Dan Roodt, Author at praag.co.za

De Doorns weer in opstand

Minstens sewe mense moet vandag in die hof verskyn, na ‘n gewelddadige betoging op die N-een snelweg naby De Doorns in die Boland.

‘n Groep betogers van die GG-informele nedersetting het motoriste met klippe bestook.

Die snelweg was gister vir etlike ure gesluit. Inwoners eis elektrisiteit en huise. Die toestand is volgens berigte weer kalm vanoggend.

‘n Woordvoerder van die polisie, Frederick van Wyk sê die sewe verdagtes sal aangekla word van openbare geweld, aanranding en opsetlike saakbeskadiging.

De Doorns was reeds in die nuus nadat inwoners buitelanders aangeval en uitgedryf het tydens die opwelling van vreemdelinghaat ‘n paar jaar gelede.

Ten spyte daarvan dat Wouter Basson nege jaar gelede in die Pretoriase hooggeregshof vrygespreek is, het die Gesondheidsberoeperaad weer in 2007 aanklagte van onetiese gedrag teen die hartspesialis wat die ou weermag se chemiese oorlogvoeringprogram – Project Coast – gelei het, gebring.

Basson het in 2008, die Pretoriase hooggeregshof genader om die verhoor teen hom te stop, en sê die Raad is bevooroordeeld en sal enige iets doen om hom te beskuldig van onprofessionele gedrag.

Verlede jaar het die hof Basson se aansoek van die hand gewys. Die raad het sy verhoor Maandag hervat.

Vroeër in die dag, is dr Ben Steyn, die militêre dokter wat by Basson in 1993 Project Coast oorgeneem het, geroep om te getuig oor sy 2008-aansoek by die Gesondheidsberoeperaad vir toestemming om ‘n vlieënier in chemiese navorsings-program vir die weermag te gebruik.

Steyn se getuienis is in camera gehoor, en sou na verwagting oor ‘n uur neem, maar het slegs ‘n paar minute geduur.

Volgens die Raad se hoofbestuurder vir regsdienste, Tshepo Boikanyo, het Steyn gesê dat hy regsadvies nodig het, en die toestemming van sy bevelvoerders om te getuig.

Basson se regspan, onder leiding van Jaap Cilliers SC – wat Basson reeds suksesvol verdedig het – het vroeër gevra dat Steyn se geklassifiseerde brief aan die Gesondheidsberoeperaad waarin hy aansoek gedoen het vir toestemming om die loodsstudie uit te voer, sowel as die raad se resolusie oor die aansoek, en ander korrespondensie tussen Steyn en die Raad, as getuienis toegelaat word.

Die staatsaanklaer het gesê Cilliers se aansoek om toegang tot die dokumente is onnodig en sal die verhoor verleng. Hy het gesê die dokumente het geen invloed op Basson se saak nie, omdat dit verband hou met ‘n tydperk lank voor Steyn se aansoek.

Maar Cilliers meen toegang tot hierdie dokumente is “uiters belangrik vir Basson se verweer en vir die komitee om ‘n behoorlike bevinding te maak.”

Afriforum is ‘n ‘rassistiese lobbygroep’

Adriaan Basson, assistentredakteur van City Press, het ‘n aanval geloods op Afriforum omdat die organisasie volgens hom geld invorder deur ” slagofferskap” te veins. Hy stel vrae aan Kallie Kriel oor hoekom Afriforum Afrikaners “mislei” in ‘n ope brief aan Kriel. Citipress is deel van Media24.

Basson meen Afrikaners se regte word nie bedreig nie. Hy het nie uitgebrei oor die regte van witmense nie, en slegs na Afrikaners verwys.

Basson se kritiek volg op die hakke van die aankondiging dat die DA se wit leiers sal moet terugstaan vir swart gesigte asook Bathabile Dlamini se uitsprake. Dlamini, minister van maatskaplike welsyn en lid van die ANC se Nasionale Uitvoerende Komitee, het eweneens ‘n striemende aanval op Afriforum gedoen.

Die organisasie beywer hom nie vir burgerregte nie, meen Basson, maar is ‘n “rassitiese lobbygroep” wat verhoudinge in Suid-Afrika wil polariseer en slegs Afrikaners se belange wil bevorder.

Samewerking met swart burgerregtegroepe, soos Abahlali baseMjondolo, ‘n drukgroep vir plakkers wat nie huise kan kry nie, en die Landless People’s Movement, sou heelwat kon vermag om die misverstand dat Afriforum ‘n pro-wit drukgroep is, uit die weg te ruim, glo hy.

