Dan Roodt, Author at praag.co.za

Polisie hardloop weg vir ANC-jeugliga

“Die ANC behoort self aanspreeklikheid te aanvaar vir die skade aangerig aan eiendom deur ondersteuners van Julius Malema in Johannesburg tydens die dissiplinêre verhoor van die ANC-jeugleier”, het mnr. Jaco Mulder, VF Plus-LPW vir Gauteng gesê.

Mulder wat tans ‘n sitting van die Gauteng Wetgewer bywoon het gesê dat die aggressiewe wyse waarop die jeuglede die media en die SAPD aanval en in die proses skade aan omliggende eiendom aanrig, voorspel niks goeds vir die toekoms van Suid-Afrika nie.

“Indien die tipe optrede tiperend gaan wees van hoe die ANC-jeug hul protes toon, loop Suid-Afrika die gevaar om in totale wanorde en anargie te verval.” Mulder wat tans vasgekeer is in die gebou van die Gauteng Wetgewer het die ANC gemaan dat verdere optrede van dié aard brandstof kan wees vir ‘n rewolusie, ook onder ander kultuurgroepe.

Suid-Afrika benodig ‘n nuwe Kodesa, die huidige stelsel is nie volhoubaar nie en is reeds besig om rampspoedig te verloop.

In ‘n privaat epos het Mulder bevestig dat lede van die ANC-jeugliga deur die polisie se versperrings rondom die provinsiale wetgewersgebou gebars het en die polisie op die vlug geslaan het.

Aardverwarming moet soos rassisme bekamp word, sê Gore

‘n Onlangse peiling het aangedui dat klimaatsverandering is nie meer ‘n groot bron van kommer, veral in ontwikkelde lande is nie. Lug-en waterbesoedeling, sowel as watertekorte en afvalverwydering is van veel groter belang vir hierdie lande, het ‘n Nielsen-peiling bevind.

‘n Adviseur wat meegedoen het aan die opname en navorser by die Universiteit van Oxford se Omgewingsveranderinginstituut, het gesê mense moet “fokus op die onmiddellike bekommernisse soos werksekuriteit, plaaslike skoolkwaliteit en ekonomiese welvaart en dit het media-aandag vir klimaatstories in die afgelope twee jaar laat afneem.”

Intussen het ‘n onlangse studie bevind dat die aarde se vinnige verhitting veroorsaak dat plant- en dierelewe vreemd optree en beweeg na vreemdsoortige klimaatstoestande. Sekere wetenskaplikes, veral diegene in Al Gore, die voormalige Amerikaanse visepresident, se dampkring, blameer nietemin die onlangse toename in natuurrampe op aardverwarming.

Gore sê in ‘n onderhoud klimaatstwyfelaars sal eendag bejeën word soos wat mense rassiste sien, maw as sosiale uitgeworpenes.

Gore vergelyk die stryd teen rassisme met sy persoonlike stryd om die wêreld bedag te maak op aardverwarming en die skeptici te beveg. “Daar kom ‘n tyd wanneer mense sê: ‘Haai man, waarom praat jy só met my, ek gaan nie luister nie, so moenie op die manier met my praat nie. Ek glo dit nie.’

“Dit het gebeur in miljoene gesprekke, en stadig het ons die gesprek [oor rassisme] gewen. Ons het nog steeds rassisme. God weet, maar dit is nou so anders en soveel beter. En ons moet die gesprek oor klimaat wen,” het hy bygevoeg.

Die voormalige vise-president het ook gesê dat ons nodig het om ‘n organiese vegetariese dieet vir die algemene bevolking te inisieer, aangesien die industriële landbou bydra tot die meedoënlose, groeiende probleem van aardverwarming.

Volgens Gore, het om vleis te eet, daartoe gelei dat die woude verdwyn as gevolg van sintetiese stikstof wat gebruik word in kunsmis en tot globale verwarming lei.

Gore het ‘n beroep op Amerikaners gedoen om kweekhuisgasse te bekamp, en byvoeg dat “die bestaan van ons beskawing bedreig word.”

Фильчаков

Rassegeweld wat nooit erken word nie

Die sogenaamde “flash mobs” of kitsbendes het die maklike storie van wat rassisme is, op sy kop gedraai. Politici, die media, akademici, en die juridiese gemeenskap het nie die kapasiteit om die probleem die hoof te bied nie, skryf ‘n rubriekskrywer op die webblad van American Thinker, getiteld The Racial Violence that Dare Not Speak Its Name.

