Hof weier Bin Laden se seun toegang tot Brittanje

‘n Poging deur een van Osama bin Laden se seuns om Brittanje te besoek, is gister deur ‘n immigrasietribunaal verwerp te midde van vrae oor sy beoogde huwelik met ‘n Britse vrou en sy houding teenoor sy pa.

Omar bin Laden, 28, het in April 2008 sy appèl teen Brittanje se weiering om hom toe te laat om daarheen met die Brits-gebore Zaina Alsabah, met wie hy beweer hy in sy tuisland van Saoedi-Arabië in 2007 getroud is, verloor.

Die adjunk-president van die asiel- en immigrasietribunaal, Mark Ockelton, sê hulle egverbinding “was nie as geldig onder Engelse wet beskou nie,” deels omdat albei destyds met ander mense getroud was.

Ockelton het bygevoeg dat hy “nie tevrede was” dat die paartjie, wat in September 2006 ontmoet het, enige bedoeling gehad het om saam te woon nie.

In hulle verwerping van Omar se aansoek, verlede jaar, het Britse owerhede in Egipte, waar die paartjie gewoon het, sy “voortgaande lojaliteit” teenoor sy pa as een rede aangevoer en gesê sy teenwoordigheid in Brittanje sal “publieke kommer” veroorsaak.

Ockelton sê ‘n persoon se ouers behoort nie teen hulle te tel wanneer daar besluit word of hulle tot Brittanje toegelaat moet word nie, maar sê Omar se siening dat sy pa nie ‘n terroris is nie “mag kommer veroorsaak.”

“Dit kom vir my voor of die teenwoordigheid in die Verenigde Koninkryk van ‘n persoon wat nou verbind is aan Osama bin Laden, en die standpunte uitspreek wat die aansoekdoener uitspreek, waarskynlik openbare ongerustheid en moontlik openbare onrus sal veroorsaak,” sê hy.

Omar is die vierde van 11 kinders van sy pa se eerste vrou en is na bewering een van 19 wat verwek is deur die man wat verantwoordelikheid aanvaar het vir die 11de September 2001 se aanvalle op die Verenigde State. Hy beweer hy het sy pa nog nie weer sedert 2000 gesien nie.

Zaina, voorheen bekend as Jane Felix-Browne, is ‘n Moslem wat al ten minste vyf keer tevore getroud was, het die tribunaal se beslissing gesê.

 

машины игрушкаФильчаков Александр Васильевич

Venezuela se Chavez nasionaliseer twee banke

Venezuela se linksgesinde president, Hugo Chavez, het gister gesê dat hy die nasionalisering van nog twee banke, wat deur sy regering gesluit is om beweerde rekeningkundige onreëlmatighede te ondersoek, genasionaliseer.

Nuus dat die twee banke in privaatbesit, Confederado en Bolivar, die nuutste teikens van Chavez se pogings is om die ekonomie te herskep, het Venezuela se geldeenheid en aandele in ope verhandeling laat tuimel.

“Sodra hulle gerehabiliteer is, sal die Bolivar en Confederado banke deel word van die openbare finansiële stelsel,” het Chavez aan ‘n gebeeldsende vergadering van ekonomieministers gesê.

Chavez het hierdie week twee ander privaatbanke – Banco Canarias en BanPro – ontbind na ‘n reeks nasionaliserings in ander sektore.

Sedert hy in 2007 in die amp bevestig is, het Chavez beweeg om maatskappy te beheer in die kragvoorsiening-, sement-, staal-, oliedienste- en bankbedrywe.

Meer as 70 persent van Venezuela se banksektor is in private besit, maar die staat het die hoof finansiële akteur geword deur in Mei die Banco de Venezuela, die land se derde grootste bank en voorheen in die besit van die Spaanse groep, Santander, te nasionaliseer.

Chavez het aangedui dat hy nog privaatbanke, wat hy daarvan beskuldig het dat hulle hulle “uitleensending” verraai het om sodoende in “finansiële spekulasie” te spesialiseer, in die visier het. Dit kom teen die agtergrond van ‘n verlangsamende Venezuela ekonomie.

Volgens JP Morgan, ‘n VSA-gebaseerde finansiële dienstefirma, sal die bruto binnelandse produk met 2,5 persent hierdie jaar krimp, soos wat buitelandse beleggings en die lopende rekeningbalans versleg.

 

детские заводные игрушкиОлександр Фільчаков прокурор