Afriforum se “Burgerregtemanifes” volgens Basson, het die organisasie daartoe verbind om die bevordering van die regte van “al die inwoners van Suid-Afrika” na te streef en nie net die regte van Afrikaners nie. Die organisasie is ook in hul manifes daartoe daartoe om “skikkings vir die botsende belange van gemeenskappe op voortdurende grondslag te soek”, iets wat Afriforum nie doen nie.

Basson glo Afrikaners is tans gelukkiger as in 1994.

Kriel het in antwoord op Basson gesê: “Adriaan maak ‘n wanvoorstelling wanneer hy sê Afriforum mislei Afrikaners. Afrikaners eet lankal nie meer alles vir soetkoek op nie.”

Kriel het gesê die sukses van AfriForum se hofgedinge wys dat dié groep se vrese in werklikheid gegrond is.

“Afriforum wen byna elke saak in die hof. Die feit dat ons die sake wen waarmee ons hof toe gaan beteken dat ons binne die reg optree. Ek dink hoegenaamd nie ons mislei die publiek nie.” Kriel het gesê dis onregverdig om AfriForum te kritiseer vir sy sukses.

“As ons wil sê dis reg dat mense dat mense die hof gebruik om haatspraak aan te vat moet ons nie dubbele standaarde handhaaf en nou Afriforum uitsonder vir onbillike kritiek nie.”

Swarte maak kennis met Kiwi-rassisme

Vata Ngobeni, ‘n swart Suid-Afrikaanse rugby-joernalis, is in die vroeë oggendure aangehou nadat die polisie in Taupo, Nieu-Seeland, hom in ‘n kroeg aangekeer het.

Die polisie het vermoed dat Ngobeni, ‘n werknemer by Pretoria News, ‘n dwelmhandelaar is. Hy is ook ‘n rugby-ontleder vir die SABC.

Ngobeni is Maandagoggend na ‘n polisiestasie geneem en deursoek. Hy moes al sy klere uittrek.

“Ek is nog nooit so verneder in my lewe nie,” het Ngobeni gesê.

Hy is kort ná die deursoeking weer vrygelaat.

“Ek het nog nooit hierdie soort behandeling gekry nie… om voor so baie mense as ‘n misdadiger uitgesonder te word, is iets wat ek nooit sal vergeet nie.”

Hy het aan die polisie verduidelik dat hy ‘n joernalis is wat die Springbokke se toer in Nieu-Seeland vir die Wêreldbeker-rugbytoernooi dek.

‘n Polisiebeampte het gereageer en gesê Ngobeni pas by die profiel van ‘n dwelmhandelaar.

Polisiebeamptes op die toneel het gesê hulle het hom na die polisiestasie geneem want “standaardprosedures” is gevolg.

Taupo-inwoners wat teenwoordig was, sê hulle het simpatie met Ngobeni.

“… Daar is ‘n paar idiote in die varkfabriek (polisiestasie) in hierdie dorp,” het ‘n bejaarde man gesê.

‘n Ander ooggetuie het gesê die polisie is geneig om “ou motors met swart bestuurders” vas te trek.

Die polisie het Ngobeni later om verskoning gevra.

“Ek sal Taupo nooit weer besoek nie, dis vir seker,” het die swart joernalis gesê.

Motlanthe in Sjina

Adjunkpresident Kgalema Motlanthe kom Dinsdag in Sjina aan op ‘n besoek wat daarop gemik is om politieke en ekonomiese bande tussen die lande te versterk.

Te midde van ‘n trae internasionale ekonomie wend talle moondhede hulle tot die wêreld se naasgrootste ekonomie vir beleggings en handelsgeleenthede.

Suid-Afrika en Sjina het reeds sterk bilaterale betrekkinge sowel as samewerking binne die Brics-groep.

Die Oosterse reus ontkom egter nie heeltemal aan die woelinge in die internasionale ekonomie nie. Volgens berigte het Sjina se reuse vervaardigingsektor vir die derde agtereenvolgende maand gekrimp, wat tot verdere senuagtigheid op wêreldmarkte aanleiding gee.

Die Griekse minister van Finansies, Evangelos Venizelos het berigte verwerp dat hy die moontlikheid van beheerde wanbetaling met die hoof van die Internasionale Monetêre Fonds, Christine Lagarde en die hoof van die Europese Sentrale Bank, Jean-Claude Trichet bespreek het.

