Dan Roodt, Author at praag.co.za

Hik! Staatsknoeiery kan Motata weer laat ry

14:25:26 'n Staatsgetuie in die dronkbestuursaak van die Pretoriase regter, Nkola Motata, het staatsaanklaers formeel in die hof daarvan

Motata

beskuldig dat hulle haar gedreig het.

Metropolisiebeampte, Paulina Mashilela, het voor haar kruisverhoor gesê sy het 'n klagte om in te dien. Sy het gesê dat dit vir haar 'n probleem is om te getuig aangesien sy met die verlies van haar werk en 'n lang tronkstraf gedreig is.

Landdros Desmond Nair het vandag gelas dat die Direkteur van Openbare Vervolgings, Charin de Beer, in die hof moet verskyn om dié beweerde dreigemente te verduidelik.

Motata se advokaat ter verdediging, Danie Dorfling het na die verrigtinge gesê die insident moet in die regte konteks geplaas word sodat dit nie wanindrukke skep nie.

Hy sê die klagtes is voor die deur van die staatsaanklaers gelê en het benadruk dat dit die uitslag van die saak kan beïnvloed.

Motata word van dronkbestuur aangekla nadat hy met sy luukse Jaguar deur 'n tuinmuur in Johannesburg gejaag het aan die begin van verlede jaar.

Фільчаков прокурор

Hamilton s? botsing was opsetlik

Lewis Hamilton

12:28:35 Lewis Hamilton het sy formule-eenteenstaander, Felipe Massa, daarvan beskuldig dat hy opsetlik teen hom gebots het in die Japannese Grand Prix.

Die twee het gedurende die tweede rondte van Sondag se wedren gebots nadat beide bestuurders gestraf is weens kuipe-oortredings.

Dit verminder Hamilton se voorsprong na 5 punte voor die Ferrari-bestuurder, met nog twee wedrenne oor vir die seisoen.

Hamilton, wat vir McLaren bestuur, het dié naweek alle diplomasie oorboord gegooi het voor die komende Sjinese Grand Prix en vir Massa beskuldig van vuilspel.

“Ek het die draai soos normaalweg geneem, en hy (Massa) het aggressief teruggekom en my getref,” het Hamilton gesê. Volgens hom was dit opsetlik.

Massa ontken die beskuldiging en sê hy kan nie glo dat Hamilton dit so sien nie.

Massa is agtste oor die wenstreep maar het opgeskuif na sewende plek ná ‘n besluit deur wedrenbeamptes om die sesde geplaasde Sebastien Bourdais met 25 sekondes te straf vir ‘n botsing in die 50ste rondte.

slots online no deposit bonus Фільчаков прокурор

Luke Watson se uitbarsting van Afrikanerhaat

Dis betreurenswaardig dat Luke Watson se uitlating die eeue-oue koloniale haat wat beduidende getalle Engelssprekendes steeds teenoor Afrikaners voel, so kru moet verwoord.

Watson slaan dieselfde trom as Nadine Gordimer en ander ikone van Afrikanerhaat in Suid-Afrika en hul werklike tuiste, Groot Brittanje. Hy wil op die Springboknaam braak omdat dit Afrikaans is. Sy vergesogte wens dat alle sogenaamde "Dutchmen" vanuit die nasionale span verwyder word, kom neer op 'n Freudiaanse verspreking wat die volksmoordfantasieë verraai wat steeds deel uitmaak van wat dit beteken om "Engels" in Suid-Afrika te wees.

Daar bestaan 'n intieme verband tussen Suid-Afrika se flirtasies met linkse totalitêre denke en die koloniale wens om die Afrikanervolk, asook individuele Afrikaners, uit te moor, uit te wis, te onderdruk of van die openbare lewe uit te sluit. Anti-Afrikaanse gevoelens floreer gewoonlik in linkse kringe of onder die verengelsde lede van die swart elite wat tot die klub van jingoïste Rooinek-kommies toegelaat is op grond van hul gemeenskaplike haat vir Afrikaans en die Afrikanervolk.

Waarskynlik is dit nie verbasend dat Watson se aanmerkings aan die Universiteit van Kaapstad gemaak is nie, 'n instelling wat reeds lank 'n sentrum, nie net van linkse denke is nie, maar ook van die gruwelikste Afrikanerhaat. Op 'n sekere vlak, kan mens Watson nie werklik blameer nie, aangesien hy bloot die produk is van Engelse instellings soos die Universiteit van Kaapstad en sommige van die meer elitistiese Engelse skole waar Afrikanerhaat en skeltaal oor "Dutchmen" deel van die amptelike kurrikulum uitmaak.