John T. Bennett sê in sy stuk sê die huidige dogma van wit rassisme is te diep gewortel. Daar is ‘n griefbedryf rondom die veroordeling van wit rassisme en onverdraagsaamheid, werklik of denkbeeldig, gebou. Inderdaad, die welsynstaat self is grootliks gebaseer op die aanname dat blankes meer behoort te gee om rasse-gelykheid te bevorder.

President Obama, sê Bennett kla gereeld dat die burgerregte-beweging nie fokus op die ekonomiese herverdeling van rykdom nie.

Maar, sê Bennett, die politiek korrekte status quo sal nie erken dat die ergste vorm van rassisme vandag die swart gepeupel se geweld teenoor blankes is nie.

Lees hier.

Duisende Malema-ondersteuners sak op Johannesburg toe

Duisende ondersteuners van die ANC-jeugliga het Dinsdagoggend deur die Johannesburgse middestad gehardloop en motoriste is in chaotiese verkeer vasgekeer.

Motoriste is van die pad gedwing en talle het omgedraai om nie in die swart mensegolf vasgevang te wees nie.

ANC-jeugliga-ondersteuners is deur die polisie met traanrook bestook en die polisie moes rubberkoeëls gebruik om op opstandige protesgangers te skiet en te keer dat hulle by geboue in die middestad inbreek.

Die polisie probeer tans die groeiende skare in bedwang hou met lemmetjiesdraadversperrings, maar oproerige Malema-ondersteuners beur vorentoe, en bestook die polisie en media met klippe en bottels.

Die situasie by Luthulihuis waar mnr. Julius Malema vanoggend om 10:00 verhoor word, is tans uiters gespanne.

“Die getalle groei aan,” het Wayne Minnaar, woordvoerder van die Johannesburgse metropolisie, gesê.

Minnaar het motoriste gewaarsku dat verskeie paaie in die stad gesluit is.

Sauerstraat is by Markstraat afgesper, Simmondsstraat is by Pritchardstraat afgesper en Harrisonstraat is by Pritchardstraat afgesper.

‘n Groep ondersteuners van die ANC-jeugliga het ‘n nagwaak buite Luthuli-huis gehou ter ondersteuning van Malema en sy medebeskuldigdes.

Malema word saam met Floyd Shivambu, Ronald Lamola, Sindiso Magaqa, Kenetswe Mosenogi en Pule Mabe aangekla. Hulle word daarvan beskuldig dat hulle die ANC in oneer bring en verdeeldheid saai in dié party.

Александр Фильчаков

Iran help Libiese rebelle stilletjies

Iran het “strategiese” humanitêre hulp aan Libiese rebelle voorsien voor die val van Tripoli, het die Jam-e-Jam koerant berig. Dié koerant het Iran se minister van buitelandse sake Ali Akbar Salehi Sondag aangehaal.

“Ons was in kontak met baie van die rebellegroepe in Libië voor die val van [Moeammar] Gaddafi, en het drie of vier strategiese kos en mediese besendings na Benghazi gestuur,” het Salehi aan die koerant gesê.

“Die hoof van die Nasionale Oorgangsraad (NTC), Moestafa Abdel Jalil, het ‘n brief van dank aan president Mahmoud Ahmadinejad gestuur omdat hy [die president van Iran] aan hulle kant is en help,” het hy bygevoeg.

Sedert die Libiese opstand uitgebreek het in die middel van Februarie, het Iran ‘n tweeledige benadering: Kritiek op die Gaddafi-regime vir die gewelddadige aanvalle op die rebelle, terwyl hulle terselfdertyd NAVO se militêre ingryping veroordeel.

Dinsdag het Iran “die Moslem mense van Libië gelukgewens” nadat rebelle die hoofstad, Tripoli, oorrompel het, maar het hulleself tot dusver gedistansieer van amptelike erkenning van die NTC.

Libiese rebelle maak swartes voor die voet dood

Die voorsitter van die Afrika-Unie sê Libiese rebellemagte maak voor die voet swartes dood omdat die rebelle geen onderskeid tref tussen trekarbeiders en huursoldate nie.

Volgens Jean Ping, voorsitter, is dit die rede waarom die AU weier om die rebelle se Nasionale Oorgangsraad (NTC) as die tussentydse regering te aanvaar.

“Ons het duidelikheid aangaande die saak nodig.

“Dit wil voorkom asof die NTC swartmense met huursoldate verwar.

“Hulle maak onskuldige werkers dood,” het Ping gesê.

Ná ‘n week se hewige gevegte met magte wat getrou bly aan Moeammer Gaddafi, het die NTC die hoofstad van Libië oorgeneem.

Ping het gesê daar is geen twyfel daaraan dat die NTC die hoofstad beheer nie en het ‘n beroep op beide groepe gedoen om hul wapens neer te lê.