Intussen is meer besonderhede bekend oor ‘n omvattende plan wat waarop gemik is om die skuldkrisis in die Euro-gebied op te los. Diegene wat die vergadering van die IMF in Washington bygewoon het sê banke en ander instellings wat Griekse skuldeisers is, sal ‘n verlies van 50 persent van die waarde van die skuld moet aanvaar.

Intussen het Europese aandeelpryse verstewig ná verlede week se verliese, terwyl beleggers reageer op die nuus van ‘n omvattende plan om die Europese skuldkrisis onder beheer te bring.

Die hoofbeurs in Frankfurt het met meer as drie persent gestyg. In reaksie hierop het die markte in New York ook stewiger geopen.

топкарго развод

Demokrasie of pigmentokrasie?

‘n Pigmentokrasie kan nie ‘n demokrasie wees nie, al sou so ‘n land al die strukturele eienskappe besit soos verkiesings wat met ‘n liberale grondwet gepaard gaan. ‘n Pigmentokrasie kom voor in lande waar die nuutgevonde vryheid op politieke gebied binne ‘n vrye mark omgewing verkry word en waar markdominante etniese minderhede bestaan.

Suid-Afrika is nou volledig ‘n pigmentokrasie.

In haar boek ‘World on Fire” skryf Amy Chua ondermeer oor markdominante etniese groepe. Haar werk het my laat dink aan die dringende waarskuwing wat JH du Toit aan Afrikaners in sy onlangse artikel,” Volksmoord: dit gebeur” gerig het.

Chua se familie is Filipynse Sjinese. Laasgenoemde is ‘n etniese minderheidsgroep wat die ekonomie van die Filipyne oorheers. Hulle word dus, volgens haar, as ‘n markdominante etniese groep beskou. In haar doktorale studies probeer sy ondermeer vasstel wat die dryfvere agter die etniese haat is wat Sjinese sedert 1960 van die inheemse Filipyne ervaar. Om vas te stel of etniese haat teenoor markdominante minderhede ‘n unieke verskynsel was, het sy impiriese gegewens van reg oor die aardbol versamel en ontleed.

bevindings laat ‘n knop in my maag en bevestig grootliks wat du Toit in sy artikel waargeneem het.

Dominante etniese minderhede kom in die meeste lande voor. Voorbeelde is Jode (vroeër in Duitsland en tans in Rusland), Indiërs (Afrika), Sjinese (Filipyne en die VSA), Blankes (Zimbabwe en Suid-Afrika) ensovoorts.

Markdominante minderhede se verblyf in die gasheerland word deur die plaaslike bevolkings beskou as tydelik van aard, ofskoon hulle reeds vir baie geslagte daar sou woon.

Regdeur die wêreld word etniese haat hoofsaaklik deur demagoë gewek wat markdominante etniese minderhede teiken en as politieke sondebokke gewetenloos brandmerk om kiesers op te sweep of om onresalistiese verwagtings te skep. Demagoë is sodoende in staat om ondersteuning te werf “teen” ‘n skynbaar florerende vyand, in plaas van “vir” hulself. Dit verbloem hul onvermoë om weens persoonlike gebrek geen toegevoegde waarde aan die gemeenskap te aanbied nie.

Wanneer die sogenaamde liberale demokrasie dan in ‘n vryemark omgewing op ‘n land losgelaat word, word dominante minderhede die natuurlike prooi van gewetenlose politici om hul eie politieke loopbane te bevorder. Chua bevind dat die kombinasie van ‘n liberale demokrasie in kombinasie met die vrye mark hoofsaaklik verantwoordelik is vir die uitbreek van etniese haat wat tans regdeur die wêreld voorkom en in sommige gevalle op volksmoord uitloop.

Sy bevind dan ook dat die sogenaamde lydende massas nooit beter daaraan toe is nie, maar inderdaad aan groter swaarkry blootgestel word vanweë die feit dat die nuwe “inheemse” eienaars van die ekonomie hulself tydelik verryk en die ekonomie onvermydelik daarna in duie laat stort.

Dan raak Chua ook aan die feit dat markdominante minderhede deel uitmaak van ‘n uitgebreide sakestelsel en sakevennote regdeur die wêreld; iets wat die meerderhede dwars in die krop steek. Hul politieke ego’s word daardeur aangetas en dit speel reg in die hande van opswepende politici.