Watson se bewering dat hy "anti-rassisties" is, is tegelyk lagwekkend en oneerlik. Sowel Robert Mugabe as Idi Amin het al in die openbaar verklaar dat hulle teen rassisme en diskriminasie gekant is. Watson se gebruik van die "Dutchman"-terminologie verraai sy aandadigheid aan die mentaliteit van Kitchener en Roberts, die argitekte van die Boerekonsentrasiekampe, en wat voorhou dat Suid-Afrika 'n Engelse land of kolonie is waarin Afrikaners geen plek het nie.

Wat Watson se idee van Suid-Afrikaanse rugby sonder Afrikaners nog meer belaglik maak, is sy eie middelmatigheid, asook die middelmatigheid van kwotaspelers oor die algemeen. Die waarheid wat moeilik is om te sluk, is dat indien die Springbokspan of 'n nuwe nasionale span met een of ander polities korrekte Engelse naam van Afrikanerspelers gesuiwer sou word, dit konsekwent sou verloor en uiteindelik op die vlak van die huidige Zimbabwiese nasionale span sou beland.

Ons doen 'n beroep op alle Afrikaners en alle patriotte, waaronder daardie Engelssprekendes wat kolonialisme en Afrikanerhaat agtergelaat het, om te verenig in die stryd om die Springboknaam te behou.

длинной прихожей Фильчаков прокурор

Russe behou energievoordeel in Baltiese staat

‘n Referendum wat gehou is in Litoue om oor die toekoms van dié Baltiese land se enigste kernkragaanleg te besluit, het nie die nodige hoeveelheid stemme gekry nie, het beamptes Maandag bekend gemaak.

Litoue het ooreengekom om die kragsentrale in 2009 te sluit as deel van die ooreenkoms om in 2004 by die Europese Unie aan te sluit. ‘n Plaasvervangende kragstasie, wat gesamentlik met Estland, Letland en Pole gebou moet word, sal nie reg wees voor 2015 nie.

Politici vrees dat ‘n sesjaarenergiegaping Litoue se afhanklikheid van Rusland gaan vergroot en die ekonomie kan skaad. Die Ignalinakernkragsentrale verskaf tans sowat 70% van Letoue se elektrisiteit.

Die referendum was beoog om die publiek se ondersteuning van die sluiting te monster, met die verdere doel om die Europese Unie onder druk te plaas sodat Ignalina behou kan word.

Kiesers moes op die stembrief aandui “Stem julle saam dat die Ignalinakragstasie gebruik moet word totdat ‘n nuwe een gebou kan word?”

Die kiesers het met sowat 9 teen 1 “ja” geantwoord, maar die referendum het nie die 50% kiesers getrek om die uitslag te wettig nie, en op 47.80 % was die stempersentasie net-net te min gewees, volgens data wat deur die Litouse verkiesingskommissie bekend gemaak is.

Zuma wil met Tutu gesels

Voorbereidings is aan die gang vir ‘n persoonlike vergadering tussen Jacob Zuma, ANC president, en aartsbiskop emeritus Desmond Tutu. ANC-segsman, Ishmael Mnisi, het dit aan die Citizen dagblad bevestig, en ook bygevoeg dat Zuma daarna uitsien om vir Desmond Tutu te ontmoet.

Dit tyd en plek is egter nog nie vasgestel nie.

Tutu het onlangs gesê dat hy nie sal stem indien die regerende party nie sy interne onmin kan oplos nie. Hy het verder ook aan Zuma gesê dat hy nie moet probeer om die land se president te word nie, vanweë die voortslepende vervolging oor wapentransaksiekorrupsie.

Voor die ANC se Polokwanekonferensie het Tutu beswaar gemaak teen Zuma se deelname aan die presidensiële wedloop, maar in die konferensie het Zuma die voormalige president oortuigend geklop.Tutu se besluit om die verkiesing te boikot is intussen deur sekere opposisie partye skerp veroordeel.

Helen Zille, leier van die DA sê dat Tutu se stelling roekeloos is. Sy sê verder dat as elke persoon wat ontnugter is met die ANC dié siening van Tutu ondersteun om nie te stem nie, ons in ‘n eenpartyland sal woon.

Lekota en Phosa ontmoet onder donker wolk

Die ANC se tesourier-generaal Mathews Phosa gaan beswaarde minister Terror Lekota 10 uur Maandagoggend ontmoet om te probeer om vrede te maak.

Verlede week Donderdag het Lekota nie vir 'n vergadering met Phosa opgedaag nie en Phosa het tevergeefs gewag.

Brian Sokutu, segsman vir die ANC, sê hy weet nie waarom Lekota nie opgedaag het nie. Lekota het geen rede verskaf vir sy versuim nie. Die beplande vergadering sal glo nie vandag by Luthulihuis plaasvind nie.

Lekota, een van Mbeki se volgelinge, dreig om uit te loop uit die ANC en 'n nuwe party te stig. Gauteng premier Sam Shilowa, wat reeds bedank het, mag Lekota dalk volg.