Zuma oorsee vir Julius se verhoor

Pres. Jacob Zuma sal vandag na Oslo, Noorweë, reis vir ‘n staatsbesoek om bande tussen die twee lande te versterk.

Zuma is deur koning Harald V uitgenooi om Noorweë te besoek.

Die staatsbesoek sal vanaf 31 Augustus tot 1 September duur.

Suid-Afrika en Noorweë het ‘n spesiale en unieke verhouding weens die Europese land se ondersteuning van die Suid-Afrikaanse struggle.

Noorweë was ‘n belangrike bydraer – finansieel en prakties – in die stryd teen apartheid.

Zuma se besoek kom terwyl die Johannesburgse metropolisie voorbereidings tref vir Julius Malema, ANC-jeugleier, se dissiplinêre verhoor.

Die polisie het reeds strate begin sluit vir Malema se verhoor, wat Dinsdag afskop.

Lede van die ANC-Jeugliga het Maandagaand op Vuvuzelas geblaas en in die strate van Johannesburg gedans ter ondersteuning van die liga se president, Julius Malema.

“Die lafaards is bang, ons moet skiet… skiet met ‘n geweer,” het meer as 70 ANCYL-lede gesing soos hulle na die ANC se hoofkwartier, Luthuli-huis, gemarsjeer het.

Sommige het plakkate gedra wat teen alles van kapitalisme en Vodacom tot Botswana se president, Ian Khama, uitgevaar het.

“Ons sê nee vir ‘n militêre basis op ons kontinent wat onder Amerika se beheer is. Ian Khama – die pop – ‘n belediging vir Afrika. Viva Julius Malema,” het een plakkaat gelees.

Die groep het ‘n Vodacom-t-hemp gebrand en rondom dit gedans.

“Ons moet gedissiplineerd wees,” het een van die lede gesê toe die groep verkeer by ‘n verkeerslig geblokkeer het.

Die ANC het verlede week aangekondig Malema en Floyd Shivambu, woordvoerder van die liga, sal dissiplinêr verhoor word en daarvan aangekla word dat hulle onmin in die party gesaai het en die party se naam in oneer gebring het.

Malema het onlangs gesê die ANCYL sal ‘n span na Botswana stuur om opposisiepartye te konsolideer en te help om ‘n bewindverandering mee te bring, aangesien geglo is die regering in dié land is “in volle samewerking met imperialiste” en ondermyn die “Afrika-agenda”.

Meer as 200 polisiebeamptes was Maandagaand by Luthuli-huis ontplooi.

Paaie na die gebou is vir verkeer gesluit om plek te maak vir die ANCYL-ondersteuners.

Die verhoor sal Dinsdag en Woensdag plaasvind.

Die polisie buite Luthuli-huis het gesê paaie sal Maandagnag en moontlik die hele Dinsdag gesluit wees.

Gaddafi in Zim?

Sommige waarnemers het gesê dat kol Moeammar Gaddafi uit Libië gevlug het na Zimbabwe mbv ‘n straler wat deur Zimbabwe se president Robert Mugabe beskikbaar gestel is.

Dié nuus kom te midde van die begin van rebelle se opmars na sy tuisdorp Sirte.

President Mugabe se politieke teenstanders beweer dat hulle spioene Gaddafi in die land sien aankom het op ‘n Zimbabwe Air Force-straler in die vroeë oggendure van Woensdag.

Hulle sê die Libiese diktator is na ‘n herehuis in Harare se Gunninghill-voorstad geneem, waar agente van sy vroulike lyfwag blykbaar opgemerk is terwyl hulle die gebied gepatrolleer het.

“Daar is geen twyfel dat Gaddafi hier is as ‘n spesiale gas van Mugabe nie,” het ‘n woordvoerder vir Zimbabwe se opposisieparty, die Beweging vir Demokratiese Verandering , die MDC, aan die Britse Sun gesê.

Gaddafi het waarskynlik gevlug vanaf ‘n vliegbasis in sy tuisdorp van Sirte, wat die afgelope paar dae deur NAVO-vegvliegtuie gebombardeer is.

Die kolonel se bunker in die kusdorp is die afgelope paar nagte deur die Britse Tornado -vegvliegtuie bebombardeer.

Een bron het gesê: “Libië is ‘n baie groot land en die Gaddafi-regime het baie tyd gehad om ‘n ontsnappingsplan voor te berei.”

Thabo Mbeki het intussen in Stellenbosch skerp kritiek uitgespreek teen NAVO se aanvalle in Libië en gesê die Weste gun Gadaffi geen ander kans as om te bly veg en ‘n burgeroorlog te ontketen nie, omdat hulle ‘n internasionale lasbrief vir sy inhegtenisname aangevra het.