Sy konkludeer dat demagoë deur die demokrasie toegelaat word om op die snaar van etno-nasionailsme te tokkel terwyl hulle voorgee dat hulle na die belange van die verarmde, gefrustreerde en uitgeslote massas van die land omsien.

Sou mens haar bevindings nou op Suid-Afrika van toepassing maak, dan sal u meegevoel met die knop op my maag gevoel hê nadat ek Du Toit se artikel gelees het.

In Suid-Afrika is daar verskeie markdominante etniese minderheidsgroepe.

Die blankes domineer die groot sake, banke, myne, versekering, kommersiële landbou, motorbedryf ensomeer.

Afstammelinge van Indiërs, Arabiere, en Sjinese domineer die kleinsake sektor wat met swartmense handel dryf.

Dan is daar die Grieke, Libanese, Portugese en Italianers wat hoofsaaklik met die witmense op kleinhandelsgebied skakel.

Deur apartheid te demoniseer en die skuld vir hul eie mislukkings te gee, selfs sewentien jaar na die magsoorgawe, kan die massas se aandag op die minderheid gevestig word wat vir apartheid verantwoordelik was. So kom die die myne, grootsake, Landbou en Banke in hul visier.

Met sy twee nasies toespraak het Mbeki die eerste salvo in die rigting van blankes afgevuur:

“…ons waag dit dus om te sê dat Suid-Afrika’n land van twee nasies is. Een van hierdie nasies is wit, relatief gegoed; die tweede en groter nasie van Suid-Afrika is swart en arm; ons is nie een nasie nie, maar twee nasies. En ons is ook nie besig om een nasie te word nie…”

Daardeur het Mbeki ‘n demagoog geword om die valbyl op Mandela en Tutu se illusie van die reënboognasie te laat val, die land in twee nasies te verdeel en die slagordes vir sy opvolgers op te stel. Die vyand van die swart massas is nou amptelik die ander nasie, die nasie wat nie soos ons swart nasie lyk nie.

Daardeur het die aandrang op grondhervorming in heftigheid toegeneem en het die nasionalisering van die myne ‘n toekomstige beleidsopsie geword.

Die antwoord op die vraag waarom die ANC soveel vrye teuels vir Malema gee word hierdeur ook duidelik:

Deur ‘n jong turk soos Malema as demagoog te gebruik kan die ANC-leierskap met die nuutgevonde internasionale verering van hul demokratiese werkswyse hul opsies oophou om hom óf te repudieer óf te verswyg. Repudieëring sal vir die oorsese pawiljoen wees, terwyl verswyging ondersteunend vir die swart pawiljoen moet wees.

Stappe om Malema te dissiplineer word nie geneem nie, maar slegs aangekondig en uitgestel. Die dominante minderheid sal vir jare nog handig te pas kom as bron van belasting inkomste, as gemeenskaplike vyand om steun te verenig en om as sondebok vir hul eie mislukkings te dien.

Maar of daardie etniese haat in toom gehou sal kan word sodat dit nie op volksmoord uitloop nie, sal net die toekoms ons leer.

Is daar ‘n draaipunt? Die DA glo hulle kan sonder ‘n gemeenskaplike vyand soos byvoorbeeld die dominante blanke groep aan bewind kom. Ek betwyfel dit sterk, want etno-nasionalisme is die mees potente politieke gom om die massas mee saam te bind. Wat kan die DA daarsonder aanbied? Beter bestuur deur regstellende aksie beter toe te pas? Asseblief.

Etniese haat vier tans hoogty in meer as veertig oorsese lande en word gevoed waar ‘n vrye mark wat met die nuwe demokrasie gekombineer word. Suid-Afrika kan die onvermydelike gevolge van hierdie Molotov-mengsel dus nie ontsnap nie; dit is endemies in die psige van die massas regoor die aardbol wanneer ‘n nuutgevonde ‘vryheid’ sonder verpligtings en kitsrykdom utopies aan hulle voorgehou word.

Daarom vind ek dit verstommend dat die Kodesa-onderhandelaars hierdie basiese wetenskaplikheid nie eers nagevors het nie. Sou hulle dit gedoen het, sou ‘n beter onderhandelde skikking waarskynlik moontlik gewees het.

En daarmee wil ek met JH du Toit saamstem dat Afrikaners ‘n werkbare en praktiese gebeurlikheidsplan agtermekaar moet kry.