Jan-Jan Joubert, van Die Burger, berig dat Phosa gesê het hy is nou moeg vir Lekota se "nonsens" en dat hy dit nie langer gaan verdra nie.

Lekota het 2 500 ontevrede ANC-lede Saterdag in Langa by 'n vergadering opgesweep. Phosa het egter aangedui dat die ontmoeting met Lekota sal voortgaan ten spyte van sy uitsprake oor die naweek.

Joubert berig verder dat die ANC die werk van hulle streeksuitvoerende komitee in Kaapstad opgeskort het en dat hulle gaan optree teen ANC-verteenwoordigers wat Lekota se wegbreekaksie steun.

Franse soldate lei Swazi’s op

Franse soldate is besig om die Swazilandse Leër opleiding te gee in moderne militêre tegnologie in 'n poging om die Suider-Afrikaanse koninkryk te kan integreer met ander Pan-Afrika magte.

Die leier van die Franse brigade, Bruno Bourdoncle de Saint Salvy, sê dat die doel van die oefening gemik is daarop om die Swazi weermag te kan benut vir diensbeurte saam met die SAOG- en AU-magte.

Salvy het verder gesê dat hulle 'n span van 37 mense saamgebring het wat ten doel het om kennis te deel met die klein koninkryk se weermag in die opleiding wat plaasvind. Hulle het Dinsdag reeds in Swaziland aangekom en beoog om vir 10dae daar te wees.

Die Franse span is deel van die Franse Gewapende Magte in die Suidelike gebied van die Indiese Oseaan (FAZSOI). FASZOI dek ook ander Afrikalande soos Tanzanië, Malawi, Zambië, Mosambiek, Lesotho, Botswana, Namibië, Zimbabwe en Comore eilande. Ander lande is Suid-Afrika, Seyschelles, Madagaskar en Mauritius.

Volgens Salvy is FAZSOI 'n multinasionale oefening en al die lande moet bydra tot die Afrika-brigade.

new young fashon

Itali? debatteer rassisme

Abdoel William Guibre, met die bynaam Abba en gebore in Burkina Faso, wat onlangs deur twee Italianers doodgeslaan is, is nie die eerste slagoffer van geweld teen swartes in Italië nie. Die afgelope paar weke het 'n man uit Ghana en 'n vrou uit Somalië in onderskeidelik Parma en Rome aangerand terwyl ses swart Afrikane in Napels deur die Mafia doodgeskiet is.

Die voorvalle is hoog aangemeld en die Katolieke kerk het 'n beroep op die staat en kerk om saam te werk om "rassisme te oorkom". Verlede week het die parlement gedebatteer oor wat die koerante die "rassismenoodtoestand" noem. Minister van Binnelandse Sake, Roberto Maroni, sê egter dit is enkele gevalle wat oordryf word. Maroni is 'n lid van die regse, separatistiese Noordelike Liga.

Die eerste swart parlementslid in Italië, Jean-Léonard Touadi, stem nie saam nie. Hy en ander linksgesindes voel dit is maar die begin van 'n kommerwekkende neiging. Touadi is van Brazzaville, uit die Republiek van die Kongo. Maar Italië se toleransie vir arm immigrante wat tradisioneel deur 'n streng Katolieke lewensuitkyk gevoed word, word deur ekonomiese realiteite verdring.

Dit veroorsaak dat die kerk en staat in konflik met mekaar tree oor die kwessie. Die Vatikaan het verlede week kritiek gelewer op die "rassisme, xenofobie en rassime" teenoor immigrante. Daarteenoor het die Noordelike Liga verlede week gevra dat immigrantebeheer strenger moet word as deel van beoogde veiligheidswetgewing wat wettige immigrante sal huistoe stuur indien hulle 'n sekere aantal punte bymekaar gemaak het vir kriminele oortredings.

Die invloedryke koerant, Corriere della Sera, die grootste koerant in Italië, het verlede week 'n spotprent oor die aangeleentheid geplaas waarin 'n swart man wat na 'n verband om sy kop wys, vir 'n verblyfpermit aansoek doen terwyl hy sê "sewe punte". Punte en wondsteke is dieselfde woord in Italiaans naamlik "punti" en die spotprent is 'n woordspel op die geweld teen immigrante en voorgestelde puntestelsel vir kriminele oortredings

Die Noordelike Liga is die sentrale party in eerste minister Silvio Berlusconi se sentrumregse koalisie. Die noorde van Italië wat ekonomies ook die sterkste is, is waar die party se grootste steun lê. Immigrasie is aan die toeneem in Italië en wettige verblyfreg het met 17% gestyg.

Luke Watson verval in Afrikanerhaat

08:23:16 Luke Watson bevind hom midde-in 'n rugby-herrie vanweë sy stellings oor "Dutchmen" wat 'n te groot rol in rugby speel en dat hy op die Springbokrugbytrui "wil braak".

