Spanning het hoog geloop en buitelanders het gekla dat hulle almal Afrikane is.
Aansoekers word lukraak elke dag uit die skare gekies wat die ander rasend maak as hulle nie uitverkies word nie.
Die woordvoerder vir die departement van binnelandse sake, Siobhan McCarthy het aan die Citizen-koerant gesê dat hulle 'n merkbare toename in die getalle sien.
Amerikaanse motoriste trotseer die gevaar van ongebreidelde dwelmgeweld in Meksiko om met goedkoop Meksikaanse brandstof vol te maak.
Hoewel daaglikse skietery in Meksikaanse grensdorpe 'n werklike gevaar verteenwoordig, sê motoriste dat hulle tot $100 per maand kan bespaar.
Die ekstra vraag veroorsaak tans tekorte by honderde van Meksiko se grensvulstasies en sommige het begin om petrol te rantsoeneer.
Meksiko se gesubsidieerde prys is omtrent $1,40 per gelling goedkoper as in die VSA waar dit $4 of net meer as R8 per liter kos.
Condoleezza Rice het China vandeesweek gevra om die VN-veiligheidsraad se strafoptrede teen Zimbabwe te steun.
Rice sê dat Washington met China saamstem dat Afrikanasies 'n groter rol moet speel, maar meen dat bykomende optrede in dié geval nodig is.
Na die vergadering met Rice, het die Chinese minister van buitelandse sake egter gesê dat Beijing ten gunste is van onderhandelings tussen Mugabe en die opposisie.
China is 'n permanente lid van die Veiligheidsraad en beskik daarom oor vetoreg oor enige besluite.
Die openingsvlug van die eerste gereelde diens in amper ses dekades het vandag in Taipei geland.
Die twee het in 1949 verdeel aan die einde van 'n burgeroorlog.
Die Airbus A330 vanaf China is met water bespuit en ongeveer 100 Chinese toeriste is deur 'n tradisionale leeudans by die Yaojoean internasionale lughawe verwelkom.
Ses-en-twintig toergroepe van China sal vandag vanuit Beijing, Sjanghai en Goeangsjoe aankom terwyl nege vlugte na Sjina vanaf Taiwan op dieselfde dag sal vertrek.
Alhoewel die media regoor die wêreld sy dood aangekondig het, is president Mwanawasa van Zambië nie oorlede nie.
Zambiese amptenare het gerugte van die dood van die 59-jarige president wat in Parys na 'n beroerte behandel word, ontken.
Die Zambiese owerheid het 'n beroep op die Suid-Afrikaanse pers gedoen om hulleself in te hou omdat hulle die mense van Zambië pyn en lyding aandoen.
Dat Robert Mugabe die ekonomie van Zimbabwe geruïneer het, verbaas eintlik nie. Dr. Hendrik Verwoerd het reeds in 1965 voorspel dat die destydse Rhodesië onder swart meerderheidsregering binne twintig jaar hongersnood sou beleef.
Wat mens ook al vandag oor Verwoerd mag dink, gee toe dat hy eenhonderdpersent reg was!
Mugabe is ook nie die eerste Afrikaleier wat ‘n eens florerende ekonomie tot ‘n val kon bring nie. Voor hom was daar Mosambiek onder Machel, Tanzanië onder Nyerere, Zambië onder Kaunda, die Ivoorkus onder Gbagbo, Oeganda onder Amin, die Kongo onder Mobutu en so kan ons aangaan.
Op een vlak kan mens egter Mugabe en Zanu-PF se frustrasie met die Westerse media verstaan. Hulle het verkiesing gehou op die Afrikamanier. Iets soos 87 mense is dood en ‘n verdere aantal beseer.
Dis veel minder as wat in die Keniaanse verkiesings van Desember 2007 dood is en ook veel minder as wat in Suid-Afrika in 1994 omgekom het. Tydens die 1994-verkiesing in Suid-Afrika toe ANC-hegemonie met geweld gevestig is, het 1000 mense gesterf. Nietemin het die wêreld dit as ‘n wonderwerk van verdraagsaamheid gesalueer. ANC-lede steek mekaar met messe of trek hul broeke af by politieke vergaderings. Politieke sluipmoorde in Kwazulu-Natal is redelik algemeen.
Dieselfde geld vir Kenia waar ‘n koalisieregering wat onder buitelandse dwang ná 1000 verkiesingsterftes en 300 000 ontworteldes tot stand gekom het, as model vir die hele Afrika voorgehou word.
Sowel Kenia as Suid-Afrika word deur die Westerse moondhede en hul media as modeldemokrasieë beskou. Die ongebreidelde moord, roof en verkragting in Suid-Afrika ten spyt.
Solank as wat die stemvee elke vyf jaar in toue by stembusse staan, kan daar maar geweld, taal- of rassediskriminasie, etniese suiwering en ekonomiese agteruitgang wees. Om te stem, of die demokratiese verkiesingsritueel, heel alles.
Die president van Zambië, Levy Mwanawasa, is in 'n Paryse hospitaal dood nadat hy vroeër vandeesweek 'n beroerte gehad het in die aanloop tot die AU-beraad in Egipte.
Die 59-jarige het oor skerp borspyne gekla.
Hy is na Parys oorgeplaas en in die intensiewe sorg geplaas.
Mwanawasa was ook die huidige voorsitter van die SAOG en 'n ondersteuner van Morgan Tsvangirai.
Kernprogramme in die Midde-Ooste en Suid-Asië dreig om in 'n streekswapenwedloop te ontaard.
Hoewel nie-kernmoondhede daarop geregtig is om vreedsame kernkrag onder die Kernsperverdrag te ontwikkel, veroorsaak die verrykingsprogram in Iran, wat wel die verdrag onderteken het, groot internasionale kommer.
In Mei 1995 het lede van die Kernsperverdrag besluit om dit onbepaald te verleng, maar geskille bestaan tussen die lande wat dit onderteken het, wat die verdrag verder verswak.
Die enigste land ter wêreld wat tot dusver vrywillig sy kernprogram gestaak het, is Suid-Afrika.
NASA, die Amerikaanse ruimte-administrasie, gaan sy samewerking met Rusland en ander lande versterk ten einde die VSA teen 'n moontlike asteroïdebotsing te beskerm.
Die Amerikaanse Kongres beplan om Rusland se RT-70-radar vir dié doel te gebruik.
Die voorspelde aantal asteroïdes, wat 'n bedreiging vir die planeet Aarde verteenwoordig, beslaan ongeveer 25 000.
Om 'n moontlike botsing met die aarde te vermy, sal die VSA met ander lande moet saamwerk.
Rusland se RT-70, wat bekend as die II-2500-radar bekend staan, is 'n baie kragtige radarstelsel wat die doel kan dien.
Die radar bevind hom in die verre ooste van Rusland, in die dorp Galenki.
Associated Press berig dat 'n baie geringe vorm van vroulike besnydenis, wat gewoonlik 'n speldsteek is, dikwels op babadogtertjies in Indonesië uitgevoer word.
Die regering het in 'n mediese omsendbrief gesê dat daar geen straf sal wees vir diegene wat dit ignoreer nie, maar het nie die kennisgewing openbaar gemaak nie.
Die praktyk word deur sommige Islam-predikers as verpligtend beskou.
Die Wêreldgesondheidsorganisasie beraam dat omtrent twee miljoen meisies gevaar loop om die oefening te ondergaan.