Winston Churchill het glo eendag gesê, “…hoe verder ek in die geskiedenis ingaan, hoe beter kan ek die toekoms lees.”

Woon in ‘n balie… soos Diogenes

Skakel gerus in op praagTV eerskomende Vrydagaand 30 September om 20.00 vir ‘n interaktiewe praatjie deur dr. Dan Roodt oor die volgende onderwerp: “Diogenes, askese en Afrikanerdekadensie” by die volgende skakel:

http://www.livestream.com/praag

Askese, onthouding en die stryd van die mens teen sy drifte, asook materialisme, is onderliggend aan die Westerse beskawing en die Christelike etos. Die mees ekstreme voorbeeld van askese is sekerlik te vinde by die ou-Griekse filosoof, Diogenes van Sinope, wat in ‘n balie gewoon, geen besittings behalwe ‘n paar boeke gehad het nie en by mense om geld en kos gebedel het. Slegs fragmente van sy filosofie vanaf die vierde eeu voor Christus is aan ons oorgedra, maar daaruit kan ons sy totale lewensbeskouing aflei.

Ná ‘n uiteensetting van Diogenes se denke, word die vraag gevra: Is ware askese moontlik en watter nut het Diogenes se leer van onthouding vandag vir ons?

Tans beleef die Afrikaner die mees dekadente periode in sy geskiedenis en het hy willoos geraak voor die aanslag van propaganda, materialisme, plesier, vermaak, sport, dwelms en alkohol. Om die wil herbou, is askese en onthouding wel nodig.

Benewens Diogenes se siniese askese, word enkele ander vorme van ‘n eenvoudige, nederige lewenstyl bespreek, sowel Westers as Oosters. Watter asketiese ideaal behoort elkeen van ons na te streef?

Moenie die verrassende antwoord misloop nie! Besoek praagTV by http://www.livestream.com/praag eerskomende Vrydagaand 30 September om 20.00 en klets saam tydens hierdie direkte video-uitsending op die internet.

Palestyne spartel, VSA geïsoleer

Die Palestyne se inisiatief om by die VN erkenning te soek as ‘n staat, en wat Maandag voor die Veiligheidsraad sal dien, staar ‘n opdraande stryd in die gesig om die nege stemme wat nodig is vir goedkeuring te beveilig.

Sonder daardie stemme in die 15-lid liggaam, sal die Verenigde State van Amerika die verleentheid van die aansoek gespaar bly, asook ‘n verdere terugslag vir die spartelende vredespogings in die Midde-Ooste.

As die formele besprekings begin, meen diplomate dat die Palestyne slegs ses stemme op die raad kon inpalm, naamlik die van China, Rusland, Brasilië, Libanon, Indië en Suid-Afrika.

Die lande, behalwe Libanon, maak deel uit van die Brics-blok van opkomende magte wie se ekonomiese en diplomatieke invloed gegroei het mbv globale handel en die Verenigde State en Europa wat die vooruitsigte van nog ‘n resessie trotseer.

Maar diplomate sê die Brics-lande het geen spesiale poging aangewend om hul aansienlike gewig te gebruik om die Palestynse kwessie af te dwing nie. Hulle het in wese dieselfde benadering as altyd gevolg.

Washington bly egter geïsoleerd op die Raad as gevolg van voortgesette steun vir Israel. Talle VN-lidstate glo die vredesonderhandelinge met die Palestyne is deur Israel gesaboteer.

Om sy isolasie op die Veiligheidsraad te belemtoon was Washington die enigste stem teen die nedersettingsresolusie. Die ander 14 lede – insluitend Washington se Europese bondgenote soos Brittanje en Frankryk – is gekant teen die Verenigde State en Israel se besluit om voort te gaan om Joodse nedersettings in sogenaamde Palestynse gebiede op te rig.

Alhoewel die Europeërs saamstem met Washington dat die Palestynse VN-bod onverstandig is, is die EU en die Amerikaners se posisies ver van mekaar.

Palestynse president Mahmoud Abbas het Vrydag vir VN-lidmaatskap aansoek gedoen namens ‘n Palestynse staat in die Wes-Oewer en die Gazastrook. Die hoofstad sal Oos-Jerusalem wees.

Die raad sal die Palestynse aansoek om lidmaatskap Maandag agter geslote deure bespreek, maar geen onmiddellike optrede word verwag nie, het diplomate gesê.