Watson is oorspronklik in die span ingesluit omdat hy en sy pa, Cheeky, uitgesproke ondersteuners van die ANC is. Dit het aan hom die bynaam "politieke kwota" besorg.

Die Suid-Afrikaanse rugby-unie (SARU) het in 'n verklaring sy skok uitgespreek oor Watson se anti-Afrikaanse uitlatings en die waarnemende Springbokkaptein, Victor Matfield, het gesê die Engelse speler se uitlatings is "verfoeilik".

Die rugby-unie het 'n dringende vergadering vir vandag belê met sowel die WP (Watse se kontrakterende unie) as die Universiteit van Kaapstad se rugbyklub waar die uitlatings gemaak is om die akkuraatheid van mediaberigte vas te stel.

Victor Matfield meen hy "het gehoop ons is verby die stadium waar mense van mekaar onderskei word op grond van ras, kultuur en taal. As Luke daardie woorde gebruik het, het hy miljoene jong Suid-Afrikaners se droom om eendag vir die Bokke te speel, verpletter."

Matfield het vervolg deur te sê: "Luke het hom vereenselwig met die erekode van die Bokspan wat sê jou eie belang is altyd ondergeskik aan dié van die span. Toe ek kaptein was, het ek my bes gedoen om Luke by al die aktiwiteite te betrek. Toe ek kaptein was, het ek my bes gedoen om Luke by al die aktiwiteite te betrek. Ek het hom gevra om insette te lewer in video- en spansessies, maar hy wou nie. Dis onwaar dat die ander spelers nie probeer het om hom te aanvaar nie. Dis eerder ’n geval dat Luke self nooit deel van die Bok-opset wou wees nie. Baie spelers het by my kom kla dat Luke in hart en siel nie ’n Bok is of wil wees nie.”

Intussen het Watson gereageer op die mediastorm wat besig is om rondom sy anti-Afrikaanse uitspraak op te laai. Volgens hom word hy deur "walging vervul dat mense tot dié vlak kan daal om 'n storie se onthalwe". Volgens hom was die geleentheid waar hy gepraat het 'n "private gesprek oor transformasie. Daar is 'n onwettige klankopname van gemaak en dit is onwettig versprei en daarom behou ek my regte voor."

Die pogings deur "sekere elemente" om sy uitlatings in 'n aanval op Afrikaners te omskep, is "oneerlik en veragtelik". Volgens Watson "het ons hele familie histories teen diskriminasie van enige aard geveg. Hoe op aarde kan ek van 'n anti-Afrikanerhouding beskuldig word? My ouma aan moederskant is 'n Van Rensburg, my oumagrootjie aan vaderskant was 'n Schoeman en my tante is 'n Swanepoel."

Watson het voorts gesê dat die "kwetsende en kwaadwillige progaganda-aanvalle" bereken was om die aandag af te lei van die "werklike kwessies" soos transformasie, vereniging en sportontwikkeling.

Die Engelse speler het verder die "die lasterlike aanval op hom verwerp met die veragting wat dit verdien".

Watson het luidens ’n berig op rugby365.com die beweerde uitlatings op 3 Oktober by die Ubumbo-rugbyfees by die Universiteit van Kaapstad gemaak.

Tydens sy toespraak het hy gesê: "Die probleem met Suid-Afrikaanse rugby is dat dit deur 'Dutchmen' beheer word." Hy het verder gesê dat die dra van die Springboktrui vir hom 'n las was en dat hy lus was om "daarop te kots" vanweë die "groter prentjie" wat ingesluit het dat "manne en vroue gebloei het" om hom daar te kry.

топкарго

Alonso doen dit weer in Japan

Fernando Alonso

17:27:14 Die arme Lewis Hamilton loop al weer deur. Nadat hy eerste op die wegspringstreep weggespring het en 'n aggressiewe eerste draai oorleef het, is hy juis oor dié voorval met 'n deurry gestraf.

Hamilton moes uiteindelik met die twaalfde plek tevrede wees. Massa, sy naaste teenstander, het met sy sewende plek nou binne trefafstand van Hamilton kom nes skop. Massa is nou net 5 punte agter Hamilton op die bestuurderspunteleer.

Massa het hoeka vir Hamilton in die tweede rondte gestamp en hom sodoende laat afgly. Hamilton moes toe vanaf die agtiende plek probeer terugveg. Ferrari is nou by Mclaren verby op die vervaardigersleer, maar daar is nog twee wedrenne oor en die punteverskil is slegs 6 punte met Ferrari op 141 en Mclaren op 135.

Kan Lewis sy voorsprong as bestuurder behou en ook die agterstand op die vervaardigerspunteleer uitwis? Die tyd sal leer. Fernando Alonso in sy Renault het sy tweede oorwinning vir die seisoen gehad.

free games online