Фильчаков прокурор

Malema sê hy is die produk van God

Dae voordat die ANC-jeugliga sy verskyning voor die regerende party se dissiplinêre komitee moet maak, het die Jeugliga se president, Julius Malema, en sy ondersteuners ‘n verenigde front gevorm.

Malema en sy tesourier-generaal, Pule Mabe, het vir God goddelike ingryping gebid en honderde van die liga-lede gemobiliseer in die land ter ondersteuning van hul leiers.

Busvragte ondersteuners van ten minste drie provinsies en sal na verwagting buite Luthuli-huis, die party se hoofkwartier in Johannesburg, vergader.

Terwyl die Jeugligaverteenwoordigers reeds provinsiale vergaderings in Johannesburg, Bloemfontein, Polokwane, Kimberley en Witbank georganiseer het, het Malema aan die African Methodist Episcopal Church in Soweto gesê die liga moet nie onderdruk word nie. Hy het homself met oud-president Nelson Mandela vergelyk, toe hy nog in die jeugvleuel gedien het tydens apartheid.

“Jy kan nie ‘n jeugliga hê wat nie praat nie; [ons] is waar ons vandag is as gevolg van die Jeugliga.

“President Mandela het [gedurende apartheid] na die oudstes gegaan en vir hulle gesê:” Hierdie strategie wat julle gebruik om briewe aan die koningin te stuur sal nooit ons mense bevry nie. Ons moet veg vir ons eie vryheid “.

“Die ouderlinge het op daardie tydstip hom van disrespek beskuldig. Hulle het gesê hy is beïnvloed deur die kommuniste. Sy gebrek aan respek en die invloed die kommuniste het hierdie vryheid van vandag aan ons besorg. Dit is as gevolg van die energieke jeug [dat ons vry is].

“Die verantwoordelikheid van die ouderlinge is dat energie nie onderdruk word nie – jy moet daardie energie koester, jy moet dit rigting gee,” het Malema gesê.

Malema se preek van die kansel af kom te midde van die ANC en sy bondgenote, die SA Kommunistiese Party en Cosatu se oproepe dat die regerende party moet optree teen Malema en sy woordvoerder, Floyd Shivambu.

Malema, wat vir die tweede keer aangekla word deur die party vir swak dissipline, word verteenwoordig deur twee senior advokate, Patrick Mtshaulana en Terry Motau, van Duma Nokwe.

Vrydag het Malema gepraat by die jong vroue se vergadering in Irene, naby Pretoria, en gesê dat die ANC nie ‘n “vark” is wat sy eie kinders opeet nie.

“Ons wil graag saamstem met die oudstes dat die ANC ‘n groot olifant is. Maar ons moet die oudstes ook herinner dat die ANC nie ‘n vark is wat sy eie kinders eet nie,” het hy gesê.

In Soweto gister het Malema kerkleiers gevra om te bid vir die politici.

“Die kerk moet suksesvolle swart mense beskerm, want vandag word elke suksesvolle swart persoon as ‘n krimineel gesien.”

“Wanneer een van ons eie aangeval word, word, in plaas van die beskerming van daardie persoon, saamgesing in die koor en jy weet nie dat om by die koor aan te sluit, jy die werk van God ondermyn nie. Want ons is die produkte van God,” het Malema gesê.

Libiese terroris nie deur rebelle uitgelewer nie

Die Libiese Nasionale Oorgangsraad sal nie die man uitlewer wat skuldig bevind is aan die Lockerbie-lugramp in 1988 nie.

Amerikaanse senators het die leiers van die rebelle – wat wyd as Libië se oorgangsregering erken word – gevra om Abdel Baset al-Megrahi uit te lewer. Hy is die enigste verdagte wat skuldig bevind is aan die ontploffing van die Pan Am-vlug 103 oor Lockerbie in Skotland.

Twee-honderd-en-70 mense, meestal Amerikaners, is in die ongeluk dood. Die Libiese aangewese minister van Justisie, Mohammed al-Alagi sê die versoek van die senatore het geen betekenis nie, aangesien al-Megrahi reeds skuldig bevind en gevonnis is.

Die Skotse regering het hom in 2009 vrygelaat, omdat hulle van mening was dat hy sterwend was aan kanker. Al-Megrahi het na Libië teruggekeer waar hy ‘n heldeontvangs gekry en sedertdien in ‘n gesogte woonbuurt in Tripoli gewoon het.

Volgens berigte is hy met die beleg van Tripoli deur veiligheidswagte weggeneem na ‘n onbekende bestemming.

прокурор Фильчаков