Normaalweg kan die raad nie meer as 35 dae neem om ‘n aansoek om lidmaatskap te hersien en te evalueer nie. In Julie is Suid-Soedan, die 193ste VN-lid en die mees onlangse land om by die wêreldliggaam aan te sluit, in ‘n kwessie van dae goedgekeur en deurgegee aan die Algemene Vergadering, wat die besluit bekragtig het.

Westerse diplomate op die Veiligheidsraad sê dit is nie die geval met die Palestynse aansoek nie. Die Verenigde State en Israel is heftig gekant teen die skuif.

Maar Abbas het aan verslaggewers gesê hy verwag dat die Raad ‘n besluit sal maak in die komende “weke, of maande”.

Palestynse minister van buitelandse sake Riyad al-Malki het erken sy afvaardiging het nie voldoende steun nie. Om te slaag, moet nege stemme ten gunste en geen veto van die vyf permanente lede van die Raad – Brittanje, China, Frankryk, Rusland en die Verenigde State, uitgebring word nie.

“Ons is besig om na dit [die verkryging van nege stemme] te kyk en ek dink ons sal dit bestuur,” het Malki gesê.

Malki het die name van Gaboen, Nigerië en Bosnië as sleutelroterende lede van die Raad genoem wat hy hoop om oor te wen na die Palestyne se kant. Tydens verlede week se Algemene Vergadering van die VN, het die drie “swaaistate” nie openbaar of hulle ten gunste van die Palestynse VN-lidmaatskap sal stem nie.

Afrikaans op sy beste

Aksie ten bate van Afrikaans is broodnodig. Sulke inisiatiewe word egter grootliks onvermeld in die Afrikaanse hoofstroomkoerante en dit terwyl hulle klaarblyklik finansieel by die onderskraging van Afrikaans kan baat.

In die KaapRapport, 11 deser, p 06, word berig dat daar tussen formele en informele taal en tussen skryf- en praattaal onderskei word. Standaardafrikaans word veral met die formele en skryftaal geassosieer, maar as praattaal ook met situasies soos in die klaskamer en die kerk. Dat daar variëteite van Afrikaans is, bv streektale soos Namakwalands, behoef geen betoog nie. Dit is ook ‘n feit dat Afrikaans, soos ander hedendaagse tale, aan ander tale ontleen. Tradisioneel was daar die gesonde gewoonte om woorde uit veral Nederlands en Duits oor te neem, dikwels in aangepaste vorm. Sodanige ontlening bedreig nie die eiesoortigheid en voortbestaan van Afrikaans nie.

Daarbenewens word die geskiedenis van Afrikaans deur ‘n besonder oorspronklike skeppingsvermoë gekenmerk. In die vorige eeu was daar afdoende rede om (oor die algemeen) trots op die gebruikers van Afrikaans en Standaardafrikaans te wees. Laasgenoemde is voorheen tereg Algemeen Beskaafde Afrikaans genoem. Van 1990 af en veral sedert 1994 het die situasie drasties verander en is daar sekerlik rede tot kommer.

Volgens die Rapport-berig is Afrikaans sedertdien gedemokratiseer. Die uitgangspunt is klaarblyklik dat demokrasie goed is; ook vir Suid-Afrika met sy massa ongeletterde en oningeligte inwoners. Die stem van iedere kieser dra dieselfde gewig, sodat kwantiteit oor kwaliteit seëvier met chaotiese gevolge. Oral in die openbare lewe geniet die belange van swartes voorkeur bloot omdat hulle meer is en hulle deurslaggewend die regering bepaal. Dit dien as spoorslag vir politieke korrektheid, ook by nie-swartes. Anders as voorheen, wil bruines nou ook swart wees. Baie wittes buig agteroor om swartes ter wille te wees onder die voorwendsel dat almal die land moet “laat werk”. In Afrikanergeledere is daar die bedenklike verskynsel van die verlooptes.

Wanneer Afrikaners in hierdie situasie taaltrots bepleit, word hulle as taalbulle geëtiketteer. Diegene wat hulle beywer vir ordentlike, suiwer Afrikaans word taalpuriste (pleks van taallojaliste) genoem. Oor die Engels-besoedelde “Afrikaans” van tieners word in die Rapport-berig beweer dat dit nie reg of verkeerd is nie. “Dis net anders”. Deesdae val die klem op die “ryke verskeidenheid” van Afrikaans, wat in die egalitariese politieke klimaat beteken dat Engels-besoedelde Afrikaans net so goed as tradisionele of Standaardafrikaans geag word. Die terreurbendes het ons vry gemaak. Almal kan maar met Afrikaans doen wat (bv mors soos) hulle wil. Afrikaans moet glo “gebruikersvriendelik” wees, gevolglik is dit onnodig om bedagsaam en met agting en waardering daarmee om te gaan. Volgens diesulkes moet daar nie moeite gedoen word om goeie Afrikaans te gebruik nie. Maar vir dieselfde elemente is dit ‘n saak van eer om goeie Engels te probeer besig. Daar word met twee mate gemeet.

Waarom so baie Afrikaners met hierdie toedrag van sake vir lief neem, is omdat hulle hulle selfrespek verloor het. Hulle is ondergeploeg deur die ruggraatlose, roemlose, algehele magsoorgawe van FW de Klerk & kie, gevolg deur onder andere die slu georkestreerde Waarheids- en Versoeningskommissie. Dag na dag is ‘n veldtog teen veral die Afrikaners in die koerante en oor die radio en televisie gevoer, deur mense soos Max du Preez en Antjie Krog. Geen poging is aangewend om ewewigtig met feite om te gaan en sake in perspektief te stel nie. Volgens die politiek-korrektes moet alles eie aan die vorige politieke bedeling gediskrediteer en verkieslik vernietig word en dit sluit sekerlik Afrikaans in.

Myns insiens is Afrikaans, eerder as bv godsdiens of politiek, die kern van die Afrikaner. As hy wil oorleef, moet hy sorg dat sy taal nie vermurwe word nie. Vandaar my vyfde gebod vir regte Afrikaners (na aanleiding van die Genootskap van Regte Afrikaners): “Benut Afrikaans altyd en oral. Beveg diegene wat Afrikaans misken en met Engelse woorde besoedel” (Praag-briewe, 13 deser).

Naas al die goeie dinge wat Solidariteit en Praag doen, is daar nog iets wat vir Afrikaans gedoen kan word. In Ierland voer die Iere ‘n opdraande stryd teen Engels. Taallojaliste dra in hulle knoopsgat of op hulle bors die fáinne, ‘n sirkelvormige goue of silwer lapelwapen of borsspeld. Ons het iets soortgelyk vir Afrikaanslojaliste nodig.

Selfverdediging dalk ook strafbaar onder nuwe wet

‘n Nuwe wetsontwerp gaan selfverdediging haas onmoontlik maak in ‘n land wat spog met ongekende vlakke van geweld en misdaad. Drie jaar agter tralies wag vir diegene wat met speelgoedgewere, pepersproei, messe en ander “gevaarlike wapens” in openbare plekke betrap word as die wet aanvaar word.

Selfverdediging sal nie as verweer gebruik kan word in sulke gevalle nie.

Pieter Groenewald, LP van die VF+, het die Konsepwetsontwerp op Gevaarlike Wapens wat vir kommentaar in die Staatskoerant gepubliseer is, as “absurd” afgemaak en sê die polisie sal danksy die wet “mense links en regs mense kan arresteer”.

“Die feit dat jy nie selfverdediging as ‘n verweer kan gebruik nie, maak die konsepwet ook ongrondwetlik. Dis om die minste te sê absurd.”

Volgens Groenewald is “feitlik enigiets van ‘n knipmes tot ‘n klip” ‘n gevaarlike wapen. “‘n Vrou wat laataand met pepersproei in haar handsak loop sal dus ook gearresteer kan word omdat sy nie mag aanvoer dis vir selfverdediging nie.”

Een van die wetsklousules stel dit uitdruklik: ” ‘n Verweer van selfverdediging word nie as ‘n redelike verduideliking vir die besit van ‘n gevaarlike wapen in ‘n openbare plek beskou nie.”

Die doel van die wetsontwerp is om die verouderde Wet op Gevaarlike Wapens van 1968 te vervang omdat die polisie vandag glo met nuwe uitdagings worstel.

“‘n Groot aantal moorde, rooftogte en ander ernstige geweldmisdaad word jaarliks met gevaarlike wapens soos messe gepleeg en ook met replikas van vuurwapens (speelgoedgewere) wat moeilik van ware vuurwapens onderskei kan word.”

Sulke replikas van vuurwapens sal ook onder sekere omstandighede verbied kan word.

topcargo

Skrywer: Dan Roodt